 |
|
Azərbaycanın peşəkar MMA-dakı ilk qadın döyüşçüsü Suad Səlimova bu növdə ikinci döyüşünü keçirəcək.
Oxu.az verir ki, bu barədə xanım döyüşçü özü “Facebook” profilində paylaşım edib.
O bildirib ki, mövcud koronavirus pandemiyası sona yetəndən sonra növbəti qarşılaşmasına çıxacaq.
Hələlik Suad Səlimovanın rəqibinin kim olduğu barəsində məlumat yoxdur.
Qeyd edək ki, MMA-ya peşəkar kikboksinqdən keçid etmiş “Dəmir qız” (“Iron Girl”) ilk döyüşünü 2018-ci ildə Romada keçirmişdi.
İlk rəqibi yerli idmançı Maria Vittoria Kolonna olan Suad sözügedən döyüşdə məğlub olmuşdu.
Yüngül çəkidə UFC çempionu rusiyalı Həbib Nurməhəmmədovla ABŞ təmsilçisi Castin Getji ilə görüşünün posteri hazırlanıb.
Oxu.az xəbər verir ki, poster UFC-nin mətbuat xidməti tərəfindən “Twitter”də yerləşdirilib.
“Həbib - Getji. İrs üçün, qızıl üçün”, - paylaşımın şərh bölməsində yazılıb.
Qeyd edək ki, bu gün UFC çempionu Dana Uayt Nurməhəmmədov və Getji arasında görüşün oktyabrın 24-də keçiriləcəyini açıqlayıb.
Tokio Yay Olimpiya Oyunlarının Təşkilat Komitəsinin rəhbəri Yosiro Mori yarışı azarkeşsiz keçirməyi düşünə biləcəklərini istisna etməyib.
Funksioner bu barədə yerli NHK telekanalına müsahibəsində bildirib. O, hazırda olimpiadanı tamaşaçısız təşkil etməyi nəzərdən keçirmədiklərini söyləsə də, bunun yeganə mümkün ssenari olub-olmadığını düşünmələrinin gərəkliyini vurğulayıb.
Mori hazırkı vəziyyətdə "Tokio-2020"nin ləğvinin də mümkünlüyünü sözlərinə əlavə edib.
Xərclərin azaldılması və infeksiyanın yayılmasının qarşısının alınması üçün azarkeş sayını ixtisara salmaq planları barədə suala cavab olaraq Mori qeyd edib ki, bu, çətin vəzifədir, çünki müəyyən meyarların işlənilməsini tələb edir. O, nümunə kimi yalnız Yaponiyada daimi yaşayanların idman obyektlərinə buraxılma variantını göstərib.
Qeyd edək ki, Tokio olimpiadası 2021-ci il 23 iyul - 8 avqustda gerçəkləşəcək. (report.az)
Bu gün, iyul ayının 22-də Azərbaycanda Milli Mətbuat və Jurnalistika Günü qeyd olunur. Bu münasibətlə rəhbərlik etdiyim Azərbaycan Qol Güləşi Federasiyasının bütün əməkdaşları, üzvləri və bütün idmançılarımız adından və əlbəttə ki, şəxsən öz adımdan bütün jurnalist dostlarımızı, bu sahədə şərəf və ləyaqətilə çalışan bütün insanları səmimi qəlbdən təbrik edirəm, hər kəsə öz işində yeni-yeni uğurlar arzulayıram. Qələminiz iti, sözünüz kəsərli və ən əsası da tutduğunuz mövqe hər zaman haqq və ədalətli olsun, yazılarınız isə yalnız əsil həqiqətləri əks etdirsin!
Hörmətlə,
Azərbaycan Qol Güləşi Federasiyasının prezidenti,
Avropa Armrestlinq Federasiyasının vitse-prezidenti Cəsarət Əhmədov.
Bir neçə gün öncə Covid-19 virusuna yoluxan “İdman TV”nin direktoru Rövşən Binnətli artıq sağalaraq xəstəxanadan evə buraxılıb.
Oxu.az xəbər verir ki, son test nəticəsi neqativ olan Binnətli iki həftəlik ev karantinində olacaq.
Bu barədə sosial şəbəkədə məlumat paylaşılıb. Rövşən Binnətlinin son test nəticəsi neqativ çıxıb.
O, iki həftə ev şəraitində karantində olacaq.
Rusiyalı UFC çempionu Həbib Nurməhəmmədovla irlandiyalı Konor Makqreqorun revanş görüşünün şərtləri açıqlanıb.
“Vestnik Kafkaza” xəbər verir ki, bununla bağlı Həbibin meneceri Əli Əbdül-Əziz açıqlama verib.
“Castin Qetji Konorla görüşdən imtina edib. İndi biz öndəyik, Konor isə geridədir. O, bir döyüş udmalıdır. İndi ilk yerlərdə Həbib və Qetji qərarlaşıb. Konor isə dördüncü ya beşincidir”.
Onun sözlərinə görə, əvvəlcə Makqreqor hansısa güclü rəqibə qarşı döyüşməlidir:
“Konor Həbiblə döyüşmək üçün Maxaçevlə görüşməlidir. O zaman Həbib revanşa razı olacaq”.
Qeyd edək ki, Həbib 2018-ci ilin oktyabrında keçirilən görüşdə Konor üzərində inamlı qələbə qazanıb. (oxu.az)
Futbol üzrə İspaniya La Liqasında 37-ci turun oyunları keçirilib.
Turun bütün görüşləri eyni gündə baş tutub. “Barselona” bu turda “Osasuna” ilı üz-üzə gəlib və gözlənilmədən 1:2 hesabı ilə uduzub. Turun mərkəzi görüşü Madriddə keçirilib. Lider “Real” doğma meydanda “Vilyarreal”ı qəbul edib.
“Kral klubu” bu görüşdə qalib gəlməklə (2:1) sona bir tur qalmış çempionluğunu elan edib. Bu, Madrid təmsilçisinin tarixində 34-cü belə uğurdu.
Məşhur kikboksçu “Mauqli” ləqəbli Zabit Səmədov Azərbaycan – Ermənistan dövlət sərhədinin Tovuz rayonu ərazisində Ermənistan Silahlı Qüvvələri tərəfindən atəşkəsin kobud şəkildə pozulması nəticəsində başlayan döyüşlər haqqında danışıb.
O bildirib ki, Azərbaycan gəncləri hər an döyüşə hazırdır və Ali Baş Komandanın rəhbərliyi altında torpaqlarımızı azad edəcəyimizə inanır.
İdmançımızın çıxışını əks etdirən videonu təqdim edirik:
Futbol üzrə İtaliya A Seriyasında 31-ci tura start verilib.
Turun mərkəzi matçında "Milan" "Yuventus"u qəbul edib.
Matçın gedişində "Yuventus" 2:0 hesabı ilə öndə olsa da, 18 dəqiqə ərzində 4 qol vuran "Milan" 3 xalı aktivinə yazdırıb.
İtaliya A Seriyası
31-ci tur
7 iyul
Milan – Yuventus 4:2
Qollar: İbrahimoviç, 62-pen. Kessye, 66. Leao, 67. Rebiç, 80 – Rabyo, 47. Ronaldo, 53.
Son günlər ölkə futbol camiəsində ən çox müzakirə olunan mövzulardan biri Azərbaycanın xalq artisti Aygün Kazımovanın qızı İlqarənin "Səbail"in braziliyalı müdafiəçisi Eriko da Silva ilə birlikdə olduğu videonu nümayiş etdirməsidir.
İki həftə sonra 31 yaşı tamam olacaq müdafiəçi bu videodan irəli gələn bütün nüanslara aydınlıq gətirib: "Biz sadəcə dostuq. Bu ziyafətdə tək deyildik. Dostlarımla birgə idim. Yaxın dostum məni oraya apardı".
Braziliyalı şəxsi həyatına da toxunub: "Sevgilim var. Münasibətimiz artıq 3 ildir davam edir. Denis ilə hər şey yaxşıdır və birlikdə olmaqdan məmnunuq".
Bu vəziyyətdə sual yaranır: Eriko Aygün Kazımovanın qızıyla yaxın münasibətləri yoxdursa, niyə o, "İnstagram"da "lovely” yazıb? "Səbail"in futbolçusu bu suala aydınlıq gətirib: "Nədənsə media onu "sevimli" kimi təqdim etmək qərarına gəldi. Əslində, bu sözün bir çox mənası var və bu vəziyyətdə "hörmətli", "sevimli dost", "ən yaxşı dost" nəzərdə tutulmuşdu. "My lovely" yazılsaydı, bu, sevdiyin insan demək olardı. Bu vəziyyətdə isə söhbət dostluqdan gedir".
Legionerlə söhbətin sonunda başqa bir detala toxunduq. Videoda Erikonun qəlyan çəkdiyi göstərilir: "İndi hamı karantindədir. Oyun, məşq yoxdur. Buna görə bir dəfə qəlyanın dadını yoxlamaq qərarına gəldim. Peşəkar futbolçuyam və çox gözəl bilirəm ki, nə etmək olar, nə isə tövsiyə edilmir" (sport24.az).