 |
|
Polşada hərbi baza yaradılması planları gücün Rusiya sərhədlərinə doğru proyeksiyasını nəzərdə tutur.
Türkiyə ABŞ-ın sanksiya siyasəti ucbatından İrandan qaz idxalını dayandırmaq niyyətində deyil.
Rusiyanın rəsmi Dəməşqə S-300 zenit raket komplekslərini verməsi İsraili ölkəmizə zərbə endirmədən əvvəl bir daha düşünməyə vadar edəcək.
FETÖ ilə bağlı sənədləri göndərməyimizə baxmayaraq, ABŞ rəsmiləri onu mühakimə etməmək üçün əllərindən gələni edirlər.
İran öz davranışını dəyişməsə və ABŞ-la müttəfiqlərinə qarşı müqaviməti dayandırmasa, çox böyük hesab ödəməli olacaq.
ABŞ Avropa Birliyinə imkan verməyəcək ki, İrana qarşı tətbiq edilən sanksiyalardan yayına bilsin.
Rusiyanın sahib olduğu nüvə silahı ABŞ üçün başlıca xarici təhlükə hesab olunur.
Dünən BMT Baş Assambleyasında çıxış edən ABŞ prezidenti Donald Tramp gözlənilməz reaksiya ilə qarşılaşıb. “Qafqazinfo” xəbər verir ki, idarəçiliyi dövründə ABŞ-ın tarixinin ən böyük nailiyyətlərini yaşadığını deyən Trampın bu sözlərinə zaldakı dünya liderləri ucadan gülüblər. Gülüş səslərini eşidən Tramp “belə reaksiya gözləmirdim, lakin problem yoxdur” deyə qarşılıq verib.
Tramp çıxışı zamanı kəskin açıqlamaları ilə diqqət çəkib. Qlobalizmin dəyərlərini inkar edən ABŞ liderinin çıxışını şərh edən “New Yorker” qeyd edib ki, bu çıxış “Ağ Evlə dünya arasındakı artan uçurumu” göstərdi.
“Biz qlobalizm ideologiyasını rədd edir və patriotluq ideologiyasını qəbul edirik” deyə Tramp bəyan edib. Ağ Ev rəhbəri BMT tribunasından ABŞ-ın düşmənlərini tənqid etmək üçün də istifadə edib. KXDR-i və onun lideri Kim Çen Inı tərifləyən Tramp Venesuelanı sərt tənqid edib: “Biz bura toplaşan bütün ölkələrdən Venesuelada demokratiyanın bərpa edilməsi ilə bağlı çağırışımıza qoşulmağı xahiş edirik”.
Tramp eyni zamanda, bildirib ki, Tehran öz siyasətini dəyişəcəyi təqdirdə İran rəhbərliyi ilə görüşməyə hazırdır: “Bu, baş verəcək. Hesab edirəm ki, onların seçimi yoxdur. Biz İranla yaxşı əlaqələr qurmaq istəyirik, lakin bu, indi baş verməyəcək”.
İran prezidenti Həsən Ruhani Oman və Fars körfəzlərini birləşdirən Hörmüz boğazını bağlayacaqlarını bildirib.
Ruhani ABŞ-ın sanksiya siyasəti davam edərsə, bu addımı atmaqda qərarlı olduqlarını deyib. O qeyd edib ki, sözləri “xəbərdarlıq” yox, “reallıqdır”:
“Əgər Fars körfəzi ilə hərəkət açıq və təhlükəsiz qalacaqsa, bu, hamı üçün belə olmalıdır”.
Ruhani əlavə edib ki, ABŞ İran neftinin dünya bazarına çıxarılmasına tamamilə qadağa qoya bilməz.
İran hökuməti Əhvaz şəhərində hərbi parad zamanı törədilmiş terror aktında əli olan 22 nəfəri saxlayıb.
Bu barədə İranın Kəşfiyyat Nazirliyi məlumat yayıb. Bildirilir ki, saxlanılanlardan 5-nin terror hadisəsi ilə əlaqəsi təsdiqlənib. Onlardan partlayıcı maddələr və rabitə vasitələri götürülüb.
Qeyd edək ki, terror aktı nəticəsində 28 nəfər dünyasını dəyişib.