 |
|
Könüllü olaraq cəbhəyə yollanan Kənan Kazımov Cəbrayıl istiqamətində gedən döyüşlərdə yaralanıb. Başından qəlpə yarası alan qazinin nitqində qüsurlar yaranıb.
Qazimiz döyüş zamanı mühasirəyə düşdüklərini bildirir. O deyir ki, çətinliklə də olsa, mühasirədən çıxıblar. Hətta elə şərait yaradılıb ki, ermənilər öz qazdıqları quyuya özləri düşüb.
Qazinin atası Çinar Kazımov övladı ilə fəxr etdiyini bildirir. Torpaqlarımızın işğaldan azad olunmasını uzun illərdir gözlədiyini deyir.
Ana ürəyi daha həssas olurmuş. Nə qədər balasından uzaqda olsa da, Kənan Cəbrayılda yaralananda anası Səltənət xanım bunu hiss etdiyini deyir.
Ətraflı Baku TV-nin süjetində:
Şuşa döyüşlərindən video yayılıb.
"BakuPost" xəbər verir ki, videoda əsgərlərimizin üzbəüz necə döyüşdüyü görünür.
Cəbhədə bir yerdə çiyin-çiyinə döyüşən 20 yaşlı İlkin və 18 yaşlı Elmin Şəbizadə qardaşlarının qəhramanlıqları dillərə dastan olub.
AZTV xəbər verir ki, hər iki valideynlərini itirən qardaşların döyüş bölgəsinə bir-birlərinə göstərdikləri dəstək və qayğını cəbhə dostları heyranlıqla qarşılayıb.
İlkin Şəbizadə bildirir ki, Şuşa uğrunda gedən döyüşlərdə yaralanıb. Qardaşının yarası ondan ağır olduğu üçün onu çiyninə alaraq döyüş bölgəsindən uzaqlaşıb:
“Yaralansam da, ağlım qardaşımda idi deyə heç nə hiss etmirdim. Maşına çatdıq və bizi hospitala gətirdilər. Qardaşımın ayağındakı ət sallanırdı. Çox qan itirmişdi, üşüyürdü, üzü ağappaq idi.
Bir gün qaldıq orada. Qardaşım idi, mən idim, bir də bizim üstümüzdə Allah idi. Min canım olsa, qardaşıma və əsgərlərimizə qurban verərdim. Allah şəhidlərimizə rəhmət eləsin”.
Qeyd edək ki, bir neçə dəfə əməliyyat olunan E.Şəbizadənin müalicəsi hazırda xəstəxanada davam edir.
Ətraflı AZTV-nin süjetini təqdim edirik:
Erməni işğalından azad edilmiş Kəlbəcər rayonundakı İstisu qəsəbəsinin görüntüləri yayılıb.
Milli.az xəbər verir ki, görüntülər Telegram-da yayımlanıb.
Həmin görüntüləri təqdim edirik.
Həkimlər qarın ağrısından şikayət edən amerikalı qadında, “gəzən dalaq” adı ilə bilinən nadir xəstəlik aşkar edib.
Müvafiq məlumat “New England Journal of Medicine” də yayımlanıb.
Xəstələnmədən əvvəl, 36 yaşlı qadında qaraciyər müayinəsi aparılıb, bu müddətdə heç bir dalaq anomaliyası aşkar edilməyib. Ancaq bir gün sonra qadın güclü qarın ağrısı hiss edib və qusmağa başlayıb.
Müayinədən sonra qadında dalağın 30 santimetr yerdəyişməsi aşkar edilib. Həkimlərin fikrincə, orqanın yerdəyişməsi damar sistemi ilə dalağa bağlı olan qaraciyər səbəbindən baş verib.
Qadına daha əvvəl qaraciyər sirrozu xəstəliyi diaqnozu qoyulub. Nəticədə qan dövranı çətinləşdiyi üçün çox miqdarda qan dalağa girərək onun böyüməsinə və ətrafdakı bağların uzanmasına səbəb olub.
Həkimlər hesab edir ki, dalaq üçün ən təhlükəli vəziyyət dalaq infarktıdır. Bunun nəticəsində insan ölə bilər.(Report)
Almaniyada Azərbaycanın əldə etdiyi tarixi qələbə münasibətilə aksiya keçirilib.
Diasporla İş üzrə Dövlət Komitəsindən "Ölkə.Az"a verilən məlumata görə, Almaniyanın Düsseldorf şəhərində Şimali Reyn Vestifaliya parlamentinin binası qarşısındakı aksiya Azərbaycan ordusunun tarixi qələbəsi münasibəti ilə Ali Baş Komandan İlham Əliyevə və müzəffər ordumuza dəstək məqsədilə keçirilib.
Aksiya Alman-Azərbaycan Dostluq Cəmiyyətinin təşkilatçılığı ilə 22 noyabr tarixində baş tutub.
Aksiya iştirakçıları təcavüzkar Ermənistanın işğal etdiyi Azərbaycan torpaqlarından çıxarılmasını böyük sevinc hissi ilə qarşıladıqlarını bildiriblər. Soydaşlarımız bu sevinci onlara yaşatdıqlarına görə Azərbaycan Prezidenti, Ali Baş Komandan İlham Əliyevə və rəşadətli Azərbaycan ordusuna minnətdarlıqlarını ifadə ediblər.
Aksiyada hər zaman Azərbaycanın yanında olan qardaş Türkiyəyə də təşəkkür edilib.
Vətən müharibəsindən qayıdan qəhrəman döyüşçünün evinə qayıtması zamanı çəkilmiş video izlənmə rekordları qırır.
Müharibədə hər iki gözünü itirən qəhrəman döyüşçünü atası "gözlərim sənə qurban oğlum, hər şey yaxşı olacaq" deyərək qarşılaıb. Atanın bu sözləri hər kəsi təsirləndirib. Sözügedən videonu təqdim edirik:
Ötən gecə Vətən müharibəsində iştirak etmiş Qusar gənclərinin bir qismi rayona qayıdıb.
Qəhrəman döyüşçülər rayon sakinləri tərəfindən böyük coşquyla qarşılanıb. Fotoqraf Valeh Arifoğlunun qarşılanma mərasimindən çəkdiyi maraqlı görüntüləri təqdim edirik:
Şəhid kapitan Fərid Dursunov Qaxın Qoraxan kəndində dünyaya göz açmışdı. Orta məktəbi bitirən kimi sənədlərini Ali Komandirlər Məktəbinə verib. Bu yolda bəzi çətinliklər yaşasa da, məqsədindən dönməyib.
Şəhidimizin atası Fazil Dursunov bildirir ki, üç övladı var, onlar hərbçidir və cəbhə bölgəsindədir. Onun sözlərinə görə, itkisiz müharibə olmur və şəhidlik kimin qismətinə yazılıbsa, başımızı dik tutmalıyıq.
Şəhidimizin xanımı Məryəm Dursunov həyat yoldaşı Fəridə yazdığı son mesajından danışıb: “Son mesajımda yazmışdım ki, sən mənim qəhrəmanımsan. Səninlə fəxr edirəm. Biz birlikdə zəfəri qeyd edəcəyik. Amma birlikdə qeyd edə bilməsək də, zəfəri bizə yaşatdılar”.
Azərbaycan Televiziyası şəhidimiz haqqında süjet hazırlayıb.
Həmin süjeti təqdim edirik:
"Azərkosmos" ASC bu gün işğaldan azad olumuş Kəlbəcər rayonunun “Azersky” peyki ilə çəkilmiş görüntüsünü yayıb.
"Ölkə.Az"ın məlumatına görə, səhmdar cəmiyyətinin bununla bağlı açıqlamasında deyilir:
"Ali Baş Komandan İlham Əliyevin diplomatik danışıqlar müstəvisində böyük ustalığı və ordumuzun döyüş meydanında göstərdiyi şücaəti sayəsində torpaqlarımızın hər bir qarışı erməni işğalından azad olur.
İşğal dövrü ərzində Kəlbəcər rayonunda xeyli sayda tarixi-mədəniyyət abidəsi, muzey, “İstisu” sanatoriyası və digər mühüm obyektlər erməni vandalları tərəfindən xarabalığa çevrilib.
Rayonun ərazisindəki Qafqaz Albaniyası memarlığının nümunəsi olan “Xudavəng” və “Gəncəsar” monastır kompleksləri ermənilərin təcavüzünə məruz qalıb, işğalçı tərəfindən bu məbədlər erməni kilsəsi kimi təqdim olunublar. Kəlbəcəri tərk edərkən evləri, meşələri yandıraraq rayonun ekoloji durumuna ziyan vermələri erməni barbarlığının ən son nümunəsidir".
Bu gündən etibarən Kəlbəcər azaddır! Biz qalib gəldik!
Kəlbəcər Azərbaycandır! Qarabağ Azərbaycandır!"
