 |
|
Türkiyənin İstanbul şəhərinə yağan şiddətli qar səbəbilə məktəblərdə tətil elan edilib.
Axar.az xəbər verir ki, bu barədə İstanbul valisi Əli Yerliqaya sosial şəbəkə hesabında məlumat yayıb.
O, yağıntının davam etməsinə görə sabah dərs olmayacağını bildirib.
Gürcü Arzusu Partiyasından deputat Eka Beseliyadan sonra daha bir neçə nəfər çıxarılıb.
Axar.az xəbər verir ki, bu barədə İPN agentliyi özünün etibarlı mənbələrinə istinadən məlumat yayıb. Partiyadan qovulanlar arasında deputat Otar Çrdileli və digər daha bir neçə deputatın da olduğu vurğulanıb. Onların hamısı partiyadan Beseliyanın müəllifi olduğu hakimlərin təyinatının müvəqqəti dayandırılması haqqında qanun layihəsini dəstəkləməsinə görə qovublar.
Qeyd edək ki, Gürcü Arzusu Partiyasının təsisçilərindən olan Eka Beseliya dünən partiyadan ayrıldığını bildirib. Buna səbəb Beseliyanın 8 deputatla birgə hazırladığı qanun layihəsi olub. Parlamentdəki səsvermə zamanı isə qanun layihəsini ümumilikdə 15 deputat dəstəkləyib.
Dünya nüvə silahlanması ərəfəsindədir, lakin ondan qaçıb, Rusiya ilə münasibətləri yoluna qoymaq olar.
Axar.az xəbər verir ki, bu sözlər Almaniya parlamentinin deputatı Yurgen Trittinin “Frankfurter Rundschau” qəzetində dərc olunan məqaləsində yer alıb. Onun sözlərinə görə, Avropa ölkələri yeni silahlanma yarışı təhdidinə düzgün reaksiya vermirlər və bütün hər şeydə Rusiyanı ittiham etməyə cəhd edirlər:
“Təkcə Rusiyanı hədəf olaraq göstərmək heç nəyə yardım etməyəcək. Münhendə Merkelin vəd etdiyi kimi hərbi xərclərin iki dəfə artırılması tezliklə silahlanma yarışına səbəb olacaq”.
O həmçinin ABŞ-ın qlobal razılaşmaları dağıtmağa davam etməsi, dünyanı daha böyük təhlükələrə atdığını bildirib:
“ABŞ-ın hazırkı administrasiyasının fəaliyyətinə Trampın xaotik destruktivliyi və Penslə Boltonun neokonservatik aqressiyası xasdır. Bu, toksik qarışıqdır və o, Avropanın təhlükəsizliyi üçün təhdid kəsb edir.
Avropanın təhlükəsizliyi yalnız Rusiya vasitəsilə mümkündür. NATO təkcə özünün taktiki nüvə silahlarını Avropadan çıxartmamalı, həm də Amerikanın raket hücumundan müdafiə sistemlərindən imtina etməlidirlər. Eyni addımı Rusiya da atmalıdır”.
2018-ci ildə Latviyanın əhalisi 0,98 faiz, yəni 18 min 830 nəfər azalıb.
Azərtac “Worldometers” beynəlxalq təşkilatının açıqladığı rəqəmlərə əsasən bildirir ki, bu göstərici ilə Latviya əhalisi sürətlə azalan birinci ölkədir. Latviya Statistika İdarəsi ölkə əhalisinin azalması faktını qəbul etsə də, bu rəqəmin daha az olduğunu qeyd edib.
Rəsmi məlumata görə, ötən il ölkə əhalisinin sayında 14 min nəfər azalma müşahidə edilib ki, bu da 0,74 faiz deməkdir. Lakin bu rəqəmlər də Latviyanın əhalisinin azalma sürətinə görə dünya ölkələri sırasında birinci olması faktını dəyişmir. Çünki ikinci yerdə olan Bolqarıstanda bu göstərici 0,68 faizə bərabərdir.
Qeyd edək ki, Latviya əhalisinin azalmasının əsas səbəbi başqa ölkələrə köçdür.
"Qazaxıstan prezidenti Nursultan Nazarbayevin son addımları Kremli narahat etməyə bilməz.
Politoloq Zaur Məmmədovun Axar.az-a müsahibəsini təqdim edirik:
- Paşinyan hakimiyyətə gəldiyi ilk vaxtlardan fərqli olaraq, Rusiya ilə yaxınlaşma siyasətinə üstünlük verdiyini daha qabarıq şəkildə göstərir. ABŞ-ın buna reaksiyası necə olacaq?
- Ermənistan Rusiya ilə hər zaman yaxın olub. Bu gün də Ermənistan dövlətinin atdığı bir çox addımlar Rusiya tərəfindən diktə olunur. ABŞ bunu çox yaxşı başa düşür. Digər məqam ondan ibarətdir ki, Paşinyanın hakimiyyətə gəlməsindən sonra Qərb çox ehtiyatlı mövqe tutmağı seçmişdi. Fakt budur ki, inqilab nəticəsində hakimiyyətə gələn Paşinyanı Qərb ölkələrinə çağırmırdılar. Paşinyanla Qərb liderləri arasında (Makronu çıxmaq şərti ilə) görüşlər baş tutmayıb. Bunun əksinə, Paşinyan hakimiyyətə gələndən sonra Avropa və ABŞ-ın qapılarını döyərək, dövlət və hökumət başçıları ilə görüşlərdə maraqlı olduğunu göstərdi.
Paşinyan ABŞ-a səfəri zamanı nə dövlət başçısı, nə də Dövlət Departamentinin rəhbərliyi tərəfindən qəbul edildi. Bütün bunlar onu göstərir ki, ABŞ Paşinyanın Qərb ab-havası ilə hakimiyyətə gəlsə və xalqını aldada bilsə də, manevr imkanlarının məhdud olacağını və bu yeni hakimiyyətin də bundan əvvəlki siyasi rejimin kursunu davam etdirəcəyini əvvəlcədən bilirdi.
- Baş nazir Nikol Paşinyan Rusiya ilə strateji tərəfdaşlığın xarici siyasət konsepsiyasının əsasını təşkil etdiyini elan etdi. Yəni Paşinyan Qərbdən tam imtina etdi?
- Rusiya ilə strateji tərəfdaşlığın xarici siyasət konsepsiyasına daxil edilməsi normalı bir haldır. Ermənistanın xarici siyasət konsepsiyasında bu, hər zaman belə olub. Əgər indi Paşinyan Rusiyanı xarici siyasət konsepsiyasında əsas strateji tərəfdaş adlandırmasaydı, o zaman Kremlin bir çox cəza-təzyiqinə məruz qala bilərdi. Ermənistanın xarici və daxili siyasətində manevr imkanları məhduddur. Demək olar ki, yoxdur. Buna görə də Paşinyan Rusiyanın diktəsi altında oturaraq, daxili-xarici siyasəti davam etdirəcək.
- Son zamanlar rəsmi Vaşinqton Gürcüstan və Ermənistanın Rusiya ilə yaxınlaşmaq cəhdləri fonunda regionda siyasətini necə müəyyənləşdirəcək?
- Doğrudur, son zamanlar Gürcüstan və Ermənistan ilə Rusiya arasında hər hansı işbirliyinin olması ilə bağlı mülahizələr irəli sürülür. Gürcüstan və Ermənistan, eləcə də Rusiya siyasiləri arasında keçirilən görüşlərin sayında da artım hiss olunur. Əsas müzakirə mövzusu qaz və Ermənistana gedəcək yüklərin Gürcüstan vasitəsi ilə daşınmasıdır.
Bu gün ABŞ-ın dünyada əsas prioritetləri sırasında Cənubi Qafqaz regionu ilk yerlərdə deyil. Amma İran ətrafında baş verən hadisələr, Ermənistan tərəfindən 83 hərbçinin Suriyaya göndərilməsi Azərbaycanın strateji və tərəfdaş nüfuzunu Qərb ölkələri yanında (ilk olaraq ABŞ) qaldırır. ABŞ-n bizim regionda yerləşən 3 dövlət arasında Azərbaycana verdiyi önəm Gürcüstana verdiyi önəmdən belə çoxdur.
Hər halda Qafqazın 3 dövlətinə də nəzər yetirəndə aydın görünür ki, milli maraqlardan çıxış edən, tam şəkildə müstəqil siyasət yeridən, xalqının və dövlətinin maraqlarını reallaşdıran yeganə ölkə Azərbaycandır. Regionda Ermənistanın və Gürcüstanın apardığı siyasət milli maraqlara cavab verən siyasətdən uzaqdır. Ermənistan Rusiyanın forpostudur. Gürcüstan isə bu gün heç də gözlənilən ümidləri doğrultmadı.
Dəhşətli məqam ondan ibarətdir ki, torpaqlarının işğal olunmasına baxmayaraq, rəsmi Tiflis Ermənistana tranzit yolu açılmasından sonra Cənubi Osetiyanı sərhəd məntəqəsi kimi tanıyacaq. Nəqliyyat dəhlizinin açılması Gürcüstan və Ermənistan xalqlarının da maraqlarına xidmət etmir. Azərbaycan üçün isə bu, o qədər də önəmli məsələ deyil. Faktiki olaraq, Ermənistan və Rusiya arasında ticarət dövriyyəsi bundan artıq olmayacaq. Azərbaycanın bölgə dövlətlərindən əsas istəyi isə sadiq və bərabərhüquqlu münasibətlər aparmaları, sülhə nizamlanmış siyasət yürütmələridir.
Suriya ordusu Nüsrə Cəbhəsi qruplaşmasının qərargahını məhv edib.
Moskvada 22 fevralda müxtəlif ictimai binalara bomba qoyulması ilə bağlı polisə 700-dən çox zəng olub.
“Qafqazinfo” TASS agentliyinə istinadən xəbər verir ki, zənglər nəticəsində 707 bank filiallarında, 14 məktəb və 2 institutda axtarışlar aparılıb. Lakin, şübhəli heç nə tapılmayıb.
Əməliyyatlara 1000-ə yaxın polis cəlb edilib. Araşdırmalar zamanı ümumilikdə 4435 nəfər təxliyyət edilib.
Polis hazırda əsassız xəbərdarlıqları edən şəxsləri axtarır.
Xatırladaq ki, ötən ay da Moskvada məktəblər, icarət mərkəzləri, banklar və teatr binalarına bomba qoyulması ilə bağlı polisə kütləvi zənglər olmuş, iddialar əsassız çıxmışdı.
Ermənistanın Suriyada humanitar missiyada iştirakı ABŞ-ın planlarına nəinki zidd, hətta bir zərbədir.
Bu sözləri Axar.az-a açıqlamasında politoloq Tofiq Abbasov deyib. Politoloqun sözlərinə görə, məhz bu səbəbdən də ABŞ Ermənistan rəhbərliyinin hərəkətlərini ciddi şəkildə nəzərə almağa başlayıb:
“Birincisi, Münhendə Azərbaycan və Ermənistan xarici işlər nazirlərinin görüşü baş tutmadı. Çox güman ki, artıq prosesə yeni çalarlar qatılır. İkincisi, Münhen konfransından sonra Ermənistan Xarici İşlər naziri Zöhrab Mnatsakanyan ABŞ-a səfər etməli, orada ABŞ Dövlət katibi Mayk Pompeo ilə görüşməli idi. Ancaq son məqamda bu səfər də ləğv edildi. Hər iki məqam ABŞ-ın Ermənistana münasibətinin dəyişdiyindən xəbər verir. Bu soyuqlaşma isə Paşinyan hökuməti üçün yaxşı heç nə vəd etmir. Belə ki, Qərb artıq Ermənistanla bağlı əks mövqeyə keçib. Hətta ABŞ və Avropa ölkələrinin Ermənistandan uzaqlaşması meyilləri güclənir”.
Politoloq bu ani dəyişikliyin səbəbini Paşinyanın Qərbin Rusiya ilə bağlı şərtini yerinə yetirməkdən vaz keçməsi ilə əlaqələndirib:
“Paşinyan anlayır ki, Rusiya ilə münasibətləri qırıb, Qərbi seçməsi qeyri-mümkündür. Çünki əvvəla iqtisadi baxımdan Ermənistan Rusiya və MDB ölkələrinə daha çox bağlıdır, nəinki Qərbə. Paşinyan cəmi bir neçə dəfə Putin və Rusiya nümayəndələri ilə görüşdükdən sonra bunun Ermənistana çox baha başa gələcəyini anladı. O, inqilab lideri kimi uğur əldə etsə də, hakimiyyəti saxlamaq imkanları və manevr qabiliyyəti yox səviyyəsindədir. Belə olan halda Rusiyadan uzaqlaşmaq baş nazirlik postunun itirilməsi ilə nəticələnə bilər. Məhz buna görə də qərbyönümlü Paşinyan bu gün Rusiyaya açıq reveranslardan boyun qaçırmır. Bu isə özlüyündə iki mühüm həqiqətdən xəbər verir. Birincisi, bu məsələ Rusiya ilə razılaşdırılıb və bilavasitə Moskvanın koordinasiyası nəticəsində baş verib. İkincisi, Ermənistan açıq şəkildə Əsəd hakimiyyətini tanıdığını bəyan edib. Təbii ki, bu da ABŞ-da böyük qıcıq doğurub. Çünki bu, ABŞ-ın planlarına nəinki zidd, hətta bir zərbədir. Ona görə də rəsmi Vaşinqtonun İrəvana münasibəti dəyişməklə qalmayacaq, yaxın zamanlarda bir çox transformasiyaların şahid olacağıq”.
Heç kimə dövlət başçısı olmağı arzulamazdım.
Axar.az xəbər verir ki, bunu Belarus Prezidenti Aleksandr Lukaşenko Hərbi Akademiyanın kursantları ilə görüşü zamanı deyib. O, oğlanlarının prezident vəzifəsini tutmaq istəmədiyini bildirib:
“Prezident həyatını anlamaq üçün onu yaşamaq lazımdır, amma bunu heç kimə arzulazmazdım. Administrasiyamın rəhbəri prezidentin gündəlik qrafikini tərtib edir. Əgər hansısa problemləri həll etmək lazımdırsa, şənbə və bazar günü də çalışmalı oluruq. Prezident gərək təcrübəli və təhsilli olsun. Başlıcası odur ki, gərək o, düşünməyi bacarsın”.
Qeyd edək ki, Lukaşenkonun üç oğlu var.