 |
|
Müştərinin satıcını aldatması anı kameralara tuş gəlib.
"Xəzər Xəbər"in məlumatına görə, hadisə dünən paytaxtın Xətai rayonu, Kazımağa Kərimov küçəsində yerləşən mağazalardan birində baş verib.
Mağazaya müştəri qismində daxil olan bu şəxs əvvəlcə su və siqaret alıb. Ödəniş etmək üçün kassaya yaxınlaşaraq, satıcıya 20 manat göstərib. Daha sonra satıcının diqqətini yayındıran şəxs pulu cibinə qoyub.
Bundan sonra ondan pul aldığını düşünən satıcı əlavə olaraq həmin şəxsə pul qaytarıb.
Mağaza sahibi deyir ki, həmin şəxs mağazanın daimi müştərisi deyil.
Faktla bağlı polisə məlumat veriləcəyi bildirilir.
 |
Albalı ən faydalı giləmeyvələrdən biri sayılır.
Türkiyədə son aylarda izlənmə rekordu qıran “Hərcai” serialının baş rol ifaçısı Əbru Şahinin erməni əsilli olduğu üzə çıxıb.
Publika.az xəbər verir ki, 25 yaşlı aktrisanın ana tərəfinin erməni olduğu iddia edilib.
Məlumat üçün bildirək ki, “İstanbullu gəlin” serialında Burcu xarakteri ilə məşhurlaşmağa başlayan film ulduzu İstanbul Universitetinin İdman fakütləsində təhsil alıb. O, idman təhsilini başa vurduqdan sonra aktyorluq kurslarına yazılıb.
"Bu şəhərdə" komandası yeni kinokomediyanın çəkilişlərinə başlayıb.
Kult.az xəbər verir ki, artıq 3 gündür çəkilişlərinə start verilən tammetrajlı kinokomediyanın adı "Şabaş"dır.
Filmin baş rollarını əməkdar artistlər Coşqun Rəhimov və Rafael İsgəndərov canlandırır.
Kinokomediyanın ssenari müəllifi Müşfiq Abbasovun saytımıza verdiyi məlumata görə, bu ssenari 10 il əvvəl qələmə alınıb:
"Lakin vaxt çatışmazlığı səbəbindən bu layihəni həyata keçirə bilmirdik. Filmin çəkilişləri yay fəsli ərzində davam edəcək. Çəkilişlər əsasən Bakı və Bakıətrafı ərazilərdə, şadlıq evlərində, əyləncə mərkəzlərində, restoranlarda aparılacaq. Filmdə başqa aktyorlar, musiqiçilər də rol alacaq".
Müşfiq Abbasov bildirib ki, kinokomediyanın premyerası noyabr ayına planlaşdırılır.
Qeyd edək ki, filmin ssenari müəllifi və baş prodüseri Müşfiq Abbasov, quruluşçu rejissorları Xəyyam Abdullayev və Elməddin Alıyevdir.
Britaniya alimləri heç bir prosedura reaksiya verməyən dözümlü xərçəng hüceyrələrinin inkişafını dayandıracaq yeni preparatların yaxın 10 ildə kəşf edilə biləcəyini açıqlayıblar.
Britaniyanın Xərçəng Tədqiqatları İnstitutu (ICR) bu araşdırmaya 75 milyon funt sterlinq ayıracağını açıqlayıb.
İCR Londonun cənubundakı Sutton qəsəbəsində yeni dərmanlar hazırlayan müasir araşdırma mərkəzi açmaq istəyir.
İnstitutun rəhbəri Paul Vorkman deyib ki, xərcənglə mübarizədə ən böyük problem xərçəng hüceyrələrinin dərmanlara adaptasiya olmaları və dərmanlara qarşı müqaviməti artırmalarıdır.
Onun sözlərinə görə, yeni dərmanlar xərçəng hüceyrələrinin inkişafını daha uzun müddət üçün əngəlləyə biləcək. Bundan başqa, xərçəngdən xilas olma halları artacaq.
Hazırda QİÇS virusu ilə mübarizə də bu mərhələdədir.
Araşdırmaçılar deyirlər ki, onkoloji xəstəliklərlə mübarizənin müasir metodları, məsələn, kimyaterapiya bəzən müsbət nəticə vermir, xərçəng hüceyrələri sağ qalır, adaptasiya olunur və xəstəlik yenidən qayıdır.
"Xərçəng hüceyrələrinin təkmilləşmək və müqaviməti artırmaq xüsusiyyəti xərçənglə bağlı əksər ölümlərin əsas səbəbi və bu xəstəliklə mübarizəni çətinləşdirən başlıca problemdir", - professor Vorkman deyir.
Onun sözlərinə görə, İCR xərçəngin müalicəsinə radikal dərəcədə yeni yanaşma hazırlayır, bu yanaşma xərçəng hüceyrələrinin təkamül prosesini əvvəldən təxmin etməyə hesablanıb. Araşdırmaçıların hədəfi hüceyrələrdə preparatlara qarşı müqavimətin formalaşmasına mane olmaqdır.
İnstitut bu araşdırma üçün 300-dək araşdırmaçını işə cəlb etmək istəyir.
Xərçəngin bütün növləri mütəmadi olaraq təkamül edir. Bu isə böyük problem yaradır, çünki xərçəng hüceyrələrinin müalicə kursuna qarşı müqaviməti xəstəliyin geri qayıtmasına səbəb olur.
İCR bu təkamül prosesindən yeni müalicə üsulları tapmaq üçün istifadə etməyi planlaşdırır.
Bundan başqa, araşdırmaçılar xərçəng hüceyrələri və şişlərinin təkamülünü məhdudlaşdıracaq və ya dərmanların təsirini artıracaq preparatlar hazırlamağa ümid edirlər.
Eyni vaxtda bir neçə preparatdan istifadə edilməsi də xərçəng hüceyrələrinin inkişafına mane ola bilər.
Araşdırmaların ilkin mərhələsində pozitiv nəticələr əldə edilib, amma onların pratikada tətbiqinə ən azı 10 il vaxt lazım gələcək.
Alimlər ümid edirlər ki, xərçəngin yeni müalicə metodu müsbət nəticə verəcək. Bu metod eyni vaxtda bir neçə preparatdan isitfadəni və xərçəng hüceyrələrinin təkamülünü təxmin edəcək, buna mane olacaq süni intellekt proqramının tətbiqini nəzərdə tutur.
Daha çox yaşamaq
Yeni araşdırma mərkəzinin rəhbəri doktor Andrea Sottoriva deyir ki, süni intellektin tətbiqi və riyazi proqnozlaşdırma metodları xərçəng hüceyrələrinin davranışını və yeni müalicə üsullarına reaksiyasını anlaya bilər.
Alimlər immun sisteminin bir hissəsi olan protein molekulu APOBEC-in fəaliyyətini dayandıracaq yeni preparatlar üzərində işləyirlər, çünki xərçəng hüceyrələrinin yarıdan çoxu məhz bu molekulu nəzarətə götürür və bu onlara immun sisteminə qarşı müqavimət göstərmək imkanı verir.
"Biz çox əminik ki, yeni araşdırmalar sayəsində xərçəngi daha uzun müddət nəzarətdə saxlamağın yolunu tapacaq və hətta xəstələri müalicə edib onların daha uzun və daha keyfiyyətli həyat yaşamasına nail olacağıq", - professor Vorkman belə deyir.
BBC Azərbaycanca
Nobel mükafatçısı olan amerikalı fizik Marri Qel-Man 90 yaşında vəfat edib.
Kult.az xəbər verir ki, bu məlumatı Santa-Fe İnstitutu öz Tvitter səhifəsində yayıb.
Qeyd edək ki, Qel-Man Nobel mükafatını 1969-cu ildə alıb. O bu mükafata elementar hissəciklərin sinifləndirilməsi və onların qarşılıqlı fəaliyyətinə görə əldə edib.
Bal saxlanma şərtləri və istifadə müddəti olmayan, 40-dan çox növü olan, çoxlu sayda mineral və vitaminlərlə zəngin, saysız-hesabsız müalicəvi xassələri özündə daşıyan qida məhsuludur. Onun rəngi və dadı tərkibindəki çiçək və otlardan asılı olaraq dəyişir. Tərkibində 13-20 faiz su, 80 faizdən çox karbohidrat, 0.4 faiz zülal, 0.3 faiz kül var. Bundan başqa tərkibinə üzvi turşular və fermentlər də daxildir.
Bal daha çox müalicə məqsədilə, eyni zamanda, dadlandırıcı və qoruyucu kimi qənnadı sənayesində istifadə olunur. Bəzən balın tərkibində bakteriya, kif və maya göbələklərinə də rast gəlinir. Bu mikroorqanizmlərin miqdarı balın keyfiyyəti və təhlükəsizliyinə təsir edir. Xoşbəxtlikdən bakteriya və mikrobların çoxu balda böyüyə və çoxala bilmir, lakin spor əmələgətirən mikroorqanizmlər - “Bacillus cereus”, “Clostridium perfringens” bakteriyaları balda uzun müddət yaşaya bilər. Balda olan “Clostridium botulinum” bakteriyası 2 yaşdan aşağı körpələrdə ciddi qida zəhərlənməsi sayılan “botulizm”ə yol aça biləcəyi üçün onlara bu qida məhsulu verilməməlidir.
Azərbaycan Qida Təhlükəsizliyi Agentliyinin informasiya təminatı və innovativ həllər şöbəsindən Azərtac-a bildirilib ki, son dövrlərdə ölkəmizdə saxta balların hazırlanması və satışı artıb. Saxta balın bir sıra orqanoleptik xüsusiyyətləri təbii bala oxşayır. Lakin arılar tərəfindən istehsal olunan təbii balın tərkibində olan fermentlər, çiçək tozu və dekstrinler süni balda yoxdur. Saxta bal hazırlanarkən şəkərli məhsul – yemiş, qarpız, şəkər qamışı və şəkər çuğunduru, təbii rəngləndiricilər – dazı otu, çay dəmləməsi, zəfəran, yaxud süni rəngləndiricilərdən istifadə olunur. Aparılan araşdırmalar nəticəsində müəyyən olunub ki, təbii bal və şəkəri bir-birindən ayıran çox mühüm fərqlər var. Şəkər həzm sistemində parçalanaraq qana keçir, lakin təbii bal parçalanmadan sürətli şəkildə qana qarışa bilir. Beləliklə, bal insan orqanizminin ən yüksək dərəcədə faydalana biləcəyi qida məhsuludur. Lakin bal sırf şəkərdən hazırlandığından insan orqanizminə bir sıra fəsadlar da törədə bilər. Tədqiqatlar göstərir ki, insan orqanizminə şəkərin heç bir faydası yoxdur. Şəkər orqanizmdə qaraciyər tərəfindən metabolizə edilir. Bu da qaraciyərin bəzi funksiyalarının pozulmasına və onun normal fəaliyyətinin çətinləşməsinə gətirib çıxarır. Əgər insan aktiv həyat tərzi keçirmirsə və normadan artıq şəkər qəbul edirsə, o zaman xərçəng hüceyrələrinin yaranması, qaraciyər piylənməsi, depressiya və psixi pozuntular, diabet xəstəliyi, normadan artıq çəki, damar tıxanıqlığı, uşaqlarda böyümə hormonlarının ifrazının ləngiməsi, orqanizmin hormonal balansının pozulması, diqqət dağınıqlığı, dişlərin çürüməsi və bununla bağlı yaranan böyrək və bağırsaq iltihablanmaları, orqanizmin immun sisteminin zəifləməsi kimi xəstəliklər meydana çıxa bilər.
Bütün bunları nəzərə alaraq istehlakçıların təbii baldan istifadə etməsi daha məsləhətlidir.
Emori və Kornell Uviversitetlərinin (ABŞ) alimləri təbii meyvə şirələri və qazlı içkilərin (kola, limonad və s.) insan sağlamlığına olan təsirini araşdırıblar.
"Maykrosoft" şirkəti Çinin telekommunikasiya şirkəti "Huavey" ilə istehlakçı elektronika və b2b həlləri seqmentlərində əməkdaşlığı dayandıra bilər.
Trend-in məlumatına görə, mayın 20-də Amerika Korporasiyası "Huavey" ilə əməkdaşlığın dayandırılması barədə müxtəlif ölkələrdə, o cümlədən Rusiyadakı nümayəndəliklərinə məktublar göndərib.
Qeyd edilir ki, "Huavey" istehlakçı seqmentində noutbuklarda “Maykrosoft”-un Vindovs əməliyyat sistemindən, b2b-də Amerika korporasiyasının server və məlumatların saxlanılmasının həllərində softundan, eləcə də “Huavey Kloud” xidmətindən istifadə edir.
Almaniya alimləri sübut edirlər ki, antiperspirantlarıdan istifadə ağır nevroloji xəstəliklərin inkişafına səbəb ola bilər.
Bunun səbəbi antiperspirantların tərkibində olan allüminiumdur. Məhz allüminium yayılmış skleroz və alzeymer xəstəliyinin inkişafı ilə əlaqələndirilir.
Sağlamolun.az xəbər verir ki, alimlər yayılmış skleroz xəstəliyindən vəfat edən insanların beynini təhlil etdikdən sonra orada allüminiumun yüksək səviyyədə olmasını aşkar ediblər.
Kil Universiseti alimlərinin fikrinə görə, insan orqanizminə vaksinlər və antiperspiratlardan daxil olan allüminium burada toplanaraq beyində patoloji proseslərin inkişafına təkan verir.
Bütün bunları nəzərə alaraq alimlər antiperspirantlardan daha az istifadə etməyi, onları təbii vasitələrlə əvəz etməyi tövsiyə edirlər.