 |
|
"İstisu qəsəbəsinin inkişafı ilə bağlı artıq konkret addımlar atılır. İlk növbədə, yeni su zavodunun tikintisi nəzərdə tutulur. Bu gün mən bu su zavodunun təməlini qoydum".
"Yol-xeber.az" xəbər verir ki, bu barədə Prezident İlham Əliyev iyunun 26-da Kəlbəcər rayonunda “İstisu” sanatoriyasının təməlqoyma mərasimindəki çıxışında bildirib.
Dövlət başçısı qeyd edib ki, vaxtilə məşhur olan İstisu suyu yenidən buraxılacaq, Azərbaycanda istehlak olunacaq və ixrac ediləcək.
“Eyni zamanda, arxada gördüyünüz “İstisu” sanatoriyasının dağıntılarıdır. Keçən il burada bu dağıntılarla tanış oldum və göstəriş verdim ki, bu yerdə - İstisu qəsəbəsində yeni mehmanxana inşa edilsin və müalicə mərkəzi yaradılsın. Çünki vaxtilə sovet dövründə minlərlə insan gəlib burada dincəlib, öz sağlamlığını bərpa edib, bu gözəl təbiətdən zövq alıb”, - deyə Azərbaycan Prezidenti əlavə edib.
Ermənilərin binalarımızı, məscidlərimizi, məktəblərimizi, şəhər və kəndlərimizi, o cümlədən bu sanatoriyanı dağıtdıqlarını bildirən Prezident İlham Əliyev deyib:
“Bir müddətdən sonra burada yeni gözəl mehmanxana və müalicə mərkəzi yaradılacaq. Mən hesab edirəm ki, bu, çox vacibdir. Çünki “İstisu” sanatoriyası və İstisu suyu bu bölgənin rəmzi, Kəlbəcərin təbii sərvəti idi. Bu gün biz - bu torpaqların sahibləri vaxtilə əlimizdən alınmış bütün sərvətləri özümüzə qaytarmışıq.
Bütün şəhər və kəndlərimizi yenidən, sıfırdan bərpa edirik və edəcəyik, o cümlədən Kəlbəcər rayonunda, Laçın rayonunda böyük quruculuq işləri gedir”.
"Yol-xeber.az" xəbər verir ki, Xəzər rayonunun Zirə qəsəbəsinin Yeni sahə, Dəmiryol küçəsi, həmçinin Seyid Əzim Şirvani və Həsrət Ağamalıoğlu küçələrində təmir işləri icra olunur. Küçələrin ümumi uzunluğu 1 150 metr təşkil edir.
Torpaq əsaslı olan küçələr sözsüz ki, sakinlərin gediş-gəlişində problemlər yaradır, hərəkətin rahat və təhlükəsizliyini təmin etmirdi.
Aparılan yenidənqurma işləri çərçivəsində küçələr boyu zəruri olan yerlərdə yararsız qrunt qazılaraq çıxarılıb, əks-dolğu işləri icra olunaraq yeni yol əsasının salınması işləri görülüb. Hazırda yeni asfalt-beton örtüyünün döşənməsi aparılır.
Sonuncu mərhələdə hərəkətin normal təşkili üçün yolcizgi və yolgöstərici xətləri çəkilərək təmir işləri yekunlaşdırılacaq.
Qeyd edək ki, cari ilin “İnvestisiya Proqramı”na uyğun olaraq Xəzər rayonunun Mərdəkan, Binə, Buzovna, Qala və Zirə qəsəbələri ərazisində ümumi uzunluğu 26.5 km küçə və yolun təmiri aparılır.
2021-ci ilin “İnvestisiya Proqramı”na uyğun olaraq isə rayonun Binə, Buzovna və Qala qəsəbələrində ümumi uzunluğu 16.3 km olan küçə və yolların təmiri icra olunub.
YOLUNUZ AÇIQ OLSUN…
"Yol-xeber.az" xəbər verir ki, İşğaldan azad olunmuş ərazilərin yenidən qurulması və bərpası istiqamətində əsas prioritetlərdən biri yol infrastrukturunun bərpasıdır. Bu çərçivədə Qarabağ və Şərqi Zəngəzur iqtisadi rayonları ərazisində dövlətimizin başçısının tapşırığı ilə icra olunan yol infrastrukturu layihələrindən biri də Laçın şəhərinə daxil olmadan yeni avtomobil yolununun tikintisidir. Artıq yolun asfaltlanmasına başlanılıb.
Qarabağ və Şərqi Zəngəzur iqtisadi rayonları ərazisində bütün avtomobil yolları iri yaşayış məntəqələrindən kənar keçməklə layihələndirilir. Bu isə həmin yaşayış məntəqələrində yaşayacaq əhalinin, həm də yoldan istifadə edəcək vətəndaşların rahatlığı baxımından önəmlidir.
Laçın şəhərinə daxil olmadan yeni avtomobil yolunun inşası da məhz bunlar nəzərə alınaraq aparılır. Yeni avtomobil yolunun uzunluğu 32 km təşkil edir. Yoxuşlarda 3, digər hissələrdə 2 hərəkət zolaqlı olacaq yolun layihə üzrə hərəkət hissəsinin eni 7-10.5 metr, torpaq yatağının eni 12-15 metr, çiyin hissələrin eni isə 2x2.5 (5 m) metr təşkil edir.
Hazırda yolboyu genişmiqyaslı tikinti işləri aparılır. Layihəyə uyğun olaraq torpaq yatağının, suni qurğuların inşası işləri görülür. “İnşaat Norma və Qaydaları”na uyğun olaraq yararsız qrunt, həmçinin torpaq yatağının genişləndirilməsi üçün bitki qatının qazılaraq çıxarılması işləri görülür, xüsusi texnikalardan istifadə olunmaqla yolun genişləndirilərək profilə salınması, yeni torpaq yatağının və yol əsasının inşası həyata keçirilir. Yol əsası hazır olan hissədə yeni asfalt-beton örtüyünün döşənməsinə də start verilib.
Çətin relyefə malik olan ərazidən keçən yol boyunca layihəyə uyğun suların ötürülməsini təmin etmək məqsədilə dairəvi borular və müxtəlif süni qurğuların tikintisi də icra olunur. Bu çərçivədə yolun 22-ci km-də inşa edilən və uzunluğu 149.5 metr, eni 13.5 metr olan 4 aşırımlı körpüdə hazırda tikinti işləri son mərhələ üzrə icra olunur.
Yeni avtomobil yolunun inşası tərtib olunmuş qrafikə uyğun və texnoloji ardıcıllığa riayət olunmaqla AAYDA-nın rəhbərliyinin nəzarəti altında həyata keçirilir.
Tikinti işlərinin cari il ərzində yekunlaşdırılması üçün əraziyə lazımi sayda qüvvə cəlb olunub.
BÜTÜN YOLLAR QARABAĞA APARIR...
Qara Dəniz Ticarət və İnkişaf Bankı yarandığı vaxtdan Azərbaycana 510 mln avro kredit vəsaiti aylrıb.
Bunu maliyyə naziri Samir Şərifov deyib. O bildirib ki, bank Azərbaycanda özəl sektora da dəstək göstərib.
"2019-cu ildə Bakı Fond Birjasında bankın istiqrazları buraxıldı. Qara Dəniz Ticarət və İnkişaf Bankı Azərbaycanda milli valyuta ilə istiqraz yerləşdirən ilk beynəlxalq qurum olub", - deyə nazir əlavə edib.
İqtisadiyyat Nazirliyi yanında Sahibkarlığın İnkişafı Fondu faiz subsidiyası mexanizminə bu il edilmiş dəyişikliklərlə bağlı kredit təşkilatlarının nümayəndələri üçün onlayn maarifləndirmə sessiyası keçirib.
Bu barədə Fond məlumat yayıb.
Məlumata görə, tədbir minimum istehlak səbətinin tərkibində əsas ərzaq məhsullarının tədarükü və emalı, aqrar emalla məşğul olan sahibkarlara kredit təşkilatları tərəfindən verilmiş kreditlər üzrə faizlərin subsidiyalaşdırılması mexanizmi barədə ətraflı məlumatın verilməsi məqsədilə təşkil olunub.
Görüşdə bildirilib ki, mexanizm mikro, kiçik və orta sahibkarlıq subyektlərinə şamil olunur və şəkər tozu, günəbaxan yağı, marqarin, kərə yağı, un və makaron məmulatlarının istehsalı üzrə xammal tədarükü məqsədilə 2022-ci ildə alınmış kredit faizlərinin subsidiyalaşdırılmasını nəzərdə tutur.
Qeyd olunub ki, Fondun müvəkkil kredit təşkilatları siyahısına aid olub-olmamasından asılı olmayaraq, ölkədə qanuni əsaslarla fəaliyyət göstərən istənilən kredit təşkilatından qeyd olunan məqsədlə kredit əldə etmiş sahibkarlar kredit faizlərinin subsidiyaşdırılması məqsədilə Fonda müraciət edə bilər. Tələblərə əsasən, subsidiya əldə etmək üçün kreditin müddəti və faiz dərəcəsindən asılı olmayaraq, sahibkarların 3 milyon manatadək olan kreditləri subsidiyalaşdırılır. Subsidiyanın həcmi kredit faizinin 10 faiz bəndi və subsidiyalaşdırma müddəti kreditin alındığı tarixdən növbəti 12 aya qədər dövrü əhatə edir.
Ərzaq məhsullarının bahalaşması ilə əlaqədar dövlət büdcəsində əlavə xərclərin maliyyələşdirilməsi nəzərdə tutulur. Belə ki, 193 milyon manat əlavə xərclərin maliyyələşdirilməsinə 2 milyard 440 milyon manat vəsait ayrılacaq. Millət vəkili Vüqar Bayramov bildirir ki, burada əsas məqsəd qiymət artımlarının qarşısını almaqdır.
Xəzər TV xəbər verir ki, ümumilikdə isə dövlət büdcəsinin gəlir və xərcləri 8 faizdən çox artılır. Yəni, bu il büdcə gəlirləri 29 milyard 197 milyon 8 yüz minmanat proqnozlaşdırılır. Millət vəkilinin sözlərinə görə, ayrılan vəsaitlər daha çox iqtisadi sektoru əhatə edəcək.
Son günlərdə ərazaq məhsullarının, xüsusilə də ətin qiymətinin ikiqat artacağı ilə bağlı xəbərlər gündəmin əsas müzakirə mövzusuna çeviriərək yerli sakinlərdə narahatçılıq doğurub.
Mövzu ilə bağlı bizim.media-ya açıqlama verən kənd təsərrüfatı üzrə ekspert Elçin Bayramlı bildirib ki, son zamanlar dünyada baş verən hadisələr ət və broyler məhsullarının qiymət artımı qaçılmaz edir.
“Buğdanın bahalaşmasından sonra maldarlıqda yem məhsullarının da qiymətində artım müşahidə olunur. Həmçinin heyvanlar üçün olan dərmanların və təsərrüfat məhsullarının qiyməti artıb.Bunun fonunda yerli təsərrüfat sahibləri ət məhsullarının qiymətini artırmağa məcbur olacaqlar .
Digər bir məsələ isə odur ki, əvvəllər xaricdən gələn ucuz ətin hesabına yerli bazarda ət bolluğu yaranırdı və bunun sayəsində ətin qiymətini stabil saxlamaq olurdu. Amma indi xaricdən gələn ətin qiyməti də bahalaşdığı üçün yerli ət istehsalçıları məcbuən ətin qiymətini qaldıracaqlar.
Buna uyğun olaraq ət süd və broyler məhsullarında qiymət artımı da qaçılmazdır”.
Ekspert açıqlamasında ətin qiymət artımınının qarşısını alan yeaganə faktı səsləndirərək bunun müvəqqəti olacağını və yeni başlayan qlobal ərzaq böhranının ətin qiymətini bahalaşdıracaq səbəblər sırasında olduğunu vurğulayıb:
“Hələ ki ətin bahalaşmasının qarşısını alan yeganə amil var ki, o da yayda ətə olan tələbatın azalmasıdır. Lakin sürətlə başlayan qlobal ərzaq böhranı və yerli istehsalda olan bahalaşmalar, eyni zamanda heyvanlar üçün örüşlərin azalması ət və broyler məhsullarının qiymətinin artmasını qaçılmaz edir”.
Elçin Bayramlı açıqlamasına əlavə edib ki, ətin qiymət artımı cüzi miqdarda olacaq və buna görə də sosial şəbəkələrdə yazılan şişirdilmiş qiymətlər insanları qorxutmamalıdır:
Statistikaya nəzər salsaq görərik ki, ətin qiyməti zamanla az miqdarda artıb. Hazırda qoyun ətinin bazar qiyməti 15 manat, mal ətinin isə 11-12 manatdır.
Hərəsi yalnız 1-2 manat civarında qalxa bilər ki, yuxarıda vurğuladığım faktların hər biri hazırda bunu qaçılmaz edir”.
“Heyvan xəstəliklərinin diaqnostikası və profilaktikası üzrə baytarlıq tədbirlərinin həyata keçirilməsinə nəzarət edilməsi və bu məqsədlə hər bir heyvanı və ya heyvanlar qrupunu müşahidə etməyə imkan verən kənd təsərrüfatı heyvanlarının identikləşdirilməsinin aparılması Qaydası”nda dəyişikliklər edilib.
Bununla bağlı Baş nazir Əli Əsədov qərar imzalayıb.
Dəyişikliyə əsasən, heyvanların identikləşdirilməsi fəaliyyəti sahəsində müasir informasiya-kommunikasiya texnologiyalarından istifadənin genişləndirilməsi ilə yanaşı vahid sənədləşmənin tətbiq edilməsi, heyvan sahiblərinin identikləşdirilmə üçün bir heyvan üçün tələb olunan xərclərinin azaldılması təmin edilb. İdentikləşdirilmənin nəticəsi olaraq yalnız şəhadətnamə veriləcək və baytarlıq pasportunun alınması tələb olunmayacaq.
Əvvəlki qaydalara əsasən hər heyvan və ya heyvan qrupu identikləşdirilməli və identikləşdirilmə nəticəsində heyvan sahibinə “baytarlıq pasportu” və “identikləşdirilmə haqqında şəhadətnamə” verilməli idi. Baytarlıq pasportunun alınmasına görə isə “Dövlət rüsumu haqqında” qanunda 20 manat dövlət rüsumu nəzərdə tutulub.
Dəyişiklik nəticəsində hər bir heyvana görə batarlıq pasportunun alınması zərurəti aradan qalxacaq və nəticə olaraq bununla bağlı “Dövlət rüsumu haqqında” qanunda nəzərdə tutulmuş 20 manat məbləğində dövlət rüsumunun ödənilməsi tələb olunmayacaq. Bu isə öz növbəsində heyvan ətinə çəkilən xərcin azalmasına səbəb olacaqdır.
Hazırda iribuynuzlu heyvanların, atların, dəvələrin ən geci doğulduqdan sonra 4 ay müddətində, donuzlar, qoyun və keçilərin 2 ay müddətində, damazlıq quşların isə 5 aylıq yaşda olduqda nişanlanması aparılmalıdır. Təklif olunan dəyişikliyə əsasən bütün kənd təsərrüfatı heyvanlarının doğulduqdan sonra 1 ay müddətində identikləşdiriləcək.
Atların və dəvələrin identikləşdirilməsi üçün birkalama qulağın daxili səthinə tatuirovka, damazlıq quşların brikalaması isə ayaqlarına halqa vurulmaqla həyata keçirilməsi nəzərdə tutulmuşdur. Dəyişiklik layihəsi ilə atların və dəvələrin birkalanması dərialtına mikroçip yerləşdirilməklə, qrup halında quşların birkalanması isə onların saxlanc yerlərinə birka vurulmaqla həyata keçiriləcək.
Qeyd edək ki, baytarlıq pasportu yalnız heyvan sahibinin istəyinə əsasən ev heyvanlarının xarici ölkəyə aparılması zamanı veriləcək.
Bundan başqa, əldə etdiyimiz məlumata görə, hökumət “Dövlət rüsumu haqqında” və “Baytarlıq haqqında” qanunlarda dəyişiklik edilməsi təklifi ilə çıxış edib. Layihənin qəbul edildikdən sonra bir heyvan üçün çəkilən rüsum xərci 5 manat da azalacaq. Baytarlıq pasportunun ləğvi və nəzərdə tutulan dəyişikliklərdən sonra bir heyvan üçün maliyyə yükü 25 manat azalacaq ki, bu da heyvan ətinin qiymətinin aşağı düşməsinə səbəb olacaq.
Məsələn, 10 kiloqramlıq qoyunun ətinin hər kiloqramı üzrə maya dəyəri 2 manat 50 qəpik aşağı düşür. 15 kiloqramlıq qoyunun ətinin hər kiıoqramı üzrə isə maya dəyəri təqribən 1 manat 66 qəpik azalır.
Bu qərar və dəyişikliklər antiinflyasiya tədbiri kimi ən azı heyvan əti satışında qiymətlərin sabit qalmasına təsir edə bilər.
Çərşənbə günü neft qiymətləri bir barel üçün 4 dollardan çox ucuzlaşdı.
“Buna səbəb ABŞ prezidenti Co Baydenin yay istehlakının pik dövründə sürücülərin çətinliyini azaltmaq üçün ölkənin böyük enerji şirkətlərinə təzyiq də daxil olmaqla, artan yanacaq xərclərini aşağı salmaq tələbi oldu.
ABŞ-ın Qərbi Texas (WTI) xam neft fyuçersləri 4,04 dollar və ya 3,7% ucuzlaşaraq bir barel üçün 105,48 dollar olub. Eynilə, “Brent” markalı neftin fyuçersləri 3,87 dollar və ya 3,4% ucuzlaşaraq 110,78 dollar/barelə bərabər olub.
Qeyd edək ki, artan benzin qiymətləri və inflyasiya ilə mübarizə fonunda prezident Co Baydenin çərşənbə günü benzinə 18,4 sentlik federal verginin müvəqqəti dayandırılması ilə bağlı çağırış edəcəyi gözlənilir.
Həmçinin yeddi neft şirkətinin yanacaq qiymətlərini aşağı salmaq üçün Ağ Evin təzyiqi altında cümə axşamı Baydenlə görüşməyə hazırlaşdığı deyilir.
"Bakı-Tbilisi-Qars dəmir yolu ilə yük daşımalarını bundan sonra da artırmaq niyyətindəyik".
"Yol-xeber.az" xəbər verir ki, bunu Özbəkistan Respublikasının Prezidenti Şavkat Mirziyoyev Azərbaycan Respublikasının Prezidenti İlham Əliyevlə geniş tərkibli görüşdə deyib.
"Biz Azərbaycanın müasir nəqliyyat şəbəkəsindən, o cümlədən Bakı-Tbilisi-Qars dəmir yolundan istifadə edərək, yük daşımalarını bundan sonra da artırmaq niyyətindəyik. Bu, xüsusən, ərzaq və sənaye mallarının tranziti məsələlərinə aiddir.
Eyni zamanda, indiki reallıqlar alternativ dəhlizlərin formalaşmasını tələb edir. Bu baxımdan, Özbəkistan-Qırğızıstan-Çin və Termez-Məzari-Şərif-Kabil-Pişəvər dəmir yollarının tikintisi gələcəkdə ölkələrimizin Asiya-Sakit okean regionu və Cənubi Asiya dövlətlərinin 3 milyarddan çox istehlakçısı olan bazarlarına ən qısa yolla çıxışı təmin etməyə imkan verəcək. Biz bu istiqamətdə birinci dərəcəli məsələlərin həlli üçün nəqliyyat nazirlərinin rəhbərliyi ilə işçi qrupu yaratmaq barədə razılaşdıq. Biz həm də xarici işlər nazirlərinin rəhbərliyi ilə işçi qrupu yaratmaq barədə razılığa gəldik. Biz bu məsələləri uzatmırıq, ilk görüş gələn ay Daşkənddə olacaq. Əlbəttə, nəqliyyat nazirləri, investisiya və iqtisadiyyat nazirləri xarici işlər nazirlərinin himayədarlığı ilə işləyəcəklər. Fikrimcə, ona görə ki, bizim çox ciddi niyyətlərimiz var".