 |
|
“Çətin həyat şəraitində hesab edilmənin əsasları üzrə şəxsin (ailənin) çətin həyat şəraitində olmasını təsdiq edən sənədlərin Siyahısı”nda dəyişiklik edilib.
Bu barədə Əli Əsədov qərar imzalayıb.
Dəyişikliklə 10.1.1-ci yarımbənd aşağıdakı redaksiyada verilib:
“10.1.1. şəxsin sosial xidmət müəssisələrini, habelə ümumi təyinatlı internat tipli və internat tipli xüsusi ümumtəhsil məktəblərini tərk etməsi ilə bağlı həmin müəssisələrin arayışı;”.
ABŞ-ın Xarici Əlaqələr Şurası (CFR) Azərbaycan və Ermənistanı 2024-cü ildə müharibə ehtimalı olan ərazilərə daxil edib. Qərb platformasında belə proqnozlar intensiv şəkildə irəli sürülür və daha çox “Azərbaycanın Ermənistana hücumu” kontekstində təqdim edilir.
CFR-nin proqnozu fonunda müəyyən ssenariləri təxmin etmək mümkündür.
Birinci ssenari Zəngəzur dəhlizi uğrunda müharibədir: Qərbdə daha çox bu ssenarinin üzərində dayanılır, hərçənd, Azərbaycan beynəlxalq reaksiyanı nəzərə alaraq, bu istiqamətdə hərbi addım atmayacaq: Bakı rəsmi İrəvanın Naxçıvana maneəsiz keçidin verilməsinə razı olacağı situasiyanın yaradılması məqsədilə Zəngəzur dəhlizi layihəsində alternativ marşturların işə salınması, Ermənistanın “dalan ölkə” olaraq saxlanılması planı üzrə hərəkət edir;
İkinci ssenari Qazaxın 4 kəndinin azad edilməsidir: Bakı və İrəvan arasında birbaşa təması həyata keçirən sərhədin delimitasiyası üzrə komissiyalarda aktual məsələ 8 kəndin taleyinin həll edilməlidir; rəsmi Bakı anklav olmayan 4 kəndin - Qazaxın Bağanis Ayrım, Qızıl Hacılı, Aşağı Əskipara və Xeyrimli kəndləri – qaytarılmasını, anklav olan kəndlərin ikinci mərhələdə müzakirəsini təklif edir, lakin Ermənistan bu və ya digər formada prosesdən yayınır; seçkilərdən sonra 4 kəndə nəzarətin bərpası istiqamətdə hərbi addımın atılması ssenarisi mümkün variantlardan biridir;
Üçüncü ssenari Ermənistanın sərhədboyu ərazilərdə təxribat hücumlarına əl atmasıdır: bu ssenaridə məqsəd hərbi üstünlük əldə etməkdən daha çox siyasi prosesləri sərhəd eskalasiyası üzərindən idarə etməkdir; rəsmi İrəvan Moskvanın “müttəfiqliyindən” imtina etmək və Qərbin “təhlükəsizlik çətiri” altına sığınmaq məqsədilə Azərbaycanla eskalasiyaya getmək ssenarisini hələ də aktual olaraq saxlayır; qarşıdakı dövrdə bu ssenarinin tətbiqi istisna edilməməlidir.
Daha öncə də yazmışdıq: Qərb platformasında Azərbaycan-Ermənistan arasında müharibə riskinin qalması, məsələni xüsusilə “Azərbaycanın Ermənistana hücum hazırlığı” kontekstində təqdim edilməsi mümkün erməni təxribatına hazırlıq məqsədi daşıyır; eyni zamanda, Azərbaycan ətrafında informasiya vakuumu yaradaraq, rəsmi Bakını danışıqların Qərb platformasında davam etdirilməsinə razı salmağa çalışırlar.
Fevralın 7-də keçiriləcək növbədənkənar prezident seçkiləri ilə əlaqədar seçkiqabağı təşviqat başa çatıb.
Seçki Məcəlləsinə əsasən, qeydə alınmış namizədlər, onların səlahiyyətli nümayəndələri və vəkil edilmiş şəxsləri, namizədi qeydə alınmış siyasi partiyalar, siyasi partiyaların blokları, onların səlahiyyətli nümayəndələri və vəkil edilmiş şəxsləri tərəfindən seçkiqabağı təşviqatın aparılmasına səsvermə gününə 23 gün qalmış başlanmalı və səsvermənin başlanmasına 24 saat qalmış dayandırılmalıdır.
Növbədənkənar prezident seçkiləri ilə əlaqədar seçkiqabağı təşviqatın aparılmasına 2024-cü il yanvarın 15-i başlanılıb və təşviqat fevralın 6-sı saat 8.00-da dayandırılmalıdır.
Bu günü qeyri-rəsmi olaraq “sükut günü” də adlandırırlar.
Qeyd edək ki, fevralın 7-də seçki məntəqələri səhər saat 8-də açılacaq və səsvermə 19:00-a qədər davam edəcək.
MSK tərəfindən prezidentliyə 7 nəfər qeydiyyata alınıb - hakim Yeni Azərbaycan Partiyasının prezidentliyə namizədi İlham Əliyev, namizədliyi özü tərəfindən irəli sürülən Zahid Oruc, Milli Cəbhə Partiyasının prezidentliyə namizədi Razi Nurullayev, Böyük Quruluş Partiyasının prezidentliyə namizədi Fazil Mustafa, Böyük Azərbaycan Partiyasının prezidentliyə namizədi Elşad Musayev, Bütöv Azərbaycan Xalq Cəbhəsi Partiyasının prezidentliyə namizədi Qüdrət Həsənquliyev və namizədliyi özü tərəfindən irəli sürülən Fuad Əliyev.
Azərbaycanda növbədənkənar prezident seçkisinin əhəmiyyətini, geosiyasi miqyasa təsirlərini həzm edə bilməyənlər yenə hərəkətə keçib.
Onlar yalnız bağlı olduğu mərkəzlərdən təlimatlar alırlar və həmin tezislər uyğun hərəkət edirlər, ictimai rəyi çaşdırmağı qarşıya məqsəd qoyurlar.
Elə bu günlərdə Qərbin ənənəvi oyuncaq təşkilatı kimi Azərbaycan əleyhinə istifadə edilən “Seçkilərin Monitorinqi və Demokratiyanın Tədrisi Mərkəzi”nin (SMDT) və onun rəhbərliyində təmsil olunan Anar Məmmədliyə Qərbdən xüsusi tapşırıq alması haqda məlumat yayıldı.
Məlumat siyasi ekspert Telman İsaya istinadən mediada işıqlandırıldı..
Xəbərə görə, Anar Məmmədliyə seçki günü ictimai rəyi manipulyasiya etmək və neqativ məcraya yönləndirmək üçün 500 nəfər müəyyənləşdirmək, həmin adamları “seçki pozuntuları” videoları çəkmək üçün texniki avadanlıqlarla təchiz etmək tapşırılıb.
Lakin necə deyərlər, bu plan suya düşüb və təlimatı hazırlayanlarla onu icra etmək öhdəliyi təyin edilən şəxslər bu istiqamətdə heç bir şeyə nail ola bilməyiblər.
İflasa uğrayan cəhdlə bağlı Oxu.Az-a bir sıra əlavə detallar da məlum olub.
Aldığımız məlumata əsasən, Anar Məmmədli səriştəsizliyini ört-basdır etmək üçün dəridən-qabıqdan çıxır.
İndi o, özünü sübut etməkdən ötrü yeni plan üzərində işləyir.
İndiyədək Anar Məmmədli cəmi 20-30 nəfərlik təxribat qrupu formalaşdırmağa nail olub, onların əksəriyyəti “Azadlıq” qəzeti və “Azadlıq” radiosunun əməkdaşlarından ibarətdir.
Lakin Anar Məmmədlinin xüsusi qruplar formalaşdırmaq cəhdləri plana uyğun nəticə vermir və o, faktiki olaraq, üzərinə götürdüyü öhdəliyi yerinə yetirə bilmir.
Anar Məmmədli və onun ətrafına topladığı bir neçə nəfərlə seçki günü müxtəlif məntəqələrin işini pozacaq təxribatlar törətmək, məntəqələrdə səs-küy salmaq, bilərəkdən gərginlik yaratmaq və xüsusi video görüntülər paylaşmaq tapşırılıb.
Aldığımız məlumata görə, Anar Məmmədliyə verilən tapşırıq (500 nəfərlik qrup) faktiki olaraq, icra olunmadığından, ona öz qüvvəsini jurnalist Xədicə İsmayılın “dəstəsi” ilə birləşdirmək tövsiyə olunub və bu günlərdə məsələ müzakirə də edilib.
Bu da çıxış yolu... Daha doğrusu növbəti fiasko.
Qısası, Anar Məmmədli və onun ətrafı ağalarının istəyinə uyğun istənilən effektiv fəaliyyətə malik deyillər.
Buna görə də, bəzi səbəblərdən, o cümlədən, ayrılan vəsaitin bölüşdürülməsi məsələdəki fikir ayrılıqları üzündən “koalisiya” baş tutmayıb və Anar Məmmədli ilə Xədicə İsmayılın ayrı-ayrılıqda “işləməsi” qərara alınıb.
Azərbaycan ATƏT-in müşahidəçisi kimi ölkəmizə daxil olmağa cəhd edən Nik Quqqerin girişinə əngəl olub. Polis onu hava limanında yoxladıqdan sonra İstanbul reysi ilə geri göndərib.
“AzPolitika.info” xəbər verir ki, bu barədə “Caliber” “Telegram” kanalı məlumat verib. Qeyd olunur ki, o, İsveçrədəki erməni lobbisinin fəal dəstəkçisidir və Azərbaycanı “xristianların soyqırımı”nda ittiham edərək sanksiyalar tətbiq olunmasını tələb edir.
Nik Quqqer bir müddət əvvəl AŞPA-da Azərbaycan əleyhinə çıxış edib. Daha əvvəl isə Qarabağ məsələsinə görə Ermənistana dəstək nümayiş etdirib. İsveçrə XİN onun geri göndərilməsi ilə bağlı məlumatı təsdiqləyib.
Bununla belə hazırda ATƏT-in Azərbaycanda seçkiləri müşahidə missiyasının tərkibində qatı ermənipərəstlər yenə də var. Onlardan biri Lüksemburq parlamentin keçmiş spikeri Fernand Etgendir. Etngenin Qarabağ münaqişəsinə görə Ermənistanı açıq müdafiə etməsinin və Azərbaycana qarşı çıxışlarının uzun tarixçəsi var. 44 günlük Vətən müharibəsindən sonra - daha dəqiq, 2020–ci il dekabrın 24-də Lüksemburq Böyük Hersoqluğunun Deputatlar Palatasının Dağlıq Qarabağla bağlı qəbul etdiyi qətnamədə Fernand Entgenin də imzası var.
Sözügedən qətnamədə Azərbaycan hakimiyyəti "dağlıq Qarabağın" yekun "statusu"na aparan siyasi prosesə təşəbbüs göstərməyə, "kasset silahlarından istifadə daxil olmaqla, mülki infrastruktura hücumlara dair sənədləşdirilmiş hərbi cinayətlərin müstəqil araşdırılmasına" tərəfdar olmağa, "erməni monastrlarının, kilsələrin və abidələrin müdafiəsinə zəmanət verməyə" çağırılıb.
Xatırladaq ki, Azərbaycan Xarici İşlər Nazirliyi həmin bəyanatı pisləyən bəyanat vermişdi. XİN-in bəyanatında deyilir ki, parlamentin Xristian-Sosialist Siyasi Partiyasının ermənipərəst üzvü Klod Viseler tərəfindən irəli sürülən bu qətnamədə bölgədəki vəziyyətlə bağlı həqiqətlər təhrif olunur, Azərbaycan və Türkiyəyə qarşı tamamilə əsassız ittihamlar irəli sürülür.
“Vurğulamaq istərdik ki, bu kimi təxribat xarakterli və qərəzli sənədlərin qəbulu bölgənin beynəlxalq hüquq prinsiplərinə hörmət əsasında gələcək inkişafı və tərəqqisinə maneə ola bilməyəcək”, - XİN-in bəyanatında deyilir.
Onu da xatırladaq ki, bu il yanvarın 31-də Lüksemburq parlamenti sədrinin dəvəti ilə bu ölkəyə Ermənistan-Lüksemburq Dostluq Qrupunun rəsmi səfəri olub. Məlumata görə, dostluq qrupunun rəhbəri S.Qazaryan, deputatlar T.Vardanyan, A.Culakyan və A.Yeqoyan Lüksemburqun Deputatlar Palatasının sədri Fernand Etgen ilə görüşüblər. S.Qazaryan Lüksemburq parlamentinin 15 oktyabr, 24 dekabr 2020-ci il və 10 noyabr 2021-ci il tarixlərində yekdilliklə qəbul etdiyi qətnamələrə görə təşəkkür edib.
Xarici İşlər Nazirliyinin mətbuat katibi Ayxan Hacızadə “AzPolitika.info”ya açıqlamasında bildirib ki, bu barədə onlarda məlumat yoxdur.
“Sorğunun aidiyyatı qurumlara, o cümlədən Mərkəzi Seçki Komissiyasına ünvanlanması məqsədəuyğun olar”, - o deyib.
Zərdab Rayon Polis şöbəsinin iki rəis müavini sərəncama göndərilib.
Qaynarinfo-nun məlumatına görə, daxili işlər naziri general-polkovnik Vilayət Eyvazovun müvafiq əmri ilə RPŞ-nin xidmət üzrə rəis müavini polis polkovnik-leytenatı Urman Ağayev və əməliyyat işləri üzrə rəis müavini polis polkovnik-leytenantı İkram Əhmədov vəzifəsindən azad edilib.
Onların hər ikisi sərəncama götürülüb.
Qeyd edək ki, Urman Ağayev 2020-ci ildə, İkram Əhmədov 2021-ci ildə sözügedən vəzifələrə təyin olunub.
Son olaraq AŞ PA-da ölkəmiz əleyhinə ədalətsiz qərara dəstək verən birinin Azərbaycandakı seçkiyə hansı obyektiv qiyməti ola bilər?7 fevral prezident seçkisinə sayılı günlər qaldığı vaxtda Azərbaycana qarşı beynəlxalq arenada qarayaxma kampaniyaları davam edir. İsveçrənin Yevangelist Xalq Partiyasının üzvü Nik Quqqerin Bakıya buraxılmaması ətrafında yaradılan səs-küy, “Blick” qəzetinin yazdıqları da buna sübutdur.
Musavat.com xəbər verir ki, Quqqerin Hindistanda anadan olub. 2017-ci ildən Yevangelist Xalq Partiyasının Milli Şurasının üzvüdür.
png-clipart-evangelical-people-s-party-of-switzerland-swiss-federal-election-2015-political-party-swiss-people-s-party-national-council.png (15 KB)
İsveçrə nəşrinin yazdıqlarını Ermənistanın newsam.ru saytı dərhal tirajlayıb. Bildirilir ki, fevralın 3-də Nik Quqqeri Bakı aeroprtunda saxlayıblar. Onun Azərbaycana Avropada Təhlükəsizlik və Əməkdaşlıq Təşkilatının (ATƏT) rəsmi və akkreditə olunmuş seçki müşahidəçisi kimi gəldiyi iddia olunur. Quqqerin bu sahədə təcrübəsi olduğu, Rusiya və Moldovada oxşar missiyalarda iştirakçı olduğu deyilir. Lakin Bakıya enən kimi diplomatik girişdə onu polislər saxlayıblar. ATƏT-in digər müşahidəçiləri, o cümlədən İsveçrə nümayəndə heyəti problemsiz ölkəyə buraxılıb, amma onun ölkəyə daxil olmasından imtina ediblər.
Polis siyasətçini Bakı hava limanında təxminən üç saat saxlayıb, onu çaya qonaq ediblər. Sonra isə İstanbula uçan təyyarəyə mindiriblər, Türkiyədən isə Sürixə gedib. Nəşr yazır ki, Quqqer ölkəsinin xarici işlər naziri İqnazio Kassisə bu barədə məlumat verib. İsveçrə Xarici İşlər Nazirliyi nəşrə insidentlə bağlı məlumatlandırıldıqlarını təsdiqləyiblər.
“Qeydiyyatdan keçmiş ATƏT müşahidəçisinin ölkəyə buraxılmaması diplomatik qalmaqaldır və çox nadir hallarda baş verir”, - deyə nəşr vurğulayır.
Nəşr bundan sonra Azərbaycan prezidentini hədəf alıb.
Quqqerin nə üçün ölkəyə buraxılmadığı haqda nəşrin özünün versiyası da maraqlıdır. Bildirilir ki, bu, onun Avropa Şurasındakı anti-Azərbaycan fəaliyyəti ilə bağlı ola bilər. Bakı Avropa Şurası Parlament Assambleyasından (AŞPA) seçki müşahidəçilərini qəbul etməyəcəyini açıqladı. Quqqer isə ATƏT-də iştirakı ilə yanaşı, həm də Avropa Şurasında seçki müşahidəçisi olduğu üçün arzuedilməz şəxslər siyahısına düşə bilərdi. “Blick” yazır ki, Azərbaycanın Berndəki səfirliyindən məsələ ilə bağlı şərh almaq mümkün olmayıb.
İsveçrə nəşrinin yazdığından məlum olur ki, Quqqerin ermənipərəst mövqeyi ilə də seçilir, ötən ilin sentyabrından sonra erməni köçünə “öz arşını ilə” etirazını bildirib, həmçinin Azərbaycan səfirinə öz tənqidlərini ünvanlayıb.
Bizim şərh: Xəbərdən aydın görünür ki, Quqqerin ölkəyə buraxılmaması üçün Bakının kifayət qədər əsaslı səbəbləri olub. Necə ola bilər ki, İsveçrədən gələn bütün ATƏT müşahidəçiləri ölkəyə buraxıldığı halda, ona belə bir yasaq qoyulsun. Aydındır ki, onun anti-Azərbaycan mövqeyi əvvəldən bəlli olduğu üçün istənilən halda ölkəmiz və seçki haqda obyektiv rəy verməyəcəyi də bəllidir. Üstəlik, son olaraq AŞ PA-da ölkəmiz əleyhinə ədalətsiz qərara dəstək verən birinin Bakıya “müşahidəçi” kimi buraxılması heç bir sağlam məntiqə sığmır. Ermənilərin Qarabağdan könüllü getdiyi, birinin belə burnu qanamadığı halda bunu az qala soyqırım kimi qiymətləndirən birinin Bakıda nə işi ola bilər?
Azərbaycan XİN-in və MSK-nın həftənin ilk iş günü məsələyə münasibət bildirəcəyi gözlənilir.
Əmək pensiyaları indeksləşdirilib.
Bununla bağlı Azərbaycan Prezidenti İlham Əliyev sərəncam imzalayıb.
Sərəncama əsasən, Əmək və Əhalinin Sosial Müdafiəsi Nazirliyinə tapşırılıb ki, 2024-cü il yanvarın 1-nə 2023-cü il üzrə Azərbaycan Respublikası Dövlət Statistika Komitəsinin müəyyən etdiyi orta aylıq nominal əməkhaqqının illik artım tempinə uyğun olaraq, 2024-cü il yanvarın 1-dək təyin edilmiş əmək pensiyalarının sığorta hissəsinin, qulluq stajına görə əmək pensiyasına əlavələr təyin edilmiş əmək pensiyaçılarına münasibətdə – həmin əlavələrlə birlikdə müəyyən edilmiş məbləğinin və 2023-cü il yanvarın 1-dən əmək pensiyalarının tərkibinə daxil edilən maddi yardımların, eləcə də istehlak qiymətləri indeksinin illik səviyyəsinə uyğun olaraq, sığortaolunanların fərdi şəxsi hesabının sığorta hissəsində 2024-cü il yanvarın 1-dək qeydə alınmış pensiya kapitalı məbləğlərinin indeksləşdirilməsini həyata keçirsin.
Nazirlər Kabinetinə sərəncamdan irəli gələn məsələləri həll etmək tapşırılıb.
Türkiyənin sabiq xarici işlər naziri, TBMM-in NATO-dakı nümayəndə heyətinin rəhbəri Mövlud Çavuşoğlu REAL TV-yə müsahibə verib.
Mövlud Çavuşoğlu bildirib ki, Azərbaycanın Türkiyəyə, Türkiyənin də Azərbaycana təşəkkür etməsinə gərək yoxdur, çünki biz bir millətik.
M.Çavuşoğlu AŞPA-ya gedəndə Ərdoğanın ona dediyi bir sözü açıqlayıb: "İlk AŞPA-ya getdiyimiz gün sayın Prezidentimiz bizə belə bir tapşırıq verdi. Türkiyənin haqqını hüququnu müdafiə edin, amma Azərbaycanı da tək buraxmayın, onun da haqq-hüququnu müdafiə edin".
ABŞ Ukraynaya hərbi dəstəyi tamamilə dayandıraraq, savaşın maliyyələşdirilməsini bütövlükdə Avropa Birliyinin üzərinə yükləyib... Avropa Birliyi isə ABŞ-ın "beşinci kolon" vasitəsilə göstərdiyi təzyiqlər nəticəsində Ukraynaya dəstək paketi ayırıb, dərhal da kənara çəkildi...
ABŞ və Qərb Ukrayna savaşına münasibətdə taktikasını və strateji hədəflərini dəyişməyə başlayıb. Belə ki, hazırda ABŞ Ukrayna savaşının bütün maliyyə yükünü Avropa Birliyinin üzərinə qoymağa çalışır və böyük ölçüdə buna nail olub. Üstəlik, Ağ Ev Ukraynanı ABŞ üçün olduqca ciddi hərbi-siyasi və maliyyə-iqtisadi yük hesab etdiyindən tədricən kənara çəkilməyə çalışır.
Hər halda, ABŞ Konqresində əvvəlki planlaşdırmaya zidd olaraq, İsrailə Ukrayna nəzərə alınmadan 17 milyard dollarlıq maliyyə yardımı ayrılması barədə sənəd müzakirəyə çıxarılıb. Bu, o deməkdir ki, Ukrayna artıq bununla barışmalı, ABŞ-ın dəstəyindən ümidini tamamilə kəsməli olacaq. Yəni, bundan sonra ABŞ-ın Ukraynaya maliyyə vəsaiti xərcləmə ehtimalı o qədər də yüksək deyil. Və bunu artıq Avropa ölkələri etmək məcburiyyətindədir.
Maraqlıdır ki, Qərbdə ABŞ-ın Ukrayna savaşına münasibətdə öz mövqeyini bu qədər radikal məzmunda dəyişməsi kifayət qədər ciddi narazılıqlara yol açıb. Hətta bəzi Qərb siyasi dairələrində Ağ Evin rəsmi Kiyevə hərbi dəstəyini kəsməsi ABŞ-ın Ukraynaya xəyanəti kimi dəyərləndirilir. Və bu, Ağ Evin Qərb siyasi məkanında nüfuzunu zədələməklə yanaşı, ABŞ-ı dolayısı tənqidlərə də tuş gətirir.
Məsələ ondadır ki, NATO-nun baş katibi Yens Stoltenberq ABŞ-ın Ukraynaya hərbi dəstəyinin əvəzolunmaz və vazkeçilməz xarakter daşıdığını vurğulayıb. Ancaq onu da qeyd edib ki, Ağ Evin Ukraynaya hərbi dəstəyini dayandırması savaş meydanında situasiyanı qəlizləşdirə biləcək faktordur. NATO baş katibi Ağ Evin Ukrayna savaşına ABŞ-ın hərbi büdcəsinin çox cüzi bir hissəsini sərf edib. Və bu, ABŞ-a yönəlik çox ehtiyatlı, üstüörtülü qınaq kimi də qəbul oluna bilər.
Məsələ ondadır ki, NATO baş katibi çox təcrübəli siyasi xadimdir. Onun ABŞ-ın Ukraynaya hərbi dəstəyinin əvəzolunmaz və vazkeçilməz kateqoriyaya aid etməsi Ağ Evin kənara çəkilməsinin doğrura biləcəyi neqativ situasiyaya eyhamdır. Eyni zamanda, NATO baş katibinin "ABŞ-ın hərbi büdcəsinin cüzi bir hissəsi" vurğusu Ağ Evin Ukraynaya dəstək vermək imkanları geniş olduğu halda, kənara çəkilməsinə üstüörtülü eyham sayıla bilər. Və bu baxımdan, Qərbdə ABŞ-ın davranışlarından məyusluq olduğu inkaredilməz reallıqdır.
Ancaq Ağ Ev ABŞ-ın tərəfdaşlarına əhəmiyyət verməyə o qədər də vərdişli deyil. Əksinə, Ağ Evdə öz müttəfiqlərini ABŞ-ın maraqlarına uyğun davranmağa məcbur buraxmaq ənənəsinə daha qətiyyətlə riayət olunur. Ona görə də, Qərbdən yüksələn dolayısı qonaqların ABŞ-ın mövqeyinə təsir göstərə biləcəyinə yalnız sadəlövhlər inana bilər. Və bu baxımdan, Ağ Evin Avropa Birliyini öz "beşinci kalonu" sayəsində Ukrayna savaşının bütün maliyyə yükünü çəkməyə məcbur edə biləcəyi qətiyyən şübhə doğurmur.
Təbii ki, bütün bunlar Avropa Birliyi daxilində kifayət qədər ciddi narazılıqlar da doğurur. Bu qurumun üzvü olan bəzi dövlətlər Avropa Birliyinin Ukrayna savaşını təkbaşına maliyyələşdirmək imkanına malik olmadığı qənaətindədir. Belə qənaətlərin açıq şəkildə gündəmə gətirilməsi isə Avropa Birliyi daxilində qarşıdurma meyillərini gücləndirir. Halbuki, ABŞ bu qurum daxilindəki "beşinci kolonu" üzərindən Avropa Birliyini Ukraynaya yeni maliyyə dəstəyi paketini təsdiqləməyə məcbur edə bilib.
Avropa Birliyinin Ukraynaya dəstək üçün ayırdığı 50 milyard avroluq maliyyə paketi indiki situasiyada rəsmi Kiyevə müəyyən ümidlər verə bilər. Ancaq bu, yaxın perspektivdən çox da uzağa gedə biləcək ümid qaynağı deyil. Çünki Avropa Birliyi bu 50 milyard avronu Ukraynanın hərbi ehtiyaclarına yaxın dörd il ərzində xərcləmək barədə də qərar qəbul edib. Bu ilin xərcləri 17 milyard avro çərçivəsindən kənara çıxmayacaq.
Avropa Birliyinin bu qərarından sonra Böyük Britaniyanın xarici işlər naziri Devid Kemeron “Zaman Ukrayna və onun müttəfiqlərinin tərəfindədir” desə də, bu, rəsmi Kiyevə o qədər də uzaqgedən planlar qurmaq imkanı vermir. Çünki Avropa Birliyinin Ukraynaya ayırdığı maliyyə yardımı həm də rəsmi Kiyevə yönəlik dolayısı mesaj xarakteri daşıyır. Belə ki, Avropa Birliyi 50 milyard avroluq vəsaiti dörd ilə bölməklə, Ukrayna savaşının davam etməli olduğu müddəti müəyyən mənada, rəsmi Kiyevin diqqətinə çatdırıb. Eyni zamanda, rəsmi Kiyevə dolayısı ilə mesaj verilib ki, yaxın dörd il ərzində Avropa Birliyindən daha artığını gözləmək tamamilə yersizdir.
Ona görə də, indi rəsmi Kiyevin narahat olmaq üçün daha çox əsasları mövcuddur. Belə ki, ABŞ Ukraynaya hərbi dəstəyi tamamilə dayandıraraq, bu məsələni Avropa Birliyinin üzərinə yükləyib. Digər tərəfdən, Avropa Birliyi də ABŞ-ın təzyiqləri ilə Ukraynaya dəstək paketi ayırıb. Ancaq Avropa Birliyi də verə biləcəyi maliyyə dəstəyinin çərçivəsini prinsipial olaraq, müəyyən edib. Yəni, Ukrayna Avropa Birliyindən yaxın dörd il üçün cəmisi 50 milyard avro ala biləcək. Və bu o deməkdir ki, ABŞ-ın ardınca, əslində, Avropa Birliyi də dörd illik "qaçış planı" quraraq, kənara çəkilib.
Belə anlaşılır ki, ABŞ və Qərb Avropa Birliyinin timsalında Ukraynaya sonuncu dəfə yardım göstərmiş oldu. Yəni, ABŞ və Qərb Rusiya istiqamətində son "atəşi" açdı. Bundan sonra Ukrayna təkbaşına hərəkət etməli olacaq. Avropa Birliyinin dörd il üçün ayırdığı 50 milyard avro heç bir illik savaş xərclərini ödəyə biləcək məbləğ deyil. Halbuki, Ukrayna bu il cəmisi 17 milyard avro ilə kifayətlənməli olacaq. Və bu, ABŞ-ın öz tərəfdaşı olan Avropa Birliyi ilə ortaq şəkildə humayə etməyi üzərinə götürdüyü bir ölkəni - Ukraynanı necə taleyin ümidinə buraxıb, qurban verdiyini açıq-aşkar hər kəsə göstərmiş oldu.(Yeni Müsavat)