 |
|
Bir ay ərzində (iyul) polisə 1307 dəfə zəng edən şəxs həbs edilib.
“Star” qəzeti xəbər verir ki, hadisə Yaponiyanın Kavaquçi şəhərində baş verib.
Polisə tez-tez zəng edən 69 yaşlı Yoşio Şimada onlara təhqirlər yağdırıb.
Şimada “polisin xidməti vəzifəsini yerinə yetirməyə mane olmaq” ittihamı ilə azadlıqdan məhrum edilib.
Onun zəng etdiyi zaman polis məmurlarına “axmaq”, “vergi oğrusu”, “məni həbs edin”, “qovuldun” kimi ifadələr işlətdiyi məlum olub.
Dindirilmə zamanı ittihamları qəbul edən şəxsə bənzər əməllərinə görə daha əvvəl də xəbərdarlıq edildiyi üzə çıxıb.
Laçın rayonunda iki il əvvəl itkin düşərək həlak olan hərbçi Fərid Məmmədovla Ağdam rayonunun Quzanlı qəsəbəsində keçirilən vida mərasimi başa çatıb.
Hərbçinin nəşi Quzanlı qəsəbəsi Şəhidlər xiyabanında dəfn olunub.
Dəfn mərasimində F.Məmmədovun doğmaları, rəsmi şəxslər, hərbçilər, hüquq-mühafizə orqanlarının əməkdaşları və ictimaiyyət nümayəndələri iştirak edib.
Laçın rayonunda 2022-ci ildə itkin düşərək həlak olan hərbçi Firdovsi Abdullayevin meyitinin qalıqları Gəncə şəhərində ailəsinə təhvil verilib.
"Report"un Qərb bürosunun məlumatına görə də, hazırda həlak olan hərbçi ilə vida mərasimi keçirilir.
Qeyd edək ki, Firdovsi Mais oğlu Abdullayev 2003-cü il fevralın 9-da Goranboy rayonunda anadan olub. F.Abdullayev və onun əsgər yoldaşı, 2003-cü il təvəllüdlü Fərid Əjdər oğlu Məmmədov 2022-ci il martın 3-də Laçın rayonunda yüksək dağlıq və çətin relyefli ərazidə hava şəraitinin qəfil dəyişməsi və çovğun səbəbindən istiqaməti itirərək itkin düşüb. Onların meyitlərinin qalıqları 2024-cü il iyulun 3-də Kəlbəcər rayonu, İstisu qəsəbəsindəki Yüzbulaq yaylağının ərazisində tapılıb.
F.Abdullayev Gəncə şəhəri Şəhidlər xiyabanında dəfn olunacaq.
Azərbaycanda tanınmış jurnalist vəfat edib.
Bu barədə sosial şəbəkələrdə məlumat verilib.
Bildirilib ki, uzun illər "Xalq" qəzetində çalışan İlham Abbasov ürək çatışmazlığı səbəbindən dünyasını dəyişib.
Qeyd edək ki, mərhum İ.Abbasov sabah Goranboy rayonunda dəfn olunacaq.
İki il əvvəl Laçında itkin düşən 2003-cü il təvəllüdlü hərbi qulluqçular - Fərid Məmmədov və Firdovsi Abdullayevin meyitləri Kəlbəcərdən tapılıb. Onlar yüksək dağlıq və çətin relyefli ərazidə hava şəraitinin qəfil dəyişməsi və çovğun səbəbindən istiqamətlərini itirərək itkin düşüblər.
Nəşi tapılan Fərid Məmmədovun atası Əjdər Məmmədov modern.az-a açıqlamasında bildirib ki, oğlunun sağ qayıdacağını gözləyirmiş:
"99% əmin idim ki, Fərid sağ-salamat evimizə qayıdacaq. İki ildir gözlərimiz yollarda idi. Allahın işi elə gətirdi ki, şəhid oldu".
Onun sözlərinə görə, Fəridin uşaqlığı çox çətin şəraitdə keçib:
"Fəridlə qardaşı çox zülmlə böyüyüblər. Fəridin uğurlu gələcəyi olacağını gözləyirdik. Əsgərlikdən sonra çox planları, arzuları var idi. İş qurmaq, bizə dəstək olmaq istəyirdi. Həmişə deyərdi ki, ata, mənə çəkdiyin əziyyətin qarşılığını verəcəyəm".
Məlumata əsasən, Fərid Məmmədovun cənazəsi sabah Ağdam şəhidlər xiyabanında dəfn olunacaq.
Xatırladaq ki, hərbçilərin itkin düşməsinə görə iki nəfər həbs olunub.
Azərbaycan Respublikasının NATO yanında Nümayəndəliyinin başçısı Cəfər Hüseynzadə və həyat yoldaşı Brüsseldə soyğunçuluğa məruz qalıblar.
Haqqin.az xəbər verir ki, azərbaycanlı diplomat xanımı ilə icarəyə götürdüyü skuterdə olan zaman iki nəfər şəxs revolverin qundağı ilə onların başına vurub. Daha sonra onlara məxsus 90 min avro dəyərində iki ədəd “Rolex” saatını oğurlayıblar.
Qeyd edək ki, Cəfər Hüseynzadə 2022-ci ilin oktyabrında Azərbaycan Respublikasının NATO yanında Nümayəndəliyinin başçısı təyin edilib.
Bakıda avtomobilin qapısını açaraq əlindəki sliahı ətrafdakı şəxslərə nümayiş etdirən şəxsin görüntüləri yayılıb.
“Qafqazinfo” xəbər verir ki, sosial şəbəkələrdə yayılan görüntülərdə “Ford Transit” markalı 07-BH-637 dövlət nömrə nişanlı avtomobilin aşağı sürətlə hərəkətdə olduğu vaxt gənc oğlanın qapını açaraq nümayişkəranə hərəkətlər etdiyini görmək mümkündür. Belə ki, o, əlindəki silahı ətrafa doğru tuşlayıb.
Silahın həqiqi və ya oyuncaq olması bilinməsə də, baş verən hadisə insanları narahat edib.
DİN Mətbuat xidmətindən saytımıza bildirilib ki, hazırda görüntülərlə bağlı araşdırma aparılır.
Avqustun 6-da gecə saat 3 radələrində paytaxtın Xəzər rayonunun Şüvəlan qəsəbəsi ərazisində taksi sifariş etmiş 2 nəfərin sürücünü döyüb bıçaqla hədələyərək “Chevrolet” markalı avtomobilini ondan almaları və avtomobillə hadisə yerindən qaçmaları barədə polisə məlumat daxil olub.
Yol-xeber.az xəbər verir ki, bu barədə DİN-in mətbuat xidmətindən məlumat daxil olub.
Xəzər Rayon Polis İdarəsinin 1-ci Polis Şöbəsi və Əlahiddə Çevik Polis Alayı əməkdaşlarının birgə keçirdikləri tədbirlər nəticəsində quldurluğu törətməkdə şübhəli bilinən 1987-ci il təvəllüdlü Əli Kazımlı və 1994-cü il təvəllüdlü Şamil Rzayev Sabunçu rayonu ərazisində avtomobillə birgə saxlanılıblar.
Araşdırma aparılır.
Avqustun 7-də Azərbaycanda hava şəraitinin əsasən yağmursuz keçəcəyi gözlənilir.
Bu barədə Milli Hidrometeorologiya Xidmətindən məlumat verilib.
Bildirilib ki, sabah Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Arabir güclənən şimal-qərb küləyi əsəcək.
Havanın temperaturu gecə 21-26° isti, gündüz 31-36° isti olacaq. Atmosfer təzyiqi normadan aşağı 753 mm civə sütunu olacaq. Nisbi rütubət gecə 70-80 %, gündüz 50-60 % olacaq.
Azərbaycanın rayonlarında havanın əsasən yağmursuz keçəcəyi, lakin gündüzdən bəzi dağlıq və dağətəyi rayonlarda arabir yağış yağacağı, şimşək çaxacağı gözlənilir. Ayrı-ayrı yerlərdə leysan xarakterli olacağı, dolu düşəcəyi ehtimalı var. Gecə və səhər bəzi yerlərdə arabir duman olacaq. Şərq küləyi ayrı-ayrı yerlərdə arabir güclənəcək.
Havanın temperaturu gecə 22-27° isti, gündüz 33-38° isti, dağlarda gecə 13-18° isti, gündüz 22-27° isti olacaq.
Laçında çayın üzəri bağlandı.
BAKU.WS xəbər verir ki, dörd hərbçimizin həlak olduğu həmin "Isti su"yun üzəri bağlanıb.
Qeyd edək ki, iyulun 30-unda Laçın rayonu ərazisində kükürd qazlı termal sularda çimərkən 4 hərbiçimiz həlak olmuşdu.
Görüntüləri təqdim edirik: