 |
|
"Koronavirusla bağlı vəziyyət dünya miqyasında getdikcə pisləşir".
Bunu Ümumdünya Səhiyyə Təşkilatının (ÜST) baş direktoru Tedros Adhanom Gebreyesus Cenevrədəki brifinq zamanı bildirib.
“Təşkilatımız dünyadakı 7 milyona yaxın yoluxma halı və 400 minədək ölən haqqında məlumat alıb. Avropada vəziyyət yaxşılığa doğru getsə də, bütövlükdə dünyada pisləşir”, - təşkilat rəhbəri qeyd edib. report
.jpg)
Dünyada 7 091 666 nəfərdə koronavirus aşkar edilib.
Virusdan 406 195 nəfər ölüb, 3 461 119 nəfər sağalıb.
Virusa yoluxanların ən çox müşahidə olunduğu ilk üç dövlət ABŞ (2 007 449 nəfər), Braziliya (691 962 nəfər), Rusiyadır (467 673 nəfər).
İran 171 789 nəfərlə 10-cu, Türkiyə 170 132 nəfərlə 11-ci yerdədir.
Ermənistanda koronavirusa yoluxanlar 13 130, Gürcüstanda 809 nəfər təşkil edir.
Azərbaycanda koronavirus 7 553 nəfərdə aşkar edilib. Virusa yoluxanlardan 88 nəfər ölüb, 4 149 nəfər sağalıb. /oxu.az
Rütubətli hava yeni tip koronavirusun yayılmasının böyük ölçüdə qarşısını alır.
Bu barədə Yale Universitetinin immunobioloqu Akiko İvasaki araşdırma aparıb.
Araşdırma nəticəsində bəlli olub ki, quru hava virusun ağciyərdən təmizlənməsini əngəlləyir, orqanizmin viruslara qarşı immun sistemini zəiflədir: “Havanın quru olduğu qış aylarında həyatımızın 90%-ni qapalı məkanlarda keçiririk. Bu da virusun ən yaxşı yaşadığı və yoluxduğu dövrdür”.
Massaçusets Texnologiya Universitetinin mühəndisi Həzhir Rəhmandad tərəfindən aparılan digər bir araşdırma koronavirusun quru yerlərdə rütubətli yerlərə nisbətən daha çox yayıldığını ortaya çıxarıb.
Qeyd edək ki, qış aylarında ortaya çıxan və bütün dünyaya yayılan koronavirusun yay aylarında səngiyəcəyi və yox olacağı barədə hələ aylar əvvəl iddialar ortaya atılmışdı. publika
Rusiya Federal Hava Nəqliyyatı Agentliyi (“Rosaviasiya”) iyulun 15-dən bir sıra xarici ölkələrə uçuşları bərpa edə bilər.
Agentlik iyulun 15-dən ölkənin bir neçə regionundan dünyanın 15 ölkəsinə beynəlxalq uçuşları bərpa etməyi planlaşdırır. Biznes aviasiya üçün isə bütün ölkələrə uçuşlar bərpa ediləcək.
Qeyd edək ki, bu il martın 27-dən Rusiya koronavirus pandemiyası ilə əlaqədar beynəlxalq aviauçuşları tamamilə dayandırıb. mediapost
Bu gün Avropa İttifaqının və NATO-nun baş ofislərinin yerləşdiyi Brüsseldə minlərlə yerli sakin ABŞ nümayişçiləri ilə həmrəyliklərini ifadə etmək üçün küçələrə çıxıblar.
“RİA Novosti” xəbər verir ki, etiraz aksiyasının iştirakçıları Avropada da irqçilik problemlərinin mövcudluğunu dilə gətiriblər.
Qeyd olunur ki, Belçika paytaxtının bəzi küçələrində dinc nümayiş iğtişaşlara çevrilib, aksiya iştirakçıları mağazaların vitrin şüşələrini sındırıblar. oxu.az
Türkiyə Silahlı Qüvvələri İdlibə əlavə qoşun göndərib.
Bunu türkiyəli hərbi ekspert Turan Oğuz deyib.
“Türkiyə Silahlı Qüvvələri hər an əməliyyata başlayacaqmış kimi hazırlıq görür. İdlibə təxminən 4 min avtomobil, 10 minə yaxı şəxsi heyət göndərilib. Eyni zamanda, adı çəkilən bölgəyə “Atılqan ASELSAN”, “Korkut”, HİSAR-O və HAWK-21 hava müdafiə sistemləri də yerləşdirilib. Hazırda Türkiyə ordusu bölgədə fevral ayına nisbətən çoxluq təşkil edir”, – ekspert bildirib.
Qeyd edək ki, Türkiyə ordusu “fevralın 27-də “Bahar qalxanı” antiterror əməliyyatını başladıb. Bir həftə davam edən əməliyyat çərçivəsində İdlib şəhəri terrorçulardan təmizlənib. /Axar.az/
Suriyanın Qamışlı qəsəbəsində ABŞ və Rusiya qoşunları arasında gərginlik yaşanıb.
Bu barədə Türkiyə mətbuatı məlumat yayıb.
Bildirilir ki, Rusiya ordusu Türkiyə sərhədinə yaxın ilk hərbi bazasını yaratmaq istəyir. Bununla bağlı rus komandirlərini daşıyan helikopter Qamışlıya yaxın Qəsr Dib kəndində bir məktəbə eniş edib.
İddia olunur ki, Rusiya məktəbi hərbi bazaya çevirmək istəyir və buraya 13 zirehli avtomobillə 30 hərbçi yerləşdirib.
Hərbi və logistika ləvazimatları daşıyan Rusiya konvoyu məktəbə doğru hərəkət etdiyi zaman ABŞ hərbçiləri onların qarşısını kəsərək geri göndərib.
Rus komandirlər və əsgərlərin isə məktəbi tərk etmədiyi deyilir.
Qeyd edək ki, Qamışlı qəsəbəsi YPG/PKK-nın nəzarəti altındadır. Burada ABŞ qoşunları da yerləşib. /axar.az/
“Nəzarəti itirən ölkələr daha sərt məhdudlaşdırılmalara, ciddi rejimli karantin qaydalarına qayıda bilərlər”
Bütün dünyaya yayılan COVID-19 pandemiyasında ikinci dalğa və mutasiya mübahisələri qızışıb. Bir çox elm adamı virusun mutasiya edərək, daha da yolxucu və öldürücü hala gələcəyini bildirirlər. Amma Ümumdünya Səhiyyə Təşkilatı (ÜST) bu iddiaları rədd edir.
Xarici media bildirir ki, ÜST səlahiyyətlisi, həkim Maria Van Kerkove RNA viruslarında olduğu kimi, koronavirusda da zaman içində normal dəyişikliklər baş verdiyini bildirib. Onun sözlərinə görə, dəyişikliklər koronavirusu daha çox yolxucu və öldürücü etmir.
Dünyanın bir çox bölgəsində normallaşma addımlarına da toxunan Kerkove, buna baxmayaraq pandemiyanın ABŞ, Meksika və Braziliyada sürətlə can almağa davam etdiyinə diqqət çəkib.
“Gigiyena və sosial məsafə qaydaları hələ də çox önəmlidir. Pandemiyanın bitməsi hələlik reallıqdan çox uzaqdır. Anlayıram, insanlar qadağalardan yorulub. Amma məhdudlaşdırmalar hissə-hissə aradan qaldırılmalıdır”, – deyə ÜST rəsmisi qeyd edib.
Kerkove qaydalara əməl edilməsə, iqtisadi baxımdan daha kritik vəziyyətin yaranacağını söyləyib: “Pandemiyada nəzarəti itirən ölkələr daha sərt məhdudlaşdırılmalara, ciddi rejimli karantin qaydalarına qayıda bilərlər”. /Ayna.az/
ABŞ-da qaradərili Corc Floydun polis tərəfindən öldürülməsindən sonra baş qaldıran etiraz aksiyaları ilə bağlı ilginc iddia ortaya atılıb.
Polis etirazçılara qarşı zorakılığın dozasını artırıb.
Etirazçılar isə polisə kərpiclərlə cavab verməyə başlayıb. Olaylarda diqqətçəkən məqam isə etirazçıların istifadə etdiyi kərpiclər olub. İddiaya görə, kərpiclər “Microsoft”un qurucusu Bill Qeytsin ortağı olduğu “Acme Brick Company”nin məhsullarıdır. Məhsulların üzərində şirkətin markasının olması etirazlar zamanı təsadüfən çəkilmiş fotolara düşüb.
Qeyd edək ki, Bill Qeyts koronavirusa qarşı peyvəndləmənin məcburi olmasını tələb edirdi. Buna görə də Qeytslə Ağ Ev arasında fikir ayrılıqları yaranmışdı. Qeyts Prezident Donald Trampı koronavirusa qarşı kifayət qədər tədbir görməməkdə ittiham edir. Başqa bir iddiaya görə, COVID-19-un yayılmasında Bill Qeytsin barmağı var. Belə ki, milyarder bütün dünyada insanların daha asan idarə edilə bilməsi üçün onların orqanizminə çip yerləşdirmək niyyətindədir. Bunu koronavirus yolu ilə həyata keçirmək istəyir. Buna görə də yeni tip virusa qarşı peyvəndin hər kəs üçün məcburi olmasını istəyir. (publika.az)
Ermənistan Prezidenti Armen Sarkisyanın oğlu ərə gedib.
Trend xəbər verir ki, bu barədə Ermənistan KİV-i yazıb.
A.Sarkisyanın kiçik oğlu Ayk Sarkisyan Faris adlı sevgilisi ilə evlənib.
Toyda bir sıra yüksək vəzifəli şəxslər, eləcə də Böyük Britaniya şahzadəsi iştirak edib.
