 |
|
"Yalanın əvəzi həmişə acı olur. Köçəryan, Saakyan, Arutyunyan, Vardanyan və bütün bu cinayətkarlar 35 il yalan danışdılar. Televiziyaları ilə Azərbaycanı ələ saldı və gənclərə yalandan xəbərlər veriblər ki, guya biz Qarabağ erməniləri soyuqqanlıyıq, bizdən yaxşısı yoxdur".
Bunu Erməni bloger Roman Baqdasaryan deyib.
Onun sözlərinə görə, sözügedən şəxslər 35 ildir gənclərin psixikasını şikəst ediblər: "Bir çox oğlanı narkomana çevirdilər. Araik insanlara onları çərçivəyə salıb həbsxanaya atmağı öyrədirdi. Bütün bu mafiya 35 ildir ki, cinayətə cəlb olunanların sayını artırır və bu zaman Əliyev təhsilə milyonlar xərcləyir, hərbçiləri planetin ən yaxşı institutlarına oxumağa göndərirdi. Tələbələrini öyrətmək üçün milyonlar xərcləyib. Azərbaycan təhsilə, Qarabağ klanı isə şouya və yalan təbliğata pul yatırıb".
Azərbaycan Respublikasının Prezidenti İlham Əliyev sentyabrın 28-də “Azərişıq” Açıq Səhmdar Cəmiyyətinin Cəbrayıl Rəqəmsal İdarəetmə Mərkəzinin açılışını edib.
Bu barədə Prezidentin Mətbuat Xidməti məlumat yayıb.
Prezident İlham Əliyevin xalqa müraciətləri zamanı etdiyi çıxışlar yenidən gündəmə gəlib.
Ötən gün qondarma “Dağlıq Qarabağ Respublikasının Dövlət naziri” vəzifəsində çalışmış Ruben Vardanyanın saxlanılaraq Bakıya gətirilməsi və barəsində ibtidai istintaq başladılması, bu gün qondarma rejimin özünü buraxdığını elan etməsi və rejimin keçmiş “xarici işlər naziri” David Babayan könüllü olaraq Azərbaycan dövlətinə təslim olması fonunda Azərbaycan Prezidentinin sözləri yenidən viral olub.
Videoda deyilir:
“Bunu dostlarımız da bilir, düşmənlərimiz də bilir, bizim sözümüz imzamız qədər dəyərlidir”.
“Biz kriminal rejimin ünsürlərini, başda duranlarını ittiham eləmişik və onları biz məsuliyyətə cəlb edirik və edəcəyik”.
“Nəyi, necə, nə vaxt etmək lazımdır, bunu mən bilirəm”.
Daha ətraflı videoda:
Azərbaycan Respublikasının Prezidenti İlham Əliyev sentyabrın 28-də Cəbrayıl rayonuna səfər edib.
Dövlət başçısı Cəbrayıl şəhərində inzibati binanın təməlini qoyub və şəhərdə Mənzil İnşaatı Dövlət Agentliyi tərəfindən inşa edilən ilk yaşayış məhəlləsi – Cəbrayıl Yaşayış Kompleksində aparılan tikinti işləri ilə tanış olub.
Milli Məclisin Mədəniyyət komitəsinin sədri, deputat Qənirə Paşayevanın son vəziyyəti açıqlanıb.
Mərkəzi Klinikadan bildirilib ki, onun müalicəsi ümumi reanimasiya və intensiv terapiya şöbəsində davam etdirilir.
“Aparılan kompleks müalicəyə baxmayaraq, ümumi vəziyyəti ağır olaraq qalır”, - deyə klinikadan qeyd olunub.
Xatırladaq ki, sentyabrın 24-də saat 3 radələrində TƏBİB-in tabeliyindəki Abşeron Rayon Mərkəzi Xəstəxanasının Təcili və Təxirəsalınmaz Tibbi Yardım Stansiyasına Q.Paşayeva üçün çağırış daxil olub. Ona naməlum mənşəli hipotonik vəziyyət diaqnozu qoyulub. Müayinə zamanı göstəriciləri - arterial təzyiq 50/0 mm civə sütunu, nəbzi bir dəqiqədə 47 vurğu, SPO2 (saturasiya) 82% olub. İlkin müdaxilələrdən sonra göstəriciləri arterial təzyiq 110/60 mm civə sütunu, nəbzi bir dəqiqədə 68 vurğu, SPO2 (saturasiya) 97% olub.
Həkimlər Q.Paşayevanın xəstəxana şəraitində müalicəsini məsləhət görüb. Deputat ailə üzvlərinin istəyi ilə təcili tibbi yardım briqadası tərəfindən Mərkəzi Klinikaya təxliyə olunub.
O, süni tənəffüs aparatına qoşulub.
***
Millət vəkili Qənirə Paşayevanın müalicəsi davam etdirilir.
Bu barədə Trend-ə millət vəkilinin yaxınları deyib.
Qeyd edilib ki, Q.Paşayevanın vəziyyəti orta stabil olaraq qalır.
Qeyd edək ki, millət vəkili Qənirə Paşayeva bazar günü komaya düşüb. Q.Paşayeva Mərkəzi Klinik Xəstəxanaya yerləşdirilib. Hazırda orada müalicəsi davam etdirilir. Deputatın dərmandan komaya düşdüyü bildirilir.
Azərbaycan Respublikasının Rusiya sülhməramlı kontingentinin müvəqqəti yerləşdiyi ərazilərində fəaliyyət göstərmiş qanunsuz erməni silahlı birləşmələri tərəfindən ötən müddət ərzində törədilmiş çoxsaylı terrorçuluq cinayətlərinin araşdırılması ilə bağlı Dövlət Təhlükəsizliyi Xidmətində ibtidai istintaq aparılır.
Bu barədə Dövlət Təhlükəsizliyi Xidməti məlumat yayıb.
Ona qarşı irəli sürülən ittihama əsasən, müəyyənləşdirilib ki, Ruben Vardanyan xarici ölkə vətəndaşı olduğu halda terror-təxribat əməlləri törətmək məqsədilə 2022-ci ilin sentyabr ayında Azərbaycan Respublikasının dövlət sərhədini nəzarət-buraxılış məntəqələrindən kənar, qanunsuz keçərək, Azərbaycan Respublikasının Qarabağ iqtisadi rayonunda Rusiya sülhməramlılarının müvəqqəti yerləşdiyi əraziyə daxil olub, həmin ərazidə Azərbaycan Respublikasının qanunvericiliyi ilə nəzərdə tutulmayan silahlı birləşmələrin formalaşdırılması və fəaliyyətinin təşkilində, habelə idarələrə, təşkilatlara və ayrı-ayrı şəxslərə insanların həlak olmasına və digər ağır nəticələrə səbəb olan basqınlar etmiş sözügedən qanunsuz hərbi birliklərin silah, döyüş sursatı, partlayıcı maddələr, hərbi texnika və əsgəri ləvazimatla təchiz edilməsində iştirak edib. Bundan başqa, o, pul vəsaitlərini həmin qanunsuz silahlı birləşmələrin terrorçuluq fəaliyyətinin təşkil olunmasına yönəltməklə terrorçuluğu maliyyələşdirib.
Törətdiyi qeyri-qanuni əməllərə görə Ruben Vardanyan 27 sentyabr 2023-cü il tarixində saxlanılaraq, ittiham elan edilməklə təqsirləndirilən şəxs qismində cinayət məsuliyyətinə cəlb olunub, barəsində məhkəmənin qərarı ilə həbs qətimkan tədbiri seçilib.
Hazırda cinayət işi üzrə istintaq-əməliyyat tədbirləri davam etdirilir.
Sentyabrın 27-də Ermənistanın baş naziri Nikol Paşinyanın “Vətəndaş müqavıləsi” fraksiyasının deputatları ilə 3 saatdan çox davam edən qapalı görüşü keçirilib.
Qapalı görüşdə müzakirə edilən əsas məsələlər barədə bəzi məlumatlar erməni mediasına sızıb.
Qapalı toplantıda Qarabağdakı son hadisələrdən danışan Nikol Paşinyan komandasına tapşırıq verib ki, Qarabağdan çıxan ermənilərin Ermənistanın müxtəlif bölgələrində dövlət idarələrinə mümkün qədər tez və rahat şəkildə köçürülməsini, həm də onların işlə təmin olunması təşkil edilsin. O, Qarabağdan çıxan ermənilərin maksimum dərəcədə İrəvanda yerləşdirilməsinə imkan verməməsi barədə göstəriş verib.
O eyni zamanda deyib ki, rusların öz fəaliyyətlərini Qarabağda davam etdirmək üçün müəyyən sayda erməninin Qarabağda saxlamağa çalışacaq.
“Bu, artıq Ermənistanın yox, Rusiyanın Azərbaycanla olan problemidir və özləri bu problemləri həll etsin”, - Paşinyan qeyd edib.
Qapalı toplantıda 5 oktyabrda Azərbaycan Prezidenti İlham Əliyevlə İspaniyanın Qranada şəhərində baş tutacaq Avropa İttifaqı sammiti çərçivəsində Aİ Şurasının sədri Şarl Mişel, Fransa prezidenti Emmanuel Makron və Almaniya kansleri Olaf Şoltsun birgə iştirakı ilə keçiriləcək görüşü də ciddi müzakirə edilib.
Paşinyan komanda yoldaşlarına çoxdan gözlənilən sülh müqaviləsinin imzalamağa indi daha çox yaxınlaşdıqlarını dilə gətirib. O deyib ki, oktyabrın 5-də keçiriləcək iclasda sülh sənədin imzalanmasının əsasları qoyulmalıdır. “Bununla bağlı Qranadada bəyanat qəbul ediləcək. Bəyanatda sülh sazişinin əsas bəndləri hesab edilən delimitasiya, demarkasiya, bir-birinin ərazi bütövlüyünün tanınması və sair olacaq”, - o vurğulayıb.
Nikol Paşinyan iclasda az qala açıq mətnlə bəyan etsin ki, Ermənistan Rusiyanı regiondan sıxışdırıb çıxarır və prosesin faktiki başlanması da oktyabrın 5-də keçiriləcək görüşlə elan olunacaq.
Paşinyan onu da bildirib ki, Qarabağın itirilməsindən sonra 10 noyabr 2020-ci il bəyanatı da qüvvədən düşür və bununla da Rusiya tərəfinin roluna son qoyulur.
Erməni mediasının yazdığına görə, Qranada görüşündə 10 noyabr 2020-ci il tarixli bəyanatın 9-cu bəndinin ləğvi gündəmin əsasını təşkil edəcək. 9-cu bənd bölgədə kommunikasıyalırın açılmasını nəzərdə tutur: “Bölgədəki bütün iqtisadi və nəqliyyat əlaqələri bərpa edilir. Ermənistan Respublikası vətəndaşların, nəqliyyat vasitələrinin və yüklərin hər iki istiqamətdə maneəsiz hərəkətinin təşkili məqsədilə Azərbaycan Respublikasının qərb rayonları və Naxçıvan Muxtar Respublikası arasında nəqliyyat əlaqəsinin təhlükəsizliyinə zəmanət verir. Nəqliyyat əlaqəsi üzrə nəzarəti Rusiyanın Federal Təhlükəsizlik Xidmətinin Sərhəd Xidmətinin orqanları həyata keçirir”.
Rusiyanı Ermənistandan sıxışdırmaq üçün siyasi xəttin qəbul edilməsinə baxmayaraq, Paşinyan komanda yoldaşlarını daha diqqətli və sakit olmağa, Rusiyaya qarşı birbaşa bəyanatlardan çəkinməyə çağırıb. O əlavə edib ki, bu da onların hökuməti üçün dönməz nəticələrə gətirib çıxara bilər.
Paşinyan komanda yoldaşlarını hələlik KTMT-dən çıxma, Ermənistanın bəzi sərhədyanı rayonlarında Rusiya sülhməramlılarının, rus sərhədçilərinin gələcək taleyi ilə bağlı məsələlərdə ehtiyatlı davranmağı tövsiyə edib.
O eyni zamanda Roma Nizamnaməsinin də ratifikasiya olunmasının vacibliyini vurğulayıb.
Paşinyan həmçinin Türkiyə prezidenti Rəcəb Tayyib Ərdoğanın Zəngəzur dəhlizi ilə bağlı İrəvanın razılıq vermədiyi təqdirdə İrandan keçəcəyi ilə bağlı komanda yoldaşlarının sualını da cavablandırıb.
Paşinyan komanda yoldaşlarını bu məsələdə səbrli və təmkinli olmağı tövsiyə edib.
Samvel Şahramanyan qondarma rejimin 2024-cü il yanvarın 1-dən ləğv ediləcəyi barədə fərman imzalayıb.
Bununla da Qarabağdakı qondarma rejim özünü buraxmış olub.
Ermənilər kütləvi şəkildə Qarabağı tərk edirlər. Əgər orada bəlli bir sayda erməni sakin qalmayacaqsa, Rusiya sülhməramlıları Qarabağda hansı əsaslarla qalacaqlar, kimin təhlükəsizliyini qoruyacaqlar?
Sitat.info-ya açıqlamasında bu sualı cavablandıran təhlükəsizlik eksperti İlham İsmayıl bildirdi ki, bu hadusələrin inkişafından asılıdır: "Əgər orada erməni əhalisi qalmayacaqsa, artıq asayişin qorunmasına ehtiyac qalmayacaq və Qarabağ bütövlükdə Azərbaycanın nəzarətinə keçəcək. Biz erməni əhalisinə də dəfələrlə müraciət etmişik ki, sizin hüquq və təhlükəsizliyinin Azərbaycan Konstitusiyası ilə qorunacaq. Nə qədər erməni gedəcək, nə qədər qalacaq, bu hadisələrin gedişatından asılıdır. Ermənilər tamamilə gedərsə, sülhməramlılar da 2025-ci ildən öncə getməli olacaqlar. Ukraynada müharibənin getdiyini nəzərə alsaq, Rusiyanın bu dəqiqə canlı qüvvə və texnikaya ehtiyacı var. Buradan çıxarılan qüvvələri Ukrayna cəbhəsinə aparacaqlar. Bunu gedişat göstərəcək".
S.Əkbər vurğuladı ki, ermənilərin tamamilə getməsi arzuolunan deyil: "Biz istəmirik ki, ermənilər bütünlüklə çıxıb getsin, biz erməni əhalisinin qalmasını istəyirik. Bizim nəzarətimiz altında yaşayıb, bizim qanunları və vətəndaşlığımızı qəbul etmələrini istəyirik. Ona görə ki, yenidən biz dünyanın qınaq hədəfinə çevrilmək istəmirik. Etnik təmizləmə ilə bağlı ittihamlarla üzləşmək istəmirik. Dəfələrlə də demişik ki, ermənilərin bu cür kütləvi köçü onların şəxsi qərarlarıdır. Prezidentin köməkçisi də bildirdi ki, bu onların fərdi şəkildə verdiyi qərardır və biz heç bir ermənini Qarabağdan çıxartmırıq. Biz ümumiyyətlə Xankəndiyə hələ girməmişik. İndi ermənilər hamısı oraya cəmləşiblər. Ağdərədə erməni hərbçilər çıxın getdikdən sonra bizim polisimiz və hərbçilərimiz yerli əhaliyə yardım edirdi".
Politoloq vurğulayıb ki, gedənlər qayıda da bilər: "Əgər bütövlükdə 3 gün ərzində bu qədər insan ölkəni tərk edirsə, onların geri qayıtması mümkün deyil. Amma 44 günlük müharibə bitəndə də ermənilər getmişdi və Putin onları qaytardı. Dünən də ABŞ dövlət katibi Blinken İlham Əliyevlə danışıb və xahişi də bu olub ki, əməliyyat olmasın və beynəlxalq müşahidə missiyasının oraya daxil olmasına icazə verilsin. Mən bununla bağlı təlaş keçirdim. Çünki Kosova təcrübəsi var. Dövlətlər sonradan Kosovanı tanımağa başladılar. İndi bu müşahidə missiyasının tərkibi kimlərdir, mülki insanlar, yoxsa hərbi kontingent? Orada hərbi kontingent olsa bu gün köçən ermənilərə sabah təminat verə bilərlər ki, geri qayıdın, sizin digər məsələləriniz də həll olunacaq. Ancaq İlham Əliyev Blinkenə deyib ki, burada BMT-nin rezident koordinatoru var və biz ona şərait yaradacağıq. O da öz 3-4 nəfərlik heyəti ilə gəlib müşahidə apara bilər. Diplomatik nümayəndələr də gəlib baxa bilərlər ki, biz ermənilərə necə şərait yaradırıq və hansı təminatlar veririk. Bu məsələnin bu şəkildə həll olunması da bizim xeyrimizədir".
“Qarabağdan ayaqlarım irəli çıxacam” deyən Kremlin “təxribat emissarı” sözünü tutmadı, qaçmaq istədi, həbs olunaraq, əli-qolu qandallı Bakıya gətirildi... İndi Ruben Vardanyanı separatizm, terrorizm fəaliyyəti, eləcə də Azərbaycanın təbii sərvətlərinin talan edilməsi və s. maddələr ilə mühakimə gözləyir
Azərbaycan dövləti Xankəndi və ətraf bölgə üzərində öz suveren hüquqlarını bərpa etməklə, 30 ildən artıq bir müddətdə mövcud olan ciddi problemi kökündən, həm də birdəfəlik həll etdi. İndi Qarabağ regionundakı erməni azlığının gələcək taleyi yalnız rəsmi Bakının verəcəyi prinsipial qərarlardan birbaşa asılıdır. Başqa variant yoxdur. Heç bir xarici ermənipərəst qüvvə bundan sonra Azərbaycanın daxili işlərinə qarışa bilməz.
Ona görə də, Qarabağın erməni azlığının təmsilçiləri sərbəst şəkildə seçim etməlidirlər. Ya Azərbaycan Konstitusiyasına və qanunvericiliyinə uyğun yaşamaq variantı ilə barışmalıdırlar. Azərbaycan Resublikasının vətəndaşlığını qəbul etməlidirlər, ölkəmizin Konstitusiyasının nəzərdə tutduğu hüquqlar və təhlükəsizlik təminatına qane olmalıdırlar. Əks haldasa, Azərbaycan ərazilərini tərk edib, özlərinə başqa yaşayış yeri axtarmalıdırlar. Çünki bundan sonra Azərbaycan ərazisində ermənilərt üçün heç bir “boz zona” olmayacaq. Yəni, ermənilər üçün o dövr artıq bitdi.
Ancaq Xankəndi və ətraf bölgədə olan bütün ermənilərin Azərbaycan vətəndaşlığı almaq şansları barədə danışmaq da tamamilə yersizdir. Belə ki, Azərbaycan vətəndaşlığını almaq o qədər də asan olmayacaq, bunun üçün qanunvericiliyin tələblərinə uyğunluq qaçılmazdır. Hər halda, erməni separatçı-terrorçular belə şansa sahib olmayacaqlar. Onların uzun illər ərzində törətdikləri hərbi cinayətlərə görə həbs olunması və Azərbaycan qanunları qarşısında cavab verməsi lazımdır.
Hələlik erməni separatçı-terrorçuların liderləri sırasından yalnız Ruben Vardanyanın həbs edilməsi barədə məlumatlar var və rəsmən təsdiqlənib. Yəqin ki, Ruben Vardanyan Azərbaycanın Qarabağ regionunda olduğu qısa müddət ərzində törətdiyi çoxsaylı cinayətlərə görə cavab vernəli olacaq. Və onun Rusiya vətəndaşlığından imtina edərək, hansı səbəbdən müəmmalı şəkildə Qarabağda peyda olduğu tezliklə aydınlaşacaq.
Onu da qeyd etmək lazımdır ki, Ruben Vardanyan Qarabağa gəlməkdən öncə Rusiya vətəndaşı olub, bəzi nüfuzlu rus oliqarxların çirkli pullarını yumaqla, milyarderə çevrilib. Bəzi məlumatlara görə, Rusiya vətəndaşlığından imtina hesabına öz sərvətini sanksiyalardan xilas etməyə nail olub. Ancaq Kreml əvəzini almadan heç kimə belə imkanlar tanımaz.
İndiyə qədər mövcud olan əsas iddialar ondan ibraətdir ki, Ruben Vardanyan Qarabağa məhz Kremlin xüsusi tapşırığı ilə göndərilib. Azərbaycan ərazisində olduğu müddət ərzində Kremlin “təxribat emissarı” funksiyasını yerinə yetirən bu kriminal milyarder Azərbaycan-Ermənistan sülh prosesinə zərbə vura biləcək fəaliyyətlə məşğul olub. Eyni zamanda, rəsmi Bakının Qarabağ üzərində Azərbaycanın suveren hüquqlarının bərpa etməsinə əngəl törətməyə çalışıb. Bunu təsdiqləyən bir çox faktlar mövcuddur.
Xüsusilə də, məhz Ruben Vardanyanın radikal-revanşist davranışları ucbatından Xankəndidəki erməni azlığının təmsilçiləri Azərbaycan cəmiyyətinə reinteqrasiya prosesindən imtina ediblər, rəsmi Bakının görüş çağırışlarına cavab verməyiblər. Nəticədə rəsmi Bakı problemi məhz lokal antiterror tədbirləri vasitəsilə həll etmək məcburiyyətində qalıb. Və indi Ruben Vardanyan bütün bunlara görə mütləq cavab verməyə məhkumdur.
Digər tərəfdən, Ruben Vardanyanın Azərbaycanın Qarabağ regionundankı faydalı qazıntılar yataqlarının talan edilməsində də birbaşa iştirakı inkaredilməz reallıqdır. Hətta rəsmi Bakı Azərbaycanın təbii sərvətlərinin talan edilməsinin qarşısını almaq üçün Ermənistanla sərhəddə Laçın nəzarət-buraxılış məntəqəsini yaratmaq məcburiyyətində də qalmışdı. Və məhz Laçın postunun qurulmasından sonra Ruben Vardanyan, eləcə də digər erməni terrorçular Qarabağ bölgəsindən qaçmaq şanslarını tamamilə itirmiş oldular.
İndisə törədilmiş bütün cinayətlərə görə cəza çəkmək mərhələsi başlayıb. Ruben Vardanyan Laçın postunda qandallanaraq, Azərbaycanın paytaxtı Bakı şəhərinə gətirilib. Bundan sonra o, Azərbaycan prokurorlarının suallarına normal, məntiqli cavablar tapmaq barədə düşünməlidir. Çünki Qarabağla heç bir bağlılığı olmayan, Rusiya vətəndaşlığına sahib R.Vardanyan Azərbaycan ərazisində nə axtarırdı və kimin tapşırığını yerinə yetirirdi?
Təbii ki, bu sualın cavabı heç kimə sirr deyil. Çünki Ruben Vardanyanın Kreml tərəfindən Azərbaycanın Qarabağ bölgəsinə xüsusi tapşırıqla göndərilmiş “təxribat emissarı” olduğu qətiyyən şübhə doğurmur. Ancaq nə qədər qəribə də olsa, indi Rusiya özünün təxribatçı agentinə sahib çıxmaq istəmir. Əksinə, Kreml hətta onun həbsi barədə məlumata belə, malik olmadığını vurğulayıb. Yəni, Rusiya siyasi dairələri Ruben Vardanyan və onun gələcək taleyi ilə maraqlanmadığını biruzə verir.
Belə anlaşılır ki, Kreml bu kriminal milyarderdən bir müddət istifadə etdi və bir kənara atdı. Son günlər R.Vardanyanın Rusiyanı tənqid etməsinin əsas səbəbi də indi aydın olur. Görünür, bu erməni terrorçu onu Qarabağa göndərən Kremldən öz təhlükəsizliyi üçün heç bir təminat ala bilməyib. Ona görə də, Ruben Vardanyan əvvəlcə Qarabağdan yalnız “ayaqları irəli” çıxacağını bəyan etməklə, erməni toplumunda özünün “qəhrəman” imicini yaratmağa cəhd göstərib.
Ancaq Rusiyadan əli üzülən, erməni toplumunun da dəstəyini qazana bilməyən R.Vardanyan çıxış yolunu Qarabağdan qaçmaqda görüb. Laçın postunda isə ələ keçərək, həbs olunub. Nəticədə əli-qolu qandallanaraq, Bakıya gətirib. İndi onu yalnız yəqin ki, artıq əzbərləməyə başladığı Azərbaycan qanunlarının müəyyən edəcəyi cəza gözləyir. Eyni zamanda, növbə Araik Arutyunyan başda olmaqla, digər erməni separatçı-terrorçulara da çatıb.(Yeni Müsavat)