 |
|
ABŞ-ın “Time” jurnalı 2020-ci ilin seçilən 100 şəklini yayımlayıb.
Oxu.az xəbər verir ki, jurnalda Azərbaycanın Vətən Müharibəsi zamanı Ermənistan silahlı qüvvələrinin mülki şəxslərimizə hücumu nəticəsində Bərdə şəhərindən çəkilən şəkil də yer alıb.
“28 oktyabrda Fuad İsmayılovun bacısı Ermənistan Silahlı Qüvvələrinin Bərdə şəhərinə atdığı raket hücumu nəticəsindən öldükdən sonra onun əlindən öpür” , - deyə qeyd olunub.
“Time” jurnalının seçdiyi şəkillərdən bir neçəsini təqdim edirik:
Azərbaycanın 44 günlük Vətən müharibəsində iştirak edən qəhrəmanlarımızdan biri də Rzaxanov Nihat Natiq oğludur. 2001-ci ildə Bakının Biləcəri qəsəbəsində dünyaya gələn Nihat 2007-ci ildə 301 N-li məktəbdə birinci sinfə başlayır. Ailənin maddi vəziyyəti yaxşı olmadığı üçün 9 il təhsil aldıqdan sonra işləməyə başlayır. 2019-cu ildə Ağcabədi rayonunda hərbi hissəyə yollanır.
“Report” xəbər verir ki, Nihat 44 günlük Vətən müharibəsi başlayan zaman könüllü olaraq gedir və qəhrəmancasına vuruşur. Şəhidin anası İradə xanımın sözlərinə görə, oğlu Nihat son dəfə anasına zəng edərək “Ana mən getdim” deyir və sağollaşır.
Nihat noyabr ayının 6-sı səhər saat 11 radələrində Xocavənd istiqamətində hücuma keçərkən bir neçə əsgər yoldaşına kömək edir və nəticədə başından qəlpə yarası alaraq şəhidlik zirvəsinə ucalır.
Ölümündən sonra "Vətən Uğrunda" medalı ilə təltif olunan Nihatın anasının indi yalnız bir arzusu var. Yaşadıqları ərazidəki küçəyə şəhid oğlunun adı verilsin.
Qeyd edək ki, evin, demək olar ki, tək çalışan üzvü Nihat şəhid olduqdan sonra ailənin maddi vəziyyəti yaxşı deyil. Ailə təmirsiz və şəraiti olmayan evdə yaşayır.
Bu il dekabrın 22-də nələr baş verəcək, kimlər o tarixdən sağ çıxacaq?
Rusiya mətbuatında dərc olunan bir məqalə, dünyanın sonu ilə bağlı yeni yeni bir iddia formalaşdırıb. Məqalədə bolqar görücü, məşhur Vanqanın proqnozuna əsasən, bu ilin dekabrın 22-də dünyada çevriliş olacaq.
İddiaya görə, dekabrın 22-də dünyanın dağılacağı ilə bağlı məlumatı Vanqanın qohumları ağızdan-ağıza ötürüblər.
Maraqlıdır, Bəlkə, qohumları yalan deyir?
Öz həmyerlisinin uzaqgörənliyini araşdıran başqa bir bolqar alimin dediklərinə baxaq. Veliçka Dobryanov Vanqanın görüşdüyü adamlarla söhbətlərindən onun 823 mesajının açmasını izah edir. Deyir ki, onlardan 400-ü artıq düz çıxıb, 200 –ü birmənalı deyil. 90-ı yanlış olub.
Onun sözlərinə görə, Vanqa olacaqlardan birbaşa bəhs etməyib, o yalnız tapmaca kimi deyib ki, anlayan anlasın.
Beləliklə, ölümündən əvvəl Vanqa lənətə gəlmiş beş dənə “2” rəqəmindən bəhs edib. İki dəfə həmin “2” lərin təkrarlanacağı gündən danışıb. Onun birini keçmişik - 22.02.2020-ci ildir. Biri isə hələ qarşıdadır – 22.12.2020-ni deyir.
Vanqa deyib ki, həmin gün dünyada əsaslı dəyişikliklər olacaq. Elmə görə həmin gün iki səma cismi - Yupiterlə Saturn dolça bürcü altında birləşəcək.
Deyir ki, həmin gün ola bilsin bizim yer planeti hansısa astroloji varlıqla toqquşacaq. Bu da fəsadsız ötüşməyəcək: “Günəşin üzünü yeri bürümüş qara kül örtəcək. Çaylar məcrasından çıxacaq, yer kürəsinin kiçik hissələri su altında qalacaq. Dirilər ölülərə həsəd aparacaq. Bəzi ölkələr yer üzündən silinəcək. Xeyirxah insanlar qalacaq, bədxahlar məhv olacaq. Özünü ağıllı hesab edənlər öləcək. Çox adam məhv olacaq. Ondan sonra həyat yaxşı olacaq, hətta ölümsüzlük gələcək”.
Vanqa deyib ki, həmin gün hər kəs özünü güzgüdə görəcək, dünya güzgü kimi üzünü dəyişəcək. Bəs kimlər xilas olacaq? Vanqaya görə, xeyirxah adamlar yaşayacaq. İnamlı insanlardan ibarət olacaq dünya. Dünyanın axırı olmayacaq, amma dünya dəyişəcək. Bir sözlə, deyir xeyirxah və inamlı olun ki, yaşayasınız, dünya gözəlləşsin. Axırıncı fikrə əməl etməyə etsək yaxşıdır, amma dünyanın dəyişəcəyi barədə cəfəngiyyatı eşidin, inanmayın. Xüsusən uşaqlar panikaya düşməsin, biz çox eşitmişik belə söhbətləri, həmin dünyadır.azerforum
Vətən uğrunda şəhidlik zirvəsinə ucalan qəhramanlardan biri kapitan Rəşad Abdullayevdir. Ölümündən sonra “Vətən Müharibəsi Qəhrəmanı” ordeni ilə təltif edilən şəhidimiz Murovdağ yüksəkliyinin azad olunmasında böyük sücaət göstərib. Vətən müharibəsinin başlandığı ilk günlərdə Murovdağ istiqamətində əks hücum əməliyyatlarına rəhbərlik edən Rəşad Abdullayev tabeliyində olan hərbi qulluqçularla birlikdə ermənilərin 100-ə yaxın döyüşçüsünü məhv edərək 7 postu azad edib. Hərbçi yoldaşları ona "Murov aslanı" ləqəbi veriblər.
"Ölkə.Az" xəbər verir ki, “Report”un Muğan bürosunun əməkdaşları şəhidin doğulub böyüdüyü Cəlilabadın Göytəpə kəndində evinə baş çəkib, ailəsi ilə həmsöhbət olublar.
Rəşad Abdullayev 1988 –ci ildə Cəlilabad rayonunun Göytəpə şəhərində anadan olub. 2003-cü ildə hərbi liseyə daxil olub. Hərbi lisseyi uğurla bitirindən sonra Heydər Əliyev adına Ali Hərbi Akademiyaya daxil olan Rəşad 2012-ci ildə yüksək bacarıq və xüsusi hərbi kefiyyətlərinə görə xüsusi təyinatlıların sırasına qəbul edilib.
Həyat yoldaşı Gülnar Abdullayeva deyir ki, sonuncu dəfə onunla sentyabrın 25-də danışıblar: "Daha sonra Murovdağ istqamətində gedən döyüşlərə qatılıb. Sentyabrın 28-də ağır yaralanan Rəşad Abdullayev həmin ayın 30-da şəhid olub".
Rəşad Abdullayevin atası deyir ki, üç bacının tək qardaşı olmasına baxmayaraq hərbiçi olmaqdan bir an belə çəkinməyib: "Rəşadın hərbə marağı babasından keçib. Uşaq vaxtı babasının Böyük Vətən müharibəsindən qalma orden və medallarını sinəsinə taxar qürurla gəzərdi".
Rəşad Türkiyədə və Gürcüstanda hərbi təlimlərdə iştirak edib. Aprel döyüşlərinin iştirakçısı olan şəhid ölümündən sonra “Vətən Müharibəsi Qəhramanı” ordeni ilə təltif edilib.
Qələbəmizdə payı olan şəhidlərimizdən biri də baş leytenant Vüsal Kazımov olub.
Azərbaycan Televiziyası şəhid zabitimizin ailəsindən reportaj hazırlayıb.
Şəhidin atası Kamran Kazımov oğlunun ona bağışladığı saatın dəfn günündə dayandığından söhbət açıb.
Bölük komandirinin müavini kimi Cəbrayıl, Füzuli, Xocavəndin azad olunmasında iştirak edən Kamran yaşasaydı, bu gün 30 yaşını qeyd edəcəkdi.
Dövlət Televiziyası daha bir şəhidimizin ailəsində olub. O, tarix-coğrafiya müəllimi leytenant Xalid Nəciyevdir.
Vətənini canı qədər sevən müəllim şagirdlərinə də bu hissləri aşılayıb.
Qəhrəmanlarımız haqqında olan süjetləri təqdim edirik:
Siyasət Mustafayev Qarabağımızda torpaqlarımızın azad edilməsi uğrunda işğalçı Ermənistan ordusuna qarşı igidliklə döyüşən və 24 yaşında şəhidlik zirvəsinə ucalan oğullarımızdandır.
AZƏRTAC bildirir ki, Siyasət 1996-cı ildə Ağdaş rayonunun Abad kəndində dünyaya gəlib.
2014-cü ildə həqiqi hərbi xidmətə çağırılıb və xidmətini başa vurduqdan sonra yenidən qəlbən sevdiyi və bağlandığı ordu sıralarına qayıdıb. Burada o, Azərbaycan Silahlı Qüvvələrinə layiq bir hərbçi kimi formalaşıb.
Sentyabrın 27-də işğalçı Ermənistan ordusunun Qarabağda törətdiyi növbəti, irimiqyaslı təxribata qarşı Silahlı Qüvvələrimizin başladığı əks-hücum əməliyyatının ilk vaxtlarından ön cəbhədə düşmənə qarşı igidliklə vuruşan və xeyli canlı qüvvəsini məhv edən Siyasət döyüş yoldaşları və komandirləri arasında böyük hörmət qazanıb.
Əlbəttə, heç bir müharibə şəhidsiz olmur. Gənc hərbçi Tərtərin Talış kəndi uğrunda döyüşlərdə qəhrəmancasına şəhid olub. O, ailədə bir bacının tək qardaşı idi.
Atası Akif Mustafayev şəhid oğlu ilə fəxr etdiyini bildirib:
“Oğlum Vətən Müharibəsində şəhid olub. Mənim üçün böyük təsəllidir ki, o, Prezident, Müzəffər Ali Baş Komandan İlham Əliyevin rəhbərliyi ilə cəmi 44 gündə qazanılan Böyük Qələbədə şəhidlik zirvəsinə ucalıb. Bu zirvə onu yaşadır, həmişəlik yaşadacaq”.
Ümumdünya Səhiyyə Təşkilatının (ÜST) Azərbaycandakı nümayəndəliyinin rəhbəri Hande Harmancı pandemiya şəraitində uşaqların tibbi maskadan istifadəsinin zəruri olub-olmadığı ilə bağlı məsələyə aydınlıq gətirib.
"Ölkə.Az" xəbər verir ki, H.Harmancı Trend-ə açıqlamasında bildirib ki, ÜST tərəfindən bir araya gətirilən beynəlxalq ekspert qrupu uşaqlarda COVID-19 xəstəliyi və yoluxması ilə bağlı dəlilləri, uşaqların maskadan istifadəsinə dair məhdud sübutları nəzərdən keçirib. Uşaqların psixososial ehtiyacları və inkişaf mərhələləri kimi amillərə əsasən ÜST və UNİCEF tövsiyə edir ki, beş yaşa qədər uşaqlardan maskadan istifadə etmək tələb olunmamalıdır. Bu, uşağın təhlükəsizliyinə və ümumi marağına, eləcə də minimum yardımla maskadan istifadə etmə qabiliyyətinə əsasən verilən qərardır.
H.Harmancı əlavə edib ki, ÜST və UNİCEF 6-11 yaş arası uşaqlar üçün maskadan istifadə qərarının bir sıra amillərə əsaslanmasını tövsiyə edir.
Həmin amilləri sadalayan ÜST rəsmisi qeyd edib ki, bunlar uşağın yaşadığı ərazidə virusun geniş yayılıb-yayılmaması, uşağın təhlükəsiz və düzgün şəkildə maskadan istifadə etmə qabiliyyəti, maskalara əlçatanlıq, habelə müəyyən yerlərdə maskaların yuyulması və dəyişdirilməsi (məktəblər və uşaq baxımı xidmətləri kimi), maska taxmaq, çıxarmaq və təhlükəsiz istifadə etmək üçün uşağa yetişkin tərəfindən nəzarət və təlimat, müəllimlər, valideynlər, baxıcılar və ya tibb işçiləri ilə məsləhətləşərək maska taxmağın öyrənmə və psixososial inkişafa potensial təsirini müəyyənləşdirmə, uşağın ciddi xəstəliklərə tutulma riski yüksək olan yaşlılar və yanaşı xəstəliyi olan şəxslərlə ünsiyyəti və düşdüyü şəraitdir.
H.Harmancı ÜST-ün əhaliyə həmişə yerli rəsmi qurumların tövsiyələrinə əməl etməyi məsləhət gördüyünü də vurğulayıb.
44 günlük Vətən müharibəsində qəhrəmanlıq göstərən qazilərimiz, igidlərimiz doğmalarının yanına qayıdır. Həmin qəhrəmanlardan biri də Şamaxıdan Vətən müharibəsinə yollanan Qabil Abasəliyevdir.
Qələbə müjdəsi ilə qayıdan qəhrəmanımız ilk olaraq Vətən uğurda canından keçən döyüş yoldaşlarının məzarını ziyarət edib.
Sonra avtomobil karvanı ilə yaşadığı Mədrəsə qəsəbəsinə yollanıb.
Qəsəbə sakinləri xalqın qəhrəmanına çevrilən igidimizi böyük coşqu və sevgi ilə qarşılayıblar.
Ailəsi Q.Abasəliyevin gəlişi şərəfinə qurbanlar kəsib. Uzaqda olan qohumlar isə telefonla təbriklərini çatdırıblar.
Döyüşlərdə iştirak edən qəhrəmanımız qüdrətli ordumuzun qarşında dayana bilməyən düşmənin acizliyindən danışıb.
Övladı ilə qürur duyan ana qələbə xəbərini çatdıran Ali Baş Komandan İlham Əliyevə qazi anaları adından təşəkkürünü bildirib.
“Vətən sevgisi qanla keçir. Ağlım kəsəndə atamın Qarabağ itkisindən əzab çəkdiyini görürdüm. O, Birinci Qarabağ Müharibəsinin igid döyüşçülərindən olub. Göstərdiyi şücaətlərə görə 1996-cı ildə ümummilli liderimiz Heydər Əliyev tərəfindən “Azərbaycan Bayrağı” ordeni ilə təltif olunub.
Sentyabrın 27-də Vətən Müharibəsi başlayanda atam “Get Fuad, torpaqlarımızı erməni işğalçılarından azad edin. Mən buna tam əminəm. Çünki bugünkü Azərbaycan ovaxtkı deyil” dedi”.
Ölkə.Az-ın AZƏRTAC-a istinadən xəbərinə görə, bu sətirləri Vətən Müharibəsində xüsusi təyinatlı qüvvələrin tərkibində döyüşən və şəhidlik zirvəsinə ucalan Fuad Nəcəfov öz dostlarına, döyüş yoldaşlarına danışardı.
Fuad 1990-cı ildə İsmayıllı rayonunun Qalınçaq kəndində anadan olub. 2008-ci ildə həqiqi hərbi xidmətini başa vurduqdan sonra gizirlik, sonra isə xüsusi təyinatlıların hazırlanması kurslarında iştirak edib və əsl hərbçi kimi yetişib.
Vətən Müharibəsinin ilk günlərindən peşəkar hərbiçi kimi döyüşlərə atılıb. Düşmənin 28 tankının ələ keçirilməsində, 30-dan çox texnikasının məhv edilməsində onun xüsusi rolu olub. Məhz bu cəsurluğuna görə azad olunan Suqovuşan qəsəbəsində üçrəngli bayrağımızın qaldırılması ona həvalə edilib.
Fuad Nəcəfov Füzuli, Cəbrayıl, Qubadlı rayonlarının azad olunmasında fəal iştirak edib və əsl qəhrəmanlıq nümunələri göstərib. Oktyabrın 7-də Zəngilanın azad olunması uğrunda əməliyyata gedərkən qəhrəmancasına şəhid olub.
Fuad Nəcəfov ölümündən sonra “Qarabağ” ordeni ilə təltif olunub. İndi Nəcəfovlar ailəsi üçün Fuaddan bir qız övladı yadigar qalıb.
Şəhidin atası, Birinci Qarabağ müharibəsinin qəhrəman əsgəri Taleh Nəcəfov oğlu ilə qürur duyduğunu qeyd edib:
“O, Vətən Müharibəsində qəhrəman kimi döyüşüb. Qarabağımızın azad olunmasında Silahlı Qüvvələrimizin sıralarında igidliklə vuruşub. Hələ müharibənin ilk günlərində Fuadla danışanda “Əmin ol, Ermənistan ordusu torpaqlarımızdan tezliklə qovulacaq” deyirdi.
Şükürlər olsun ki, Prezident, Müzəffər Ali Baş Komandan İlham Əliyevin rəhbərliyi ilə qısa müddətdə - cəmi 44 gündə qələbə çaldıq.
Dekabrın 10-da keçirilmiş Zəfər paradını izləyərkən sonsuz qürur hissi keçirdim. Bir daha fəxr etdim ki, Böyük Qəbələnin qazanılmasında minlərlə Vətən övladı kimi, oğlum Fuadın da payı var”.
Əbəs yerə deməyiblər, Azərbaycan qəhrəmanlar diyarı, igidlər və cəsurlar yurdudur. Bunu Vətən müharibəsində işğalçı düşmənə qan uddurub, onları torpaqlarımızdan qovan Rəşadətli Ordumuz bir daha bütün dünyaya sübut etdi.
Cəmi 44 gün davam edən Vətən Müharibəsində Azərbaycanın mərd oğulları Qarabağda qəhrəmanlıq dastanı yazdılar. Bu yeni dastan 2783 igidimizin canı bahasına yazıldı.
Vətən uğrunda son damla qanına qədər vuruşaraq şəhidlik zirvəsinə ucalan qəhrəman övladlarımızdan biri də ölümündən sonra Müzəffər Ali Baş Komandanın Sərəncamı ilə “Qarabağ” ordeni ilə təltif olunan polkovnik-leytenant Mehman Şirvanovdur.
Ölkə.Az AZƏRTAC-a istinadən xəbər verir ki, Mehman Mirəziz oğlu Şirvanov 1980-ci il fevralın 24-də Lənkəranın Ürgə kəndində dünyaya göz açıb.
O, 1986-1997-ci illərdə orta təhsilini kənd məktəbində alan Mehman 1998-2002-ci illərdə Bakı Ali Birləşmiş Komandanlıq Məktəbində oxuyub. Hərb sənətinə yiyələn zabit Mehman Şirvanov 23 il ərzində Naxçıvan, Yevlax, Tərtər və Goranboy rayonlarında nümunəvi və qüsursuz xidmət edib.
Xidmət dövründə bir sıra xarici ölkələrdə, o cümlədən Rumıniyada, Türkiyədə və NATO tərəfindən təşkil olunan ixtisasartırma kurslarına qatılıb. O, 2016-cı ildə Aprel döyüşlərində böyük igidlik göstərib.
Qəhrəman zabitimizin sonuncu döyüşü Murovdağda olur. Mehman Murovdağ yüksəkliyinin erməni təcavüzkarlarından azad edərkən sentyabrın 27-də qəhrəmancasına şəhid olub. Prezident İlham Əliyevin Sərəncamı ilə polkovnik-leytenant Mehman Şirvanov ölümündən sonra “Qarabağ” ordeni ilə təltif edilib.
Müzəffər Ali Baş Komandanın bu təltifi şəhidin atası Mirəziz Şirvanovu bir daha qürurlandırıb:
“Mehmanın “Qarabağ” ordeni ilə təltif olunmasını televiziyadan öyrəndim. Qəhrəman oğlumla bir daha qürur duydum. Orduda 23 il ərzində şərəflə xidmət edən, Vətən uğrunda canından keçən oğlumun fədakarlığını qiymətləndirdiyinə görə Müzəffər Ali Baş Komandanımıza minnətdaram. Oğlum cəsur zabit idi. Vətən müharibəsində Lənkəran rayonunun ilk şəhididir.
Qarabağımızın azad edilməsi uğrunda müharibədə Vətən qarşısında borcunu layiqincə yerinə yetirdi və “Qarabağ” ordeni ilə də təltif olundu. Mənim ən böyük təsəllim Vətən müharibəsində Zəfər qazanmağımızdır. Biz Qələbə qazandıq, Mehman kimi yüzlərlə şəhidimizin, qazimizin qanı yerdə qalması, onların qisası alındı, Qarabağı azad etdik”.
Şəhidin atası bildirib ki, Mehman hələ uşaqlıqdan mərdliyi ilə seçilirdi. Həmişə evə gələndə deyərdi ki, hər birimiz döyüş əmrinə hazır olmalıyıq. Mehman kimi zabitlərimiz düşməni məhv etmək arzusu ilə alışıb-yanırdılar.
Qəhrəmanın qardaşı Nəriman Şirvanov da Mehmanın hərbçi peşəsini məhz bu səbəbdən seçdiyini deyib: “Hələ uşaq olarkən bizə demişdi ki, Qarabağ işğaldan azad ediləcək, işğalçılar torpaqlarımızdan qovulacaqlar. Ancaq zamanı var, biz ordumuzu daha da gücləndirməliyik.
Ona görə hərbçi peşəsini seçdi. Qardaşım qətiyyətli və cəsarətli insan idi. O, orduda 23 il nümunəvi xidmət etdi. Ən böyük arzusu Qarabağın işğaldan azad olunması idi. Mehman arzusuna çatdı, Qarabağımız azaddır. İndi onun ruhu şaddır”.
Qırx yaşında şəhidlik zirvəsinə ucalan Mehman iki yaşlı qızı Nurayı əmanət qoyub. Vətən müharibəsində mənfur düşmənə ağır zərbə vuran, layiqli dərs verən şəhidlərimiz qəhrəmanlıq salnaməsinə adlarını yazdırmaqla doğma yurdumuz bölünməzliyini bütün dünyaya sübut etdilər.
Qüdrətli Ordumuz əsl qəhrəmanlıq və rəşadət göstərərək doğma torpaqlarımızı cəmi 44 gün ərzində düşməndən azad etdi. Xain düşmən torpaqlarımızdan qovuldu. Mehman kimi minlərlə Vətən övladının misilsiz qəhrəmanlığı, vətənpərvərliyi, qələbə əzmi sayəsində Azərbaycan Ordusu Zəfər çaldı. İndi hər bir şəhidin ruhu şaddır.
