 |
|
Azərbaycan Mərkəzi Bankının bu günə olan rəsmi valyuta məzənnələri açıqlanıb.
"Avronun məzənnəsi 0,05% azalaraq 1,7878 manat, Rusiya rublunun məzənnəsi 6% irəliləyərək 0,0248 manat, türk lirəsi 0,09% ucuzlaşaraq 0,1148 manat təşkil edib.
ABŞ dollarının məzənnəsi dəyişməyərək isə 1,7000 manat olub.
Üzən məzənnə rejiminə keçid üçün zəruri şərtlər fomalaşdırılmalıdır.
“Yol-xeber.az” xəbər verir ki, bunu Mərkəzi Bankın Baş direktoru Vüqar Əhmədov deyib. O bildirib ki, bu, inflyasiya hədəflənməsi rejiminə keçid məsələsidir: “Mərkəzi Bank bu şərtlər üzərində işləyir, tamamlandıqda uzaq perspektivdə üzən məzənnə rejiminə keçid məsələsinə baxılacaq”.
Mərkəzi Bankın İdarə Heyətinin sədri Taleh Kazımov isə bildirdi ki, geosiyasi və geoiqtisadi vəziyyətdə tədiyə balansının profisitini, fiskal büdcə profisitini nəzərə alsaq, Mərkəzi Bankın mövqeyi sabit məzənnə rejimində qalmaqdır.
“Həmin rejimə keçməzdən əvvəl infrastruktur olmalıdır”, -deyə baş bankir əlavə edib.
"Yol-xeber.az" xəbər verir ki, Vətəndaşların rahat gediş-gəlişinin təmin olunması məqsədilə Azərbaycan Avtomobil Yolları Dövlət Agentliyi tərəfindən Bakı-Quba-Rusiya Federasiyası ilə dövlət sərhədi avtomobil yolunda əsaslı təmir-bərpa işlərinə başlanılır.
Təmir-bərpa işləri magistral yolun 88-ci km-dən başlayaraq Bakı şəhəri istiqamətində aparılacaq.
Avtomobil yolunda hərəkət intensivliyi nəzərə alınaraq işlər hissə-hissə aparılacaq. İşlərin aparıldığı ərazidə avtonəqliyyat vasitələrinin hərəkəti tam olaraq məhdudlaşdırılacaq. Təmir-bərpa işləri aparılan müddət ərzində əks istiqamət üzrə avtonəqliyyat vasitələrinin 2 tərəfli hərəkəti təmin ediləcək.
Əks istiqamət üzrə 2 tərəfli hərəkətin təhlükəsiz və maneəsiz təmin olunması üçün ərazidə əlavə təhlükəsizlik tədbirlərinin görülməsi, müvafiq nişanlanma xətlərinin çəkilişi və müvəqqəti yol nişanlarının quraşdırılması işləri aparılacaq.
Sürücülərdən təmir-bərpa işlərinin aparılmasına anlayışla yanaşmaları, sözügedən ərazidə hərəkətdə olarkən diqqətli olmaları, müvəqqəti yol nişanlarının tələblərinə və yol hərəkəti qaydalarına riayət etmələri xahiş olunur.
Təmir-bərpa işləri ilə əlaqədar yarana biləcək müvəqqəti narahatlığa görə vətəndaşlardan üzr istəyirik.
YOLUNUZ AÇIQ OLSUN...
Dünyada ərzaqla bağlı problemlər pandemiya dövründən başladı. Logistik zəncirlərin qırılması, ölkələrin daxili bazarı qorumaq üçün ərzaq ixracına müəyyən qadağalar qoyması kifayət qədər ciddi problemlər yaratdı. Bu sözləri Axar.az-a açıqlamasında iqtisadçı Natiq Cəfərli Dünya Bankının ərzaq və enerji qiymətlərindəki artımın 2024-cü ilə qədər davam edəcəyi barədə proqnozunu şərh edərkən deyib.
O bildirib ki, ərzaq və enerji qiymətlərinin bahalaşmasına Rusiya-Ukrayna müharibəsi ciddi təsir göstərir:
“Rusiya və Ukrayna bir çox ərzaq növləri üzrə dünya bazarında kifayət qədər yüksək paya malikdir, xüsusilə buğda satışında bu 2 ölkənin dünya bazarındakı payı təqribən 26-27%, günəbaxan və qarğıdalı yağı üzrə isə 58% təşkil edir. Buna görə də ərzaqla bağlı daha ciddi problemlər yaşanmağa başlayıb”.
N.Cəfərli qeyd edib ki, enerji qiymətlərində bahalaşma isə müharibə səbəbindən Rusiyaya tətbiq edilən sanksiyalarla əlaqəlidir.
İqtisadçı ölkəmizdə bu ilin ikinci yarısından qiymət artımındakı sıçrayışların yavaşlayacağı və enmələrlə müşayiət olunacağı haqda rəsmi proqnozlara isə bu cür reaksiya verib:
“Dünyada qiymət artdıqca Azərbaycanda da növbəti qiymət artımı dalğaları yaşanacaq. Bu, qaçılmazdır. Çünki bir çox ərzaq məhsullarında idxaldan asılıyıq. Dövlət bəzi addımlar atmalıdır ki, bu dalğaları yumşaltsın. Bunlardan ən vacibi orta və uzunmüddətli hədəfdə daxili istehsalın artırılmasıdır. Amma buna zaman lazımdır. Qısamüddətli effektiv addımlardan biri isə ərzaq məhsulları üzrə gömrük rüsumları və əlavə dəyər verigisinin ləğv edilməsidir. Bu, kifayət qədər ciddi effekt verə biləcək bir addıma çevrilə, qiymətlərin tənzimlənməsində mühüm rol oyanaya bilər”.
Qeyd edək ki, Dünya Bankı Qrupu Ukraynadakı müharibə nəticəsində ərzaq və enerji qiymətlərindəki artımların 2024-cü ilin sonuna qədər davam edəcəyi barədə məlumat yayıb.
Avro 2017-ci ildən bəri ilk dəfə 1,06 dollardan aşağı düşüb.
Avro 0,8% ucuzlaşaraq 1,056 dollara enib.
İnvestorların regionda enerji təchizatı və potensial tənəzzüllə bağlı narahatlıqlarının artması avronu ABŞ dolları qarşısında ucuzlaşıb. Son hadisələr fonunda treyderlər dolları təhlükəsiz sığınacaq hesab edib.
Qeyd edək ki, bazarın hərəkəti Rusiyanın dövlət enerji şirkəti “Qazprom”un Avropa İttifaqının iki üzvü olan Polşa və Bolqarıstana təbii qaz tədarükünü dayandırmaq qərarına gəlməsi və Moskvanın rublla ödəniş tələb etməsi ilə baş verib. Fevralın 24-də Rusiyanın Ukraynaya hərbi müdaxiləsindən sonra Moskva ilə Qərb arasında gərginlik artmaqda davam edir.
Neft qiymətləri yenidən azalmağa başlayıb.
İnvestorların dünyanın ən böyük neft idxalçısı olan Çində COVID-19 məhdudiyyətləri səbəbindən yanacağa tələbin azalacağı ilə bağlı narahatlıqları nefti ucuzlaşdırıb.
“Brent” markalı neftin fyuçersləri 1,48 dollar və ya 1,41% ucuzlaşaraq bir barel üçün 103,84 dollar olub. ABŞ-ın Qərbi Texas (WTI) markalı xam neftinin fyuçersləri isə 1,39 dollar və ya 1,36% ucuzlaşaraq 1 bareli 100,63 dollar olub.
Hər iki müqavilə əvvəlki sessiyada dünya miqyasında sıx tədarüklə bağlı davam edən narahatlıqlar və ABŞ-da distillə və benzin ehtiyatlarının azalması səbəbindən 30 sentdən çox bahalaşmışdı.
Qeyd edək ki, ABŞ Enerji İnformasiya Administrasiyası xam neft ehtiyatlarının keçən həftə gözləntilərdən fərqli olaraq cəmi 692 min barel artdığını, dizel və təyyarə yanacağının daxil olduğu distillə ehtiyatlarının isə 2008-ci ilin may ayından bəri ən aşağı səviyyəyə düşdüyünü bildirmişdi.
Çinin paytaxtı Pekin isə cümə axşamı bəzi ictimai yerləri bağladığını və digərlərində yoxlamaları gücləndirdiyini açıqlamışdı.
Neft qiymətləri yenidən artmağa başlayıb.
Buna səbəb Rusiyanın Polşaya qaz tədarükünü kəsməsi və Çinin iqtisadi stimullarının tələbin artacağı gözləntilərini gücləndirməsi olub.
Belə ki, "Brent" markalı neft fyuçerslərinin dəyəri 44 sent və ya 0,4% artaraq barrel üçün 105,43 dollar olub. ABŞ-ın Qərbi Texas (WTI) xam neftinin fyuçersləri isə 12 sent və ya 0,1% bahalaşaraq 101,82 dollar/barelə çatıb.
Qeyd edək ki, dünən Rusiyanın neft və qaz tədarükü ilə bağlı xəbərlər tələb və təklif arasında balansı pozacağı ilə bağlı narahatlıqlar xam neftin qiymətləri təxminən 3% bahalaşıb.
Azərbaycan Mərkəzi Bankının bu günə olan rəsmi valyuta məzənnələri açıqlanıb.
Avronun məzənnəsi 0,43% azalaraq 1,8237 manat, Rusiya rublunun məzənnəsi 2,27% irəliləyərək 0,0225 manat, türk lirəsi 0,3% ucuzlaşaraq 0,1150 manat təşkil edib.
ABŞ dollarının məzənnəsi isə dəyişməyərək 1,7000 manat olub.
Prezident İlham Əliyevin imzaladığı sərəncamlara əsasən, Azərbaycan Avtomobil Yolları Dövlət Agentliyi tərəfindən "Şimal-Cənub" beynəlxalq nəqliyyat dəhlizinin tərkib hissəsi olan Bakı-Quba-Rusiya Federasiyası ilə dövlət sərhədi yeni avtomobil yolunun "Yaşma bağları" yaşayış məntəqəsindən başlayaraq tikintisi sürətlə və keyfiyyətlə davam etdirilir.
"Yol-xeber.az" xəbər verir ki, bu barədə Azərbaycan Avtomobil Yolları Dövlət Agentliyindən (AAYDA) məlumat verilib.
5 hissə üzrə tikinti aparılan magistral yol layihəsinin icrası Agentliyin rəhbərliyinin şəxsi nəzarəti altındadır. Belə ki, Agentliyin İdarə heyətinin sədri Saleh Məmmədov yolun tikintisi işləri ilə yerindəcə tanış olmaq məqsədi ilə mütəmadi olaraq tikinti meydançasına baş çəkir, işlərin vaxtında və keyfiyyətlə yerinə yetirilməsi ilə bağlı müvafiq tövsiyə və tapşırıqlarını verir.
Yeni magistral yolda aparılan işlər çərçivəsində 23.5 km-lik 2-ci hissə üzrə yol yatağının, həmçinin 8 körpü və yol ötürücüsünün, 5 avtomobil tunelinin, 3 yolatı keçidin, 36 suötürücü düzbucaqlı və dairəvi borunun tikintisi artıq yekunlaşdırılıb. Hazırda yol əsasının inşası, yol əsası hazır olan ərazilərə asfalt-beton örtüyünün döşənməsi işləri icra olunur.
20 km-lik 3-cü hissə üzrə 1 yol ötürücüsü, 8 yolatı keçid və 55 suötürücü boru inşa edilib, 4 körpünün tikintisi isə davam edir. Bundan başqa torpaq yatağının və yol əsasının tikintisi işləri icra olunur, yol əsası hazır olan hissələrdə artıq asfaltanma işlərinə start verilib.
18.7 km-lik 4-cü hissə üzrə yol yatağı, 7 körpü və 4 yolaltı keçidin inşası aparılır. Layihə üzrə nəzərdə tutulan 45 suötürücü borunun quraşdırılması isə son mərhələ üzrə yerinə yetirilir.
Yeni magistralın 58 km-lik 5-ci hissəsi üzrə isə tikinti işləri yekunlaşmaq mərhələsindədir. Belə ki, sözügedən hissədə yol yatağı və yol əsasının, həmçinin 22 yolaltı keçid, 320 suötürücü boru, 32 körpü və yol ötürücüsünün inşası sona çatdırılıb. Hazırda asfalt-beton örtüyünün döşənməsi, əyrixətli dəmir tirlərin quraşdırılması işləri görülür.
Magistral yolda hərəkətdə olan sürücü və sərnişinlərin təhlükəsizliyi baxımından yola hər hansı maneənin çıxmasının qarşısını almaq məqsədilə yolun hər iki tərəfdən çəpərlənməsi, ödəniş sisteminin hazırlanması, turniket, kameralar və server sisteminin quraşdırılması işləri də icra olunur.
Ümumilikdə isə yeni inşa edilən 150 km-lik magistral yol boyu 55 yol ötürücüsü və körpü, 44 yolatı keçid və 509 müxtəlif diametrlərdə dairəvi və düzbucaqlı suötürücü boru inşa edilməlidir.
2023-cü ilin əvvəlinədək tikintisinin yekunlaşdırılması planlaşdırılan yeni magistral avtomobil yolu nəqliyyat xidmətlərini daha da yaxşılaşdırmaqla yanaşı, bölgədə turizmin inkişafına əlavə təkan verəcək, dəhlizlə yük və sərnişin daşımalarında əsas rol oynayaraq, respublikamızın iqtisadi maraqlarına uyğun yüklərin, o cümlədən tranzit yüklərin daha geniş cəlb olunmasına, yük həcminin çoxalmasına və gəlirlərinin artmasına, ölkəmizin nəqliyyat infrastrukturunun inkişafına, yeni iş yerlərinin açılmasına, bir çox sosial problemlərin həllinə şərait yaradacaq.
İnanıram ki, tezliklə Xudafərin və Qız Qalası hidroqovşaqları və SES tikilməsi başa çatdırılacaq.
Trend bildirir ki, bunu Azərbaycanın İrandakı səfiri Əli Əlizadə jurnalistlərə açıqlamasında deyib.
Ə.Əlizadənin sözlərinə görə, bu layihə çərçivəsində işlər davam etdirilir.
Əlizadə əlavə edib ki, bu yaxınlarda işçi qruplarının iclası oldu. Eyni zamanda nazir müavinləri səviyyəsində daim təmaslar həyata keçirilir.
"Burada işlərin demək olar ki, 95%-i başa çatdırılıb. Qalan bir sıra işlərin həyata keçirilərək tam istifadəyə verilməsi yaxın gələcəkdə nəzərdə tutulur", - deyə o qeyd edib.