 |
|
Azərbaycan Respublikasının Prezidenti İlham Əliyevin Macarıstana işgüzar səfəri avqustun 21-də başa çatıb.
"Bu barədə Prezidentin Mətbuat Xidməti məlumat yayıb.
Gənclər və İdman Nazirliyinin tabeliyindəki bəzi qurumlarda cari təmir (havalandırma, soyutma, isitmə, nəmalma və yanğın təhlükəsizliyi sistemləri üzrə avadanlıq alınması və quraşdırılması, habelə dam örtüyünün təmiri) işləri üçün Azərbaycan Respublikasının 2023-cü il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Azərbaycan Respublikasının Gənclər və İdman Nazirliyinə ilkin olaraq 5.424,0 min (beş milyon dörd yüz iyirmi dörd min) manat vəsait ayrılıb.
Bununla bağlı Prezident İlham Əliyev Sərəncam imzalayıb.
Nazirlər Kabinetinə bu Sərəncamda göstərilən cari təmir işlərinin başa çatdırılması üçün tələb olunan vəsaitin Azərbaycan Respublikasının 2024-cü il dövlət büdcəsi layihəsində nəzərdə tutulmasını təmin etmək, bu Sərəncamdan irəli gələn digər məsələləri həll etmək, Maliyyə Nazirliyinmə bu Sərəncamda göstərilən məbləğdə maliyyələşməni təmin etmək tapşırılıb.
Azərbaycanofobiya siyasətinin təzahürü olan fikirlər fasiləsiz olaraq ermənilər tərəfindən sosial şəbəkələrdə yayılmaqda və müxtəlif kanallar vasitəsilə təlqin olunmaqdadır.
Bu barədə Azərbaycan Respublikasının İnsan Hüquqları üzrə Müvəkkilindən (Ombudsman) məlumat verilib.
"Yayımlanan şərhlər arasında Azərbaycanın yer üzündən silinməsi, ölkəmizə qarşı müxtəlif çirkin təxribatlara əla atılmasının labüdlüyü kimi yanaşmalar yer alır ki, bu da məhz Ermənistanda dövlət siyasətinin bir hissəsinə çevrilmiş etnik nifrət çağırışları fonunda azərbaycanlılara qarşı dözümsüzlük mühitinin formalaşdırılması ilə bağlıdır.
Xüsusilə son günlər azərbaycanlı dövlət nümayəndələrinin və diplomatların hədəfə alınmasına dair çağırışların sosial mediadakı müzakirələrdə geniş şəkildə əks olunması ciddi narahatlıq yaradır. Məlumdur ki, Ermənistan tərəfindən tarixən müxtəlif türk-azərbaycanlı diplomatlara, dövlət xadimlərinə qarşı terror siyasəti həyata keçirilmişdir. Hətta müasir dövrümüzdə də belə cinayət əməlləri qəhrəmanlıq kimi təqdim olunur, “Nemezis” terror əməliyyatı ilə eyniadlı abidə ucaldılır, müxtəlif nüfuzlu şəxslər çıxışlarında bu cür dəhşətli “ənənələrə” istinad edirlər ki, bu da həmin terroryönümlü fikirlərin əhali tərəfindən dəstəklənməsinə gətirib çıxarır.
Regionda sülhün bərqərar olunması naminə Ermənistan tərəfi azərbaycanlılara qarşı nifrətin təşviqinə yol açan siyasətindən əl çəkməli, aidiyyəti beynəlxalq təşkilatlar isə insan hüquqlarının təməl prinsiplərinə zidd olan bu siyasətin qarşısının alınması istiqamətində zəruri tədbirləri görməlidirlər", - məlumatda vurğulanır.
Xankəndi-Gorus istiqamətində “Laçın” sərhəd-buraxılış məntəqəsində erməniəsilli şəxslərin sərbəst keçidi növbəti dəfə təmin edilib.
“Report”un Laçına ezam olunmuş əməkdaşının verdiyi xəbərə görə, bu gün məntəqədən 60-a yaxın şəxsin sərbəst şəkildə keçid ediblər.
Onlar əsasən Azərbayvan ərazisində separatizmi alovlandırmağa çalışan, ona dəstək verən şəxslərdir.
Artıq həm onlar, həm də arxalarında duranlar anlayıblar ki, Azərbaycanla bu çirkin oyunu davam etdirə bilməyəcəklər.
Azərbaycan müxtəlif səviyyələrdə daim bəyan edib ki, burada Azərbaycan qanunlarına hörmətlə yanaşan, bu qanunlarla yaşamağı qəbul edən şəxslər qala bilərlər. Bu şərti qəbul etməyənlər, öz qaydaları ilə yaşamağa çalışanlar üçün qapılar açıqdır, gedib ayrı harada istəsələr, yaşasınlar.
Həmin şəxslərin əksəriyyəti Rusiya vətəndaşlığını qəbul etmiş, Rusiya pasportu daşıyan insanlardır.
Özbəkistan Prezidenti Şavkat Mirziyoyev Azərbaycan Prezidenti İlham Əliyevin dəvəti ilə avqustun 22-23-də ölkəyə dövlət səfəri edəcək.
“Report” xəbər verir ki, bu barədə Özbəkistan Prezidentinin saytında məlumat verilib.
Səfər proqramı iki ölkə liderlərinin iştirakı ilə yüksək səviyyəli danışıqların və digər tədbirlərin keçirilməsini nəzərdə tutur.
Gündəliyə Özbəkistan-Azərbaycan strateji tərəfdaşlıq münasibətlərinin daha da dərinləşdirilməsi və prioritet sahələrdə praktiki əməkdaşlığın genişləndirilməsi məsələləri daxildir.
Danışıqların yekunu olaraq ikitərəfli sazişlər paketinin qəbul ediləcəyi gözlənilir.
Xəbər verdiyimiz kimi, Budapeştdəki Milli Atletika Mərkəzində atletika üzrə dünya çempionatının kişilər arasında 100 metr məsafəyə qaçış yarışının finalını Azərbaycan Prezidenti İlham Əliyev və xanımı Mehriban Əliyeva Macarıstanın Baş naziri Viktor Orban ilə birlikdə izləyiblər.
“Qafqazinfo” xəbər verir ki, yarışa baxanlar arasında Türkiyə Prezidenti Rəcəb Tayyib Ərdoğan da olub.
Finaldan öncə prezidentlərin səmimi görüntüləri maraqla qarşılanıb.
Qeyd edək ki, Macarıstanın ev sahibliyi etdiyi ən böyük idman yarışı olan atletika üzrə dünya çempionatı avqustun 19-da start götürüb. Avqustun 27-dək davam edəcək bu mötəbər turnirdə 200-dən çox ölkədən 2000-dən artıq idmançı atletikanın 49 növü üzrə mübarizə aparır. Azərbaycanı dünya çempionatında iki idmançı təmsil edir.
Paşinyan hakimiyyəti artıq anlayır ki, əgər, rəsmi Bakı hətta Qarabağda antiterror əməliyyatlarına başlayarsa, bu, genişmiqyaslı savaşa çevrilərək, Ermənistan ərazisinə də sıçraya bilər... Belə olacağı təqdirdə isə erməni separatçı-terrorçularla yanaşı, yeni savaş üçün yetərli hərbi və maliyyə-iqtisadi resursları olmayan Ermənistanın da sonunun gələcəyi şübhə doğurmur...
Cənubi Qafqazın gələcək taleyi həll edilir. Onilliklər boyu bu regionda mövcud olmuş erməni terrorizmi üçün sonun başlanğıcı qaçılmaz görünür. Elə erməni separatçı-terrorçular da bu reallığı görürlər və anlayırlar. Vərdiş etdikləri cinayətə indeksləşmiş həyat tərzinin bundan sonra davam etməsinin mümkün olmadığını baş düşürlər. Və bütün bunlar erməni toplumunda isterik durum yaradır.
Məsələ ondadır ki, erməni toplumu fərqli həyat tərzinə keçid mərhələsinə hələlik hazır deyil. Ona görə də, müqavimət göstərməyə çalışır, cinayətə indeksli mövcudluq sisteminin ömrünü uzada biləcəyinə ümid bəsləyir. Halbuki, zaman faktoru erməni terrorizmi üçün təhlükəli mərhələnin başlanğıcına hökm verib.
BMT-nin Təhlükəsizlik Şurasında erməni siyasi düşüncə sisteminin aldığı sarsıdıcı zərbə hər şeyin bitdiyini göstərir. Daha erməni separatçı-terrorçular vərdiş etdikləri beynəlxalq himayəyə güvənə bilməyəcəklər. Beynəlxalq ermənipərəstlər daha əvvəlki kimi, effektiv manevrlər etmək üçün geniş məkana sahib deyillər. Və böyük sürətlə aid olduqları siyasi cinayət sisteminin demontaj prosesinə yaxınlaşırlar.
Maraqlıdır ki, erməni separatizminin və terrorizminin əsas bazası hesab olunan Qarabağ bölgəsində baş verən hadisələr də yeni mərhələnin başlandığını sezdirir. Rəsmi Bakı erməni terror bataqlığını tamamilə və həmişəlik qurutmaq qərarını artıq verib. Yəni, bu prosesin geriyə dönüş ehtimalı yoxdur. Və Azərbaycanın milli təhlükəsizlik maraqları bunu tələb edir.
Rəsmi Bakı Azərbaycan ərazisində erməni separatçı-terrorçuların qapalı cinayət zonasına malik olmasına heç bir halda, imkan verə bilməz. Birincisi, Qarabağ beynəlxalq hüquqa görə, Azərbaycanın ayrılmaz tərkib hissəsidir. İkincisi, rəsmi Bakı işğaldan azad edilmiş Qarabağın yaşayış məntəqələrinə böyük qayıdış layihəsinin icrasına başlayıb. Üçüncüsü, Azərbaycanın suveren hüquqlarının ölkənin digər regionlarında olduğu kimi, Qarabağda da bərqərar olması qaçılmaz prosesdir.
Azərbaycan ərazisində mərkəzi hakimiyyətə qarşı silahlı qiyam qaldırmış erməni terrorçuların ayrıca sığınacaq zonası ola bilməz. Qarabağa yeni köçürülən minlərlə Azərbaycan vətəndaşına silahlı təhlükə mənbəyinə tolerantlıq yanaşılma ehtimalı yoxdur. Və bütün Azərbaycan ərazisində ölkə Konstitusiyasının hökmünün təmin edilməsi dövlətin təməl mövcudluq prinsipidir.
BMT-nin Təhlükəsizlik Şurasının son toplantısının nəticələri Azərbaycana ən radikal addımlar atmaq məkanı açır. Həmin toplantıda rəsmi Bakının beynəlxalq hüquqla legitim olan hədəfləri sıradan çıxartmaq haqqı birmənalı şəkildə etiraf edilib. Və bundan sonra erməni separatçı-terrorçuların gələcək taleyinin həll edilməsi üçün prinsipial qərarların özünü çox gözlətməyəcəyi qətiyyən şübhə doğurmur.
Onu da qeyd etmək lazımdır ki, erməni separatçı-terrorçular da artıq Azərbaycanın həlledici zərbəsinin hədəfinə çevrilmək üzrə olduqlarını anlayırlar. Bu baxımdan, hazırda Xankəndi və ətraf bölgədə olan separatçılar arasında panik durumun dərinləşməsi, kəskin ziddiyyətlərin böhranlı həddə çatması qətiyyən təəccüblü deyil.
Məsələ ondadır ki, erməni separatçı-terrorçular arasında ciddi parçalanma meyillərinin olduğu müşahidə edilir. Bəzi separatçılar beynəlxalq dairələrin "artsaxı" Azərbaycanın önünə atdığını düşünürlər. Onların fikrincə, belə vəziyyətdə etibarlı təhlükəsizlik sisteminə ümid bəsləmək tamamilə mənasızdır. Və bu situasiyadan hər hansı çıxış yolu demək olar ki, yoxdur.
Erməni separatçı-terrorçuların təmsilçisi Davud Babayan hesab edir ki, indi seçim variantları o qədər də çox deyil. Onun fikrincə, erməni separatçılar ən qısa zamanda qərar vermək məcburiyyətindədirlər. Yəni, ya rəsmi Bakının bütün şərtləri və tələblərini qəbul edərək, təslim olmalıdırlar. Ya da hər şeyi buraxıb, Qarabağı tərk etməlidirlər. Üçüncü variant isə sona qədər müqavimət göstərmək və hətta silahlanaraq, savaşmaqdır.
Onu da qeyd etmək lazımdır ki, Davud Babayan üçüncü variantın tərəfdarıdır. Çünki o, Xankəndi və ətraf bölgədə yaşayan bütün erməniləri silahlanmağa və savaşmağa çağırıb. Əks halda, ermənilərin öz "ideyalar"ına xəyanət etmiş olacağını bildirib. Yəni, bu erməni terrorçu dinc dialoqa qarşı çıxır, yeni silahlı toqquşmaların baş verməsini istəyir.
Halbuki, mövcud situasiyanı daha realist dəyərləndirən erməni separatçılar da var. Onlar Azərbaycan ordusu ilə silahlı toqquşmalara səbəb verə biləcək addımların atılmasının böyük fəlakətlərə yol aça biləcəyini vurğulayırlar. Xüsusilə də, hərbi cinayətkar Samvel Babayan rəsmi Bakı ilə siyasi dialoqa çağırır. Onun fikrincə, Azərbaycanın öz hərbi-siyasi hədəflərinə çatmasının qarşısında artıq elə bir ciddi əngəl yoxdur. Bu səbəbdən də, rəsmi Bakının şərt-tələblərini qəbul etməkdən başqa çıxış yolu qalmayıb. Silahlı toqquşmalara səbəb olacaq addımların atılması isə yolverilməzdir.
Bəzi məlumatlara görə, Samvel Babayan bu fikirlərinə görə Xankəndi və ətraf bölgədə xain hesab edilsə də, onun mövqeyini bölüşənlərin sayı da kifayət qədərdir. Erməni separatçı-terrorçuların rəhbəri Araik Arutyunyan tərəfindən "siyasi qüvvələr" arasında aparılan müzakirələrin nəticələri barədə məlumatlar da bunu təsdiqləyir. Çünki həmin müzakirələrdə Araik Arutyunyan ümumi mövqeyi silahlı müqavimət variantı üzərində toplamağa nail olmayıb. Və məhz bu səbəbdən "istefa" verəcəyini bildirib.
Ancaq Araik Arutyunyanın "istefa" mesajı da birmənalı qarşılanmayıb. Bəzi erməni separatçılar hesab edirlər ki, Araik Arutyunyan hər şeyi buraxıb, Qarabağı tərk etmək üçün bəhanə qazanmağa çalışır. Çünki o, öz gələcək taleyindən ciddi şəkildə narahatdır. Və ona görə də, nə qədər gec deyil, qaçmağa çalışır.
Buna baxmayaraq, Araik Arutyunyanın "istefa" mesajı hələ də reallığa çevrilməyib. Ermənistan mətbuatının məlumatına görə, Paşinyan hakimiyyəti ona "istefa" verməyi qadağan edib. Əsas səbəb kimi isə Kremlin "təxribat emissarı" Ruben Vardanyanın Xankəndidə önə çıxa biləcəyi göstərilir. Və bu, Paşinyan hakimiyyətinə kifayət qədər ciddi problemlər törədə bilər.
Ona görə də, erməni mətbuatı iddia edir ki, Araik Arutyunyan Paşinyan hakimiyyətinin təlimatları ilə hərəkət edir. Hər iki tərəfin əsas məqsədi Azərbaycanla siyasi dialoq və reinteqrasiya prosesinin reallaşdırılmasıdır. Əgər, bu hədəflər reallaşsa, Paşinyan hakimiyyəti rəsmi Bakı ilə yekun sülh sazişinin imzalanmasına nail olacaq. Bu halda, problem siyasi müstəvidə həll edilmiş olacağından Ermənistan hakimiyyəti öz ömrünü uzatmaq şansı qazanacaq. Və həm Rusiya faktorunun, həm də "beşinci kalon"un təsiri zəifləmiş olacaq.
Araik Arutyunyan isə Ermənistanda Paşinyan hakimiyyətinin himayəsinə sığınacaq. Bir müddət Ermənistanda yerləşdikdən sonra xarici ölkələrdən birinə getmək imkanı qazanacaq. Yəni, erməni mətbuatı Paşinyan hakimiyyətinin Araik Arutyunyanı təhlükəsizlik təminatı ilə öz nəzarətində saxladığını iddia edir. Araik Arutyunyanın ailəsinin Qarabağdan artıq çıxarılması barədə məlumatlar isə verilmiş vədlərə hələlik riayət olunduğunu göstərir.
Göründüyü kimi, erməni siyasi sistemində kifayət qədər ciddi oyunlara start verilib. Böyük ehtimalla bu oyunlar yaxın bir neçə ay ərzində intensiv şəkildə davam edəcək. Paşinyan hakimiyyətinin indi əsas hədəfi Azərbaycan ilə genişmiqyaslı savaş təhlükəsindən yayınmaqdan ibarətdir.
Çünki baş nazir Nikol Paşinyan anlayır ki, əgər, rəsmi Bakı hətta Qarabağda antiterror əməliyyatlarına başlayarsa, bunun qısa müddətdə genişmiqyaslı savaşa çevrilərək, Ermənistan ərazisinə də sıçrama ehtimalı var. Və bu variant erməni separatçı-terrorçularla yanaşı, Ermənistanın da sonunu gətirə bilər.
Azərbaycanla Macarıstan arasındakı strateji münasibətlərin son illər daha da dərinləşməsi müşahidə olunur. Macarıstan Şərqi və Mərkəzi Avropada Azərbaycanın tərəfdaş ölkələrindən hesab edilir. 2022-ci ildə ölkələr arasındakı ticarət dövriyyəsi 26.0 faiz artaraq 35,161 milyon dollardan 47,399 milyon dollaradək yüksəlib. Bu ilin ilk yarısında isə tərəflər arasında 23,990 milyon dollarlıq ticarət qeydə alınıb.
Axar.az xəbər verir ki, bu sözləri iqtisadçı ekspert, millət vəkili Vüqar Bayramov Prezident İlham Əliyevin Macarıstana işgüzar səfəri ilə bağlı bildirib.
Q qeyd edib ki, Azərbaycan ilə Macarıstan arasında iqtisadi əlaqələrin qeyri-neft sektoru üzrə daha da inkişaf etməsi potensialı kifayət qədər böyükdür:
“Hər iki ölkənin birgə sərmayə qoyuluşları, idxal və ixrac əməliyyatlarını genişləndirmək imkanları yüksək qiymətləndirilir. Bu baxımdan, Azərbaycan Prezidentinin səfəri iki ölkə arasındakı iqtisadi əlaqələrin daha da dərinləşməsinə xidmət edəcək.
Macarıstan Azərbaycan ilə enerji əməkdaşlığını genişləndirmək istəyən Avropa ölkələrindədir. Macarıstanın MVM CEEEnergy və Azərbaycanın SOCAR şirkətləri arasında bu ilin iyunun 2-də imzalanmış müqaviləyə əsasən Azərbayacan 2023-cü ilin sonunadək Macarıstana 100 milyon kubmetr qaz tədarük edəcək. Bütövlükdə, Macarıstan Azərbaycandan ildə 2 milyard kub metr qaz idxal etmək niyyətindədir. Yunanıstan-Bolqarıstan İnternkonnektoru istifadəyə verildikdən sonra daha 5 Avropa ölkəsinin, o cümlədən Macarıstanın da Azərbaycan qazını idxal etmək imkanları genişlənib.
Azərbaycan Prezidentinin siyasi iradəsi nəticəsində reallaşması mümkün olan Cənub Qaz Dəhlizinin yeni elementinə çevrilən Yunanıstan-Bolqarıstan Qaz İnterkonnektorundan (IGB) ötürmə qabiliyyətinin 3,5 milyard kubmetrdən 5,0 milyard kubmetrdək artırılması Macarıstan, Serbiya, Slovakiya, Ruminiya, Şimalı Makedoniya kimi ölkələrin də Azərbaycandan daha çox qaz almasına və ya yeni enerji əməkdaşlığına başlamasına imkan yarada bilər.
Azərbaycan Prezidentinin Macarıstana səfəri ölkələr arasındakı münasibətlərdə yeni səhifə açacaq. Bütövlükdə, ölkəmizin Mərkəzi və Şərqi Avropanin enerji təhlükəsizliyinin formalaşmasındakı rolu daha da artmaqdadır. Bu, Azərbaycanın strateji mövqeyini daha da möhkəmləndirir”.
“İtkin düşmüş şəxslərin taleyinin müəyyən edilməsi müharibədən sonrakı barışıq prosesin mühüm hissəsidir. Amma Ermənistan bu faktları gizlədir, inkar edir”.
Bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev “X”də yazıb.
O bildirib ki, Ermənistan indiyədək I Qarabağ müharibəsi zamanı erməni əsir düşərgələrində 4000 azərbaycanlının işgəncələrə məruz qaldığı, qeyri-insani rəftara məruz qalaraq öldürüldüyü kütləvi məzarların geolokasiyasını təqdim etməkdən imtina edir:
“Kütləvi məzarlıqlarda qalıqları tapılan 15 itkin düşmüş şəxslərdən biri Hüseynov Gülverdinin qızları 30 ildən sonra nəhayət ki, atalarının məzarlığına qovuşduğuna çox seviniblər”.
Qeyd edək ki, itkin düşmüş 15 nəfərin taleyinə aydınlıq gətirilib.
Baş nazir Nikol Paşinyan Azərbaycanla sülh danışıqlarının alternativinin olmaması barədə daha bir tutarlı arqument qazandı, onun BMT Təhlükəsizlik Şurasında baş verənləri çarəsizliyin izahı üçün örnək göstərəcəyi qətiyyən istina deyil... Rəsmi İrəvanın yaxın vaxtlarda bütün dünyanın ermənilərdən üz çevirib, məhz Azərbaycanı dəstəklədiyini Ermənistan cəmiyyətinə təbliğ etməyə başlayacağı gözlənilir...
Ermənistanın sülh prosesini “dondurmaq” üçün düşünüb, reallaşdırmağa çalışdıqları planın daha bir mərhələsi yekunlaşdı. Hələlik rəsmi İrəvanın nəyəsə nail olduğunu iddia etmək qətiyyən mümkün deyil. Çünki “humanitar yük” tamaşası heç bir real nəticə verməyib. Və böyük ehtimalla Paşinyan hakimiyyəti əvvəl-axır TIR karvanını geri İrəvana qaytarmaq məcburiyyətində qalacaq.
Məsələ ondadır ki, rəsmi Bakı “humanitar yük”ün Laçın postundan buraxılmayacağını birmənalı şəkildə təsdiqləyirb. Azərbaycan bu məsələ ilə bağlı heç bir halda, geri çəkilmək niyyətində deyil. Ən azından ona görə ki, rəsmi İrəvanın avantürist sərhəd təxribatı baş tutarsa, bu, Azərbaycanın ərazi bütövlüyünün və suveren hüquqlarının ciddi şübhə altında qalmasına yol aça bilərdi.
Deməli, Ermənistan “humanitar yükü” ya Azərbaycanın ciddi yoxlamasından sonra Ağdam-Xankəndi yolu ilə keçirtməli olacaq. Ya Paşinyan hakimiyyəti təxribat üçün hazırladığı həmin yükləri İrəvanda qarşılamaq məcburiyyətində qalacaq. Xüsusilə də, Ağdam-Xankəndi yolunun istifadəsi ilə bağlı Azərbaycanın təkliflərinin artıq beynəlxalq səviyyədə dəstək qazanması bu iki variantı aktual saxlayır.
Düzdür, Paşinyan hakimiyyəti Laçın postuna qarşı təxribatı məhz BMT Təhlükəsizlik Şurasının sayəsində reallaşdıra biləcəyinə də ümid bəsləyirdi. Ancaq bu nüfuzlu beynəlxalq platformada müzakirələr Ermənistanın ağır siyasi-diplomatik məğlubiyyəti ilə yekunlaşıb. Yəni, indi rəsmi İrəvan Azərbaycana qarşı yaratmağa çalışdığı problemlərin bumeranq effekti ilə üzləşib. Və Paşinyan hakimiyyətinin Azərbaycana qarşı qurduğu “tələ”də indi elə Ermənistan özü çabalayır.
Ancaq Paşinyan hakimiyyəti üçün mövcud problemlərin sırası yalnız bunlarla məhdudlaşmır. Belə ki, rəsmi İrəvanın təxribat vərdişləri Ermənistana əlavə problemlər yaradıb. Hər halda, BMT-nin Təhlükəsizlik Şurasında nəticəsiz sona çatmış diskussiyaların real təsirini Ermənistan daha ağır şəkildə hiss etməyə başlayacaq. Çünki Paşinyan hakimiyyəti “təxribat ssenarisi” indi Ermənistana qarşı çevrilib. Və mövcud situasiyadan çıxmaq rəsmi İrəvan üçün o qədər də asan olmayacaq.
Məsələ ondadır ki, rəsmi İrəvanın sülh prosesini “dondurmaq” planı artıq iflasa uğramaq üzrədir. Böyük ehtimalla Paşinyan hakimiyyəti tezliklə sülh danışıqlarının yenidən aktivləşdirilməsinə ciddi ehtiyac duymağa başlayacaq. Çünki Azərbaycana qarşı beynəlxalq təzyiq kampaniyası baş tutmayıb. BMT Təhlükəsizlik Şurasındakı diskussiyalar Azərbaycanın haqlı olduğunu qabarıq şəkildə təzdiqləyirb.
Təbii ki, Paşinyan hakimiyyətinin “təxribat planı”na davam etməyə çalışacağı da qətiyyən istisna deyil. Ancaq rəsmi İrəvan iki önəmli mərhələ üzrə ağır məğlubiyyətə uğradığından Paşinyan hakimiyyətinin növbəti etap üçün daha effektiv variantının ola biləcəyi də mübahisə mövzudur. Yəni, indi rəsmi İrəvan prinsipial seçim etməlidir. Ya avantürist planlar üzrə irəliləməyə, regional situasiyanı silahlı toqquşmalar həddinə qədər gərginləşdirməyə çalışmalıdır. Ya da öz məğlubiyyəti ilə barışıb, sülh masası arxasına oturmaq məcburiyyətini nəzərə almalıdır.
Onu da qeyd etmək lazımdır ki, indiki situsiyada hər iki variant Ermənistan üçün hər hansı ciddi uğur vəd etmir. Çünki rəsmi İrəvan situasiyanı silahlı toqquşmalar həddinə qədər gərginləşdirərsə, bu, genişmiqyaslı müharibə təhlükəsi deməkdir. Ermənistanın isə yaxın gələcəkdə daha bir genişmiqyaslı savaşa tab gətirmək şansı qətiyyən yoxdur.
İkinci variantdasa, rəsmi İrəvan bundan sonra Ermənistanın danışıqlar masası arxasında daha ağır təzyiq altında olacağını artıq indidən bilir. Çünki Paşinyan hakimiyyəti Azərbaycana qarşı beynəlxalq təzyiq kampaniyası planını reallaşdıra bilməyib. BMT-nin Təhlükəsizlik Şurası isə dolayısı ilə Ermənistanın Azərbaycanla anlaşmasının vacibliyinə yönəlik mesaj verib. Və belə vəziyyətdə rəsmi Bakının sülh prosesində Ermənistana öz şərtlərini daha sərt metodlarla qəbul etdirəcəyi şübhə doğurmur.
Bütün bunları nəzərə aldıqda, Ermənistan üçün uduş variantının ümumiyyətlə, mövcud olmadığını düşünmək olar. Bundan sonrakı mərhələdə Ermənistanı daha çox əlavə itkilər müşayiət edə bilər. Ona görə də, Paşinyan hakimiyyətinin mövcud situasiyadan çıxış yolu tapmaq üçün Ermənistan cəmiyyəti daxilində siyasi manipulyasiyalara üstünlük verə biləcəyi qətiyyən istisna deyil.
Məsələ ondadır ki, Paşinyan hakimiyyətinin BMT-nin Təhlükəsizlik Şurasında Laçın postu ilə bağlı müzakirələrə cəhd edərkən, ikibaşlı oyun qurmaq niyyəti güdə biləcəyini də nəzərdən qaçırtmaq olmaz. Belə ki, əgər, BMT Təhlükəsizlik Şurasından Ermənistanın xeyrinə qərar çıxsaydı, rəsmi İrəvan bunu öz aktivinə yazaraq, siyasi dividend qazanmağa çalışacaqdı.
Əks təqdirdəsə, Ermənistan baş naziri Nikol Paşinyan Azərbaycanla sülh danışıqlarının alternativinin olmaması barədə daha bir tutarlı arqument qazanmış olcaqdı. Böyük ehtimalla erməni baş nazir BMT-nin Təhlükəsizlik Şurasında Ermənistan üçün ortaya çıxan uğursuz situasiyadan sülh danışıqlarında istifadə etməyə çalışacaq.
Belə ki, baş nazir Nikol Paşinyanın BMT Təhlükəsizlik Şurasında baş verənləri örnək göstərərək, Ermənistan cəmiyyətinə bütün dünyanın ermənilərdən üz çevirib, məhz Azərbaycanı dəstəklədiyini təbliğ etməyə çalışacağı gözlənilir. Və bununla da Azərbaycanla sülh sazişinin imzalanmasının qaçılmazlığını sübut etməyə çalışacaq.(Yeni Müsavat)