 |
|
Ermənistanda artıq Zəngəzur dəhlizinin açılacağı ilə bağlı xof yaranıb. Erməni siyasiləri hesab edir ki, Tavuşdan sonra Süniki (Zəngəzuru - red.) də itirəcəklər. Bu mövzuya toxunan erməni politoloqlar öz şərhlərində qeyd ediblər ki, Qazaxın 4 kəndinin qaytarılmasından sonra növbəti addımda Azərbaycan Ermənistandan Naxçıvana dəhliz verilməsini tələb edəcək. Bu barədə erməni şərhçi Avetis Babacanyan yazıb: “Tavuşdan sonra Sünik gəlir. Növbəti addımda Azərbaycan Ermənistandan Naxçıvana dəhliz verilməsini tələb edəcək. Türkiyə rəsmiləri artıq açıq şəkildə deyirlər ki, Ermənistan-Azərbaycan münasibətlərinin nizamlanmasında növbəti mərhələ Zəngəzur dəhlizinin açılmasıdır. Müharibə təhlükəsi ilə Ermənistandan hər şeyi almaq olar. Nikol Paşinyan bunu göstərdi. Zəngəzur dəhlizini könüllü verməliyik, verməsək, müharibə olacaq. Paşinyan inandıracaq ki, məsələ o qədər də pis deyil, azərbaycanlıların o yoldan keçməsi üçün müəyyən imtiyazlar verilir, misal üçün, gömrük nəzarəti olmayacaq. Hakimiyyət Azərbaycana növbəti güzəşti müxtəlif səbəblərlə əsaslandıracaq, insanları əmin edəcəklər ki, Sünik tezliklə sülh qovşağına, ticarət mərkəzinə çevriləcək, hətta o qədər inkişaf edəcək ki, əvvəllər bunun niyə edilmədiyinə peşman olacağıq. Bütün bunlar sentyabr ayına qədər edilməlidir, çünki Azərbaycan, Türkiyə və Ermənistan tələsir. Zəngəzur dəhlizi sentyabr ayına qədər reallaşacaq”.Politoloq Vasif Əfəndiyev isə “Sherg.az”a açıqlamasında deyib ki, biz 44 günlük savaşı sülh savaşı adlandırmalıyıq:
“Azərbaycanın bu savaşdan sonra tərəflər arasında imzalanan aktı kapitulyasiya aktı adlandırmaq haqqı olduğunu heç kim inkar etmir. Lakin bu tərz erməni cəmiyyətini də çox narahat edir. Əslində bu savaş həm də sülhə məcburetmə savaşıdır. Ermənilər faktiki qorxu içində yaşayırlar. Qorxunu yaradan səbəb isə şübhəsiz ki, işğal dövründə etdikləri vandalizm və soyqırımıdır. Halbuki bütün olub keçənlərə baxmayaraq, ayıq başlı insanlar anlamalıdırlar ki, 1000 km uzunluqda sərhəddi olan iki qonşu dövlətin sülh və əmin-amanlıq şəraitində yaşamaqdan başqa heç bir doğru yolu yoxdur. Bu tezis daha çox Ermənistana aiddir. İnanın ki, indiki şərait və imkanlar qarşı tərəfin əlində olmuş olsaydı, bizə qarşı daha çox qəddar davranacaqdılar. Amma indi şərtlər elə dəyişib ki, bundan sonra uzun illər revanşistlərin işğalçılıq həvəsləri öləcək. İndi də yeni keşiş Baqrat oyununa başlayıblar. Bu cəhdlərin hamısı mənasız və özünü aldatmaqdır. Paşinyan da vəziyyəti anlamamış deyil, ona görə də üzərinə düşən ən ümdə vəzifə erməni cəmiyyətini Zəngəzur dəhlizinin açılışına hazırlamaqdır. Bütün maneələrə baxmayaraq, Şərqi Zəngəzuru Naxçıvana birləşdirəcək yolun inşası qarşı tərəfdə davam etdirilir. Qazaxın işğalda olan 4 kəndinin danışıqlar yolu ilə qaytarılması və təxminən 100 km-ə qədər sərhədin demarkasiya olunması ümidlərimizi artırır. Əslində bizim üçün bu, ümid deyil və gərəyi olarsa, 44 günlük müharibənin şərtlərini birtərəfli qaydada həyata keçirmək imkanımız da var. Fikrimcə, Zəngəzur dəhlizinin açılması Qafqaza böyük sülh gətirməsi ilə yanaşı daha qlobal hadisələrin gerçəkləşməsinə vəsilə olacaq”.
Səudiyyə Ərəbistanının ictimai təhlükəsizlik xidməti həcc qayda və təlimatlarını pozan zəvvarlara qarşı cərimələr tətbiq etməyə başlayıb.
Oxu.az xəbər verir ki, həcc qanununun əhatə etdiyi ərazilərə Məkkə şəhəri, mərkəzi ərazi, müqəddəs yerlər, Hərəmeyn dəmir yolu stansiyası, nəzarət-buraxılış məntəqələri, yoxlama mərkəzləri və müvəqqəti təhlükəsizlik keçid məntəqələri daxildir.
İstər Səudiyyə Ərəbistanı vətəndaşı, istər Krallığın daimi sakini, istərsə də gəlmə olsun - həcc qaydalarını pozan hər hansı bir şəxs 2,7 min dollar cərimələnəcək. Qeyri-vətəndaşlar öz ölkələrinə deportasiya ediləcək və onlara müəyyən müddət ərzində Səudiyyə Ərəbistanına yenidən daxil olmaq qadağan ediləcək.
Həmçinin bildirilib ki, təkrar cinayət törədənlər üçün cərimələr ikiqat artırılacaq.
Qaydalar 20 iyun 2024-cü il tarixinədək qüvvədə olacaq.
ABŞ-nin keçmiş prezidenti Donald Tramp UFC-nin keçmiş çempionu Həbib Nurməhəmmədovla görüşündə onu sevimli döyüşçüsü adlandırıb.
Görüş iyunun 2-də UFC 302 çərçivəsində baş tutub.
Onların birgə fotosunu rusiyalı meneceri Əli Əbdül-Əziz instaqramda paylaşıb.
Bildirildiyinə görə, görüşdə Fələstin məsələsi müzakirə olunub. Trampın Fələstində müharibəni dayandıracağına söz verdiyi iddia edilir.
Həbib Nurməhəmmədovun 35 yaşı var. O, 2018-ci ildə UFC çempionu olub və bu titulu üç dəfə qoruyub. İdmançının hesabında 29 qələbə var, heç bir məğlubiyyəti yoxdur. 2020-ci ilin oktyabrında Nurməhəmmədov karyerasına son verib və o vaxtdan məşqçi kimi çalışır.
Türkiyə xarici işlər naziri Hakan Fidan bu gün Çinə səfər edir.
İyunun 5-dək davam edəcək proqram çərçivəsində Hakan Fidan Pekində Qəzzada, Ukraynada, Qırmızı dənizdə baş verənləri, o cümlədəm iki ölkə arasındakı ticari-iqtisadi əlaqələri müzakirə edəcək.
Bunlarla yanaşı, Hakan Fidan Çindəki uyğur türklərinin əsas hüquq və azadlıqları kimi çox ciddi məsələ müzakirə mövzusu olacaq.
Nazir Fidanın Pekindəki təmaslarından sonra iyunun 4-5-də Urumçi və Kaşqar şəhərlərinə səfəri gözlənilir.
Bu səfər prezident Rəcəb Tayyib Ərdoğanın 2012-ci ildə baş nazir olduğu dövrdə Şərqi Türküstana (Sincan Uyğur Muxtar Bölgəsi) səfərindən sonra ən yüksək səviyyəli səfəri olacaq.
Səfər zamanı keçirilən görüşlərdə Çindəki uyğur türklərinin əsas hüquq və azadlıqlarının qorunmasının, rifah və sülh içində yaşamasının əhəmiyyəti gündəmə gətiriləcək.
Ermənistanın Baş naziri Nikol Paşinyanın həyat yoldaşı Anna Akopyan "İnstaqram" səhifəsindəki hekayələr bölməsində daha bir foto yayımlayıb.
Moderator.az xəbər verir ki, bu haqda "Hraparak" məlumat yayıb.
Şəkil "Sevan" adlandırılmış Göyçə gölünün sahilindəki “Yasəmən” restoranında çəkilib. Anna Akopyan Nikol Paşinyanın iştirakı ilə bir foto yayımlayıb, ikinci fotoda isə selfi çəkdirib.
Qeyd edilir ki, Paşinyanın xanımı sosial şəbəkələrdə kifayət qədər aktivdir.
P.S. Keşiş Baqratın İrəvanda, Gümrüdə və s. boğazını yırtaraq başına hakimiyyətə gəlmək üçün tərəfdar toplamaq üçün dəridən-qabıqdan çıxdığı bir vaxtda Paşinyanın belə qayğısız görkəmdə istirahət etməsi onu göstərir ki, o, erməni cəmiyyətinin böyük hissəsinin onu dəstəklədiyinə arxayındır...
Ukrayna hakimiyyəti 90 dəqiqəlik telefon danışığı zamanı ABŞ-ı Rusiya ərazisinə cavab zərbələri endirməyə razı salıb.
Axar.az xəbər verir ki, bu barədə "Vaşinqton Post" öz mənbələrinə istinadən məlumat yayıb.
Nəşr bildirir ki, danışıqlar Rusiyanın Xarkov vilayətinə hücumundan sonra baş tutub.
Kiyev hakimiyyəti Ukrayna Silahlı Qüvvələrinin itkiləri barədə danışıb və Rusiya ərazisinə zərbələr endirmək üçün icazə istəyib. Təşəbbüs həftə sonu ABŞ hökuməti tərəfindən müzakirə edilib və mayın 30-dək təsdiqlənib.
Qeyd edək ki, ABŞ lideri Bayden Ukraynaya Amerika silahları ilə Rusiyaya zərbə endirməyə icazə verib.
“Qarabağın ( o, “artsax” deyir)”ın işğaldan azad edilməsi ona görə baş verdi ki, “5-ci kolon” Arkadi Qukasyan, Bako Saakyan, Ruben Vardanyan, David Babayan və başqaları Arayik Arutyunyanın mənim vasitəmlə Azərbaycanla danışıqlar apardığını biləndə təcili Moskvaya – ağalarına bu barədə məlumat verdi. Bundan sonra Moskva Arayik Arutyunyana istefaya getməyi əmr edib”.
Bunu hərbi cinayətkar Samvel Babayan Qarabağ hadisələri haqqında danışarkən deyib.
Onun sözlərinə görə, danışıqlar zamanı Arayik Arutyunyan Azərbaycana Ruben Vardanyanı separatçıların dövlət naziri təyin etməyəcəyinə söz verib, lakin sonradan onu təyin edib və buna cavab olaraq Azərbaycan Laçın yolunu bağlayıb.
“Bu adamlar (separatçıların liderləri) Moskvadakı sahiblərinin onları təhlükəsiz şəkildə “Artsax”dan çıxaracaqlarına əmin idilər, lakin bunu etmədilər”, – deyə Babayan bildirib.(tempinfo.az)
ABŞ-ın keçmiş prezidenti Donald Tramp bildirib ki, yenidən prezident seçiləcəyi təqdirdə Ukraynadakı münaqişəni həll etmək niyyətindədir və buna nail olmaq üçün konkret planı var.
Axar.az xəbər verir ki, o, bu barədə "Foks Nyus"a müsahibəsində deyib.
"Bu münaqişəyə son qoymaq üçün mənim konkret planım var. Sizə təfərrüatları deyə bilmərəm, amma son nöqtəni qoyacam",- o qeyd edib
Xatırladaq ki, Tramp bundan əvvəl də dəfələrlə bəyan edib ki, o, Ukraynadakı münaqişəni bir gündə həll edə biləcək.
Hitler Almaniyasının İkinci Dünya müharibəsi ərəfəsində və İkinci Dünya müharibəsi başlayandan sonrakı davranış və hücum taktikası ilə Rusiyanın davranış və hücum taktikaları arasında oxşarlıqlar və hətta eyniliklər heyrətamiz dərəcədə bənzərdir.
Hitler hakimiyyətə gələndən sonra terror təhlükəsi ilə Almaniyanı hərbi dövlətə çevirdi; Çeçenlərin Rusiyada törətdiyi teraktlar, kütləvi məkanlara hücum səhnələrini xatırlayın!
Hitlerin İkinci Dünya müharibəsi ərəfəsində istədiyi hər şeyi verirdilər – hətta müharibəsiz belə Hitler Almaniyanın iddia etdiyi bəzi torpaqları qaytarmışdı.
Avqust 2008-ci ili deyil də, 2014-cü il Krımını göz önünə gətirmək kifayətdir!
1941-ci ildə Almaniya SSRİ-yə hücum etmək qərar verdi və yaxud bu qərarı verməyə məcbur edildi – halbuki Almaniya və SSRİ arasında bir-birinə hücum etməmək barədə saziş vardı və hətta Polşanı bölüşdürmüşdülər.
Rusiya təhlükəsizliyinə və suverenliyinə qarant durduğu ölkəyə 2022-ci ildə hücuma keçdi və yaxud buna təhrik/məcbur edildi.
Almaniya “Barbarossa planı” ilə Moskvanı 8 həftəyə tutub, müharibəni bitirməli idi;
Rusiya da 3 günə Kiyevi tutub, savaşı tam bitirməyi hədəfləyirdi;
Almaniya 8 həftəyə bacarmadı, payız düşdü, hücum dayandı, yalnız yer donandan sonra – noyabrda növbəti hücuma keçdi, buna qədər özünə gələn SSRİ isə hücumu dəf edə və almanları Moskvanın 27 km-liyindən uzaqlaşdıra bildi.
Rusiya da Kiyevi tuta bilmədi və yaxud tutmaq istəmədi, Ukraynanın gözləmədiyi güclü müqaviməti ilə “qan” itirdi; Kiyevin əks-hücumu isə Rusiyanı bəzi işğal etdiyi ərazilərdən geri ata bildi.
Hitler Almaniyası müharibənin bir ilinin tamamından sonra ikici böyük hücuma keçdi – cənub istiqamətində və Stalinqrada qədər gəlib çıxdı. Bu müddətdə Almaniyanın işğal etdiyi ərazilər birinci hücumda işğal etdiyi ərazilərin iki mislinə qalxdı;
Rusiya da ötən ilin ikinci yarısından “ikinci dalğaya” başlayıb və Ukraynanın əks hücum əməliyyatı zamanı azad etdiyi ərazilərdən ikiqat artığını ələ keçirib...
SSRİ yalnız müharibənin 3-cü ilinin tamamından sonra, ABŞ, Böyük Britaniyanın misilsiz texniki, maliyyə, qida yardımından, ikinci cəbhə həmləsindən sonra sərhədlərini işğaldan tam azad edə bildi...
İndi Ukraynada müharibənin 3-cü ili başlayıb – artıq ölkədə 2 il 3 aydır savaş gedir. Məhz indi Ukraynaya F-16-lar gəlməsi, uzaqmənzilli silahlardan Rusiya ərazisinə zərbələrin endirilməsinə razılıq, təlimatçıların birbaşa Ukrayna ərazisinə göndərilməsi həllini tapmaqdadır və çox güman ki, artıq yay aylarında hamısı və daha artığı reallaşacaq - bəziləri artıq gerçəkləşdirilir...
Kollektiv Qərb Rusiyaya qarşı “ikinci cəbhəni” tamamilə fərqli geosiyasi reallıqda inşa edir.
İkinci Dünya müharibəsində bütün ssenariləri cızan Böyük Britaniya – Çörçill idi.
İndi Çörçill qətiyyəti yoxdur, ancaq Ukraynaya uzaqmənzilli silahlardan tutmuş, bir çox yardımların edilməsində Britaniya öncüllük edib – Boris Consonu xatırlayın; indi də öncüllük edir...
Unutmayaq ki, Hitlerin də ilk illərdə xalq dəstəyi inanılmaz səviyyədə idi.
Sanki bu iki müharibənin ssenarisini bir nəfər yazıb; sanki bütün baş verənlər əvvəlcədən düşünülüb!
ABŞ-ın “yardımının” gecikməsindən tutmuş, aparılan “uzundərə” müzakirələrin də sanki hədəfi var – ssenari/plan üzrə, vaxt üzrə hərəkət, Rusiyanı daha içərilərə çəkmək, ən azı insan resurslarını xərcləməsinə şərait yaratmaq. Yoxsa hərbi büdcəsi 860 milyard dollar olan ABŞ üçün 50-60 milyardlıq yardımı təsdiqləməq niyə "taleyüklü" olsun ki!
Daha bir xatırlatma: ABŞ SSRİ-yə müharibə vaxtı 400 min yük maşını və cip, 14 min təyyarə, 8 min traktor, 13 min tank, 2,7 milyon ton neft məhsulu, 4,5 milyon ton qida, 1,5 milyon adyal, 15 milyon əsgər çəkməsi, 107 min ton pambıq, yüzminlərlə mərmi, silah-sursat və s. və i.a göndərmişdi.
Qəribə oxşarlıqlardır, olduqca qəribə və belə görünür ki, Ukrayna savaşı hələ çox davam edəcək; o qədər ki, əvvəlcədən yazılan ssenari ilə finiş əldə edilsin!
© Axar.az
Yeni Kaledoniyanı bürüyən iğtişaşlar Fransa prezidenti Emmanuel Makronun xaricdəki ərazilərin öz müqəddəratını təyinetmə prosesini pozmağa yönəlmiş qeyri-bərabər siyasi manevrlərinin nəticəsidir.
Böyük Britaniyanın "The Guardian" qəzeti xəbər verir ki, bu barədə Kanak və Sosialist Milli Azadlıq Cəbhəsinin (FLNKS) liderlərindən biri Cimmi Naunanın məqaləsində deyilir.
Müəllifin fikrincə, adada baş verən iğtişaşlara görə birbaşa Fransa hakimiyyəti məsuliyyət daşıyır.
Nauna yazır: "Parisdə Fransa Milli Assambleyasında müzakirəyə çıxarılan seçki islahatları ilə bağlı qanun layihəsi iki həftə əvvəl Numeanın paytaxtında iğtişaşlara səbəb olub".
Onun sözlərinə görə, FLNKS hərəkatı və onun müttəfiqləri seçki islahatı ilə bağlı qanun layihəsi aprel ayında Makron hökuməti tərəfindən Senata təqdim edildikdən sonra etiraza qalxıblar.
Hökumət adanın yerli sakinlərinin narazılığını və iğtişaşlara səbəb olacağını nəzərə almadan qanun layihəsini irəli aparmaqdadır.
C.Nauna Makronun adaya son səfərini də şərh edib: "Bu, onun şəxsi siyasi mənfəəti üçün piar idi. Hətta öz partiyası daxilində də Makron dəstəyi itirib və onun Yeni Kaledoniyadakı vəziyyəti idarə etməsi milli miqyasda siyasi qruplar tərəfindən mübahisəli qiymətləndirilir".
Məqaləyə görə, Makron Parisə qayıdarkən deyib ki, o, seçki islahatını ümumxalq səsverməsinə təqdim etməyi düşünür.
FLNKS öz növbəsində, gərginliyi azaltmaq və yeni siyasi saziş ətrafında danışıqların bərpası üçün seçki islahatları prosesinin dayandırılması və ya ləğv edilməsini, eləcə də yüksək səviyyəli müstəqil missiyanın adaya göndərilməsini tələb edib.(Report)