 |
|
Azərbaycan Mərkəzi Bankının bu günə olan rəsmi valyuta məzənnələri açıqlanıb.
"Yol-xeber.az" xəbər verir ki, avronun məzənnəsi 0,02% artaraq 1,9716 manat, Rusiya rublunun məzənnəsi 0,4% artaraq 0,0234 manat, türk lirəsi 0,1% bahalaşaraq 0,1920 manat təşkil edib.
ABŞ dollarının məzənnəsi dəyişməyərək 1,7000 manat olub.
Oktyabrın 3-də Prezident İlham Əliyev tərəfindən açılışı olan Suqovuşan elektrik stansiyalarının yeni video görüntüləri hazırlanıb.
Bu barədə Yol-xeber.az-a “Azərenerji” ASC-dən məlumat verilib.
Belə ki, ümumi gücü 7,8 MVt olan “Suqovuşan-1” və “Suqovuşan-2” Kiçik Su Elektrik stansiyalarının yenidənqurmadan sonra fəaliyyəti davam edir.
Həmin görüntüləri təqdim edirik:
Cəbrayılda “KAMaz” ASC ilə “Gəncə Avtomobil Zavodu” İstehsalat Birliyinin birgə servis mərkəzinin təməli qoyulub.
Yol-xeber.az xəbər verir ki,təməlqoyma mərasimində Prezident İlham Əliyev iştirak edib.
Oktyabrın 3-də Tərtərdə “Suqovuşan-1” və “Suqovuşan-2” Kiçik Su Elektrik stansiyalarının yenidənqurmadan sonra açılışı olub.
Yol-xeber.az xəbər verir ki, Azərbaycan Respublikasının Prezidenti İlham Əliyev açılışda iştirak edib.
“Azərenerji” ASC-nin prezidenti Baba Rzayev dövlətimizin başçısına “Suqovuşan-1” stansiyasında görülən işlər barədə məlumat verib.
Bildirilib ki, “Suqovuşan-1” Kiçik Su Elektrik Stansiyasında ildə 13,8 milyon kVt/saat elektrik enerjisi istehsal olunacaq. Müzəffər Ali Baş Komandan, Prezident İlham Əliyevin rəhbərliyi ilə Azərbaycan Ordusunun 2020-ci ilin oktyabrın 3-də işğaldan azad etdiyi Tərtər rayonunun Suqovuşan qəsəbəsindəki “Suqovuşan-1” və “Suqovuşan-2“ Kiçik Su Elektrik Stansiyalarının ümumi gücü 7,8 meqavatdır. Erməni qəsbkarları döyüşlər zamanı 4,8 meqavat gücündə “Suqovuşan-1” və 3 meqavat gücündə “Suqovuşan-2” Kiçik Su Elektrik stansiyalarının yararlı ehtiyat hissələrini söküb daşıyıb, apara bilmədiklərini isə dağıdıblar. Həmçinin döyüşlər zamanı bu elektrik stansiyalarına ciddi ziyan dəyib və nəticədə onlar tamamilə yararsız vəziyyətə düşüb.
Prezident İlham Əliyev və “Suqovuşan-2” Kiçik Su Elektrik Stansiyası ilə də tanış olub.
Diqqətə çatdırılıb ki, hər iki stansiya əsaslı şəkildə yenidən qurulub, o cümlədən onların idarəetmə mərkəzinin binaları və avadanlıqları, stansiyalararası elektrik veriliş xətti tam yenilənib. “Suqovuşan-2” stansiyasında ildə 8,7 kVt/saat elektrik enerjisinin istehsal olunması nəzərdə tutulub.
Dövlətimizin başçısı stansiyaları işə salıb.
Qeyd edək ki, “Suqovuşan-1” və “Suqovuşan-2” Kiçik Su Elektrik stansiyaları işğaldan azad olunmuş ərazilərin, xüsusilə Suqovuşan və Talış qəsəbələrinin elektrik enerjisi ilə təmin olunmasında mühüm rol oynayacaq. Həmçinin burada istehsal olunan elektrik enerjisi paylayıcı şəbəkənin yeni çəkilən xətləri vasitəsilə digər istiqamətlərə də ötürüləcək.
Sonra Prezident İlham Əliyev Suqovuşan su anbarında görülən işlərlə tanış olub.
Azərbaycan Respublikasının Prezidenti İlham Əliyev oktyabrın 3-də Tərtər rayonunda Talış-Tapqaraqoyunlu-Qaşaltı-Naftalan avtomobil yolunun təməlini qoyub.
Yol-xeber.az xəbər verir ki, Tərtərin Talış kəndindən Goranboy rayonunun Tapqaraqoyunlu kəndini keçməklə Naftalan şəhərinə doğru yeni yolun inşası yolboyu yerləşən yaşayış məntəqələrinin sakinlərinin rahat gediş-gəlişini təmin etməklə bərabər bölgənin sosial-iqtisadi inkişafına töhfə verəcək. Bu yolun istifadəyə verilməsi nəticəsində Tərtər şəhəri ilə yanaşı alternativ olaraq Naftalan şəhərindən də bu istiqamətdə hərəkət etmək mümkün olacaq. Yolun ümumi uzunluğu 22 kilometr təşkil edəcək.
Azərbaycan Respublikasının Prezidenti İlham Əliyev oktyabrın 3-də Tərtərə səfəri çərçivəsində Tərtər şəhərinin mərkəzində ulu öndər Heydər Əliyevin abidəsini ziyarət edərək önünə gül dəstəsi qoyub.
"Yol-xeber.az" xəbər verir ki, dövlətimizin başçısı Tərtərin Suqovuşan qəsəbəsinə və Talış kəndinə gedən avtomobil yollarının açılışını edib.
Prezident İlham Əliyev Talış-Tapqaraqoyunlu-Qaşaltı-Naftalan avtomobil yolunun təməlini qoyub.
Azərbaycan Prezidenti Tərtərin Suqovuşan qəsəbəsinə və Talış kəndinə gedən avtomobil yollarının açılışını edib.
Türkiyədə “Trendyol” elektron ticarət şəbəkəsi ilə bağlı yoxlamalara başlanılıb.
“Yol-xeber.az” türk mətbuatına istinadən xəbər verir ki, ölkənin rəqabət qurumu rəqabət qanun vericiliyinin müvafiq maddələrinin pozulub-pozulmaması ilə bağlı araşdırma aparılması ilə bağlı qərar qəbul edib.
İlkin araşdırma prosesində alqoritmlər və məlumat sistemlərindəki məlumatların yerində araşdırılması nəticəsində “Trendyol”un üçüncü tərəf satıcılarının satışına vasitəçilik etməklə yanaşı “TrendyolMilla”, “TrendyolMan” və “TrendyolKids” kimi öz markalarının satışına ədalətsiz üstünlük verdiyi və ayrı seçkilik yaratdığı müəyyən edilib.
Bu çərçivədə, “Trendyol”un alqoritmlər və kodlaşdırma vasitəsi ilə edilən müdaxilələr də daxil olmaqla, öz məhsullarına üstünlük vermək, satıcılar arasında ayrı-seçkilik etmək, bazar fəaliyyətlərindən əldə etdiyi məlumatları öz markalarının xeyrinə paylaşmaq və istifadə etməkdən çəkinməsi üçün lazım olan bütün növ texnikalar və bu qərarların yoxlanılmasını təmin etmək üçün inzibati və təşkilati tədbirlərin görülməsi qərarı verildi.
Metro əsasən daha ucuz şəhər nəqliyyatı hesab olunur. Bu səbəbdən fərdi nəqliyyat vasitələrinə sahib olmayan, maddi imkanları aşağı olan vətəndaşlar daha çox metro şəbəkəsi ətrafında məskunlaşmağa üstünlük verir. Lakin burada yerləşən mənzillərin qiymətləri həmin ailələrin büdcəsinə uyğun gəlmir.
Daşınmaz əmlak üzrə ekspert Bəhruz Həsənov “Yol-xeber.az”a açıqlamasında bildirdi ki, Azərbaycanda metro şəbəkəsi ətrafında olan mənzillərə tələbat yüksək səviyyədədir və bunun obyektiv səbəbləri var:
“Təhsil müəssisələrinə, istirahət və əyləncə mərkəzlərinə, iaşə obyetklərinə, xüsusən iş yerlərinə yaxınlıq bu təlabatı şərtləndirən əsas səbəblərdəndir. Həmçinin metro ilə şəhərin bir nöqtəsindən digər nöqtəsinə qısa zamanda çata bilmək imkanı bu mənzillərə marağı artırır”.
Ekspertin sözlərinə görə, yerləşdiyi ərazidən və mənzilin təmirindən asılı olaraq metro ətrafında olan köhnə binalarda 1 otaqlı mənzillərin qiyməti 45 000 - 60 000 AZN arası dəyişir. Yeni tikili binalarda 1 otaqlı təmirli mənzillər isə 55 000 - 80 000 AZN qiymətləri arasında dəyişir. Burada qiymətlər metrodan kənarda yerləşən ərazilərdəki evlərdən 15 000 - 20 000 AZN daha çox olur. Ən yüksək qiymətlər isə 1,5 milyon manata qədər çatır:
“İnsanların maddi imkanı alacağı mənzilin hansı metroya yaxın olacağına birbaşa təsir edir. Əsasən maddi imkanı orta olan şəxslər qiymətlərin daha ucuz olduğu metro ərazilərinə üz tutur. Bu metrolar mərkəzdən kənarda olanlardır. Əsasən Avtovağzal, 20 yanvar, Memar Əcəmi, İnşaatçılar, Dərnəgül, Əhmədli, Həzi Aslanov və s. metro ətrafında olan ərazilər bu siyahıya daxildir. Maddi imkanı yaxşı olan şəxslər isə əsasən şəhərin tam mərkəzində və mərkəzə yaxın prestijli ərazidə olan metrolara üz tutur. Əsasən Sahil, 28 May, İçəri şəhər, Nizami, Elmlər, Xətai, Gənclik, Nərimanov metroları ətrafında olan ərazilər bu siyahıya daxildir”.
Maraqlıdır ki, bəzən metro şəbəkəsi ətrafında mənzil alan bir çox vətəndaşlar əslində metro nəqliyyatından istifadə etmirlər, lakin mənzil seçimi edərkən bu amili diqqətdə saxlayırlar. Bu da sözgedən mənzillərə tələbatın artmasına və qiymət artımına yol açır.
Nəqliyyat sahəsi üzrə ekspert Eldəniz Cəfərlinin sözlərinə görə, ev və ya mənzil alarkən hər kəs çalışır ki, onun yaşadığı ərazidə infrastruktur inkişaf etmiş olsun. Bu səbəbdən də vətəndaşların metro yaxınlığında mənzilə sahib olması və ya kirayə qalması normal haldır. Bunu vətəndaşın imkanlı olub-olmaması ilə bağlamaq olmaz:
“Bu gün fərdi nəqliyyat vasitəsi kimdəsə olsa da, sabah olmaya bilər. İnsanların maddi rifahı daima olduğu kimi qalmır. Maddi rifah yüksələ və enə bilər. Metro yaxınlığında mənzil sahibi olmağa daha çox maddi imkanı yaxşı olan şəxslərin can atması normaldır. Eləcə də, vətəndaşın metro, avtobus dayanacaqlarına yaxın yaşamaq istəməsi normal hal sayıla bilər”.
Ekspert həmçinin bildirib ki, bu gün ölkəmizdə ipoteka krediti ilə evləri yalnız imkanlı şəxslərin ala biləcəyi bir vəziyyət yaranıb. Halbuki ipoteka maddi imkanları aşağı olan gənc ailələr üçün nəzərdə tutulmuş bir layihə idi. Ümumiyyətlə, ev-mənzil problemi Azərbaycanda həlli çətin olan problemdir:
“Azərbaycanda nəqliyyat infrastrukturunun yaxşı vəziyyətdə olmaması insanları daha çox metro şəbəkəsi ətrafında məskunlaşmağa məcbur edir. Belə ki, vətəndaşlar işə gedərkən və işdən dönərkən digər nəqliyyat vasitələrində vaxt itirmək əvəzinə metrodan istifadə etməyi üstün tuturlar”.
Avropadakı qazın qiyməti bu gün keçirilən ticarət sessiyası zamanı yenə tarixi rekordunu yeniləyib və 1 100 dolları ötüb.
“Yol-xeber.az”ın məlumatına görə, bu barədə “Intercontinental Exchange” (ICE) məlumat bazasında qeyd olunub.
Belə ki, Niderlandın TTF likvid şəbəkəsində noyabr fyuçerslərinin qiyməti 1000 kubmetr üçün 1 101,6 ABŞ dollarına bərabər olub. Günün əvvəlindən etibarən qazın dəyərində ümumi artım təqribən 5% olub.
Bu gün Türkiyə lirəsinin Azərbaycan manatı qarşısında rəsmi məzənnəsi 0,1906 manat olub. Bu isə yeni tarixi minimum hesab olunur.
“Bu, ötən günün rəsmi məzənnəsi ilə müqayisədə 0,42% azalma deməkdir.
Sonuncu dəfə türk lirəsinin manat qarşısında ən aşağı məzənnəsi isə cari ilin sentyabrın 29-da - 0,1914 manat qeydə alınmışdı.
Qeyd edək ki, indiyədək (denominasiyadan sonra) lirənin manata qarşı ən yüksək dəyəri 2008-ci ilin yanvarın 15-də qeydə alınıb. Bu isə 0,7363 manat təşkil edib.
Denominasiyadan sonra cari ilin iyunun 2-də lirə 0,20 manatdan aşağı düşüb.