 |
|
İtaliya A Seriyasının 9-cu turunun Genoa ilə oyununda (1:1) fərqlənərək, Avropanın TOP-5 liqasında 400 qol vuran ilk oyunçu kimi tarixə düşən “Yuventus”un hücumçusu Kristiano Ronaldo mükafatlandırılıb.
Türkiyə çempionatının 11-ci turunda öz meydanında “Fənərbağça” ilə heç-heçə edən “Qalatasaray”da oyunun hakiminə etirazlar davam edir.
Futbolçularımı təbrik edirəm.
Argetinalı prokuror Pablo Turano futbolçu Lionel Messini çirkli pulların yuyulmasında ittiham edib.
Bizi gəlir gətirməyən döyüşlər maraqlandırmır.
İspaniya çempionatında yeni mükafat təsis olunacaq.
Qol.az-ın yaydığı xəbərə görə, qarşıdakı illərdə mövsümün ən yaxşı futbolçusuna Lionel Messi Kuboku təqdim oluna bilər. Bu barədə La Liqanın prezidenti Xavier Tebas məlumat verib. Argentinalını dünyanın ən yaxşısı hesab edən və ideyanı dəstəkləyən futbol funksioneri "Barselona"lı superulduzun adını əbədiləşdirmək üçün gələcəkdə bu addımı ata biləcəklərini istisna etməyib.
Qeyd edək ki, mövsümün ən yaxşı hücumçusu üçün isə İspaniya millisinin əfsanəvi forvardı Telmo Sarranın adını daşıyan mükafat nəzərdə tutulub.
“Traktor” böyük və çox tərəfdara malik olan bir komandadır. Təbrizdə hər yerdə “Traktor”dan danışırlar. Yaşlılar, gənclər – hər kəs bu komandadan bəhs edir. Bu mənim üçün də önəmli məsələdir.
Axar.az xəbər verir ki, bu sözləri Təbrizin “Traktor” futbol komandasının irlandiyalı hücumçusu Antoni Stokes deyib. O, təmsil etdiyi komandanın azərbaycanlılar tərəfindən çox sevildiyini deyib:
“Düşünürəm ki, bu komandada uğur qazana bilərəm. Bu mövsümdə “Traktor”u seçdiyimdən xoşhalam, bu, mənim üçün çox yaxşıdır. Ona görə ki, oynadığın komandanın çox tərəfdarı var və böyük bir klubdur. Təkcə mənim uğur qazanmağım önəmli deyil. Şübhəsiz ki, istəyərəm bu mövsümdə 25-dən çox qol vurum və birinci olum. Lakin ən önəmli məsələ odur ki, klub çempion olsun və qarşısına qoyduğu hədəflərə çatsın. Bizim mövsümün əvvəlində bəxtimiz gətirmədi və müəyyən xallar itirdik. Lakin vəziyyətimiz artıq dəyişib və getdiyimiz yolda uğur qazanmaq , hətta çempion olmaq imkanı var. Əminəm ki, qarşıdakı həftələrdə daha sürətlə hədəfə doğru hərəkət edəcəyik”.
Qeyd edək ki, Antoni Stokes İrlandiya milli komandasının keçmiş oyunçusudur. O, hazırda Super Liqa yarışlarında İran üzrə ən çox qol vuran oyunçudur.
Futbol üzrə Azərbaycan milli komandasının və “Qarabağ” klubunun baş məşqçisi Qurban Qurbanov növbəti rekorda imza atıb.
10:46
Bu gün İspaniya La Liqasının 10-cu turunda "Barselona” - "Real Madrid” klubları üz-üzə gələcək.
Bordini və rəqib komandanı təbrik edirəm. Oyundan sonra sıxlıq olduğu üçün yaxınlaşa bilmədim.
Qol.az-ın məlumatına görə, bu sözləri “Qarabağ”ın baş məşqçisi Qurban Qurbanov Toaz Premyer Liqasının 9-cu turunda səfərdə “Neftçi”yə uduzduqları oyundan (1:3) sonra təşkil edilən mətbuat konfransında deyib.
Qurbanov məğlubiyyətə görə, futbolçularla ayrı-ayrılıqda danışacağını bildirib:
“Bu, idmandır. Futbolçular həmişə gərgin qrafikdədilər. Amma belə oyunlara, məğlubiyyətlərə hazır olmalıyıq. Danışılası bir şey yoxdur. Oyun və nəticə barədə hər bir futbolçu ilə ayrılıqda danışacam. Futbolçuların yanında olmalıyam. Belə vəziyyətlər çox olub. Biz istəkli komandayıq. Sadəcə, səhvər olur. Bunları aradan qaldırmalıyıq. Daha möhkəm kollektiv olaraq qarşıdakı oyuna hazırlaşmalıyıq. İradlar olacaq, bunu başa düşürəm. Biz hər oyuna qələbə istəyi ilə çıxırıq”.
- Nə vaxta qədər futbolçuların yanında olacaqsınız, məsuliyyəti öz üzərinizə götürəcəksiniz? Bunun limiti varmı?
- Limit yoxdur. Mən futbolçulardan, onlar da məndən dəstək görməlidir. Səhvlərimizi kollektiv içində araşdırmalıyıq. Çatışmayan cəhətləri daha yaxşı bilirəm.
- “Vorskla” ilə oyunda sanki çox güc sərf olunmuşdu. Bunun yorğunluğu hiss olunurdumu?
- Hər məğlubiyyətdən sonra psixoloji yorğunluq olur. Bu gün də heyətdə çox dəyişiklik etmişdim. Bəzi oyunçuları riskə atmaq istəmədim. Əsas heyətdən 3 oyunçu oynadırdım. Amma hiss edirdim ki, onlar üçün oynamaq ağırdır. Məğlubiyyətin səbəbini bunda axtarmaq istəməzdim. Sadəcə bu görüşə hazırlaşmaq üçün vaxtımız az olmuşdu. Bəzən belə məğlubiyyətlərin komandaya faydası olur. Üzücü olsa da, işimiz ilboyu davam edir. Bütün yorğunluqları, çatışmazlıqları arxada qoymalıyıq.
- Əlinizin altındakı heyət çempionluq üçün yetərlidimi?
- Futbolçularımın hər birinə güvənirəm. Bu heyətlə gözəl qələbələrimiz olub. Həm çempionatda, həm avrokuboklarda. Çempionatda inanmıram elə ciddi problemimiz olsun. Sadəcə, dəyişikliklər olur, hər oyun istədiyimiz kimi çıxış edə bilmirik. Düşünürəm ki, qarşıdakı oyunlar daha yaxşı olacaq.
- Jezniçakın əvəzinə Rəşad Sadıqovun meydana çıxması nə ilə bağlıdı?
- Bayaq dediyim kimi, yorulmuşdular. Jezniçak həddən artıq yorğun olsa da, onun təcrübəsinə ehtiyacımız var idi. İlk hissənin sonlarında yorğunluğunu hiss etdiyim üçün onu əvəzlədim.
- Azarkeşlər Mirabdulla Abbasovu yığmada görmək istədiklərini bildirdilər...
- Bütün oyunçular nəzarətdədir. Bütün bacarıqlı futbolçu yığmada ola bilər. Bizim hər toplanışımızda yeni oyunçu olur. Mənim siyahımda olan futbolçular arasında Mirabdulla da var. Onların hamısı milliyə çağırıla bilər.