 |
|
Rusiyanın Sankt-Peterburq şəhərinin Kurort rayonunda iki yük maşını və bir mikroavtobusun dəhşətli toqquşmasından sonra baş verən yanğının görüntüsü yayılıb.
Axar.az xəbər verir ki, bu gün axşam saatlarında “İveco" yük maşını "Scania" yük maşını ilə toqquşub. Daha sonra sonuncu qarşı yola çıxıb və "Hundai Starex" tipli mikroavtobusa çırpılıb.
Qəza nəticəsində 8 nəfər həlak olub.
Amerikalı alimlər iddia edir ki, insan öldükdən sonra gözləri görür və ətrafda baş verənləri dərk edir.
Publika.az xarici mətbuata istinadən xəbər verir ki, ölüm tibbi nöqteyi-nəzərdən ürəyin fəaliyyətini dayandırması hesab olunur. Ürək dayanır və döyünmür. Bundan sonra insanın yaşaması mümkün deyil. Ancaq beyin ürək kimi ani dayanmır, tədricən "sönür". Bu da insanın öldükdən sonra müəyyən zaman kəsiyində "yaşaması" deməkdir - ətrafda olanları dərk edir, ancaq reaksiya verə bilmir. Bu vəziyyət ürək dayanandan sonra bir neçə dəqiqədən 1 saatadək davam edə bilər.
Bu mülahizə kliniki ölüm keçirən pasientlər üzərində aparılan araşdırma zamanı ortaya çıxıb. Təxminən onlardan yarısı yaşadığı hissləri xatırlayıb.
Paşanın Samsuna gəlməsi heç də yaxşı çıxış yolu deyildi.
Axar.az xəbər verir ki, bu sözləri tarixçi, akademik və yazar İlbər Ortaylı “İmperatorluqdan Cümhuriyyətə” adlı tədbirdə çıxışı zamanı deyib. O, Atatürkün Samsun səfərinin strateji xəta olduğunu bildirib:
“Niyə? Çünki çox kosmopolit və ayaqaltı, strateji baxımdan sıfır bir yerdir. Orada ilk tüfəng belə atılmaz. Azı İzmir qədər strateji baxımdan problemlidir. Nə düzgün sənayesi var, nə də doğru-düzgün burjuası – heç nəyi yoxdur. Kristallaşmamış bir yerdə dirəniş olar?”
Qeyd edək ki, Mustafa Kamal Atatürkün 1919-ci ilin 19 mayında Samsuna gəlməsi Türkiyə Cümhuriyyətinə gedən yolun ilk dayanacağı, “Qurtuluş savaşı”nın başlanğıcı hesab olunur. Atatürkün çox önəm verdiyi, eləcə də “Şərq məsələsi” adı altında məhvə məhkum olunan türklər üçün bu gün müstəqilləşmə, müasirləşmə və demokratikləşməyə gedən yolun ilk addımıdır.
“Adam” filmi XI İstanbul Beynəlxalq Memarlıq və Şəhər Film Festivalında 90 ölkədən qatılan 950 film arasında "sənədli film nominasiyası"nda ikinci yerə layiq görülüb.
İki həftə öncə evində yıxılaraq xəstəxanaya yerləşdirilən türkiyəli şoumen Mehmet Ali Erbildən şad xəbər var.
“Qafqazinfo”nun “Sözcü”yə istinadən verdiyi məlumata görə, reanimasiyada müalicə alan 61 yaşlı şoumen bu gün oyandırılıb.
Həkimi Jan Klod Kayukanın sözlərinə görə, Erbilin vəziyyəti getdikcə normallaşır.
Dünyanın ən hündür abidəsi hesab olunan heykəlin oktyabrın 31-i açılışı olacaq.
Kult.az xəbər verir ki, 1947-ci ildə Britaniyanın müstəmləkə əsarətindən qurtulmaq üçün xalq hərəkatının ən fəal üzvlərindən biri, Hindistanın milli qəhrəmanı, ölkə konstitusiyasının müəlliflərindən olan Sərdar Patelin heykəli Hindistanın Qucarat əyalətindəki Narmada çayı sahilində ucaldılıb. 410 milyon dollar vəsait hesabına başa gələn abidənin hündürlüyü 182 metrdir.
Açılış mərasimində ölkənin Baş naziri Narendra Modi iştirak edəcək.
Qeyd edək ki, heykəlin əsası qoyularkən N.Modi abidənin Nyu Yorkdakı "Azadlıq" heykəlindən iki dəfə böyük olacağını vurğulamışdı.
Bu gün səhər saatlarından etibarən Virtualaz.org saytının təşkil etdiyi xüsusi qrup Bakının Puta qəsəbəsində görkəmli Azərbaycan şairi Mikayıl Müşfiqə aid olduğu ehtimal edilən qalıqların çıxarılması üçün işə başlayıb.
Böyük ehtimalla Müşfiqə məxsus olduğu təxmin edilən qalıqlar azərbaycan əsilli rusiyalı milyarder Fərhad Əhmədovun atası Teymur Əhmədovun qalıqlarının axtarılması zamanı tapılıb. F.Əhmədov açıqlamasında bildirib ki, qalıqların tapılması haqda vaxt Mədəniyyət və Turizm Nazirliyinin rəhbərliyini məlumatlandırıb. Habelə iş adamı Müşfiqə aid olduğu təxmin edilən qalıqlarla eyni quyuda basdırılmış 10-a yaxın insan qalıqlarının (hamısı 30-cu illərdə Stalin repressiyaları zamanı güllələniblər) toplanması və gələcək araşdırma üçün ayrıca saxlanılmasını təmin edib.
Bu gün həmin qalıqlar qazılaraq çıxarılıb, onların arasından Müşfiqə aid olduğu qalıqlar ayrılıb. Fotodan da göründüyü kimi skeletin baş sümüyündə iki güllə yeri var.
Hər ehtimala qarşı digər qalıqlardan da bir neçəsi götürülüb. Növbəti mərhələdə Səhiyyə Nazirliyinin mütəxəssisləri tərəfindən Müşfiqə aid olduğu ehtimal edilən qalıqlar üzərində tədqiqat başlayacaq və nümunələr götürüləcək. Daha sonra həmin nümunələr şairin yaxınlarından birindən götürülmüş nümunələrlə müqayisə edləcək, yəni DNK analizi aparılacaq. Redaksiyamız böyük ümidlə gözləyir ki, aşkar edilən qalıqların nakam şairə məxsusluğu DNK analizi ilə təsdiqlənəcək və onu nəhayət layiq olduğu şəkildə dəfn etmək mümkün olacaq.
Hava Nəqliyyatında Baş Gömrük İdarəsinin əməkdaşları xeyli miqdarda dərman preparatı, qida əlavəsi və tibbi ləvazimatın ölkə ərazisinə qanunsuz yolla gətirilməsinə cəhdin qarşısını alıblar.
DGK-dan Axar.az-a verilən məlumata görə, İstanbul-Bakı aviareysilə gələn Azərbaycan vətəndaşı Əjdər Kərimov gömrük nəzarətini "yaşıl kanal"la keçərkən saxlanılıb və çantalarının rentgen aparatında yoxlanılması üçün "qırmızı kanal"a yönləndirilib.
Yoxlama nəticəsində çantalarda dərman preparatlarının olduğu müəyyən edilib.
Şifahi sorğu-sual zamanı Əjdər Kərimov İstanbuldan Bakıya tanışı Samir Bağırlı ilə birlikdə gəldiyini, malların sonuncuya məxsus olduğunu bildirib.
Daha sonra gömrük zonasını tərk edən Samir Bağırlının olduğu yer müəyyən edilib və o, baqajının təkrar yoxlanılması üçün geriyə qaytarılıb.
Təkrar yoxlama nəticəsində isə sahibi Samir Bağırlı olan 2 ədəd əl çantasında və 4 ədəd baqajda əvvəlcədən gömrük nəzarətinə təqdim edilməmiş, yazılı və ya elektron formada bəyan edilməmiş 137 adda dərman preparatı, qida əlavəsi, tibbi ləvazimat və 35 ədəd eynək aşkar olunub.
Faktla bağlı araşdırma aparılır.
Bu gün Azərbaycanın görkəmli şairi Hüseyn Cavidin doğum günüdür.
Hüseyn Cavid 1882-ci il oktyabrın 24-də Naxçıvanda anadan olub. İbtidai təhsilini Naxçıvanda, orta təhsilini M.T.Sidqinin “Məktəbi-tərbiyə” adlı yeni üsullu məktəbində alıb (1894-1898). 1899-1903-cü illərdə Təbrizin "Talibiyyə" mədrəsəsində təhsilini davam etdirib. İstanbul Universitetinin ədəbiyyat şöbəsini bitirdikdən sonra Naxçıvanda, daha sonra Gəncə və Tiflisdə, 1915-ci ildən isə Bakıda müəllimlik edib.
Ədəbiyyat tariximizdə ilk mənzum faciə ("Şeyx Sənan") və ilk mənzum dramın ("Ana") müəllifi olan Hüseyn Cavidin yaradıcılığı lirik şeirlər, lirik-epik, epik poemalar, dram əsərləri ilə zəngindir. Şairin "Keçmiş günlər" adlı ilk şeir kitabı 1913-cü ildə çap olunub.
XX əsr Azərbaycan romantizminin ən böyük nümayəndəsi hesab olunan Cavid daha çox dramaturq kimi tanınıb, teatrda "Cavid mərhələsi" başladıb. Onun "İblis" faciəsi öz bəşəri çalarları ilə Azərbaycan ədəbiyyatının şah əsərlərindən hesab olunur. 20-30-cu illərdə "Peyğəmbər", "Topal Teymur", "Səyavuş", "Xəyyam" kimi tarixi dramları da ədəbiyyatımızda mühüm yer tutur. Bu dramlarda, xüsusilə, "Peyğəmbər" əsərində Cavidin tarixi şəxsiyyətlərə tamamilə fərqli baxış bucağını görmək mümkündür.
Cavid Əfəndinin publisistikası da öz dəyər və sanbalına görə heç də bədii əsərlərindən geri qalmır.
Kult.az Hüseyn Cavidin 1912-ci il mayın 14-də “İqbal” qəzetində dərc olunan “Nakamlıq” yazısını təqdim edir:
“Bu gün qara torpaq, əcəlin pənceyi-qəhri Qafqaziyanın Rusiya Türklərinin, daha doğrusu, bütün türk ünsüri-nəsibinin yorulmayan, qəhrəman və çalışqan bir övladını ağuşi-əbədisinə alır.
Mirzə Abdulla Məhəmmədzadə (A. Sur), Abdulla Tofiq imzaların qəzet sütunlarında görüb bilməyən çox az qare bulunur zənn edirəm.
İştə o fəal gənc getdi. Nakam olaraq tərki-həyat etdi!
Gəncədə məbadiyi-ülumu təhsil etdikdən sonra üç sənədən ziyadə İstanbulda ikmali-təhsil ilə məşğul olub, tarix və ədəbiyyatda böyük bir ləyaqət göstərmiş olan bu dəyərli cavan, əfsus, minlərcə əfsus ki, dünyadan kam almayaraq, arzularına yetişməyərək millətinə, vətəninə lazım olan ən qiymətli bir zamanında millətini, vətənini tərk etdi, yalnız və yalnız ailə və arxadaşlarının, əhibba və vətəndaşlarının ürəyinə unudulmaz bir həsrət qoyub getdi.
Mərhum müşarileyh yaşasaydı, ədəbiyyatımıza çox böyük mənfəətlər, çox qiymətli əsərlər bəxş edəcəkdi. Zatən göstərdiyi nümunələr istiqbalının nə dərəcədə parlaq olduğunu müdəqqiq qarelərə təslim etdirmişdir zənn edirəm.
Fazili-hünərvər, ədibi-siyasətpərvər İbrahimov Sənətullabəy əfəndinin mərhum A. Sur haqqında yazmış olduğu mütaliatı hər kəs oxuyub düşünmüşdür zənn edirəm. Onun türk dilinə, türk ədəbiyyatına olan xidmətləri çox parlaq olacaqdı, əfsus ki, özü söndü, getdi…
Əvət, bu bir sənə zərfində Qafqaz, ulu Qafqaz sevgili övladlarından üç qiymətli vücud qeyb etdi.
Birincisi möhtərəm şair mərhum Sabir həzrətləri idi. Mir mumileyhi Tiflisdən Şamaxıya, yəni məzari-ədəmə doğru yollandığı sırada görmüşdüm. O lətif və düşgün sima hala gözümün önündə təcəssüm edib durur.
Qafqaz öylə nadir vücuda bir də çox çətinliklə malik ola bilər.
İkincisi vətənpərvər üləmamızdan Hacı Molla Ruhulla həzrətləri idi ki, ziyai-təhəmmülgüdazı islam ruhilə bəslənmiş hər bir vətəndaşı məhzun və dilxun etdi.
Üçüncüsü isə bu iki mərhumun heç birilə qabili-qiyas olamaz. Çünki onlar kamilən olmasa belə, yenə az-çox yaşayıb və istədikləri qədər millət və vətənlərinə ifai-xidmət edə bilmişlərdir.
Bu isə (A. Sur), hənuz yeni-yeni qol-qanad açıb, təşəbbüsatda bulunub vətən yavruları üçün, onların tərəqqiyyatı üçün çalışıb-çapalamaqda ikən, ölüm, o acı həqiqət, o müdhiş qüvvət fürsət vermədi. Biçarəni aldı götürdü, bu mütəşəbbis, gənc ədibimizin səbəbi-irtihalına gəlincə, Tiflisdə iki ay zərfində xəstəxanədə bir neçə dəfə əməliyyati-cərrahiyyə (operasiya) icra edildikdən sonra qurtulamayaraq nəhayət, əcəlin ağuşi-dəhşətnakına qovuşmuşdur. Cənab-həqq validəsinə, qardaşlarına və arxadaşlarına, dostlarına və vətəndaşlarına səbri-cəmil əta eləyə…”
Türkiyənin məşhur serialı “Savaşçı”da Xocalı soyqırımından bəhs edilib.
Musavat.com xəbər verir ki, ekran işində komandir Bəxtiyar obrazını canlandıran Kənan M.M göz yaşı içində yüzbaşı Haydara soyqırımdan danışıb. Sözügedən görüntülər insanları göz yaşına boğub.
Mahmudov “Savaşçı”da yaşananlara sosial şəbəkədə münasibət bildirib:
"Ssenaristlərdən xahiş etdim ki, Xocalını xatırlayaq. Onlar da razı oldular. Bəziləri deyir ki, niyə Türkiyə türkcəsində danışmışan? Bilərək elə danışdım ki, daha çox insan başa düşsün. Ölkəmizin adını yaşatmaq, başımıza gətirilən müsibət car çəkmək hamımızın borcudur”.