 |
|
Avropa Birliyi Rusiyadan təbii qaz idxalını kəsdikdən sonra Afrikada böyük neft və təbii qaz ehtiyatlarına malik Nigeriyadan idxalını 14%-dən yuxarı artırmaq niyyətindədir.
Bununla əlaqədar olaraq, Avropa İttifaqının Energetika Departamentinin baş direktorunun müavini Metyu Balduin Nigeriyaya səfər edib və ölkənin bir sıra rəsmiləri ilə görüşüb, Nigeriyadan mayeləşdirilmiş təbii qazın (LNG) idxalını indiki göstəricidən daha da artırmaq istədiklərini bildirib.
Balduin Nigeriyanın Niger Deltası bölgəsində təhlükəsizliyi yaxşılaşdırdığını və Trans-Niger boru kəmərini avqust ayından sonra yenidən açmağı planlaşdırdığını açıqlayıb. Bu da Avropaya daha çox qaz ixracına səbəb olacaq.
Bolduin bu ölkədən ümumi maye qaz ixracının 60%-nin Avropaya ötürüldüyünə diqqət çəkib: "Rusiyanın Ukraynanı işğal etməsindən və enerji bazarında qeyri-sabitlikdən sonra Avropa qaz böhranındadır və tam qazın kəsilmək riski var".
Qeyd edək ki, Nigeriya həmçinin xam neft hasilatında dünyanın ilk 15 ölkəsi arasında, ən böyük neft ehtiyatlarına malik 8-ci ölkəsi, ixracatda isə 6-cı ölkədir. Təxminən 37 milyard barel neft ehtiyatı olan bu ölkə dünya neft ehtiyatlarının 3,1%-nə sahibdir.(qaynarinfo)
Bu gündən Bakı-Naxçıvan istiqaməti üzrə yeni avtobus reysi açılır.
Bu barədə Bakı Beynəlxalq Avtovağzal Kompleksi məlumat yayıb
Məlumata görə, avtobus hər gün axşam saat 21:00-da Bakı Beynəlxalq Avtovağzal Kompleksindən yola düşəcək və səhər saat 9:00-da Naxçıvan şəhərinə çatacaq. 5 yaşına qədər uşaqlar üçün gediş haqqı (oturacaq verilməmək şərti ilə) pulsuzdur. 5 yaşından 10 yaşına qədər uşaqlar üçün isə biletin qiymətinin 50%-i ödənilir.
Sərnişinlərin istəyinə uyğun olaraq beş yaşınadək uşaqlar üçün də bileti yarı qiymətinə əldə etmək mümkündür. Biletləri avtovağzalın kassalarından və //avtovagzal.az/ saytından onlayn qaydada əldə etmək mümkündür.
Azərbaycan Mərkəzi Bankının bu günə olan rəsmi valyuta məzənnələri açıqlanıb.
"Avronun məzənnəsi 0,39% azalaraq 1,7309 manat, Rusiya rublunun məzənnəsi 4,84 % azalaraq 0,0295 manat, türk lirəsi 0,83% ucuzlaşaraq 0,0959 manat təşkil edib.
ABŞ dollarının məzənnəsi isə dəyişməyərək 1,7000 manat olub.
"Yol-xeber.az" xəbər verir ki, Bakı-Ələt-Qazax-Gürcüstan Respublikası ilə dövlət sərhədi avtomobil yolunun 290-313 km-də təmir-bərpa işləri icra olunub.
Belə ki, ümumilikdə 4000 kv.m sahədə deformasiyaya uğramış köhnə asfalt-beton örtüyünün üst qatı frezlənərək kənara daşınıb. Daha sonra əvəzinə aşınma qatı olmaqla yeni asfalt-beton örtüyünün döşənməsi işləri yerinə yetirilib.
Sonda yolcizgi və yolgöstərici xətlər çəkilib.
YOLUNUZ AÇIQ OLSUN...
.
Bu ilin yanvar-iyun aylarında Azərbaycanın pərakəndə ticarət şəbəkəsində avtomobil benzini və dizel yanacağına istehlakçılar tərəfindən 1 295,2 mln. manat xərclənib.
“APA-Economics”in Dövlət Statistika Komitəsinin hesabatı əsasında apardığı hesablamalara görə, bu, 2021-ci ilin eyni göstəricisi ilə müqayisədə 8,6% və ya 102,6 milyon manat çoxdur.
Bu ilin may göstəricisi ilə müqayisədə iyun satışlarının həcmi 18,3% və ya 40,1 milyon manat artaraq 258,8 milyon manat təşkil edib.
Qeyd edək ki, bu ilin ilk altı ayında istehlakçıların pərakəndə ticarət şəbəkəsində xərclədikləri vəsaitin 5,7%-i avtomobil benzini və dizel yanacağının alınmasına sərf olunub ki, bu da ötən ilin eyni göstəricisindən 0,5 faiz bəndi azdır.
Dünya bazarında “Azeri Light” (CIF) markalı neft bahalaşıb.
Azərbaycan neftinin 1 barelə olan qiyməti 3,52 ABŞ dolları və ya 0,3% artaraq 121,74 ABŞ dolları təşkil edib.
Avropa İttifaqı (Aİ) Azərbaycanı etibarlı tərəfdaş adlandırır.
Report xəbər verir ki, bu barədə “Euronews” yazıb.
Qeyd edilir ki, Aİ 2027-ci ilə qədər Cənub Qaz Dəhlizi vasitəsilə hər il azı 20 milyard kubmetr yanacaq qəbul edə biləcəyini gözləyir. 2021-ci ildə Rusiyadan Avropa İttifaqı ölkələrinə 155 milyard kubmetr qaz ixrac edilib ki, bu da onun ümumi istehlakının 40 %-ni təşkil edib.
Nəşr vurğulayıb ki, Avropa Komissiyasının Prezidenti Ursula fon der Lyayen və Aİ-nin enerji məsələləri üzrə komissarı Kadri Simson Azərbaycan hakimiyyəti ilə yerli qazın Avropaya nəqlini müzakirə etmək üçün bu gün Bakıya səfər edəcəklər: “Danışıqlar nəticəsində Aİ-nin Rusiya enerjisindən asılılığını azaltmaq və gələn qışda gözlənilən qaz qıtlığını azaltmaq məqsədi daşıyan razılaşmanın əldə olunacağı gözlənilir. İndi Xəzər dənizi şelfində hasil edilən yanacaq Avropaya Cənub Qaz Dəhlizi vasitəsilə verilir. Avropa Komissiyasının mətbuat xidməti qeyd edir ki, tərəflər Avropa ölkələrinə təbii qaz tədarükünün şaxələndirilməsində onun rolunun artırılması məqsədilə Aİ ilə Azərbaycan arasında enerji sahəsində strateji tərəfdaşlıq məsələlərini müzakirə edəcəklər”.
“Bu il Azərbaycandan Avropaya qaz tədarükünün ötənilki 8 milyard kubmetrdən 10 milyard kubmetri keçəcəyi gözlənilir. Hazırda Azərbaycan Gürcüstan, Türkiyə və Avropaya (İtaliya, Yunanıstan və Bolqarıstan) qaz ixrac edir”, - “Euronews” əlavə edib.
Avropa İttifaqı (Aİ) Azərbaycanla uzunmüddətli qaz idxalı sazişini imzalamağa hazırlaşır.
Report xəbər verir ki, bununla bağlı analitik yazı Türkiyənin “Star” qəzetində dərc edilib.
Nəşr qeyd edib ki, enerji təchizatında Rusiyadan asılılığını azaltmaq və enerji resurslarını şaxələndirmək istəyən Avropa Xəzər qazını Türkiyə üzərindən Avropaya nəql edən Cənub Qaz Dəhlizinin genişləndirilməsində axtardığı həll yolunu tapdı.
Avropa İttifaqının (Aİ) enerji məsələləri üzrə komissarı xanım Kadri Simson Azərbaycan hökuməti ilə Aİ qaz idxalının artırılması və Cənub Qaz Dəhlizinin genişləndirilməsinin dəstəklənməsi üzrə saziş layihəsini müzakirə etmək üçün yaxın günlərdə Bakıya səfər etməyi planlaşdırır.
Nəşr Aİ rəsmisinin "Biz tədarükləri artırmaq üçün fəal çalışırıq", - sözlərini sitat gətirib.
“Müvafiq hökumətlərin təsdiqini tələb edən və dəyişdirilə bilən anlaşma memorandumu Ukraynadakı müharibədən sonra Avropa İttifaqının Rusiya qazından asılılığını azaltmaq səylərinin bir hissəsidir. Anlaşma memorandumunun layihəsində deyilir ki, tərəflər Cənub Qaz Dəhlizi vasitəsilə Avropa İttifaqına ixrac da daxil olmaqla, kommersiya məqsədəuyğunluğu və bazar tələbi əsasında 2027-ci ilə qədər hər il azı 20 milyard kubmetr təbii qaz ticarətini dəstəkləməyi hədəfləyirlər.
Təklifin artması ilə həm də Azərbaycan qaz hasilatını genişləndirməli olacaq”, - qəzet yazıb.
Müqavilə layihəsinə həmçinin bərpa olunan enerjinin təşviqi və gələcək hidrogen ticarətinin müzakirəsi məqsədilə Aİ və Azərbaycan arasında elektrik enerjisi üzrə qarşılıqlı əlaqələrin inkişafının araşdırılması da daxildir.
Qeyd edilir ki, Azərbaycandan Avropaya təbii qaz nəql edən Trans Adriatik Boru Kəməri (TAP) son günlər maksimum gücünə çatıb. Sutkada 33 milyon kubmetr, yəni ildə orta hesabla 12 milyard kubmetr təbii qaz verilir:
“Trans-Anadolu Təbii Qaz Boru Kəməri (TANAP) layihəsi ilə Azərbaycanın təbii qazı Türkiyə üzərindən Avropaya nəql edilir. Layihə sayəsində Avropanın enerji ehtiyacı təmin edilib, Türkiyənin geostrateji dəyəri güclənib”.
Azərbaycanda mineral gübrələr bahalaşıb.
Bizim.Media xəbər verir ki, ölkəmizdə fermerlərin mineral gübrələrə olan ehtiyacı əsasən idxal hesabına ödənilir. Sumqayıt Karbomid Zavodu ölkə üzrə azot gübrəsinə olan ehtiyacı xeyli miqdarda qarşılasa da, hələ ki tam ödəyə bilmir.
Son vaxtlar dünyada davam edən inflyasiya təbii ki, gübrə sənayesinə də təsirsiz ötüşməyib.
Ona görə də son bir neçə ayda mineral gübrələrin qiyməti xeyli dərəcədə bahalaşıb. Bu isə fermerləri çətin duruma salıb. Çünki, həm fermerlərin fərdi imkanları, həm də dövlətin ayırdığı subsidiya imkan vermir ki, fermerlər lazım olan qədər gübrə tədarük etsin.
Nəzərə alaq ki, ötən mövsüm kisəsi 20-30 manata təklif olunan gübrələr indi 80-100 manata satılır. Xırda fermerlərin də bu qiymətə gübrə almaq imkanından məhrumdur.
Təsadüfi deyil ki, hazırda əksər regionlarda fermerlər ciddi məhsul itkisi ilə qarşılaşıb. Məsələn, ötən il kiloqramı 40-50 qəpiyə təklif olunan soğan bu gün istehlakçıya 1.10-1.20 manata təklif olunur. Digər kənd təsərrüfatı məhsulları da həmçinin. Kənd təsərrüfatı əkinlərini aqrotexniki qayda da becərilməsində təbii ki, mineral gübrələr əvəzsiz rola malikdir. Gübrənin olmaması isə məhsul itkisi deməkdir.
Məsələ ilə bağlı kənd təsərrüfatı üzrə ekspert Akif Nəzirli bildirib ki, bu gün ayrılan subsidiya fermerin mənfəət normasını təmin etmir:
“Çünki, subsidiya azdır, həm də verilən subsidiya əlçatan deyil. Bildiyimiz kimi, subsidiyanın 25 faizi fermerə nağd şəkildə, 75 faizi isə texniki yardım kimi verilir. Üstəlik, fermer kartındakı vəsaitdən istifadədə tam sərbəst deyil. O, ancaq Kənd Təsərrüfatı Nazirliyinin müəyyən etdiyi şirkətlərdən nağdsız ödəniş edərək gübrə ala bilər.
Həmin şirkətlər də müxtəlif bəhanələrlə gübrələrin qiymətini durmadan artırır. Hələ onu demirik ki, bəzi şirkətlərin gətirdiyi gübrələrin keyfiyyəti çox aşağıdır. Keyfiyyətsiz gübrə də təbii ki, aparılan aqrotexniki tədbirlərin səmərəliliyini aşağı salır”.
Tanınmış ekspert onu da əlavə etdi ki, təcili tədbirlər görülməlidir. Əks-təqdirdə yaxın aylarda məhsul qıtlığı və qiymət artımı qaçılmaz olacaq:
“İndiki halda hökumət ilk növbədə subsidiyaların həcmini artırmalıdır. İkincisi, subsidiyaların ünvanına çatması üçün zəruri tədbirlər görülməlidir. Yəni, bu sahədə şəffaflıq təmin olunmalıdır. Üçüncüsü, fermer aldığı subsidiyanı 100 faiz nağdlaşdırma hüququna sahib olmalıdır.
Bir sözlə, bürokratik əngəllər aradan qaldırılmalıdır. Çox təəssüf ki, bu gün bizdə “şah” satıcıdır. O, istədiyi məhsulu, istədiyi qiymətə satır. Alıcı da məcbur edilir ki, satıcının diqtəsinə boyun əysin. Bir sözlə, indiki vəziyyətdə operativ qərarlar qəbul edilməlidir.
Fermerə təcili kömək əli uzadılmalıdr. Əks təqdirdə payız aylarında bizi çox böyük bahaçılıq və qıtlıq gözləyəcək”.
"Yol-xeber.az" xəbər verir ki, Əhmədbəyli-Füzuli-Şuşa avtomobil yolunda viadukların (dərə üzərində inşa edilən körpü) tikintisi zamanı Azərbaycanda ilk dəfə olaraq aşırım qəliblərin üfüqi sürüştürülməsi üsulu ilə betonlama işləri yerinə yetirilir.
Beynəlxalq təcrübədə dərə keçidləri üzərində inşa edilən hündür qabaritli viaduklarda bu üsuldan istifadə olunması daha məqsədəuyğun sayılır.
Qəliblərin üfüqi sürüştürülməsi üsulu ilə betonlama işləri Əhmədbəyli-Füzuli-Şuşa avtomobil yolunun 79.7-ci km-də inşa edilən və ortalama uzunluğu 380 m (sol-410 m, sağ-350 m) olan viaduk da daxil olmaqla 3-nün tikintisində istifadə olunur.
Xatırladaq ki, 81.6 km uzunluğa malik Əhmədbəyli-Füzuli-Şuşa avtomobil yolu 1-ci texniki dərəcəyə uyğun olaraq 4-6 hərəkət zolaqlı olmaqla inşa edilir. Yolboyu 137 müxtəlif diametrli suötürücü boru (7 200 p/m), 30 yeraltı keçid (1110 m), 7 körpü (763 p/m), 7 tunel (6358 m) və 9 viaduk (1980 m) inşa edilir.
BÜTÜN YOLLAR QARABAĞA APARIR...
.
