 |
|
Dünyada 16 421 465 nəfərdə koronavirus aşkar edilib.
Bu barədə Oxu.Az-ın onlayn statistikasında qeyd olunur.
Virusdan 652 276 xəstənin öldüyü, 10 051 644 nəfərin sağaldığı məlumdur.
Qitələr arasında koronavirusa ən çox yoluxma (5 129 906 nəfər) Şimali Amerikada, ölkələr arasında isə ABŞ-da (4 371 839 nəfər) müşahidə edilir.
İkinci yerdə 2 419 901 yoluxma ilə Braziliya, üçüncü yerdə isə 1 436 019 nəfərlə Hindistan yer tutur.
Sərhəd qonşularımızdan Rusiya 812 485 yoluxma ilə siyahının dördüncüsüdür.
İranda 291 172, Türkiyədə 226 100, Ermənistanda 37 317, Gürcüstanda isə 1 131 yoluxma qeydə alınıb.
Azərbaycanda koronavirusa yoluxan 30 050 xəstənin 22 684 nəfəri sağalıb, 417-si həyatını itirib.
Bill Gates uzun müddət sonra ilk dəfə insanların koronavirus pandemiyasını onun adı ilə əlaqələndirərək əsas məqsədin əhaliyə çip taxmaq olduğu iddiasına cavab verib.
Ted.az bildirir ki, Bill ve Melinda Gates təşkilatı ilə birgə koronavirusun qarşısını almaq üçün 300 milyon dollar pul xərcləyən Bill Gates CBS-yə açıqlamasında pandemiyanın yayılmasında əli olmadığını bildirib.
O qeyd edib ki, bu iddiaların necə və haradan yarandığını, həqiqətən, bilmir.
B.Gates həyat yoldaşı ilə birgə təsis etdiyi təşkilatın məqsədinin isə çip taxmaq olmadığını vurğulayıb. O, ümumiyyətlə, bu tip iddiaları çox absurd hesab etdiyini dilə gətirib.
Qeyd edək ki, B.Gates bir müddət öncə verdiyi açıqlamada koronavirusun belə geniş yayılmasını sosial şəbəkələrdə yalan məlumatların dolaşması ilə əlaqələndirmişdi.
ABŞ-ın və dünyanın ən nüfuzlu yəhudi təşkilatlarından olan Simon Vizental Mərkəzi (SVM) və Amerika Yəhudi Komitəsinin (AYK) Los-Anceles nümayəndəliyi iyulun 21-də Azərbaycanın Baş Konsulluğu qarşısında erməni daşnakları tərəfindən azərbaycanlı icma üzvlərinə qarşı həyata keçirilən vəhşilikləri pisləyib.
Bu barədə Azərbaycanın Los-Ancelesdəki Baş Konsulluğu xəbər yayıb.
Yayılan açıqlamalarda azərbaycanlı icma üzvlərinin zorakı hücumlara məruz qalması qınanılıb və bunun qəbuledilməz olduğu bildirilib. Eyni zamanda, Los-Anceles Polis İdarəsinə nifrət zəminində törədilmiş həmin cinayətlərin düzgün şəkildə araşdırılması ilə bağlı çağırış edilib.
Qeyd edək ki, vətəndaşlarımıza qarşı erməni daşnakları tərəfindən zorakılığın törədilməsindən sonra Los-Ancelesdəki Baş Konsulluğumuz uzun müddətdən bəri dostluq münasibətləri saxladığı ABŞ-ın nüfuzlu yəhudi təşkilatlarını bu cinayət barədə dərhal məlumatlandıraraq, fərqli millətlərin yaşadığı Los-Anceles kimi şəhərdə etnik nifrət zəminində bu cür vəhşiliyin törədilməsinin qətiyyətlə pislənilməsinin vacibliyini bildirmişdi.
Nəticədə, sözügedən yəhudi təşkilatları bu bəyanatlarla çıxış edərək, Azərbaycanla həmrəylik nümayiş etdiriblər.
Baş Konsulluq daşnakların bu vəhşiliyinə ABŞ ictimaiyyətinin diqqətinin cəlb edilməsi istiqamətində tədbirlərini davam etdirir.
Azərbaycanlılar Birləşmiş Millətlər Təşkilatının (BMT) Baş Qərargahının binası önündə ermənilərin təxribatına qarşı etiraz aksiyası keçirib.
Oxu.az xəbər verir ki, bununla bağlı görüntülər sosial şəbəkədə paylaşılıb.
Aksiya iştirakçıları Azərbaycan Dövlət Himnini səsləndiriblər. Bundan sonra soydaşlarımızın bəyanatı səsləndirilib.
Həmvətənlərimiz Azərbaycan və Türkiyə bayraqlarını qaldırıblar, eləcə də Ermənistanın təcavüzkarlığına son qoyulması tələbi ilə şüarlar səsləndiriblər.
Daha sonra azərbaycanlılar “Şəhidlər ölməz, vətən bölünməz”, “Qarabağ bizimdir, bizim olacaq” şüarları ilə Nyu-Yorkda yürüş keçirirlər.
Bu gün “Ayasofya” 86 il sonra məscid kimi ibadətə açıq elan edib. Vətəndaşlar "Ayasofya-i Kebir Cami-i Şerifi"də ilk namaz qılmaq üçün səhər azanından sonra bölgəyə axın ediblər.
Məscidə gedən 11 nöqtədə təhlükəsizlik məntəqələri quraşdırılıb, ibadət üçün gələnlərə maska verilib, əlləri dezinfeksiya olunub.
Bundan əlavə, İstanbul valisi Ali Yerlikaya “Ayasofya” ətrafında namazı qılmaq üçün nəzərdə tutulan yerlərin dolduğunu, bu səbəbdən əraziyə girişlərin bağlandığını söyləyib. Həmçinin tarixi məkana yaxın olan metrostansiyalar fəaliyyətini dayandırıb. Eyni zamanda izdihama görə böyük tıxaclar yaranmağa başlayıb.
Türkiyə Prezidenti Rəcəb Tayyip Ərdoğan da cümə namazı üçün iqamətgahından “Ayasofya”ya gəlib.
"Heç kimin Türkiyəni sanksiyalarla təhdid etməyə haqqı yoxdur".
Bu sözləri Türkiyə Xarici İşlər Nazirliyinin mətbuat katibi Hami Aksoy deyib. O bildirib ki, Fransa Şərqi Aralıq dənizində baş verən hadisələrlə bağlı hər açıqlamadan sonra bitərəfliyini itirir.
"Fransa Şərqi Aralıq dənizindəki hadisələr kontekstində etdiyi hər açıqlaması və hər səhv addımı ilə neytral qalmaq və sabitliyə töhfə vermək şansını itirir. Prezident Makronun açıqlamaları ölkəmiz üçün əhəmiyyət kəsb etmir. Heç kimin Türkiyəni sanksiya dili ilə təhdid etmək hüququ yoxdur",-deyə Hami Aksoy bildirib.
Bundan əvvəl Fransa Prezidenti Emmanuel Makron Aİ-ni Şərq Aralıq dənizindəki su sərhədlərini pozan ölkələrə qarşı sanksiyalar tətbiq etməyə çağırmışdı. Kipr və Yunanıstanla həmrəy olduqlarını bildirən Makron Türkiyəni suverenliyini pozmaqda ittiham edib.
ABŞ-ın Los Anceles şəhərindəki Azərbaycan Baş Konsulluğu erməni sosial media hesablarından Kaliforniyada, xüsusilə də Los Ancelesdə yaşayan icma üzvlərimizi hədələyən postlarla bağlı məlumat yayıb.
Bu barədə konsulluğun feysbuk səhifəsində məlumat verilib: "Əziz həmvətənlər, #erməni sosial media hesablarından Kaliforniyada, xüsusilə də Los Ancelesdə yaşayan icma üzvlərimizi hədələyən postlar paylaşılıb. Tərəfimizdən bununla bağlı dərhal Los Anceles Polis İdarəsinə məlumat verilərək məsələnin ciddi şəkildə araşdırılması xahiş olunub. Eyni zamanda, Federal Təhqiqatlar Bürosuna (FBI) da müraciət olunacaq".
Konsulluq həmvətənlərimizi tədbirli olmağa və təxribatlara uymamağa çağırıb.
"Bu, bir sıra radikal və aqressiv erməni qruplarının hədə-qorxu kampaniyasının tərkib hissəsi ola bilər. Hər birinizi bu günlərdə ehtiyatlı və tədbirli olmağa, eyni zamanda təxribatlara əsla uymamağa çağırırıq. Bununla bağlı hər hansı məlumatla qarşılaşacağınız halda qaynar xəttimiz (1 (310) 447-4616) və ya bu FB səhifəsinə mesaj göndərərək bizimlə əlaqə saxlamağınızı xahiş edirik",-deyə müraciətdə qeyd olunub.
Qeyd edək ki, Los-Ancelesdə erməni diasporası tərəfindən törədilən təxribatlar nəticəsində 30-a yaxın (5 nəfər xəstəxanaya müraciət, o cümlədən 1 qadın) soydaşımız xəsarət alıb.
İngiltərədə koronavirus səbəbindən mühafizəçilərin çoxu işdən çıxarılır.
İngiltərədə krallığın sarayını və zinət əşyalarını qoruyan mühafizəçilərin sayı azaldılıb. Buna səbəb koronavirusa görə krallıq sarayına daha az turistin üz tutmasıdır. London qalası (Tower of London) ödəniş qarışılığında ən çox ziyarət edilən məkandır. 2018-ci ildə 3 milyon turist qalaya üz tutub. Con Barnes bu barədə açıqlama verərək maddi sıxıntı yaşamamaq üçün mühafizəçilərin işinə son verdiklərini deyib. Hazırda gündə min turistin ziyarət etməsinə icazə verən London qalası 124 milyon dollar zərərə uğrayıb.
Ermənistan Baş naziri Nikol Paşinyan hökumətin iclasında Tovuz istiqamətində son erməni təxribatı məsələsinə toxunub.
Çıxışı zamanı Paşinyan guya Azərbaycanın Ermənistana hücumunun qarşısını aldığını bildirib.
Nikol, həmçinin Tovuz təxribatının Ermənistan ordusunun regionun ən intellektual və döyüşkən ordusu olduğunu “sübuta yetirdiyini” söyləyib.
İrəvanın son döyüşlərdən sonra mövqeyini gücləndirdiyini deyən Paşinyan 7 şərt irəli sürüb:
“Birincisi – Ermənistan və “Qarabağ”ın ümumi təhlükəsizlik sistemi gücləndirilməlidir. Bu baxımdan Ermənistan və “Qarabağ”ın sıx əməkdaşlığı vacibdir.
İkincisi – “qarabağ respublikası” danışıqların tamhüquqlu üzvü olmalıdır.
Üçüncüsü – Azərbaycan ictimai şəkildə güc tətbiqindən imtina etməli və antierməni ritorikasının dayandırmasıyla bağlı addımlar atmalıdır.
Dördüncüsü – danışıqlar mənalı olmalıdır. Azərbaycanın hərbi məqsədini danışıqlar masası ətrafında həll etmək istəyir ki, bu da bütün danışıqlar prosesini mənasız edir. Əgər Azərbaycan özünün maksimalist tələblərindən imtina edib, məhdudiyyətsiz kompromisə getməyə hazır olsa, danışıqların mənası olacaq.
Beşinci, “Qarabağ xalqı”nın öz müqəddəratını təyinetmə haqqını tanıma, Ermənistan və “Qarabağ”ın təhlükəsizliyi heç bir şəraitdə güzəşt predmeti ola bilməz. Konflikt zonasında yaşayan insanların problemləri danışıqlar gündəminin predmeti olmalıdır.
Altıncısı – karantinə qədər atəşkəs rejiminin saxlanılması üçün keçirilən monitorinq faktiki olaraq məhdudlaşdırılıb. Təcili olaraq daimi nəzarət mexanizmlərini özündə ehtiva edən beynəlxalq monitorinq sistemi ərsəyə gətirilməlidir. Bu cür monitorinq fəaliyyətlərini ATƏT sədrinin şəxsi nümayəndəsinin ofisi həyata keçirməlidir.
Yeddincisi – sülhün əldə olunması üçün Ermənistan Minsk Qrupunun həmsədrləri ilə fəaliyyətini davam etdirəcək.
Biz Türkiyənin regionda destabilizasiya cəhdlərini rədd edirik”.
Göründüyü kimi, Tovuzda təxribata cəhd edən, Azərbaycanın guya UAZ-la hücuma keçdiyini iddia etdiyi üçün rüsvay olan və buna görə hətta KTMT-nin dəstəyini ala bilməyən Nikol Paşinyan yenə daxili auditoriyaya ünvanlı mesajlarla təzyiqlərdən qaçmaq, populistcəsinə öz reytinqini qorumaq yolunu tutub.
/Axar.az/
1970-ci illərin ortalarından etibarən Den Syaopin və ardıcılları Maonun “mədəni inqilabı”nın rəzalətindən sonra daxili və xarici ticarətdə qərbə yaxınlaşma və həmrəylik axtarışında idi. Hətta bu tək tərəfli bir dövlətin də razılaşdırıla biləcəyi qızıl bir an var idi, ancaq 4 İyun 1989-cu ildə tanklar Tiananmen Meydanına girəndə faciəvi qırğınla başa çatdı.
The Singapore Post xəbər verir ki, bununla belə, bu, ticarət, kapitalizm və kommunist partiyası rəhbərlərinin xidmət edə biləcəyi müəyyən sayda şərtlər də daxil olmaqla bir sıra ehtiyat tədbiri tərəfindən gücləndirilən bir tiranlıq idi. Bunun əksinə olaraq, Çin Xalq Respublikasının Sədri Si Cinpin, Mao ənənəsində müstəqil bir imperatordur.
Artıq dünya praqmatik tək tərəfli bir dövlətlə deyil, doktrinaçı bir nəfərlik diktatura ilə üz-üzədir. Və diktator ikinci on illik hakimiyyəti dövründə qərb ticarəti və əməkdaşlıq bahasına gizli və həqiqi fikir ayrılıqlarını ləğv etməkdə qərarlıdır.
İyun ayının son həftəsində bəyan edilən Sinin Honq Konq üçün dövlət təhlükəsizliyi qanunu ən azı 50 il müddətinə ticarət azadlığına zəmanət verən 1984-cü il Çin-İngilis bəyannaməsinin əsaslı şəkildə və qəsdən pozulmasıdır. İndi bəyannaməyə zəmanət verən İngiltərə Honq Konq demokratlarının repressiyası baş verərsə, sığınacaq vermək üçün məsuliyyətdən qaça bilməz.
Honq Konq qərb dəyərləri, rifah və güc sarsılmadığı təqdirdə, mübarizə aparmaqdan başqa çarəsi olmayan, soyuq müharibədə mübarizə aparan yeni Qərbi Berlin ola bilər.
Qərbi Berlin kimi, Honq Konq da dünyadakı mövqeyinə görə qurtarıla və müdafiə edilə bilər. Ancaq bu yalnız qərb 1948-1949-cu illərdə Stalinin Qərbi Berlini ələ keçirmək cəhdi ilə üzləşən zaman buna sonlandırmaq üçün Ernie Bevin və Corc Marşllın gücü ilə mübarizə aparsa baş verər.
Çinin qərb bölgəsi olan Sincan ərazisindəki etnik azlıqlar üçün repressiyalar aydan-aya yeni “mədəni inqilab” yolu ilə artırılır. Uyğurlar, qazaxlar və digər etnik qrupların bir milyon, hətta üç milyon əhalisinin “yenidən təhsil” düşərgələrinə sürüklədikləri iddiaları, ‘Human Rights Watch’ kimi insan hüquqları təşkilatının hesabatında qeyd edilib. Peyk görüntüləri düşərgələrin miqyasını göstərir və Sincan şəhərinə baş çəkən ingilis diplomatları bu hesabatların geniş şəkildə doğru olduğunu söyləyirlər.
BMT-nin İrqi ayrıseçkiliyin aradan qaldırılması üzrə komitəsi Sincan Uyğur azlığının üzvləri və müsəlman kimi tanınan digər insanların öz etno-dini kimliklərinə görə dövlətin düşmənləri kimi davranılarkən, bölgəni gizliliyə bürünmüş böyük bir internat düşərgəsi, ”hüquqların olmadığı bir “zona” kimi xarakterizə edib.
Uyğurlar sadəcə mobil telefonlarında mövcud olan WhatsApp proqramına, xaricdə yaşayan qohumlarına və internetdə dini materialları əldə etdiklərinə görə həbs edilib və düşərgələrə göndərilib. Çox vaxt heç bir səbəb göstərilmir. Onların hüquqi vəkilə müraciət etmək ixtiyarları yoxdur və əksər hallarda ailəyə məhbusun harada saxlanıldığı və ya nə vaxt sərbəst buraxılacağı barədə məlumat verilmir.
Ancaq indi, hər şey nəzarətdən çıxıb. Görkəmli alman antropoloqu Adrian Zenz tərəfindən aparılan araşdırmada bildirilir ki, Sincan bölgəsindəki etnik azlıq icmaları arasında doğum nisbətinin kəskin şəkildə azalması, qəbiristanlıqların dağıdılması ilə yanaşı, kütləvi həbs olunma, təlqin və s. məhkəmədənkənar həbs, invaziv nəzarət, məcburi əmək və digər cinayətlər “soyqırım cinayətinə işarə edə bilər”.
Den Syaopinin devizi “İşığınızı gizlət və gözlə” idi. Bu onun Maodan xilas olmağının yolu idi.
İndi, qərbin yeni Maoya işıq saçması və əvvəlki kimi davam edə biləcəyi iddialarını dayandırmaq vaxtıdır.