 |
|
Yaxın günlərdə Azadlıq meydanında keçiriləcək hərbi parada hazırlıq işləri başlayıb.
“Qafqazinfo” xəbər verir ki, paradın dəqiq tarixi açıqlanmasa da, hazırlıq işləri ilə bağlı sosial şəbəkədə görüntülər paylaşılıb.
Qeyd edək ki, paradda Vətən müharibəsində düşməndən qənimət kimi ələ keçirilmiş hərbi texnika nümayiş etdiriləcək.
Günel Türksoy
Fotolar: Müzəffər Nəbili
İşğaldan azad olunmuş Şuşa qalasından böyük ölçülü Azərbaycan bayrağı asılıb.
Bunu əks etdirən foto sosial şəbəkələrdə yayılıb.
Qeyd edək ki, Şuşa şəhəri 8 noyabr tarixində Azərbaycan Ordusu tərəfindən işğaldan azad edilib.
Koronavirusa yoluxma riskini üçdə birə qədər azaldan xəstəliyin adı açıqlanıb.
İsrail alimlərinin “ScienceDirect” portalında yayımladığı bir araşdırmaya görə, bronxial astma xəstələrində koronavirus xəstəliyinə tutulma riski daha azdır.
Əsərin müəlliflərindən biri həkim Yudcin Merzonun dediyinə görə, mütəxəssislərin nəticələrini izah edən üç fərziyyə var.
Birincisi, respirator allergiya SARS-CoV-2-nin hüceyrəyə girişini təmin edən ACE2-nin əhəmiyyətli dərəcədə azalması ilə əlaqəlidir.
İkincisi, astmatiklərin çoxu inhalyasiya olunmuş kortikosteroidlərdən istifadə edir ki, bu da koronavirusun replikasiyasını azalda bilər.
Alimlər bu cür xəstələrə sosial faktorun da təsir etdiyini deyirlər.
“Onlarda maska taxma, sosial məsafəni qoruma və gigiyena tətbiqetmələri də daxil olmaqla Səhiyyə Nazirliyinin təlimatlarına uyma ehtimalı daha yüksəkdir”, - deyə Merzon qeyd edib.
Həkimlər hesab edirlər ki, araşdırma əvvəlcədən mövcud vəziyyəti olan xüsusi insanlar üçün fərdi tövsiyələrin verilməsində faydalı ola biləcək.
Müzəffər Azərbaycan Ordusunun əsgərləri qələbə sevinclərini yaşamaqda davam edirlər.
Sosial şəbəkədə yayılan videoda əsgərlərin rəqs etməsi əks olunub.
Həmin videonu təqdim edirik:
Vətən müharibəsində şücaət göstərən hərbçilərimizdən biri də Aqil Quliyev olub. Əslən Ağdamdan olan Aqil Quliyevin ailəsi Bərdə rayonunda məskunlaşıb.
Baku TV-nin çəkiliş qrupu həmin ailənin qonağı olub.
Vüsalə ananın gözünü yolda qoyan Aqilin cəmi 20 yaşı olub. Amma qəhrəmanımızın Vətən uğrunda yaşadıqlarını sadalasaq, 20 vərəq nədir, kitablara sığmaz.
Valideynləri deyir ki, Aqil uşaqlıqdan torpağına, yurduna, bayrağına vurğun olub. Bu sevgisi o qədər güclü olub ki, həqiqi hərbi xidmət keçdikdən sonra hərbçi kimi yolunu davam etdirib.
Aqil Quliyev Füzuli, Cəbrayıl, Qubadlı, Zəngilan istiqamətində gedən döyüşlərdə xüsusi qəhrəmanlıq göstərib. Alınmaz qala sayılan Şuşamızın işğaldan azad edilməsində də payı olub. Amma yüksək qayalara mərdi-mərdanə dırmaşan Aqilə bu ağır savaşdan özəl pay düşüb. Müqəddəs şəhidlik zirvəsinə yüksəlmək qismət olub Aqil Quliyevə...
Aqil özü də atasına ən ümdə arzusunu deyibmiş. Oğul itkisinə üzülən ata-ana eyni zamanda “başımız ucadır” deyərək övladları ilə qürur duyurlar. Həm də Aqilin arzusunun çin olmasına görə sevinirlər.
Aqil Quliyevin qardaşı da hərbidə xidmət edir. İndi Quliyevlər ailəsi mümkün olan ən qısa zamanda Ağdama dönməyi planlaşdırırlar. 20 yaşlı şəhid qəhrəmanımızın rahatlamış ruhunun pərvaz etdiyi yerə!
Azərbaycanın daha bir rayonu – Laçın erməni faşizminin əsarətindən azad edildi və 30 ilə yaxın davam edən Laçın həsrətinə son qoyuldu. Bu gün Laçın rayonundan olan özünüməşğulluq proqramı iştirakçılarının da sevincinin, qürur duyğularının həddi-hüdudu yoxdur.
Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi tərəfindən ötən dövrdə proqrama cəlb olunanlar arasında laçınlılar da az deyil.
Proqram çərçivəsində verilmiş mal və materiallar, avadanlıqlar hesabına müxtəlif iqtisadi fəaliyyət növləri üzrə kiçik ailə bizneslərini qurublar.
Onlar yaratdıqları bu bizneslərini də Laçına aparacaqlarını və doğma yurdlarında daha da genişləndirəcəklərini söyləyirlər.
Kəlbəcər rayonundan yeni görüntülər çəkilib.
Oxu.az xəbər verir ki, videonu hərbçi lentə alıb.
Görüntüləri izləyəndə onun hansı həyəxanı keçirdiyini, illərlə vətəninə, öz doğma yurduna görə necə həsrət çəkdiyini aydın sezmək mümkündür.
Hərbçi vaxtilə yaşadıqları kəndə gedərək, orada Azərbaycan bayrağını asıb.
Həmin görüntüləri təqdim edirik:
Azərbaycan Milli Xalça Muzeyi Azərbaycanın ayrılmaz hissəsi olan Qarabağda yaradılan sənət əsərlərini rəsmi "Facebook" səhifəsində nümayiş etdirməyə davam edir.
Trend xəbər verir ki, muzeyin sosial şəbəkədəki səhifəsində "Qarabağ xalçalarının salnaməsi" rubrikasında "Açma-Yumma" xalçasından bəhs olunur.
Qədim zamanlardan bəri bu cür xalçalar Ağdam rayonunun Xıdırlı kəndində, Cəbrayıl rayonunun Papa və Sofulu kəndlərində, 18-ci əsrdən isə Şuşa şəhərində və yaxınlıqda yerləşən Xəlfəli, Şirlan kəndlərində, eləcə də Xocavənd rayonunun xalça toxuma mərkəzlərində toxunurdu.
Xovsuz xalçalar Qarabağ xalçaçılığının ən gözəl nümunələri arasında xüsusi yer tutur. Ənənəvi Kəlbəcər zili Qarabağ xalçaçılığının şah əsəri hesab olunur.
"Şabalıd-buta" xalçaları Qarabağ xalça qrupuna aiddir. Bu xalçaların istehsalının əsas mərkəzləri Ağdam, Cəbrayıl və Muğandır. Mərkəzi sahənin "qotazlı buta" və ya "əyri buta" ilə bəzədildiyi "Şabalid-buta" xalçalara da rast gəlmək olur.
Azərbaycan və Ermənistanın Kəlbəcər rayonu ərazisindən keçən dövlət sərhədlərinin demarkasiyası zamanı maraqlı hadisə baş verib.
Bununla bağlı görüntülər sosial şəbəkələrdə yayımlanıb.
Belə ki, bölgü zamanı ərazidə olan tikililərdən biri Azərbaycan sərhədləri daxilində qaldığı üçün orada olan Ermənistan bayrağı götürülüb.
Maraqlıdır ki, sərhədlərin bölgüsündə iştirak edən əsgərlərimiz həmin bayrağı məhz erməni əsgərinin özünə endirtdiriblər.
Sözügedən videonu təqdim edirik:
Müdafiə Nazirliyi Kəlbəcər rayonunun İstisu qəsəbəsindən videogörünütlər yayıb.
Həmin görüntüləri təqdim edirik: