 |
|
Rusiya prezidenti Vldaimir Putin mobil telefonunun olmadığını deyib.
“Yol-xeber.az” “ria.ru”ya istiandən xəbər verir ki, Şərq İqtisadi Forumunda Putinə mobil telefondan istifadə edib-etməməsi ilə bağlı sual ünvanlanıb.
- Səhnəyə çıxmazdan əvvəl diqqət etdim və Angela Merkel olmadığınızdan əmin oldum ki, üzərinizdə mobil telefonunuz yoxdur, buna görə də tədbir zamanı zəng çalmayacaq deyə, tədbirin aparıcı moderatoru Sergey Brilevin Putinə ünvanladığı sualı zarafatla cavablandırdı:
"Mənə elə gəlir ki, bunu fərqinə varmaq elə də çətin deyildi”.
Moderator daha sonra Putindən “Yeri gəlmişkən, cənab Vladimir Vladimiroviç, mobil telefonunuz varmı?” sualına cavab olaraq “Yox” deyib.
Dumaya keçirilən seçkiləröncəsi təbliğat kampaniyasında təşkil olunun canlı teledebatda iştirak edən opponent keçirilən seçkiləri belə dəyərləndirib.
Çıxış edən şəxsin sözlərinə görə, Dövlət Dumasında 4 partiya təmsil olunur. Onlardan üçü hakim “Vahid Rusiya” Patiyasının sağ ayağıdır. “Spravedlivıy” (Ədalət) Partiyası sol ayağı, Jirinovski isə onlar arasında olan partiyadır.
ABŞ-ın Oreqon ştatındakı “McDonalds” restoranlarından biri 14-15 yaşlı yeniyetmələrin işə qəbulu ilə bağlı elan verib.
"Yol-xeber.az" xarici KİV-ə istinadən bildirir ki, elan ştat qanunlarına uyğun olsa da, yerli əhali tərəfindən sosial şəbəkələrdə sərt tənqidlə qarşılanıb. Şirkət azyaşlıların əməyinin istismar edilməsində günahlandırılıb.
Restoranın sahibi Hizer Kennedi bildirib ki, pandemiyadan sonra işçi çatışmazlığı ilə üzləşdiyindən yeniyetmələri işə cəlb etməyı qərara alıb. O, 40 illik restoran fəaliyyəti təcrübəsində ilk dəfə işçi qıtlığı ilə qarşılaşdığını qeyd edib.
ABŞ-ın şimal şərqində yağan şiddətli yağışlar nəticəsində azı 45 nəfər həlak olub.
Yol-xeber.az xarici KİV-ə istinadla xəbər verir ki, Luiziana ştatından sonra şimal şərq sahillərində təsirli olan Ida qasırğası Nyu York, Nyu Cersi, Pensilvania, Merilənd, Konnektikut ştatlarında da güclü yağışa səbəb olub.
Təbii fəlakət nəticəsində Nyu Yorkda 13, Nyu Cersidə isə 23 nəfərdən çox şəxs vəfat edib.
Nyu Cersi rəsmiləri ölənərin çoxunun selin apardığı avtomobillərdəki şəxslər olduğunu söyləyib.
Axtarış-xilastemə tədbirləri davam etdirilir.
Billurə
ABŞ 2008-ci il Co Baydeni qar fırtınasından xilas edən tərcüməçini Əfqanıstanda qoyub.
Xarici KİV xəbər verir ki, bu barədə “Wall Street Journal” məlumat yayıb. Qəzetə danışan Məhəmməd adlı şəxs ABŞ prezidenti Co Baydenə səslənərək ondan yardım istəyib:
“Cənab prezident məni yaddan çıxarmayın”,-deyə o söyləyib.
Xüsusi qaçqın vizası üçün müraciət edən tərcüməçinin sistemdəki məlumatlarıv silindiyi üçün ölkədən çıxa bilmədiyi qeyd edilib.
Ağ Ev sözçüsü Cen Psaki isə tərcüməçiyə belə cavab verib:
“Ötən 20 il ərzində bizim yanımızda mübarizə apardığın üçün çox sağ ol. Səni ordan çıxaracağıq ə xidmətlərini qiymətləndirəcəyik”.
Qeyd edək ki, Co Baydenin senator olduğu zaman- 2008-ci ildə onun olduğu helikopter qar fırtınasına düşüb. Baqaram aiabazasında tərcüməçi kimi fəaliyyət göstərən Məhəmməd Co Bayden, Con Kerri və Kuk Haqelin olduğu helikopterin xilas edilməsində köməklik göstərib.
"Dünyadan COVID-19 xəstəliyi təmizlənməyəcək, normal qrip virusuna çevriləcək".
Bunu Səhiyyə Nazirliyinin mütəxəssisi, terapevt Zakir Quliyev "COVID-19-un ev şəraitində müalicəsi" mövzusunda çıxışında deyib.
O bildirib ki, çünki virus tez-tez mutasiyaya uğrayır və peyvəndlər bu xəstəlik üzərində tam hakim ola bilməz: "Peyvənddən sonra koronavirusa yoluxma qeydə alınır. Əvvəldən qeyd edilmişdi ki, vaksin insanı xəstəlikdən 100 faiz qorumayacaq. Amma klinikada yatan xəstə sayları azalıb.Yoluxanlarla xəstəxanaya yatanlar arasında inanılmaz fərq var. Xəstəxanaya yerləşənlərin çoxu vaksin olunmayan şəxslərdir".
Həkim qeyd edib ki, yoluxmaların artması insanları qorxutmasın: "Bu say çox olsa da, indi xəstəlik vaksin olunan insanlarda yüngül gedir. Peyvənd vurdurmayanlarda isə xəstəlik eynidir".
"ABŞ Rusiya və Çinlə əlaqəli problemlər də daxil olmaqla yeni çağırışlara diqqət yetirməlidir".
“Yol-xeber.az” NBC-yə istinadən xəbər verir ki, belə bir bəyanatla ABŞ prezidenti Co Bayden çıxış edib.
"Dünya dəyişir. Biz Çinlə ciddi rəqabət içindəyik, Rusiyadan gələn bir çox cəbhədə çətinliklərlə, kiber təhdidlərlə və nüvə silahlarının yayılması problemi ilə üz-üzəyik ", - Bayden qeyd edib.
O əlavə edib ki, terror təhdidi hələ də təhlükəli bir həddədir: “Terrorizm formasını dəyişib digər ölkələrə yayıldı. Ona görə də strategiyamız da dəyişməlidir".
“Əfqanıstanla bağlı qərar təkcə Əfqanıstanla bağlı deyil. Bu, digər ölkələri yenidən qurmağa yönəlmiş böyük hərbi əməliyyatlar dövrünün sonudur ".
“Yol-xeber.az” xəbər verir ki, bunu ABŞ prezidenti Co Bayden NBC-də xalqa müraciətində deyib.
"Əfqanıstanda müharibə bitdi. Bu savaşa son qoymağın lazım olub-olmadığı və nə vaxt lazım olduğu sualı ilə qarşılaşan dördüncü prezidentəm. Mən çoxdan bitməli olan bir müharibəyə daha yeni bir nəsil amerikalı oğlan və qızları göndərməkdən imtina etdim. Bu bir seçim idi, çıxmaq və ya müharibəni davam etdirmək arasında real seçim idi. Bu əbədi savaşı uzatmaq niyyətində deyildim.
Əfqanıstanda minlərlə amerikalı əsgər yerləşdirməyə davam edərək hər il milyardlarla dollar xərcləyərək Amerikanın təhlükəsizliyinin artacağına inanmıram"- Bayden qeyd edib.
Türkiyə Türk Dövlətləri Birliyini yaratmaq niyyətini açıqladı və bununla da Orta Asiya ölkələrinə öz təsir imkanlarını genişləndirdi.
Bu barədə müxtəlif fikirlər səsləndirən siyasi analitiklər layihənin perspektivlərindən və Ankaranın himayəsi altında ittifaq yaratmaq risklərindən söz açıblar.
Analitik və baş elimi işçi Stanislav Pritçin: “Türkiyə özünün proaktiv xarici siyasətini davam etdirir və yeni bölgələri fəth etmək perspektivlrini sınaqdan keçirir. Ankaranın mədəniyyət və dil baxımından yaxın ölkələrlə inteqrasiyanı gücləndirmək niyyəti gözlənilir. Ancaq əslində Mərkəzi Asiya dövlətlərinin Türkiyə ilə daha dərin inteqrasiyaya hazır olduqlarını təsəvvür etmək çətindir. Bütün cəhdlərə baxmayaraq Türkiyə nə iqtisadi, nə də siyasi cəhətdən əsas xarici oyunçulara – Rusiya, Çin və Qərbə tamhüquqlu rəqib ola bilməz. Türkiyənin plan və təşəbbüslərinin böyük anlamda bu ölkənin liderinin şəxsi ambisiyalarından qaynaqlandığı çoxlarına məlumdur. Ərdoğan yeni fikirlər sayəsində zəifləyən reytinqini artırmaq və növbəti seçkilərdə öz qələbəsini təmin etmək niyyətindədir”.
Şərqşünas Kirill Cavlax: “Türk Dövlətləri Birliyinin yaranması o qədər də ümidverici deyil. Burada Rəcəb Tayyib Ərdoğanın xarici siyasət ambisiyalarından daha çox daxili siyasəti var. Ərdoğan üçün hər şeydən əvvəl formal demokratik prosedurları qorumaq və hakimiyyəti əlində saxlamaq vacibdir. Bəli, 1990 -cı illərdə Ankara gənc Orta Asiya dövlətlərində ciddi mövqelər qazandı. Ancaq 2021 -ci ildə Türkiyənin güclü təsiri yalnız Qırğızıstanda qalıb. Digər regional oyunçular Ankaranın inteqrasiya planlarını rədd etdilər və Türkiyəyə fondlar, mədəni və təhsil proqramları vasitəsilə hərəkət etməyə icazə verdilər. Bütün Orta Asiya ölkələri (Türkiyəyə qardaş ölkə olan Azərbaycandan başqa) pantürkizm layihələrindən çəkinirlər. Nə Qazaxıstan, nə Özbəkistan, nə də Türkmənistan Ərdoğanın xəyal etdiyi təsirin artmasına icazə verməyəcək”.
Politoloq Marat Şibutov: Pan -Türkizm artıq yüz ildir ki, yerli rus auditoriyası üçün populyar bir mövzudur. Pantürkizm ideyası Xəlifə İstanbulda oturan zaman real ola bilərdi, amma bütün bunlar uzaq keçmişdə qaldı. Buna görə də, müasir dil birliyində hər hansı bir ambisiya axtarmaq çox gülməlidir. Rusların, Türkdilli ölkələrin əksəriyyətini özündə birləşdirəcək Rus Şurası yaratması mümkündür. Bununla da, türkiyəli nəzəriyyəçilərin fikirləri alt-üst ola bilər”.
Politoloq Anton Çablin: “Türkiyənin təcavüzkar xarici siyasəti artıq türkofobiyanın yaranmasına səbəb olub. Əslində, heç bir yeni format yaradılmayacaq, söhbət 2009 -cu ildə Ərdoğanın təşəbbüsü ilə yaradılan Türk Şurasının yenidən formalaşdırılmasından gedir. Türk Şurasının əsas funksiyası iqtisadi, mədəni və ideoloji sahədə iş aparmaqdır. Lakin Türk Dövlətləri Birliyini rebrendinq etdikdən sonra Ərdoğanın çoxdan arzusunda olduğu hərbi-siyasi komponentin gücləndirilməsindən söhbət gedəcəyi istisna edilmir. Türkiyənin xarici siyasətindəki təcavüzkarlıq Ankaranın ən yaxın və nüfuzlu qonşularını (İsrail, Rusiya, Ərəb dünyası) onun ekspansionist (işğalçı) planlarına qarşı çıxmağa məcbur edir. / Konkret.az
"Koronavirus infeksiyasının xaricdən Uhana dondurulmuş yemək paketləri ilə gətirilməsi mümkündür”.
Çinin Xəstəliklərə Nəzarət və Qarşısının Alınması Mərkəzinin mütəxəssisləri bu qənaətə gəliblər. Mərkəzin sözçüsü Ma Huilainin sözlərinə görə, epidemioloji araşdırmalar zamanı məlum olub ki, virus Çinə digər ölkələrdən və ya bölgələrdən buzlaşdırılmış şəkildə nəql olunub.
Maraqlıdır, Çinin indiyədək təbii olduğunu iddia etdiyi virus süni yolla yaradılıb?
Mövzu ilə bağlı Cebhe.info-ya danışan Azərbaycan Tibb Universitetinin dosenti, həkim-farmakoloq Aydın Əliyev bildirib ki, artıq xəstəliklərin süni və ya məqsədyönlü yaradılması dünya mediasında yer alır:
"Vaxtilə kim deyə bilərdi ki, insanlar xəstəlik törədicilərin harada yaradılması haqqında fikirləşəcək? Xatırlayıram ki, bir neçə ay bundan öncə Çin belə bir məlumat yaymışdı ki, xəstəlik törədicilər qida maddələrinin tərkibində Rusiyadan Çinə göndərilib.Ola bilər ki, həqiqətən də Rusiyadan göndərilmiş olsun. Lakin haradan, niyə göndərilib məlum deyil. Bunlar hamısı ölkələrin bir-birinə təzyiq vasitələridir. Artıq xəstəliklər də bir təzyiq vasitəsidir. Xəstəliklər, dərman sənayesi mübarizədə vasitəsinə çevrilib. İqtisadiyyat bu gün dünyaya bioloji silahdan da güclü vasitə kimi təsir edir. Belə bir fikir var, pulun ağası ol, amma qulu olma.
Dünyanı bu gün idarə edənlər pulun qullarıdır. Digər tərəfdən dünyada üçbucaqlı yarış gedir. ABŞ, Rusiya və Çin arasında xəstəlikləri də təzyiq vasitəsi olaraq seçilən mübarizə gedir. Bilərəkdən, yaxud da bilməyərəkdən bu cür xəstəliklər yaradılır.Sovet dövründə Stalin əmr vermişdi ki, xəstəliklərdən bioloji silah kimi istifadə edilməsi üçün laboratoriya açılmışdı. İndi isə bioloji silahlar çoxdur. Qida vasitələri, xaricdən gətirilən məhsullar bioloji silahlardır. Ona görə də yeganə yol su, qida məhsulları yerli olmalıdır. Az yeyək, amma təbii qidalarımızı yeyək. Virus təbii də, süni yollarla da yaradıla bilər. Hər ikisi insanların ekoloji mühiti pozmasının səbəbidir".