 |
|
Aqnessa adlı erməni arxitektor İrəvan şəhərinin tarixi ilə bağlı mühüm etiraflar edib.
Bu barədə sosial şəbəkədə video paylaşılıb.
İrəvanın mərkəzi rayonlarından birinin icra hakimiyyətində arxitektor işləyən Aqnessa bildirib ki, tarixən bu şəhərdə ermənilər yaşamayıb, onlar sadəcə ticarət üçün bura gəliblər. Erməni arxitektor buna sübut kimi tarixi binaları göstərib.
O vurğulayıb ki, hətta Sovet Ermənistanı yarananda da bu şəhərdə çox az sayda erməni yaşayıb. Aqnessanın sözlərinə görə, Ermənistan SSR qurulduqdan sonra İrəvana Peterburqda oxuyan arxitektorlar göndərib. Onlardan biri – Aleksandr Tamanyan İrəvan şəhərinin müasir arxitekturasını qurub.
Qeyd edək ki, 1913-cü il siyahıyaalınmasına görə, həmin vaxt İrəvan əhalisinin 87 faizini azərbaycanlılar təşkil edirdi.
Azərbaycan şəhəri olan İrəvan və ümumilikdə İrəvan xanlığının ərazisi 1918-ci ildə AXC parlamenti tərəfindən ermənilərə dövlət qurmaq üçün verilib.
Bunun əvəzində ermənilər Zəngəzur mahalı və Dağlıq Qarabağa iddialarından geri çəkildiklərini rəsmi şəkildə elan etmişdilər. Amma Zəngəzur cəmi 2 ildən sonra – sovet hakimiyyəti vaxtı Azərbaycandan qoparılaraq, Ermənistana birləşdirildi. (kult.az)
İordan vadisini birləşdirdikdən sonra bölgədə yaşayan fələstinlilərə İsrail vətəndaşlığı verilməyəcək.
Bunu İsrail Baş naziri Benyamin Netanyahu ölkə mətbuatına açıqlamasında deyib.
O bildirib ki, burada yaşayan fələstinlilər Fələstin vətəndaşı olmağa davam edəcək.
Baş nazir sağçıların Donald Trampın Orta Şərq sülh planının Fələstinə müstəqil dövlət seçmək hüququ verməsi ilə bağlı tənqidlərinə də toxunub. O deyib ki, Fələstin xalqı Qərbi Şəriyədə İsrailin nəzarətini qəbul etsələr, Trampın dövlət olaraq açıqladığı quruluşa sahib olacaqlar:
“Fələstinlilər Orta Şərq sülh planını qəbul etməsələr, çətin şərtlərə məruz qalacaqlar”.
B.Netanyahu eyni zamanda Qərbi Şəriyənin birləşdirilməsi halında Fələstin xalqının qəbul etməsi vacib olan şərtləri də açıqlayıb:
“İsrailin Qərbi Şəriyədə tamamilə nəzarəti ələ alması, Qüdsün tamamilə İsrailin nəzarətində olması, bir dənə də olsun fələstinli miqrantın geri qayıtmaması, yəhudi yaşayış məntəqələrinin boşadılmaması, Fələstin xalqının İsrailin bütün bölgə üzərində müstəqilliyini qəbul etməsi vacibdir. Əgər onlar bu şərtləri qəbul edərsə, özlərinə aid quruluşları olacaq”.
Baş nazir həmçinin qeyd edib ki, Qərbi Şəriyə ilə İordan vadisini birləşdirmək tarixi bir addım olacaq. (axar.az)
Türkiyə Prezidenti Rəcəb Tayyib Ərdoğanın İstanbulun fəthinin ildönümündə Aya Sofyada Fəth surəsinin oxunacağını deməsi Yunanıstanda böyük rezonans doğurub.
Yunan mediası Ərdoğanın bu çıxışını “Türklərdən misli görünməmiş meydan oxuma” sərlövhəsi ilə təqdim edib.
“Olimpiya” qəzeti Türkiyə liderinin çıxışını belə işıqlandırıb:
“Türkiyə Prezidenti Ərdoğan yeni bir meydan oxumaya imza atdı. O, İstanbulun türklər tərəfindən fəth edilməsinin ildönümündə Aya Sofyada Fərh surəsinin oxunacağını açıqladı”.
Yunanıstanın digər media orqanları da sözügedən xəbəri bənzər başlıqlarla yayımlayıb.
Qeyd edək ki, bu gün İstanbulun fəthinin (1453) ildönümü münasibətilə Aya Sofyada Fəth surəsi oxunacaq. (axar.az)
Türkiyə Prezidenti Rəcəb Tayyib Ərdoğanın İstanbulun fəthinin ildönümündə Aya Sofyada Fəth surəsinin oxunacağını deməsi Yunanıstanda böyük rezonans doğurub.
Yunan mediası Ərdoğanın bu çıxışını “Türklərdən misli görünməmiş meydan oxuma” sərlövhəsi ilə təqdim edib.
“Olimpiya” qəzeti Türkiyə liderinin çıxışını belə işıqlandırıb:
“Türkiyə Prezidenti Ərdoğan yeni bir meydan oxumaya imza atdı. O, İstanbulun türklər tərəfindən fəth edilməsinin ildönümündə Aya Sofyada Fərh surəsinin oxunacağını açıqladı”.
Yunanıstanın digər media orqanları da sözügedən xəbəri bənzər başlıqlarla yayımlayıb.
Qeyd edək ki, bu gün İstanbulun fəthinin (1453) ildönümü münasibətilə Aya Sofyada Fəth surəsi oxunacaq. (axar.az)
İŞİD terrorçuları liviyalı müxalif feldmarşal Xalifə Xaftara qarşı sui-qəsd hazırlayıb.
Lenta” xəbər verir ki, İŞİD terrorçuları feldmarşal Xəlifə Xatara qarşı terror aktı törədiblər. Belə ki, onlar Xəlifə Xaftarın konvoyunun keçdiyi yolda partlayış törədiblər. İŞİD bu terror hadisəsi ilə bağlı məsuliyyəti öz boynuna götürüb. Bu İŞİD-in son bir ayda Xəlifə Xaftara qarşı ikinci terror hadisəsi hesab olunur. Bundan öncə İŞİD terrorçuları mayən 21-də Liviyanın cənubunda Xaftar mövqelərinə hücum təşkil edib. Mayın 25-də isə Xaftarın konvoyunun keçdiyi yolda partlayış törədiblər.
Ermənistanda koronavirus epidemiyasının yayılması ilə əlaqədar olaraq həddindən artıq mürəkkəb şərait yaranıb.
Bunu Ermənistanın baş naziri Nikol Paşinyan keçirdiyi onlayn konfransda deyib.
“Vəziyyət o həddə çatıb ki, artıq ikinci koronavirus epidemiyası dalğası ilə üz-üzəyik. Son günlərdə əsas müzakirə obyektimiz yaranmış durum və ondan çıxış yollarıdır. İndi komendant rejiminin tətbiqinin daha da sərtləşdirılməsini müzakirə edirik”-Paşinyan bəyan edib.
Paşinyan əlavə edib ki, vəziyyətdən çıxış yolu kimi indiyədək tətbiq edilən qaydaların daha da sərtləşdirilməsində görürük. “Belə ki, bütün ölkə ərazisində qaydalara riayət olunması ilə bağlı yoxlamalar daha da sərtləşdiriləcək.
Ermənistan Səhiyyə naziri Arsen Torosyan da vəziyyətin ağır olduğunu dilə gətirib. Bildirib ki, son günlərdə virusa yoluxanlaırn sayı sürətlə artmaqdadır.
Hazırda virusa yoluxan xəstələrin 51-nin vəziyyəti həddən artıq ağırdır və artıq onlardan 15-nə süni nəfəs aparatı qoşulub.
ABŞ Prezidenti Donald Tramp koronavirus pandemiyasının ikinci dalğası baş verərsə, iqtisadiyyatın dayandırılmayacağını bildirib.
Bu barədə Tramp Miçiqan ştatında “Ford” şirkətinin maşın zavodunu ziyarət edərkən açıqlama verib: “İnsanlar bunun uzaq bir ehtimal olduğunu söyləyirlər. Ancaq ikinci dalğa ortaya çıxsa, hər kəsi sakitləşdirəcəyik. Ölkəmizin iqtisadi fəaliyyətini dayandırmayacağıq”.
Ölkəsinin epidemiya dönəmində çox şey öyrəndiyini qeyd edən Tramp gələcək dalğalara da son dərəcə hazır olduqlarını bildirib.
Ermənistanda koronavirusa yoluxanların sayı sutka ərzində daha 335 nəfər artaraq 5606-ya çatıb.
Bu barədə Səhiyyə Nazirliyinin Xəstəliklərə Nəzarət və Profilaktikası üzrə Milli Mərkəzin saytında məlumat verilib.
Xəstəlik səbəbindən həyatını itirənlərin sayı daha 3 nəfər artaraq 70-ə çatıb. Ümumilikdə 2 581 pasiyent müalicə olunaraq sağalıb.
2 928 xəstənin müalicəsi davam etdirilir, 45 822 insan isə koronavirus testindən keçib.
Qeyd edək ki, Ermənistanda epidemiyaya görə martın 16-dan etibarən tətbiq olunan fövqəladə vəziyyət rejimi 13 iyuna qədər uzadılıb.
Rusiyada son sutka ərzində daha 8 849 nəfərdə koronavirusa yoluxma faktının aşkarlanması ilə yoluxanların ümumi sayı 317 554-ə çatıb.
Bu barədə Rusiya hökumətinin koronavirusla mübarizə üzrə operativ qərargahının internet saytında açıqlama verilib. Bildirilib ki, ölkə üzrə aktiv koronavirus xəstələrinin sayı 221 774 nəfər təşkil edir.
Ötən gün ərzində xəstəlik səbəbindən daha 127 nəfərin həyatını itirməsi ilə ölüm hallarının sayı 3 099-a çatıb. Ümumilikdə 92 681 pasiyent isə sağalaraq evinə buraxılıb.
COVID-19 pandemiyasının başlanğıc nöqtəsi olab Çinin Uhan şəhərində vəhşi heyvanların alınıb-satılmasından sonra yeyilməsi də qadağan edilib.
“Qafqazinfo” “TRT Haber”ə istinadən xəbər verir ki, Çinin Hubey əyalətinin 11 milyon əhalisi olan Uhan şəhərində yerli rəhbərlik bütün vəhşi heyvanların ovlanması və yeyilməsinə qadağa qoyub.
Şəhər rəhbərliyi, həmçinin bütün vəhşi heyvanların çoxalmasına da ciddi nəzarət tətbiq olunacağını açıqlayıb.
Qeyd edək ki, dekabr ayında koronavirus epidemiyasının başladığı Çində yanvar ayında bütün növ vəhşi heyvanların ticarətinə qadağa qoyulmuşdu.
.jpg)
Gürcüstanda mayın 22-dən sonra fövqəladə vəziyyət rejimi və komendant saatı ləğv olunacaq.
Gürcüstanın Baş Naziri Giorgi Qaxariya açıqlama verib. O, bu qərarın ölkənin iqtisadi və sosial baxımdan tədricən həyata qayıtmasının vacib olduğu üçün verildiyini bildirib.
Qeyd edək ki, Gürcüstanda bu günə qədər 721 nəfər koronavirusa yoluxub, 12 nəfər xəstəlik səbəbindən həyatını itirib. Ölkədə fövqəladə vəziyyət rejimi martın 21-dən etibarən tətbiq olunurdu.