 |
|
.jpg)
Koronavirus xəstələrinin ailə üzvlərinin testləri neqativ çıxmağına baxmayaraq, COVID-19-a qarşı immunitetli ola bilərlər. Alimlər bu fenomeni "səssiz immunitet" adlandırıb.
Publika.az xəbər verir ki, bu, standart testlə, yəni antikorların qan analizindən istifadə edərək aşkar edilə bilməz, ancaq infeksiyaya qarşı mübarizə aparan "yaddaş" T hüceyrələrini müəyyən etməklə ortaya çıxa bilər.
T hüceyrələri bədənin əsas silahıdır, virusları öldürmək üçün sümük iliyindəki ağ qan hüceyrələrindən ifraz olunur. İmperator Kollecinin və İngilis İmmunoloqlar Cəmiyyətinin alimləri bildirib ki, yoluxmuş şəxslərlə yaşayanların dörddə üçü (səkkizindən altısı) bu cür "sakit" və ya gizli immunitetə sahib olur.
"Qanda antikorları olmayanlar T hüceyrə reaksiyasına daha dərindən reaksiya verirlər", - deyə immunoloq və mütəxəssislər bildirib. Bu, yeni tip koronavirus testlərinin perspektivini açır.
Tədqiqatlar Avropanın müxtəlif şəhərlərində aparılıb. Təcrübə iştirakçıları ən azı bir nəfərin yoluxmuş olduğu ailələr olub. Alimlər bəzi insanların yaxınlarından infeksiya almadıqlarını, lakin antikor testinin mənfi olduğunu diqqətə çatdırıb. T hüceyrələrini sınamağa başlayanda məlum olub ki, yarıdan çoxu hələ də virusdan qoruyur.
"COVID-19 immunitetinin qeyri-adi göründüyünə dair sübutlar var, çünki bəzi insanlar yalnız yaddaş T hüceyrələrindən immuniteti göstərirlər", - İmperator Kollecinin professoru Deni Altmann deyib.
Elm adamları, İİV (İnsanın İmmunçatışmazlığı Virusu) infeksiyasının antiretrovirus dərmanlar və nikotinamidin (B3 vitamini) aqressiv birləşməsi ilə tam müalicə olma ehtimalının olduğunu bildirib.
"Qafqazinfo" "Science" nəşrinə istinadən xəbər verir ki, Braziliyanın San-Paulu şəhərindən olan 36 yaşlı pasiyentdə müalicə kursu nəticəsində viral hissəciklərin sayı sıfra enib və 2019-cu ilin mart ayında terapiyanın dayandırılmasından bu günə qədər qanında İİV aşkarlanmayıb.
Bununla yanaşı, pasiyentin qanında antikorların sayı da azalaraq limfa düyünlərində və bağırsaqlarda yoluxmuş hüceyrələrin olmamasını göstərən səviyyəyə enib. Mütəxəssislər bildirir ki, adətən antiretroviral dərmanlar qəbul edən və müalicəsini dayandıran insanların əksəriyyətində virus yükü bir neçə həftə ərzində yenidən artmağa başlayır.
Buna baxmayaraq, alimlər San-Pauludan olan xəstənin İİV-dən sağaldığını dəqiq bilmir. İndi alimlər virusun yoxluğunu tam təsdiqləmək üçün limfa düyünlərini və bağırsaq toxumalarını araşdırmalıdılar.
HİV-in məğlub edilməsi çox çətindir, çünki patogen, digər retroviruslar kimi, genetik materialını insan hüceyrələrinin DNT-sinə daxil etməklə gizlənir və bununla immunitet sistemindən yayına bilir .
Daha əvvəl antiretrovirus terapiyadan sonra bəzi sağalma xəbərlərinin vaxtından əvvəl alınmış qənaət olduğu məlum olub. Məsələn, Missisipi ştatında azyaşlı bir pasiyentin xəstəlikdən sağaldığı bildirilsə də, müalicə kursu dayandırıldıqdan iki il sonra pasiyentin bədənində virus yenidən ortaya çıxmışdı.
Dünən axşam saatlarından etibarən Bakının bəzi ərazilərində kəskin üfunət qoxusu yayılıb. Müəyyən olunub ki, həmin qoxunun mənbəyi Böyükşor gölüdür. İlkin ehtimal odur ki, qoxuya səbəb gölə axıdılan kanalizasiya sularıdır. Digər ehtimala görə, üfunət iyi “Sobsan” boya fabrikində yanğın baş verdikdən sonra yayılmağa başlayıb. Hazırda gölün ətrafında kəskin, dözülməz qoxu var.
Bakı şəhərinin Nərimanov və Binəqədi rayonlarında ətrafa kəskin qoxunun yayılması ilə bağlı Ekologiya və Təbii sərvətlər Nazirliyinin mütəxəssisləri tərəfindən araşdırma aparılır.
Milli Məclisin Regional məsələlər komitəsinin sədri, hakim Yeni Azərbaycan Partiyasının icra katibinin müavini Siyavuş Novruzov bu dəfə siyasətdən deyil, oğlu Seymur Novruzovdan danışıb.
S.Novruzov “MediaPost”a müsahibəsində övladı ilə bağlı bəzi məqamlara aydınlıq gətirib.
-Siyavuş müəllim, oğlunuz məzun oldu. Məktəbi necə oxuya bildi?
-Övladım məktəbi çox yaxşı oxuyub, başa vurdu. Müəllimləri də Seymurdan çox razı idi. Hər bir müəllimi ilə görüşür və lazım gələndə əlindən də öpürdü. Mən övladımı belə tərbiyə etmişəm. Elə bunu da yazın. Oğlum icazə almamış ayaqyoluna belə getmir.
-Ali məktəblərə qəbul imtahanları başlayıb. Seymur imtahan verib?
-Xeyr. Hələ imtahan verməyib. Yaxın günlərdə imtahanı olacaq. İnşallah, imtahanlarında yüksək nəticə əldə edər.
-Sirr deyilsə, övladınız ixtisasca nə olmaq istəyir?
-Özünə bu barədə sual verin. Amma mən istəyirdim, övladım Milli Təhlükəsizlik Nazirliyinin Akademiyasına (indiki: Dövlət Təhlükəsizliyi Xidmətinin Akademiyasına ) imtahan verib, qəbul olsun. Özü bunu istəmədi. Sonra təklif etdim ki, Fövqəladə Hallar Nazirliyinin Akademiyasında oxusun. Onu da qəbul etmədi (gülür). Özüm “paqonlu adamam” deyə, bunları təklif etdim. Amma hazırda bütün bu ixtisas seçimi məsələsini özünün ixtiyarına vermişik. Daha özü bilər. Oğlum həm də yaxşı bokusçudu.
-Boksçu kimi yarışlarda iştirak edib, qələbə qazanıb?
-Yaxşı döyüşə bilir. Amma heç vaxt yarışlarda iştirak etməyib. Oğlum o qədər ədalətli adamdır ki, bəzən mən ondan dərs götürürəm. Deyir ki, məndən zəifi necə vura bilərəm?! O qədər haqq adamıdır.
-Seymur xasiyyətcə kimə oxşayır?
-(Gülür) Babasına oxşayır. Mənim atama. Atam da elə idi. Övladım bir qarışqanı belə, ayaqlamır. Bu qədər ədaləti mən yalnız Həzrəti Əlidə olduğunu eşitmişəm.
-İnşallah, Ali məktəbə qəbul olsun, Seymurla bir müsahibə edərik...
-Seymur universitetə qəbul olsa-olmasa da, mənim üçün əhəmiyyəti yoxdur. Əsas odur, indiki dövrdə tərbiyəli övlad böyüdəsən. Sən mənim dostumsan. Bir gün onunla da müsahibə götürüb, danışarsan..
-Allah qorusun, çox sağ olun
-Sağ olun.
ABŞ “TikTok” tətbiqetməsinin ölkədə fəaliyyətini qadağan edə bilər. Bunu Fox News-a açıqlamasında ABŞ-ın dövlət katibi Mayk Pompeo söyləyib.
Son günlər sosial şəbəkələrdə “TikTok” istifadəçi məlumatlarının Çin höhümətinə ötürüldüyü haqqında məlumatlar yayılıb. Aparıcı Pompeoya “Hindistanın ardınca Amerika hakimiyyətinin, TikTok da daxil olmaqla, Çin sosial şəbəkələrinin işinə qadağa qoya bilərmi?” sualı ilə müraciət edib.
"Biz buna çox ciddi yanaşırıq. Bu məsələni mütləq nəzərdən keçirəcəyik",- deyə o, bildirib.
Bundan başqa Pompeo bu məsələdə tezliklə ABŞ-ın lazımi tədbirlər görəcəyini vurğulayıb.
Dövlət katibi ABŞ-ın bir müddət əvvəl Çinin “Huawei” və “ZTE” şirkətlərini milli təhlükəsizlik üçün nəzarətə götürüldüyünü də qeyd edib.
Xatırladaq ki, ABŞ-da 30 milyondan çox “TikTok” istifadəçisi var.
Bu günlərdə oxucularımıza “Tanış olun, Salmanov!” sənədli filmini təqdim etmişdik. Həmin film 1968-ci ildə Tümendə lentə alınıb və rəqəmsallaşdırılaraq, ikinci həyatına qovuşub.
"Ölkə.Az" xəbər verir ki, Tümen televiziyasının veteranı Anatoli Mixeyev redaksiyamızla əlaqə saxlayaraq, elə həmin 1968-ci ildə lentə alınmış daha bir filmi təqdim edib.
Film “Qardaşımız Bakı” adlanır. 52 il əvvəl lentə alınmış kadrlarda o vaxtın Bakısının unikal kadrlarını görmək mümkündür.
Bu ekran əsərini Azərbaycanın fəxri, Sibir neftini kəşf etmiş geoloq Fərman Salmanov haqqında ilk sənədli filmin davamı da adlandırmaq olar.
Bu gün Heydər Əliyev Fondunun vitse-prezidenti, “Xocalıya Ədalət” kampaniyasının təşəbbüskarı, BMT-nin Ərzaq və Kənd Təsərrüfatı Təşkilatının (FAO) xoşməramlı səfiri, İslam Əməkdaşlıq Təşkilatı Gənclər Forumunun mədəniyyətlərarası dialoq üzrə baş əlaqələndiricisi, Rusiyadakı Azərbaycanlı Gənclər Təşkilatının (AMOR) sədri, Ətraf Mühitin Mühafizəsi Naminə Beynəlxalq Dialoq İctimai Birliyinin (IDEA) təsisçisi və sədri Leyla İlham qızı Əliyevanın doğum günüdür.
Leyla Əliyeva 3 iyul 1985-ci ildə dünyaya gəlib.
1989-2000-ci illərdə Bakı şəhərində 160 saylı tam orta məktəbdə təhsil alıb.
2000-ci ildə orta məktəbi bitirib və Avropa Biznes Məktəbinə daxil olub.
2006-2008-ci illərdə Moskva Dövlət Beynəlxalq Münasibətlər İnstitutunun magistratura pilləsində təhsil alıb.
10 may 2007-ci ildən Heydər Əliyev Fondunun Rusiya nümayəndəliyinin rəhbəri, 2011-ci ildən isə Fondun vitse-prezidentidir.
Leyla Əliyeva Heydər Əliyev Fondunun vitse-prezidenti olaraq, qayğıya, yardıma daha çox ehtiyacı olanlara böyük diqqət yetirir. O, öz ad gününü ənənəvi olaraq qayğı göstərdiyi və yorulmadan kömək etdiyi uşaqların yanında keçirir.
O, yaşlı insanlara, valideyn qayğısından məhrum olmuş uşaqlara, qaçqın və məcburi köçkün ailələrinə yardım göstərir.
Bundan başqa, Leyla Əliyeva təhsil, səhiyyə, idman və mədəniyyət sahələrində bir çox layihələrdə bilavasitə iştirak edir.
Leyla Əliyevanın rəhbərlik etdiyi AMOR Rusiyada ən fəal və nüfuzlu gənclər strukturuna çevrilib. Təşkilatın coğrafi məkanı daim genişlənir, onun himayəsi altında keçirilən tədbirlərin sayı artır. Leyla Əliyevanın rəhbərliyi altında AMOR Rusiya sakinlərini Azərbaycanın tarixi və mədəniyyəti ilə daha yaxından tanış etmək üçün fəal çalışır.
Eyni zamanda, AMOR üzvü olan gənc azərbaycanlılar öz köklərini unutmur və Vətənlə sıx bağlılığı hiss edirlər.
Leyla Əliyeva 2007-ci il dekabrın 19-da Moskvada “Baku” jurnalını təsis edib.
2008-ci il mayın 8-dən start götürmüş “Xocalıya Ədalət” kampaniyasının təşəbbüskarıdır.
Artıq 11 ildən çoxdur ki, bu təşəbbüs çərçivəsində bütün dünyada – Avropadan Amerikayadək – yeni tarixin ən dəhşətli hadisələrindən olan Xocalı soyqırımı haqqında həqiqətlərin insanlara çatdırılmasına xidmət edən tədbirlər və aksiyalar keçirilir.
Kampaniya çərçivəsində Leyla Əliyevanın aktiv fəaliyyəti Ermənistanın Azərbaycana qarşı təcavüzkar siyasətinin ifşa edilməsinə böyük töhfə verib və işğalçıların əsl simasının üzə çıxmasına imkan yaradıb.
2011-ci ilin iyulunda Azərbaycanla bağlı həqiqətlərin dünya ictimaiyyətinə çatdırılmasında xidmətlərinə görə Azərbaycan Respublikasının Prezidenti İlham Əliyevin sərancamı ilə “Tərəqqi” medalı ilə təltif olunub.
2011-ci ilin noyabrında Nyu-Yorkda humanitar aksiyalarda fəal iştirakına görə “Key to life” fəxri mükafatına layiq görülüb.
12 sentyabr 2012-ci ildə “Həştərxan vilayəti qarşısında xidmətlərinə görə” medalı ilə təltif olunub.
IDEA-nın təsisçisi olan Leyla Əliyeva 5 aprel 2013-cü ildə “Ekoloji mühitin qorunmasına görə” xüsusi beynəlxalq şərəf mükafatı ilə də mükafatlandırılıb.
Qeyd edək ki, IDEA İctimai Birliyinin təsisçisi və rəhbəri Leyla Əliyevanın təşəbbüsü ilə “Bizim həyət” layihəsi çərçivəsində indiyə qədər 25 həyət abadlaşdırılaraq sakinlərin istifadəsinə verilib.
Təsis edildiyi gündən Birliyin dəstəyi ilə ölkədə milyonlarla ağac əkilib. Leyla Əliyeva, həmçinin, sosial və ekoloji layihələri özündə birləşdirən “Məktəb bağları” layihəsinin təşəbbüskarıdır. Layihənin birinci aksiyası zamanı Bakı məktəblərindən birinin həyətində Leyla Əliyevanın iştirakı ilə 100 ədəd badam, gavalı və nar ağacı əkilib.
Bundan başqa, Leyla Əliyeva 2013-cü il dekabrın 20-də III dərəcəli Müqəddəs Mələksima “Knyaginya Olqa” ordeni və “Volqoqrad vilayəti qarşısında xidmətlərə görə” medalı ilə təltif olunub.
2015-ci ilin may ayında Leyla Əliyeva aclıqla mübarizə, ərzaq təhlükəsizliyinin təmin olunması, kənd təsərrüfatı, meşə və balıqçılıq təsərrüfatının səmərəliyinin artırılması, sağlam ərzaq sistemlərinin yaradılması kimi məqsədlərə nail olunmasına verdiyi töhfəyə görə BMT-nin Ərzaq və Kənd Təsərrüfatı Təşkilatının xoşməramlı səfiri adına layiq görülüb.
20 oktyabr 2015-ci ildə “Puşkin” medalı ilə təltif olunub.
2016-cı il sentyabrın 28-də Moskva Dövlət Beynəlxalq Münasibətlər İnstitutunun Elmi Şurasının qərarı ilə bu ali məktəbin “Xidmətlərə görə” medalına layiq görülüb.
Leyla Əliyeva həm də yaradıcı insandır. O, şeirlər yazır, rəsm çəkir. Bundan başqa, “Əli və Nino” filminin icraçı prodüseri olub, eləcə də, “Bakı, mən səni sevirəm” kinolayihəsinə rəhbərlik edib.
Məlumat üçün bildirək ki, Leyla Əliyeva iki oğul, bir qız anasıdır.
Hazırda dünyanı qorxu və təşviş içində saxlayan koronavirusla bağlı Azərbaycan tamaşaçısına hələ 2013-cü ildə məlumat verilib.
Fəaliyyəti dayandırılmış ANS TV-nin "Xəbərçi" proqramı hələ 2013-cü ildə karonavirusla bağlı süjet təqdim edib.
Süjetdə koronavirusun Mers növündən və iki nəfərə yoluxduğundan söhbət gedirdi. Mers növündən əvvəl Sars yayılmışdı.
Son altı ayda yüz minlərlə insanı öldürən, on milyona yaxın insana yoluxan virus isə koronavirusun mutasiya etmiş versiyası COVİD 19-dur.
Onu da qeyd edək ki, alimlər tez-tez mutasiyaya uğradığı üçün koronavirusla mübarizə aparmağın mümkün olmadığını bildirirlər.
17 -19-ci əsrlər arası kəskin vitamin C çatışmazlığı nəticəsi olan Sinqa xəstəliyindən 1 milyondan çox dənizçi həlak olmuşdu. Damar divarlarının keçiriciliyinin yüksəlməsi, əsasən diş ətindən qanaxma ilə xarakterizə olunan bu xəstəliyin səbəbi uzun illər tapılmamış və əsasən pnevmoniya ilə ağırlaşdığına görə infeksion mənşəli olduğu düşünülmüşdür.
Medicina.az xəbər verir ki, yalnız 1932-ci ildə vit C-nin sinqaəleyhinə təsiri aşkarlanmışdır. Damarların vacib struktur komponenti olan kollagen sintezi məhz vit C iştirakı ilə getdiyindən onun qıtlığı bu simptomlara səbəb olmuşdur.
Daha sonra Vit C-nin tək kollagen sintezi deyil, həmçinin, başqa həyati vacib funksiyaların iştirakçısı olduğu məlum olmuşdur. Orqanizmdə ümumilikdə 150-dən çox metabolik funksiyada vacib rol oynayır. Onlardan biri də immun hüceyrələrin yaranması və optimal fəaliyyətidir.
Dünyada tüğyan edən COVİD -19 infeksiyasının əsasən hava - damcı və səthlərlə təmas yol ilə yayılması virusun yayılmasını qarşısıalınmaz edib. Xüsusən də yanaşı xəstəlikləri olan insanlarda ciddi fəsadlarla (tənəffüs çatışmazlığı, pnevmoniya, böyrək çatışmazlığı) ağırlaşan, spesifik müalicə metodları olmayan infeksiyadan necə qorunmaq olar? Xəstəliklə mübarizədə ən doğru tədbir - orqanizmin özünün müdafiə qüvvələrinin gücləndirilməsidir.
Hazırda məlumdur ki, immun sisteminin viruslara qarşı muvafiq reaksiya verə bilməsi ücün orqanizmin vit C -nin yüksək konsentrasiyasına ehtiyacı var.
Bu məqsədlə pandemiya dövründə ABŞ-da, Finlandiyada, Çində, Türkiyədə virusla mübarizədə uğurlu nəticələr vermiş Yüksəkdozalı Vitamin C tövsiyə olunur.
Yüksəkdozalı Vitamin C-nin terapevtik faydası tədqiqatlarla sübut olunub. Yüksəkdozalı vitamin C-nin çoxsaylı farmakoloji xüsusiyyətləri sırasında aşağıdakılar immun sisteminə təsir edərək virus infeksiyalarının profilaktika və müalicəsində olduqca əhəmiyyətlidir:
• İmmun sisteminin spesifik hüceyrələri və neytrofillərin aktivliyini normallaşdıraraq virus və bakteriyaya qarşı immun cavabı təmin edir
• Komplement sistemini aktivləşdirir
• İnterferon sintezini artırır
• Antioksidant təsir göstərir
Rusiyalı tibb elmləri doktoru, professor Mixail Kostinov xəbərdarlıq edib ki, koronavirusa qarşı peyvənd testlərində iştirak edən şəxslər bir sıra təhlükəli simptomlardan ehtiyat etməlidirlər.
Bu barədə mütəxəssis “Sputnik” radiosuna danışıb.
Onun sözlərinə görə, orqanizmin peyvəndə mülayim reaksiya verməsi hərarətin 37,5 dərəcəyə, normal halda 38,5 dərəcəyə qədər artması deməkdir. Əgər temperatur yüksələrsə və 38,6 dərəcədən çox olarsa, bu, güclü reaksiya deməkdir.
O qeyd edib ki, hər hansı dərmanın sınağında güclü reaksiyalar minimal həddə - yüzdə, mində bir halda olmalıdır.
İnyeksiya zamanı diametri 8 sm-dən çox olmamaqla bəzi yerlərdə qızartılar görünə bilər. 5-6 sm-ə qədər qızartı mülayım reaksiya hesab edilir. Bu vəziyyətdə nə temperatur, nə də inyeksiyaya reaksiya iki gündən çox davam etməməlidir.