Dünya bazarında “Azeri Light” (CIF) markalı neft bahalaşıb.

Azərbaycan neftinin 1 barelə olan qiyməti 4,2 ABŞ dolları və ya 3,75% artaraq 116,1 ABŞ dolları təşkil edib.

Twitter

Dünyanın əksər dövlətlərinin Rusiyaya qarşı tutduğu mövqe, tətbiq olunan sanksiyalar Rusiya vətəndaşlarının istirahətinə də mane olacaq. Belə ki, bu il rusiyalıların adətən yay aylarında üz tutduğu turistik məkanlara getmə şansları çox aşağı dərəcədədir. Avropanın Rusiyanın üzünə qapanmış hava məkanı, viza məhdudiyyəti, eyni zamanda Rusiya hökumətinin vətəndaşlara sanksiya tətbiq edən ölkələrə getməmə çağırışı bunu deməyə əsas verir. Yaranmış vəziyyət həmçinin rusiyalı turistlərin istirahət üçün Azərbaycana üz tutacağını fikirləşməyə də əsas verir.
“Report”a mövzu ilə bağlı açıqlama verən turizm şirkətlərindən birinin rəhbəri Əziz Şiriyev də yay aylarında Avropaya gedə bilməyəcək turistlərin Azərbaycana böyük axınının gözləndiyini deyir:

“Müəyyən işlər görüb turistləri ölkəmizə cəlb etmək lazımdır. May ayında Rusiyada bayram tətili olur. Həmin vaxt üçün işlər görülməlidir.

Çalışmaq lazımdır ki, məhz bu il fürsətdən yararlana bilək. Çünki Rusiyadakı daxili sosial-iqtisadi vəziyyət onlara gələn il istirahətə pul xərcləməyə imkan verməyəcək. Baş verəcək iqtisadi böhran buna mane olacaq. Biz Rusiya ilə həmsərhəd ölkə olduğumuz üçün həm quru, həm də hava yolu ilə əlaqələri saxlaya bilirik. Yəni uçuşlar üçün hansısa dövlətin üzərindən keçməyə ehtiyacımız yoxdur. Ucuz biletlərlə Rusiyanın müxtəlif şəhərlərindən uçuşlar təşkil edə bilərik. Bu istiqamətdə artıq işlər görülür, hazırlanan paketlər tezliklə Rusiya şirkətlərinə təklif olunacaq. May ayından etibarən Bakıda çox sayda rusiyalı turist görəcəyimizi ehtimal edirəm”.

Ə.Şiriyev bildirib ki, hazırda bu işlə Azərbaycanın bütün turizm şirkətləri məşğul olur. Artıq dünən sözügedən məsələlərin müzakirə olunduğu bir tədbir təşkil olunub.

“Hazırlayacağımız təkliflər paketləri müxtəlif təbəqələrin maddi durumuna uyğun olmalıdır. Turistlər üçün istirahət zonası olaraq əsasən Bakı, Bakı ətrafı rayonlar, Quba, Qəbələ nəzərdə tutulub”, - deyə şirkət rəhbəri əlavə edib.

Başqa bir turizm şirkətinin mütəxəssisi İnara Zamanova deyir ki, hazrda situasiyaya uyğun olaraq Rusiya bazarı üçün “guaranteed” turlar hazırlanıb. Həmin turlara hər həftənin cümə günləri qruplar yığılır:

“Turlar 2-7 günlük ola bilir. Turların daxilində nəinki Bakı, regionlar üzrə belə proqram hazırlanıb. Bunun üçün promouşunlar keçirilir və e-mail üzərindən göndərilir.

Əlavə olaraq, fərdi turistlər üçün təkliflər var, onların istəklərinə və büdcələrinə uyğun olaraq özəl proqramlar 3, 4 və 5 ulduzlu hotellərin bazasında hesablanır”.

İ.Zamanova vurğulayıb ki, yaxın müddətdə biznes üçün bir neçə sərgilər keçiriləcək.

“Orada iştirak edəcək rus şirkətlərinin sayı çoxdur, onlar üçün ayrıca paketlər mövcuddur. Mart ayının 15-17-də isə Moskvada turizm sərgisi təşkil olunacaq. Orada Azərbaycan şirkətlərinin də iştirakı planlaşdırılır. Əməkdaşlıq üçün şirkətlərlə görüşlər keçiriləcək və Azərbaycana qonaqları dəvət edəcəyik”.

Mütəxəssis nəzərdə tutulan qiymətləri də açıqlayıb:

“Hazırda bir nəfər üçün 3 gün 2 gecəlik paket 138 ABŞ dolları təşkil edir.

Paketə bunlar daxildir: hotel, transfer, səhər yeməyi, gəzinti, maşın, ekskursiyada gid ve baş aşpazdan master-klass, orada olan yemək”.

Azərbaycan Hotellər və Restoranlar Assosiasiyasının İdarə Heyətinin sədri Samir Dübəndi "Report"a bildirib ki, regionda baş verənlər bizi təəssüfləndirsə də, etiraf etmək lazımdır ki, Rusiyalı turistlərin dincələ biləcəyi ölkələrin sayı məhdud olduğu üçün onların Azərbaycana axını gözlənilr:

“İlkin hesablamalara görə, üzümüzə gələn yay mövsümündə Azərbaycan Rusiyadan əlavə olaraq 300-400 min turist qəbul edəcək. Bu rəqəmin daha çox olması da gözləniləndir. Hazırda bununla bağlı turizm şirkətlərinin üzərinə xeyli işlər düşür.

Çox istərdim ki, siyasi proseslər turizmə təsir göstərməsin. Amma əfsuslar olsun ki, bu mümkün deyil. Turizm elə bir iqtisadi sahədir ki, ona bir çox kənar amillər təsir göstərir. Bu təsir mənfi də ola bilər, müsbət də. Bizim üzərimizə düşən isə həmin təsirləri bacardığımız qədər yumşaltmaq və səmərəli nəticə əldə etməkdir”.

Twitter

Rusiya-Ukrayna münaqişəsi fonunda xam neft qiymətləri yüksəlməyə davam edir.

“Brent” neftinin bir barelinin qiyməti 2014-cü ilin iyulundan bəri ilk dəfə 110 ABŞ dollarını keçib.

Buna səbəb Rusiyada enerji sektoruna sanksiya tətbiq edilməsə də, bir sıra şirkətlərin Rusiya neftindən imtina etməyə başlaması olub. Belə ki, idxalçılar Rusiya gəmilərini qəbul etməməklə bərabər tələb olunan xam nefti başqa mənbələrdən təmin etməyə çalışıb.

Həmçinin, ABŞ və digər istehsalçılar qlobal bazardakı balanssızlığı aradan qaldırmaq üçün strateji neft ehtiyatlarından ümumilikdə 60 milyon barel nefti bazara çıxarmaq üçün razılaşıb.

“Brent” neftinin may fyuçersləri 4,77% bahalaşaraq bir barel üçün 110,05 dollara satılıb və Qərbi Texas neftinin West Texas (WTI) neftinin aprel fyuçerslərinin qiyməti 4,96% artaraq 1 barel üçün 108,54 dollara çatıb.

Twitter

Moskva birjasında ticarətin ilk dəqiqələrində dollar 100,79 rubla, avro 113 rubla qədər bahalaşıb.

Ticarətin başlanğıcında ucuzlaşdıqdan sonra rubl möhkəmlənməyə başlayıb.

Dolların məzənnəsi Bakı vaxtı ilə saat 11.09-a 92,5 rubla, avro isə 103,5 rubla enib. Daha sonra isə dolların məzənnəsi 90 rubldan aşağı enib, avronun məzənnəsi isə 100 rubla düşüb.

Twitter

Dünya birjalarında neft qiymətləri artıb.

ICE London qitələrarası birjasında “Brent” markalı neftin 1 barelinin qiyməti 3,06 dollar və ya 3,12% artaraq 100,99 dollar olub.

Nyu-Yorkun NYMEX əmtəə birjasında keçirilən elektron ticarət əməliyyatlarının gedişində “WTI” neftinin 1 barelinin qiyməti 0,83 dollar və ya 0,87% artaraq 96,55 dollar təşkil edib.

Twitter

Rusiyada dolların məzənnəsi tarixi maksimum həddə çatıb.

“Bu gün Moskva birjasının açılışı ilə ticarət əməliyyatlarının əvvəlində dolların məzənnəsi 90 rubla yüksəlib.

Qeyd edək ki, Rusiya Mərkəzi Bankı bu gün milli valyutasının sanksiyalar qarşısında sürətlə ucuzlaşmasının qarşısını almaq üçün uçot dərəcəsini 20%-ə yüksəldib.

Twitter

Azərbaycan Mərkəzi Bankının bu günə olan rəsmi valyuta məzənnələrinə əsasən Rusiya rublu manat qarşısında 21,5% dəyər itirib.

"Rublun məzənnəsi 0,0157 manat təşkil edib.

Rəsmi məzənnələrə əsasən avronun məzənnəsi 0,66% azalaraq 1,8950 manat, türk lirəsi 0,9% ucuzlaşaraq 0,1207 manat, ABŞ dollarının məzənnəsi dəyişməyərək 1,7000 təşkil edib.

Twitter

"Yol-xeber.az"un xəbərinə görə, Azərbaycan Avtomobil Yolları Dövlət Agentliyi tərəfindən 2021-ci il ərzində 728.3 km uzunluğunda avtomobil yolları, prospekt və küçələr tikilmiş, yenidən qurulmuş və təmir olunmuşdur. 
Bura daxildir:
Respublika əhəmiyyətli                    - 128.4 km;
Yerli əhəmiyyətli                               - 425  km;
Bakı şəhər yolları                             - 174.9  km.
Bunlardan 606.8 km investisiya vəsaiti hesabına, 121.5 km isə “Avtomobil Yolları” Məqsədli Büdcə vəsaiti hesabına yerinə yetirilmişdir.

2021-ci il ərzində 10 yeni körpünün (İsmayıllı rayonu ərazisində 4, “Zəfər Yolu" üzərində 5, Ağcabədi rayonu ərazisində 1),  Bakı şəhərində Qala-Pirallahı avtomobil yolunun 3,6 km-də uzunluğu 76,7 m olan və Ziya Bünyadov prospektində uzunluğu 90 metr olan yeni yerüstü piyada keçidlərinin tikintisi başa çatdırılaraq əhalinin istifadəsinə verilmişdir. 

2021-ci il ərzində 17 kəndlərarası avtomobil yolları layihəsindən uzunluğu 207,4 km təşkil edən 12 layihənin icrası başa çatmış, tikintisinə ilkin vəsait ayrılmış uzunluğu 167 km təşkil edən 5 layihə üzrə işlər isə davam etdirilmişdir. 

Azərbaycan Avtomobil Yolları Dövlət Agentliyi tərəfindən Şəki, Yevlax, Ucar, Zərdab, Ağcabədi rayonlarında 61,7 km uzunluğunda 10 kənd yolunun yenidənqurulması işləri həyata keçirilmişdir. Yevlax rayonunda – 7,6 km,  Şəki rayonunda – 11,4 km, Ucar rayonunda –6,9  km,  Zərdab rayonunda -  25,6 km və Ağcabədi rayonunda – 10,2 km uzunluğa malik kənd yolu. 

Şamaxı rayonunda 45,4 km, Naftalan şəhərində 16,9 km uzunluğunda daxili yollarının yenidən qurulması və əsaslı təmiri işləri başa çatdırılmışdır. 
Bakı şəhəri və onun 12 rayonunda 123,1 km investisiya vəsaiti hesabına, 51,8 km isə “Avtomobil Yolları” Məqsədli Büdcə vəsaiti hesabına 174,9 km uzunluğunda şəhər və qəsəbə daxili avtomobil yollarının yenidən qurulması və əsaslı təmiri işləri də başa çatdırılmışdır: 
- Xəzər rayonu           - 29.2 km;
- Suraxanı rayonu      - 24.6 km;
- Binəqədi rayonu       - 21.9 km;
- Sabunçu rayonu      - 21.78 km;
- Xətai rayonu            - 14.56 km;
- Nərimanov rayonu   - 13.3 km;
- Qaradağ rayonu       - 11.43 km; 
- Səbail rayonu           - 9.51 km;         - 
- Yasamal rayonu       - 7.16 km; 
- Nəsimi  rayonu         - 6.38 km; 
- Nizami rayonu          - 6.15 km;
- Pirallahı rayonu        - 2 km.  
2021-ci il ərzində Bakı şəhər yollarında 520,6 min m2 sahədə asfalt-beton örtükdə cari təmir işləri də yerinə yetirilmişdir.     

2021-ci ildə Vətən müharibəsi dövründə avtomobil yollarına və yol qurğularına dəymiş ziyanın aradan qaldırlıması məqsədilə ayrılmış vəsait hesabına, Goranboy rayonunda 17,7 km, Daşkəsən rayonunda 1,5 km, Naftalan şəhərində 16 km, Tərtər rayonunda 9 km olmaqla ümumilikdə 44,2 km asfalt-beton örtüklü avtomobil yolu və 2 körpü bərpa edilmişdir. 

İşğaldan azad olunmuş ərazilərdə yol infrastrukturun bərpası məqsədilə Azərbaycan Avtomobil Yolları Dövlət Agentliyinə tərəfindən 2021-ci il ərzində ümumi uzunluğu 1516.3 km təşkil edən 15 avtomobil yolunun layihələndirilməsi və tikintisi işləri davam etdirilmişdir. 

Sözügedən yol infrastrukturu layihələrindən ən qürurvericisi, Azərbaycan Respublikasının Prezidenti və Birınci Xanımı 2020-ci il noyabr ayının 16-da  Füzuli və Cəbrayıl rayonlarına səfəri zamanı təməli qoyulan və Şuşa şəhərini işğaldan azad edərkən Rəşadətli Ordumuzun istifadə etdiyi “Zəfər Yolu”nun tikintisidir.  

Uzunluğu 101 km, 2 hərəkət zolaqlı olan “Zəfər Yolu” olduqca çətin dağlıq-meşəlik ərazidən keçməsinə baxmayaraq, tikintisi 10 ay ərzində başa çatdırılaraq 2021-ci il noyabr ayının 7-də Prezident İlham Əliyev və Birinci Xanım Mehriban Əliyevanın iştirakı ilə açılış mərasimi keçirilərək istifadəyə verilmişdir. Bu yol Hacıqabul-Horadiz-Ağbənd-Zəngəzur dəhlizi magistral avtomobil yolunun 149-cu km-i Əhmədbəyli kəndindən başlayır, Alxanlı kəndi, Füzuli Hava Limanı, Füzuli  şəhəri, Böyük Tağlar kəndi, Topxana meşəsi, Çanaqçı, Sığnaq, Daşaltı kəndindən keçərək Şuşa şəhərinə çatır.      

2021-ci il yanvar ayının 14-də dövlət başçısı tərəfindən Füzuli rayonunda Əhmədbəyli-Füzuli-Şuşa avtomobil yolunun tikintisinin təməlini də qoyuldu. 

Füzuli Beynəlxalq Hava limanını da əlaqələndirməklə Şuşa şəhərinə doğru uzanan və uzunluğu 81.6 km olan, birinci texniki dərəcəyə uyğun 4-6 hərəkət zolaqlı olmaqla 2-ci avtomobil yolu yüksək sürət və keyfiyyətlə inşa edilir. Əhmədbəyli-Füzuli-Şuşa avtomobil yolunun tikintisinin 2024-ci ildə başa çatdırılması üçün 2 növbəli şəkildə tikinti işləri icra olunmaqdadır. Bu yol başlanğıcını Hacıqabul-Horadiz-Ağbənd-Zəngəzur dəhlizi magistral avtomobil yolunun 157-ci km-dən götürür yol üzərində körpü və tunellərin tikilməsi nəticəsində, yüksək sürət təmin olunacaq və “Zəfər Yolu” ilə müqayisədə 19,4 km qısa olacaqdır.  

Hər bir Azərbaycanlı üçün ötən il daha br əlamətdar hadisə sözsüz ki, iki qardaş ölkənin dövlət başçılarının Horadiz-Cəbrayıl-Zəngilan-Ağbənd avtomobil yolunun (Zəngəzur dəhlizi) təməlini qoyması oldu.

123.6 km uzunluğa malik, birinci texniki dərəcəyə uyğun 4-6 hərəkət zolaqlı olmaqla inşa edilən sözügedən yol Hacıqabul-Horadiz-Ağbənd-Zəngəzur dəhlizi magistral avtomobil yolunun bir hissəsi olmaqla, Zəngilanı Azərbaycanın digər rayonları və Naxçıvan Muxtar Respublikası ilə birləşdirmək baxımından çox böyük əhəmiyyətə malikdir. Bundan başqa yolun regional əhəmiyyəti də olduqca böyükdür.

Hal-hazırda Zəngəzur dəhlizi yolunun ölkəmizdən keçən hissəsində tikinti işləri sürətlə və keyfiyyətlə davam etdirilir. Yol üzərində körpü və tunellərin inşa edilir. Artıq yolun bəzi hissələrinin asfaltlanması işlərinə də başlanılıb. 

2021-ci il ərzində işğaldan azad olunmuş Qarabağ və Şərqi Zəngəzur iqtisadi rayonları ərazilərində Toğana-Kəlbəcər-İstisu avtomobil yolu (80.7 km, 4 hərəkət zolaqlı), Kəlbəcər-Laçın avtomobil yolu (72.8 km, 2 hərəkət zolaqlı), Kəlbəcər və Laçın rayonları ərazisində yol infrastrukturunun tikintisi (726.3 km, 2 hərəkət zolaqlı), Xudafərin-Qubadlı-Laçın avtomobil yolu (70.4 km, 4 hərəkət zolaqlı), Qubadlı – Eyvazlı avtomobil yolu (28.5 km, 2 hərəkət zolaqlı), Qubadlı - Mahmudlu - Yazıdüzü - Ermənistan sərhədi avtomobil yolu (26.4 km, 2 hərəkət zolaqlı), Şükürbəyli-Cəbrayil-Hadrut avtomobil yolu (39.7 km, 4 hərəkət zolaqlı), Füzuli-Hadrut avtomobil yolu (12 km, 4 hərəkət zolaqlı), Hadrut-Tuğ-Azıx avtomobil yolu (22 km, 2 hərəkət zolaqlı), Bərdə - Ağdam avtomobil yolu (44.5 km, 4 hərəkət zolaqlı), Ağdam-Füzuli avtomobil yolu (64.8 km, 4 hərəkət zolaqlı), Talış-Tapqaraqoyunlu-Qaşaltı sanatoriyası avtomobil yolunun (22 km, 2 hərəkət zolaqlı) tikintisi işləri uğurla davam etdirilmişdir. 

Kəlbəcər rayonu işğaldan azad edildikdən sonra, Azərbaycan Avtomobil Yolları Dövlət Agentliyinin “55 № li Yol İstismarı” MMC tərəfindən Göygöl rayonundakı Toğanalı kəndindən, Murov dağındakı Ömər aşırımdan keçməklə Kəlbəcər rayonuna gedən yola xidmət göstərmək üçün Kəlbəcərin Çəpli kəndində xüsusi mexanikləşdirimiş yol sahəsi təşkil edilmiş və onun maddi-texniki bazası yeni maşın-mexanizmlər hesabına möhkəmləndirilmişdir. 2021-ci il ərzində Toğanalı-Ömər aşırımı-Kəlbəcər avtomobil yolunda aparılan lazımı təmir işləri nəticəsində fasiləsiz hərəkət təmin edilmişdir.

2021-ci ilin avqust ayının 18-də dövlətimizin başçısı və birinci xanım Kəlbəcər və Laçın rayonlarına səfərləri zamanı Toğanalı-Ömər aşırımı-Kəlbəcər avtomobil yolu ilə hərəkətləri təmin edilmiş və bu yolun üzərində Murovdağında inşa olunacaq 11.6 km-lik tunelin təməlinin qoyulması mərasimində iştirak etmişlər. Tunelin tikintisi imkan verəcək ki, Toğanalı- Kəlbəcər avtomobil yolundan bütün il boyu fasiləsiz və təhlükəsiz istifadə edilsin. 

Dövlət başçısı və birinci xanım bölgəyə səfərləri çərçivəsində uzunluğu 72,8 km olan  Kəlbəcər-Laçın avtomobil yolunun tikintisi ilə də tanış oldular. Birinci və ikinci texniki dərəcəyə uyğun tikiləcək yolun hərəkət hissəsinin eni 9-16 metr olacaq. İki və dörd hərəkət zolaqlı olacaq yol üzərində alt keçidlər və körpü inşa olunacaq. Yol üzərində 3 tunelin tikintisi aparılacaq. Tunellərin ümumi uzunluğu 9450 metr olacaq. Prezident İlham Əliyev Kəlbəcər-Laçın avtomobil yolu üzərində tikiləcək 3,4 km uzunluğundakı tunelin də təməlini qoydu.

Digər obyektlərdə də layihələndirmə işləri ilə paralel olaraq, minadan təmizləməklə tikinti işləri davam etdirilir. Möhtərəm cənab Prezident tərəfindən imzalanmış Sərəncama uyğun olaraq, Agentliyin maddi-texniki bazasının möhkəmləndirilməsi və İşğaldan azad olunmuş ərazilərdə avtomobil yollarının tikintisi və saxlanılmasında  istifadə məqsədilə  maşın-mexanizmlərin alınması da davam etdirilir. 

Qarabağ və Şərqi Zəngəzur iqtisadi rayonları ərazisində olduğu kimi respublikamızın digər ərazilərində də əvvəlki illərdə icrasına başlanılan və hazırda da davam edən yol infrastrukturu layihələrimiz var. Bunlar: 
-    Bakı-Quba-Rusiya Federasiyası ilə dövlət sərhədi birinci texniki dərəcəli avtomobil yolunun (152 km) tikintisi, 
-    M2 magistral avtomobil yolunun Gəncə-Gürcüstan Respublikası ilə dövlət sərhədi hissəsinin 4 zolağa genişləndirilməsi (130.15 km),
-    Ələt-Astara-İran İslam Respublikası ilə dövlət sərhədi avtomobil yolunun 204-207-ci km-lik hissəsinin (3 km) və Astaraçay üzərində körpünün tikintisi,
-    Azərbaycan – Rusiya Federasiyası dövlət sərhədində uzunluğu 23.7 km olan “Xanoba” və “Samur” sərhəd-keçid məntəqələri arasındakı avtomobil yolunun 4 zolağa genişləndirilməsi, 
-    Susay-Xınalıq avtomobil yolunun tikintisi ( 34.8 km), 
-    Sumqayıt-Hacı Zeynalabdin Tağıyev qəsəbəsi (16 km) avtomobil yolunun yenidən qurulması, 
-    Muğanlı-İsmayıllı-Qəbələ avtomobil yolunun (67.6 km) yenidən qurulması və Ağsu çayı ilə kəsişmədə yeni körpü və tunelin tikintisi, 
-    Qaraməryəm-İsmayıllı-Şəki avtomobil yolunun Oğuz-Şəki hissəsinin yenidən qurulması (47.2 km), 
-    Abşeron rayonu ərazisində yerləşən palçıq vulkanları ətrafındakı müasir turizm infrastrukturuna aparan uzunluğu 20.5 km yeni avtomobil yolunun tikintisi, 
-    Bakı-Böyük Kəsik dəmir yolu xəttinin Tovuz şəhərinin Rövşən Məmmədov küçəsindən keçən hissəsində avtomobillərin və piyadaların rahat hərəkətini təmin edəcək yeni yol qovşağının tikintisidir. 

Qeyd edək ki, Bakı-Quba-Rusiya Federasiyası ilə dövlət sərhədi birinci texniki dərəcəli avtomobil yolunun tikintisi, həmçinin M2 magistral avtomobil yolunun Gəncə-Gürcüstan Respublikası ilə dövlət sərhədi hissəsinin 4 zolağa genişləndirilməsi 2022-ci ildə yekunlaşdırılması planlaşdırılır.

Nəqliyyatın hərəkətinin təhlükəsizliyi ilə bağlı həyata keçirilən tədbirlər

2021-ci il ərzində Bakı şəhərində və respublikanın ümumi istifadədə olan avtomobil yollarında 924 yol nişanları, 6 927 siqnal dirəkləri, 2352 pm əyrixətli tirlər quraşdırılmış və bərpa edilmiş, 2476,9 min m2 həcmində yolların boya ilə xətlənməsi işləri yerinə yetirilmişdir.

2021-ci il ərzində Bakı şəhərində və Respublikanın ümumi istifadədə olan avtomobil yollarında yol qurğu və elementlərinə ziyan dəyməsi ilə nəticələnə 618 yol-nəqliyyat hadisəsi baş vermişdir. Bunun nəticəsində 7 803 pm əyrixətli tirlər, 118 pm beton bardür, 129,4 m2 tamet bəzək daşı, 103 m2 asfalt-beton örtük, 208  pm mühafizə çəpərləri, 25 işıq dirəyi, 25 yol nişanı, 7 məlumat lövhəsi, 3 sərnişin dayanacağı, 18 səsboğucu lövhə, 1 hidravlik baryer və mühərriki, 164 m2 alkapon üzlük və 32,5 pm körpü məhəccəri  yararsız hala düşmüşdür.

Ümumilikdə yol təsərrüfatına 725,8 min manat məbləğində maddi ziyan dəymiş, bundan 524,8 min manatı (72,3 %) ödənilmişdir. Dəymiş ziyanın qalan hissəsinin ödənilməsi məqsədilə, səbəkarları məlum olan və sığortaları olan yol nəqliyyat hadisəsi ilə bağlı müvafiq sığorta şirkətlərinə müraciət olunmuş, 3 yol nəqliyyat hadisəsi ilə bağlı avtonəqliyyat vasitələrinin sığortası olmadığına görə məhkəmələrə müraciət olunmuş, 69 yol nəqliyyat hadisəsi törətmiş səbəbkar məlum olmadığı üçün, onların araşdırılaraq tapılması məqsədilə Baş Dövlət Yol Polisi İdarəsinə müraciət olunmuşdur.   

Ekologiya və yaşıllaşdırma

Azərbaycan Avtomobil Yolları Dövlət Agentliyi 3424 km avtomobil yollarının təhkim zolağındakı yaşıllıqlara xidmət göstərilir. Hazırda magistral və respublika əhəmiyyətli avtomobil yollarının mühafizə zolağında 1 656 229 ədəd müxtəlif növ ağac və kol bitkisi mövcuddur.

Avtomobil yollarının təhkim zolağında 2019-2020-ci illərdə 193 886 ədəd, 2021-ci ildə isə 143 548 ədəd, ümumilikdə 562.4 hektar ərazidə 337 434 ədəd müxtəlif növ ağac və kol bitkisi əkilmişdir.

Agentlik tərəfindən Bakı şəhərində 138.4 hektar yaşıllıq sahəsinə, o cümlədən 17.5 hektar qazon sahəsinə, 123 163 ədəd müxtəlif növ ağac və kol bitkisinə xidmət göstərilir. 

Agentlik tərəfindən 16.82 hektar ərazidə 8 tinglik sahə yaradılıb. İndiyə kimi bu sahələrdə yetişdirilən 255 269 ədəd müxtəlif növ ağac və kol bitkisi əkin üçün istifadə edilmişdir. Hal-hazırda bu tinglik sahələrində 103 023 ədəd ağac və kol bitkisi yetişdirilir. 

YOLUNUZ AÇIQ OLSUN...

Twitter

Rusiyanın Ukraynanın paytaxtı Kiyev şəhərindəki strateji obyektləri raket atəşinə tutması rublu rekord səviyyədə ucuzlaşdırıb.

Rusiya rublu dollar qarşısında  5,77% ucuzlaşaraq 86,1198 səviyyəsinə enib.

Hadisələr fonunda daha çox ucuzlaşma nümayiş etdirən valyutalardan biri də avro olub. Avro 0,84% ucuzlaşaraq 1,1209 dollara düşüb, bu da yanvarın 31-dən bəri ən aşağı səviyyə olub.
Təhlükəsiz sığınacaq valyutaları kimi Yapon yeni və ABŞ dollarına tələb artıb. 

Avro Yapon yeni qarşısında bir aylıq minimumuna çatıb və 1,28% ucuzlaşaraq təxminən 128,37 yen olub. İsveçrə frankı qarşısında isə 2015-ci ildən bəri ən aşağı səviyyəyə enib və 0,84% azalaraq 1,0292 İsveçrə frankı olub.

Twitter