“Bakı”nın prezidenti, tanınmış iş adamı Hafiz Məmmədov “Qalatasaray”ın heyətində Avroliqanın ikinci təsnifat mərhələsində “Neftçi” ilə oyun üçün Bakıya gələn Arda Turanla görüşüb. 

Görüş “Qalatasaray”ın paytaxtımızda olduğu müddətdə məskunlaşdığı Alov qüllələri - “Hotel Fairmont Baku”da baş tutub.

Görüşdən sonra türkiyəli futbolçu bunları deyib: “Hafiz bəyi uzun illərdi tanıyıram. O, bizim dəyərlimizdir. “Bakı” ilə “Atletiko” arasındakı əməkdaşlıq zamanı dostluğumuz yarandı. Onu görmək mənim üçün çox xoş oldu. Deyiləndə ki, Hafiz bəy otelə gəlib çox sevindim. Son illər Bakıya gələ bilməsəm də, daim həm Hafiz bəylə, həm övladları ilə telefon vasitəsi ilə əlaqə saxlayırıq”. 

Twitter

"Qarabağ"ın baş məşqçisi Qurban Qurbanov UEFA Çempionlar Liqasının III təsnifat mərhələsində Norveç "Molde"sinə penaltilər seriyasında uduzaraq mübarizəni dayandırdıqları oyunla bağlı Heydər Əliyev adına beynəlxalq aeroportunda "Report"un suallarını cavablandırıb. “Qafqazinfo” həmin müsahibəni təqdim edir:

- Əvvəlcə oyun barədə fikirlərinizi bilmək istərdik...

- Çox ağır oyun keçdi. Əlbəttə, Kiprə maksimum nəticə əldə etmək üçün getmişdik. Amma çoxsaylı qol epizodlarından yaxşı istifadə edə bilmədik. Həmişə demişəm, penaltilər seriyası idman lotereyasıdır. Məğlub olduq, heç istəməzdik. Futbolçularımız çox əziyyət çəkdilər. Sadəcə, onların əziyyətlərinə üzülürəm. Sözün həqiqi mənasında meydanda əsl kollektiv gördüm. Hər bir halda düşünürəm ki, bizim üçün böyük təcrübə oldu.

- Oyuna bir həftə qalmış matçın neytral meydana salınmasının komandanıza psixoloji təsiri oldumu?

- Əlbəttə, çox təsiri oldu. Əvvəl də bildirmişdim, püşkatmadan bir və ya iki gün əvvəl desəydilər ki, oyunumuz səfərdə olacaq, bizim üçün hazırlaşmaq bəlkə də daha asan olardı. Arxayın idik ki, oyun Bakıda olacaq. Sonda belə bir qərarın qəbul olunması, bir günün içində hər şeyin dəyişməsi istər-istəməz planlarımızı pozdu. Hər bir halda, biz Kiprə məğlub olmağa getməmişdik. Demək olar, tam üstünlüklə oynadıq.

- Komandanı penaltilər seriyasına hazırlamışdınız?

- Belə oyunlarda futbolçuları tam olaraq penaltilərə hazırlaşdırmıram. Məndə belə bir şey yoxdur. Sadəcə, məşqlərdə oyunçuların özləri penaltilərə istəkli olurlar. Mən də orada baxıram ki, kim daha yaxşı vurur, kim pis. Gördüyünüz kimi, ilk beşlik heç də pis olmadı. Sadəcə, digərləri o qədər də yaxşı penalti vuranlar deyil.

- Sizcə, bu məğlubiyyətdən sonra komandanı Avropa Liqasının pley-off matçına kökləmək çətin olmayacaq?

- Bilirsiniz ki, bir neçə ay futbol olmadı, oyundan uzaq idik. Ümumiyyətlə, futbolçuların tam hazırlıqlı olmaları elə də asan deyil. "Molde" bunadək öz çempionatlarında 16, Çempionlar Liqasında 2 oyun keçirmişdi. Rəqibin son 3 ayda 18 görüş keçirməsi futbolçularının yaxşı formada olmasından xəbər verir. Bizdə isə çempionat dayanmışdı, rəsmi oyunlarımız bu il həddindən artıq az oldu. Belə oyunlarda 90 dəqiqə gücümüzü bölüşdürmək və ya 120 dəqiqə hazır olmaq bizim üçün heç də asan deyil. Amma istənilən halda, bu oyunun psixoloji təsiri qısa zamanda bizdən getməyəcək. Bu, şəxsən mənim üçün üzücü məğlubiyyət oldu. Pley-offa kimi bir neçə çempionat oyunu olacaq. Sentyabrın 18-də növbəti rəqib bilinəcək. Burada zəif komanda yoxdur, bilirsiniz ki, növbəti rəqibimiz də ölkəsinin çempionu olacaq. 

- Qarşıda "Neftçi" ilə oyununuz var...

- Çalışacağıq ki, sentyabrın 20-də keçirəcəyimiz oyunadək tam hazır olaq. Bu arada, "Neftçi" "Qalatasaray"la qarşılaşacaq. Mən "Neftçi"yə yalnız uğurlar arzulayıram. Əvvəl də qeyd etdiyim kimi, "Qalatasaray"ın Bakıya gəlməsi futbolumuza sevgini daha da artıracaq. Türkiyənin Top-5 komandasından biri ölkəmizə səfər edib. Düşünürəm ki, bu rəqibə qarşı oynamaq həm "Neftçi", həm də Azərbaycan futbolu üçün böyük təcrübə olacaq.

Twitter

Azərbaycan UEFA-nın reytinq cədvəlində 25-ci pilləyə yüksəlib.

“Qafqazinfo” xəbər verir ki, Çempionlar Liqasının III təsnifat mərhələsində “Molde” ilə qarşılaşan “Qarabağ” rəqibinə penaltilər seriyasında məğlub olsa da (5:6), ölkəmizin reytinqinə 0,250 xal qazandırıb. 

Nəticədə Azərbaycanın son 5 mövsümün yekununda xalları 16.125-ə çatıb. 15.950 xala malik Rumıniya isə 1 pillə geriləyərək, 26-cı sıraya enib.

Twitter

"İdman TV"nin tanınmış aparıcısı İsmayıl Abdullayev sözügedən telekanaldan ayrılıb.
Qafqazinfo xəbər verir ki, şərhçinin işindən ayrılması öz istəyi ilə baş verməyib.
Ayrılığın telekanal daxilində baş verən problemlərdən qaynaqlandığı bildirilir. Yaxın günlərdə növbəti ayrılıqların baş verəcəyi isə istisna edilmir.

Qeyd edək ki, bir müddət öncə "İdman TV"nin daha bir tanınmış şərhçisi Ramiz Mirzəzadə işindən ayrılaraq "CBC Sport"a keçib. İsmayıl Abdullayev isə 11 ildir "İdman TV"nin uğurları üçün çalışırdı.

Twitter

Azərbaycan Respublikasının Daxili İşlər Nazirliyi, Azərbaycan Futbol Federasiyaları Assosiasiyası və "Neftçi" Peşəkar Futbol Klubu UEFA Avropa Liqası turnirinin ikinci təsnifat mərhələsi çərçivəsində 2020-ci il sentyabrın 17-də Bakı Olimpiya Stadionunda keçiriləcək "Neftçi" - "Qalatasaray" (Türkiyə) oyunu ilə əlaqədar ictimaiyyətin diqqətinə çatdırır ki, UEFA İcraiyyə Komitəsinin müvafiq qərarına uyğun olaraq, qarşılaşma azarkeşsiz keçiriləcək.

Daxili İşlər Nazirliyinin mətbuat xidmətindən Yol-xeber.az-a verilən məlumata görə, hər iki komandanın ölkəmizdə çox sayda azarkeşinin olması nəzərə alınaraq, bir daha bildiririk ki, COVİD-19 pandemiyası ilə əlaqədar Azərbaycan Respublikası Nazirlər Kabineti yanında Operativ Qərargahın tətbiq etdiyi qaydalara riayət olunması vacibdir. "Qalatasaray" komandasının Bakıya gəlişi zamanı hava limanında, komandanın qalacağı otelin qarşısında, məşq edəcəyi və oyunun keçiriləcəyi stadionun ətrafında, eləcə də digər müvafiq məkanlarda azarkeşlərin kütləvi toplaşması yolverilməzdir.

DİN, AFFA və "Neftçi" PFK koronavirusa yoluxma hallarının artım riskini nəzərə alaraq, azarkeşləri Nazirlər Kabineti yanında Operativ Qərargahın tətbiq etdiyi qaydalara riayət etməyə çağırır.

Azarkeşlər sevimli komandalarına çatdırmaq istədikləri mesajları videoya çəkərək CBC Sport televiziya kanalına göndərə bilər. Həmin videomesajlar CBC Sport-da, həmçinin oyun günü Bakı Olimpiya Stadionunun monitorlarında nümayiş etdiriləcək.

Twitter

“Qalatasaray” klubu Avroliqanın II təsnifat mərhələsində “Neftçi” ilə keçirəcəyi oyunun heyətini UEFA-ya təqdim edib.
Oxu.az xəbər verir ki, baş məşqçi Fatih Terim siyahıya 23 futbolçunun adını daxil edib.

Bunlar aşağıdakılardır:

Qapıçılar: Okan Kocuk, Fatih Öztürk.
Müdafiəçilər: Şener Özbayraklı, Omar Elabdellaui, Martin Linnes, Rayan Donk, Kristian Luyindama, Marselo Saraççi, Markao.

Yarımmüdafiəçilər: Ömer Bayram, Taylan Antalyalı, Yunes Belhanda, Oqenekaro Etebo, Cimmi Durmaz, Emre Kılınç, Sofian Fequli, Rayan Babel, Yunus Akgün, Arda Turan, Jesse Sekidika.

Hücumçular: Radamel Falkao, Ali Yavuz Kol, Mbaye Diagne.

Qeyd edək ki, “Neftçi” – “Qalatasaray” oyunu sentyabrın 17-də, Bakı vaxtı ilə 20:00-da start götürəcək.

Twitter

Ruslar videonu “Güləş üzrə məşqçi ilə ancaq güllə atıcılığı məşqçisi mübahisə edə bilər” başlığı ilə paylaşıb. 

Qeyd edək ki, sözügedən Dünya Kuboku yarışında sərbəst güləş üzrə Rusiya və Azərbaycan pəhləvanlarının qarşılaşması baş tutmuşdu. 3-cü yer uğrunda görüşdə sərbəst güləşçilərimizdən ibarət yığmamızın üzvü Cəmaləddin Məhəmmədovun rəqibi Timur Kotsoev üzərində yalnız böyük xal üstünlüyü ilə təmiz qələbəsi ölkəmizi Dünya Kubokunun üçüncüsü edə bilərdi.

Ermənilərin də Rusiyanı dəstəklədiyi həmin qarşılaşmada C.Məhəmmədov 12:1 hesablı qələbə ilə komandamıza bürünc medalları qazandırdı.

Komandamızın bu qələbəsi zalda görüşü izləyən erməniləri məyus etdi. 

Sözügedən həyəcanlı görüşdən sonra həmin ildə sərbəst güləş üzrə milli yığma komandanın böyük məşqçisi, hazırda isə Azərbaycan Güləş Federasiyasının vitse-prezidenti Firdovsi Umudov möhtəşəm qələbə sevinci ilə bütün zalın, eyni zamanda dünya idman ictimaiyyətinin diqqətini cəlb etmişdi.

Rusiya idman cameəsi də F.Umudovun bu sevincinə marağını gizlədə bilməyib. 

Rusiyanın məşhur “Wrestling_Russia” səhifəsi İnstaqram hesabında sərbəst güləş üzrə Azərbaycan yığmasının sabiq böyük məşqçisi Firdovsi Umudova aid görüntüləri paylaşıb. "Qafqazinfo" xəbər verir ki, səhifə məşqçinin 2015-ci ildə ABŞ-ın Los-Anceles şəhərində keçirilən Dünya Kubokunda 3-cü yer uğrunda Rusiya ilə gərgin mübarizədə keçirilən matçdan həyəcanlı anlarını yayımlayıb. 

Ruslar videonu “Güləş üzrə məşqçi ilə ancaq güllə atıcılığı məşqçisi mübahisə edə bilər” başlığı ilə paylaşıb. 

Qeyd edək ki, sözügedən Dünya Kuboku yarışında sərbəst güləş üzrə Rusiya və Azərbaycan pəhləvanlarının qarşılaşması baş tutmuşdu. 3-cü yer uğrunda görüşdə sərbəst güləşçilərimizdən ibarət yığmamızın üzvü Cəmaləddin Məhəmmədovun rəqibi Timur Kotsoev üzərində yalnız böyük xal üstünlüyü ilə təmiz qələbəsi ölkəmizi Dünya Kubokunun üçüncüsü edə bilərdi.

Ermənilərin də Rusiyanı dəstəklədiyi həmin qarşılaşmada C.Məhəmmədov 12:1 hesablı qələbə ilə komandamıza bürünc medalları qazandırdı.

Komandamızın bu qələbəsi zalda görüşü izləyən erməniləri məyus etdi. 

Sözügedən həyəcanlı görüşdən sonra həmin ildə sərbəst güləş üzrə milli yığma komandanın böyük məşqçisi, hazırda isə Azərbaycan Güləş Federasiyasının vitse-prezidenti Firdovsi Umudov möhtəşəm qələbə sevinci ilə bütün zalın, eyni zamanda dünya idman ictimaiyyətinin diqqətini cəlb etmişdi.

Rusiya idman cameəsi də F.Umudovun bu sevincinə marağını gizlədə bilməyib. 

Twitter

21 yaşadək futbolçulardan ibarət Slovakiya və Azərbaycan komandaları arasında oyunun başlanma vaxtı müəyyənləşib.

Avropa çempionatının seçmə mərhələsi çərçivəsində baş tutacaq görüş oktyabrın 8-də olacaq.

Oyun Nitra şəhərindəki eyniadlı stadionda baş tutacaq. Qarşılaşma Bakı vaxtı ilə saat 18:30-da başlayacaq.

Twitter