 |
|
"Qarabağ"ın Avropa Liqasının qrup mərhələsindəki rəqiblərindən olan "Vorskla" Ukrayna Premyer Liqasında növbəti oyununu keçirib.
Qol.az-ın xəbərinə görə, Poltava təmsilçisi 12-ci turda Kiyev “Dinamo”sunu qəbul edib. Görüş qonaqların 1:0 hesablı qələbəsi ilə yekunlaşıb. Qolu 40-cı dəqiqədə Viktor Tsyaqonkov vurub.
Qeyd edək ki, “Vorskla” 18 xalla 4-cü pillədə qərarlaşıb. “Dinamo” 29 xalla 2-cidir. Turnir cədvəlinə 31 xalla Donetsk “Şaxtyor”u başçılıq edir.
Xatırladaq ki, "Qarabağ" Avroliqada növbəti oyununu oktyabrın 25-də, Bakıda məhz "Vorskla" ilə keçirəcək.
Yüngül çəkidə UFC üzrə dünya çempionu Həbib Nurməhəmmədovun atası Əbdülmanap Nurməhəmmədov ünvanına səsləndirdiyi təhqirlərə görə Konor Makqreqoru bağışladığını açıqlayaraq, onu Dağıstana döyüş sambosu üzrə dünya çempionatına dəvət edib.
İngiltərəli keçmiş futbolçu David Bekhem moda dizayneri Viktoriya Bekhem ilə 19 illik evliliyi haqqında danışıb.
7 oktyabrda Las-Veqasda keçirilən UFC 229 yarışlarında İrlandiyalı döyüşçü Konor Makqreqoru məğlub edən rusiyalı döyüşçü Həbib Nurməhəmmədovun atası Əbdülmanap Nurməhəmmədova növbəti açıqlaması ilə gündəmə gəlib.
o, döyüşdən öncə təhqiramiz ifadələr işlədən Makqreqoru artıq bağışladığını bildirib:
“Hər şeyi bağışlayıram. Mərhəmətli olmalıyam”.
Əbdülmanap Nurməhəmmədov Makqreqoru 15 dekabrda Dağıstanın Kaspiysk şəhərində keçiriləcək turnirə də dəvət edib.
Meksikalı boksçu Saul Alvares idman tarixində rekorda imza atıb.
Fransanın “Pari Sen-Jermen” (PSG) klubunun argentinalı yarımmüdafiəçisi Anxel Di Marianın karyerasını İngiltərə Premyer Liqasında davam etdirəcəyi gözlənilir.
Axar.az xəbər verir ki, əvvəllər “Mançester Yunayted”in şərəfini qoruyan futbolçunun PSG ilə müqaviləsi mövsümün sonunda başa çatacaq. Çox güman ki, klub argentinalı ilə müqaviləni uzatmayacaq. O, Premyer Liqaya öz arzusu ilə qayıtmaq istəyir. Otuz yaşlı futbolçunun agentləri hesab edirlər ki, İngiltərə klubları yarımmüdafiəçiyə həftədə 200 min funt sterlinq (227 min avro) məvacib ödəyə biləcəklər.
Qeyd edək ki, bir müddət əvvəl mediada “Yuventus”un bu futbolçu ilə maraqlandığı iddia olunurdu.
Anxel Di Maria 2015-ci ildə 63 milyon avroya “Mançester Yunayted”dən PSG-yə keçib. Cari mövsümdə argentinalı yarımmüdafiəçi parislilərin heyətində 12 oyunda 6 qol vurub və 3 məhsuldar ötürmə edib.
İrlandiyalı döyüşçü Konor Makqreqor mart ayının 16-da döyüş meydanına qayıdacaq.
Axar.az xəbər verir ki, bu barədə idmançının məşqçisi Con Kavana danışıb.
Onun sözlərinə görə, elə məhz həmin gün də Makqreqorun Həbib Nurməhəmmədovla revanş görüşü baş tuta bilər.
“Həbib Nurməhəmmədovla olacaq, yoxsa yox, dəqiq deyil, ancaq istənilən halda biz 16 mart variantı üzərində dayanmışıq. Yaz aylarında bir çox variant, o cümlədən iyulda keçiriləcək Beynəlxalq Döyüş Həftəsi var. Konor Həbiblə görüşüb renavş almaqda maraqlıdır. Mən Konorda Həbibdən başqa kimləsə görüşməyə maraq hiss etmirəm. Entoni Pettis və Toni Ferquson əla döyüşçülərdi. Ancaq əmin deyiləm ki, Konor Həbibdən başqa kimləsə görüşməyə maraq istəkli olsun. Nurməhəmmədovdan revanş almaq istəyi Konor içində əsl alov yaradıb”, - məşqçi bildirib.
Yüngül çəkidə UFC 229 versiyası üzrə dünya çempionu Həbib Nurməhəmmədovun əmisi Aleks Nurməhəmmədov isə öz növbəsində irlandiyalı döyüşçünün Həbib Nurməhəmmədova revanş döyüşü üçün 15 milyon dollar təklif etdiyini açıqlayıb.
“O, Həbib üçün maraqlı deyil. Həbib onunla hər hansı bir məbləğə görə vuruşmayacaq. Bilirəm ki, onlar revanş istəyirlər. Həbib razılaşsa, başlanğıc üçün 15 milyon təklif edirlər. Ancaq Həbib “yox” dedi. Qoy Konor növbədə dursun, başqaları ilə döyüşsün. Həbib isə Ferqusanla döyüşmək və daha sonra karyerasını sonlandırmaq istəyir”, - Aleks Nurməhəmmədov deyib.
Qeyd edək ki, 6 oktyabrda keçirilən Makqreqor-Nurməhəmmədov qarşılaşmasında rusiyalı idmançı 4-cü raundda boğucu fənd tətbiq edərək qələbə qazanmışdı.
İspaniya millisi UEFA Millətlər Liqası çərçivəsində İngiltərə yığması ilə qarşılaşıb.
İspanlar rəqibinə 2:3 hesabı ilə məğlub olub.
3 qolu da ilk hissədə buraxan İspaniya millisi 27 ildən sonra eyni taleyi yaşayıb. Belə ki, bu komanda sonuncu dəfə 1991-ci ildə Macarıstanla dostluq matçında (2:4) ilk hissədən 3 qol buraxmışdı.
“Mahirə həddən artıq təzyiq var azarkeşlər tərəfindən”.
Bu sözləri millimizin baş məşqçisi Qurban Qurbanov Malta ilə 1:1 bərabərə qaldığı oyundan sonra bildirib.
O, jurnalistlərin “Mahir Mədətov öz oyununa görə azarkeşlərin tənqidi ilə üz-üzə qalıb. Onun yerinə başqa oyunçu meydana buraxa bilməzdiz?” sualına cavabında bunları bildirib:
“Mahir ən hərəkətli oyunçularımızdan biri idi. Biz futbolçunu mütləq qazanmalıyıq. Bu gün qol pasını da o verdi. Bizim bu futbolçular xalq olaraq ehtiyacımız var. Mahir oyundan sonra paltardəyişmə otağında oturub ağlayırdı. Həmişə öz futbolçularımın yanındayam. Onların nələr keçirdiklərini məndən yaxşı heç kim bilməz. Mahirin, Pavelin qaşı partladı. Bu futbolçulara güvənmək lazımdı. Başqa oyunçularımız yoxdu.
Onları itirmək istəmirəm. Əksinə daha yaxşı futbolçu etmək, peşəkar etmək istəyirəm. Onların hər biri həddən artıq məsuliyyətlidilər. Bəzən soyuqqanlı olmaq gərəkən epizodlarda çətinlik çəkirdilər. Bizim futbolda çatışmayan cəhətlər çoxdu. Amma istəyirik ki, onları itirməyək. Nə qədər onlara ehtiyacımız var, daha çox yapışmalıyıq. Futbolçularımı yaxşı tanıyıram. Bütün iradları öz üzərimə götürməyə razıyam ki, futbolçular oyuna rahat hazırlaşsınlar”.
Futbol üzrə Azərbaycan yığması Millətlər Liqasının D Divizionunun 4-cü turu çərçivəsində Malta millisi ilə qarşılaşır.