 |
|
Ermənistanda son sutka ərzində koronavirusa yoluxma sayı pik həddə çatıb.
"Ölkədə bir gündə 10 nəfər ölüb, 2306 nəfər koronavirusa yoluxub.
Ümumilikdə isə, pandemiya qurbanlarının sayı 1131-ə yüksəlib. Son göstəriciərə görə, Ermənistanda hazırda 19 591 aktiv koronavirus xəstəsi var.
Almaniyanın “Deutsche Welle” telekanalında “Dağlıq Qarabağ münaqişəsi: Gəncədəki matəm və qəzəb” adı ilə reportaj yayımlanıb.
Reportajda Qarabağ uğrunda gedən döyüşlərin ətraf ərazilərdə getdikcə daha çox mülki şəxsi əhatə etdiyi bildirilir. Telekanalın müxbiri Yulia Hahn Azərbaycanın ikinci böyük şəhəri olan Gəncədən hazırladığı reportajda oktyabrın 17-nə keçən gecə raket atəşi nəticəsində dağılan yaşayış massivinə baş çəkib. Alman jurnalist raket zərbəsindən məhv olmuş məhəllədə dağılan evlərin qalıqları arasında sakinlərlə söhbət edib. Evi tamamilə dağılmış Gəncə sakini Rəqibə Quliyeva gecə baş verən hadisədən danışır. O, vaxtilə çoxlu yaşayış evinin olduğu məhəllənin raket atəşi nəticəsində viran qaldığını söyləyir. Videokadrlardan da görünür ki, gəncəli xanım dağıntılar arasında öz ev əşyalarını tanıyır və onları toplamağa çalışır.
Jurnalist həmin qanlı gecədə həlak olmuş 13 sakinin xatirəsinə hazırlanan anım guşəsinə də baş çəkir. Qeyd edilir ki, Gəncə sakinləri raket zərbəsi nəticəsində həlak olanların xatirəsini yad etmək üçün məhz buraya baş çəkir, gül dəstələri və öldürülən uşaqlara görə oyuncaqlar gətirirlər. Guşədəki lövhələrdə sakinlər bu hadisənin günahkarını da qeyd ediblər: Ermənistan ordusu.
Y.Hahn bildirir ki, Dağlıq Qarabağdan onlarla kilometr uzaqda yerləşən Gəncənin sakinləri müharibənin birbaşa onları da ağuşuna alacağını heç ağıllarına belə gətirməzdilər. Lakin ötən həftəsonu şəhərin bu məhəlləsindəki evlər dağıldıqdan sonra artıq hamıya aydındır ki, bu münaqişə istənilən zaman və bütün istiqamətlər üzrə kəskinləşə bilər.
Gəncənin mərkəzində sakinlərlə müsahibələr əsasında insanların vətənpərvər ruhda olduqları, onların Azərbaycan Silahlı Qüvvələrinə inandıqları qeyd edilir. Sakinlər döyüşlərdə iştirak üçün könüllü yazıldıqlarını, düşməndən qorxmadıqlarını, Vətən üçün candan keçməyə hazır olduqlarını və tezliklə Azərbaycan bayrağının Dağlıq Qarabağda dalğalacanağına inandıqlarını söyləyirlər.
Yekunda isə qeyd edilir ki, Gəncəyə olan hücumlardan sonra Azərbaycanın özünümüdafiə hüququndan istifadə etməyə tam haqqı çatır. Bu fikri bütün şəhər sakinləri, eləcə də dağılmış evinin qalıqları arasında özünə yeni gün-güzəran qurmalı olacaq Rəqibə Quliyeva söyləyir.
Azərbaycan Xalqlar Dostluğu Dərnəyinin təşkilatçılığı ilə Azərbaycanın dinc əhalisinə qarşı Ermənistanın törətdiyi terror aktını qınamaq üçün Antalyada etiraz aksiyası və avtoyürüş təşkil edilib. Yürüşdən əvvəl Azərbaycanın və Türkiyənin Dövlət Himnləri səsləndirilib, Gəncə terroru zamanı həlak olanların xatirəsi yad edilib.
Bu barədə Azərbaycan Respublikasının Diasporla İş üzrə Dövlət Komitəsinin yaydığı məlumatda qeyd olunub.
Aksiyada soydaşlarımız, yerli və xarici qeyri-hökumət təşkilatları, eləcə də siyasi partiya təmsilçiləri və mətbuat nümayəndələri iştirak edib.
Dərnəyin İdarə Heyətinin sədri hüquqşünas Lalə Həsənova çıxış edərək illərdir Ermənistanın işğalı altında olan torpaqarımızın Ali Baş Komandan cənab İlham Əliyevin uzaqgörən siyasəti və şanlı Azərbaycan ordusunun şücaəti nəticəsində geri qaytarılmasından danışıb. İşğalçı Ermənistanın tərəfdaş olduğu beynəlxalq müqavilələri ciddi şəkildə pozduğunu və dəfələrlə imzalanan atəşkəs rejiminə riayət etmədiyini vurğulayıb.
Aksiyada çıxış edən türkiyəli siyasətçilər də Azərbaycan-Türkiyə qardaşlığını vurğulayaraq hər zaman Azərbaycanın yanında olduqlarını qeyd ediblər. Azərbaycanın Laçın rayonundan olan iş adamı Elnur Malikoğlu da aksiyada çıxış edərək işğalçı Ermənistanın Qarabağda törətdiyi vəhşiliklərin canlı şahidi kimi Laçın rayonunun işğalından danışıb, xalqımıza, dövlətimizə qələbə və əmin-amanlıq arzulayıb.
Aksiyada “Qarabağ Azərbaycandır!”, “Gəncə cəbhə bölgəsi deyil!”, “Mülki insanlar toxunulmazdır!”, “Biz terrora yox deyirik!”, “Uşaq ölümünə son qoyun!”, “Ermənistan - BMT qətnamələrinə əməl et!” və s. kimi şüarlar səsləndirilib.
Dərnəyin üzvü Lamiyə Novruzovanın ifasında Azərbaycanın “Sarı gəlin” xalq mahnısı səsləndirilib. Daha sonra aksiya 100-dən çox avtomobilin iştirakı ilə “Dostluq” parkından başlayan avtoyürüşlə davam edib.
Erməni vandallarının azərbaycanlılara bəslədiyi nifrət sərhəd tanımır. Belə ki, dünyanın dörd bir yanına səpələnmiş erməni lobbisinin üzvləri hətta okeanın o tayında, ABŞ-ın Kaliforniya ştatında yaşayan azərbaycanlılara qarşı vandalizm aktı törətməkdən çəkinmirlər. Onlar oktyabrın 20-də gecə Şimali Kaliforniya Azərbaycan Mədəniyyət Mərkəzinin binasının üzərinə nifrət dolu ifadələr, təhqir və söyüş yazmaqla erməni xislətinin dəyişməz olduğunu bir daha sübut ediblər.
Bununla bağlı Diasporla İş üzrə Dövlət Komitəsi məlumat yayıb.
Bildirilib ki, milli zəmində azərbaycanlılara qarşı nifrət çağırışları edən ermənilərin cəzalandırılması üçün hadisə yerinə polis əməkdaşları gəliblər. Hazırda hadisə ilə bağlı araşdırma aparılır.
Kaliforniya Azərbaycan Mədəniyyət Mərkəzinin direktoru Həmid Azəri bu vandalizm aktını, eyni zamanda Azərbaycanın cəbhə xəttindən uzaqda yerləşən Gəncə şəhərinə edilən 2 raket hücumu nəticəsində 24 mülki vətəndaşın, o cümlədən qadın və günahsız uşaqların həlak olmasını, onlarla insanın yaralanmasını hadisə yerinə dəvət olunmuş kütləvi informasiya vasitələrinin nümayəndələrinin diqqətinə çatdırıb.
ABŞ prezidenti Donald Tramp seçiciləri ilə görüş zamanı çıxılmaz vəziyyətə düşüb.
Pensilvaniyada stadionda nitq söyləyən zaman onun mikrafonu qəfildən sönüb.
Birləşmiş Ştatlar prezidentinin nitqini istər çıxış etdiyi stadionda, istərsə də televiziya yayımından eşitmək mümkün olmayıb. Bu zaman Tramp mikrofonu əli ilə vuraraq içinə üfürüb.
Qeyd edək ki, ABŞ-da noyabrın 3-də prezident seçkiləri keçiriləcək.
Ermənistan Xarici İşlər naziri Zöhrab Mnatsakanyan Rusiyaya qısamüddətli səfərə gedib.
Oxu.az xəbər verir ki, Ermənistan XİN-in mətbuat katibi Anna Naqdalyan bu barədə öz “Facebook” səhifəsində məlumat yayıb.
Qeyd edək ki, daha əvvəl yayılan məlumata əsasən, Zöhrab Mnatsakanyan oktyabrın 23-də Vaşinqtonda ABŞ dövlət katibi Maykl Pompeo ilə görüşəcək.
ABŞ prezidenti Donald Trampın kilsəyə sayaraq bağışladığı ianə birmənalı qarşılanmayıb.
Donald Tramp prezident seçkilərində yenidən seçilməsi üçün ibadət etmək üçün kilsəyə yollanıb. O, kilsədə ayin zamanı 160 dollar ianə bağışlayıb. Prezidentin pulları qutuya atmadan əvvəl sayması onu gülüş hədəfinə çevirib.
Belə ki, kilisə liderləri Trampla zarafat edərək ''Tanrı bizə dedi ki, prezidentinizin ikinci dəfə də seçilməsinə yardım edəcəm'' sözlərini söyləyiblər. Eyni zamanda bir müddət əvvəl koronavirusa yoluxan Trampın kilsəyə maskasız getməsi də diqqətdən yayınmayıb.
Fransa hökuməti ölkədə islam radikallaşmasını əsas gətirərək daha bir məscidi bağlamaq qərarına gəlib.
Ölkənin Daxili İşlər Naziri Gerald Darmanin, TF1 kanalına verdiyi açıqlamasında, Paris ətrafında bir məscidin sosial media hesabında keçən həftə dərs zamanı Məhəmməd peyğəmbərin təhqiramiz karikaturasını göstərdiyi üçün başı kəsilərək qətlə yetirilən müəllimə qarşı kəskin mövqe bildirən paylaşım edilib.
Bundan başqa o, bağlanan məscidin din xadiminin uşaqlarının bu ayın əvvəlində Paris yaxınlığında Bobiqni şəhərində bağlanan bir məktəbin şagirdləri olduğunu bildirib.
Nazir son 3 ildə ölkənin "radikallaşdığını" iddia edərək məscidlər də daxil olmaqla 356 yerin bağlandığını və 411 əcnəbinin deportasiya edildiyini açıqlayıb.
Qeyd edək ki, Parisdə müsəlmanlara məxsus 51 dərnək və qeyri-hökumət təşkilatlarının dövlət tərəfindən idarə ediləcəyi, bəzilərinin isə Nazirlər Kabinetinin qərarı ilə bağlandığı bildirilir.
Ermənistanın baş naziri Nikol Paşinyanın qızı Maryam Paşinyan sosial şəbəkə hesabında Dağlıq Qarabağdakı döyüşlərlə bağlı paylaşım edib.
Azvision.az xəbər verir ki, Paşinyanın qızının “Facebook”dakı profilində pessimist notda yazdığı status erməni istifadəçilərdə ciddi narazılıq yaradıb. Ermənistan mətbuatı artıq baş nazirin ailəsinin belə bir bədbin ab-havada olmasını müzakirə mövzusuna çevirib.
Hətta xəbər saytları yazır ki, indi insanlarda daha çox vətənpərvərlik ruhunu yüksəldən fikirlər səsləndirilməlidir. Bu mənada ölkənin birinci ailəsinin dilindən bədbin ruhlu ifadələrin eşidilməsi xoş qarşılanmayıb.
Nikolun qızı statusunda yazıb ki, “Xəyallarımız və hədəflərimiz puç oldu. Xəyallarımız isə əsgərlərimiz və vətənimizlə bağlı idi”.
Onu da bildirək ki, Maryam Paşinyana sosial şəbəkələrdən də ciddi təzyiq gəlib. Ermənilər həmin paylaşıma şərh yazaraq bildiriblər ki, məhz Maryamın Soros qulu olan atası bu ölkəni uçuruma sürüklədi.
Surik Saroyan adlı istifadəçi yazıb: “Təəssüf ki, sizin xəyallarınız milli xəyallarımız deyil, Soros və ya neoliberalist “xəyallar”dır...”.
Yalnız Malayziyada deyil, həmçinin Cənub-Şərqi Asiya regionunda çox nüfuzlu nəşrlərdən biri olan “New Straits Times” qəzeti oktyabrın 17-də Ermənistan silahlı qüvvələrinin Gəncə şəhərinə qarşı törətdiyi ballistik raket hücumu ilə əlaqədar məqalə dərc edib.
AZƏRTAC xəbər verir ki, “Azərbaycanın mülki əhalisi müharibə cinayətinin qurbanıdır” adlı məqalədə Ermənistan ordusunun mülki əhaliyə qarşı törətdiyi cinayətlə əlaqədar Azərbaycan Xarici İşlər Nazirliyinin həmin gün verdiyi bəyanatından bəhs olunub.
Məqalədə, həmçinin cari il sentyabrın 27-dən başlayaraq Ermənistanın ölkəmizə qarşı növbəti hərbi təxribatı barədə məlumat verilib. Qeyd edilib ki, Ermənistan silahlı qüvvələri qısa müddət ərzində Azərbaycanın ikinci böyük şəhəri olan və cəbhə xəttindən çox uzaqda yerləşən Gəncə şəhərinə sayca üçüncü dəhşətli raket hücumu edib. Bu hücum nəticəsində 13 nəfər həyatını itirib, 40-dan çox insan ciddi yaralanıb.
Bildirilib ki, beynəlxalq hüququn norma və prinsiplərini, o cümlədən beynəlxalq humanitar hüququn, eləcə də elan olunmuş humanitar atəşkəsin tələblərini kobud şəkildə pozaraq dinc insanların məqsədli şəkildə öldürülməsi müharibə cinayəti və insanlıq əleyhinə cinayətdir. Ermənistanın siyasi-hərbi rəhbərliyinin bu cinayətə görə tam məsuliyyət daşıdığı vurğulanıb.
Məqalənin sonunda qeyd edilib:
“Terroru dövlət siyasətinə çevirən Ermənistanın siyasi-hərbi rəhbərliyi dinc əhalini raket atəşinə tutmaq qərarı verdiyinə görə məsuliyyət daşıyır. Azərbaycan Respublikası bəyan edir ki, milli və beynəlxalq hüquq mexanizmlərindən istifadə etməklə cinayətkarların ədalət mühakiməsinə cəlb edilməsi təmin olunacaq”.