 |
|
ABŞ prezidenti Co Baydenin Rusiyaya qarşı sanksiyaları açıqlamasının ardından neft qiymətləri sabitləşib.
Qiymətlərin sabitləşməsinə səbəb sanksiyaların gözləniləndən daha az sərt olması olub.
Dünən sürətli artım nümayiş etdirən “Brent” markalı neftin bir barrelinin qiyməti 97 ABŞ dolları həddində ticarət olunub və daha sonra 97 ABŞ dollarından aşağı enib.
Qeyd edək ki, ABŞ Prezidenti Cozef Bayden Birləşmiş Ştatların Rusiyanın suveren borcuna qarşı sanksiyalar tətbiq etdiyini bildirib. Eləcə də, ABŞ rus elitasına və Rusiyanın dövlət inkişaf korporasiyası, iqtisadi inkişaf layihələrini maliyyələşdirən dövlət investisiya bankına (VEB) qarşı sanksiyalar tətbiq edəcəyini bildirib.
Bunun Rusiyaya qarşı sanksiyaların ilk tranşı olduğunu bildirən Bayden Rusiyanın eskalasiyaya keçəcəyi təqdirdə sanksiyaların sərtləşdirəcəyini deyib.
Analitiklər Ukrayna ətrafında vəziyyətin daha da gərginləşəcəyi təqdirdə neft qiymətlərinin 100 dollarlıq pisxoloji həddi keçəcəyini istisna etmir.
Dünya bazarında “Azeri Light” (CIF) markalı neft bahalaşıb.
“Azərbaycan neftinin 1 barelə olan qiyməti 1,34 ABŞ dolları və ya 1,35% artaraq 100,68 ABŞ dolları təşkil edib.
Rusiya Prezidenti Vladimir Putinin Donetsk və Luqansk “Xalq Respublikaları”nın Rusiya tərəfindən tanınması qərarı qızılı bahalaşdırıb.
“Dünya birjalarında qızılın dəyəri 9 aylıq maksimuma çatıb.
İqtisadi qeyri-müəyyənlik hallarında investorlar üçün “təhlükəsiz liman” hesab olunan qızılın bir unsiyasının dəyəri 0,2% artaraq 1 909,60 ABŞ dollarına çatıb. ABŞ qızıl fyuçersləri isə 0,6% bahalaşaraq 1911,50 ABŞ dolları olub.
Analitiklər Şərqi Avropada vəziyyətin pisləşəcəyi halda qızılın daha da möhkəmlənəcəyini istisna etmir.
Qeyd edək ki, sözügedən hadisələrin fonunda neft qiymətləri 7 illik maksimuma yüksəlsə də, ABŞ fond bazarında əsas səhmlərdə ucuzlaşma müşahidə olunub.
Azərbaycana idxal edilən minimum istehlak səbətinin tərkibindəki ərzaq məhsullarına gömrük rüsumları və əlavə dəyər vergisi üzrə güzəştlər veriləcək.
"Yol-xeber.az" xəbər verir ki, bu, Baş nazir Əli Əsədovun imzaladığı “Azərbaycan Respublikasında antiinflyasiya tədbirlərinin gücləndirilməsi ilə bağlı təxirəsalınmaz tədbirlər haqqında” sərəncamda əksini tapıb.
Sərəncama əsasən, 2022-ci il ərzində idxal inflyasiyasının təsirinin azaldılması məqsədilə Dövlət Gömrük Komitəsi İqtisadiyyat Nazirliyi və Maliyyə Nazirliyi ilə birlikdə idxal edilən və minimum istehlak səbətinin tərkibində ərzaq məhsullarına münasibətdə və konkret sahəni əhatə etməklə daxili istehsalda istifadə olunan aralıq məhsulların idxalına tətbiq edilən gömrük rüsumları və əlavə dəyər vergisi üzrə güzəştlərin verilməsinə, gömrükdə saxlanc və yükləmə-boşaltma xərclərinin optimallaşdırılmasına dair razılaşdırılmış təkliflərini 15 gün müddətində Nazirlər Kabinetinə təqdim etməlidir.
Azərbaycan Mərkəzi Bankının bu günə olan rəsmi valyuta məzənnələri açıqlanıb.
"Avronun məzənnəsi 0,01% azalaraq 1,9319 manat, Rusiya rublunun məzənnəsi 0,9% geriləyərək 0,0222 manat, türk lirəsi 0,2% ucuzlaşaraq 0,1251 manat təşkil edib.
ABŞ dollarının məzənnəsi dəyişməyərək 1,7000 manat olub.
Azərbaycan Mərkəzi Bankının bu günə olan rəsmi valyuta məzənnələri açıqlanıb.
Avronun məzənnəsi 0,17% artaraq 1,9320 manat, Rusiya rublunun məzənnəsi dəyişməyərək 0,0224 manat, türk lirəsi 0,4% bahalaşaraq 0,1254 manat təşkil edib.
ABŞ dollarının məzənnəsi dəyişməyərək 1,7000 manat olub.
Dünya bazarında “Azeri Light” (CIF) markalı neft bahalaşıb.
Azərbaycan neftinin 1 barelə olan qiyməti 3,13 ABŞ dolları və ya 3,21% artaraq 100,76 ABŞ dolları təşkil edib.
“Azəralüminium” MMC tərəfindən bişirilmiş karbon anod bloklarının satınalımasına dair 25 noyabr 2021-ci il tarixində elan olunmuş açıq tenderin qalibi məlum olub.
“Tenderin qalibi ÇXR-nın “Sunstone Development” Co. ltd şirkəti olub.
Qalib şirkətlə “Azəralüminium” MMC arasında 11 fevral 2022-ci il tarixində 19 mln ABŞ dolları (32,3 mln AZN) məbləğində satınalma müqaviləsi imzalanıb.
Azərbaycan Mərkəzi Bankının bu günə olan rəsmi valyuta məzənnələri açıqlanıb.
Avronun məzənnəsi 0,2% azalaraq 1,9243 manat, Rusiya rublunun məzənnəsi 1,8% irəliləyərək 0,0223 manat, türk lirəsi 0,6% ucuzlaşaraq 0,1251 manat təşkil edib.
ABŞ dollarının məzənnəsi dəyişməyərək 1,7000 manat olub.
“Ağdamın yol-nəqliyyat infrastrukturu tamamilə yenidən qurulur. Bərdə-Ağdam avtomobil yolu, dəmir yolu inşa edilir. Hesab edirəm ki, avtomobil yolu təqribən bir ilə hazır olacaq”.
Yol-xeber.az xəbər verir ki, bu barədə Prezident İlham Əliyev Ağdama səfəri zamanı rayonda həyata keçirilən infrastruktur layihələrindən danışarkən bildirib.
Dövlətimizin başçısı deyib: “Mənim göstərişimlə Füzuli-Ağdam avtomobil yolunun çəkilişi layihəsi artıq icra olunmağa başlamışdır. Bu yol həm Füzuli və Ağdam şəhərlərini birləşdirəcək, eyni zamanda, Ağdamı Füzuli Beynəlxalq Hava Limanı ilə birləşdirəcək və Ağdama başqa ölkələrdən gəlmək daha asan olacaq”.
Prezident qeyd edib ki, tarixi Zəfərdən sonra vaxt itirmədən bu işlərə start verilib, siyasi iradə ortaya qoyulub, bütün maliyyə və texniki imkanlar, kadr potensialı səfərbər edilib.
“Bütün bu işləri biz özümüz görürük, öz vəsaitimiz hesabına, büdcəmiz hesabına, heç kimdən yardım istəmədən, heç bir kredit almadan. Bunu Azərbaycan vətəndaşları edir. Əlbəttə ki, müxtəlif xarici şirkətlər artıq bu işlərdə fəal iştirak edirlər. Bu şirkətlərin sayı artmaqdadır. Mən çox şadam ki, həm yerli şirkətlər, həm xarici şirkətlər azad edilmiş torpaqlarda işləməyə can atırlar, maraq göstərirlər və biz bunu alqışlayırıq ”, - deyə Prezident İlham Əliyev vurğulayıb.
http://yol-xeber.az