Dərman vasitələrinin və maddələrinin dövlət qeydiyyatı və gigiyenik sertifikatın verilməsinə görə tutulan dövlət rüsumunun dərəcələri dəyişir.

Apa məlumatına görə, bu, Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında müzakirəyə çıxarılan “Dövlət rüsumu haqqında” qanuna təklif edilən dəyişiklikdə əksini tapıb.
Dəyişikliyə əsasən, dərman vasitələrinin və maddələrinin dövlət qeydiyyatı 100 manatdan 150 manata qaldırılır.

Qanuna yeni 33.1-1 və 33.1-2-ci maddələr əlavə olunması təklif edilib.

Bu maddələrə əsasən, dərman vasitələrinin və maddələrinin yenidən dövlət qeydiyyatı üçün 100 manat rüsum, dərman vasitələrinin və maddələrinin qeydiyyat sənədlərində dəyişikliklərin dövlət qeydiyyatı üçün isə 50 manat rüsum ödəniləcək.

Həmçinin, gigiyenik sertifikatın verilməsi üçün rüsum 15 manatdan 25 manata qaldırılacaq.

Qeyd edək ki, layihə “Dövlət rüsumu haqqında” qanunla müəyyən edilmiş xidmətlərə və hüquqi hərəkətlərə görə ödənilən dövlət rüsumlarının idarə edilməsinin təkmilləşdirilməsi məqsədilə hazırlanıb. Layihədə dövlət rüsumu dərəcələrinin sonuncu qüvvəyə mindiyi tarixdən sonrakı dövrdə inflyasiya səviyyəsinə uyğun indeksasiya edilməklə artırılması, dövlət rüsumunun büdcədənkənar vəsaitlərə aid edilən hissəsinin ləğv edilməsi və tam məbləğdə büdcəyə köçürülməsi, o cümlədən mövcud qanunvericiliyə əsasən rüsum müəyyən edilməyən bir sıra xidmətlərə və hüquqi hərəkətlərə görə dövlət rüsumunun müəyyən edilməsi təklif olunub.

Eyni zamanda dövlət rüsumunun büdcədənkənar vəsaitlərə aid edilən hissəsinin ləğv edilməsi və tam məbləğdə büdcəyə köçürülməsi nəzərdə tutulub.

Twitter

Avtomobillərin dövlət qeydiyyat nişanlarında əks olunmuş rəqəmlərlə bağlı dövlət rüsumları müəyyənləşib.

"Yol-xeber.az"ın "Report"a istinadən məlumata görə, bununla bağlı "Dövlət rüsumu haqqında" qanuna dəyişiklik təklif olunur.

Dəyişikliklə 001, 002, 003, 004, 005, 006, 007, 008, 009 nömrələrin seriyası müxtəlif hərflərdən ibarət olduqda 2000, seriyası eyni hərflərdən ibarət olduqda 3000 manat;

100, 200, 300, 400, 500, 600, 700, 800, 900 nömrələrin seriyası müxtəlif hərflərdən ibarət olduqda 1500, seriyası eyni hərflərdən ibarət olduqda 2000;

111, 222, 333, 444, 555, 666, 777, 888, 999 nömrələrin seriyası müxtəlif hərflərdən ibarət olduqda 1000, seriyası eyni hərflərdən ibarət olduqda 1500 manat dövlət rüsumu tutulacaq.

Twitter

Azərbaycanda mobil cihazlara görə dövlət rüsumunun dərəcələri müəyyənləşib.

Report verdiyi məlumata görə, bununla bağlı "Dövlət rüsumu haqqında" qanuna dəyişiklik təklif olunur.

Dəyişikliklə bazar qiyməti 100 ABŞ dollarına qədər olduqda - 30 manat;

Bazar qiyməti 101 ABŞ dollarından 200 ABŞ dollarına qədər olduqda - 50 manat;

Bazar qiyməti 201 ABŞ dollarından 400 ABŞ dollarına qədər olduqda - 60 manat;

Bazar qiyməti 401 ABŞ dollarından 700 ABŞ dollarına qədər olduqda - 70 manat;

Bazar qiyməti 701 ABŞ dollarından 1000 ABŞ dollarına qədər olduqda - 100 manat;

Bazar qiyməti 1001 ABŞ dollarından yuxarı olduqda - 150 manat dövlət rüsumu tutulacaq.

Qeyd edək ki, yuxarıdakı dövlət rüsumları qanunun 33-5.1.1-ci maddəsində nəzərdə tutulan cihazlara tətbiq olunmayacaq.

Twitter

Azərbaycan Mərkəzi Bankının bu günə olan rəsmi valyuta məzənnələri açıqlanıb. Məzənnələrə əsasən əksər xarici valyutalar manat qarşısında ucuzlaşıb.

"Avronun məzənnəsi 1,1% azalaraq 1,9632 manat, Rusiya rublunun məzənnəsi 1,2% geriləyərək 0,0239 manat, türk lirəsi 0,73% ucuzlaşaraq 0,1771 manat təşkil edib.

ABŞ dollarının məzənnəsi dəyişməyərək 1,7000 manat olub.

Twitter

Bu il Azərbaycanda ortaillik inflyasiyanın 6,2%-6,5 səviyyəsində olacağı gözlənilir.

“Yol-xeber.az” xəbər verir ki, bu barədə Azərbaycan mərkəzi Bankının sədri Elman Rüstəmov onlayn keçirdiyi mətbuat konfransında məlumat verib.

O bildirib ki, 2022-ci il üçün illik inflyasiya proqnozu 5,6% səviyyəsində müəyyən olunub ki, bu da inflyasiyanın hədəf diaopazonundadır.

Baş Bankir həmçinin qeyd edib ki, bu ilin dekbarında isə illik inflyasiya 9,5%-10,5% səviyyəsində gözlənilir.

Twitter

Hazırda hökumətoin və Mərkəzi Bankın nə bu il, nə gələn il üçün manatın dəyərdən düşməsi planları yoxdur.

“Yol-xeber.az” xəbər verir ki, bu barədə qurumun sədri Elman Rüstəmov onlayn keçirdiyi mətbuat konfransında məlumat verib.

O bildirib ki, manatın məzənnəsi möhkəmlənmə üzərindədir: "Bu təzyiqin ilin sonuna qədər neytrallaşması gözlənilir. Manatın dəyərdən düşməsi üzərində təzyiq yoxdur".

Manatın dəyərdən düşəcəyi və devalvasiya xəbərlərinə münasibət bildirən baş bankir bildirib ki, şayiələr çoxalıb, lakin mediada bu başlıqların haradan yarandığını anlamaq çətindir: "Bu gün ölkədə fundamental amillər makroiqtisadi sabitliyi təsdiqləyir. Ekspertlər dəqiq analitik əsaslı şərhlər verir. Lakin bəzi hallarda spekulyativ başlıqlar olur".

"Bütün büdcə sənədlərində nəzərdə tutulan rəqəmlər manatın bugünkü məzənnəsi üzərində qurulub", - deyə o əlavə edib.

Twitter

Rəqəmsal İnkişaf və Nəqliyyat Nazirliyində, nazir müavini Rövşən Rüstəmovlə ölkəmizdə səfərdə olan Türkiyənin sənaye və texnologiyalar nazirinin müavini Çetin Ali Dönmezin başçılıq etdiyi nümayəndə heyəti arasında görüş keçirilib.

Nazirlik xəbər verir ki, görüşdə Bakıda müştərək texnoparkın yaradılması üzrə atılacaq birgə addımlara dair geniş fikir mübadiləsi aparılıb.

Eyni zamanda ölkəmizdə startap ekosisteminin inkişafı ilə bağlı bu sahədə Türkiyə tərəfinin təcrübəsinin öyrənilməsi barədə razılığa gəlinib.

Görüşdə, həmçinin 2022-ci ildə Bakı şəhərində keçirilməsi nəzərdə tutulan “Teknofest” Aviasiya, Kosmos və Texnologiya Festivalı ilə əlaqədar məsələlər müzakirə edilib.

Twitter

Yol-xeber.az-ın məlumatına görə, 2021-ci ilin 9 ayı ərzində 540 km uzunluğunda avtomobil yolu, prospekt və küçə inşa edilib, yenidən qurulub və təmir edilib:

• Respublika əhəmiyyətli                 - 103.5 km;
• Yerli əhəmiyyətli                             -  312.5 km;
• Bakı şəhər yolları                           -  124   km.

2021-ci ilin 9 ayı ərzində respublikanın avtomobil yollarında 8 yeni körpü tikilib:

• “Zəfər Yolu” üzərində 4;
• İsmayıllı rayonunda 4.

2021-ci ilin 9 ayı ərzində Bakı şəhərində 2 yeni yerüstü piyada keçidi inşa edilib:

• Qala-Pirallahı avtomobil yolunun 3.6 km-də uzunluğu 76.7 metr;
• Ziya Bünyadov prospektində 90 metr uzunluğunda.

2021-ci ilin 9 ayı ərzində ümumi uzunluğu 138.3 km olan 8 avtomobil yolunun tikintisi başa çatdırılıb:

1. Goranboy rayonu, Əlirzalı–Xan Qərvənd–Səfikürd–Tap Qaraqoyunlu avtomobil yolu. Uzunluğu 38 km;
2. Ağcabədi rayonu, Avşar-Salmanbəyli-Aşağı Avşar-Xocavənd avtomobil yolu. Uzunluğu 41 km;
3. Tərtər rayonu, Evoğlu-Aşağı Qapanlı-Azad Qaraqoyunlu-İlxıçılar-Köçərli avtomobil yolu. Uzunluğu 11 km;
4. Ağstafa rayonu, Böyük Kəsik-Ağgöl avtomobil yolu. Uzunluğu 5 km;
5. Qusar rayonu, Qusar-Qayakənd-Avaran-Xürəl avtomobil yolu. Uzunluğu 12.5 km;
6. İsmayıllı rayonu,  Hacıhətəmli-Gideyli-Kürd Eldarbəyli avtomobil yolu. Uzunluğu 13 km;
7. Salyan rayonu, Salyan-Neftçala magistralını Kür Qaraqaşlı, Beştalı, Cəngan, Xocalı və Ərəbqardaşbəyli kəndləri ilə birləşdirən avtomobil yolu. Uzunluğu 15.3 km;
8. Şabran rayonu, Padar avtomobil yolu. Uzunluğu 2.5 km.

Həmçinin:

• Şəki, Yevlax, Ucar, Zərdab, Ağcabədi rayonlarında 61.68 km uzunluğunda 10 kənd yolunun yenidənqurulması işləri həyata keçirilib;
• Bakı şəhəri, Yasamal rayonu Qanlı Gölün qərb hissəsində uzunluğu 1.3 km olan və sosial evlərə qədər yeni avtomobil yolunun tikintisi başa çatdırılıb;
• Vətən müharibəsi dövründə Goranboy rayonunda 17.7 km, Tərtər rayonunda 9 km, Daşkəsən rayonunda 1.5 km və Naftalan rayonunda 16 km uzunluğunda avtomobil yollarına və yol qurğularına dəymiş zərər aradan qaldırılıb.

2021-ci ilin 9 ayı ərzində Bakı şəhərinin 12 rayonu ərazisində ümumi uzunluğu 124 km olan şəhər və qəsəbə daxili yollar yenidən qurulub və təmir edilib:

        - Nərimanov rayonu - 8.89 km;

        - Binəqədi rayonu   – 12.9 km;

        - Suraxanı rayonu   – 11.8 km;

        - Qaradağ rayonu     – 6.6 km;

        - Xəzər rayonu       – 16.3 km;

        - Xətai rayonu         - 11,4 km;

        - Yasamal rayonu  – 3.98 km;

        - Sabunçu rayonu    – 5.7 km;

        - Nəsimi  rayonu      – 3.6 km;

        - Nizami rayonu       – 5.5 km;

        - Səbail rayonu        – 7.8 km;

        - Pirallahı rayonu         - 2 km.

2021-ci ilin 9 ayı ərzində:

• 16 kəndlərarası avtomobil yolu layihəsinin,
• Şamaxı rayonunun və Naftalan şəhərinin daxili yollarının, 
• Bakı şəhərində qəsəbədaxili yolların yenidən qurulması və əsaslı təmiri işləri davam etdirilib.

2021-ci ilin 9 ayı ərzində:

• M1 Bakı-Quba-Rusiya Federasiyası ilə dövlət sərhədi yeni avtomobil yolunun tikintisi ( 152 km, 4 hərəkət zolaqlı);
• M2 magistral avtomobil yolunun Gəncə-Gürcüstan Respublikası ilə dövlət sərhədi  hissəsinin 4 zolağa genişləndirilməsi (130.15 km, 4 hərəkət zolaqlı)
• Bakı şəhəri, Xətai rayonunda “Ağ şəhər“ layihəsi çərçivəsində yolların tikintisi və Nobel prospekti üzərində piyada körpüsünün tikintisi;
• Muğanlı-İsmayıllı-Qəbələ avtomobil yolunun Ağsu çayı ilə kəsişməsində yeni körpünün tikintisi;
• Qaraməryəm-İsmayıllı-Şəki avtomobil yolunun Oğuz-Şəki hissəsinin yenidən qurulması (47.2 km);
• Ələt-Astara-İran İslam Respublikası  ilə dövlət sərhədi avtomobil yolunun 204-207-ci km-lik hissəsinin və Astaraçay çayı üzərində körpünün tikintisi;
• Azərbaycan Respublikasının Rusiya Federasiyası ilə sərhədində Samur və Xanoba keçid məntəqələri arasında uzunluğu 24.5 km olan birinci texniki dərəcəli avtomobil yolunun tikintisi;
• Bakı-Böyük Kəsik dəmir yolu xəttinin Tovuz şəhərinin Rövşən Məmmədov küçəsindən keçən hissəsində avtomobillərin və piyadaların rahat hərəkətini təmin edəcək yeni yol qovşağının tikintisi;
• Susay-Xınalıq avtomobil yolunun tikintisi (34.8 km);
• Abşeron rayonu ərazisində yerləşən palçıq vulkanları ətrafındakı müasir turizm infrastrukturuna aparan yeni avtomobil yolunun tikintisi (21 km) işləri davam etdirilib.

2021-ci ilin 9 ayı ərzində Bakı şəhərində və respublikanın ümumi istifadədə olan avtomobil yollarında:

• 693 yol nişanı,
• 6 927 siqnal dirəyi,
• 2328 p/m əyrixətli tirlər quraşdırılıb və bərpa edilib;
• 1301.7  min m2 həcmində yolların boya ilə xətlənməsi işləri yerinə yetirilib.

2021-ci ilin 9 ayı ərzində Bakı şəhərində və Respublikanın ümumi istifadədə olan avtomobil yollarında yol qurğu və elementlərinə ziyan dəyməsi ilə nəticələnən 483 yol-nəqliyyat hadisəsi baş verib.

Nəticədə:

• 6 055 p/m əyrixətli tirlər,
• 65 p/m beton bardür,
• 177  p/m mühafizə çəpəri,
• 20  işıq dirəyi,
• 15 yol nişanı,
• 4 məlumat lövhəsi,
• 3 dayanacaq,
• 18 səsboğucu lövhə,
• 1 hidravlik baryer və mühərriki,
• 164 m2 alkapon üzlük,
• 25 m körpü məhəccəri yararsız hala düşüb.

2021-ci ilin 9 ayı ərzində yol təsərrüfatına 572.2 min manat məbləğində maddi ziyan dəyib ki,  bundan 405.7 min manatı  (70.9 %) ödənilib:

• Dəymiş ziyanın qalan hissəsinin ödənilməsi məqsədilə sığorta şirkətlərin,  
• 3 yol nəqliyyat hadisəsi ilə bağlı avtomobillərin sığortası olmadığına görə məhkəmələrə,
• 56 yol nəqliyyat hadisəsi törətmiş səbəbkar məlum olmadığı üçün, onların tapılması məqsədilə BDYPİ-nə müraciət olunub.

2021-ci ilin 9 ayı ərzində AAYDA-nin “Avtomobil Yollarının Yaşıllaşdırılması” MMC-ləri tərəfindən magistral və respublika əhəmiyyətli avtomobil yollarının mühafizə zolağında 74 590 ədəd müxtəlif növ ağac və kol bitkisi əkilib.

YOLUNUZ AÇIQ OLSUN...

Twitter

“2022-ci ilin dövlət büdcəsi haqqında qanun layihəsinə əsasən, gələn il dövlət büdcəsindən cəmi 14 rayona vəsait ayrılacaq”.

“Yol-xeber.az”ın məlumatına görə, bunu Milli Məclisin deputatı Vüqar Bayramov deyib. O bildirib ki, 52 rayon və şəhər gələn il dövlət büdcəsindən vəsait almayacaq və özünümaliyyələşdirmə prinsipi ilə işləyəcək:

“İşğaldan azad olunun şəhər və rayonlarımızdan isə yalnız Şuşa, Füzuli və Qubadlı “özünü dolandıra” biləcək. Həmin rayonlarımıza mərkəzləşdirilmiş xərclərdən vəsaitin ayrılması nəzərdə tutulmayıb”.

“Özünü maliyyələşdirəcək rayonların sayının çox olması müsbət haldır. Bu dövlət büdcəsindən asılılığın aradan qaldırlmasına imkan yaradır. Bununla yanaşı, hazırda əsas hədəflərdən biri də iqtisadiyyatın balanslı inkişafının dəstəklənməsi və region ilə paytaxt arasındakı iqtisadi fərqin mərhələli şəkildə azaldılmasıdır. Bu baxımdan, yaxın gələcəkdə özünü maliyyələşdirən rayonların daha çox dəyər yaratması olduqca vacibdir”, - deyə deputat əlavə edib.

Twitter