 |
|
İqtisadiyyatımızdakı yarpaq tökümündən mədət ummaq humanistlik deyil. Baş verənlərə görə sevincdən atılıb-düşmək əsl alçaqlıqdır.
Axar.az xəbər verir ki, bu sözləri MHP sədri Dövlət Baxçalı deyib.
“Biz CHP kimi ola bilmərik, CHP kimi davranmarıq. Biz varlığını türk millətində tapan türk milliyətçiləriyik. Ölkənin batmasından heç kimin karlı çıxmayacağını görər və deyərik. Tənqid olunası mövzular varsa, hökumətə sözümüzü deyərik”, - Baxçalı bildirib.
Məndə belə təəssürat yaranır ki, Paşinyan işğal edilən Dağlıq Qarabağdan kənarda yerləşən rayonları qaytarmağa hazırlaşmır.
Axar.az xəbər verir ki, bu sözləri “Milli Müdafiə" jurnalının baş redaktoru İqor Korotçenko deyib.
“Erməni tərəfi bu rayonları təhlükəsizlik zonası adlandırır. Ancaq bura Ermənistan tərəfindən işğal edilmiş Azərbaycan torpağıdır. Bakı erməni qoşunlarının bu ərazilərdən çıxarılmasını tələb etmək hüququna sahibdir”, - Korotçenko bildirib.
Donbasa sülhməramlıların yerləşdirilməsinə Rusiya mane olur.
Sakit okeandakı Fici adaları yaxınlığında 6.6 bal gücündə zəlzələ baş verib.
Axar.az xəbər verir ki, bu barədə ABŞ-ın Geoloji Araşdırmalar Mərkəzindən informasiya yayılıb.
Məlumata görə, zəlzələ yerin 551.2 kilometr dərinliyində baş verib. Zəlzələdən sonra sunami ilə bağlı hər hansı bir xəbərdarlıq edilməyib.
ABŞ Suriyadakı Ət-Tanf hərbi bazasında İŞİD terror qruplaşmasının qalıqlarını yenidən hazırlamaqla məşğuldur, ancaq bunlar mənasız səylərdir.
Axar.az xəbər verir ki, bu sözləri Suriyanın Xarici İşlər naziri Vəlid Müəllim deyib.
“Praktikamız göstərir ki, onlar həmin bazada İŞİD-in qalıqlarını toplayırlar. Onların daha sonra Suriya ordusuna qarşı vuruşa bilməsi üçün hazırlıq keçirlər. Niyə? Çünki onlar Suriya böhranından İsrailin xeyrinə istifadə etmək istəyirlər”, - nazir bildirib.
İndoneziyda baş verən zəlzələ və sunami fəlakətində həyatlarını itirən qardaşlarımıza Allahdan rəhmət, yaralananlara təcili şəfa arzu edirəm. Qardaş İndoneziya xalqının başı sağ olsun.
Axar.az xəbər verir ki, bu barədə Türkiyə Prezidenti Rəcəb Tayyib Ərdoğan Tvitter səhifəsində yazıb.
“Türkiyə İndoneziyanın yaralarının sarılması üçün istənilən yardımı etməyə hazırdır”, - Ərdoğan bildirib.
Qeyd edək ki, İndoneziyada 7.7 ballıq zəlzələ və ardınca yaranan sunami nəticəsində 832 nəfər dünyasını dəyişib.
“Alman dalğası” nəşrinin 28 sentyabr tarixli nömrəsində “Berlində yüzlərlə insan Ərdoğanın AFR-ə səfərinə etiraz edir” sərlövhəli material dərc edilib. Materialda deyilənə görə, “Erdogan not welcome” şüarı altında nümayiş keçirən insanlar guya bu yolla “Türkiyədə insan hüquqlarının pozulmasına” qarşı etirazlarını bildirirlər.
Azərtac-ın xəbərinə görə, lakin həmin materiala aid fotoşəkil bu nəşrin özünü ifşa edir. Fotoşəkildən göründüyü kimi, nümayiş iştirakçıları əllərində terrorçu PKK təşkilatının və onun Suriyadakı YPG cinahının bayraqlarını tuturlar. Nəşr bu insanlar haqqında heç nə yazmır. Lakin daşnaklar şanlı Xosrov bəy Sultanova rəğbət bəsləmədiyi kimi, PKK və YPG tərəfdarlarından da Ankaraya və Türkiyə liderinə böyük məhəbbət gözləməyə dəyməz.
Bu nədir - Almaniya hakimiyyətinin yüksək eşelonlarında antitürk təbliğatı kuratorlarının diqqətsizliyinin nəticəsi, yoxsa, beyinləri yumaq üzrə təcrübəsiz “usta”nın qeyri-peşəkarlığı?
İstənilən halda alman KİV-ləri və onların ölkə hökumətindəki gözəgörünməz kuratorları türk mənşəli Almaniya sakinlərinin bu il iyun ayında dövlət başçısı seçkiləri ərəfəsində öz liderlərini dəstəkləmək üçün keçirdiyi çoxminlik nümayişləri yada salmalı və bunu da unutmamalıdırlar ki, Almaniyada yaşayan türklərin əksəriyyəti həmin seçkilərdə məhz Ərdoğana səs verib.
Rusiyalı politoloq Qriqori Trofimçuk “Azərbaycan xəbərləri”nə təqdim etdiyi məqalədə Cənubi Qafqazdakı vəziyyət və Rusiya ilə ABŞ arasında bu regiona təsir uğrunda başlamış mübarizə barədə maraqlı iddialarla çıxış edib.
Axar.az məqaləni təqdim edir:
Cənubi Qafqaz uğrunda mübarizə
Rusiya və ABŞ arasında Cənubi Qafqaza təsir uğrunda böyük mübarizə başlayıb. Lakin bununla yanaşı, Çin faktorunu da qeyd etmək lazımdır. Çünki Çinin burda təkcə öz maraqları deyil, həm də iqtisadi aktivləri var. Bunlar da öz növbəsində siyasi faktora çevrilməkdədir. Buna görə qeyd etmək olar ki, Çin burda dolayısıyla rəsmi Moskvanın tərəfindən çıxış edərək onun mövqeyini gücləndirir. Biz artıq görürük ki, Ermənistanda vəziyyət ciddi şəkildə qeyri-sabitliyə doğru gedir və orda hər şey hələ indi başlayır. Bildiyimiz kimi, Gürcüstan isə artıq faktiki olaraq Qərbin dayaq nöqtəsidir. Artıq görürük ki, Azərbaycan da bu baxımdan strateji infrastruktur obyektlərinin vasitəsilə ciddi araşdırılır.
Bununla yanaşı regionda iki böyük problem mövcuddur – bunlardan biri İran, digəri isə Qarabağdır. ABŞ artıq İranı rahat buraxan deyil. İrana qarşı yönəlmış proseslər bölgədəki vəziyyəti tamamilə dəyişə bilər. Xüsusən də əgər ABŞ Xəzərin sahillərinə çıxmağa imkan əldə edərsə. Buna mane olmağa heç kim hazır deyil. Eyni zamanda, biz görürük ki, Xəzəryanı beş dövlət heç bir konvensiyaya məhəl qoymadan Amerika ilə əlaqələrini inkişaf etdirir.
Göründüyü kimi, Yaxın Şərqdəki qeyri-sabitlik artıq Cənubi Qafqaza çox yaxınlaşıb. Bütün bu problemlər Rusiya və ABŞ arasındakı münasibətlərdə yaranmış çatı dərinləşdirir və ortaq razılığa gəlməyi getdikcə mümkünsüzləşdirir.
Putinin Bakı səfəri və Kollektiv Təhlükəsizlik Təşkilatı
Rusiya hələ ki, regionda Azərbaycanı strateji tərəfdaşına çevirməyə tələsmir. Lakin son zamanlar baş verənlər göstərir ki, o, bunu istənilən məqamda etməyə hazırdır. Azərbaycan MDB-dən başqa Rusiyanın iştirakçısı olduğu heç bir bloka üzv deyil. Bu baxımdan Azərbaycan əsas sahələrdə tutarlı faktora çevrilir. Bu yaxınlarda Xəzər dənizinin hüququ statusu haqda imzalanmış Konvensiyanı buna misal göstərmək olar. Azərbaycan nə bilavasitə Avrasiya İqtisadi İttifaqına, nə Kollektiv Təhlükəsizlik Təşkilatına iştirakçı kimi qoşulasıdır. Çünki Azərbaycan, Konstitusiyasında qeyd olunduğu kimi, öz neytrallığını qorumaq hüququna malikdir. Ancaq bu formatlarla sıx əlaqələr qurmaq üçün müşahidəçi qismində çıxış etməyə hazırdır.
Rəsmi Bakı başa düşür ki, hətta bu istiqamətdə atdığı addımlar Ermənistana qarşı qeyri-hərbi silah ola bilər. Odur ki, bu istiqamətdə işlərini daha da genişləndirir.
Hazırda Bakı üçün əsas məqsəd Moskva ilə arasında baş verə biləcək 2013-cü “soyuqlaşma”sının təkrar yaşanmasının qarşısını almaqdır. Lakin 2013-cü il dünya siyasətində böyük dəyişikliklərə səbəb olan Krım hadisəsindən öncə baş vermişdi.
Odur ki, Rusiyanın hazırda gedən müharibələrdə iştirakının Rusiya – Azərbaycan münasibətlərinə necə təsir göstərəcəyi məlum deyil.
Burada üstəlik Rusiyanın Türkiyə ilə də münasibətlərini bir faktor kimi nəzərə almaq lazım gələcək. Başqa hərbi bloklarda iştirak etmək baxımından Azərbaycan nəzərə almalıdır ki, Kollektiv Təhlükəsizlik Müqaviləsi Təşkilatı ilə müəyyən məsələlərdə oynamaq olar, amma NATO ilə belə münasibətlər qurmaq mümkün deyil.
Odur ki, əgər Azərbaycan KTMT ilə yaxınlaşmasa, Cənubi Qafqazda qaçılmaz olacaq gərginlik şəraitində onu güclə NATO ilə yaxınlaşdırmağa çalışacaqlar. Burada “İsveçrə variantı” alınmayacaq.
Bu halda artıq formal neytrallığa istinadlar əhəmiyyət kəsb etməyəcək. Hətta Bakının bu günə qədər aldığı müasir silahlar belə onun köməyinə gəlməyəcək. Bu baxımdan qarşıda gözlənilən hadisələrin fonunda rəsmi Bakı öz dövlətçiliyini hansı yolla qoruyacağını seçməli olacaq.
Ermənistanla əlaqədar B planı
Düşünürəm ki, hazırda istənilən dövlət başçısı Rusiya-Ermənistan münasibətləri haqda və ümumilikdə Ermənistanın daxilində baş verən hadisələrin yaxın perspektivi barədə düşünməlidir. Bunu şərti olaraq “B planı” adlandırmaq olar. Putin-Paşinyan görüşünun nəticələri göstərir ki, Ermənistanın baş naziri görüşədək səsləndirdiyi tezislərini yenidən təkrar etməkdədir.
Yəni onun Rusiya-Ermənistan münasibətlərindəki mövqeyi heç bir dəyişikliyə məruz qalmayıb. Burada baş nazirin Moskvaya yönəltdiyi “müdaxilə etməmək” termini böyük maraq kəsb edir. Üstəlik Rusiya– Ermənistan danışıqlarından sonra Ermənistanın daxilində baş verən hadisələr də maraqlıdır. “Vətən xainləri” axtarışı adı altında Paşinyanın rəqiblərinin təqibi davam edir.
“Plan B”, “V”, “Q” və sair bu səpkidə olan planları daima ehtiyatda saxlamaq lazımdır. Məsələn, Yanukoviçlə Azarovun belə planları yox idi. Çünki onlar siyasətçi deyil, sadəcə məmur idilər. Buna görə onlar başa düşə bilmədilər ki, 2013-cü ilin 21 noyabrında Ukraynanın Avropa ilə münasibətlərinə assosiativ son qoymasını elan etməsi arxasıyca “sel gətirəcək”.
Ermənistanın isə ən yüksək səviyyədə keçirilmiş məqsədyönlü və qeyri-formal görüşlərdən sonra hansı istiqamətdə irəliləyəcəyi bilinmir. Məhz bu barədə ciddi düşünmək lazım gələcək.
2018-ci ildə Qarabağda müharibə
Hazırda Qarabağ bir çox göstəricilərinə görə Donbasa bənzəyir. Silahlı münaqişə artıq mütəmadi hal alıb və müharibə istənilən an baş verə bilər. Buna görə də burada hansısa tarixə və ya müddətə əsaslanmaq lazım deyil. Bu səhv olacar və dinclik effekti yaradar. Hərbi dərsliklərdə qeyd olunduğu kimi, müharibənin başlanması üçün zəmin hazırdır. Hazırki vəziyyətdə hətta Bakıda doğulmuş Viktor Zorge belə “22 iyun” tarixinin xəbərdarlığını təkrar edə bilməz. Daha aydın danışacam: müharibə artıq gedir, sadəcə olaraq hələ ki, qeyri-aktiv fazadadır.
Müharibənin başlaması – hələlik ehtimal şəklində olsa belə – o vaxt baş tuta bilər ki, Moskvanın Bakı və İrəvanla münasibətləri eyni vaxtda gərgin həddə çatsın. Hazırda Ermənistanda baş vermiş hadisələr və onların inkişaf tendensiyası göstərir ki, bu gözləntinin reallaşması mümkündür.
BMT Təhlükəsizlik Şurasında təcili reformlara ehtiyac var.
Axar.az xəbər verir ki, bunu BMT Baş Assambleyasında çıxışı zamanı Almaniya Xarici İşlər naziri Hayko Maas deyib.
“Biz dairə ətrafında qaçmağı dayandırmalıyıq və reformlar barədə real danışıqlara başlamalıyıq. Bunu BMT-yə üzv ölkələrin çoxu çoxdan arzulayır”, – deyə o bildirib.
Suriya Xarici İşlər naziri Valid Müəllim İran Xarici İşlər naziri Məhəmməd Cavad Zəriflə görüşüb.
Axar.az xəbər verir ki, Nyu Yorkda baş tutan görüşdə tərəflər İdlib demilitarizasiya zonasının yaradılması və Astana prosesini müzakirə ediblər.
XİN rəhbərlərinin görüşünə həmçinin Suriya Xarici İşlər nazirinin müavini Feysal Mikdad, Suriyanın BMT-dəki Daimi Nümayəndəliyinin rəhbəri Bəşər əl Cəfəri və Xarici İşlər nazirinin müşaviri Əhməd Arnus qatılıb.