 |
|
İtaliyanın "Yuventus" klubunun və Portuqaliya millisinin futbolçusu Kriştianu Ronaldunun koronavirus testi yenidən müsbət olub.
"Report" xəbər verir ki, 35 yaşlı hücumçu karantində qalmağa davam edəcək.
Forvard UEFA Çempionlar Liqasının qrup mərhələsinin ikinci turunda İspaniya "Barselona"sı ilə görüşü buraxacaq. Turin təmsilçisi 3 gün sonra A Seriyasında "Hellas Verona"nı qəbul edəcək.
Qeyd edək ki, oktyabrın 13-də Kriştianu Ronalduda koronavirus aşkarlanıb.
Əslən Azərbaycandan olan dünyaca məşhur fitnes-model Bahar Nəbiyeva vətəninə dəstəyini bildirib.
“Ölkə.Az” xəbər “İnstagram”da 3 milyon izləyicisi olan Nəbiyeva ermənilərin Azərbaycan torpaqlarını işğal etdikləri barədə videoçarx paylaşıb.
Videoda müxtəlif ölkələrdə yaşayan azərbaycanlılar ingilis dilində bütün dünyaya səslənir. Qarabağ həqiqətlərini əks etdirən video qısa müddət ərzində on minlərlə insan tərəfindən bəyənilib.
İdmançı videosunu belə şərh edib:
“Bu il bütün dünyada sözün əsl mənasında çılğın hadisələr baş verib və ona görə də hər zaman dəstəyimi ifadə etdiyim ana vətənim Azərbaycanın mənim köməyimə ehtiyacı var”.
"Bura başqa dünyadır. Mən yalnız yerli çempionatda çıxış edən futbolçuların xidmətindən yararlanıram. Albaniyadakı kimi sərəncamımda başqa ölkələrdə oynayan və fərqli təcrübəsi olan oyunçular yoxdur. Bu, komandanın səviyyəsi üçün vacib amildir".
"Ölkə.Az"ın məlumatına görə, bu fikirləri Azərbaycan millisinin baş məşqçisi Canni De Byazi Albaniyanın "Top Channel" kanalına müsahibəsində yığmadakı işi barədə danışarkən deyib.
64 yaşlı mütəxəssis UEFA Millətlər Liqasının qrup mərhələsinda IV turun Kiprlə oyunu (0:0) üçün Albaniyanın seçilməsinin səbəbini belə izah edib: "Azərbaycan Qarabağ uğrunda müharibə aparır. Şərtləri görən UEFA Kiprlə matçın orada keçirilməməsinə qərar verdi. Seçim olaraq, Albaniya variantının üzərində dayandıq. Buranın mənə yaxın ölkə olması, bizə kömək edə biləcək dostlarımızın çoxluğu seçimimizdə həlledici rol oynadı".
2016-cı ildə İtaliya millisindən təklif aldığını xatırladan De Byazi doğma ölkəsinin yığmasında işləyə bilmədiyi üçün peşam olduğunu vurğulayıb: "Həmin vaxt Arman Duka məni buraxmadı. Çünki Avropa çempionatının finalına vəsiqə qazanmışdıq. Düşündü ki, birdən bu təklif məni işimdən yayındırar. Amma Albaniya seçməsi ilə vidalaşdıqdan sonra ölkəmdə işləyə bilərdim. Bu, bütün italiyalı baş məşqçilər kimi mənim də arzumdur. Alınmadı, peşmanam".
Qeyd edək ki, Canni De Byazi bu ilin avqustundan Azərbaycan millisinə başçılıq edir.
Azərbaycan kikboksçusu Ehram Məcidov azadlığa çıxıb.
Report.az xəbər verir ki,bu barədə beşqat dünya çempionunun dostları sosial şəbəkədə yazıblar.
Məcidov xuliqanlıq niyyəti ilə qəsdən sağlamlığa ağır zərər vurma ittihamı ilə 2019-cu il iyunun 25-də Bakı Ağır Cinayətlər Məhkəməsinin hökmü ilə 3 il 6 ay müddətinə azadlıqdan məhrum edilmişdi. 1979-cu il təvəllüdlü idmançı qayınatası, 1953-cü il təvəllüdlü Bəhruz Dilbaziyə xəsarət yetirməkdə təqsirli bilinirdi.
Qeyd edək ki, prokuror E.Məcidovun 8 il müddətinə azadlıqdan məhrum edilməsini istəmişdi.
Ehram Məcidov Cinayət Məcəlləsinin 126.2.3-cü (xüsusi amansızlıqla, zərərçəkmiş şəxsə ağır iztirablar verməklə və ya sifarişlə, habelə təqsirkar üçün aşkar surətdə köməksiz vəziyyətdə olan şəxsə qarşı törədildikdə) və 126.2.4-cü (qəsdən sağlamlığa ağır zərər vurma; ümumi təhlükəli üsulla, xuliqanlıq niyyətilə törədildikdə) və 228-ci (soyuq silah gəzdirmə) maddələri ilə ittiham edilirdi.
Bu gün Azərbaycan yığması UEFA Millətlər Liqasında növbəti oyununu keçirəcək.
Canni De Byazinin başçılıq etdiyi kollektiv qrup mərhələsinin IV turunda Kipr millisi ilə qarşılaşacaq.
Azərbaycan və Ermənistan arasında Dağlıq Qarabağdakı hərbi münaqişə səbəbindən milli rəqibini neytral meydanda - Albaniyadakı Elbasan şəhər stadionunda qəbul edəcək. Görüş Bakı vaxtı ilə saat 20:00-da başlayacaq.
Bunadək qrupda keçirdiyi 3 oyunda 1 qələbə qazanıb, 2 dəfə məğlub olan yığma 3 xalla 3-cü pillədə qərarlaşıb. Kiprlilərin isə xalı yoxdur. Azərbaycan millisi yeganə qələbəsini II turda səfərdə Kipr üzərində əldə edib - 1:0.
Azərbaycan millisi bu görüşə ciddi itki ilə çıxacaq. Komandanın heyətində cəzalı Bədavi Hüseynovun oyunu buraxacağı dəqiqdir. Kapitan Maksim Medvedev, hücumçu Əli Qurbani və Monteneqro ilə matçda oynamayan müdafiəçi Təmkin Xəlilzadənin isə forma geyinməsi sual altındadır.
13 oktyabr
UEFA Millətlər Liqası, IV tur
20:00. Azərbaycan - Kipr
Hakimlər: Fran Yoviç, İviça Modriç, Hrvoje Radiç, Mario Zebeç (hamısı Xorvatiya)
Albaniya, Elbasan şəhər stadionu
Qeyd edək ki, qrupun digər oyununda lider Monteneqro Lüksemburqu qəbul edəcək. Həmin qarşılaşma Bakı vaxtı ilə 22:45-də start götürəcək.
Türkiyə yığmasının əslən azərbaycanlı atleti Ramil Quliyev Ermənistan silahlı qüvvələrinin Gəncə şəhərinə raket zərbələri nəticəsində törətdiyi terror hadisəsinə reaksiya verib.
Report məlumatına görə, 30 yaşlı idmançı bununla bağlı "Instagram"da paylaşım edib.
O, üzərində "Pray for Ganja city" ("Gəncə şəhəri üçün dua edin") sözləri yazılmış foto paylaşıb.
Qeyd edək ki, Ramil Quliyev 200 metr məsafəyə qaçış üzrə Avropa və dünya çempionudur.
Azərbaycanlı məşhur idmançılar cəbhəyə yollanıblar.
Dəfələrlə dünya və Avropa çempionu olmuş, peşəkar kikboksinq üzrə müxtəlif Qran-prilərin qalibi Zabit Səmədov və MMA üzrə Yaponiyada keçirilən Rizin Qran Pri kəmərinin hazırkı sahibi Tofiq Musayev cəbhəyə yollanıb.
İdmançılar bu barədə sosial şəbəkə səhifəsində paylaşım edib. Onlar “İnstagram”da cəbhədə əsgərlərlə çəkilən fotolarını yayımlayıblar.
Sözügedən fotonu təqdim edirik:
Bu gün Çempionlar Liqasının 2020/21 mövsümünün qrup mərhələsinin püşkü atılıb.
Qitənin ən nüfuzlu klub turnirində mübarizə aparan 32 komanda 8 qrupa bölünüb.
Diqqət çəkən məqam “Barselona” ilə “Yuventus”un eyni qrupda yer almasıdır. Son illər dünyanın ən güclü iki futbolçusu sayılan Lionel Messi ilə Kriştianu Ronaldo qrupda bir-birinə rəqib olacaq.
Çempionlar Liqası
Qrup mərhələsi
A qrupu
“Bayern” (Almaniya)
“Atletiko” (İspaniya)
“Zalsburq” (Avstriya)
“Lokomotiv” (Rusiya)
B qrupu
“Real” (İspaniya)
“Şaxtyor” (Ukrayna)
“İnter” (İtaliya)
“Borussiya” (Mönxenqladbax, Almaniya)
C qrupu
“Portu” (Portuqaliya)
“Mançester Siti” (İngiltərə)
“Olimpiakos” (Yunanıstan)
“Marsel” (Fransa)
D qrupu
“Liverpul” (İngiltərə)
“Ayaks” (Niderland)
“Atalanta” (İtaliya)
“Midtyuland” (Danimarka)
E qrupu
“Sevilya” (İspaniya)
“Çelsi” (İngiltərə)
“Krasnodar” (Rusiya)
“Renn” (Fransa)
F qrupu
“Zenit” (Rusiya)
“Borussiya” (Dortmund, Almaniya)
“Latsio” (İtaliya)
“Brüqe” (Belçika)
G qrupu
“Yuventus” (İtaliya)
“Barselona” (İspaniya)
“Dinamo” (Kiyev, Ukrayna)
“Ferentsvaroş” (Macarıstan)
H qrupu
PSJ (Fransa)
“Mançester Yunayted” (İngiltərə)
“Leypsiq” (Almaniya)
“Başakşəhər” (Türkiyə)
Qeyd edək ki, qrup mərhələsində I tur 20-21 oktyabr, II tur 27-28 oktyabr, III tur 3-4 noyabr, IV tur 24-25 noyabr, V tur 1-2 dekabr, VI tur 8-9 dekabrda keçiriləcək.
Türkiyədə Azərbaycan mənşəli atlet Ramil Quliyev Ermənistanın Azərbaycan torpaqlarını işğalı ilə bağlı açıqlamalar verib.
Fotomac.com xəbər verir ki, 30 yaşlı idmançı Azərbaycan torpaqlarının 20 faizini əhatə edən Qarabağın 30 ildir Ermənistanın işğalı altında olduğunu xatırladıb:
“Biz azərbaycanlılar 30 ildir torpaqlarımızı geri qaytarmaq həsrəti ilə yaşayırıq. İndi ən təbii haqqımız olan müdafiə haqqımızdan istifadə edərək təcavüz altında olan torpaqlarımızı işğaldan azad edirik. Bu mübarizə haqq mübarizəsidir, bu yol haqq yoludur. İnşallah, bu yolun sonunda ölkəmizi qələbə gözləyir. Qarabağ bizimdir, Qarabağ Azərbaycandır. Bir bədəndə iki can, yaşasın Türkiyə-Azərbaycan”.(oxu..az)
Azyaşlı futbolçu Şəhriyar Qurbanovun həlak olması ilə əlaqədar FIFA-dan AFFA-ya başsağlığı məktubu daxil olub.
Bu barədə Azərbaycan Futbol Federasiyaları Assosiasiyasının (AFFA) məlumatında qeyd olunub.
FIFA-dan göndərilən məktubun tərcüməsini diqqətinizə çatdırırıq:
“Şəhriyar Qurbanov xatirəsinə...
Bu məktubla azyaşlı futbolçu Şəhriyar Qurbanovun bu yaxınlarda dünyasını dəyişməsi ilə bağlı səmimi və dərin hüznlə başsağlığımızı ifadə etmək istərdik.
Şəhriyarın ailəsinə, Naftalan futbol klubundakı komanda yoldaşlarına, dostlarına və sevdiklərinə dərin hüznümüzü çatdırır, bu çətin zamanda sözlərimizin sülh və təsəlli verəcəyinə ümid edirik”.