 |
|
Bu gün Türkiyə Prezident Kabineti ölkə rəhbəri Rəcəb Tayyib Ərdoğanın başçılığı ilə Azərbaycan-Ermənistan cəbhə xəttindəki vəziyyət və Şərqi Aralıq dənizindəki koronavirusla mübarizədəki inkişaf gündəmi ilə toplanacaqlar.
“TRT Haber”in məlumatına görə, Ərdoğan bu məsələləri nazirlərlə müzakirə edəcək.
Türkiyə Prezidentinin rəhbərliyi ilə keçiriləcək iclasda Azərbaycan ordusunun Ermənistana qarşı mübarizəsinin də qiymətləndiriləcəyi bildirilir.
BMT Təhlükəsizlik Şurası Dağlıq Qarabağda atəşkəsə nəzarətin təmin edilməsinin vacibliyini müzakirə edib.
Report verdiyi məlumata görə, bunu oktyabr ayında Təhlükəsizlik Şurasına rəhbərlik edən Rusiyanın BMT-dəki daimi nümayəndəsi Vasili Nebenzya Dağlıq Qarabağla bağlı qapalı iclasın nəticələri ilə üzrə jurnalistlərə açıqlamasında deyib.
V.Nebenzya diqqətə çatdırıb ki, hazırda atəşkəs rejimini təmin etmək lazımdır, bu ən aktual məsələdir, çünki müvafiq razılaşma əldə edilib, lakin icra edilməyib.
O qeyd edib ki, əsas məsələ atəşkəsin icrasına nəzarətin necə təmin ediləcəyidir.
Türkiyənin Millətçi Hərəkat Partiyası (MHP) sosial şəbəkədə Azərbaycana dəstəyini nümayiş etdirib.
“Report” xəbər verir ki, MHP-nin tvitter səhifəsində paylaşılan dəstək videosunda partiya sədri Dövlət Bağçalının Azərbaycan ilə bağlı nitqləri və Azərbaycan Silahlı Qüvvələrinin hərbi əməliyyatları yer alıb.
“Təpələrinə vura-vura Qarabağ alınmalıdır”, - paylaşımda azərbaycanca qeyd olunub.
KAFALARINA VURA VURA; KARABAÄ ALINMALIDIR...ð¹ð·
— MHP ð¹ð·ð¦ð¿ (@MHP_Bilgi) October 18, 2020
TÆPÆLÆRÄ°NÆ VURA VURA; QARABAÄ ALINMALIDIR... ð¦ð¿ pic.twitter.com/Pi5XR6eRIq
Humanitar atəşkəsə baxmayaraq, qəhrəman Azərbaycan Ordusu mülki insanlara hücum edən Ermənistanın cavabını cəbhədə verməkdə davam edir.
Bu barədə Türkiyənin Milli Müdafiə Nazirliyinin “Twitter” səhifəsində paylaşım edilib.
Nazirlik bəyan edib ki, geri alınan 13 kəndlə birlikdə Azərbaycanın işğaldan azad edilmiş yaşayış məntəqələrinin sayı 78-ə çatıb.
Kahraman Azerbaycan Ordusu ateşkese rağmen sivillere saldıran Ermenistan’a cevabı cephede vermeye devam ediyor. Ele geçirilen 13 köy ile birlikte işgalden kurtarılan yerleşim yeri sayısı 78’e ulaştı.
— T.C. Millî Savunma Bakanlığı (@tcsavunma) October 19, 2020
Xatırladaq ki, bu gün Azərbaycan Ordusu tərəfindən Cəbrayıl rayonunun Soltanlı, Əmirvarlı, Maşanlı, Həsənli, Əlikeyxanlı, Qumlaq, Hacılı, Göyərçinveysəlli, Niyazqullar, Keçəl Məmmədli, Şahvəlli, Hacı İsmayıllı, İsaqlı kəndləri azad edilib.
“Azərbaycanlı qardşlarımız Ermənistana qarşı çox ciddi mübarizədədir. Biz niyə Azərbaycanda varıq, niyə qardaşlarımızın yanındayıq? Çünki biz haqqın və haqlının yanındayıq, zülm harda varsa, ona qarşıyıq”.
APA xəbər verir ki, bunu Türkiyə Prezidenti Rəcəb Tayyib Ərdoğan Türkiyənin Şırnak vilayətində keçirilən konqresdəki çıxışında bildirib.
Ərdoğan Azərbaycanla Ermənistan arasında daha bir atəşkəsin elan olunduğunu xatırladaraq, qeyd edib ki, Ermənistan bir daha təxribata yol verib və atəşkəsi pozub: “Bu gecə atəşkəs elan edildi, amma Ermənistan yenə atəşkəsi pozdu. Bütün bu həqiqətlər ortada ikən Qərb səs çıxarırmı? Çıxarmır. Türkiyənin səsi çıxınca isə, qınanırırq. Susmayacağıq, dayanmayacağıq”.
Türkiyə Prezidenti bildirib ki, Azərbaycanın haqlı mübarizəsində qələbə çalacağına inanır: “Kimdir Minsk Qrupu həmsədrləri? Rusiya, Fransa, Amerika. Bunlar Ermənistana hər cür silah dəstəyi verirlərmi? Verirlər. Bütün bunlar edilərkən azərbaycanınlı qardaşlarımız canları bahasına mübarizə aparırlar. 30 ildir ABŞ, Rusiya, Fransa bu müzakirəni bitirib, qardaşlarımızın torpaqlarını geri almasına imkan yaratmadılar. İndi Azərbaycan işğalda olan öz torpaqlarını azad edir, bundan təbii nə ola bilər? Allah yar və yardımçıları olsun! İnanırıq ki, onlar bu haqlı mübarizələrində qalib olacaqlar və bunu sidq-ürəklə diləyirik!”
Ermənistanın baş naziri Nikol Paşinyan ötən gün cəbhəyə yola düşən sonuncu - qoca, orta yaşlı erməni əsgərləri qarşısında çıxış edib.
“Report” xəbər verir ki, işğalçı ölkənin baş nazirinin ordunun sonuncu orta yaşlı və qoca əsgərləri qarşısındakı çıxışının videogörüntüsü “YouTube” videohostinqində yerləşdirilib.
Paşinyanın orta yaşlı, qoca əsgərlər qarşısındakı “ürəyinizdə qələbə ilə gedin” şüarını səsləndirməsi hərbi qulluq üçün yararlı olmayan bu şəxslərin cəbhəyə yola salındığını göstərir. Videogörüntüdə diqqəti cəlb edən ikinci məqam isə erməni əsgərlərinin intizamsızlığıdır. Belə ki, cəbhəyə göndərilən yaşlı əsgərlərdən bəziləri baş nazirin qarşısında əlləri ciblərində dayanıblar.
Paşinyanın son ümidi olan bu “hərbçilər”in bəzilərinin intizamsız geyimi, saqqallı olmaları da düşmən ordusunun sonuncu 100-150 çağırışçısının döyüş qabiliyyətinin hansı səviyyədə olmasının göstəricisidir.
Videogörüntüdə əsasən orta yaşlı və qoca əsgərlərin yer alması Ermənistanın Azərbaycanın işğal edilmiş ərazilərinə göndərmək üçün hərbçi tapmamasının bariz nümunəsidir. Məsələ burasındadır ki, işğalçı ölkənin Dağlıq Qarabağdakı əsas hərbi qüvvəsi Azərbaycan Ordusu tərəfindən sıradan çıxarılıb.
Bütün bunlar onu göstərir ki, terroru dövlət siyasətinə çevirmiş Ermənistan hərbi əməliyyatlarda son mərmilərini atmaqla yanaşı, sonuncu ümidi olan qocaları da cəbhəyə yollayır.
Xəbər verdiyimiz kimi Azərbaycan Respublikasının Baş Prokurorluğu Ermənistan silahlı qüvvələri tərəfindən Gəncə şəhərində törədilmiş terror aktı ilə bağlı fransız, ispan, alman, rus, ingilis dillərində videoçarx hazırlayıb.
Sözügedən videoçarx əsasında Türkiyənin “Haber Global” televiziya kanalında da süjet hazırlanaraq ictimaiyyətə təqdim olunub.
Həmin videosüjeti təqdim edirik:
3 həftəyə yaxındır ki, Azərbaycan Ermənistana qarşı əks-hücum əməliyyatları aparır və ərazi bütövlüyünü bərpa etməyə çalışır. Amma Qarabağ təkcə Vətəndə yaşayanları deyil, həm də Vətəndən kənarda yaşayanları düşündürməlidir. Bəs müxtəlif ölkələrdəki diasporumuz, o cümlədən siyasi və iqtisadi potensiala malik ayrı-ayrı həmvətənlərimiz Azərbaycan ordusuna necə dəstək verə bilər?
"Ölkə.Az" xəbər verir ki, “Report” məsələ ilə bağlı müxtəlif ekspertlərin rəyini öyrənib.
"Ermənistana dəstək göstərən şirkətlərə qarşı iş aparılmalıdır"
İqtisadçı-ekspert Natiq Cəfərli deyir ki, son 100 il ərzində dünyada əməlli-başlı erməni diasporu formalaşıb və onun hesabına Ermənistan müxtəlif ölkələrə həm siyasi, həm də iqtisadi təsir mexanizmləri əldə edib. Azərbaycan isə bu sahədə yalnız müstəqillik dövründə nəyəsə nail ola bilib. Amma həvəsdən düşmək lazım deyil.
"Azərbaycanlıların və yaxud bu ölkəyə bağlı olanların Milli Ordumuza dəstəyilə yanaşı Ermənistanın işğalçı siyasətini dəstəkləyən şirkətlərlə bağlı sosial mediada kampaniya aparmasına ehtiyac var. Ermənistana mənəvi-maddi dəstək göstərən şirkətlər dünyada terrorçuluğu dəstəkləyən, uşaq ölümlərinə rəvac verən biznes strukturları kimi təqdim edilməlidir. Bu iş uğurla aparılsa, həmin şirkətlərin dövriyyəsi kəskin azalar və onlar Azərbaycan ərazilərinin işğalına dəstək verməkdən çəkinərlər", - deyə o, qeyd edib.
Bundan başqa, N.Cəfərlinin sözlərinə görə, diasporumuz xarici media ilə də aktiv işləməlidir: "Xüsusilə ermənilərin daha çox mütəşəkkil olduğu Fransada haqlı mövqeyimizin təbliğinə böyük ehtiyac var. Bu ölkədə erməni əsilli siyasətçilər üstünlük təşkil etsə də, Ermənistanın Azərbaycanın mülki insanlarını hədəfə alması barədə Fransa mediasında məlumatlar yayıldı, lakin onlar çox azdır. Fransanın xəbər agentlikləri ilə daha sıx işləmək lazımdır. Bu ölkədə yaşayan iş adamlarının dəstəyi ilə Azərbaycana daha çox jurnalistin gəlməsinə şərait yaradılmalıdır. Həmçinin dünyada beynəlxalq media mərkəzlərinin yaradılması Azərbaycanın haqlı mövqeyinin dünyada təbliği baxımından kifayət qədər effektiv ola bilər. Məsələn, bu cür mərkəzlər Türkiyədə, Avropa İttifaqı ölkələrində var. Onlarla işləmək olar".
"İş adamlarının həm maddi, həm də mənəvi dəstəyinə ehtiyac var"
İqtisadçı-ekspert Elşad Məmmədov də hesab edir ki, dünyada, o cümlədən Rusiyada yaşayan və fəaliyyət göstərən azərbaycanlı iş adamları Vətənin övladları olmaları ilə bağlı sosial məsuliyyətlərini anlamalıdırlar: "Onların həm maddi, həm də mənəvi dəstəyinə ehtiyac var. Bu xalqın nümayəndələridirlər Azərbaycana dəstəklərini həmişə ifadə etməli, diaspor təşkilatlarımızının fəaliyyətinin lazımi səviyyədə qurulmasına çalışmalıdırlar".
"Müasir müharibələr ancaq hərbi münaqişələrdən ibarət deyil. İnformasiya sahəsində də müharibə aparmaq, Azərbaycanın haqlı mövqeyinin dünyaya çatdırmaq lazımdır. Məsələn, bu baxımdan son günlər Rusiya KİV-lərində ciddi boşluqlar var. Azərbaycanın intellektual elitası müzakərələrə az dəvət edilir. İnformasiya müharibəsində mövqelərimizi gücləndirməli, sözümüzü informasiya məkanında demək üçün intellektual potensiala malik olmalıyıq”, - deyə o əlavə edib.
Qırğız Respublikasının Prezidenti Sooronbay Jeenbekov istefa verib.
Report xəbər verir ki, bildirilib ki, prezident istefasını parlament tərəfindən namizədliyi oktyabrın 14-də təsdiqlənən yeni baş nazir Sadır Japarova müzakirə edib. Müzakirədən sonra Jeenbekov bu gün istefa verib.
Qeyd edək ki, Sooronbay Jeenbekov 2017-ci il noyabrın 24-də seçilmişdi.
Azərbaycanın Los Ancelesdəki baş konsulu Nəsimi Ağayevin Ermənistanın işğalçılıq siyasəti haqda yazdığı məqalə 14 oktyabr 2020-ci il tarixində ABŞ-ın nüfuzlu “Los Angeles Times” qəzetində dərc edilib.
Azərbaycanın Los Ancelesdəki Baş Konsulluğu xəbər verir ki, məqalədə baş konsul Dağlıq Qarabağın mübahisəli ərazi olmadığını, Azərbaycanın tərkib hissəsi olduğunu və bunun beynəlxalq ictimaiyyət tərəfindən də qəbul edildiyini diqqətə çatdırır. N.Ağayev Ermənistanın Azərbaycana qarşı işğalçılıq siyasətindən danışaraq, ölkəmizin 20 faiz ərazisini təşkil edən Dağlıq Qarabağ və ətraf yeddi rayonun Ermənistan tərəfindən qanunsuz şəkildə işğal edildiyini və 800 min dinc azərbaycanlının öz doğma yurdlarından didərgin salındığını bildirir.
Baş konsul Ermənistanın bu işğalını pisləyən BMT Təhlükəsizlik Şurasının məlum qətnamələrinə, eləcə də 30 ilə yaxındır davam edən və heç bir nəticə verməyən danışıqlara baxmayaraq, Ermənistanın Azərbaycan torpaqlarının bu qanunsuz işğalını davam etdirdiyini qeyd edir.
N.Ağayev 27 sentyabr tarixindən etibarən Ermənistan silahlı qüvvələrinin azərbaycanlı mülki əhalini hədəf aldığını və nəticədə indiyədək üç uşaq da daxil olmaqla 41 dinc sakinin həlak olduğunu və Azərbaycanın buna cavab olaraq özünü müdafiə etdiyini vurğulayır.
Münaqişənin həlli haqqında danışan baş konsul sülhün əldə olunması üçün Ermənistan qoşunlarının bütün işğal olunmuş ərazilərimizdən çıxarılmalı və azərbaycanlı məcburi köçkünlərin öz doğma evlərinə qayıtmalı olduğunu qeyd edir. Bundan sonra Dağlıq Qarabağın azərbaycanlı və erməni icmalarının birlikdə sülh və əmin-amanlıq içərisində yaşayacaqlarını bildirir. N.Ağayev bu münaqişənin nə etnik, nə də dini münaqişə olmadığını, uzun əsrlər boyu azərbaycanlılar və ermənilərin Dağlıq Qarabağda və Azərbaycanın digər bölgələrində sülh içərisində birgə yaşadıqlarını qeyd edir.
Sonda baş konsul vurğulayır ki, ABŞ və digər böyük dövlətlər beynəlxalq hüququn aliliyini təmin edərək, iki ölkə arasında sülhün bərqərar olması üçün Azərbaycanın işğal olunmuş ərazilərindən qoşunlarının çıxarılması ilə bağlı Ermənistana təzyiq göstərməlidirlər.
Məqalənin tam mətni ilə bu linkdə tanış ola bilərsiniz: //www.latimes.com/opinion/story/2020-10-14/azerbaijans-nagorno-karabakh-is-not-disputed-territory
Qeyd edək ki, Qarabağ həqiqətlərinin Amerika ictimaiyyətinə çatdırılması üçün Azərbaycanın Los Ancelesdəki Baş Konsulluğu məqsədyönlü fəaliyyətini davam etdirir. Bu səpkidə sentyabrın 27-dən bəri baş konsul N.Ağayev ABŞ-ın müxtəlif qəzetlərinə və bir sıra nüfuzlu televiziya kanallarına, o cümlədən ABC, CBS, NBC, FOX, KTLA, TELEMUNDO, CURRENT TIME kanallarına və NPR/KCRW radiosuna 20-dən çox müsahibə verərək, Ermənistanın işğalçılıq siyasətini ifşa edib. Baş konsulun fikirlərinin işıqlandırılmasından qəzəblənən yerli erməni lobbisi sözügedən mətbu orqanlarına təzyiqlər göstərib, hətta buna görə “Los Angeles Times” qəzetinin binası və CBS telekanalı qarşısında etiraz aksiyaları keçiriblər.