 |
|
Rusiya qoşunlarının Xarkov istiqamətində hücumundan xəbərdar idik.
Axar.az xəbər verir ki, bu barədə Ukrayna Müdafiə Nazirliyinin Baş Kəşfiyyat İdarəsinin nümayəndəsi Andrey Yusov deyib.
“Deyə bilərik ki, düşmənin bu istiqamətdə hərəkətləri məlum cədvəl üzrə başlayıb və bu barədə Baş Kəşfiyyat İdarəsi lazım olan bütün orqanları, rəhbərlik və komandanlıqları xəbərdar edib”, - deyə o bildirib.
Yusov əlavə edib ki, Rusiya hərbçiləri sözügedən istiqamətdə böyük itkilər verməkdədir.
Sabahdan Kosova Serbiya dinarından imtina edir.
Lent.az-ın “Politika” nəşrinə istinadən verdiyi xəbərə görə, Kosovada Serb dinarından imtina ilə bağlı keçid dövrü başa çatır və sabahdan Kosovada ancaq avro ödəniş vasitəsi kimi qəbul ediləcək.
Artıq Kosovanın şimalında filialları olan banklara bu barədə məlumat verilib.
Rusiya Avropanı vurmaq üçün uyğun anı gözləyir.
Lent.az-ın xarici mediaya istinadla xəbərinə görə, Avropanın xüsusi xidmət orqanlarından biri Rusiyanın 2025-ci ilin qışında Avropaya hücum edə biləcəyini irəli sürür.
Kəşfiyyat xidmətinin məlumatına görə, Rusiyanın mümkün təcavüzü ABŞ-ın daimi lidersiz qaldığı bir vaxtda baş verə bilər və siyasi dəyişikliklərə görə Amerikanın Avropa ölkələrinə yardımı gecikə bilər.
Söhbət ABŞ-ın hazırkı prezidentinin 2024-cü il noyabrın əvvəlində getməsi ilə onun potensial varisinin 2025-ci ilin yanvarında vəzifəyə gəlməsi arasındakı vaxt intervalından gedir.
Kəşfiyyat rəsmiləri hesab edirlər ki, Rusiya hakimiyyəti keçmiş prezident Donald Trampın mümkün qayıdışına arxalana bilər, çünki onun hakimiyyəti dövründə “hər şey ola bilər”.
Bu mümkün təhlükələr fonunda Almaniya kimi Avropa dövlətləri artıq öz müdafiələrini gücləndirmək üçün fəal addımlar atırlar. Almaniyanın müdafiə naziri Boris Pistorius müdafiə hazırlıqlarının gücləndirilməsinin vacibliyini vurğulayıb. Bundesver briqadasının NATO-nun şərq cinahında, Rusiya sərhədinə yaxın yerdə yerləşdirilməsi planları ciddi təhlükə qavrayışından xəbər verir.
Polşa Milli Təhlükəsizlik İdarəsinin rəhbəri Yaçek Severa şərq cinahda yerləşən NATO ölkələrinin Rusiya ilə mümkün qarşıdurmaya hazır olmasının vacibliyini vurğulayıb. Bu baxımdan alyans ölkələri arasında hərbi hazırlığın və əməkdaşlığın fəal şəkildə gücləndirilməsi olacaq.
Yaponiyada tərk edilmiş evlərin sayı 9 milyonu keçib. Belə evlərə ölkənin istənilən yerində rast gəlmək mümkündür.AZƏRTAC CNN-ə istinadla xəbər verir ki, bu fenomen gündoğar ölkədə çox sayda bina tikintisi və tikintinin keyfiyyətsizliyi ilə əlaqələndirilə bilməz.
“Akiya” adlanan ənənəvi yapon evlərinin tərk edilməsinə səbəb doğum göstəricisinin kəskin azalmasıdır. Yaponiyada evlər adətən nəsildən-nəslə ötürülür. Varisi olmayan insanların sayı artdıqca boş evlər də çoxalır.
2022-ci ildə Yaponiyanın əhalisi 800 min nəfər azalıb. 2023-cü ildə ardıcıl səkkiz il əhali sayının ciddi azalması müşahidə edilib. Bu gün Yaponiyada hər 1 qadına doğum göstəricisi 1,2-dir. Bir xalqın nəslinin davam etməsi üçün göstərici 2,1-dən yuxarı olmalıdır.
Əgər bir neçə il əvvələdək tərk edilmiş evlər fenomeni yalnız kəndlərdə müşahidə edilirdisə, indi oxşar vəziyyəti Tokio və Kyoto kimi böyük şəhərlərdə də görmək mümkündür.
Rusiya qoşunları Ukraynaya qarşı əməliyyatları genişləndirməyə çalışır. Bununla belə, silahlı qüvvələr cəbhə xəttinin müdafiəsini gücləndirəcək.
AZƏRTAC xəbər verir ki, bu barədə Ukrayna Prezidenti Volodimir Zelenski axşam müraciətində bildirib.
"Rusiya qoşunları Ukraynaya qarşı əməliyyatları genişləndirməyə çalışır. Biz bu qüvvələrinin həcmini başa düşürük, planını görürük. Bizim əsgərlərimiz, artilleriyamız, pilotsuz təyyarələrimiz qarşı tərəfə cavab verir. Mən hər bir əsgərə, hər bir çavuşa minnətdaram” deyə Zelenski bildirib.
Onun sözlərinə görə, hazırda Xarkov istiqamətində və Rusiya Federasiyası ilə sərhəd xəttində qüvvələr gücləndirilir.
“Həm dövlət sərhədimiz, həm də bütün cəbhə xətti boyunca biz elə edəcəyik ki, Rusiyanın istənilən hücum niyyətini poza bilək”, deyə prezident qeyd edib.
Mayın 10-na keçən gecə Rusiya Xarkov istiqamətində müdafiə xəttini yarmağa cəhd edib. Daha sonra Dezinformasiya ilə Mübarizə Mərkəzi bildirib ki, bu, daha çox imitasiya və Ukrayna ordusunun hazırlığını yoxlamaq cəhdinə bənzəyir.
Emil Hüseynli
AZƏRTAC-ın xüsusi müxbiri
Kiyev
Putin çox güman ki, həm Paşinyan, həm də indiki Ermənistan hakimiyyətinin siyasəti haqqında düşündüyü hər şeyi deyib.Axar.az xəbər verir ki, bu sözləri erməni politoloq Vigen Akopyan Ermənistan Baş naziri Nikol Paşinyan və Rusiya lideri Vladimir Putin arasında 8 mayda Kremldə baş tutan görüşlə bağlı qeyd edib.
Onun fikrincə, görüşün ictimaiyyətə qapalı hissəsində Putin Paşinyanın Rusiyanı ictimai tənqid etməsinə münasibət bildirib:
“Yəni bu, Putinin Rusiyanın mövqeyini ifadə etdiyi görüş idi. Görüş cəmi bir saat çəkdi, bu da kifayət qədər az müddətdir. Bu o deməkdir ki, iştirakçıların danışacaq xüsusi heç nəyi olmayıb. Ya hər şey artıq görüşə qədər müzakirə olunub, yaxud çox güman ki, əsasən, Putin danışıb”.
Rusiya sərhədçilərinin Ermənistanın bir sıra rayonlarından çıxarılmasına dair razılaşmaya gəlincə, politoloqun fikrincə, bu, hərbi-siyasi sahədə ciddi problemlərdən xəbər verir:
“Ola bilsin ki, Putin özü diplomatik addım atıb - o, İran və Türkiyə sərhədindən sərhədçilərin və ya 102-ci hərbi bazanın çıxarılmasını təklif edib. Paşinyan isə hələlik buna ehtiyac olmadığını deyib”.
Ekspert hesab edir ki, Ermənistanın KTMT-yə üzvlüyü məsələsinin də müzakirə olunduğunu güman etmək olar:
“Ehtimal ki, Putin Paşinyana açıq mətnlə KTMT-dən çıxacağı təqdirdə Ermənistanın Aİİ-yə üzvlüyünü məqsədəuyğun hesab etmədiyini deyib”.
Moskvada Avrasiya İqtisadi İttifaqının (Aİİ) yubiley sammiti baş tutub. İclasa ölkəsi iqtisadi inteqrasiyanın əsas benefisiarlarından biri olan Ermənistanın baş naziri Nikol Paşinyan sədrlik edib.
Müttəfiqlər 10 illik birgə işin nəticələrini yekunlaşdırıb, həmçinin Aİİ-nin 2025-ci ilə qədər inkişaf strategiyasının həyata keçirilməsini müzakirə ediblər.
Reyting.az xəbər verir ki, bu barədə “Nezavisimaya qazeta” yazıb.
Rusiya nəşrinin təhlilində qeyd olunur:
Ümumən tədbirdə 7 dövlətin lideri iştirak edib. Avrasiya assosiasiyasının birbaşa iştirakçılarını (Ermənistan, Belarus, Qazaxıstan, Qırğızıstan və Rusiya) Kuba və Özbəkistan prezidentləri Migel Diaz-Kanel Bermudes və Şavkat Mirziyoyev müşayiət ediblər. Onların ölkələri Aİİ-də müşahidəçidir.
Rusiya prezidenti Vladimir Putin iclasa “İqtisadi göstəricilər öz sözünü deyir”,- sözləri ilə başlayıb:
“10 il ərzində Avrasiya İttifaqı ölkələrinin ümumi ÜDM-i mövcud hesablamalara görə 1,6 trilyon dollardan 2,5 trilyon dollara yüksəlib”.
Eyni zamanda, o, bu il də müsbət makroiqtisadi dinamikanın davam etdiyini vurğulayıb.
Bununla belə, günün əsas intriqası Paşinyanın bir gün əvvəl rəsmi olaraq beşinci dəfə Rusiyaya rəhbərlik edən Putinlə görüşü olub. Ermənistan lideri həmin gün böyük mətbuat konfransı keçirdiyi üçün Rusiya prezidentinin andiçmə mərasimini buraxıb. Xüsusilə də jurnalistlərlə danışan Paşinyan Rusiyaya qarşı bir sıra şikayətlərini dilə gətirib.
Məsələn, o, Rusiya televiziya kanallarının respublika ilə bağlı redaksiya siyasətinə yenidən baxmasalar, Ermənistanda yayımını qadağan edəcəyi ilə hədələyib. “İmzalanmış sazişlərə əsasən, Rusiya kanallarından Ermənistana və onun maraqlarına hörmət etməyi xahiş edirik. Ölkələrimiz arasındakı dostluq münasibətlərinə əsaslanaraq, biz dəfələrlə xahiş etməyə, sonra bir neçə dəfə tələb etməyə hazırıq. Əgər yeddinci dəfədən sonra bizim tələbimizə məhəl qoyulmasa, o zaman bütün bu kanallar bağlanmalı və onların Ermənistanda yayımı dayandırılmalıdır”, - deyə hökumət başçısı vurğulayıb.
Bundan əlavə, Paşinyan Azərbaycan, Ermənistan və Rusiya başçılarının Qarabağ uğrunda ikinci müharibəyə son qoyan 9 noyabr 2020-ci il tarixli üçtərəfli bəyanatını etibarsız adlandırıb. O, bunu sənədin Bakı ilə Naxçıvan arasında (“Zəngəzur dəhlizi” adlanan) nəqliyyat kommunikasiyalarına nəzarətin Rusiya sərhədçiləri tərəfindən həyata keçirilməli olduğunu qeyd edən doqquzuncu bəndinin müzakirəsi kontekstində xatırladıb.
Moskva bildirib ki, Putinlə Paşinyan arasında danışıqların əsas mövzusu Cənubi Qafqazda sülh, sabitlik və təhlükəsizlik məsələləri ilə bağlıdır. Rusiya prezidentinin mətbuat katibi Dmitri Peskovun dediyi kimi, bu danışıqlar hər iki tərəfə lazım idi.
Xatırladaq ki, aprelin 22-də Vladimir Putin Azərbaycan prezidenti İlham Əliyevlə görüşüb. Bundan əvvəl Rusiya sülhməramlılarının Qarabağdan çıxarılmasına başlanılmışdı. Sonra Əliyev bildirib ki, Bakı və Moskvanın regional təhlükəsizlik məsələlərini necə həll etməsi xoşuma gəlir. “Ölkələrimizin qarşılıqlı fəaliyyətindən çox şey asılıdır”, - deyə Azərbaycan lideri vurğulayıb.
Erməni politoloq Arşaluys Mqdesyan hesab edir ki, indi Moskva ilə İrəvan arasında siyasi münasibətlər SSRİ-nin dağılmasından bəri ən aşağı həddə çatıb. “Ermənistan hakimiyyəti hesab edir ki, onların rusiyalı həmkarları hərbi-siyasi sahədə müttəfiqlik öhdəliklərini yerinə yetirmirlər və bütün anti-Rusiya günahlarında ittihamlarla cavab verirlər. Mahiyyət etibarı ilə Moskvanın mövqeyi İrəvana Qərbin inkişaf kursunu əsaslandırmaq imkanı verir və İrəvanın davranışından Moskva Cənubi Qafqazdakı hərəkətlərinə haqq qazandırmaq üçün istifadə edir. Geosiyasi vəziyyət dəyişməyincə tərəflərin bu yoldan dönə bilməyəcəyi ehtimalı azdır”, - deyə ekspert hesab edir.
MDBMİ-nin Beynəlxalq Tədqiqatlar İnstitutunun aparıcı elmi işçisi Nikolay Silayev isə əksini deyir. O, hesab edir ki, Ermənistan hakimiyyəti Aİİ-dən hansı iqtisadi faydaları itirə biləcəyini başa düşməklə yanaşı, Rusiya ilə münasibətlərini pisləşdirməyə şüurlu şəkildə çalışır.
Öz növbəsində, Moskva İrəvanla müttəfiqliyini qoruyub saxlamağa çalışır. “Ermənistan hakimiyyətinin siyasəti izahata meydan oxuyur. Aydındır ki, İrəvan Moskvanın Azərbaycanın Qarabağdakı hərəkətlərinə və onun Ermənistanın bilavasitə ərazisinə güclü təsirinə reaksiyasından məyusdur. Lakin təhlükəsizlik sahəsində əlavə tərəfdaşlar axtarmaq bir şeydir, eyni zamanda Moskva ilə münasibətləri korlamaq başqa şeydir”, - deyə Silayev NG-yə bildirib.
Strateji Tədqiqatlar və Təşəbbüslər üzrə Analitik Mərkəzin (STTAM) rəhbəri Ayk Xalatyan da hesab edir ki, Ermənistan hakimiyyəti Rusiya ilə müttəfiqlik münasibətlərinə yenidən baxılması kursu götürüb. “Paşinyan hökumətinin nöqteyi-nəzərindən Rusiya ilə müttəfiqlik özünü doğrultmadı. Onlar bir tərəfdən Türkiyə və Azərbaycanla nəyin bahasına olursa-olsun sülh kursunu, digər tərəfdən Qərblə yaxınlaşma kursunu müəyyənləşdirdilər.
Eyni zamanda, Paşinyan ehtiyat edir ki, Rusiya ilə münasibətlərin kəskin pozulması, xüsusən də Aİİ-dən çıxması daxili siyasi problemlərlə dolu olan ölkə üçün ciddi sosial-iqtisadi problemlərə gətirib çıxara bilər. Buna görə də o, boşluğu daha idarəolunan etmək və hakimiyyəti üçün mümkün riskləri minimuma endirmək niyyətindədir”, - Xalatyan əlavə edib.
Andiçmə mərasimindən sonra Rusiya prezidenti Vladimir Putin istefaya gedən hökuməti yenidən formalaşdırmağa başlayıb.
Hökuməti formalaşdırmaq üçün Putin ilkin olaraq baş nazir postuna namizədini irəli sürüb.
Bu məqsədlə Rusiya prezidenti Vladimir Putin Mixail Mişustinin baş nazir postuna namizədliyini Dövlət Dumasına təqdim edib.
Bu barədə Dövlət Dumasının sədri Vyaçeslav Volodin öz teleqram kanalında bildirib.
Rusiya prezidenti Vladimir Putinin andiçmə mərasimindən dərhal sonra Mixail Mişustinin başçılığı ilə nazirlər kabineti istefa verib. Baş nazirin namizədliyi Dövlət Dumasının mayın 10-da keçiriləcək plenar iclasında təsdiqlənəcək. Bundan sonra hökumət yenidən formalaşdırılmağa başlanacaq.
ABŞ Suriyada Türkiyəyə güzəştə gedə bilər.
Bu barədə Amerikanın nüfuzlu “Atlantic Council” analitik mərkəzi bildirib.
Qeyd edilir ki, ABŞ Suriyada İŞİD-in saxlanma düşərgələrinə Türkiyənin nəzarəti və bu ölkədəki Amerika hərbçilərinin müdafiəsi müqabilində kürd hərbi-siyasi təşkilatı PKK/YPG-yə dəstəyi dayandıra bilər.
Bildirilir ki, bu qərar NATO maraqlarını təşviq etmək üçün Ankara ilə Vaşinqton arasında digər regional münaqişələr üzrə əməkdaşlığı genişləndirəcək.
"Suriyadakı vəziyyət Türkiyədə təhlükəsizlik baxımından birinci prioritet hesab edilsə də, ABŞ-də buna daha az diqqət yetirilir. Bunu dəyişmək zərurəti yaranıb. Hər iki ölkə Suriya ilə bağlı mübahisələrin həllinə diqqətini yenidən cəmləməlidir ki, ikitərəfli əlaqələrdə böyük gərginliyin yeni sahələrinə çevrilməsin", - deyə vurğulanır.
"Microsoft" şirkəti ABŞ kəşfiyyatı üçün gizli süni intellekt xidməti yaradıb
"Microsoft" internetdən tamamilə ayrı olan generativ süni intellekt modeli yaradıb. İndi ABŞ kəşfiyyat orqanları ondan çox məxfi məlumatları təhlil etmək üçün təhlükəsiz istifadə edə bilərlər.
"Bloomberg" xəbər verir ki, "OpenAI"nin hazırladığı "ChatGPT" də daxil olmaqla əksər süni intellekt modelləri məlumatlardan nümunələri öyrənmək və nəticə çıxarmaq üçün bulud xidmətlərindən istifadə edir, lakin "Microsoft" ABŞ kəşfiyyat cəmiyyətini həqiqətən təhlükəsiz sistemlə təmin etmək istəyirdi.
ABŞ Dövlət Departamentinin sözçüsü Vedant Patel keçən ay deyib ki, “yarış generativ süni intellekti kəşfiyyata gətirmək üçün gedir”. O, generativ süni intellektdən istifadə edən ilk ölkənin bu yarışda qalib gələcəyini qeyd edərək bunun ABŞ olmasını istədiyini bildirib.