 |
|
Bir neçə ay əvvəl bağ evinin bağbanı tərəfindən bıçaqlanan həkim vəfat edib. “Qafqazinfo”nun verdiyi xəbərə görə, bu ilin iyulun 16-da tanınmış həkim, 72 yaşlı Arzu Şuşalı və həyat yoldaşı, 71 yaşlı Dilarə Əhmədova paytaxtın Şüvəlan qəsəbəsində yerləşən bağ evlərində bıçaqlanıblar.
Cütlük bağbanları İlqar Xancanova onu işdən çıxartdıqlarını bildiriblər və buna əsəbiləşən İlqar ev sahiblərini bıçaqlayıb. D.Əhmədova hadisə yerində vəfat edib, A.Şuşalı isə ağır yaralanıb.
Uzun müddət davam edən müalicəyə bağmayaraq həkim Arzu Şuşalı dünən xəstəxanada vəfat edib.
Qeyd edək ki, Şuşalı Arzu Məmməd oğlu 2000-ci ildə mərhum prezident Heydər Əliyevin fərmanı ilə "Əməkdar həkim" fəxri adı ilə təltif edilib.
Gəncədə bir nəfər intihar məqsədi ilə binanın damına çıxıb.
“Qafqazinfo” xəbər verir ki, FHN-in yaydığı məlumata görə, Böhran Vəziyyətlərində İdarəetmə Mərkəzinə Gəncə şəhərinin Nizami rayonunda 1 nəfərin beşmərtəbəli yaşayış binasının damına çıxaraq intihar etmək istəyini nümayiş etdirməsi haqda xəbər daxil olub.
Gəncə Regional Mərkəzinin müvafiq xilasetmə qüvvələri hadisə yerinə cəlb olunub. Xilasedicilər tərəfindən hadisə yerində müvafiq təhlükəsizlik tədbirləri görülüb və vətəndaşla aparılan psixoloji söhbətlər nəticəsində o, özünə qəsd etmək fikrindən daşınıb.
Əməliyyat başa çatıb.
Xəbər verdiyimiz kimi, oktyabrın 17-də Krımın Kerç şəhərində kolleclərdən birində terror aktı baş verib. Hadisə nəticəsində 15-i tələbə, 5-i kollec işçisi olmaqla 20 nəfə ölüb, 47 nəfər isə yaralanıb.
İnsidenti kollecin dördüncü kurs tələbəsi Vladislav Roslyakov törədib. O, tələbələrə atəş açdıqdan sonra özünü öldürüb.
Qanlı hadisənin artıq görüntüləri yayılıb.
Görüntülərdə gənc qatilin kollecə daxil olması, eləcə də hadisəni törətdiyi an təsvir olunub.
.jpg "Salyanda iki raket tapıldı")
Oktyabrın 18-də Salyan rayonunun Bəndovan qəsəbəsi ərazisində partlamamış hərbi sursat tapılıb.
ANAMA-dan “Qafqazinfo”ya verilən məlumata görə, bu barədə məlumat Agentliyə Dövlət Sərhəd Xidmətinin (DSX) Sahil Mühafizə Xidmətindən daxil olub.
Məlumata əsasən, Agentliyin xüsusi mobil çevik əməliyyat qrupu və DSX-nin Sahil Mühafizə Xidmətinin əməkdaşları dərhal həmin əraziyə göndərilib.
Agentliyin mütəxəssisləri və DSX-nin Sahil Mühafizə Xidmətinin əməkdaşları tərəfindən birlikdə yuxarıda adı qeyd olunmuş ərazidə dəniz sahilinə baxış keçirilib. Aparılan təcili təxirəsalınmaz operativ əməliyyat-axtarış tədbirləri nəticəsində Agentliyin mütəxəssisləri tərəfindən 2 ədəd 140 mm-lik raket (M-14) aşkar olunub, zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb.
Raketlərin tapıldığı yerin ətrafında 3 000 kv.m əraziyə yerüstü baxış keçirilib, əlavə təhlükəli əşya və qurğu aşkarlanmayıb.
.jpg)
.jpg)
Dövlət Sərhəd Xidməti Xəzər dənizində Aktaudan Bakıya gələn gəminin zəhərlənən heyət üzvləri ilə bağlı daha bir məlumat yayıb.
dünən saat 21:20 radələrində Xəzər dənizinin mərkəzi hissəsində, Pirallahı adasından 21 mil məsafədə Aktau-Bakı marşrutu üzrə hərəkət edən İran İslam Respublikasına məxsus “Nazmehr” quru yük gəmisində heyət üzvlərinin kimyəvi zəhərlənməsi ilə əlaqədar təxirəsalınmaz köməklik göstərilməsi üçün müraciət edilməsi barədə Dövlət Dəniz Agentliyindən Dövlət Sərhəd Xidmətinin Sahil Mühafizəsinə məlumat daxil olub.
Daxil olmuş məlumat dərhal dövlət sərhədinin mühafizəsində olan Dövlət Sərhəd Xidmətinin Sahil Mühafizəsinin sərhəd gözətçi gəmisinə çatdırılmış və İİR gəmisi olan koordinatlara istiqamətləndirilib.
Sərhəd gözətçi gəmisi 00:30 radələrində “Nazmehr” yük gəmisinə yan almış və 12 nəfər heyət üzvündən (1 nəfər Ukrayna, 11 nəfər İİR vətəndaşı) huşsuz vəziyyətdə olan 7 nəfəri gəminin göyərtəsinə götürərək sürətlə sahilə doğru hərəkət etmişdir. İİR vətəndaşları “Nazmehr” quru yük gəmisindən təxliyə edilərkən gəmi kapitanı onlardan 3-də həyat əlamətlərinin olmamasını bildirib. Sərhəd gözətçi gəmisində digər 4 nəfərə ilkin tibbi yardım göstərilmiş, qabaqlayıcı tədbirlər görülməklə təcili tibbi yardım maşınları Abşeron dəniz limanına çağırılmış və xilas edilmiş heyət sahilə çıxarılaraq tibb briqadalarına təhvil verilib.
Saat 04:00 radələrində “Nazmehr” quru yük gəmisinin kapitanı sərhəd gözətçi gəmisi ilə yenidən rabitə əlaqəsi saxlayaraq daha 4 nəfər heyət üzvünün vəziyyətinin pisləşməsini bildiribvə köməklik göstərilməsini xahiş edib.
Sərhəd gözətçi gəmisi müraciətə dərhal reaksiya verərək gəmiyə doğru istiqamət götürmüş və daha 4 nəfər heyət üzvü xilas edilərək Abşeron dəniz limanına çatdırılıb.
Xilas edilmiş gəmi heyəti Respublika Toksikologiya Mərkəzinə yerləşdirilib.
Moskvanın cənub-qərbində kirayə qalan azərbaycanlıların ailəsində faciə baş verib.
Oxu.Az-ın məlumatına görə, ailənin 10 yaşlı üzvü səhər yeməyi zamanı boğulub .
Hadisə yerinə gələn təcili tibbi yardım briqadası azyaşlının həyatını xilas edə bilməyib.
Nəşr yazır ki, Zülfiyyə (ad şərtidir) ailənin ikinci övladı olub və epilepsiyadan əziyyət çəkib. Üç yaşına qədər xəstəlik azyaşlının həyatına ciddi təsir etməyib. Lakin Zülfiyyənin anasının da dayə işlədiyi uşaq bağçasına gedən zaman ilk bədbəxt hadisə baş verib. Epilepsiya tutması zamanı azyaşlı yerə yıxılıb və onurğa sütununu zədələyib. Bundan sonra Zülfiyyə birinci qrup əlili olub. Azyaşlı sərbəst gəzə bilməyib, həmçinin danışmaqda və hətta yemək yeməkdə çətinlik çəkib.
Oktyabrın 18-də ailə səhər yeməyinə yığışmışdı. Ana 10 yaşlı qızına yemək yedizdirirdi. Bu zaman xırda ət tikələrindən biri Zülfiyyənin boğazında qalıb. Azyaşlı boğulmağa başlayıb. Ailə təcili tibbi yardıma zəng vurub, köməyə qonşular da gəlib. Lakin bütün səylərə baxmayaraq Zülfiyyənin həyatını xilas etmək mümkün olmayıb.
Azərbaycan Milli Elmlər Akademiyası Mərkəzi Elmi Kitabxanasının “Vikipediya” Metodik Mərkəzinin könüllüləri Azərbaycan Respublikası Milli Təhlükəsizlik Nazirliyinin sabiq əməkdaşı, Qarabağ müharibəsi veteranı mərhum Əliyev Oqtay İrşad oğlu haqqında məqalə yaradıb.
Oktyabrın 14-də saat 23 radələrində Saatlı rayonu ərazisində Goranboy rayon sakini Sərxan Mirzəyevin əlindən aldığı güllə yarası ilə xəstəxanaya gətirilməsi barədə daxil olmuş məlumatla əlaqədar dərhal polis və prokurorluq orqanlarının əməkdaşları tərəfindən müvafiq tədbirlər görülüb.
İşğal altındakı Krımın Kerç şəhərində politexnik kollecdə partlayış baş verib. Nəticədə 10 nəfər ölüb, 50-yə yaxın şəxs yaralanıb.
ilkin məlumata görə, insident məişət qazının partlaması nəticəsində baş verib.
Hadisə yerinə beş təcili yardım briqadası və yaxın yaşayış məntəqələrindən bir neçə tibbi briqada göndərilib.
***
Krımın Milli Antiterror Komitəsi texnikumdakı partlayışa müəyyən edilməyən partlayıcı qurğunun səbəb olduğunu açıqlayıb. Texnikumda təhsil alan tələbələrdən birinin sözlərinə görə, bir neçə partlayış olub və daha sonra atəş səsləri eşidilib.
***
Rusiya İstintaq Komitəsi baş verənləri terror aktı kimi dəyərləndirib. Bununla əlaqədar, üçgünlük matəm elan olunub.
***
Rusiyanın ilhaq etdiyi Krımın rəhbəri Sergey Aksenov bildirib ki, Kerçidə kollecdə partlayış qurbanlarının sayı 18-ə yüksəlib, yaralı sayı 40-dan çoxdur. Onun sözlərinə görə, hücumun təşkilatçısı 22 yaşlı dördüncü kurs tələbəsi olub. Partlayışı törətdikdən sonra gənc özünü öldürüb.
***
Rusiya İstintaq Komitəsi olayın terror aktı olması ilə bağlı daha əvvəl açılan cinayət işində dəyişiklik edib. Belə ki, cəsədlərə baxış zamanı onların odlu silahdan açılan atəşlə qətlə yetirildiyi məlum olub.
***
Krımın Kerç şəhərində politexnik kollecdə törədilmiş terror aktı nəticəsində ölənlərin sayı artaraq 19 nəfərə çatıb. Yaralıların sayının isə 47 nəfər olduğu bildirilir.
***
"Gazeta.ru" xəbər verir ki, ölənlərin sayı 20-yə çatıb. Onlardan 15-i tələbə, 5-i isə kollec işçisi olub.
Astara Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində rayon ərazisindəki evlərdən qızıl zinət əşyaları və mobil telefon oğurlayan şəxs saxlanılıb. Saxlanılarkən həmçinin onun üzərindən narkotik vasitə olan heroin aşkar edilərək götürülüb.