 |
|
Dünya birjalarında neft qiymətləri dəyişib.
ICE London qitələrarası birjasında “Brent” markalı neftin 1 barelinin qiyməti 0,31 dollar və ya 0,33% artaraq 93,58 dollar olub.
Nyu-Yorkun NYMEX əmtəə birjasında keçirilən elektron ticarət əməliyyatlarının gedişində “WTI” neftinin 1 barelinin qiyməti 0,19 dollar və ya 0,21% azalaraq 92,12 dollar təşkil edib.
Azərbaycanda istehsal olunan məhsullar ABŞ-ın məşhur elektron ticarət platformaları olan "Amazon" və "eBay"da satışa çıxarılacaq.
"Report" xəbər verir ki, satışlar İqtisadi İslahatların Təhlili və Kommunikasiya Mərkəzinin operatoru olduğu "Azexport" portalı vasitəsilə həyata keçiriləcək.
İlkin mərhələdə yerli istehsal olan rəsm, musiqi, ədəbiyyat və sənətkarlıq işləri kimi mədəniyyət sənayesi məhsulları, həmçinin, bəzi qida məhsulları "Amazon" və "eBay"a inteqrasiya olunub. Məhsullar alıcılara "Made in Azerbaijan" brendi ilə təqdim ediləcək. Bu, platformalarda satış proseslərinə ciddi nəzarət və yüksək keyfiyyət tələblərinin mövcud olması ilə əlaqədardır. Bundan əvvəl isə "Azexport" həmin platformalarda hər bir istehsalçı üçün fərdi satıcı hesabının yaradılması xidməti təqdim edib.
Satışların əsasən ABŞ, Böyük Britaniya, Avropa və MDB ölkələri, Yaponiya, Cənubi Koreya, Çin, Honkonq, Tayvan, Sinqapur və İsrailə həyata keçirilməsi nəzərdə tutulub. Layihə çərçivəsində dövlət təşkilatlarının dəstəyi ilə kiçik və orta biznes subyektlərinin ərsəyə gətirdiyi məhsullar da "Amazon" və "eBay"a inteqrasiya edilə bilər.
Azərbaycan Mərkəzi Bankının bu günə olan rəsmi valyuta məzənnələri açıqlanıb.
Avronun məzənnəsi 0,28% artaraq 1,9167 manat, Rusiya rublunun məzənnəsi 0,91% irəliləyərək 0,0222 manat, türk lirəsi 0,4% ucuzlaşaraq 0,1271 manat təşkil edib.
Azərbaycanda fəaliyyətini dayandıran dövlət müəssisəsi “Sumqayıt Tikinti Xidmət” ASC investisiya müsabiqəsi vasitəsilə özəlləşdirilib.
İqtisadiyyat Nazirliyindən verilən məlumata görə, müəssisənin nizamnamə kapitalının 99,91%-ni təşkil edən 129 799 səhmi “EVSAN” şirkəti tərəfindən əldə olunub. Şirkətlə imzalanan alqı-satqı müqaviləsinin şərtlərinə əsasən, dövlət büdcəsinə 1 mln. manat köçürəcəyini, ümumi həcmi 1,510 mln. manat təşkil edən İnvestisiya Proqramının icrasını, müəssisənin dövlət büdcəsinə olan borclarının ödənilməsini, habelə digər sosial-iqtisadi öhdəliklərin yerinə yetirilməsini üzərinə götürüb.
İnvestisiya Proqramına görə, dəmir-beton zavodunun qurulması, tikintidə istifadə olunan dəmir-beton dirək, müxtəlif təyinatlı tirlər, su novları, döşəmə panelləri, fasad və hasar divarları kimi məmulatların istehsalının təşkili planlaşdırılır. Layihə çərçivəsində investor tərəfindən beton qarışdırıcı, montaj texnikasının, iri tonnajlı körpülü kran, dəzgah və avadanlıqların alınması nəzərdə tutulur.
İnvestor tərəfindən İnvestisiya Proqramının bir il ərzində icrası, 30-dan az olmamaqla, yeni iş yerlərinin yaradılması planlaşdırılır.
Dünya birjalarında neft qiymətləri artıb.
“ICE London qitələrarası birjasında “Brent” markalı neftin 1 barelinin qiyməti 1,18 dollar və ya 1,31% artaraq 91,21 dollar olub.
Nyu-Yorkun NYMEX əmtəə birjasında keçirilən elektron ticarət əməliyyatlarının gedişində “WTI” neftinin 1 barelinin qiyməti 0,38 dollar və ya 0,43% artaraq 88,53 dollar təşkil edib.
"Avropa İttifaqı diplomatiyanın uğursuz olduğu ssenariyə hazır olmalıdır. Rusiyanın mavi yanacağın tədarükünü azaldacağı və ya dayandıracağı təqdirdə Avropa İttifaqı ABŞ, Qətər və Azərbaycanla qaz tədarükü məsələsi ilə bağlı danışıqlar aparır".
“Yol-xeber.az” xəbər verir ki, bu barədə Aİ diplomatiyasının rəhbəri Cozef Borel öz bloqunda yazıb.
“Rusiya təbii qaz tədarükünü azaltmaq və ya dayandırmaq qərarına gəldiyi təqdirdə qaz tədarükünü etmək və böhranla üzləşməmək üçün biz bütün variantları və ssenariləri nəzərdən keçiririk. Bu məqsədlə biz ABŞ, Qətər və Azərbaycan kimi tərəfdaşlarla danışıqalar aparırıq”, - Borrell qeyd edib.
Siyasətçi hesab edir ki, Aİ diplomatiyanın iflasa uğradığı ssenariyə hazır olmalıdır.
Aİ 92 markalı benzinin qiyməti Tarif Şurası tərəfindən tənzimləndiyi üçün bu qiymətə bazarın təsir imkanları məhduddur. Güzəştlərin çox qısa müddəti, yalnız 4 ayı əhatə etməsi yerli benzin istehsalı həyata keçirən Heydər Əliyev adına Bakı Neft Emalı Zavodunda təmir-yenidənqurma işlərinin aparılması ilə bağlıdır. Belə ki, yerli istehsalın azalmasının təklifə təsir etməməsi üçün növbəti 4 ayda idxalda güzəştlər tətbiq ediləcək.
"Bunu Milli Məclisin deputatı Vüqar Bayramov Aİ-92 benzini idxalının müvəqqəti olaraq gömrük rüsumlarından azad edilməsinin qiymətə təsirini şərh edərkən deyib. O bildirib ki, bu zaman istehlakçılara yalnız yerli deyil, eyni zamanda oxşar markalı idxal benzini də təklif ediləcək:
"Digər tərəfdən, güzəştin təsirlərini qiymətləndirmək üçün xərc müşahidələrinə ehtiyac var. İdxal edilən benzinin xərcinin aşağı salınması üçün həm güzəşt dairəsinin genişləndirilməsi, həm də güzəşt müddətinin ən azı 1 illik dövrü əhatə etməsi məqsədəuyğundur".
Qeyd edək ki, Nazirlər Kabineti Azərbaycana idxal edilən Aİ-92 avtomobil benzinini gömrük rüsumundan azad edib. Dəyişikliyə əsasən, qeyd olunan benzin növü üçün hər 1000 litr üçün gömrük rüsumu 15%-dən 0%-ə endirilib. Aİ-92 markalı benzinin idxalı zamanı aksiz vergi dərəcəsi bir ton üçün 200 manatdan 1 manata endirilib. Gələn aydan tətbiq ediləcək güzəştlər iyunun 1-dək qüvvədə qalacaq.
Vətəndaşların çoxsaylı müraciətləri nəzərə alınaraq Azərbaycanın işğaldan azad edilmiş ərazilərinə ilkin mərhələdə tətbiq edilmiş bir dəfə səfər etmək məhdudiyyəti aradan qaldırılıb.
Bu barədə Rəqəmsal İnkişaf və Nəqliyyat Nazirliyindən məlumat verilib.
Xatırladaq ki, yanvarın 24-də Azərbaycan xalqı üçün tarixi əhəmiyyəti və mədəni-mənəvi dəyəri yüksək olan Şuşa və Ağdam şəhərlərinə ilk müntəzəm avtobus marşrutları istifadəyə verilib.
Azərbaycan Mərkəzi Bankının bu günə olan rəsmi valyuta məzənnələrinə əsasən,
"Avronun məzənnəsi 0,08% artaraq 1,8974 manat, Rusiya rublunun məzənnəsi dəyişməyərək 0,0219 manat, türk lirəsi 0,7% bahalaşaraq 0,1257 manat təşkil edib.
ABŞ dollarının məzənnəsi isə dəyişməyərək 1,7000 manat olub.
"Bir neçə ildir valyuta bazarında tsikliyi görürük. Xarici valyutaya tələbin artımı ilin sonunda büdcə xərclərinin artması ilə bağlıdır".
"Yol-xeber.az" xəbər verir ki, bunu Azərbaycan Mərkəzi Bankının (AMB) sədri Elman Rüstəmov bankların dollara tələbinin artması ilə bağlı suala cavab olaraq deyib.
Onun sözlərinə görə, ilin ortalarında valyuta bazarına profisit görürük: "Mərkəzi Bank bankların dollar tələbini tam ödəyir. Bu hərraclarda banklar öz tələbatını göstərir və bütün ausionlarda isə tələbat tam ödənilir".