 |
|
“Vurulan helikopterlə bağlı Bakının dərhal reaksiyası Moskvanın bu üzrü qəbul etməsinə imkan verdi”.
Oxu.az məlumatına görə, bu barədə Rusiya prezidentinin mətbuat katibi Dmitri Peskov bildirib.
O, bu hadisəni fəlakət adlandıraraq, iki hərbçinin ölümünün hər kəs üçün çox ağrılı olduğunu vurğulayıb.
“Azərbaycanlıların, Azərbaycan Prezidentinin ani reaksiyası və şərtləri qərəzsiz araşdırmağa, cavabdehləri cəzalandırmağa hazır olduğunu elan etməsi bu üzrün qəbuluna imkan verdi”, - deyə Peskov izah edib.
Qeyd edək ki, Rusiyanın Mi-24 helikopteri noyabrın 9-da Ermənistanla Azərbaycan sərhədi yaxınlığında vurulub. Hadisə nəticəsində iki heyət üzvü ölüb, biri yaralanıb.
Azərbaycan Xarici İşlər Nazirliyi helikopterin respublika Silahlı Qüvvələri tərəfindən səhvən vurulduğunu etiraf edib və Bakının Moskvaya təzminat ödəməyə hazır olduğunu bildirib.
Rusiya Müdafiə Nazirliyinin rəsmi veb-saytında Rusiya Silahlı Qüvvələrinin Dağlıq Qarabağdakı sülhməramlı missiyası barədə bölmə yaradılıb.
Bölmə “xəbərlər”, “brifinqlər”, “multimedia” və “infoqrafika” altbölmələrdən ibarətdir.
Qeyd edək ki, noyabrın 10-da Azərbaycan Prezidenti İlham Əliyev, Rusiyanın Prezidenti Vladimir Putin və Ermənistanın baş naziri Nikol Paşinyan hərbi əməliyyatların dayandırılması barədə bəyanat imzalayıblar. Bəyanata əsasən, Rusiya Silahlı Qüvvələrinin kontingenti Azərbaycanın Dağlıq Qarabağ ərazisinə yerləşdirilib.
Ermənistan polisinin sabiq rəisi Valeri Osipyan jurnalistlərə bildirib ki, vəzifədə olma dövründə bir sıra qanunsuz əmrlər alıb, amma onları yerinə yetirməyib.
Report xəbər verir ki, Valeri Osipyan baş nazir Nikol Paşinyanın istefasının yeganə çıxış yolu olub-olmaması barədə suala cavabında "qeyri-mümkün heç nə yoxdur" - deyə bildirib.
Paşinyanın “Mənim istefamı əvvəlki hakimiyyətin talançıları tələb edir” bəyanatına toxunan Osipyan vurğulayıb ki, vətəndaş vətəndaşdır: “Bizim dövlətimiz, cəmiyyətimiz üçün faydalı insanlar və alçaqlar həmişə olub".
O, Paşinyan hakimiyyətində cinayətkarların yer almasına eyham vurub: "Alçaqlar indiki hakimiyyətdə də var".
Valeri Osipyan vurğulayıb ki, polis rəisi vəzifəsində çalışarkən qanunsuz əmrlər alıb, lakin onları icra etməyib.
Osipyanın sözlərinə görə, aksiyalara dostlarının hüquq-mühafizə orqanları tərəfindən saxlanılmasına görə qatılıb. Onların arasında dostu, Milli Təhlükəsizlik Xidmətinin keçmiş direktoru Artur Vanesyan da var. "Mən Vanesyanı təxminən 25 ildir tanıyıram. Onunla hələ Milli Təhlükəsizlik Xidmətinin direktoru təyin edilməzdən əvvəl, mən polis rəisi olarkən tanış olmuşdum”.
Xatırladaq ki, Yerevan polisinin sabiq müavini Valeri Osipyan hakimiyyət dəyişikliyindən sonra 2018-ci ilin 10 mayında baş nazir Nikola Paşinyanın təklifi ilə Ermənistanın polis rəisi təyin olunub.
O, 2019-cu ilin 18 sentyabrda istefaya gedib və həmin gün Paşinyanın baş məsləhətçisi təyin edilib. Lakin bu təyinatın ömrü çox az olub. Paşiyan cəmi 20 gün sonra - oktyabrın 8-də Osipyanı vəzifəsindən azad edib.
“Fransanın rəsmi şəxsləri tərəfindən ATƏT-in Minsk qrupunun həmsədri kimi Fransanın mandatına zidd olaraq birtərəfli, qərəzli və qeyri-obyektiv bəyanatlar səsləndirilməkdədir. Mandatına uyğun olaraq Fransa neytral tərəf kimi çıxış etməli olduğu halda, açıq-aşkar ermənipərəst siyasət yürüdür və tamamilə əsassız şəkildə Azərbaycana qarşı ittihamlar irəli sürür”.
Bunu Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev bildirib.
1992-ci ildə yaradılmış ATƏT-in Minsk qrupunun həmsədrlərindən biri Fransadır. Fransa ABŞ-la birgə 1 yanvar 1997-ci ildən bu qrupa həmsədrlik edir. Qrupun əsas vəzifəsi Ermənistan-Azərbaycan münaqişəsinin sülh yolu ilə aradan qaldırılmasına və Dağlıq Qarabağ probleminin dinc vasitələrlə həll edilməsinə bilavasitə kömək etməkdir.
Lakin təəssüf ki, Fransa hökumətinin indiyədək səsləndirdiyi fikirlər nəinki münaqişənin həllinə kömək edib, əksinə odun üstünə yağ töküb. Çünki Fransa özünü neytral yox, Ermənistan tərəfinin nümayəndəsi, tərəfdaşı kimi aparıb. Fransanın qərəzli təklifləri münaqişənin sülh yolu ilə həllinə mane olub. Ordumuz sentyabrın 27-dən etibarən əks-hücum əməliyyatlarına başladıqda isə qərəzli və birtərəfli şəkildə yalnız Azərbaycan qınanılıb, Bərdə və Gəncədə baş verən terror aktlarına susulub, əksinə Xankəndi və Şuşada guya mülki obyektlərə hücum edilməsinə dair mənasız açıqlamalarla yadda qalıb. Və yaxud Ermənistan PKK/YPG terror qruplaşmalarından istifadə etdiyi halda, Azərbaycanı heç bir sübutsuz Suriya terrorçularının xidmətindən yararlanmaqda günahlandırır.
Elə üç ölkə nümayəndələrinin birgə bəyanatı zamanı da Fransanın heç bir rolu olmayıb. Hikmət Hacıyevin dediyi kimi, Fransanın indiki açıqlamaları daha çox sülh prosesində kənarda qalmasından doğan qısqanclıqdan irəli gəlir. Ümumiyyətlə, Fransa Ermənistanın bu sənədi imzalamasına sanki çox əsəbləşib. Belə olmasaydı, Fransa strateji tərəfdaşı Ermənistanın imzaladığı bəyanata görə sakit durar, səsini çıxarmazdı. Amma indiki halda “Fransa ermənilərdən daha çox erməni olmağa cəhd göstərir”.
ATƏT-in Minsk Qrupunun həmsədrləri adından danışmaq üçün qərəzli və qeyri-obyektiv mövqe nümayiş etdirən Fransanın heç bir səlahiyyəti olmamalıdır. Hikmət Hacıyevin Fransa ilə bağlı açıqlamasının digər hissəsinə də nəzər salaq:
“Görəsən, bu 30 il ərzində Fransanı nə zamansa azərbaycanlı məcburi köçkünlərin öz torpaqlarına qayıtmaması narahat edibmi? Amma bunun əksinə olaraq, Azərbaycan ərazilərinin işğaldan azad edilməsi və beynəlxalq hüququn aliliyinin təmin olunması Fransanı narahat etməkdə davam edir.
Yekunda Fransanın rəsmi qurumlarına onu da xatırlatmaq istərdim ki, Azərbaycanın tarixi şəhəri olan və Azərbaycan xalqının qəlbində xüsusi yeri olan və işğaldan azad edilmiş Şuşa şəhərinin adı “Şuşi” deyil, Şuşadır”.
Fransa ilə bağlı məsələ aydındır. Bu yerdə digər fransızdilli ölkə Kanadaya da toxunaq. Kanadanın Xarici İşlər naziri Fransua-Filip Şampan tərəfindən yayılan bəyanat qərəzliliyi ilə seçilir. Bəyanatda Ermənistan xalqının pis vəziyyətdə olduğu vurğulanır, halbuki Qarabağdan didərgin düşmüş məcburi köçkünlər barədə bir söz deyilmir. Kanada Xarici İşlər naziri öz açıqlamasında etiraf edir ki, daha çox Ermənistandan olan həmkarı ilə son vaxtlar ünsiyyətdə olub.
Həmçinin Türkiyənin münaqişədən kənarda qalmalı olduğu xatırladılır. Fransanın mövqeyi ilə uyğunluğu gördünüzmü? Heç bir əsas olmadan Türkiyəyə qarşı qarayaxma kampaniyası əks etdirilir.
Kanada kimi regiondan kənar bir ölkə, xalqların və münaqişənin tarixinə bələd olmayan bu dövlət regionda sülh və təhlükəsizliyin təmin olunmasında bölgə ölkələrindən daha çox maraqlı ola bilməz. Ümumiyyətlə, Kanada kimi bir dövlət verdiyi açıqlamalarda beynəlxalq hüququn prinsiplərinin aliliyini rəhbər tutmalıdır. Bölgədə dayanıqlı sülhün təmin olunmasına mane olan hər hansı bir açıqlamanın verilməsi Kanadanın bir dövlət kimi beynəlxalq münasibətlər sistemində imicinə də xələl gətirir.
Belə olan halda ümumi mənzərəyə qiymət verib belə deyə bilərik: Fransa özünü “tutduğunu buraxmayan kor”, Kanada isə “toydan sonra dumbul çalan nağaraçı” təsiri bağışlayır...oxu.az
Gürcüstan bölgədə baş verən prosesləri çox diqqətlə izləyir.
Report xəbər verir ki, bunu ölkənin xarici işlər naziri David Zalkaliani “İmedi” telekanalına müsahibəsində deyib.
Nazirin sözlərinə görə, Rusiya və Türkiyənin iştirakı ilə razılığın əldə edilməsi Azərbaycan və Ermənistanın seçimi olub: “Tərəflərə hərbi əməliyyatlara qısa müddətdə son qoymaq vacib idi. Bununla bağlı Gürcüstan mövqeyini çox açıq şəkildə ifadə edib. Ümid edirəm ki, bu sülh sazişi tərəflərə bölgədə davamlı sülh yaratmaq imkanı verəcək”.
D.Zalkaliani Gürcüstanın sülh prosesindəki rolu ilə bağlı təklifinin qüvvədə qaldığını qeyd edib: “Bu istiqamətdə həm strateji tərəfdaşımız olan Azərbaycan, həm də ən yaxın dostumuz və qonşumuz olan Ermənistanla əməkdaşlığı davam etdirməyə hazırıq”.
“Şuşanın Azərbaycan qüvvələri tərəfindən azad edilməsi ilə Xankəndidə olan erməni qoşunları və əhalisi üçün də kritik bir vəziyyət meydana gəldi və Rusiya bunun qarşısını aldı”.
Bunu ATƏT-in Minsk qrupunun keçmiş həmsədri Keri Kavano RİA Novosti-yə bildirib.
“Rusiyanın vasitəçiliyi ilə imzalanan Qarabağ sazişi böyük itkilərin qarşısını alıb. Azərbaycan artıq qələbəni hərbi əməliyyatlarla qazanmışdı”,- deyə, o, açıqlayıb.
Onun sözlərinə görə, Ermənistanın baş naziri Nikol Paşinyan qanlı hadisələrin və Ermənistan dövlətinin tam çöküşünün qarşısını almaq üçün bu sazişə imza atıb.
Kavano Ermənistanı Dağlıq Qarabağla birləşdirən Laçın dəhlizinin faktiki olaraq tutulduğunu və şimal yolunun Azərbaycan ordusunun nəzarətində olduğunu vurğulayıb.
"Qarabağdan çıxış yolunun qalmadığını görən Paşinyan bu sazişi imzaladı. Moskva da vəziyyətin Ermənistanın Azərbaycan ordusunun hücumuna tab gətirə bilməyəcəyi yerə çatdığını açıq şəkildə bildirdi”,- deyə o, açıqlayıb.
Ermənistanda Milli Təhlükəsizlik Xidmətinin sabiq rəhbəri Artur Vanesyan İrəvanda keçirilən mitinqlərdən sonra həbs edilib.
“Ölkə.Az” erməni mediasına istinadən xəbər verir ki, Milli Təhlükəsizlik Xidmətinin sabiq rəhbəri İrəvanda təşkil olunan mitinq-yürüşlərin liderlərindən biri olub. Belə ki, onun liderlik etdiyi “Vətən” Partiyası İrəvanda Azərbaycan, Rusiya və Ermənistan arasında imzalanan sülh bəyanatına etiraz edib. A. Vamesyan polisin əmrinə tabe olmamaqda və ölkədə məhdudlaşma qaydalaırnı kobud pozaraq kütləvi aksiya təşkil etməkdə ittiham olunur. O hüquq-mühafizə orqanlarında dindirildikdən sonra barəsində həbs etmək barədə qərar çıxarılıb.
Ermənistanda daha 2 132 nəfərdə koronavirusa yoluxub.
Məlumatı ölkənin Səhiyyə Nazirliyinin Xəstəliklərə Nəzarət və Profilaktikası üzrə Milli Mərkəzi yayıb.
Bununla da Ermənistanda virusa yoluxanların sayı 112 680-ə çatıb.
Qeyd olunub ki, ölkədə pandemiyadan ölənlərin sayı 32 nəfər artaraq 1 668-ə yüksəlib. COVID-19 diaqnozu qoyulmuş, lakin başqa səbəbdən ölənlərin sayı isə 430-a çatıb. İndiyədək 70 130 nəfər infeksiyadan sağalıb.
Hazırda Ermənistanda 40 452 aktiv koronavirus xəstəsi var.
Rusiyanın Hərbi Kosmik Qüvvələrinin Mi-8 və Mi-24 helikopterləri Rusiyanın Dağlıq Qarabağdakı sülhməramlı əməliyyatında fəaliyyət göstərəcək.
Bu barədə məlumatı Rusiya Müdafiə Nazirliyi yayıb.
Məlumatda bildirilir ki, helikopterlər atəşkəs və hərbi əməliyyatlara nəzarət bölgələrinin havadan izlənməsi üçün istifadə ediləcək. Həmçinin onlar çətin relyefli rayonlara sülhməramlıları və mülkünü daşıyacaq.
Qeyd edək ki, son sutkada Dağlıq Qarabağa 414 rusiyalı sülhməramlı hərbçilər, çox sayda avtomobil, 8 helikopter və pilotsuz uçan aparatlar yerləşdirilib.
Türkiyənin xarici işlər naziri Mövlud Çavuşoğlu Azərbaycan mətbuatının suallarını cavablandırır.
Brifinq canlı yayımlanır: