 |
|
“Tarixdə ilk dəfə Azərbaycanın neft və qaz ixracından əldə etdiyi valyuta gəlirləri bərabərləşməkdədir”.
Bunu Milli Məclisin İqtisadi siyasət, sənaye və sahibkarlıq və Əmək və sosial siyasət komitələrinin birgə iclasında ““Azərbaycan Respublikasının 2022-ci il dövlət büdcəsi haqqında” Azərbaycan Respublikasının Qanununda dəyişiklik edilməsi barədə” qanunun layihəsinin (birinci oxunuş) müzakirəsi zamanı İqtisadi siyasət, sənaye və sahibkarlıq komitəsinin sədri Tahir Mirkişili bildirib.
Tahir Mirkişili deyib ki, bu ilin 5 ayında neft ixracından 3,8 milyard dollar, qaz ixracından 3,5 milyard dollar gəlir əldə olunub.
Azərbaycan Mərkəzi Bankının bu günə olan rəsmi valyuta məzənnələri açıqlanıb.
Avronun məzənnəsi dəyişməyərək 1,7895 manat, Rusiya rublunun məzənnəsi 2,74 % irəliləyərək 0,0300 manat, türk lirəsi 0,2% ucuzlaşaraq 0,0980 manat təşkil edib.
ABŞ dollarının məzənnəsi dəyişməyərək 1,7000 manat olub.
İşğaldan azad edilən Xocavənd rayonunun bərpadan sonrakı vəziyyəti ilə bağlı fotolar paylaşılıb.
Yol-xeber.az xəbər verir ki, sosial şəbəkələrdə yayılan fotolarda rayonun Tuğ kəndinin yenidənqurmadan sonrakı vəziyyəti təsvir olunub.
Bir neçə gün öncə Federal Ehtiyatlar Sistemi (FED) uçot dərəcəsini 75 baza bəndi artıraraq 1,50-1,75% aralığına çatdırıb. Bu 1994-cü ildən bəri ən yüksək artımdır. FED sədri Cerom Pauell uçot stavkasının növbəti ayda da yenidən artırılacağını istisna etməyib. İnfilyasiyasnı tənzimləmək üçün FED uçot stavkasını yüksəltməkdə israrlı görünür. Ekspertlər uçot dərəcəsinin ilin sonunadək daha 175 baza bəndi artıraraq 3,4%-ə çatdırılacağını bildirirlər.
FED bu il 2%-lik inflyasiya hədəfləsə də, aprel ayında 12 aylıq qiymət artımı səviyyəsi 6,3%-dək yüksəlib. Bu son 40 ildə ABŞ-da ən yüksək inflyası göstəricisidir. Digər tərəfdən, Birləşmiş Ştatlarda ÜDM-də artım 2,8% proqnoza qarşı 1,7% olub. Bütün bunlar FED-i kəskin dərəcə artımlarına getməyə məcbur edib.
FED uçot stavkasını artırmamışdan öncə, hətta dərəcənin yüksələcəyi ilə bağlı xəbərlər yayılandan sonra birjalar buna reaksiya verdi. Ən çox verilən sual ənənəvi idi: dünya bazarında dollar kəskin bahalaşacaqmı?
İqtisadçı deputat Vüqar Bayramovun sözlərinə görə, artıq dollar əksər səbət valyutalara nisbətən möhkəmlənib: "Ötən həftə “özünə gələn” Avropa pulu yenidən dollara qarşı ucuzlaşaraq 1 avro 1,04 dollaradək dəyər itirib. Əksər aparıcı valyutalar dollara nisbətən dəyər itirsələr də, ABŞ birjalarında aktivlik müşahidə olunur".
Manatın məzənnəsinə gəldikdə isə V. Bayramov bildirib ki, kursa təsir göstərən əsas iqtisadi faktorlar ölkəyə daxil olan valyutanın həcmi, eyni zamanda Dövlət Neft Fondu tərəfindən hərraca çıxarılan valyutanın məbləğidir: "Valyutaya olan tələbin əhəmiyyətli hissəsi Neft Fondu tərəfindən ödənilir. Bu baxımdan Neft Fondunun hərraca çıxartdığı vəsaitlərin həcmi dollara olan tələbin ödənilməsində çox önəmlidir. Bu da təbii ki, manatın məzənnəsi baxımından vacib hesab olunur. Təbii ki, xarici ticarət tərəfdaşlarımızda milli valyutalarının məzənnələrindəki dəyişikliklər də iqtisadi faktorlardan biridir".
"Bütün bunlar ilə yanaşı, praktiki olaraq, manatın məzənnəsi birbaşa Azərbaycan Mərkəzi Bankının qərarından asılıdır. Mərkəzi Bank prosesə birbaşa intervensiya etmək imkanlarını qoruyub saxlayır. Ona görə də, manatın məzənnəsinin necə dəyişməsi birbaşa Azərbaycan Mərkəzi Bankının mövqeyindən asılı olacaq", - deyə millət əkili əlavə edib.
Cari ilin ilk 4 ayı üzrə bank hesabları üzərindən ödəniş əməliyyatlarının 69%-i elektron daşıyıcılar üzərindən həyata keçirilib.
Bunu Azərbaycan Banklar Assosiasiyasının sədri Zakir Nuriyev deyib. O bildirib ki, bu, ötən ilin eyni dövrü ilə müqayisədə aktivliyin 7% artdığını göstərir:
"2019-cu ildə bank kartları ilə nağdsız əməliyyatların həcmi 4,5 milyard manat təşkil etdiyi halda, cari ilin ilk 4 ayında 6 milyard manata çatıb. Əməliyyatların say baxımından 75%-i, həcm baxımından 40%-i nağdsız əməliyyatların payına düşür. Bu da müvafiq olaraq 10% və 13% artım deməkdir.
2022-ci ilin aprel ayında kartlarla elektron ticarət əməliyyatları illik müqayisədə 2,8 dəfə artıb. Həmçinin cari ilin aprel ayında ödəniş kartlarının həcmi 2 milyon ədəd və ya 20,2% artaraq 11,9 milyon ədədə çatıb".
"Azərbaycanda bank sektorunun aktivləri tarixində ilk dəfə 40 milyard manatı ötüb. Bu isə illik müqayisədə 22% daha çoxdur", - Z. Nuriyev əlavə edib.
"Yol-xeber.az" xəbər verir ki, Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov iyun ayının 17-də Naftalan şəhərində vətəndaşları qəbul edəcək.
Qəbul saat 11:00-da Naftalan şəhərində Azərbaycan Avtomobil Yolları Dövlət Agentliyinin tabeliyində olan “29 N-li Yol İstismarı” MMC-nin inzibati binasında keçiriləcək. Qəbulda Naftalan şəhəri, Goranboy və Xocalı rayonlarının sakinləri iştirak edə bilərlər.
Qəbula yazılmaq istəyənlərin Naftalan şəhəri “29 №-li Yol İstismarı”, Goranboy rayonu “23 №-li Yol İstismarı” və Xocalı rayonu “54 №-li Yol İstismarı” MMC-lərində öncədən qeydiyyatdan keçmələri xahiş olunur.
Vətəndaşlar qəbula şəxsiyyətini təsdiq edən sənədlə gəlməli və qaldırdıqları məsələlər Agentliyin səlahiyyətlərinə aid olmalıdır.
Qəbul mərkəzi icra hakimiyyəti orqanlarının və digər idarəetmə qurumlarının rəhbərlərinin 2022-ci ilin iyun ayında şəhər və rayonlarda vətəndaşların qəbulu cədvəlinə uyğun olaraq baş tutacaq.
"Yol-xeber.az" xəbər verir ki, Cari ilin “İnvestisiya Proqramı”na əsasən, Azərbaycan Avtomobil Yolları Dövlət Agentliyi tərəfindən Suraxanı rayonu Əmircan qəsəbəsində Atamoğlan Rzayev küçəsinin məhəllədaxili yollarında təmir işləri aparılır.
Uzunluğu 650, eni ortalama 6 metr təşkil edən sözügedən küçə torpaq əsaslı olduğu üçün gediş-gəlişdə problemlərə səbəb olurdu, hərəkətin rahat və təhlükəsizliyini təmin etmirdi.
Aparılan yenidənqurma işləri çərçivəsində küçəboyu zəruri olan yerlərdə yararsız qrunt qazılaraq çıxarılıb, əks-dolğu işləri icra olunaraq yeni yol yatağının və küçənin profilə salınması işləri görülüb. Təmir işləri 3800 kv.m çox sahəni əhatə edib.
Hazırda küçəyə yeni asfalt-beton örtüyünün döşənməsi aparılır.
“İnvestisiya Proqramına”na əsasən, Suraxanı rayonu üzrə təmir işləri Bülbülə qəsəbəsinin 600 metr uzunluğa malik Samir Əliyev və Qaraçuxur qəsəbəsinin ümumi uzunluğu 2500 metr olan Şərq yaşayış massivinin yollarında da davam edir.
Agentlik tərəfindən 2021-ci ildə Suraxanı rayonu ərazisində ümumi uzunluğu 18.5 km təşkil edən küçə təmir edilib.
YOLUNUZ AÇIQ OLSUN...
Azərbaycanda pullu insan çox olsa da startaplara vəsait yatıran təəssüf ki, azdır.
Bunu innovasiya ekosistemi nümayəndələri ilə görüşdə çıxış edən ABŞ-ın “Technovate İnvestments”i şirkətinin qurucusu Fərid İsmayılzadə deyib.
F.İsmayılzadənin sözlərinə görə, yaratdıqları "Angel" klubu Azərbaycan, Gürcüstan və Mərkəzi Asiyadan olan startaplara investisyalar yatırıb:
"Bu vaxta qədər startaplara 250 min ABŞ dolları məbləğində investisiya yatırmışıq. Amma hazırda dəstklədiyimiz startapların dəyəri 23 milyon ABŞ dollarına çatıb".
F.İsmayılzadə qeyd edib ki, sentyabrda Azərbaycandan olan startapların ABŞ-dakı Silikon Vadisinə səfəri təşkil olunacaq.
Azərbaycan Mərkəzi Bankının bu günə olan rəsmi valyuta məzənnələri açıqlanıb.
Avronun məzənnəsi 0,6% azalaraq 1,7717 manat, Rusiya rublunun məzənnəsi 2,7% irəliləyərək 0,0300 manat, türk lirəsi 0,1% bahalaşaraq 0,0985 manat təşkil edib.
ABŞ dollarının məzənnəsi dəyişməyərək 1,7000 manat olub.
Azərbaycan Mərkəzi Bankının bu günə olan rəsmi valyuta məzənnələri açıqlanıb.
Avronun məzənnəsi 1,36% azalaraq 1,7830 manat, Rusiya rublunun məzənnəsi 0,68% geriləyərək 0,0292 manat, türk lirəsi 0,3% ucuzlaşaraq 0,0984 manat təşkil edib.
