Baku.tv xəbər verir ki, qaydaları pozaraq dənizdə dincələnlər var idi. Ancaq avqust ayının 5-dən etibarən Azərbaycanda çimərlik mövsümü rəsmən açılır.

FHN-in sularda xilas etmə xidmətinin əməkdaşları da iş başındadır. Artıq sahillərdə təhlükəli zonalar müəyənləşdirilib. Qadağan olunmuş əraziləri keçmək isə ölüm hallarının artmasına səbəb ola bilər.

Qadağalardan birinə daha çox diqqət etməliyik. Düzgün və dayaz yerdə çimmək…

Odur ki, hər birimizə ölümsüz-itimsiz dəniz mövsümü arzusu ilə... 

Twitter

Özbəkistan Jurnalistlər Birliyinin İctimai Şurasının sədri, şair və tərcüməçi Karim Baxriyev son zamanlar Ermənistan silahlı qüvvələrinin Ermənistan-Azərbaycan dövlət sərhədinin Tovuz rayonu istiqamətində etdiyi silahlı hücumlarla əlaqədar Özbəkistandakı Heydər Əliyev adına Azərbaycan Mədəniyyət Mərkəzinə müraciət ünvanlayıb.

Müraciətin mətnini təqdim edirik:

Biz dünya ziyalıları, jurnalistlər, şairlər, ictimaiyyət nümayəndələri Qarabağda ermənilərin ələ keçirdiyi ərazilərin, şəhər və kəndlərin, tarixi abidələrin dağıdıldığını, dağ və meşələrin, yandırılması və təbiətə qarşı bu barbar hücumları gördükdə olduqca məyus olur və hiddətlənirik. Bu cür halların baş verməsi, həyata keçirilməsi bir daha sübut edir ki, işğalçılar bu ərazilərdə özlərini müvəqqəti hiss edir və bu ərazilərin onlara məxsus olmadığını bilirlər.

Xüsusi ilə son zamanlar regionda baş verən ekoloji fəlakət, Azərbaycan əhalisinin İşğalçı Ermənistan tərəfindən su mənbələrindən məhrum edilməsi məsələnin əsl mahiyyətini ortaya qoyur.

Bildiyimiz kimi, Azərbaycan ərazisində axan çayların əksəriyyətinin mənbəsi işğal olunmuş ərazilərdədir, yaxud oradan axaraq keçir və bu çaylar zaman-zaman tullantılarla çirkəndirilir. Araz çayının uzun müddət çirklənməsi qiymətli balıq növlərinin itməsinə və balıq ehtiyatlarının tükənməsinə səbəb olmuşdur.

Azərbaycanın işğal olunmuş ərazilər üzərində nəzarəti həyata keçirməsi qeyri-mümkündür və bu, ölkənin beynəlxalq konvensiyalar üzrə öhdəliklərini yerinə yetirməsini mümkünsüz edir.

Bildiyimiz kimi, Ermənistan bu günə qədər BMT-nin Transsərhəd Su Kanallarının və Beynəlxalq Göllərin Mühafizəsi və İstifadəsi Konvensiyasına qoşulmamışdır.

Azərbaycanın Tərtər adlı rayonunda eyni adlı çay üzərində inşa edilmiş və 100 min hektardan çox əkin sahəsinin suvarılması üçün nəzərdə tutulmuş, həcmi 560 milyon kubmetr olan Sərsəng su anbarı da daxil olmaqla, işğal altındakı ərazilərdə yerləşən 10 su anbarının acınacaqlı vəziyyətinə səbirlə baxmaq mümkün deyil.

Uzun müddət davam edən təmirsizliyin Sərsəng su anbarını qəzalı vəziyyətə gətirməsi Azərbaycan Respublikasının dağətəyi ərazilərdə və düzənliklərdə yerləşən yaşayış məntəqələrinin 400 min nəfərə yaxın əhalisi üçün təhlükə yaradır, habelə onların susuz qalmasına səbəb olur. İşğalçılar başa düşürlər ki, bu ərazi onlara məxsus deyil və bu səbəbdən yaranmış bu ekoloji təhlükə onları əsla maraqlandırmır.

Mətbuatdan əldə etdiyimiz məlumata görə, qış aylarında ermənilər qəsdən su anbarından suyu açır, Azərbaycan kəndlərinə su basmaları nəticəsində ziyan vuraraq bundan dinc əhaliyə qarşı amansız şəkildə istifadə edir.

Yayda insanların suya ehtiyacı olduğu zaman suyun qarşısına kəsərək, insanlara qarşı əsl ekoloji və humanitar cinayət həyata keçirirlər.

Bu isə bölgədə kəskin su qıtlığı, habelə əkin sahələrinin sıradan çıxması ilə nəticələnir. Bütün bunların nəticəsi olaraq, 2016-cı ildə Avropa Şurası Parlament Asambleyası sərhəd bölgələrin azərbaycanlı əhalisi üçün qəsdən sudan məhrum edilməsi barədə qətnamə qəbul etdi. Amma nə faydası?

Qətnamə Ermənistan silahlı qüvvələrinin bölgədən dərhal çıxarılması və orada müstəqil mühəndis və hidroloqlar tərəfindən tədqiqatların aparılmasını tələb edir. İşğal olunmuş ərazilərdə zəngin mineral ehtiyatları – 163 faydalı qazıntı yataqları mövcuddur ki, bu gün də Ermənistan tərəfindən bu sərvətlər amansız şəkildə istismar olunur.

“Associated Press” beynəlxalq xəbər agentliyinin platformasında Azərbaycan-Ermənistan dövlət sərhədinin Tovuz istiqamətində Ermənistanın son artilleriya atəşləri nəticəsində dağıdılmış bir evin görüntülərini izlədim.

“Həftənin fotoşəkli” adlanan bu mənzərəni gördükdə mən öz qəzəb hisslərimi boğa bilmədim. Dağıdılmış evinin bir hissəsində dayanan azərbaycanlı yaşlı qadının qəzəb və qorxu ilə dolu gözləri səmaya baxaraq özlüyündə nəsə deyirdi. Güman edirəm ki, o, Allaha qəzəblə şikayət edirdi.

Yayımlanan fotoşəkildə yazılır: “Ermənistanın hərbi qüvvələri tərəfindən atəşə tutulduqdan sonra Azərbaycanın Tovuz rayon sakininin dağıdılmış evi, 14 iyul 2020-ci il”. Artilleriya atəşləri nəticəsində mərmi bir qadının evinə dağıdıb.

Özbək mətbuatından isə mütəmadi olaraq Qarabağda dağıdılmış müsəlman məscidlərinin fotoları – Ağdam və Şuşa məscidlərində gəzən donuzların görüntülərini görəndə (bəli, ermənilər məsciddə donuz saxlayır, onları donuzxanaya çevirir) ruhum qəzəb və etiraz atəşi ilə yanır.

Əsrlər boyu azanın səsləndirildiyi bu mehrablarda böyük babalarımızın, şeyxlərimizin Quran surələrini oxuduğu və Allahla təmasda olduğu bu müqəddəs yerlərin fəryadı eşidilir. Bu yerlərdə müsəlmanlar ruhu incidilir və təhqir edilir.

Erməni işğalçıları orada mal-qara saxlayır, azərbaycanlılar və bütün müsəlman dünyası üçün müqəddəs yerləri ləkələyirlər. Bu, dünyada istənilən bir millətin və din nümayəndəsinin qəbul etmədiyi bir reallıq, insanların inancının və dini baxışlarının təhqir olunmasıdır.

Mən azərbaycanlıların səbrinin sonsuz olmadığını və gec-tez tükənəcəyi barədə fikirləşməyə başladım.

Bəzi siyasi təhlilçilər hesab edirlər ki, Qarabağ problemi Zaqafqaziyada azərbaycanlılarla ermənilər arasındakı etnosiyasi münaqişədir və əslində isə bu açıq açığına Ermənistanın Azərbaycana təcavüzüdür.

Svante Kornellin yazdığı kimi, bütün Qafqaz münaqişələri arasında Qarabağ münaqişəsi ən böyük strateji və regional əhəmiyyətə malikdir. Qarabağ məsələsi bütün qitə və dünya üçün vacibdir, çünki onun kənara atılması bəşəriyyətdə sonsuz müharibələrə və qanlı toqquşmalara səbəb ola bilər. Çünki planetimizdə dövlətlərin mövcud, dünya birliyi tərəfindən tanınmış ərazilərindən kənarda müxtəlif etnik qrupların mövqeyinə əsaslanan və bir-birilərinə ərazi iddiaları olan bir çox dövlət və xalqlar var.

Əgər dünya “xalqların öz müqəddəratını təyin etmə hüququnu təmin etmək” adı altında ərazi bütövlüyü prinsipini qurban verəcəksə və uzun müddət Azərbaycan ərazilərinin Ermənistan tərəfindən ələ keçirilməsinə, işğalına dözəcəksə, onda dünyada mövcud dövlətlərin ərazilərinə yeni-yeni başqa dövlətlərin iddiası ortaya çıxacaq, münaqişələr yaranacaq və müharibələr sonsuza qədər davam edəcəkdir.

Milyonlarla azərbaycanlı öz ata-baba yurdlarında, onlara məxsus olan ərazilərdə yaşayır və indi bu torpaqlar xarici dövlətlərin əraziləri sayılır. Belə çıxır ki, onlar da öz müqəddəratlarını təyin etmək hüququna malikdirlər? Və bu zaman düşünün, dünyada nə qədər yeni münaqişə ocaqları yarana bilər.

Bundan başqa, mən öz millətimizi nümunə göstərmək istəyirəm. Onda belə çıxır ki, özbəklər bir vaxtlar Çindən Avropaya qədər uzanan Əmir Teymur imperiyasının ərazisinə, yaşadıqları ərazilərə iddia edə bilərlər?

Xəbər lentlərini oxudum: “Vəziyyətin gərginləşməsi, Azərbaycan və Ermənistan sərhəddində təxribat nəticəsində son iki gündə 11 Azərbaycan əsgəri və bir mülki şəxs həyatını itirdi”. Azərbaycan ordusunun general-mayoru və polkovniki ölənlər arasında idi. Ermənistan tərəfi də dörd ölü əsgər və bir neçə yaralı olduğunu bildirdi.

Həm də beynəlxalq təşkilatlar həmişə olduğu kimi müraciətlərlə kifayətlənirlər: “BMT, ATƏT, ABŞ və Rusiya atəşkəsə əməl etməyə çağırır. BMT-nin baş katibi Antonio Quterreş dərin narahatlığını ifadə etdi …. ATƏT İrəvan və Bakını atəşləri dayandırmağa çağırdı”. “Avropa Birliyi, eləcə də Rusiya Xarici İşlər Nazirliyi, bazar ertəsi günü qarşıdurmaları dayandırmaq üçün müraciət etdi”. “ABŞ Dövlət Departamenti sərt şəkildə hadisələri qınandı…”

Bütün bu müraciətlər deklarativ istəklər olaraq qalır və dörddə bir əsrdən çoxdur ki, səslənir.

Azərbaycan xalqı və biz artıq beynəlxalq təşkilatların regionda sülh haqqında hekayələrinə inamımızı tamam itirmişik. Təxminən 30 ildir ki, bütün dünya qarşısında, dünya birliyi tərəfindən tanınan Azərbaycan Respublikasının qanuni ərazisinin beşdə biri – 20 faizi Ermənistan dövləti tərəfindən işğal olunub, bir milyon azərbaycanlı etnik təmizlənmənin qurbanı olub, evlərindən və vətənlərindən məhrum edilib.

Ermənistan tərəfindən Azərbaycan torpaqlarının işğalını qanuniləşdirmək üçün Qarabağda yaşayan bir ovuc etnik erməni üçün qondarma “Dağlıq Qarabağ Respublikası” adlı oyuncaq qurum yaradılıb və guya bu addım orada yaşayan insanların sərbəst seçimidir. Bəs, Azərbaycanın Qarabağ ətrafı işğal olunmuş və heç zaman etnik ermənilərin yaşamadığı 7 rayonun adını nə qoyaq? Bu ərazi sahəsinə görə keçmiş Dağlıq Qarabağ Muxtar Vilayətinin ərazisindən daha böyükdür.

Yoldaşlar, əziz dostlar, nə çağırırsınızsa, çağırın, nə adlandırırsınızsa, adlandırın. Bunun əsl adı işğal və bir dövlətin digər qonşu dövlətin ərazisinə iddiası və ərazisini zəbt etməkdir. Bu münaqişə deyil, bu əsl təcavüz, işğal və etnik təmizləmədir.

Bu problemi həll etmək üçün yaradılan ATƏT-in Minsk Qrupu haqqında danışmağa sözümüz qalmayıb.

Minsk Qrupuna üzv ölkələrdə Qarabağda yaşayan 120.000 etnik ermənidən qat-qat çox erməni yaşayır. Əgər ermənilər Azərbaycanın işğal olunmuş ərazilərində ikinci bir erməni dövləti qururlarsa, niyə başqa ölkələrdə bu hal olmasın? Bunun arxasında hansı məntiq dayanır?

Sən əgər cinayətkarı öz adıyla çağırmısansa, bir dəfə də olsa real məsələyə münasibət bildirməmisənsə, onda sənə verilən bu mandat artıqdır.

Heç olmasa 30 il davam etdirdiyiniz bu tamaşadan sonra etiraf edin ki, bacarmadıq.

Uzun illərdir ki, stereotiplər və bəyanatlarla daim sülhə səsləyənlər, barışığa səs verənlər üçün bir sualımız var: Nə üçün məsələnin əsas mahiyyətini ortaya qoyub, Ermənistandan terrorçu ordusunun Azərbaycan ərazilərindən çıxarmasını, işğala son qoyması barədə çağırış etmirsiniz? Hər şey faktlarla ortadadır: Azərbaycan torpaqlarının yüzdə iyirmi faizi işğal edilib, zəbt olunmuş ərazilərdə şəhər və kəndlər dağıdılıb, abidələr məhv edilir, mülki insanlar qətl edilib, sürətli məskunlaşma həyata keçirilir.

Ədalət hissinizi bu qədər itirimisiniz? Bu qədər görmə və dərk etmə hissləriniz aşılanıb?

Bir dövlət və bir millət üçün bundan artıq nə fəlakət ola bilər? Ona məxsus torpaqları almısan, insanlarının evini, malını, mülkünü zəbt etmisən, onların həyatlarını, min illərlə yaratdığı abidələrini, mədəni irsini, tarixini məhv etmisən, saxtalaşdırmısan. İndi hansı sülhdən danışırsınız? “Gedin işğalçı, terrorçu, uşaq qatili Ermənistanla dil tapın, ortaq məxrəcə gəlin” təklifini verirsiniz. Məncə, bu sivil və normal dünya üçün bir təhqirdir.

Məncə, artıq sizi dinləmək əvəzinə Azərbaycan özündə güc tapıb, bu təcavüzü, işğalı özü öz gücü ilə aradan qaldırmalıdır. Tam əminəm ki, özünü sivil dünyanın bir hissəsi hesab edən, özünə hörmət edən heç bir dövlət təcavüzkar Ermənistanın yanında dayanmayacaqdır.

Minsk Qrupuna isə bir mesajımız var: Sizin 30 ildir bu konfliktin həllinə dair vasitəçilik səyləriniz, mandatınız və limitiniz çoxdan bitib, yoldaşlar!

Tovuz hadisələri zamanı Türkiyə Xarici İşlər Nazirliyi daha açıq bir açıqlama verdi: “Biz Ermənistan silahlı qüvvələrinin Azərbaycan-Ermənistan dövlət sərhədinin Tovuz istiqamətində etdiyi silahlı hücumları qətiyyətlə pisləyirik … Türkiyə bütün mümkün yollarla Azərbaycanın ərazi bütövlüyünü qorumağa davam edəcək”.

Ukrayna Azərbaycanın bütövlüyünü dəstəkləyir – “vəziyyətin beynəlxalq səviyyədə tanınmış sərhədləri daxilində Azərbaycan Respublikasının suverenliyinə və ərazi bütövlüyünə hörmət əsasında həll olunmasına” çağırırdı.

Türk Şurası Ermənistan silahlı qüvvələrinin Azərbaycana qarşı təxribatını qınadı

Mən bu sətirləri yazarkən ABŞ-dan bir xəbər gəldi: ABŞ Senatı Ermənistanın Azərbaycan ərazisini ələ keçirməsini işğal adlandırdı.

Siyasətçilərdə əbədi bir söz var: “Münaqişənin hərbi yolla həlli yoxdur”. Və otuz ildən çoxdur ki, bu çağırış səslənir.

Əcəba, Ermənistan bu əraziləri dinc danışıqlar yolu ilə ələ keçirdi? Ki, sülh və danışıqlar yolu ilə də geri qaytarsın?

Unutmaq olmaz ki, əbədi və sonsuz heç nə yoxdur. Azərbaycanlıların səbrinin də sonu vardır. Bu məsələnin sülh yolu ilə həll ediləcək deyə düşünənlərin sayı təbii olaraq gündən günə azalır və bir qədər sonra tamamilə bu ümidlər yox olacaqdır.

Özbəkistan daim beynəlxalq hüququn prinsiplərini, dövlətlərin ərazi bötövlüyünü dəstəkləyib və dəstəkləyəcək. Biz ədalətin yanındayıq. Qardaş Azərbaycan xalqını bu təcavüzdə yalqız qoymayacağıq və onlarla çiyin-çiyinə dayanacağıq. /Axar.az/

Twitter

İspaniyada koronovirusa qarşı sprey hazırlanır. Alimlərin fikrincə, hazırlanan sprey ağız boşluğunda koronavirusun yayılmasının qarşısını ala biləcək.

Bu barədə İspaniyanın Elmi Tədqiqatlar Ali Şurası məlumat yayıb.

“İnfeksiya ağız boşluğundan başlayır. Hazırlanan sprey isə virus hissəciklərinə nüfuz edə bilmədikləri maneə yaradacaq. Virusa yoluxma baş versə belə, sprey viral hissəcikləri zərərsizləşdirəcək.

Bu molekulların infeksiyaya təsir etdiyini təsdiqləyə bilsək, geniş spektrli antiviral əldə edə bilərik” – deyə, Ümumi Üzvi Kimya İnstitutunda işləyən alim Xulia Revuelta bildirib.

Twitter

Suda koronavirusun bütün hissəcikləri (90 faizi) 24 saat ərzində ölür.
Oxu.az xəbər verir ki, bu barədə Rusiya Federasiyasının İstehlakçı hüquqlarının müdafiəsi və insan rifahına nəzarət üzrə Federal Xidmətinə (“Rospotrebnadzor”) istinadən xəbər verir.

Məlumatda qeyd olunur ki, 72 saat ərzində suda koronavirus hissəciklərinin 99,9 faizi ölür. Bu göstəricilər otaq temperaturunda olan su üçün keçərlidir.

Twitter

Ölkə.Az “Report”un yerli bürosuna istinadən xəbər verir ki, üç saat ərzində Nyu-York şəhərinin üzərində dövrə vuran təyyarənin daşıdığı şüar yerli əhali tərəfindən böyük maraqla qarşılanıb.

Təyyarənin daha yaxşı göründüyü Nyu-Jersi şəhərinin “Liberty” parkında toplaşan həmvətənlərimiz əllərində bayraqlarla, alqışlarla və şüarlarla təyyarəni izləyiblər.

Təyyarə Manhetten adasında məşhur iş mərkəzləri “Empire Building”, “Business Center” olmaqla, dövlət üçün xüsusi əhəmiyyətli binaların və yaşayış yərlərinin önündən uçub.

Layihənin təşkilatçısı Elmar Bayramov “Report”a açıqlamasında deyib ki, iki həftə ərzində ermənilər tərəfindən “Airads” hava reklamları şirkətinə proyektin reallaşmaması üçün təzyiqlər göstərilib. Hətta şirkətə bunun üçün ermənilər tərəfindən əlavə vəsait də ödənilib. Lakin onların səyləri uğursuz olub.

 

Twitter

Generalımızın yadigarı, bəlkə də, onu hamıdan yaxşı tanıyan ömür yoldaşı Ofelya xanımla həmsöhbət olduq. Dildə deyil, əməlində qoruduğu, sevdiyi Vətən boyda Polad bəyi yenidən xatırladıq.

Publika.az şəhid general Polad Həşimovun həyat yoldaşı Ofelya Həşimovanın müsahibəsini təqdim edir.

- Ofelya xanım, generalımızın şəhidlik zirvəsinə ucaldığını eşidən kimi informasiya vasitələri onun haqqında xəbərlər paylaşmağa başladı. Haqqında nə fotolar, nə də dolğun məlumata rast gəldik...

- Poladın sağlığında nə vikipediyada, nə sosial şəbəkələrdə, nə də digər saytlarda haqqında məlumata rast gələrdiniz. Tutaq ki, gecədən hansısa informasiya vasitəsi haqqında məlumat paylaşırdı. Ertəsi gün zəng vurub, öncə minnətdarlığını bildirər, sonra da deyərdi ki, yazını silin, qələbə günü paylaşarsınız. Mən də onun yolu ilə getməyə çalışıram. İstəyirəm ki, hər şey onun ürəyincə olsun.

- Hər ikinizin siması nurludur. Bir-birinizə o qədər bənzəyirsiniz ki... Xarakteriniz də bənzəyirdi?

- Doğrudur, çox bənzəyirik. Həm də Poladla birgə yaşadıqca, sanki eyniləşirdik, ona oxşamağa başlayırdım. O, lider təbiətli insan idi. Ağıllı, polad iradəli idi. Özünü o qədər inkişaf etdirmişdi ki, hər sahədə bacarığı vardı və təsirinə düşməmək mümkünsüz idi. Hər sahənin bilicisi idi... Dadlı yeməklər hazırlayırdı. Elmə, təhsilə dərin maraq göstərirdi. Hərb sahəsində oxumadığı ədəbiyyat yox idi. Evimizdə o qədər kitab var ki, bəzən qoymağa yer tapmırdıq. İncəsənətə, musiqiyə də marağı vardı. Hər şeydə olduğu kimi musiqinin də keyfiyyətlisinə önəm verirdi.

- Hansı musiqiləri daha çox dinləyirdi?

- Klassik əsərləri, xalq mahnılarımızı daha çox sevirdi. Mədəniyyət kanalında efirə gedən konsertləri izləyirdi. Özü internet isifadəçisi deyildi, uşaqlardan xahiş edirdi ki, Bethovenin əsərlərini tapıb ona dinlətsinlər. Özünü o qədər mükəmməlləşdirmiş insan idi ki, getdikcə sehrinə düşüb Polad Həşimova çevrildim.

- Taleyimiz haqda dəqiq bildiyimiz bir proqnoz var - ölüm. Hərbçi ilə həyatını quran insan bu faktı daha real dərk edir. Lakin bilmək və yaşamaq tam fərqli ağrılardır. Əmin olun ki, yaşadığınız itki hamımızındır.

- Hərbçi xanımlarının beynində bir yaddaş yeri olur. Anlayırsan ki, həyat yoldaşının əsas amalı vətən uğrunda canından keçməkdir. Xüsusən də Poladın ailəsi üçün bu məqam gözlənilirdi. Çünki hər zaman ön cərgədə idi. Səngərdə vəziyyət gərginləşən kimi ilk sırada o gedirdi. Hamı geri dönsə də, o, gəlmirdi. Qəribədir ki, son vaxtlar bunu durmadan mənə xatırladırdı. Onsuz da gözəl siması vardı. Amma sanki üzünə nur çökmüşdü. Tez-tez deyirdi, bir gün mən olmayacam. Özünü həmin günə hazırla. Lakin dediyiniz kimi düşünmək başqa, yaşamaq tam başqa... Və bir gün qapı açılır, hamı içəri girib bir ağızdan deyir: "Poladı gətiririk".

Biz ailə qurduğumuz gündən bəri heç vaxt ayrı qalmamışıq. Hansı hərbi hissəyə xidmətə yollansa, rayon, kənd, fərq etməz, məni də özü ilə aparıb. Hətta bəzən elə kənd olurdu ki, mənə deyirdi, bax bu ərazidə səndən başqa heç kim yoxdur. O qədər gözəl qarşılıqlı münasibətimiz, sevgimiz, hörmətimiz vardı ki, bütün çətinliklərin öhdəsindən gəlirdik. Qarşımdakı insanın mərdliyinə heyranlığım heç vaxt imkan verməyib ki, yorulub ruhdan düşüm.

- Yəni Polad Vətənə ön cəbhədə, sizsə arxa cəbhədə xidmət etmisiniz...

- Uşaq vaxtından valideynlərimdən də eşidirdim ki, bir kişinin uğurlarında yanındakı qadının da rolu var. Bakı Dövlət Univerisitetinin riyaziyyat-informatika ixtisası üzrə bakalavr və magistr təhsili almışam. Təhsilimi bitirəndən sonra universitetdə qalıb çalışmaq arzusunda idim. Lakin Poladla tanış olandan sonra anladım ki, belə güclü insanın yanında özü kimi qadın olmalıdır.

Yəni mən ondan uzaqda elmi fəaliyyətimlə məşğul olsam, yarım qalacaq. Əslində Polad üçün çox böyük işlər də görmürdüm. Amma ailəsindən güc alırdı. Bizim bir ənənəmiz vardı. Axşamlar çay süfrəsi ətrafında toplaşırdıq. Özü də çayı balaca oğlumuz Teymura dəmlədirdi. Övladları ilə gözəl zaman keçirirdi. Hər dəfə evdən çıxıb cəbhəyə yollananda, o qədər enerjili, xoşbəxt gedirdi ki, indi dərk edirəm ki, yəqin, biz onu xoşbəxt edə bilirdik. Bilirsiniz, Polad o qədər gözəl həyat yoldaşı idi ki, sanki mən onunla 17 yox, 77 il birgə yaşamışam.

- Necə tanış olmuşdunuz?

- Bu sualı bizə verəndə, həmişə gülümsəyib deyirdik, Polad Murov dağının başında, mənsə Universitet kitabxanasında... Necə tanış ola bilərdik?! Ailələrindən məni görüb bəyənmişdilər. Poladın 28 yaşı vardı, mənsə magistraturanın ikinci kursunda oxuyurdum. Hər ikimiz qərar verdik ki, öncə görüşüb danışmaq mütləqdir. Universitetin həyətinə gəldi. Gördüm ki, üzü nurlu, çox ədəbli isandır. Bir saata yaxın danışdıq, gözünü qaldırıb, üzümə baxmadı. Amma hərbçilərə məxsus məxfilik, sirr vardı cümlələrində. Açıq şəkildə dedim, yəqin, bizim münasibətimiz alınmayacaq. Çünki anlaşa bilməyəcəyik. Siz çox sirli danışırsınız. Gəlin, elə hərəmiz öz yolumuza qayıdaq. Poladdan ayrılıb, geri qayıdanda, gördüm arxamca gəlir.

"Yaxşı, bəlkə gedib, bir yerdə oturub söhbətimizə davam edək?"

Həmin məqamda anladım ki, qarşısında hərbçi olmadığının fərqinə varıb və mənimlə münasibət qurmağı ürəkdən istəyir.

- Ailəniz hamımıza çox doğmadır, örnəkdir.

- Çox sağ olun. Ümumiyyətlə düşünürəm ki, ailə vacib şərtdir. Bu, tarixən belə olub. Güclü ailə güclü cəmiyyət deməkdir. Güclü cəmiyyəti olan dövlət isə qüdrətlidir. Xüsusən də ailənin təməli qadındır. Sırf buna görə həmişə istəmişəm ki, qızlarımız təhsilli olsunlar. Şərt o deyil ki, universitet bitirsinlər. Qoy peşə məktəbində oxusunlar. Cəmiyyətdə özlərinə yer tuta bilsinlər. Halal qazancları olsun. Qadın nə qədər güclüdürsə, cəmiyyətə daha faydalı övlad bəxş də bilər.

Hərbçi yoldaşları təsdiqləyər. Biz Poladla ən soyuq bölgələrimizdə taxta evlərdə yaşamışıq. Mən hər şeyə tab gətirirdim. Çünki yanımdakı insanın vətən sevgisinə, mənəviyyatına əmin idim. Polad peşəsi üçün hər şeyindən imtina etmişdi. İnanın, özünə paltar almağa da qıymırdı. Övladlarımız böyüdükcə, təkid etməyə başladılar ki, ay ata, sən də özünə təzə paltar al. Daim hərbi formada, ayaqqabıları toz-palçıq içində qayıdardı səngərdən. Çox şərəfli yaşadı.

- Bizim təsəvvürümüzdə qüsursuz general modeli formalaşdırdı Polad Həşimov.

- Hər dəfə maaşını alıb gəlirdi evə. Aylıq qida ehtiyacımızın siyahısını tuturdum. Onları üçün pul ayırıb yerdə qalanını hərbi hissəyə aparırdı ki, əsgərlər üçün hamam tikirəm, yol çəkirəm. Deməyimə ehtiyac yoxdur, çünki hamı bilir. Mətbəxdə qab yuduğum vasitəni götürüb aparırdı ki, əsgərlərin əlləri yara olur. Qabları bununla yusunlar. Bir müddət Daşkəsəndə briqada komandiri oldu. Həmin bölgə çox soyuq olur. Paltarı yuyurduq, bəlkə, aylarla qurumurdu. Amma yun köynəklərinin hamısını əsgərlərinə payladığı üçün cəmi bir geyimi qalırdı.

Bəzən qurumayanda da o soyuqda lap nazik geyinib gedirdi. Uzunboğaz çəkmələri su içində olurdu, amma ikinci cütü olmadığına görə yaş ayaqqabı geyinirdı. Çünki hamısını əsgərlərinə paylayırdı. Polad xalqın sevgisini rütbəsi ilə yox, bu cəhətlərinə görə qazanmışdı. Hətta ona verilən evi şəhid ailəsinə hədiyyə etdiyini də ölümündən sonra öyrəndik. Bizim illər boyu arzumuz vardı ki, maaşlarımızı toplayıb ev alaq. Bu evi də kreditlə almışdıq. Amma məni sıxıntıdan uzaq tutmaq üçün ev xərclərimiz haqda danışmırdı. Bir yandan da əsgərlərini düşünürdü.

- 3 övladınız var?

- Bəli. Bir qızımız, iki oğlumuz.<ins'>

- Yəqin ki, övladları ilə də xüsusi münasibət qurmağa nail olmuşdu?

-Əlbəttə. Bilirsiniz, ideal insan yoxdur. Amma o zirvəyə doğru ucalanlar var. Çox yanımızda olmasa da, sanki nəfəsi üstümüzdə idi. Bəzən Bakıya gedirdi. Uzaq məsafədən yenə qayğımıza qalırdı, problemlərimizi həll edirdi. Övladları ilə ən çox ünsiyyətdə olan atalardan idi. Hər birinə öz xarakterlərinə uyğun yanaşırdı. Qızım Aybənizin 16 yaşı var. Bəlkə, ilk övladımızdır ona görə, amma onu xüsusi sevirdi. 1 yaş yarımlıq vaxtlarından ona kitablar alırdı. Aybəniz 3 yaşına çatanda artıq əlifbanı əzbər bilirdi.

Yaşıdı kimi söhbətləşirdi, müzakirələr edirdi. Hamısı birgə elmi yarışma proqramlarına baxırdılar. Evdə olduğu zamanını yalnız bizə, övladlarına həsr edirdi. İnanın, bunu Poladı tərifləmək naminə demirəm. Amma elə bir cəhəti yox idi ki, biz ondan yarımçıq qalaq. Mən sağlığında Polad haqda danışmamışam. Amma indi xatırladıqca bir daha onun mükəmməl insan, ailə başçısı olduğunu özüm üçün təsdiqləyirəm. Sanki itirəndən sonra daha yaxşı tanımağa başladım. Deyirdi, ağlama, başını dik tut həmişə. Çalışıram ağlamayım, amma əldə deyil.

- Ofelya xanım, heç bir anlıq da olsa, fikrinizdən keçibmi ki, kaş Polad bütün bu xüsusiyyətlərini qoruyaraq tam başqa, daha təhlükəsiz sahədə çalışardı.

- Heç vaxt olmayıb belə bir şey. Yeni evlənmişdik. Atası da ağır xəstə idi. Dedim, Polad, valideynlərinin də sənə ehtiyacı var. Bəlkə, Sumqayıta qayıdaq? Başqa iş taparsan, amma onların da yanında olarsan. Bu insan işi ilə nəfəs alırdı. Vaxt keçdikcə anladım ki, Poladın seçiminə müdaxilə etmək olmaz. Ümumiyyətlə insanları sevdikləri peşədən ayırmaq, buna səy göstərmək doğru deyil. Ondan sonra özümə söz verdim ki, bir də bu mövzuya toxunmayacam. Poladın yanında olum, öz vəzifəmi yerinə yetirim, o, özü hər şeyin öhdəsindən gələcək. Amma əminəm ki, hansı sahədə çalışsaydı, yenə vicdanla, qüsursuz yerinə yetirəcəkdi. Elə şəfalı əlləri, gözəl nitq qabiliyyəti vardı ki, xəstəni sözlə sağaldırdı.

- Təbii ki, məxfilik generalımızın əsas iş prinsipi idi. Amma elə bir itkisi, acısı olmuşdu ki, gəlib evdə bölüşsün?

- Heç vaxt danışmazdı. İşin problemləri də, ağrıları da evin kandarında qalırdı. Girişindən, duruşundan anlayırdım ki, bu gün üzülüb, pis hadisə baş verib. Ümumiyyətlə, evimiz onun üçün çox müqəddəs idi. Bəli, dostları çox idi, amma hər kəsi evə dəvət etməzdi. Amma xatırlayıram ki, atasının ölümü Poladı çox sarsıtmışdı. Həmin gün onu ilk və son dəfə ağlayan gördüm. Poladgil ailədə 4 uşaqdırlar. Uşaqlıqdan həm dəcəl, həm də şirin olduğu üçün atası onu xüsusi sevib. Hətta anası danışır ki, müəllimləri onu harada görsələr, öpərmişlər. Balaca oğlum Teymur da bu cəhətdən atasına bənzəyib.

Aprel döyüşlərini də xatırladım. Poladın gözü önündə döyüş yoldaşları, əsgərləri ölmüşdü. Bizə bildirməsə də, içində qopan fırtınanı görürdüm. Çalışırdım elə mən də səssizcə ona dəstək olum. Sirli insan idi. Onu çözmək mümkün deyildi. Amma, dediyim kimi, işdə nə yaşasa da, evin qapısından ata kimi, həyat yoldaşı kimi girirdi. Birgə mətbəxə keçirdik. Hətta bir neçə yeməyi bişirməyi mənə Polad öyrətmişdi. Mən xəstə olanda əvəlikli umaclı şorba bişirdi. Bəzən qohumlar, dostlar deyirdilər ki, Polad evdə heç gülür? İnanın, o, mənim üçün dediyim kimi yemək də hazırlayırdı, çay da dəmləyirdi, evimizi də şənləndirirdi.

- Qarşımızdakı insan, xüsusən doğmamız nə qədər qüsursuz olsa da, mütləq bizə görə yanlış bir cəhəti var. Polad Həşimovda nəyi dəyişmək istəyirdiniz?

- Özünə heç qıymırdı. Xahiş edirdik, təkid edirdik ki, yeni geyimlər alsın. Cəmi bir cüt alıb kifayətlənirdi. Evə gəlib paltarlarını yığırdı ki, ehtiyacı olan əsgərlərə aparıram. Günlərin bir günü evə gəldi. Mətbəxdən eşidirəm ki, yanında kimsə var. "Əladır, yaxşıdır, geyin, get", deyir. Qonağı yola salandan sonra deyirəm, Polad, kim idi gələn? Deyir, iş yoldaşımdır, imkansız yaşlı kişidir. Axşam toya gedəcək. Kostyumumu ona verdim ki, geyinsin. İnanın, heç özü o kostyumu bir dəfə geyinməmişdi. O qədər müdrik, uzaqgörən idi ki, ani doğru qərar verməyi bacarırdı. Həmin dəqiqə üçün qərarı mənə bir az yanlış gələ bilərdi. Amma bir müddət keçəndən sonra anlayırdım ki, yerində və doğru addım atıb. Özünə qarşı xəsislik etsə də, bizim ehtiyaclarımızı imkan daxilində qarşılayırdı.

- Həyatınıza, seçimlərinizə müdaxiləsini hiss edirdiniz?

- Polad heç vaxt qarşısındakı insanı sıxmırdı, özündən aşağı görmürdü. Mən də kimin xanımı olduğumu dərk edirdim. Sevmədiyi bir hal olanda üzümüzə vurmurdu. Başqa bir nümunədə göstərirdi ki, bu, doğru deyil. Biz də boynumuza düşəni anlayırdıq ki, demək, belə etsək, xoşuna gəlməz. Evdə olmağı çox sevirdi. Harasa gedəndə, deyirdi ev daha gözəldi. Anlayırdıq ki, evdə olmağa daha çox üstünlük verir. Amma imkan tapdıqca bizi təbiətə gəzməyə aparırdı.

Allahın yaratdıqlarını, təbiətin rənglərini belə sevdirirdi uşaqlarımıza. Sözə yox, əmələ üstünlük verirdi. Bir dəfə uşaqlara dedi ki, Bəxtiyar Vahabzadənin Bayraq şeiri çox gözəldir. Bir cümlə bəs etdi ki, uşaqlar bu şeiri əzbərləsinlər. Çünki bildilər, ata üçün xoş olacaq. Vətəni tarixlə, qəhrəmanlarımız haqda söhbətlərlə sevdirirdi övladlarına.

- Generalımızın mərhəməti, mərdliyi haqda sıravi insanlar arasında əfsanələr dolaşır. Amma nə qədər humanist olsaq da, kiminləsə ünsiyyətdən qaça bilərik. Polad bəyin qarşısındakı insanda sevmədiyi cəhət nə idi?

- Bilirsiniz, hərbçilərin bir andı var. Vətən torpağı üzərində gəzən vətəndaş kim olursa-olsun onu qorumaq, sağlığını təmin etmək vacibdir. Bəlkə də deyəcəksiniz ki, həyat yoldaşımı aliləşdirirəm. Polad, həqiqətən, hər kəslə gözəl ünsiyyət qurmağı bacarırdı. Elə mehriban, səmimi münasibət göstərirdi ki, qarşısındakı insan buna layiq olmağa çalışırdı. Amma biz onun insanlığından yola çıxırdıq. Məsələn, bu insan bəlli situasiyada özünə xas reaksiya verdi. Polad belə reaksiya verərdimi? Veməzdi. Sırf bu yolla təxmin edirdik.

- Ofelya xanım, Polad Həşimovun şəhidlik xəbəri hamımız üçün faciə oldu. Gözlənilməz idi.

- Sizə bir məqamı deyəcəm. Aprel savaşında evə daha tez-tez gəlirdi. Sanki ürəyinə nə isə dammışdı. Mən də hiss edirdim ki, narahatdır. Amma heç nə demirdi. Sırf bu hadisə qəflətən baş verdi. 29 iyunda bizi Şəmkirdən Qəbələyə yola salırdı. Əşyaları maşına yüklədi. Bizimlə sağollaşdı, maşının yola çxmağını gözləmədən korpusa geri qayıtdı. Bu mənim üçün çox qəribə oldu. Həyəcanla pəncərədən arxasınca baxdım. Çünki Polad heç vaxt belə etməzdi. Maşın gözdən itənədək arxamızca baxardı.

Mən bu çətinliklərə alışmışdım. Bəzən 10 günlərlə əlaqə saxlaya bilmirdik. İş başında olurdu. Amma bu dəfə çox narahat oldum. 9 iyulda son dəfə danışdıq. 13 iyulda əlini telefona atır ki, bizimlə əlaqə saxlasın. Görür, telefon cibində deyil. İş yoldaşı deyir, o qədər məyus oldu ki, axı mən ailəmlə danışacaqdım. Yoldaşı telefonun təklif etsə də razılaşmır ki, öz telefonumdan zəng vuracam. Amma simasındakı dəhşəti mənə təsvir edəndə çox üzüldüm. Bəlkə də telefonu sönməsəydi, ölümündən öncə son dəfə danışa bilərdik.

- Ofelya xanım, bütün xalqımız sizin gözəl ailənizi sevir, rəğbət bəsləyir. Əminəm ki, bundan sonra övldalarınızı Polad Həşimova layiqli şəkildə böyüdəcəksiniz.

- Mən onun bütün həyat prinsiplərinə sadiq qalacam. Məncə, Allah hər birimizə bütün duyğulardan bəxş edib. Onları inkişaf etdirmək bizim öz boynumuza düşür. Görünür, Polad özü də içindəki gözəllikləri daha çox qabartmışdı. Dini bayramlar yaxınlaşanda toy-bayram içində olurdu. Həddən çox qurban kəsərdi.

Üzündəki nur da imanından gəlirdi. Peyğəmbər əleyhissalamı çox sevirdi. Hətta yemək yeyəndə peyğəmbərimiz kimi boşqabın önündən başlayırdı ki, artıq yemək qalsa təmiz olsun ki, başqaları da yeyə bilsin. Polad məni yenidən yaratdı. Hər dəfə şüuraltıma hopdururdu ki, güclü olmalısan, dözümlü olmalısan. Cavab verirdim ki, məni güclü olmağa öyrətmə, dözümlü olmaq istəmirəm. Polad ömrünün 28 ilini hərbə həsr etmişdi, hətta elə ağır bölgələrdə xidmət etmişdi ki, həmin yerlərdə 1 il 3 ilə bərabərdir. Belə çıxır ki, onun xidmət yaşı özündən böyükdür.

Yəqin, xalqımız onun xatirəsini yaşadacaq. Bizə gələn gənc analara da deyirəm ki, övladlarınızın əlindən telefonları alın, evin bir divarına bayraq asın. Heç olmasa, bir neçə milli qəhrəmanımızın fotolarını divara düzün. Evin dizaynının dəyişəcəyindən ehtiyat etməyin. Ermənilər o qədər hiyləgər millətdir ki, bizim vətən sevgimiz önündə acizdirlər. Şəmkir məktəblərinin birində riyaziyyat müəlliməsi kimi çalışıram. Bir də şagirdlərimlə dərsdən çıxırdım. Hava yağışlı, palçıqlı idi.

Gördüm, yerə balaca kağız bayraq düşüb, tez götürdüm, cibimdən salfet çıxarıb təmizlədim. Bununla mən onlara örnək oldum. Bayrağı sev deməklə deyil, bayrağı, xalqı, vətəni sevməyi öz timsalımızda göstərməliyik. Övladlarını böyütmək xüsusi çətin olmayacaq. Çünki onlar Poladın davamçılarıdır. Polad həmişə deyirdi ki, mən heç sənə bir boyunbağı da ala bilmədim. Mənim üçün əsas o idi ki, Polad məni daha mərd, cəsur, özgüvənli, insan kimi yetişdirdi.

- Və nə yaxşı ki, ilk görüşdə yenidən geri döndü.

- Nə yaxşı ki...

Twitter

İnstagram hekayələrinə animasiyalı mətn artırılması üzərində işlər gedir.
Ted.az bildirir ki, bu barədə şirkətin rəsmiləri bildiriblər.

Qeyd olunub ki, insanlar Instagram-ı əsasən hekayələr bölümündəki rəngarəngliyə görə seçirlər. Hekayələrin belə çox istifadə edilməsinin səbəbi isə reklam üçün əlverişli şərait yaradılmasıdır. Elə yeniliyin əsas məqsədinin də istifadəçi sayını artırmaq olduğu bildirilib.
Yeniliyə görə, hekayə mətnlərini fərqli və animasiyalı şriftlərlə yazmaq mümkün olacaq.

Hazırda test mərhələsində olan yeni funksiyanın yaxın günlərdə təqdim ediləcəyi gözlənilir.

Twitter

Cərrahların istifadə etdiyi maska insanları koronavirus infeksiyasından daha yaxşı müdafiə edir.

“ScienceDaily” xəbər verir ki, Avstraliyadakı Yeni Cənubi Uels Universitetinin alimləri belə nəticəyə gəlib.

Tədqiqatçılar fərdi müdafiə üçün bir qatlı, iki qatlı və üç qatlı cərrahi maskaların effektivliyini müqayisə ediblər.

Sınaq zamanı alimlər virusun potensial daşıyıcıları tərəfindən mikroskopik damcıların yayılması prosesini izləyib.

Tədqiqat göstərib ki, üçqat cərrah maskası bu hissəcikləri digər maskaların hamısından daha yaxşı saxlayır. (oxu.az)

Twitter

Koronavirusun yayılma sürətinə görə, dünyanaın ən qabaqcıl ölkələrindən birinə çevrilən Hindistanda qəribə hadisə baş verib.

Maska taxmayan keçi saxlanılıb. Uttar Pradeş əyalətində Kanpur bölgəsində polis maskasız keçini maşınla idarəyə aparıb. Hadisəni eşidən keçi sahibi dərhal idarəyə üz tutub.
Uzun uzadı söhbətdən sonra keçi azad edilib. Ancaq bir şərtlər – bir daha maskasız gəzməyəcək.
Xəbər yayılandan sonra gülüş hədəfinə çevrilən polis idarəsi öz açıqlamasını dəyişməli olub. Onlar əslində maskasız gəzən adamı saxlamaq istədiklərini bildiriblər. “Gənc polisi görəndə keçini qoyub qaçdı. Buna görə də, polislər heyvanı idarəyə gətiriblər. Daha sonra keçi öz sahibinə təhvil verildi”. /BakuPost/

Twitter

Sərəncama əsasən, Emin Eldar oğlu Əmrullayev Azərbaycan Respublikasının Təhsil naziri təyin edilib.

Tanınmış jurnalist Şakir Eminbəyli yeni Təhsil nazirinin ailəsi, təhsil aldığı məktəbdən, çalışdığı müəssisədən xüsusi reportaj hazırlayıb. 

Həmin reportajı edirik:

Twitter