 |
|
Elmi araşdırmalar göstərir ki, koronavirus zəifləyir.
Cebhe.info xəbər verir ki, bu sevindirici xəbəri Milan Universitetinin prorektoru, virusoloq Massimo Klementi ararılan elmi araşdırmaların nəticəsinə istinadən deyib. O bildirib ki, bu, payzıda virusun ikinci dalğasının olmayacağını söyləməyə ümid yaradır.
Klementinin sözlərinə görə, kəskin vəziyyətdə olan xəstələrin sayı azalır. Həmçinin xəstəxanalardakı şəxslərin də sayında azalma qeydə alınır. Buna baxmayaraq, virusu daha yüngül keçirənlərin, evdə müalicəylə kifayətlənənlərin sayı artır.
Araşdırmalar mart və mayın ikinci yarısındakı göstəricilərə əsasən aparılıb. Məlum olub ki, martda virus maydakına nisbətən onlarla dəfə artıq olub:
“Bu, onu demeyə əsas verir ki, virus zəifləyir. Müxtəlif ölkələrdən aldığımız məlumatlar da bunu təsiqləyir”.
Klementi bildirib ki, virus digər koronavirus infeksiyaları kimi son həddə qədər zəifləyə bilər. Bu isə insan həyatı üçün ciddi təhlükə yaratmaz:
“Belə olarsa, payızda ikinci dalğa olmayacaq”.
“Əgər işçi evdə və ya ofisdə kompyuter qarşısında eyni işi görə bilirsə, deməli, məkanın elə də ciddi əhəmiyyəti yoxdur”.
Bu sözləri yenicag.az-a açıqlamasında koronavirus pandemiyası dövründə əksər insanların evdən işləməsinin faydalılıq əmsalına təsirlərini şərh edən “Sağlam Toplum” İctimai Birliyinin sədri Lalə Mehralı deyib.
Lalə Mehralının fikrincə, bir çox ölkələrdən fərqli olaraq, Azərbaycan cəmiyyəti əmək fəaliyyətini evdən həyata keçirməyə hazır olmamaqla yanaşı, həm də bunda maraqlı deyil. Çünki işləyən insanlar psixoloji olaraq, evdən işləməyin onların maaşlarının azalmasına səbəb olacağını düşünürlər:
“Dünyanın bir çox ölkələrində evdən işləmək rejiminə daha çox üstünlük verilir. Çünki bu halda ofis xərcləri minimuma endirilir, işçinin yol və gündəlik yeməyə pulu çıxmadığı üçün onlara daha az məvacib verilir.
Əgər işçi evdə və ya ofisdə kompyuter qarşısında eyni işi görə bilirsə, deməli, məkanın elə də ciddi əhəmiyyəti yoxdur. Lakin Azərbaycanda evdən işləmək rejiminə soyuq yanaşılır. Çünki əksər insanların evdən işləmək üçün uyğun şəraiti yoxdur.
Məsələn, şəxsi kompyuter və ya sürətli internet əlçatan olmaya bilər. Həmçinin yaşadığı mənzildə özünə iş masası ayırmaq imkanı olmayan şəxslər də evdən işləməyə çətinlik çəkirlər.
Digər tərəfdən, evdən işləyən işçinin əməkhaqqının kəsilmə ehtimalı da onu daim narahat edir. Karantin dövründə gördük ki, bir sıra şirkətlərdə işçi evdən işlədiyi üçün maaşının 40, 50, yaxşı halda isə 70 faizi ödənilir.
Ona görə də Azərbaycanda evdən işləməyin sərfəli olmadığı qənaəti yaranıb. Amma yenə deyirəm, münasib şərait olduğu halda, faydalılıq baxımından, ofisdən və ya evdən işləmək arasında ciddi fərq yaranmır”.
Bu il Azərbaycan Milli Mətbuatının yaranmasının 145 illik yubileyidir. Parlament Jurnalistləri Birliyi (PJB) bu münasibətlə silsilə tədbirlərə start verib. Tədbirlər ilin sonunadək davam etdiriləcək.
Bu barədə Modern.az-a açıqlamasında PJB-nin sədr müavini Aqil Camal bildirib.
Onun sözlərinə görə, yubiley tədbirlərinin başlanğıcı olaraq PJB üzvləri Azərbaycan Xalq Cümhuriyyəti dövründə parlament mətbuatını təmsil etmiş tarixi şəxsiyyətlərin xatirələrini yad ediblər:
“AXC dövründə parlamentin mətbuat orqanı olmuş “Azərbaycan” qəzetinin baş redaktoru Üzeyir Hacıbəylinin, parlamentin stenoqramlarını yazmış Cəfər Cabbarlının, Əhməd Cavadın məzar və abidələri ziyarət edilib”.
PJB yubiley tədbirləri çərçivəsində “Xalq Cümhiriyyəti parlamenti milli mətbuat işığında” adlı media layihəsinə də başlayıb. İyulun ayının 22-dək bu mövzuda araşdırma yazıları hazırlanacaq və mediada geniş yayılanacaq.
PJB həmçinin, tanınmış beynəlxalq media təşkilatı olan Qlobal Qəzetçilər Konseyi (KGK) ilə birlikdə Azərbaycan Milli Mətbuatının yubileyinə həsr olunmuş beynəlxalq konfrans keçirməyi də razılaşdırıb:
“Sözügedən beynəlxalq media qurumunun sədr müavini, PJB sədri Elşad Eyvazlının irəli sürdüyü bu təklif artıq qəbul olunub. Konfransın xarici ölkələrdən birində keçirilməsi nəzərdə tutulub. Pandemiya səbəbindən hazırda konfransı keçirmək mümkünsüzdür. Amma il ərzində mümkün olacağı ilk fürsətdə xaricdə bu tədbir keçiriləcək. Bununla belə, bütün hallarda 22 iyul ərəfəsində KGK çərçivəsində onlayn şəkildə də olsa, beynəlxalq konfrans gerçəkləşdiriləcək”,- A.Camal bildirib.
PJB-nin təsis etdiyi “Şirməmməd Hüseynov” media mükafatı da yubiley günlərində açıqlanacaq. Hazırda, mükafatın təqdimatı ilə bağlı məsələlər müzakirə mərhələsindədir.
Mətbuat təmsilçilərinə sosial dəstək məqsədilə PJB tərəfindən bir neçə tibbi müayinə aksiyanın da keçirilməsi nəzərdə tutulur.
ÜST-ün Covid-19 üzrə sözçüsü Tarik Jasareviç koronavirusun mutasiyaya uğraması ilə bağlı deyilənləri təkzib edib.
Sözçü REAL TV-yə müsahibəsində virusun daşıyıcısını öldürmək marağında olmadığını deyib:
“İndiyədək virusun özündə heç bir dəyişiklik görməmişik. Virus insan orqanizminə adaptasiya olur və bu adaptasiya elə gedir ki, əksər hallarda orqanizmə az zərər vurur. Virus daşıyıcını öldürmək marağında deyil. Çünki daşıyıcını öldürəcəyi təqdirdə, oradan başqa yerə gedə bilməyəcək. Belə ki, hələlik heç bir mutasiyadan söhbət gedə bilməz. İndiki halda virusa qarşı ya ictimai tədbirlər sayəsində, ya da tədqiqatlar sayəsində çarə tapmağa diqqət etməliyik ki, hazırda da bu proses davam edir”.
Bu simptomlar təkcə hər gün spirtli içki qəbul edənlərdə yox, ayda bir neçə dəfə içənlərdə də ola bilər. Hər şey orqanizmin içkinin zərərinə nə qədər tez ram olacağından və dözümündən, rezervindən asılıdır.
Medicina.az artıq alkoqoldan imtina etməyin vaxtını göstərən 5 siqnalı araşdırıb.
Özünüzü test edin:
- Ağızda quruluq, acılıq,zəhər tamı
Bu simptom içki qəbul edənlərdə qaraciyər və öd axarlarında tıxanma, problemlərin yarandığını göstərir. Eləcə də mədəaltı vəzin çökməsinə işarədir.
- Çox içəndən sonra ürəkbulanmasının olmaması
Bu əslində sağlam orqanizmin artıq içkiyə və toksinləşməyə verdiyi reaksiyadır. Bu yolla bədən etanoldan azad olmaq istəyir. Lakin müntəzəm içki içənlərdə bir neçə il sonra ürəkbulanma olmur, bu kişiləri sevindirir. Əslində isə bu ciddi siqnaldır, orqanizmin müdafiə sistemi çöküb.
Siz etanolla, keyfiyyətsiz içkidən zəhərlənəndə qusma refleksi işə düşməyəcək və ölə bilərsiz.
- Mədə -bağırsaqlarda problem.
İçki mədə və bağırsaqların işini, selikli qişasını tam pozur. Mikroflora dağılır, qarında köp, küy, diareya, qəbizlik yaranır. Gecə sansı, kolitlər olur.
- Yaddaş pozulması
Gecə içəndən sonra səhər dünən baş verənləri və nə dediyini xatırlamamaq artıq alkoqol asılılığının əlamətidir.
Bu simptom beyinin böyük bir sahəsində hüceyrələrin dağılmağa doğru getdiyini göstərir.
- Qızaran üz, saralan dırnaqlar
Dırnaq sədəfinin saralması qaraciyərdə, göyərib, bənövşəyi rəng alması isə ürək damarda problemlərin başlandığını göstərir. Çox içki içənlərdə dırnaqda bu əlamətlər olur və yaranarsa, dərhal içkini tərgitmək lazımdır.
İçkidən sonra üzün çox qızarması artıq içkiyə qarşı allergiyanın olmasını göstərir.
Həmin içkini və ya ümumiyyətlə alkoqolu bədən qəbul etmək istəmir. Amma daha çox hallarda bu qızarma arterial hipertenziya, təzyiq problemini göstərir.
Bu halda içkiyə davam, insult, infarktla yekunlaşa bilər.
Bakıda və Abşeron yarımadasında sabah hava günəşli olacaq, cənub küləyi əsəcək.
Milli Hidrometeorologiya Xidmətindən verilən məlumata görə, havanın temperaturu Abşeron yarımadasında gecə 19-23, gündüz 30-35, Bakıda gecə 19-21, gündüz 32-34 dərəcə olacaq.
Atmosfer təzyiqi norma daxilində 761 mm civə sütunu, nisbi rütubət gecə 70-80, gündüz 40-45 faiz təşkil edəcək.
Azərbaycanın rayonlarında iyunun 9-da hava şəraitinin əsasən yağmursuz keçəcəyi, lakin axşam bəzi dağlıq ərazilərdə şimşək çaxacağı, qısamüddətli yağış yağacağı, dolu düşəcəyi gözlənilir. Səhər bəzi yerlərdə duman olacaq, şərq küləyi əsəcək. Havanın temperaturu gecə 16-21, gündüz 33-38, dağlarda gecə 10-15, gündüz 20-25 dərəcə olacaq.
Tibbi-meteoroloji proqnoza gəlincə, iyunun 9-10-da Abşeron yarımadasında meteoroloji amillərin zəif tərəddüdü gözlənilir ki, bu da meteohəssas insanlar üçün əsasən əlverişlidir.
Daha çox tənəffüs çatışmazlığı, boğulmalar, yüksək hərarət müşahidə olunub.
Bu haqda TƏBİB-in şöbə müdiri Yaqut Qarayeva AzTV-də yayımlanan “Hədəf” verilişində deyib:
“Çox təəssüf hissi ilə qeyd edirəm ki, vətəndaşlar bizim sözlərimizi düzgün başa düşmürlər. Biz karantin rejimindən addım-addım yumşaltmaya gedək dedik. Ancaq onlar elə düşündülər ki, artıq virus bitdi. Bu gün dedik yumşaltmaya gedirik, sabah hamı çıxdı küçələrə... Parklarda o qədər ciddi sıxlıq var idi. Bir nəfər adamı biz maskada görmədik. Hamı sərbəst şəkildə gəzirdi və hesab edirdilər ki, artıq virus bitdi.
Daha çox tənəffüs çatışmazlığı, boğulmalar, yüksək hərarət müşahidə olunur. Hətta mədə-bağırsaq sistemi tərəfindən olan simptomlarla da şikayətlər var.
Biz həmişə deyirdik ki, yaşlılar və xroniki xəstələr daha çox rəhmətə gedir. Bugünkü gündə biz bunun tərsini görürük. Belə davam etsə, bunu hər kəs görəcək. Artıq çox gənc, orta yaşlara gəlir”.
İsveçin Göteborq şəhərində işləmək tələb olunmayan iş üçün vakansiya elan edilib.
Həmin işin yeganə öhdəliyi yeni tikilən stansiyada işığı yandırıb söndürməkdən ibarət olacaq.
Bunun üçün aylıq 2 300 dollar əmək haqqı təyin olunub. İşi qəbul edən şəxs səhər işığı yandırmaq, axşam iş gününün sonunda isə işığı söndürmək üçün stansiyaya getməlidir. Yeganə tələb işığın dəqiq vaxtında yandırılıb-söndürülməsidir.
Qeyd olunur ki, həmin vakansiyaya ABŞ, Tayvan, Filippin kimi ölkələrdən də müraciət edilib.
Vakansiya art eksperiment xarakteri daşıyır və cəmiyyətdə qeyri-bərabərliyin artmasına diqqət yönəltmək məqsədi daşıyır. Layihə İsveç İncəsənət Şurası və Nəqliyyat İdarəsi tərəfindən maliyyələşdirilir. Əməkhaqqı fondu 650 min dollardan ibarətdir. (trend)
"ZƏFƏR" Şəhid Ailələrinə Dəstək İctimai Birliyi və İKT LAB Tətbiq və Təlim Mərkəzi Beynəlxalq uşaq gününə həsr olunmuş kiçik yaşlı Şəhid övladlarının iştirakı ilə maraqlı videoçarx hazırlayıb
Zəfər.Az həmin videoçarxı təqdim edir:
245 nömrəli tam orta məktəbin Məktəbəhazırlıq qrupu 1 iyun Uşaqların Beynəlxalq Müdafiəsi Günü ilə bağlı maraqlı video hazırlayıb.
"Ölkə.Az" xəbər verir ki, Şəhran Gülməmmədovanın rəhbəri olduğu qrupun uşaqları "Mən də uşağam..." şüarıyla arzu və istəklərini, eyni zamanda hüquqlarını dilə gətiriblər. Daha ətraflı videomaterialda tanış ola bilərsiniz: