 |
|
Avropa Parlamentinin məruzəçiləri – Azərbaycan üzrə Zhelen Zavko, Ermənistan üzrə Trayan Basesku və Avropa Parlament Əməkdaşlıq Komitəsinin Azərbaycan, Gürcüstan və Ermənistan üzrə həmsədri Mariya Kalyuran ilk dəfə birgə bəyanat qəbul etdilər.
Bu, Avropa Parlamenti rəsmilərinin Azərbaycanın işğal olunmuş ərazilərindəki qanunsuz fəaliyyətlərlə bağlı ilk birgə sənədidir.
Sənəddə tərəflər Dağlıq Qarabağ münaqişəsinin Azərbaycanın beynəlxalq səviyyədə tanınmış sərhədləri daxilində həllinə çağırılır.
Qeyd etmək lazımdır ki, belə bir bəyanatın qəbul edilməsi Ermənistanın və Nikol Paşinyanın diplomatik cəbhədə növbəti məğlubiyyətidir. /konkret.az/
Ehtiyatsızlıq səbəbindən 13-cü mərtəbədən yıxılan və 40 metr məsafədə evin fasadından sallanıb qalan beş yaşlı qız yanğınsöndürən tərəfindən xilas edilib.
Hadisə Çinin Yunnan vilayətində qeydə alınıb.<ins' style="padding: 0px; margin: 0px; box-sizing: border-box;">
Qızın vəziyyətinin yaxşı olduğu vurğulanıb. Ananın sözlərinə görə, kuryerdən sifarişi almaq üçün uşağı cəmi bir neçə dəqiqəliyinə tək qoyub və belə bir hadisənin baş verəcəyini gözləməyib.(oxu.az)
Ehtiyatsızlıq səbəbindən 13-cü mərtəbədən yıxılan və 40 metr məsafədə evin fasadından sallanıb qalan beş yaşlı qız yanğınsöndürən tərəfindən xilas edilib.
"Ölkə.Az"ın verdiyi məlumata görə, hadisə Çinin Yunnan vilayətində qeydə alınıb.<ins' style="padding: 0px; margin: 0px; box-sizing: border-box;">
Qızın vəziyyətinin yaxşı olduğu vurğulanıb. Ananın sözlərinə görə, kuryerdən sifarişi almaq üçün uşağı cəmi bir neçə dəqiqəliyinə tək qoyub və belə bir hadisənin baş verəcəyini gözləməyib.(oxu.az)
Çin alimləri tərəfindən COVID-19-a qarşı hazırlanan yeni peyvənd meymunlar üzərində sınaqdan keçirilib.
APA bildirir ki, nəticələr ümidverici olub.
Tədqiqatçıların oxşar sınaqları bir müddət əvvəl siçanlar, siçovullar, qvineya donuzları, dovşan və digər heyvanlar üzərində aparsalar da, bu qədər müsbət nəticənin əldə olunmadığı bildirilib.
Reuters-in məlumatına görə, hazırda Çin mütəxəssisləri COVID-19-a qarşı 5 növ peyvəndi sınaqdan keçirir.
Xatırladaq ki, dünyada koronavirusa qarşı 100-dən çox mümkün vaksin hazırlanıb. Ən perspektivlilər sırasında əczaçılıq nəhənglərindən olan “AstraZeneca” şirkəti ilə Oxford Universitetinin birgə hazırladığı, o cümlədən Çin şirkəti “CanSino Biologics”in və ABŞ-ın dərman firması “Moderna”nın peyvəndləridir.
Türkiyənin Liviyada öz maraqları var. Bu, heç kəsə sirr deyil. Lakin Ankara digər böyük güclərdən fərqli olaraq, öz maraqlarını destruktiv yolla deyil, konstruktiv yolla təmin edir. Türkiyənin Liviyada həyata keçirmək istədiyi “təhlükəsiz bölgə” modeli bunun bariz sübutudur.
Bu sözləri Axar.az-a açıqlamasında siyasi ekspert Vüqar Zifəroğlu Türkiyənin Suriyada tətbiq etdiyi “təhlükəsiz bölgə” modelini Liviyada da həyata keçirmək istəyi haqda danışarkən deyib. O bildirib ki, bu plan iki ölkənin münasibətlərinə müsbət təsir edəcək:
“Türkiyə Liviyada aktiv bir oyunçudur. Ankaranın Sərrac hökumətinə verdiyi dəstək Liviyada siyasi tarazlığı ciddi ölçüdə dəyişib. Devrilmək təhlükəsi ilə üz-üzə olan Sərrac hökuməti faktiki olaraq Türkiyənin dəstəyi ilə qələbəyə çox yaxındır. Böyük güclər üçün Liviya artıq yükdür. Yəni artıq digər güclər də Türkiyənin fonunda Liviyada tam olmasa da, sülhün bərqərar olmasının lehinədir”.
Ekspertin sözlərinə görə, “təhlükəsiz bölgə” modelinin Liviyada tətbiq edilməsi müsbət haldır və effekt verəcək:
“Biz bu modelin Suriya üçün təsirlərini gördük. Faktiki olaraq Suriya 3-4 ildir daha yaxşı vəziyyətdədir. Bu model tərəflərin həm diplomatik danışıqlara girməsinə, həm də infrastruktur işlərinin aparılmasına müsbət təsir etdi. Prinsip etibarilə bu modeli Liviyada etmək mümkündür və bu, öz bəhrələrini verəcək. Qeyd edim ki, bu təklif Liviyanın bölünməsi və s. şeylərə gətirib çıxarmayacaq. Çünki Liviyanın bölünməsi Türkiyə üçün də qəbuledilməzdir. Türkiyənin Liviyada həyata keçirmək istədiyi genişmiqyaslı yenidənqurma işləri insanların gündəlik həyatlarını etibarlı şəkildə davam etdirməsinə şərait yaradacaq. Liviyada təhlükəsizliyin təmin edilməsi, ərzaq və səhiyyə xidmətlərinin artırılması ölkədə canlanma prosesini sürətləndirəcək. Eyni zamanda, iqtisadi sabitlik, infrastruktur xidmətləri, ədalətin bərqərar olması, mənzil-kommunal təsərrüfatının yenidən qurulması əsas məqsədlərdən sayılacaq. Türkiyə faktiki olaraq bu gün Liviya ilə müttəfiqlik səviyyəsindədir. Ankara Haftar üzərində qələbədən sonra zəif, dağıdılmış, tarimar olmuş bir Liviya yerinə güclü bir Liviya görmək istəyir”.
Türkiyə Prezidenti Rəcəb Tayyib Ərdoğan Nazirlər Kabinetinin iclasından sonra karantinin yumşaldılması prosesində alınan yeni qərarları açıqlayıb.
Qafqazinfo yeni qərarları təqdim edir:
- Restoran, kafe və qiraətxanaların bağlanma saatı 22:00-dan 24:00-dək uzadılıb;
- Kinoteatr, teatr və şou mərkəzləri iyulun 1-dən fəaliyyətə başlayacaq;
- 65 yaşdan yuxarı vətəndaşlar həftənin bütün günləri saat 10:00-dan 20:00-dək küçəyə çıxa biləcəklər;
- 18 yaşdan aşağı şəxslər üçün qadağa isə yalnız valideyn himayəsində çölə çıxmaq şərti ilə aradan götürülür;
- Milli parklar və təbii parklar 18 yaşdan böyük kişi və 65 yaşdan böyük şəxslər üçün ödənişsiz olacaq;
- Nikah zalları 15 iyundan, toy zalları isə 1 iyuldan etibarən fəaliyyətə başlayacaq.
Yeni tip koronavirusla bağlı peyvəndlər payızda hazır ola bilər.
Bu sözləri çinli epidemioloq Zonq Nanşan deyib.
O, bildirib ki, pandemiyaya qarşı “sürü toxunulmazlığı” metodu ilə deyil, kütləvi peyvəndlə mübarizə aparmaq vacibdir:
“Çinli alimlər tərəfindən hazırlanan bəzi peyvəndlər payızda təcili istifadə üçün hazır olacaq”.
Qeyd edək ki, Çin hazırda yeni tip noronavirusa qarşı 5 fərqli peyvəndi sınaqdan keçirir. /Axar.az/
“ABŞ oyunun sonuna gəldi, inqilab başladı”.
Bu sözləri Rusiya Liberal Demokratlar Partiyasının lideri Vladimir deyib.
LDPR lideri bildirib ki, ABŞ-da yaşanan xaos inqilabi dəyişikliklərə yol açacaq: “Demokratlar hər şeyi itirdilər. Buna görə də prezident Donald Trampın Amerikanı idarə etməsinə əngəl oldular. Aşağıdakılar bunu gördü və hərəkətə keçdi. Bir xaos yaratmağa qərar verdilər. Hökumətlə xalq arasında ciddi anlaşmazlıq var”. (publika.az)
Yunanıstan həddini bilməsə, Türkiyənin nə edəcəyi bəllidir.
Bu sözləri Türkiyə Prezidenti Rəcəb Tayyib Ərdoğan yunan nazirin təhdidlərinə cavab olaraq deyib.
“Yunanıstan dinc dayanmır, Türkiyəyə söz atır. Türkiyəyə bu cür atmaca atılarmı? Bir az sözlərinə diqqət et! Həddini bilməsən, Türkiyənin nə edəcəyi bəllidir. Cənubi Kiprdə iki məscidimizlə bağlı provokasiyaya cəhd edib, yandırmağa çalışdılar! Bir tərəfdə yunan bayrağı, digər tərəfdə əski asırlar. Etdikləriniz qarşılıqsız qalacaqmı?!” – deyə Ərdoğan bildirib.
Qeyd edək ki, Yunanıstanın Müdafiə naziri Nikos Panagiotopoulos açıqlamasında ölkənin maraqları naminə lazım gələrsə Türkiyə ilə müharibəyə hazır olduqlarını söyləmişdi. /Axar.az/
Liviya hökumət qüvvələri Sirt şəhərini almağa çalışır. Bu məsələ Rusiyanı narahat edir. Haftarın isə belə bir dərdi yoxdur, çünki gücünü Rusiyadan alır.
Bu sözləri Türkiyə Prezidenti Rəcəb Tayyib Ərdoğan deyib.
“Məlum olduğu kimi, hazırda Türkiyə BMT-nin tanımış olduğu Sərrac hökumətinin yanındadır. Qarşımızda bir qiyamçı Haftar var. Haftarın yanında kim olursa-olsun, ona qarşıyıq. Bir çox yerlər geri alınıb. Ən strateji ərazilərdə də irəliləmə davam edir. Tərhunə, Fəthiyə bölgələri olduqca önəmli idi və geri alındı. Demək olar ki, Tunisə kimi çatan geniş şimal dəhlizi Sərracın hakimiyyəti altındadır. Bütün bu olanlar Haftarı dəli edir. Onlar (Haftar ordusu) qaçır, Sərrac qovalayır”, – deyə Ərdoğan bildirib. (axar.az)
Gürcüstanda koronavirus pandemiyası ilə əlaqədar tətbiq olunmuş məhdudiyyətlərin yumşaldılmasının növbəti mərhələsi başlayıb.
İyunun 8-dən etibarən ölkədə restoran və kafelərin, hotellərin və valyutadəyişmə məntəqələrinin işi bərpa olunur.
Bundan başqa, iyunun 15-dən ölkədaxili turizm, dəmir yolu ilə sərnişin daşımaları bərpa olunacaq. Beynəlxalq turizmin isə iyulun 1-dən açılması gözlənilir.
Gürcüstan Səhiyyə Nazirliyi ictimai iaşə müəssisələrinə və hotellərə müəyyən tövsiyələr verib.
Kafe və restoran maska taxmaq və iki metr məsafə saxlamaq zəruridir. Stol arxasında ən çox 6 nəfər otura bilər.
Hotellərə gəldikdə isə, yalnız Səhiyyə Nazirliyinin yoxlamasından keçən hotellər fəaliyyətini bərpa edəcək.
Qeyd edək ki, ötən gün Gürcüstanda 1 nəfərin koronavirusa yoluxması qeydə alınıb. Bu günədək ölkədə 810 nəfər yoluxub, 13 nəfər ölüb.(Trend)