 |
|
Britaniyalı rejissor Ridli Skott məşhur “Qladiator” filminin ikinci hissəsini çəkməyə hazırlaşır.
1669-cu ildə Don kazakları Stepan Razinin rəhbərliyi ilə Xəzər dənizinə girirlər. Həmin il Xəzər dənizinin Sarı adası (indiki Lənkəran) yaxınlığında Razinlə Məmməd xan Astrabadlının rəhbərlik etdiyi Səfəvi donanması arasında döyüş baş verir.
Dünyanın ən böyük onlayn ensiklopediyası olan Vikipediyada Azərbaycan şairi Nizami Gəncəvi ilə bağlı düşünülmüş təxribata yol verilib.
Azərbaycanın tanınmış rəssamı Günay Mehdizadə Türkiyədə master-klass keçərək, özünün rəsm texnikasından danışıb.
Kult.az xəbər verir ki, G.Mehdizadənin master-klassı Bursadakı Merinos Atatürk Konqres və Mədəniyyət Mərkəzində reallaşıb. Tədbirin təşkilatçıları Bursa Mədəniyyət, İncəsənət və Turizm Vəqfi və Beynəlxalq Qadın Sənətçilər Dərnəyinin Bursa şöbəsidir.
Xatırladaq ki, azərbaycanlı rəssamın Mustafa Kamal Atatürkə həsr etdiyi portret Türkiyənin sərvəti kimi Ankarada Atatürkün ev muzeyində sərgilənir.
Azərbaycanda son illərdə çəkilən komediyaların bayağı olmasının əsas səbəbi qeyri-peşəkarlıqdır.
Bu nəticə Axar.az saytında keçirilən sorğuda üzə çıxıb.
Sorğuda iştirak edən respondentlərin 37.4 faizi komediyalarımızın səviyyəsinin aşağı olmasının səbəbini qeyri-peşəkarlıqda görüb. Mövcud problemin ikinci səbəbi kimi isə intellektual səviyyənin aşağı olması (32.6 faiz) göstərilib.
Aktyorluq qabiliyyəti (12.3 faiz), ssenari (11.8 faiz) və mövzu seçiminin düzgün edilməməsinin (5.9 faiz) də komediyalarımızın keyfiyyətinə ciddi təsir göstərdiyi qeyd olunub.
Ssenari filmdə, serialda vulqar və ya tabuların işlənməsini tələb etsə belə, bu ifadələr “bip”lənməli, yəni siqnal ilə gizlədilməlidir.
Bu sözləri Kult.az-a açıqlamasında tanınmış yazıçı, Azərbaycan Dövlət Mədəniyyət və İncəsənət Universitetinin “Səda” Tədris Teatrının ədəbi hissə müdiri Qan Turalı (Tural Cəfərov) ATV telekanalında yayımlanan “Təhminə və Zaur” serialında tabudan istifadə olunmasına münasibət bildirərkən deyib. O, seriallarda bu tip ifadələrin işlədilməsinin bəzi qaydaları olduğunu söyləyib:
“Serial televiziya üçün istehsal olunan məhsuldur. Bunda yaş həddi yoxdur, televizor qarşısında dayanan hər kəs seriala baxır. Kino olsaydı, başqa məsələ. Bu sözləri əvəz etmək üçün ya sinonimlər, ya da o ifadəni loyal forması tapılmalıdır. Bütün dünyada belə praktika var. Nə vaxta qədər ki, bizdə “Netfliks” kimi üzvlük tələb edən platformalar olmayacaq, o zamana qədər efirdə vulqar sözlər yolverilməzdir. Təəssüf ki, serialların bəlkə də ən ədəbli tərəfi elə bu vulqar sözlərdir. Çünki az qala, hamısı estetik mənada acınacaqlıdır”.
Qan Turalı Azərbaycan seriallarının incəsənətə zərrə qədər də aid olmamasını ən böyük vulqarlıq adlandırıb.
Tanınmış kinorejissor, Əməkdar mədəniyyət xadimi Ayaz Salayev isə küçə sözlərinin ədəbi dilə yol tapdığını bildirib:
“Bir neçə ilə bundan əvvəl Türkiyənin Antalya şəhərində teatrda oldum. Aktyorlar zalda azyaşlılar ola-ola ədəbsiz sözlər, söyüşlər işlədirdilər. Hazırda yavaş-yavaş küçə söhbətlərinin ədəbi dillə birləşməsi prosesi gedir. Yəqin, artıq get-gedə bunun qarşısını almaq olmayacaq”.
Qeyd edək ki, ATV-də yayımlanan "Təhminə və Zaur" serialında tabu sözdən istifadə olunub. Milli Televiziya və Radio Yayım Şurasının Monitorinq şöbəsinin müdiri Təvəkkül Dadaşov bildirib ki, bu cür halların efirə yol açmaması üçün yayımçılar diqqətli olmalıdır.
Güney Azərbaycanın Ərdəbil vilayətindən olan məşhur qəzəl ustadı, “Sadiq” təxəllüsü ilə tanınan Əliəsgər Sadiqifər vəfat edib.
Kult.az xəbər verir ki, o, bu gün səhər saatlarında Təbrizdə xəstəxanada uzun sürən xəstəlikdən sonra 87 yaşında dünyasını dəyişib.
Mərhumun dəfn mərasimi bu gün Ərdəbilin Yasavul məscidində baş tutacaq.
Qeyd edək ki, Əliəsgər Sadiqifərin "Söyüdlər" adlı qəzəllər məcmuəsi, "Minayi şikəstə" adlı kitabı var.
Güney azərbaycanlı ədəbiyyatsevərlərin ərsəyə gətirdiyi “Çağdaş tribunu” proqramının növbəti buraxılışında Səid Sadiqifərin şeiri təqdim edilib.
Kult.az xəbər verir ki, “Vətən” adlanan şeirin səsləndirilməsi Aynar Təbrizliyə məxsusdur.
Proqramın budəfəki buraxılışının aranjimançısı Həsrət Zənganlıdır.
Bir neçə gün əvvəl Azərbaycanda eşşək fermasının yaradılması ilə bağlı yayılan məlumatlar gündəmə çevrilib. Abşeron rayonu Məhəmmədi qəsəbəsində yerləşən fermada istehsal olunan eşşək südünün litri 80 manata satılır.
Azərbaycanlı müğənni Azər Həsənov “O Səs Türkiyə”də səsi ilə münsifləri heyran edib.