 |
|
Azərbaycan Avtomobil Yolları Dövlət Agentliyi olaraq 100-dən çox üzvümüzün doğma torpaqlarımızın azadlığı uğrunda Vətən müharibəsində könüllü kimi şücaət göstərməsi ilə fəxr edir, çiyin-çiyinə çalışdığımız qəhrəmanlarımızdan bəzilərini sizə qürurla təqdim edirik.
BÜTÜN YOLLAR QARABAĞA APARIR...
Sosial şəbəkələrdə əsgərin qarşılanması ilə bağlı görüntü yayılıb.
Telegram-da yayılan kadrlarda əsgər atası əhdinə uyğun olaraq övladını belinə alıb evə gətirir.
Bu təsirli görüntülər görənlərin ürəyini sızıldadıb. Ata oğlu salamat evinə döndüyü üçün qurban da kəsdirib.
Qalib ordunun əsgərləri hər yerdə böyük hörmətlə qarşılanır. Bizə zəfər bəxş edən igidlərimiz ən gözəl sözlərə, ən böyük hörmətə layiqdir. (milli.az)
"Nəvəm atasının gödəkçəsini qucaqlayıb yatır və onu istəyir".
Bunu Ermənistan silahlı birləşmələri tərəfindən 44 günlük Vətən müharibəsi zamanı əsir götürülmüş əsgər, Gəncə şəhər sakini Bayram Kərimovun anası Zülfiyyə Kərimova "Report"un Qərb Mərkəzinə müsahibəsində bildirib.
O, övladının əsir götürüldüyünü baldızından öyrəndiyini deyib: "Ermənilər Bayramın yaralı halda əsir götürüldüyünün nümayiş olunduğu video yaymışdılar. Üçyaşlı nəvəm hər dəfə qapı döyüldüyündə "atam gəldi" deyir. Biz onun həsrətinə dözə bilmirik. Oğlum ağır yaralıdır, indi onun nə halda olduğunu bilmirik. Görəsən ona necə baxırlar, necə rəftar edirlər? Xahiş edirəm, bizə yardım göstərilsin, övladım əsirlikdən qurtarılsın".
Z.Kərimova oğlu ilə yanaşı, əsgər yoldaşı Amin Musayevin də əsir götürüldüyünü vurğulayıb:
"Onun da, övladımın da geri qaytarılmasını istəyirik"
"Bayram könüllü olaraq müharibəyə gedib. Digər oğlum da səfərbərlik zamanı çağırılmışdı və hazırda hərbi xidmətdədir. O da qardaşının yolunu gözləyir", - hərbi əsirin anası söyləyib.
Qeyd edək ki, Bayram Kərimov və Amin Musayev yaralı halda ermənilər tərəfindən əsir götürülüb və bununla bağlı videogörüntülər sosial şəbəkələrdə yayılıb.
Yaxın günlərdə Azadlıq meydanında keçiriləcək hərbi parada hazırlıq işləri başlayıb.
“Qafqazinfo” xəbər verir ki, paradın dəqiq tarixi açıqlanmasa da, hazırlıq işləri ilə bağlı sosial şəbəkədə görüntülər paylaşılıb.
Qeyd edək ki, paradda Vətən müharibəsində düşməndən qənimət kimi ələ keçirilmiş hərbi texnika nümayiş etdiriləcək.
Günel Türksoy
Fotolar: Müzəffər Nəbili
İşğaldan azad olunmuş Şuşa qalasından böyük ölçülü Azərbaycan bayrağı asılıb.
Bunu əks etdirən foto sosial şəbəkələrdə yayılıb.
Qeyd edək ki, Şuşa şəhəri 8 noyabr tarixində Azərbaycan Ordusu tərəfindən işğaldan azad edilib.
Koronavirusa yoluxma riskini üçdə birə qədər azaldan xəstəliyin adı açıqlanıb.
İsrail alimlərinin “ScienceDirect” portalında yayımladığı bir araşdırmaya görə, bronxial astma xəstələrində koronavirus xəstəliyinə tutulma riski daha azdır.
Əsərin müəlliflərindən biri həkim Yudcin Merzonun dediyinə görə, mütəxəssislərin nəticələrini izah edən üç fərziyyə var.
Birincisi, respirator allergiya SARS-CoV-2-nin hüceyrəyə girişini təmin edən ACE2-nin əhəmiyyətli dərəcədə azalması ilə əlaqəlidir.
İkincisi, astmatiklərin çoxu inhalyasiya olunmuş kortikosteroidlərdən istifadə edir ki, bu da koronavirusun replikasiyasını azalda bilər.
Alimlər bu cür xəstələrə sosial faktorun da təsir etdiyini deyirlər.
“Onlarda maska taxma, sosial məsafəni qoruma və gigiyena tətbiqetmələri də daxil olmaqla Səhiyyə Nazirliyinin təlimatlarına uyma ehtimalı daha yüksəkdir”, - deyə Merzon qeyd edib.
Həkimlər hesab edirlər ki, araşdırma əvvəlcədən mövcud vəziyyəti olan xüsusi insanlar üçün fərdi tövsiyələrin verilməsində faydalı ola biləcək.
Müzəffər Azərbaycan Ordusunun əsgərləri qələbə sevinclərini yaşamaqda davam edirlər.
Sosial şəbəkədə yayılan videoda əsgərlərin rəqs etməsi əks olunub.
Həmin videonu təqdim edirik:
Vətən müharibəsində şücaət göstərən hərbçilərimizdən biri də Aqil Quliyev olub. Əslən Ağdamdan olan Aqil Quliyevin ailəsi Bərdə rayonunda məskunlaşıb.
Baku TV-nin çəkiliş qrupu həmin ailənin qonağı olub.
Vüsalə ananın gözünü yolda qoyan Aqilin cəmi 20 yaşı olub. Amma qəhrəmanımızın Vətən uğrunda yaşadıqlarını sadalasaq, 20 vərəq nədir, kitablara sığmaz.
Valideynləri deyir ki, Aqil uşaqlıqdan torpağına, yurduna, bayrağına vurğun olub. Bu sevgisi o qədər güclü olub ki, həqiqi hərbi xidmət keçdikdən sonra hərbçi kimi yolunu davam etdirib.
Aqil Quliyev Füzuli, Cəbrayıl, Qubadlı, Zəngilan istiqamətində gedən döyüşlərdə xüsusi qəhrəmanlıq göstərib. Alınmaz qala sayılan Şuşamızın işğaldan azad edilməsində də payı olub. Amma yüksək qayalara mərdi-mərdanə dırmaşan Aqilə bu ağır savaşdan özəl pay düşüb. Müqəddəs şəhidlik zirvəsinə yüksəlmək qismət olub Aqil Quliyevə...
Aqil özü də atasına ən ümdə arzusunu deyibmiş. Oğul itkisinə üzülən ata-ana eyni zamanda “başımız ucadır” deyərək övladları ilə qürur duyurlar. Həm də Aqilin arzusunun çin olmasına görə sevinirlər.
Aqil Quliyevin qardaşı da hərbidə xidmət edir. İndi Quliyevlər ailəsi mümkün olan ən qısa zamanda Ağdama dönməyi planlaşdırırlar. 20 yaşlı şəhid qəhrəmanımızın rahatlamış ruhunun pərvaz etdiyi yerə!
Azərbaycanın daha bir rayonu – Laçın erməni faşizminin əsarətindən azad edildi və 30 ilə yaxın davam edən Laçın həsrətinə son qoyuldu. Bu gün Laçın rayonundan olan özünüməşğulluq proqramı iştirakçılarının da sevincinin, qürur duyğularının həddi-hüdudu yoxdur.
Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi tərəfindən ötən dövrdə proqrama cəlb olunanlar arasında laçınlılar da az deyil.
Proqram çərçivəsində verilmiş mal və materiallar, avadanlıqlar hesabına müxtəlif iqtisadi fəaliyyət növləri üzrə kiçik ailə bizneslərini qurublar.
Onlar yaratdıqları bu bizneslərini də Laçına aparacaqlarını və doğma yurdlarında daha da genişləndirəcəklərini söyləyirlər.
Kəlbəcər rayonundan yeni görüntülər çəkilib.
Oxu.az xəbər verir ki, videonu hərbçi lentə alıb.
Görüntüləri izləyəndə onun hansı həyəxanı keçirdiyini, illərlə vətəninə, öz doğma yurduna görə necə həsrət çəkdiyini aydın sezmək mümkündür.
Hərbçi vaxtilə yaşadıqları kəndə gedərək, orada Azərbaycan bayrağını asıb.
Həmin görüntüləri təqdim edirik: