 |
|
Prezident İlham Əliyev “Doktorantlara, ali təhsil, orta ixtisas və peşə təhsili müəssisələrində, həmçinin Azərbaycan Milli Elmlər Akademiyasının magistratura səviyyəsində təhsil alan tələbələrə təqaüdlərin verilməsi haqqında” Azərbaycan Respublikası Prezidentinin 2019-cu il 14 fevral tarixli 961 nömrəli Sərəncamında dəyişiklik edilməsi barədə Sərəncam imzalayıb.
Sərəncamla “Doktorantlara, ali təhsil, orta ixtisas və peşə təhsili müəssisələrində, həmçinin Azərbaycan Milli Elmlər Akademiyasının magistratura səviyyəsində təhsil alan tələbələrə təqaüdlərin verilməsi haqqında” Azərbaycan Respublikası Prezidentinin 2019-cu il 14 fevral tarixli 961 nömrəli Sərəncamında (Azərbaycan Respublikasının Qanunvericilik Toplusu, 2019, № 2, maddə 291; Azərbaycan Respublikası Prezidentinin 2021-ci il 11 noyabr tarixli 2995 nömrəli Sərəncamı) aşağıdakı dəyişikliklər edilib:
Doktorantura pilləsi üzrə:
elmlər doktoru hazırlığı üzrə doktorantlara verilən təqaüdün məbləği 300 manatdan 360 manatadək, fəlsəfə doktoru hazırlığı üzrə doktorantlara verilən təqaüdün məbləği 180 manatdan 216 manata qədər artırılıb.
Ali təhsil müəssisələrində və Azərbaycan Milli Elmlər Akademiyasında:
adlı təqaüd alan tələbələrə verilən təqaüdün məbləği 170 manatdan 204 manatadək artırılıb.
magistratura səviyyəsi üzrə:
akademik göstəriciləri 91-100 bal olan tələbələrə verilən təqaüdün məbləği 145 manatdan 174 manatadək,
akademik göstəriciləri 71-100 bal olan tələbələrə verilən təqaüdün məbləği 120 manatdan 144 manatadək,
akademik göstəriciləri 51-100 bal olan tələbələrə verilən təqaüdün məbləği 80 manatdan 96 manatdək artırılıb.
bakalavriat səviyyəsi üzrə:
akademik göstəriciləri 91-100 bal olan tələbələrə verilən təqaüdün məbləği 130 manatdan 156 manatdək,
akademik göstəriciləri 71-100 bal olan tələbələrə verilən təqaüdün məbləği 110 manatdan 132 manatadək,
akademik göstəriciləri 51-100 bal olan tələbələrə verilən təqaüdün məbləği 75 manatdan 90 manatadək artırılıb.
orta ixtisas təhsili müəssisələrində:
akademik göstəriciləri 91-100 bal olan tələbələrə verilən təqaüdün məbləği 75 manatdan 90 manatadək,
akademik göstəriciləri 71-100 bal olan tələbələrə verilən təqaüdün məbləği 60 manatdan 72 manatadək,
akademik göstəriciləri 51-100 bal olan tələbələrə verilən təqaüdün məbləği 50 manatdan 60 manatadək artırılıb.
Peşə təhsili müəssisələrində:
akademik göstəriciləri “5” (yüksək texniki peşə təhsili səviyyəsində 91 – 100 bal) olan tələbələrə verilən təqaüdün məbləği 75 manatdan 90 manatadək,
akademik göstəriciləri “4” və “5” (yüksək texniki peşə təhsili səviyyəsində 71 – 100 bal) olan tələbələrə verilən təqaüdün məbləği 60 manatdan 72 manatdək,
akademik göstəriciləri “3” – “5” (yüksək texniki peşə təhsili səviyyəsində 51 – 100 bal) olan tələbələrə verilən təqaüdün məbləği 50 manatdan 60 manatdək artırılıb.
Nazirlər Kabineti bu Sərəncamdan irəli gələn digər məsələləri həll etməlidir.
Bu Sərəncam 2022-ci il yanvarın 1-dən qüvvəyə minəcək.
Xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələrində dəyişiklik edilib.
"Yol-xeber.az" xəbər verir ki, bununla bağlı Baş nazir Əli Əsədov qərar imzalayıb.
Qərar daxili bazarda kərə yağının qiymətinin artımına yol verilməməsi üçün kərə yağı, süddən hazırlanmış digər yağlar və süd pastalarının idxalına tətbiq olunan rüsum güzəştinin qüvvədə olma müddətinin uzadılması məqsədilə qəbul edilib.
Qərarın qəbul edilməsi ilə kərə yağı, süddən hazırlanmış digər yağlar və süd pastalarının idxalı üzrə rüsum güzəştinin qüvvədə olma müddətinin uzadılması nəticəsində istehlak qiymətlərində sabitliyin təmin olunması və kərə yağı məhsulları ilə təminatın səviyyəsinin qorunub saxlanılması proqnozlaşdırılır.
Azərbaycan Mərkəzi Bankı (AMB) bu günə olan rəsmi valyuta məzənnələrini açıqlayıb.
2021-ci ilin dekabrın 17-də ABŞ dollarının məzənnəsi dəyişməyərək 1,7000 manat təşkil edib, 1 avro 1.9265 manata, 1 Rusiya rublu isə 0.0230 manata yüksəlib.
1 türk lirəsinin məzənnəsi isə 0.1084 manata enib.
Azərbaycan Mərkəzi Bankı (AMB) bu günə olan rəsmi valyuta məzənnələrini açıqlayıb.
2021-ci ilin dekabrın 16-da ABŞ dollarının məzənnəsi dəyişməyərək 1,7000 manat təşkil edib, 1 avro 1.9185 manata, 1 Rusiya rublu isə 0.0231 manata yüksəlib.
1 türk lirəsinin məzənnəsi isə 0.1148 manata enib.
Azərbaycan Mərkəzi Bankı (AMB) bu günə olan rəsmi valyuta məzənnələrini açıqlayıb.
2021-ci ilin dekabrın 15-də ABŞ dollarının məzənnəsi dəyişməyərək 1,7000 manat təşkil edib, 1 avro 1.9149 manata, 1 Rusiya rublu 0.0230 manata, 1 türk lirəsinin məzənnəsi isə 0.1181 manata enib.
Yol-xeber.az xəbər verir ki, Qarabağ və şərqi Zəngəzur iqtisadi rayonları ərazisində icra olunan yol infrastrukturu layihələri barədə 10.12.2021-ci il vəziyyətinə görə məlumat
1 Əhmədbəyli – Füzuli – Şuşa avtomobil yolu
- texniki göstəriciləri: 81.6 km, I texniki dərəcəli, 4 hərəkət zolaqlı.
- görülmüş işlər: 0-17, 26-44, 51-52, 58-64, 71-72, 75-80-ci km hissələrində torpaq yatağının tikintisi,1, 27,34, 37, 50, 62, 79-cu km-də körpülərin, 80-ci km-də tunellərin və 60-cı km-də alt keçidlərin tikintisi aparılır.
2 Toğanalı – Kəlbəcər – İstisu avtomobil yolu
- texniki göstəriciləri: yol – 80.7 km, I-II texniki dərəcəli, 2-3 hərəkət zolaqlı, tunel – 11.6 km.
- görülmüş işlər: yolun 12-13-cü km hissəsində torpaq yatağının qazılması, 12.8 və 13.3-cü km hissələrdə suötürücü boruların inşası və mövcud kanalların köçürülməsi işləri davam edir. Murovdağ tunelinin giriş və çıxış hissəsində ümumilikdə 750 m üst yarı qazma işləri aparılıb. Yolların qış baxımı ilə əlaqədar layihə boyunca qarın təmizlənməsi və duz-qum qarışığının səpilməsi təmin edilir.
3 Kəlbəcər -– Laçın avtomobil yolu
- texniki göstəriciləri: yol – 72.3 km, I-II texniki dərəcəli, 2-3 hərəkət zolaqlı, tunel - 9.8 km;
- görülmüş işlər: yolun torpaq yatağının tikintisi işləri 40% icra olunub. Mobilizasiya işləri davam etdirilir.
4 Kəlbəcər və Laçın rayonları ərazisində yol infrastrukturunun tikintisi
- texniki göstəriciləri: 30 km, IV texniki dərəcəli, 2 hərəkət zolaqlı.
- görülmüş işlər: yolların torpaq yatağının və yol geyimi tikintisi işləri aparılır, boruların tikintisi 95% icra olunub, yol nişanları 85% quraşdırılıb.
5 Horadiz – Cəbrayıl – Zəngilan – Ağbənd avtomobil yolu
- texniki göstəriciləri: 123.8 km, I texniki dərəcəli, 4-6 hərəkət zolaqlı.
- görülmüş işlər: 0-23 və 42-76-cı km hissələrdə torpaq yatağının tikintisi aparılır. Torpaq işləri 25%, boru və keçidlərin tikintisi 29%, körpülərin tikintisi 25% icra olunub.
6 Xudafərin – Qubadlı -– Laçın avtomobil yolu
- texniki göstəriciləri: 70.4 km, I texniki dərəcəli, 4 hərəkət zolaqlı.
- görülmüş işlər: Qubadlı - Laçın istiqamətində 0-37 km, Xanlıq istiqamətində 0-1 və 5-14 km hissələrdə torpaq yatağı tikilib, 1, 11, 23, 33 və 39-cu km-də körpü tikintisi işləri aparılır. Torpaq işləri 37%, yol geyimi - 4%, boru və keçidlərin tikintisi 37%, körpülərin tikintisi 29 % icra olunub.
7 Qubadlı - Eyvazlı avtomobil yolu
- texniki göstəriciləri: 26 km, IV texniki dərəcəli, 2 hərəkət zolaqlı.
- görülmüş işlər: Qubadlı rayonu ərazisində Eyvazlı kəndinə gedən yolda qaya qruntları dağıdılmaqla torpaq yatağının tikintisi işləri aparılır. Ümumi yolun 8 km-də torpaq yatağının genişləndirilərək normativ enə çatdırılması işləri başa çatıb.
8 Şükürbəyli - Cəbrayıl - Hadrut avtomobil
- texniki göstəriciləri: 43 km, I texniki dərəcəli, 4 hərəkət zolaqlı.
görülmüş işlər: torpaq işləri 53%, yol geyimi 10%, boru və keçidlərin tikintisi 55%, körpülərin tikintisi 51 % icra olunub.
9 Füzuli -– Hadrut avtomobil yolu
- texniki göstəriciləri: 13 km, I texniki dərəcəli, 4 hərəkət zolaqlı.
görülmüş işlər: yolun torpaq yatağının tikintisi işləri aparılır. İlk 8 km hissədə torpaq işləri və yol yatağının tikintisi 50% icra olunub.
10 Bərdə – Ağdam avtomobil yolu
- texniki göstəriciləri: 45 km, I texniki dərəcəli, 4 hərəkət zolaqlı.
- görülmüş işlər: torpaq işləri 45.9%, yol geyimi 9.8%, boru və keçidlərin tikintisi işləri 33.5%, körpülərin tikintisi 84.9% icra olunub.
11 Talış – Tapqaraqoyunlu – Qaşaltı – Naftalan avtomobil yolu
- texniki göstəriciləri: 22 km, II-IV texniki dərəcəli, 2 hərəkət zolaqlı.
- görülmüş işlər: Yolun ilk 1.8 km-lik hissəsində asfalt-beton örtüyün alt qatı tikilib, 1.8-6 km və 12-22 km hissələrində boruların quraşdırılması və əsasın tikintisi işləri aparılır.
BÜTÜN YOLLAR QARABAĞA APARIR...
Türkiyə lirəsinin Azərbaycan manatına qarşı rəsmi məzənnəsi qısamüddətli cüzi artımdan sonra bu gün daha 0,5% azalaraq 0,1226 manata (1 manat/8,1566 lirə) enib ki, bu da yeni tarixi minimum sayılır.
Azərbaycan Mərkəzi Bankının göstəriciləri əsasında apardığı hesablamalarına görə, lirənin manata qarşı məzənnəsi son bir ayda 28,1%, ilin əvvəlindən isə 46,5% azalıb.
Dekabrın 10-da azalmış ehtiyatlarına baxmayaraq, Türkiyə Mərkəzi Bankı (TMB) bazara müdaxilə edərək növbəti dollar satışı üzrə əməliyyatlar həyata keçirmişdi. Son iki həftə ərzində TMB bazara artıq üç dəfə müdaxilə edib və 2 dekabrda həyata keçirilən olan müdaxilə son 7 il ərzində ilk dəfə qeydə olunan rəsmi ehtiyatlarından dollar satışı idi. Nəticə olaraq müdaxilələrin gözəçarpan fərqi hiss olunmasa da, hazırda lirənin dollara qarşı məzənnəsinin 1 dollar/13,8596 lirə səviyyəsində qalıb.
"Hazırda Ağdam Sənaye Parkında müxtəlif çeşidli sintetik xalça istehsalı, uniforma, xüsusi və fərdi geyimlərin istehsalı, polimer məhsulların istehsalı, günəş enerjisi ilə qidalanan işıq dirəkləri və xüsusi dam örtüklərinin istehsalı, prefabrik dəmir-beton məmulatlarının istehsalı üzrə ümumi 5 potensial layihəyə baxılır".
Report xəbər verir ki, bunu İqtisadi Zonaların İnkişafı Agentliyinin sədri vəzifələrini icra edən Elşad Nuriyev deyib.
Onun sözlərinə görə, bu layihələr üzrə 1 100 nəfərdən çox yeni iş yerinin yaradılması nəzərdə tutulur: "Hazırda onların biznes planlarına baxılır və rezidentlik statusu veriləndən sahibkarlar fəaliyyətə başlaya biləcək".
E.Nuriyev qeyd edib ki, işğaldan azad olunduqdan sonra Ağdam şəhərində ilk elektrik enerjisi və su təchizatı sistemi Ağdam Sənaye Parkının ərazisində quraşdırılıb: "Mobilizasiya şəhərciyində konteyner tipli 8 ədəd yataqxana (40 nəfərlik), tibb məntəqəsi, 2 ədəd ofis, ərzaq və təsərrüfat mallarının satışı üzrə marketlər, aptek, yeməkxana, camaşırxana, idman meydançası və 2 ədəd sanitar qovşaq inşa olunub.
Konteynerlərin ətrafına 480 metr uzunluğunda hasar inşa edilib. Mobilizasiya şəhərciyinə asfalt yol çəkilib, kiçik park salınıb və abadlıq işləri tamamlanıb. Sənaye parkının işıqlandırılmasında günəş enerjisindən qidalanan panellərdən istifadə edilir. Rahatlılığın təmin edilməsi məqsədi ilə söhbətgahlar yerləşdirilib. Bundan başqa sənaye parkının ərazisində "Kapital Bank"ın bankomatı (ATM) quraşdırılıb və yaxın günlərdə isə ödəniş terminallarının qoyulması planlaşdırılır".
Onun sözlərinə görə, Ağdam Sənaye Parkına ilkin mərhələdə 20-25 milyon manatlıq, ümumiyyətlə isə 100 milyon manatlıq investisiya yatırılması gözlənilir.
E.Nuriyev ehtimal edir ki, bu rəqəmlər dəyişdirilə bilər:"Çünki hal-hazırda rezidentlərin biznes planları təhlil edilir. Ağdam Sənaye Parkı Qarabağın sənaye parkı olacaq və azad edilmiş ərazilərin bərpasına mühüm töhvəsi olacaq. Bu parkda qida emalı, şərabçılığın, ərzaq məhsullarının istehsalı müəssisələrinin qurulmasını gözləyirik. Ağdamın bərpası strateji məsələdir. Ağdam Azərbaycanın ən böyük şəhərlərindən birinə çevriləcək".
Onun sözlərinə görə, "Araz Vadisi İqtisadi Zonası" sənaye parkında isə ilk rezident qeydə alınıb: "Bu zona logistik xətlərin üzərində yerləşir".
Yol-xeber.az xəbər verir ki, TOVUZ ÇAY KÖRPÜSÜ:
- Uzunluğu – 290.42 m;
- Aşrım sayı - 2x44.4 m, 3x63 m olmaqla 5 aşrımlı;
- Çay məcrasından hərəkət hissəsinə qədər qabarit – 36 m;
- Körpünün qabarit - 14.4 m;
- Körpüdə 2 hərəkət hissə, sağ və sol tərəfdə mühafizə zolağı və hər iki tərəfdə piyada yolunun olması nəzərdə tutulub.
Tovuz çay körpüsü M2 Bakı-Qazax-Gürcüstan Respublikası ilə dövlət sərhədi avtomobil yolunun Gəncə-Qazax-Gürcüstan sərhədi hissəsinin 4 zolağa genişləndirilməsi layihəsi çərçivəsində inşa edilir.
Tovuz çay körpüsü ilə yanaşı layihə çərçivəsində 27 m-dən 290 m-ə qədər uzunluqlara malik 41 körpünün (yol qovşağı, yol ötürücüsü, körpü) inşası davam etdirilir.
YOLUNUZ AÇIQ OLSUN...
İran ölkənin elektrik şəbəkəsinin Azərbaycan və Rusiya şəbəkələrinə qoşulmasına hazırdır.
“Yol-xeber.az” xəbər verir ki, bunu İranın energetika naziri Əli-Əkbər Mehrabian Azərbaycanın Tehrandakı səfiri Əli Əlizadə ilə görüşdə deyib.
O bildirib ki, ölkəsi İran və Azərbaycan arasında elektrik mübadiləsinin inkişaf etdirilməsinə və davam etdirilməsinə hazırdır: “İran, Azərbaycan və Rusiya arasında elektrik əməkdaşlığı üzrə araşdırma aparılıb və İran bu ölkələrlə elektrik şəbəkəsini sinxronlaşdırmağa hazırdır. Yay və qışda bu ölkələrin fərqli pik istehlakı dövrləri səbəbindən müxtəlif vaxtlarda ölkələrin elektrik ehtiyaclarını ödəmək üçün elektrik tranzitini artırmaq mümkündür”.
İran və Azərbaycan arasında su və enerji sahələrində uzun müddət davam edən münasibətlərə toxunan Ə.Mehrabian: “Azərbaycan, qaz hasilatı və elektrik enerjisi istehsalı daxil olmaqla, enerji sektorunda çox yaxşı nailiyyətlər əldə edib.
Qərbi Asiyanın enerji bazarındakı əsas oyunçulardan biri olaraq, İran indi bölgədəki böyük bir elektrik enerjisi təminatı mərkəzi kimi ortaya çıxır, çünki ölkə öz güc şəbəkəsini qonşu ölkələrlə sinxronlaşdırmaqda geniş əhatəli plana əsaslanır”.
Qeyd edək ki, 2019-cu ilin noyabr ayında ilk dəfə İran İraqın milli elektrik şəbəkəsi ilə enerji şəbəkəsini sinxronizasiya edib və indi Enerji Nazirliyi Rusiya və Azərbaycanın elektrik şəbəkələrini İran şəbəkələri ilə birləşdirməyi planlaşdırır.
Sentyabr ayında keçmiş energetika naziri Reza Ardakanian, İran, Azərbaycan və Rusiyanın elektrik şəbəkələrinin sinxronlaşdırılması üçün bir araşdırma layihəsinin Nazirliyi tərəfindən aparıldığını açıqlamışdı.
R.Ardakaniyanın sözlərinə görə, İran və Rusiyanın güc şəbəkələrinin sinxronlaşdırılması üçün iki mümkün marşrut var, bunlardan biri Ermənistan və Gürcüstan vasitəsilə, digəri isə Azərbaycan vasitəsilədir.
Azərbaycan vasitəsilə marşrut hazırda daha çox məqbuldur və İran bu ölkəyə daha çox meyllidir, çünki Azərbaycanın Baş nazirinin müavini Şahin Mustafayevlə 2019-cu ilin fevral ayında keçirilən görüşdə Ardakanian iki ölkənin elektrik şəbəkələrinin sinxronlaşacağını açıqlamışdı.