 |
|
Heydər Əliyev Fondunun vitse-prezidenti, İDEA İctimai Birliyinin təsisçisi və rəhbəri Leyla Əliyeva Azərbaycan Respublikasının Prezidenti İlham Əliyevin doğum günü münasibətilə paylaşım edib.
O, bununla bağlı şəxsi “Instagram” hesabında paylaşım edib. Paylaşımda Leyla Əliyevanın Prezident İlham Əliyev və Birinci vitse-prezident Mehriban Əliyeva ilə Şuşada çəkilmiş şəkli əksini tapıb.
Həmin paylaşımı təqdim edirik:
Bu gün Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin doğum günüdür.
"Dövlət başçısının 62 yaşı tamam olur.
İlham Heydər oğlu Əliyev 1961-ci il dekabrın 24-də Bakı şəhərində anadan olub. Orta təhsilini 1967-1977-ci illərdə Bakı şəhərində alan İlham Əliyev 1977-ci ildə Moskva Dövlət Beynəlxalq Əlaqələr İnstitutuna (MDBƏİ - MQİMO) daxil olub, ali təhsilini müvəffəqiyyətlə başa vuraraq elmi fəaliyyətini institutun aspiranturasında davam etdirib.
1985-ci ildə dissertasiya müdafiə edən İlham Əliyev tarix elmləri namizədi alimlik dərəcəsi alıb və 1990-cı ilədək MDBƏİ-də müəllim işləyib. 1994-2003-cü illərdə Azərbaycan Respublikası Dövlət Neft Şirkətinin (SOCAR) vitse-prezidenti, sonra isə birinci vitse-prezidenti vəzifəsində çalışıb.
1995-ci və 2000-ci illərdə Milli Məclisə üzv seçilən İlham Əliyev 2001-2003-cü illərdə Avropa Şurası Parlament Assambleyasında (AŞPA) Azərbaycan nümayəndə heyətinin rəhbəri olub. AŞPA-da siyasi fəaliyyəti çərçivəsində 2003-cü ilin yanvar ayında qurumun sədr müavini və Büro üzvü seçilib.
2003-cü ildə Baş nazir vəzifəsinə təyin edilməsi ilə əlaqədar İlham Əliyevin deputat səlahiyyətlərinə xitam verilib.
2003-cü il oktyabrın 15-də Azərbaycan Respublikasının Prezidenti seçilib, oktyabrın 31-də vəzifəsinin icrasına başlayıb. 2008-ci il oktyabrın 15-də keçirilən seçkilərdə seçicilərin 88 faizindən çoxunun səsini qazanan İlham Əliyev yenidən Azərbaycan Respublikasının Prezidenti seçilib.
2013-cü il oktyabrın 9-da keçirilən prezident seçkilərində növbəti dəfə qələbə qazanıb.
2018-ci il aprelin 11-də keçirilmiş prezident seçkilərində İlham Əliyev 86,03 faiz səs toplayaraq, yenidən Azərbaycan Respublikasının Prezidenti seçilib.
Prezident İlham Əliyev hakim Yeni Azərbaycan Partiyasının sədridir. İlham Əliyev, həmçinin, 1997-ci ildən Azərbaycanın Milli Olimpiya Komitəsinin prezidentidir. İdmanın və Olimpiya hərəkatının inkişafında böyük xidmətlərinə görə Beynəlxalq Olimpiya Komitəsinin ali ordeni ilə təltif edilib.
Azərbaycan, rus, ingilis, fransız və türk dillərini mükəmməl bilir.
Evlidir, üç övladı var.
Müzəffər Ali Baş Komandan İlham Əliyevin rəhbərliyi altında Azərbaycan Ordusu 2020-ci il sentyabrın 27-dən başlayaraq 44 gün ərzində, eləcə də 2023-cü ilin 19-20 sentyabr tarixində keçirilmiş lokal antiterror əməliyyatları nəticısində Azərbaycanın bütün ərazilərini erməni işğalçılarından təmizləyib, ölkənin ərazi bütövlüyünü və suverenliyini tam təmin edib. 30 ildən sonra işğaldan azad edilmiş torpaqlarımızda indi üçrəngli bayrağımız dalğalanır.
Azərbaycan Prezidenti, Müzəffər Ali Baş Komandan İlham Əliyevi doğum günü münasibətilə təbrik edir, uzun ömür, cansağlığı, fəaliyyətində uğurlar arzulayırıq!
Ermənistan rəhbərliyi növbəti dəfə vədinə xilaf çıxıb. Riyakarcasına Azərbaycanla sülh prosesinə zərbə vuran addıma rəvac verib. Erməni mediasında yer alan xəbərlərə görə, Qarabağ separatçılarının keçmiş lideri Samvel Şahramanyan qondarma qurumu buraxdığı barədə əvvəlki qərarını ləğv edib. Şübhəsiz ki, Şahramanyan bu qərarı özbaşına, müstəqil qəbul edə bilməzdi və bunun arxasında baş nazir Nikol Paşinyan hakimiyyəti və havadarları dayanır. Bu bir daha göstərir ki, hakimiyyət xalqının rifahını, regionda sülh deyil, revanşizmə üstünlük verir.
Bu qərarı qəbul etməklə, Nikol Paşinyan hakimiyyəti eyni zamanda revanşistlərin əlində oyuncaq olduğunu sübut etmiş oub. Ermənistan hakimiyyətini beynəlxalq ictimaiyyətin də gözündə oyuncaq bir dövlət olduğunu təsdiqləyib. Baş verənləri araşdırmağa çalışaq.
Birincisi, dünya gördü ki, bu ölkəyə heç bir vaxt etibar etmək olmaz. Aydın oldu ki, iki ölkə arasında sülh prosesinə gedən yolda əngəl olan tərəf Azərbaycan deyil, məhz Ermənistandır.
İkincisi, Ermənistan hakimiyyəti bu addımla bir daha sübut etdi ki, xalqına sülh, əmin-amanlıqda deyil, əbədi müharibədə görmək istəyir.
Üçüncüsü, Nikol Paşinyanın “ən ağıllı erməni”, “xalqını bataqlıqdan çıxaran lider” olması haqqında deyilənlər əsassızdır. Bu şəxs müstəqil qərar qəbul etmək iqtidarında belə deyil. Yenə xarici havadarlarının tapşırığına uyğun hərəkət edib. “Qarabağ Azərbaycana məxsusdur, heç vaxt Ermənistanın olmayıb” kimi fikirləri ilə yadda qalan bu şəxsin indi əks fəaliyyətə başlaması onun qeyri-müəyyən bir şəxs, hətta psixi problemi olduğunu bir daha göstərmiş olub.
Dördüncüsü, keçmiş qondarma qurumun yenidən gündəmə gətirilməsinin arxasında Qərb ölkələri, xüsusən də Fransanın durması şəksizdir. Məhz bu ölkə Ermənstanda revanşist qüvvələrin başında dayanır, onların maliyyələməsinə qədər bütün proseslərə dəstək verir. İrəvanın sürətlə silahlanması, onu ən müasir silahlarla təchiz etməsi də bundan xəbər verir.
Beşincisi, Ermənistan və havadarlarının bu çirkin, riyakar və məkrli planına qarşı hansı addımlar, cavab reaksiyası olmalıdır. Rəsmi Bakı hansı cavab addımları atmalıdır? İlk növbədə Qərbi Azərbaycan Respublikasının yaradılması prosesinə başlanmalıdır. Azərbaycan heç bir vaxt kiməsə qarşı ərazi iddiası ilə çıxş etməyib. Lakin ona qarşı belə bir iddia ilə çıxış edilirsə və ərazi tələbi ilə çıxış edilirsə, cavab addımları atılmalıdır. Məhz Ermənistan son addımı ilə Azərbaycanı bu prosesi sürətləndirməyə vadar etdi.
Verdiyi sözə əməl etməyən, sülh prosesinə güc verməkdənsə, havadarlaırnın sözü ilə oturub duran etibarsız dövlət statusunu möhkəmləndirmiş oldu. Forpost, müstəqil qərar qəbul etmək iqtidarında olmadığını bütün dünyaya nümayiş etdirdi. Qərbi Azərbaycan dövlətinin yaradılması da buna veriləcək ən tutarlı addm ola bilər. Bunun üçün də zəmin var. 30 il bundan öncə ğz torpaqlaırndan qovulan insanların Qərbi Azərbaycana qayıtmaq hissinin pik həddə olması, bu prosesi əsaslandıran tarixi əsas və güclü Azərbaycan Ordusu var. Revanşizmə rəvac verən qüvvələrin başı əzilməlidir və belə də olacaq.
Beləliklə, Ermənistan və havadarları bununla növbəti məkrli, xalqını fəlakətə sürükləyən nörbəti fitnəkar prosesə start vermiş oldu. Lakin anlamalıdırlar ki, keçmiş separatçı rejimi dirçəltməyə çalışılıması heç bir fayda verməyəcək. Artıq Azərbaycan öz suverenliyini və ərazi bütövlüyünü bərpa edib, işğaldan azad olunan torpaqlarında sürətlə quruculuq, bərpa prosesinə start verib. Növbəti müharibə, hərbi əmliyyatların başlanması onun bir dövlət kimi yer üzündən silinməsinə gətirib çıxara bilər. Sonda diqqəti qondarma qurumun ləğvi prosesindən sonra erməni cəmiyyətində yaşanan proseslərə yetirmək istərdik. Erməni xalqı bu bir neçə ay ərzində Qarabağda yaşanan proseslərə biganə qaldı, bir dəfə də olsun aksiyası keçirmədi. Bu da bir daha göstərdi ki, xalq bir daha övladlarını başqasına məxsus torpaqlarda mənasız yerə məhv edilməsini istəmir. Ümid etmək olar ki, erməni xalqı mövqeyində qalacaq, başıboş, faşist təfəkkürlü rəhbərlərinin və onun havadarlarının planlarına qarşı çıxacaq. Hər halda bu onun yeganə çıxış yoludur.
Report.az
Kremlin Cənubi Qafqazla bağlı yeni məkrli planları mövcuddur, Rusiya öz geopolitik maraqlarını qorumaq üçün növbəti dəfə təxribatçı ssenariləri işə salmağa cəhd göstərir... Halbuki, bu, Azərbaycan-Rusiya münasibətlərinin pozitiv istiqamətdə inkişaf etdiyi bir dövrdə yolverilməzdir və iki ölkə arasındakı tərəfdaşlığa sarsıdıcı zərbə vura bilər...
Rusiya Cənubi Qafqazdan çıxmaq niyyətində deyil. Son vaxtlar isə Kreml bu mövqeyini daha qabarıq şəkildə nümayiş etdirmək cəhdləri ilə diqqəti çəkir. Halbuki, Ukrayna savaşında başı qarışıq olan Rusiya Cənubi Qafqaza münasibətdə daha təmkili davranırdı. Kreml daha çox ABŞ və Qərbin Rusiyaya qarşı regional planlarından şikayətlənməklə, kifayətlənirdi. Və bu, Rusiyanın Cənubi Qafqazda mövqelərinin zəifləməsi kimi də dəyərləndirilirdi.
Ancaq indi Rusiya öz davranışlarını və ritorikasını yenidən dəyişməyə başlayıb. Hazırda Kreml rəsmiləri Rusiyanın Cənubi Qafqazdan çıxmayacağını açıq mətnlə bəyan edirlər. Böyük ehtimalla ABŞ və Qərbin Ukraynaya hərbi dəstəyinin zəifləməsi Rusiyanın nisbətən “rahat nəfəs” almasına da imkan yaradıb. Ona görə də, Kreml indi bu regionda daha qətiyyətli və prinsipial davranacağını qabartmağa üstünlük verir. Və bu, son günlər bütün region üçün yeni təhlükələr yarada biləcək məzmun alıb.
Maraqlıdır ki, Rusiyanın Ermənistanı yenidən silahlandırmağa hazırlaşdığı barədə də məlumatlar yayılmaqdadır. Həmin məlumatlara görə, Kreml rəsmi İrəvanla hərbi-texniki əməkdaşlıq barədə müqavilələr imzalamağa hazırlaşır. Bəzi iddialarda bu müqavilələrin Ermənistana silah-sursat və hərbi texnika satışını nəzərdə tutduğu vurğulanır. Üstəlik, Kremlin Rusiya-Hindistan ortaq istehsalı olan raket sistemlərinin Ermənistana satılmasına razılıq verdiyi də bildirilir. Və bu, Kremlin Cənubi Qafqaz siyasətində Ermənistanın yenə də əsas geopolitik istinad hədəfi olacağını sezdirir.
Onu da qeyd etmək lazımdır ki, Paşinyan hakimiyyətinin Rusiyaya xəyanəti də Kremli Ermənistanla belə əməkdaşlıqdan çəkindirmir. Bəzi ehtimallara görə, Rusiya Cənubi Qafqazın lider dövləti olan Azərbaycana qarşı təzyiq mexanizmlərinə ehtiyac duymaqdadır. Çünki son illərdə ərazi bütövlüyünü də bərpa edərək, NATO ölkəsi Türkiyə ilə hərbi müttəfqilik sazişi imzalamış Azərbaycan Rusiyanın təsir dairəsindən kənardadır. Kreml belə vəziyyətdə Azərbaycan-Türkiyə İttifaqına qarşı Ermənistanın gücləndirilməsi ilə regional balansı bərpa etməyə cəhd göstərir.
Belə anlaşılır ki, Rusiya Cənubi Qafqazda ABŞ və Qərbə qarşı həlledici qarşıdurmaya hazırlaşır. Kreml Rusiyanın geopolitik maraqlarını təmin etmək üçün isə məhz Azərbaycanın regional düşmənini silahlandırmaq niyyətinə düşüb. Rəsmi Bakının buna müqavimət göstərəcəyi qətiyyən şübhə doğurmur. Yəqin ki, Azərbaycan tərəfi bu məsələ ilə bağlı öz etirazlarını Rusiya rəsmi dairələrinin diqqətinə çatdıracaq. Və Kreml bu davranışlarında israrlı olarsa, Azərbaycan-Rusiya münasibətlərində müəyyən problemlərin yaranma ehtimalı da qətiyyən istisna deyil.
Ancaq bu azmış kimi, Rusiyanın hərbi-siyasi dairələrindən də Azərbaycanı narahat edə biləcək qalmaqallı aşıqlamalar verilməyı başlayıb. Belə ki, Rusiyanın müdafiə naziri Sergey Şoyqu rus qoşun birləşmələrinin Suriya və Qarabağda sülhün qorunmasının əsas təminatçısı olduğunu bildirib. Üstəlik, Rusiya ordusunun Baş Qərargah rəisi Valeri Gerasimov da öz şefinin dediklərini təxminən təkrar edib.
Rus general bildirib ki, Rusiya hərbi kontingenti Cənubi Qafqazda dinc həyat quruculuğunun və sakinlərin geri dönüşünün əsas təminatçısıdır: “Cənubi Qafqazda situasiya gərgin olaraq, qalmaqdadır. Ancaq normallaşma meyilləri də mövcuddur. Bu ilin sentyabr ayında rus sülhməramlıların fəaliyyəti sayəsində bir sutka ərzində atəşkəsə nail olundu”.
Göründüyü kimi, Rusiyanın hərbi rəhbərliyinə daxil olan bu iki şəxsin açıqlamaları birmənalı şəkildə qalmaqallı xarakter daşıyır. Birincisi, Rusiya müdafiə nazirinin hansı əsasla Azərbaycanın ayrılmaz tərkib hissəsi olan Qarabağı Suriya ilə eyniləşdirdiyi anlaşılmazdır. Suriya xaosun hökm sürdüyü beynəlxalq terrorizm məkanıdır. Bəşər Əsəd hakimiyyəti ölkənin bütün regionlarına nəzarət etmək imkanlarına malik deyil.
Rəsmi Bakı isə Azərbaycanın ayrılmaz tərkib hissəsi olan Qarabağa nəzarəti tam bərpa edib. Azərbaycan ordusu Rusiyanın himayə etdiyi erməni separatizmini və terrorizmini birdəfəlik sıradan çıxarıb. Ən əsasısa, rus sülhməramlılar Qarabağda sülhün təminatçısı deyildilər. Əksinə, rus sülhməramlılar bu ilin sentyabr ayına qədər Qarabağda silahlı erməni terrorçularına döyüş istehkamları qurulmasında iştirak edirdilər. Yəni, Rusiya müdafiə naziri Sergey Şoyqunun dediklərinin əksinə olaraq, Qarabağda silahlı erməni terrorçuları himayə edən rus sülhməramlılar sülhün deyil, məhz savaşın təminatçısı rolunda çıxış edirdilər. Və məhz Azərbaycan ordusu erməni terrorizmini sıradan çıxartmaqla, Qarabağda sülhün bərqərar olmasını təmin edib.
Digər tərəfdən, Rusiya baş qərargah rəisi öz açıqlaması ilə Cənubi Qafqazda baş verənlərdən ümumiyyətlə, xəbərsiz olduğunu, ya da sadəcə, yalan danşdığını göstərib. Belə ki, onun “bu ilin sentyabr ayında rus sülhməramlıların fəaliyyəti sayəsində bir sutka ərzində atəşkəsə nail olunması” barədə iddiası ən yaxşı halda, yalnız təəccüb doğura bilər. Çünki həmin vaxt “atəşkəs” rus sülhməramlıların fəaliyyəti sayəsində deyil, məhz Azərbaycan ordusunun cəmisi bir sutka ərzində Rusiyanın himayə etdiyi silahlı erməni terrorçuları məğlub edərək, təslim olmağa məcbur buraxması nəticəsində mümkün olmuşdu. Və bu baxımdan, rus sülhməramlıların Qarabağda Rusiyadan başqa heç kimə faydası yoxdur.
Nəhayət, rus general nə qədər qəribə də olsa, Rusiya hərbi kontingentinin Cənubi Qafqazda sakinlərin geri dönüşünün qarantı olduğunu da iddia edib. Üstəlik, rus general “sakinlər” dedikdə kimləri nəzərdə tutduğuna da aydınlıq gətirməyib. Əgər, rus general Qarabağdan könüllü gedən erməniləri nəzərdə tutursa, onların geri dönüşü Rusiyanın səlahiyyətlərinə daxil deyil.
Bu, Azərbaycanın daxili işidir, rəsmi Bakı onların qayıdışının yalnız ölkə Konstituisiyasına bağlı hüquqi prosedurlar çərçivəsində mümkün sayır. Həmin məsələnin Rusiyaya heç bir aidiyyatı yoxdur. Yəni Kreml indi daha çox rus sülhməramlıların Azərbaycanın ayrılmaz tərkib hissəsi olan Qarabağdan dərhal çıxarılması barədə düşünməlidir.
Belə anlaşılır ki, Kremlin Cənubi Qafqazla bağlı yeni planları mövcuddur. Rusiya öz geopolitik maraqlarını qorumaq üçün yenə də “erməni kartı”na yönəlib. Hətta belə görünür ki, Kreml növbəti dəfə təxribatçı ssenariləri işə salmağa can atır. Halbuki, Azərbaycanla münasibətlərin kifayət qədər pozitiv istiqamətdə inkişaf etdiyi bir dövrdə bu, yolverilməzdir. Və Azərbaycan-Rusiya münasibətlərinə sarsıdıcı zərbə vura bilər.(Yeni Müsavat)
Xəbər verdiyimiz kimi, dekabrın 22-də Prezident İlham Əliyev Xocalı rayonunda olub.
Dövlət başçısı rayonun Pirlər kəndinin ərazisinə də baxış keçirib.
Avropa İttifaqının (Aİ) Azərbaycanda jurnalistlərin və siyasi fəalların saxlanması ilə bağlı əsassız ittihamlarını qətiyyətlə rədd edirik. Bu cür əsassız və qərəzli bəyanatları, Azərbaycanda məhkəmə hakimiyyətinin müstəqilliyinə müdaxilə cəhdləri kimi qiymətləndiririk.
Bu fikirlər Xarici İşlər Nazirliyinin mətbuat katibi Ayxan Hacızadənin Avropa İttifaqının Azərbaycan əleyhinə iddiaları ilə bağlı bəyanatına dair şərhində əksini tapıb.
İstintaqın gedişatına müdaxilə edilməsi qəbuledilməzdir və məhkəmə prosesinin işinə müdaxilə hüquqi dövlətin əsas prinsipi olan qanunun aliliyi prinsipinə ziddir.
Təəssüf hissi ilə qeyd edirik ki, Aİ-nin Ermənistanda insanların fundamental hüquq və azadlıqlarının pozulması, siyasi təqiblər nəticəsində həbs edilmiş şəxslərin həbsxanalarda həyatlarını itirməsi hallarına, habelə siyasətçilər və onların ailə üzvlərinə qarşı təqiblərə biganə qalması ikili standartların bariz nümunəsidir.
Ölkəmizə qarşı bu kimi əsassız bəyanatlarla çıxış etmək əvəzinə, qarşı tərəfi Aİ üzv dövlətlərində insan hüquqlarının pozulması hallarına diqqət yetirməsini tövsiyə edirik. Aİ tərəfi Fransada “sarı gödəkçələr” aksiyasında 12 nəfər üzvün öldürülməsi, Aİ strukturlarında rüşvətxorluq və korrupsiya hallarının yayılması, İslamofobia və müsəlmanlara qarşı hücum faktlarını hələ də araşdırılmayıb və adekvat münasibət bildirməyib.
Qeyd edilənlər fonunda, Aİ-nin bu cür qərəzli və ədalətsiz bəyanatları Azərbaycanın daxili işlərinə müdaxilə kimi qiymətləndirilir.
Bu əsassız iddialar Azərbaycan və Aİ əlaqələrinin inkişaf perspektivlərinə zərbə vurur.
Azərbaycan Respublikasının Prezidenti İlham Əliyev dekabrın 22-də Xocalı rayonunun Naxçıvanlı, Pircamal, Xanabad və Pirlər kəndlərində olub.
"Bu barədə Prezidentin Mətbuat Xidməti məlumat yayıb.
Azərbaycan Respublikasının Prezidenti İlham Əliyev dekabrın 22-də Şuşa rayonundakı “Turşsu” bulağında olub.
Bu barədə Prezidentin Mətbuat Xidməti məlumat yayıb.
Özbəkistan Respublikasının Prezidenti Şavkat Mirziyoyevdən Azərbaycan Respublikasının Prezidenti Zati-aliləri cənab İlham Əliyevə təbrik məktubu gəlib.
məktubda deyilir:
"Hörmətli İlham Heydər oğlu, əziz qardaşım.
Sizi mübarək doğum gününüz münasibətilə ürəkdən təbrik edir, ən xoş və səmimi arzularımı çatdırmaqdan böyük məmnunluq duyuram.
Biz Sizi Azərbaycan xalqının vətənpərvər və fədakar övladı, bizə qardaş xalqın müdrik rəhbəri, zəmanəmizin görkəmli dövlət və siyasi xadimi kimi tanıyır və bunu xüsusi olaraq etiraf edirik.
Sizin adınız Azərbaycanda sosial-iqtisadi inkişafın təmin edilməsi, müstəqil dövlətçiliyin əsaslarının hərtərəfli möhkəmləndirilməsi istiqamətində aparılan sistemli islahatlar və genişmiqyaslı dəyişikliklər, ölkənizin sürətli inkişafına yönəlmiş böyük quruculuq işləri ilə sıx bağlıdır.
Xüsusən də Sizin güclü iradəniz sayəsində ölkənizin ərazi bütövlüyünün tam bərpası və tarixi ədalətin bərqərar olunması, sözün əsl mənasında, reallığa çevrildi.
Heç şübhəsiz ki, cari ilin avqust ayında bənzərsiz Azərbaycana dövlət səfərim əsnasında Sizinlə qarşılıqlı etimad və səmimilik ruhunda apardığımız danışıqlar, əldə etdiyimiz mühüm razılaşmalar, Füzuli şəhərində Mirzə Uluqbəy adına məktəbin açılış mərasimində birgə iştirakımız genişmiqyaslı ikitərəfli münasibətlərimizdə parlaq iz buraxmışdır.
Fürsətdən istifadə edərək, bu yaxınlarda gözəl Bakıda Sizin təşəbbüsünüzlə Birləşmiş Millətlər Təşkilatının Mərkəzi Asiya Ölkələrinin İqtisadiyyatları üçün Xüsusi Proqramının birinci Zirvə görüşünün yüksək səviyyədə keçirilməsi münasibətilə Zati-alinizi bir daha təbrik edərək xüsusi vurğulamaq istərdim ki, həmin beynəlxalq tədbir regionumuzun ümumi inkişafının təmin olunmasına xidmət edəcəkdir.
Əminəm ki, birgə səylərimizlə çoxşaxəli və uzunmüddətli strateji tərəfdaşlığımız qardaş xalqlarımızın ümumi mənafeyi naminə gələcəkdə də səmərəli şəkildə inkişaf edəcəkdir.
Hörmətli İlham Heydər oğlu, Sizi - əziz qardaşımı həyatınızın bu sevincli günü münasibətilə bir daha ürəkdən təbrik edir, möhkəm cansağlığı, tükənməz enerji, ailə səadəti, son dərəcə şərəfli və məsuliyyətli fəaliyyətinizdə yeni-yeni uğurlar, qardaş Azərbaycan xalqına isə sülh, əmin-amanlıq, davamlı tərəqqi və firavanlıq arzulayıram".
Çin Xalq Respublikasının Sədri Si Cinpindən Azərbaycan Respublikasının Prezidenti İlham Əliyevə təbrik məktubu gəlib.
Məktubda deyilir:
"Hörmətli cənab Prezident.
Doğum gününüz münasibətilə Sizə səmimi təbriklərimi və ən xoş arzularımı çatdırıram.
Çin və Azərbaycan ənənəvi dost tərəfdaşlardır. Hazırda Çin-Azərbaycan münasibətləri çox yaxşı və sabit inkişaf edir, siyasi qarşılıqlı etimad daim möhkəmlənir, müxtəlif sahələrdə əməkdaşlıq müvəffəqiyyətlə irəliləyir. Sizin ikitərəfli münasibətlərin möhkəmləndirilməsi üzrə səylərinizi yüksək qiymətləndirirəm. Ötən ilin sentyabrında biz Səmərqənd şəhərində yeni dövrdə ikitərəfli münasibətlərin inkişafına dair mühüm razılaşmaların əldə olunduğu uğurlu görüş keçirdik.
Mən Çin ilə Azərbaycan arasında münasibətlərin inkişafına böyük əhəmiyyət verirəm, ölkələrimizin və xalqlarımızın rifahı naminə ikitərəfli dostluq və əməkdaşlıq münasibətlərini yeni səviyyəyə yüksəltmək üçün Sizinlə birgə səylərimi davam etdirməyə hazıram.
Sizə möhkəm cansağlığı və əmin-amanlıq arzulayıram".