 |
|
Türkiyə Prezidenti Rəcəb Tayyib Ərdoğanla Rusiyanın dövlət başçısı Vladimir Putin arasında telefon danışığı olub.
Yol-xeber.az TASS-a istinadən xəbər verir ki, bu barədə Kreml məlumat yayıb.
Qeyd edilir ki, tərəflər Dağlıq Qarabağda siyasi prosesin fəallaşmasını müzakirə ediblər.
“Bu gün Gəncə şəhərində hadisə yerində olduq. Qətər mülki əhalinin hədəfə alınmasının əleyhinədir. Qətərin mövqeyini bir daha ifadə edərək bildirirəm ki, biz qardaş ölkə olan Azərbaycanın ərazi bütövlüyünü və suverenliyini dəstəkləyirik”.
AZƏRTAC xəbər verir ki, bunu Qətər Dövlətinin Azərbaycandakı səfiri Feysal bin Abdullah Həməd Abdullah Al Hinzab oktyabrın 12-də Gəncədə jurnalistlərə açıqlamasında deyib.
Səfir bildirib ki, təkcə ərəb dövlətləri deyil, bütün sivil ölkələr mülki əhalinin hədəfə alınmasına qarşıdır:
“Biz illər boyu davam edən bu münaqişənin sülh yolu ilə həll olunmasını arzulayırıq”.
Səudiyyə Ərəbistanında Türkiyə məhsullarının satışına qeyri-rəsmi, amma xeyli sərt məhdudiyyətlər bir çox xarici nüfuzlu istehsalçılara ziyan vurur.
İspaniyanın geyim istehsalçısı “Mango”nun nümayəndəsi türkiyəli təchizatçılarına göndərdiyi məktubda Səudiyyə hökumətinin Türkiyədə istehsal olunan məhsulların hər cür idxalına qadağa qoyduğunu bildirib.
Həmçinin dünyanın ən böyük gəmiçilik şirkəti “Maersk” də ötən ay türkiyəli müştərilərinə məktubunda Səudiyyə gömrük xidmətində yaradılan çətinlikləri göstərərək “mümkün zərəri minimuma endirmək üçün” lazımi tədbirlər görməyi tövsiyə edib. Həmçinin koronavirus pandemiyası baş qaldırandan etibarən İstanbul ilə Ər-Riyad arasında təyyarə uçuşları da dayandırılıb.
Həmçinin İstanbul Hazır Geyim və Toxuculuq Məhsulları İxracatçıları Birliyinin (İHKİB) rəhbəri Mustafa Gültəpə də Səudiyyə Ərəbistanındakı dükanlarının, həmçinin istehsal sahələri Türkiyədə yerləşən bütün məşhur brendlərinin mövcud vəziyyət üzündən ziyanla üzləşdiyini bildirib. Tükiyəli ixracatçılar artıq xeyli müddətdir Səudiyyə gömrüklərində süründürməçilikdən gileylənirlər.
Ötən il Türkiyənin Səudiyyə Ərəbistanına ixracatı 3,2 milyard ABŞ dolları, bütövlükdə isə hazır geyim ixracatının həcmi 17,7 milyard ABŞ dolları təşkil edib.
Bununla belə Səudiyyə Ərəbistanı hökuməti Türkiyə mallarına hər hansı embarqo tətbiq etdiklərini inkar edərək ikitərəfli ticarət dövriyyəsində pandemiya fəsadlarından savayı, əhəmiyyətli bir geriləmənin olmadığını bildirib. Bununla belə Səudiyyə Ərəbistanının Ticarət Palatasının rəhbəri Əclan əl-Əclan bildirib: “Bizim dövlətə, ölkəmizə, vətəndaşlarımıza qarşı düşmən mövqeyi tutan Türkiyəyə dair idxalat, yatırım, ya da turizmlə bağlı hər hansı boykot tətbiq etmək hər bir səudiyyəli tacir və ya istehlakçının öz məsuliyyətindədir”.
Orta Şərq ölkələrinin tarixini araşdıran erməni əsilli Filip Ekozyants öz “YouTube” kanalında ermənilərin yalanlarını ifşa edən video yayımlayıb.
“Ölkə.Az” xəbər verir ki, o, müasir ermənilərin Qarabağdakı münaqişə ilə bağlı açıqlamalarının yalan olduğunu söyləyib.
Video bu cür yalanları yayımlayan məşhur futbolçu Henrix Mkhitaryana cavab olaraq çəkilib.
Tarixçi idmançının “Twitter”dəki paylaşımını Avropa ictimaiyyətinə yönəldiyinə deyib. Mkhitaryan öz paylaşımında Avropaya səslənərək, Qarabağın ermənilərin ərazisi olduğunu iddia edərək, xristian inancını qorumaq üçün onlardan kömək istəyib.
Tarixçi erməniləri lağa qoyaraq: “Əgər ermənilər bir yerdə kilsə tikiblərsə, bu o demək deyil ki, bu torpaq onlara məxsusdur. Başqa xalqlar orada yaşayırsa, gəldikləri yerə geri qayıtmamalıdırlar”,- deyə bildirib.
Tədqiqatçı bu cür açıqlamaların yalan olduğunu qeyd edərək, Qarabağ müharibəsində “xristian dəyərlərindən” söhbət getmədiyini vurğulayıb.
Ekozyants, bu ərazilər uğrunda müharizədə müdafiə oluna bilməyəcəklərinə əmin olduğunu da vurğulayıb.
Tarixçi Azərbaycan hərbçilərinin uşaq bağçalarına hücum etdiyinə dair yayılan xəbərlərin də yalan olduğunu deyib. Bundan başqa o, erməniləri lağa qoyaraq, ironiya ilə "Ermənistan öz şəhəri olan Bakı yaxınlığında bütün dünyanın xristian dəyərlərini qoruyur",- deyə, qeyd edib.
Sonda Ekozyants dünya ictimaiyyətinin çoxunun Azərbaycanın öz torpaqlarında mübarizə apardığını başa düşür. O, hər kəsi futbolçunun səsləndirdiyi bu cür cəfəngiyatlara inanmamağa çağırıb:
"Qarabağdakı münaqişə ilə bağlı özünüzə və bütün dünyaya yalan danışmayın!"
"Ermənilər Azərbaycanı geri çəkilməyə məcbur etmək üçün mülki hədəflərə hücum edərək bu yolla vahimə və qarışıqlıq yaradacaqlarını açıq şəkildə bəyan ediblər".
Bu barədə “Report”a bildirən amerikalı hərbi jurnalist Bancamin Minik Ermənistan silahlı qüvvələri tərəfindən Azərbaycanın cəbhə xəttindən uzaqdakı şəhərlərinə raket hücumlarını dəyərləndirib.
“Ermənistan Azərbaycana mümkün qədər çox ziyan vurmağa köklənib. Hər müharibədə infrastrukturu dağıdıb məhv etmək başlıca məsələdir. Onlar isə daha irəli gedib uşaqlara, qadınlara hücum edirlər. Yəni belə çıxır ki, onların əsl məqsədi işğal etdikləri əraziləri saxlamaq yox, daha da genişləndirməkdir”, – jurnalist deyib.
O, beynəlxalq birliyin Azərbaycanın ərazi bütövlüyünün bərpa olunmasına dair BMT qətnamələrini yerinə yetirməyi təmin etməsinin vacibliyini qeyd edib:
“Ermənilər Azərbaycan ərazisindən çıxmağı rədd etməklə beynəlxalq hüququ pozurlar. ATƏT-in Minsk qrupu elə əvvəlcədən səmərəsiz olub. Həmsədrlərin dəyişməsi faydalı ola bilər, amma mövcud fəaliyyətsizliklərini də uzada bilər. Bu qrup məsələni həll edən vasitəyə yox, bir növ monitorinq qurumuna cevrilib”.
Xatırladaq ki, humanitar atəşkəs elan edildikdən sonra oktyabrın 11-də cəbhədən uzaqda yerləşən Gəncə şəhərinə Ermənistan ordusu tərəfindən raket atəşinə tutulması nəticəsində 9 nəfər həlak olub, aralarında uşaqlar olan 35 nəfər yaralanıb.
Ermənistan BMT Təhlükəsizlik Şurasının qətnamələrini, eləcə də atəşkəsi nəzərə alaraq öz qoşunlarını işğal etdiyi Azərbaycan ərazilərindən dərhal geri çəkməlidir.
"Ölkə.Az" xəbər verir ki, bunu Trend-ə Türkiyə Prezidentinin baş müşaviri Yalçın Topçu deyib.
Onun sözlərinə görə, Ankarada Qars-Ərdəhan-İğdır Cəmiyyətləri Federasiyasının təşkil etdiyi Azərbaycana dəstək məqsədilə Qarabağ mitinqi keçirilib.
Y.Topçu bəyan edib ki, Ermənistanın işğal etdiyi ərazilərdən qoşunlarını çıxarması bütün dünyanın xeyrinə olacaq:
"Əgər Ermənistan rəhbərliyinin vicdanı varsa, indiyə qədər həyata keçirdiyi bütün hərbi cinayətlərə və hüquq pozuntularına görə Azərbaycana təzminat ödəyib, Azərbaycandan və BMT-dən üzr istəməlidir”.
Tacikistanda bazar günü keçirilən prezident seçkilərində Emoməli Rəhmon qalib gəlib.
Oxu.az məlumatına görə, bu barədə Mərkəzi Seçki Komissiyasının sədri Bəxtiyor Xudoerzoda bəyan edib.
O, ilkin nəticələrə görə, hazırkı dövlət başçısı Emoməli Rəhmonun seçicilərin 90,92 faizinin (və ya 3,837 milyon insanın) səsini qazandığını deyib.
Qeyd edək ki, seçkilərdə hazırkı Prezident Emoməli Rəhmonla yanaşı, daha dörd namizəd mübarizə aparıb.
1992-ci ildən bəri ölkəyə rəhbərlik edən Rəhmon üçün (postsovet məkanında ən uzun) bu, beşinci seçkidir. Seçkilərin gedişatını MDB, ŞƏT, KTMT, ATƏT, RF Dövlət Duması və Federasiya Şurasından müşahidəçilər izləyiblər. Heç bir qanun pozuntusu qeydə alınmayıb.
Ermənistanın baş naziri Nikol Paşinyanın rəsmi “Facebook” səhifəsindəki paylaşımı Gürcüstan ictimaiyyətində böyük hiddətlə qarşılanıb.
Report xəbər verir ki, paylaşımda Gürcüstanın Samtsxe Cavaxeti bölgəsində yerli ermənilərin bu yaxınlarda keçirdikləri aksiyadan fotoşəkil yer alıb.
Fotoşəkilin üzərində aksiyanın keçirildiyi yer olaraq “Javakhk” (“Cavakx”) yazılıb.
Qeyd edək ki, erməni millətçiləri və separatçıları Samtsxe Cavaxeti bölgəsini bu cür adlandırırlar. Onlar bu bölgəni Gürcüstanın bir hissəsi hesab etmirlər.
N.Paşinyanın bu paylaşımına minlərlə gürcü kəskin etirazını bildirərək “Gürcüstanda Cavakx yoxdur. Bura Gürcüstanın ərazisi Samtsxe Cavaxetidir”, “Ermənistanın baş naziri Gürcüstanda separatizmi təşviq etmirmi? Samtsxe Cavaxeti Gürcüstanın olub və olacaq” və digər bu kimi şərhlər yazıblar.
Bununla bir daha sübut olunur ki, Ermənistan rəhbərliyi ərazi bütövlüyü prinsipinə hörmətsiz yanaşır, qonşu Gürcüstana da ərazi iddiası var və bu məqsədlə açıq şəkildə separatizmi alovlandırır.
Türkiyədə Egey dənizi sahillərində 5 bal gücündə zəlzələ baş verib.
Report xəbər verir ki, məlumatı Türkiyənin Fəlakət və Təcili Yardım Nazirliyi yayıb.
Bildirilib ki, zəlzələ Türkiyənin Muğla bölgəsi və ətraf rayonlarda da hiss edilib.
Yeraltı təkanların ocağı 6 km dərinlikdə yerləşib. Məlumata görə eyni bölgədə 4,8; 4,2; 3,8 və ikisi 3,7 bal gücündə olmaqla daha 5 ayrı yeraltı təkan da baş verib.
Qırğızıstanın “goldenbridgenews.com” saytı Gəncənin Ermənistan silahlı qüvvələri tərəfindən atəşə tutulması ilə bağlı xəbərlər yayıb.
AZƏRTAC-a istinadla yayılan materiallarda Ermənistanın humanitar atəşkəs rejimini elə imzalandığı gün pozaraq Gəncəni raket atəşinə tutması, nəticədə 9 mülki şəxsin həlak olduğu, 34 nəfərin yaralandığı barədə məlumat verilib. Həmçinin AZƏRTAC-ın müxbirinin hadisə yerindən çəkdiyi 26 foto da təqdim edilib.
Portal, həmçinin Gəncənin raket atəşinə tutulması ilə əlaqədar Azərbaycan Xarici İşlər Nazirliyinin bəyanatını da yayıb.
Qeyd edək ki, “goldenbridgenews.com” saytı Azərbaycan Prezidenti İlham Əliyevin “CNN International” və “Sky News” telekanallarına müsahibələrinin tam mətnini dərc edib.
