 |
|
İstanbulda Suriya ilə bağlı Türkiyə, Rusiya, Fransa və Almaniya liderlərinin dördtərəfli zirvə görüşünun nəticələri haqqında Suriya hökuməti məlumatlandırılacaq.
Axar.az xəbər verir ki, bunu jurnalistlərə açıqlamasında Kremlin sözçüsü Dmitri Peskov deyib.
"Hər şey ortaq bəyanatda qeyd edilib. Bundan əlavə, Suriya rəhbərliyinə də ayrıca məlumat veriləcək”, - Peskov bildirib.
Qeyd edək ki, İstanbulda Suriya məsələsinin müzakirə olunduğu zirvə görüşündən sonra liderlər ortaq bəyannamə qəbul edib.
Türkiyə Hərbi Hava Qüvvələri Şimali İraqda PKK terrorçularına qarşı əməliyyat keçirib.
Axar.az xəbər verir ki, bombardman nəticəsində Hakurk bölgəsindəki terror qruplaşmasına aid düşərgələr və sığınacaqlar məhv edilib. 4 terrorçu isə öldürülüb.
ABŞ və Avropa ölkələri istəməsə, Suriyada müharibə başa çatmayacaq.
Pittsburqdakı sinaqoqa edilən hücumdan dolayı böyük kədər və dəhşət içindəyəm.
Bolton Ermənistanda Azərbaycanın tezislərini təkrarladı.
Axar.az xəbər verir ki, bu sözləri öz Feysbuk səhifəsində Ermənistanın keçmiş müdafiə naziri Vigen Sərkisyan paylaşıb.
“Bolton təkcə Azərbaycanın “Ermənistanın blokadasında İrəvanın özü günahkardır” kimi tezislərini təkrarlamadı, o, həm də Ermənistanla sərhədi bağlayan Türkiyəyə haqq qazandırdı. Boltonun "Ermənistan xarici siyasətdə müstəqil olmalıdır" bəyanatı isə İrəvanın Rusiya ilə münasibətlərinə yenidən baxması üçün edilən işarədir. İndiyə qədər Ermənistanın tərəfdaşları İrəvanın qonşuları ilə münasibətləri mövzusunda çıxışlarında ehtiyatlı davranıblar, amma indi onların əlini nəyin açdığı aydın deyil. 15 il ərzində Ermənistan rəhbərliyinin beynəlxalq görüşlərində amerikalıların Rusiya ilə strateji müttəfiqlik məsələsini sual altına qoyması ilə bağlı heç bir hadisə olmayıb”, – deyə o bildirib.
Minsk Donbasdakı konfliktin həllinə yardım etməyə hazırdır.
Axar.az xəbər verir ki, bunu jurnalistlərə açıqlamasında Belarus Prezidenti Aleksandr Lukaşenko deyib.
“Biz bu konfliktə qoşulmağa hazırıq. Biz bunu yalnız sülh üçün etməyə razılıq verə bilərik. Bu problemi biz - üç slavyan xalqı həll etməlidir. Bu, avropalıların, amerikalıların yox, bizim bəlamız, problemimizdir”, – deyə o bildirib.
Səudiyyə Ərəbistanı jurnalisti Camal Qaşıqçı məsələsində Türkiyə inanılmaz dərəcədə gözəl iş ortaya qoyub
Axar.az xəbər verir ki, bu barədə Camal Qaqışçının yazarı olduğu “Vaşinqton Post”da nəşr edilən məqalədə qeyd edilib. Məqalədə Qaşıqçının itkin düşməsindən 4 həftə keçdikdən sonra Səudiyyə Ərəbistanı rejiminin bu hadisədə əlinin olub-olmamağı deyil, bu cinayətdən yan ötüb-ötməməyəcəyi barədə qeyd edilib. Bundan başqa, Qaşıqçı məsələsində real siyasətin artıq uyğun olmadığı da məqalədə işarət edilib.
"Buna beynəlxalq diplomatiyada “Harvi Vaynşteyn anı”adını verək. Bu anda müəyyən bir sahəyə nəzarət edən və uzun illər ərzində toxunulmaz görünən olduqca güclü fiqur (Vaynşteyn, vəliəhd Məhəmməd ibn Salman) bir yerdə bir sinirə toxunur və etdiklərinin hesabını vermək istəkləri yüksəlir.
Səudiyyə Ərəbistanı cinayət törədib etdiklərinin yanına qalacağını düşdü. Ancaq beynəlxalq media bu hekayəni aydınlaşdırmaqda əsas rol oynadı və cinayəti manşet etdi. Qəbul etmək lazımdır ki, beynəlxalq medianı da Türkiyə hökuməti bəslədi”, - məqalədə qeyd edilib.
İstanbul Baş konsulluğunda qətlə yetirilən jurnalist Camal Qaşıqçının nişanlısı ABŞ prezidenti Donald Trampın dəvətindən imtina edib.
“Qafqazinfo” xarici KİV-ə istinadən xəbər verir ki, Xədicə Cengiz bildirib ki, ABŞ istintaqın dürüst nəticələrini əldə etməyə çalışmadığı müddət ərzində Ağ Evi ziyarət etməyəcək.
Vahid Milli Hərəkat Partiyası məni hakimiyyətdən uzaqlaşdırmaq üçün hər şeyə hazırdır, amma çox üzr istəyirəm, onların “arxaları” yoxdur.
Axar.az xəbər verir ki, bunu jurnalistlərə açıqlamasında Gürcü Arzusu Partiyasının rəhbəri milyarder Bidzina İvanişvili deyib. O, asanlıqla məhv edilə biləcək rəqib olmadığını deyib. Onun sözlərinə görə, Saakaşvilinin ölkədəki vəziyyəti destabilizasiya etmək haqqında çıxışları investorlara pis təsir edir:
“İnvestorlar deyirlər ki, Saakaşvili inqilabla hədələyir. Sizi əmin edirəm ki, o, Gürcüstana heç cür xeyir verə bilməz. Qorxmağa ehtiyac yoxdur, onların əvvəlki gücü qalmayıb. Saakaşvili insan olaraq çox aşağı səviyyəlidir”.
Qeyd edək ki, bundan öncə Ukrayna mətbuatında Saakaşvili ilə dayısı Teymur Alasaniyanın (iddialara görə, DTK-nin polkovniki olub – red.) telefon danışığı yayılıb. Telefon danışığı zamanı Alasaniya İvanişvilinin öldürülməsi üçün pul verməyə hazır olduğunu bildirib.
Saakaşvili səsyazısını ona aid olmasını təkzib edib. Alasaniya da səs yazısındakı şəxsin ona aid olmadığını söyləyib.
Prezident seçkisində qələbəm Rusiyanın başına gələn ən pis hadisə oldu.
Axar.az xəbər verir ki, bunu Şimali Karolina ştatında Respublikaçılar Partiyasının Konqres seçkisiylə əlaqədar təşkil etdiyi təşviqat kampaniyasında çıxışı zamanı ABŞ Prezidenti Donald Tramp deyib.
“Mən sizə bir söz deyim. Mənim qələbəm Rusiyanın başına gələn ən pis şey oldu”, – deyə o bildirib.
Qeyd edək ki, ABŞ-da Konqres seçkisi noyabrın 6-da keçiriləcək. Seçkidə Nümayəndələr Palatasına 435 konqresmen, Senata 35 senator, 39 ştata qubernator seçiləcək.