Ancaq təəssüf ki, bəzən bu Kodeksdə qeyd olunan maddələrə əməl etməyənlər də olur. Vəzifəsi qanun keşiyində durmaq olan polisin xoş olmayan davranışını əks etdirən görüntülər dərhal sosial şəbəkələrdə ictimailəşir və qısa zamanda həmin şəxs ya cəzalandırılır, ya da işdən çıxarılır.

Elə ötən gün olduğu kimi. Bakı şəhər BPİ-nin Dövlət Yol Polisi İdarəsinin operatoru Kamran Abbasov ailə münaqişəsi zəminində valideynlərinə qarşı yol verdiyi kobud davranışa, işlətdiyi nalayiq ifadələrə, bununla da “Daxili işlər orqanları əməkdaşlarının etik davranış Kodeksi” ilə müəyyən olunmuş qaydaların tələblərini pozduğuna görə daxili işlər orqanlarında xidmətdən xaric edilib.

Sosial şəbəkələrdə yayılan videoda Kamran Abbasov anasının evinə gələrək onu təhqir edib, xəsarət yetirməyə cəhd göstərib. Bundan sonra ana onu evindən uzaqlaşdırıb. 

"Qafqazinfo" bu məqamda qeyri-etik davranışa görə sosial şəbəkələrdə geniş müzakirə olunan və nəticədə xidmətdən xaric edilən sabiq polis əməkdaşlarını təqdim edir:

İctimaiyyətə məlum olan xidmətdən uzaqlaşdırmalardan biri də bu ilin iyulunda baş verib.

Polis əməkdaşının işdən çıxarılmasına səbəb Sevda Mahmudova adlı sosial şəbəkə istifadəçisinin şikayəti olub. Belə ki, S.Mahmudova şikayətində bildirmişdi ki, “Koroğlu” metrosundakı keçiddən çıxarkən Zahir Abbasov adlı polis əməkdaşı onun şəxsiyyət vəsiqəsinə baxdıqdan sonra məlumatlarını yaddaşda saxlayıb və daha sonra həmin şəxs ona Messenger vasitəsilə şəxsi xarakter daşıyan mesaj yazıb.

Araşdırma nəticəsində sözügedən polis əməkdaşı Zahir Abbasov Daxili İşlər orqanlarından xaric edilmişdi.

Bu hadisədən 1 ay öncə DİN-in daha bir əməkdaşı xidmətdə yol verdiyi nöqsana görə işdən çıxarılmışdı. Belə ki, cari ilin iyun ayının 7-də Yasamal rayonunda gücləndirilmiş karantin rejiminə nəzarəti həyata keçirən polis əməkdaşlarının üzərilərinə məişət əşyaları atanlar saxlanılarkən polis əməkdaşı qadınla yüksək səs tonunda danışaraq onun həyat yoldaşının ünvanına yersiz ifadələr işlətmişdi. Qadına “sən də, ərin də dovşansız” deyən polisin bu davranışı bağışlanılmaz hal kimi qiymətləndirilmişdi.

Nə qədər qəribə olsa da, bir polis əməkdaşı isə oğurluq etdiyi üçün işdən çıxarılıb. O, satışda olan sarı metal əşyanı götürüb cibinə qoyan zaman təhlükəsizlik kamerasına yaxalanmışdı. Polis əməkdaşının adı açıqlanmasa da, onun mühafizə idarələrinin birində çalışdığı DİN tərəfindən təsdiqlənmişdi. Hadisəni 2018-ci ildə törətdiyini etiraf edən polis əməkdaşının bu davranışı işdən çıxarılması ilə nəticələnmişdi.

Polisə yaraşmayan hərəkətə yol verənlərdən biri də Qusarda xidmət aparıb. Bu ilin aprelində sosial şəbəkələrdə sərxoş vəziyyətdə görüntüləri yayılan Qusar Rayon Polis Şöbəsinin Həzrə Polis Bölməsinin əməkdaşı, polis serjantı Namiq Eyyubovun da Kodeksə uyğun olmayan davranışı bağışlanılmamışdı və o, xidmətdə yol verdiyi nöqsanlara görə daxili işlər orqanlarından xaric olunmuşdu.

Daha bir polis əməkdaşı yol-hərəkət qaydalarını pozan sürücünün yalvarışlarını və ağlamasını əks etdirən videonu çəkdiyi üçün işindən olmuşdu. Bu hadisə 2017-ci ildə baş verib. 99 YP 965 dövlət nömrə nişanlı avtomobildə xidmət aparan Elvin Mövlanovun da polisə yaraşmayan hərəkəti bağışlanılmamışdı.

Ötən il isə aktrisa Pərvin Abıyeva ilə görüntüləri yayılan polis əməkdaşı xidmətdən xaric edilmişdi.

Həmin vaxt DİN-in məsələyə reaksiyası belə olmuşdu: "Yayılan həmin görüntülərdə üzərində polis geyim forması və atributları əks olunmuş tort, habelə məclisdə polis əməkdaşına yaraşmayan çılğın hərəkətlər diqqət çəkir. DİN rəhbərliyinin göstərişi ilə dərhal müvafiq araşdırmalar aparılıb və ad günü qeyd edilən şəxsin Sumqayıt Şəhər Polis İdarəsinin əməkdaşı, polis leytenantı Murad Abdullayev olduğu müəyyən edilib. O da məlum olub ki, həmin şəxsin xidməti fəaliyyəti də qeyri qənaətbəxşdir”.

2014-cü ildə isə bir polis əməkdaşının uniformada telefonla sevgilisi ilə danışarkən ağlamasını əks etdirən görüntülər yayılmışdı. Videodan belə məlum olurdu ki, polis sevdiyi xanımla ayrılmaqla barışmır və o, buna dözməyərək ağlayır. Sevgilisini itirən polis əməkdaşı bir müddət sonra işini də itirməli olur. Polis çavuşunun davranışı nizamnamə pozuntusu kimi qiymətləndirilmişdi.

Təbii ki, belə hallar təkcə Azərbaycanda deyil, dünyanın müxtəlif ölkələrinin hüquq-mühafizə orqanlarında da baş verir. İnsan faktorunun olduğu yerdə bu kimi səhvlər qaçınılmazdır. Amma istənilən halda daxili işlər orqanlarında çalışan şəxs daşıdığı məsuliyyəti nəzərə alaraq mütləq şəkildə etik davranış Kodeksinə əməl etməlidir. Buna ciddi əməl edib nümunəvi xidməti ilə seçilənlər kimi... (qafqazinfo)

Twitter

Bu gün “dünyanın ən zəngin insanları” siyahısında ilk əlliliyə daxil olan yeganə azərbaycanlı, Rusiyanın ikinci ən böyük neft şirkəti “Lukoyl” şirkətinin prezidenti, “Yelo Bank”ın əsas səhmdarlarından biri olan Vahid Ələkbərovun 70 yaşı tamam olur.

“Qafqazinfo” bu məqamda Vahid Ələkbərovun uğur yolu və həyat hekayəsini nəzərinizə çatdırır.

20,2 milyard dollar sərvəti ilə Rusiyanın və dünyanın ən varlı şəxslərindən biri olan Vahid Ələkbərov bu rifah zirvəsinə yüksəlməyə neft sektorunun ən aşağı pillələrindən başlayıb.

Ələkbərov Vahid Yusif oğlu 1 sentyabr 1950-ci ildə Bakıda anadan olub. Milliyyətcə azərbaycanlı olan ata Yusif  Ələkbərov neft sənayesində mexanik işləyirdi və Böyük Vətən müharibəsi qazisi idi. Anası isə qazax əsilli Tatyana Boçarova evdar qadın idi.

Gələcək neft maqnatının hələ 3 yaşı olarkən atası vəfat edir. Ölüm səbəbi müharibə zamanı aldığı və tam sağalmayan yaralar idi. 5 uşaq ilə tək qalan qadın övladları üçün çarəsiz şəkildə mübarizə aparır və onları böyüdüb-başa çatdırmaq üçün gecə-gündüz çalışmağa başlayır. Günü-gündən maddi vəziyyəti pisləşsə də, övladlarını uşaqlar evinə göndərmə təklifini qəti şəkildə rədd edir və onlar əl-ələ verib işləməyə başlayırlar.

Ailəsinin maddi vəziyyətinə dəstək üçün Vahid (ailədə ən kiçik uşaq olub) uşaq yaşlarından işləməli olur və balıq ovu ilə məşğul olmağa başlayır. O, təhsilinə də biganə qalmır.

V. Ələkbərov üçün həyatı boyu əsas məqsəd öz davranışı ilə anasını incitməmək  olub. Buna görə də uşaqlıqdan taleyini neftlə əlaqələndirmək istəyən gələcək neftçi üçün yaşıdları ilə həyətdə oynamaq qəbuledilməz idi. Bunun üçün Azərbaycan Neft və Kimya İnstitutunu (indiki Azərbaycan Dövlət Neft və Sənaye Universiteti) bitirərək dağ mühəndisi diplomunu alır və arzusuna nail olmaq üçün cəsarətlə uzun bir yola çıxır.

Məşhur iş adamı olmazdan əvvəl Ələkbərov ən aşağıdan başlayaraq uğura gedən çətin bir yoldan keçməli idi. Tələbəlik illərində o, peşəkar bioqrafiyasının başlanğıc nöqtəsi olan “Kasmorneft” şirkətində qazmaçı kimi işə düzəlir. İlk illərdə həddindən artıq ekstremal şəraitdə çalışmalı olur: Vahid yanğına və partlayışa məruz qalmış və yaxşı təchiz olunmamış neft platformalarına göndərilir. Hətta bir dəfə platformada baş verən partlayış nəticəsində zərbə dalğası Vahidi dənizə tullayır. O, yalnız yaxşı üzmək bacarığı sayəsində xilas ola bilir.

İnstitutu bitirdikdən sonra beş il ərzində neft və qaz hasilatı üzrə operatordan sex rəisinin müavini rütbəsinə qədər yüksələ bilir. Bu, gələcək neft maqnatının ilk karyera nailiyyəti olur. 1980-ci illərin əvvəllərində  partiya əmri ilə Qərbi Sibirə göndərilir, orada Surgutneft və Fedorovskneft kimi iri neft şirkətlərində rəhbər vəzifəsində çalışır.

80-ci illərin ortalarında isə “Koqalımnefteqaz”ın baş direktoru vəzifəsinə təyin edilir. Bu vəzifədə, Sibir filiallarının neftçiləri ilə bir sıra mühüm tanışlıqlar əldə edir.

1990-cı ildə gənc təşəbbüskar lider Moskvaya Neft Sənayesi nazirinin müavini vəzifəsinə dəvət edilir. Ələkbərovun vəzifələrinə xarici həmkarları ilə əlaqə qurmaq daxil idi. Nazirlikdəki ilk ilində “British Petroleum”un dəvəti ilə Sovet neftçiləri heyətinin başında Böyük Britaniyaya səyahətində iştirak edir. İki il sonra sürətlə inkişaf etməyə başlayan “Lukoil” şirkəti yaranır.

Neft sahəsinin təşəbbüskar lideri işçilərlə yanaşı partiya müdirləri arasında da nüfuz sahibi idi. Neft borularında partlayışa səbəb ola biləcək qəza halları zamanı Ələkbərovun şəxsən müəssisədə olduğu və problemlərin həllində kömək etdiyi bildirilir.

1995-ci ildə neft maqnatı aktivlərini 1998-ci ildə qlobal böhran zamanı çökən Rusiyanın ən böyük bankı “İmperial”ın səhmləri ilə doldurur. Oliqarxın ayrıca böyük bir özəl yanacaqdoldurma şəbəkəsi, neft satışı şirkəti və motor qatqısı istehsalı müəssisəsi var.

“Lukoil” prezidenti neft işini dünyanın bir çox ölkəsində genişləndirib. Şirkətin nümayəndəlikləri Rusiya, Belarusiya, Azərbaycan, Ukrayna, ABŞ və Bolqarıstanda fəaliyyət göstərir. Faydalı qazıntılar sahəsindəki uğurlu fəaliyyətinə görə milyarder dəfələrlə fəxri mükafatlarla təltif olunub, eyni zamanda dövlət mükafatlarına layiq görülüb.

2007-ci ildə Vahid Ələkbərov Rusiyada sosial sahibkarlığın inkişafı ilə məşğul olan “Gələcəyimiz” xeyriyyə fondunu yaradır və “Lukoil”dəki öz hissələrini bu fonda vəsiyyət edir. 2010-cu ildən etibarən isə Ələkbərov, həmçinin Skolkovo Vəqf Şurasının üzvü kimi fəaliyyət göstərir.

İş adamı Larisa Ələkbərova ilə evlidir. Onların yeganə övladları Yusif 1990-cı ildə dünyaya gəlib. Atası kimi o da təbii resurslarla maraqlanır. 2012-ci ildə Dövlət Neft və Qaz Universitetinin “neft yataqlarının işlənməsi və istismarı” ixtisası üzrə məzunu olub.

Yusif 2016-cı ildə ailə həyatı qurub. Bir müddət öncə KİV-də onun həyat yoldaşı Alisa Ələkbərovanın turizm biznesi ilə məşğul olduğuna dair məlumat yayılıb.

Qeyd edək ki, Yusif Ələkbərov “Rusiyanın ən varlı varisləri” siyahısında iki dəfə ilk pillədə yer alıb.

Twitter

Hacı Zeynalabdin Tağıyev 1823-cü ildə Bakıda kasıb başmaqçı ailəsində anadan olub. O, kiçik yaşlarında fəhləlik edib, 15 yaşından bənnalığa başlayıb. Bir müddətdən sonra tikinti ustası və təşkilatçısı kimi tanınmağa başlayır. Müəyyən qədər vəsait toplayaraq artıq 20 yaşında ev tikintisi və daşyonma işləri təşkil edir. Özünün sonrakı tikinti işlərinə də şəxsən nəzarət edirdi.

Tikdirdiyi binalarda, məsələn, özünün yaşadığı binada və şəxsən açdırdığı Qızlar gimnaziyasının binasında onun dəsti-xətti hiss edilir.

Sonradan o özünü ticarətdə və yüngül sənayedə də sınayır. Hər ikisində qabiliyyəti ilə uğur qazanır, dükanlara və manufakturaya sahib olur. O, həm də Bakı neftini, Xəzər dənizi və Qafqaz dəmir yolu vasitəsilə ixrac edən ən böyük sahibkarlardan idi. Məqsədyönlü tədbirləri nəticəsində Tağıyev Azərbaycan iqtisadiyyatının müstəmləkə xarakterinə zərbə vuran, onu sındıran ilk milli sənayeçiliərdən idi. Hacı Zeynalabdin Tağıyev Azərbaycanın görkəmli ictimai xadimi olmaqla yanaşı, həm də ölkənin neft sənayesinin banilərindən biridir.

1870-ci ildə Tağıyevin artıq iki qazanxanadan ibarət kerosin zavodu var idi. Kerosin zavodu ilə yanaşı o sonradan “Hacı Zeynalabdin” şirkətini yaradır. Onu Bakıdakı müsəlman, rus, erməni və yəhudi cəmiyyəti xeyriyyələrinin hamısı özlərinə fəxri sədr seçmişdilər. Bu dövrlərdə Bakı əsl neft səltənətinə çevrilmişdi. Bakı ətrafındakı kəndlərdə torpaqlar Rusiyadan və xaricdən gəlmiş sərmayədarlar tərəfindən alınıb, kəndlərdə neft buruqları ucaldılırdı. Bu Hacını da maraqlandırır və tikintini buraxaraq, neft hasilatı ilə məşğul olur.

1872-ci ildə neftli torpaqlar hərraca qoyulduqda Tağıyev də torpaq payı icarəyə götürür. Ümidini heç zaman itirməyən Tağıyev, nəhayət, arzusuna çatır. Götürdüyü torpaqdan neft fəvvarə vurur. “H.Z.Tağıyev” adlandırdığı neft şirkətini qeydiyyata aldıran Zeynalabdin mədənində ustalara yüksək maaş verir, ən yeni avadanlıq quraşdırır. Nəticədə onun gəlirləri sürətlə artmağa başlayır. Bundan sonra o həm də neft zavodları alır. 1896-cı ildə onun neft şirkəti hasilatda ən yüksək göstəriciyə nail olur. 32 milyon pud (512 min ton) neft hasil edir.

Hacı Zeynalabdin Tağıyev 1901-ci ildə 300 min manatlıq vəsait sərf edərək, Bakıda ilk Qızlar məktəbi tikdirir. Bu bütün Zaqafqaziyada yeganə qızlar məktəbi idi. Binanı 1898-ci ildə tikməyə başlayırlar və 1900-cü ildə hazır olur. Qızlar məktəbinin binası Azərbaycan memarlığının milli-romantik üslubunda tikilib. Əsas fasaddakı divar bir cərgə ağ, digər cərgə isə qızılı daşdan hörülüb.

Sovet Rusiyasının 28 aprel 1920-ci ildə Azərbaycanı işğal etməsi ilə vəziyyət kökündən dəyişir.

İnsanların mülküyyəti əlindən alınır, milli kadrlar və ziyalılar təqib edilməyə başlanır, hər şey Rusiyanın maraqlarına yönəlir. Yerli əhalinin xahişi ilə yeni hakimiyyətin rəhbərlərindən biri olan Nəriman Nərimanovun göstərişi ilə Tağıyevə mülk seçmək imkanı verilir. O əlindən alınmış keçmiş mülkiyyətlərindən ancaq Mərdəkandakı bağ evini seçir.

1924-cü il sentyabr ayının 1-də vəfat edən Tağıyev öz vəsiyyətinə uyğun olaraq Mərdəkan qəsəbəsində torpağa tapşırılıb.

Hacı Zeynalabdin Tağıyev Azərbaycan xalqının tarixinə milli kadrların hazırlanmasına böyük təsiri olan bir xeyriyyəçi və milyonçu kimi daxil olub. Tağıyev ölkəmizdə incəsənət, jurnalistika və təhsilin qurulmasına və inkişaf etdirilməsinə yardım göstərirdi. 

Neft işi ilə məşğul olduqdan sonra ölkəsinin ən varlı insanlarından birinə çevrildi. Çox sayda imkansız uşağın təhsil haqqını verib, onları oxutdu. Məktəblərə yardım etdi. Bakıda ilk sənət məktəbini açdı. Qubadan Bakıya su kəməri çəkdirdi. Mərdəkanda elektriklə işləyən dəyirman tikdirdi. Bu, Hacı Zeynalabdin Tağıyevin millətimiz üçün gördüyü işlərin yalnız bir qismidir. Onun Azərbaycan xalqı qarşısında ən böyük xidmətlərindən biri qızları təhsilə cəlb etməsidir.Sabah Bakıda və Abşeron yarımadasında havanın günəşli olacağı gözlənilir. ETSN Milli Hidrometeorologiya Xidmətindən APA TV-yə verilən məlumata görə, mülayim cənub küləyi əsəcək. Havanın temperaturu Abşeron yarımadasında gecə 20-24, gündüz 28-33, Bakıda gecə 21-23, gündüz 31-33 dərəcə isti olacaq. Atmosfer təzyiqi 762 mm civə sütunu, nisbi rütubət gecə 60-70, gündüz 35-40 faiz təşkil Abşeron çimərliklərində mülayim cənub küləyi əsəcək. Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada 23-24, Türkan, Hövsan, Sahil, Şıxda isə 24-25 dərəcə isti təşkil edəcək. Rayonlarda havanın əsasən yağmursuz keçəcəyi, lakin axşam bəzi dağlıq ərzilərdə şimşək çaxacağı, qısamüddətli yağış yağacağı, dolu düşəcəyi gözlənilir. Şərq küləyi əsəcək, ayrı-ayrı yerlərdə arabir güclənəcək. Havanın temperaturu gecə 18-23, gündüz 30-35, dağlarda gecə 10-15, gündüz 20-25 dərəcə isti olacaq. Tibbi-meteoroloji proqnoza görə, sentyabrın 1-2-də Abşeron yarımadasında meteoroloji amillərin zəif və mülayim tərəddüdü gözlənilir ki, bu da meteohəssas insanlar üçün əsasən əlverişlidir.

Twitter

REN TV-nin məlüumatına görə, o, qiymətin əvvəlcə çox yüksək olacağını, lakin tezliklə düşəcəyini bildirib.

“Avtomatik rejimdə əməliyyatlar da daxil olmaqla onun dəyərinin bir neçə min dollara qədər enməsini istərdik”, - deyə Mask bildirib.

Onun sözlərinə görə, “Neuralink” şirkətindən olan ixtiraçılar əməliyyat üçün sistemin tam avtomatlaşdırılacağını, cihazın varlığının isə digər insanlar üçün görünməz olacağını gözləyirlər.

Çipin özü böyük dəmir pul ölçüsündə olacaq. Onun beynin fəaliyyətinə, o cümlədən müxtəlif pozğunluqların müalicəsinə təsir edəcəyi planlaşdırılır.

Qeyd edək ki, Mask bundan əvvəl beyin çipinin yaradılması ilə bağlı uğurlarını bölüşmüşdü. Belə ki, çipin prototipi və avtomatlaşdırılmış implantasiya üçün təkmilləşdirilmiş robot modeli iki donuzda uğurla sınaqdan keçirilib. Cihaz alimlərə heyvanın beyninin toxunma mərkəzlərinin fəaliyyətini və donuzun burnu ilə nəyə toxunduğunu simsiz rabitə kanalı vasitəsilə izləməyə imkan verib.

Bildirilir ki, çip insanda baş beynin və ya onurğa beyninin işinin pozulduğu epilepsiya, iflic və digər xəstəliklərlə mübarizə aparmağa imkan verəcək.

Twitter

Bu barədə “Independent” xəbər yayıb.

Onların sözlərinə görə, koronavirusun yayılmasının qarşısını almaq və qorunmaq üçün iki metr məsafə saxlamaq barədə tövsiyələr 1940-cı illərə aid köhnəlmiş elmi məlumatlara əsaslanır.

Mütəxəssislər hesab edirlər ki, sosial məsafə barədə göstərişlər pandemiya tədbirlərinin mərkəzi elementi olmamalıdır və COVID-19 ilə mübarizə qaydalarını tərtib edərkən fərqli şərtlərə baxmaq lazımdır.

“Viral hissəciklərin yayılmasına hava axını da daxil olmaqla bir çox amillər təsir edir”, - deyə alimlər bildiriblər.

Onların sözlərinə görə, tövsiyələr üçün bir sıra faktorlar - fəaliyyət növü, şərtlər (açıq və ya qapalı məkan), ventilyasiya səviyyəsi, maska taxmaq, həmçinin kontakt müddəti, insanın infeksiyaya həssaslığı və ötürücünün virus yükü nəzərə alınmalıdır.

Bütün bu məlumatlara əsasən pandemiyanın qarşısını almaq üçün kompleks yanaşma qurmaq olar.

Alimlər daha çevik göstərişlərin normal həyata qayıtmağa imkan verə biləcəyini və ölkələrin iqtisadiyyatının bərpasına şərait yaradacağını vurğulayıblar.

Twitter

Dünyanın ən böyük sosial şəbəkəsini idarə edən “Facebook” İnc.” şirkətinin səhmləri ötən gün hərraclar zamanı 8,2 faiz bahalaşaraq 303,91 ABŞ dollarından satılıb.
Adıçəkilən şirkətin dəyəri ilin əvvəlindən 48 faiz artıb.
Eyni müddət ərzində "S&P" 500 indeksi 7,7 fazə yüksəlib.

Twitter

"MediaPost” xəbər verir ki, bu dəfə əmlak alqı-satqısı ilə məşğul olan saytlardan birində yerləşdirilən elan böyük marağa səbəb olub.

Belə ki, elanda birbaşa dənizə çıxışı olan villa satışa çıxarılıb.

Şüvalan qəsəbəsində yerləşən villa fantastik qiymətə - 13 milyon manata təqdim olunub. Elandakı məlumata görə, sözügedən villa qayanın üstündə yerləşir və birbaşa dənizə çıxışı var. 

Eyni zamanda 1 hektar torpaq sahəsi olan villanın içərisində hovuz, idman zalı, kinoteatr, stadion, qonaq evi, mühafizəçi evi, yaşayış evi mövcuddur. Villanın fantastik qiymətə satışa çıxarılması insanlar tərəfindən böyük maraqla qarşılanıb. 

Bəzi sosial şəbəkə istifadəçiləri villanı otellə müqayisə ediblər, digərləri isə indiyədək Bakıda belə ev görmədiklərini bildiriblər.

Twitter

Baku TV xəbər verir ki, xatirələrdən ibarət kitabın ilk nəşri 2000 tirajla çap olunacaq və sıravi oxuculara və bir çox dövlət qurumlarına pulsuz paylanacaq. 

Kitabı ərsəyə gətirən “Hədəf” nəşrlərinin direktoru Səbuhi Şahmursoy xatirələri qələmə alarkən heç kimdən mənfi bir rəy eşitmədiyini bildirib:

“Kitab artıq hazırlanıb və çapa verilib. Gələn həftənin ilk günlərindən kitabın ödənişsiz şəkildə paylanılması nəzərdə tutulur”.

Twitter

Diasporla İş üzrə Dövlət Komitəsi  dünya azərbaycanlılarını Qarabağ müharibəsinin mülki əhaliyə vurduğu ziyanla bağlı daha müfəssəl məlumatlandırmaq üçün “Qarabağdan danışaq” adlı yeni layihəyə start verir. 

“Qafqazinfo” xəbər verir ki, Diaspor TV-də yayımlanacaq layihə çərçivəsində Qarabağın mülki əhalisinin başına gətirilən müsibətlər lentə alınacaq. Layihənin özəlliyi odur ki, işğal olunmuş rayonlardan olan insanlar baş verənləri danışacaq, onların çıxışları heç bir montaj prosesindən keçmədən, olduğu kimi yayımlanacaq və arxivləşdiriləcək.

İngilis dilində qaçan sətirlərlə yayımlanması nəzərdə tutulan videomateriallar gələcəkdə tarixi araşdırmalar üçün mühüm mənbə rolunu oynaya bilər.

Twitter

Son illərdə ürək xəstəliklərinin yaşı olduqca azalıb.
Həmkimlər bu durumun qeyri-sağlam qidalanma ilə birbaşa əlaqəli olduğu qənaətindədirlər. Mütəxəssislər son zamanlar geniş yayılan və gənclərin daha çox istifadə etdiyi içkilər və qidalarla bağlı həyəcan təbili çalıb.
"Ürəyiniz sizdən daha yaşlı ola bilər. Məsələn, qeyri-sağlam qidalanan, hər gün enerji içkiləri qəbul edən, idmandan uzaq olan, siqaretdən istifadə edən 35 yaşlı gəncin ürəyi 55-60 yaşlarındadır. Tam əksinə, bioloji yaşı 56 olan, ancaq qidalanmasına və həyat tərzinə diqqət edən bir insanın ürək yaşı 40-dan artıq deyil" deyə, elm adamları açıqlayıb.axşam.az

Twitter