 |
|
“Müxtəlif cür və çox vaxt şübhəli mədəni məzmunlu konsertlər, festivallar və atəşfəşanlıqlar bizim üçün son dərəcə təhlükəli illüziya yaradır – sanki Ermənistan Respublikası və Artsax Respublikasının ekzistensial təhlükəsizlik problemi həll olunub və biz bayram edə bilərik”. Bunu İrəvan Dövlət Universitetinin (İDU) şərqşünaslıq fakültəsinin iranşünaslıq kafedrasına rəhbərlik edən Vardan Voskanyan özünün Telegram kanalında yazıb.“Bu, geniş ictimai səviyyədə milli müqaviməti korşaldır. Çünki reallıqları unutmağa, bu reallıqların bizim xeyrimizə dəyişməsi ilə bağlı fikirlərin yaranmasına yönəlmiş başqa bir “reallıq” yaradır ki, bu da bizi gözü doymayan düşmənin ekspansiyası qarşısında daha da zəif vəziyyətə salır.
Mən təkid etməkdə davam edəcəyəm ki, Ermənistanın güclənməsinin və barbarların məğlubiyyətinin yeganə təminatı qala-dövlətin qurulmasıdır. Bu qala-dövlətdə daimi sərsəm şənliklər yox, hərbiyə yaxın nizam-intizam olmalıdır”, – Voskanyan qeyd edir.
Bu bəyanat özü-özlüyündə ondan xəbər verir ki, ermənilərin əhəmiyyətli bir hissəsi artıq heç bir qisas və Azərbaycanla yeni müharibənin zəruriliyi barədə düşünmür. Bu, sözsüz ki, müsbət siqnaldır. Qoy daha çox və daha yaxşı əylənsinlər, daxili problemləri haqqında düşünsünlər, amma qonşu dövlətlərin ərazilərinə ekspansiya planları qurmasınlar. Əlbəttə, bu, kefi belə istədiyi üçün qonşu xalqı “barbar” adlandırmağı normal hesab edən irançı Voskanyan kimi tiplərin ürəyinə sancılan bıçaq effektidir. Sanki ermənilər özləri vərdişlərinə və həyat tərzinə görə bölgədə yaşayan digər xalqlardan çox fərqlənirlər.
Maraqlıdır, “reallıqları bizim xeyrimizə dəyişmək”, “hərbiyə yaxın nizam-intizamı olan qala-dövləti qurmaq” zərurəti ilə bağlı fikirlər Ermənistan cəmiyyətində nə dərəcədə geniş yayılıb? Ermənistanda belə fikrin daşıyıcısı nə qədərdir? Ermənistanın Azərbaycan və Türkiyə ilə necə münasibətlər quracağı da əhval-ruhiyyənin belə bir balansından asılıdır. Tez bir zamanda sülh bağlanması mümkündürmü, yoxsa hər şey yeni qarşıdurmaya, hətta yeni müharibəyə doğru gedəcək?
DİA.AZ-ın məlumatına görə, vəziyyəti Press Kluba şərh edən Hankuk Xarici Tədqiqatlar Universitetinin (Cənubi Koreya) professoru, politoloq Rövşən İbrahimov ilk növbədə qeyd edib ki, Voskanyan bütövlükdə ikrah yaradan, axmaq, elmdən uzaq adamdır.
“Onun açıqlamaları ilə rastlaşdığım son illər ərzində heç vaxt onun ağıllı söz dediyini görməmişəm. Ola bilsin ki, o, İran üzrə yaxşı mütəxəssisdir. Onun fars dilini bilməsi səviyyəsindən xəbərim olmadığından, bu barədə heç nə söyləyə bilmərəm. Amma o, öz biliyinin, ilk növbədə öz ixtisasının hüdudlarından açıq şəkildə kənara çıxır.
Ümumilikdə götürdükdə, başa düşdüyüm qədər, onun təqdim etməyə çalışdığı ideya İsrail modelidir. Və onlar hesab edirlər ki, bu modeli Ermənistana da tətbiq etmək olar. Yaxşı, istəyirlərsə, onda qoy yaratsınlar”, – professor deyir.
“Mən bu məsələ ilə bağlı konkret araşdırma aparmadığımdan, Ermənistan cəmiyyətində bununla bağlı əhval-ruhiyyənin necə olduğu barədə zərrə qədər fikrim yoxdur. Bunun üçün sosioloji sorğu keçirmək lazımdır. Amma dolayı faktorları da nəzərə almaq olar. Məsələn, baş nazir Paşinyan və onun partiyasının müharibədən dərhal sonra parlament seçkilərində 50%-dən çox səs toplaması və Nikolun birpartiyalı hökumət yaratmağa nail olması mühüm meyar ola bilər. Bu çox şeydən xəbər verir. Biz bilirik ki, bununla yanaşı, revanşist əhval-ruhiyyəli müxalifətin çoxsaylı etiraz mitinqləri keçirilib, amma onlar heç vaxt uğur qazanmayıblar, kütləni cəlb edə bilməyiblər. Diqqət edin, müxalifət çoxdan mitinqlər keçirmir, yolları bağlamır, yəni bu alətlərdən tamamilə imtina edib. Və bu aspektdə deyə bilərik ki, bəlkə də bir çox ermənilər ürəklərində qisas almaq arzusundadırlar. Amma iş reallığa gəldikdə, onlar başa düşürlər ki, kimsə bunun üçün mübarizə aparmalı, kimsə bunun üçün canından keçməlidir – və burada onlarda praqmatik yanaşma oyanır.
Öz növbəmdə deyə bilərəm ki, qoy, qonşuları ilə normal münasibətləri olmadan yaşamaq üçün qala-dövlət qursunlar, lavaş bişirə biləcəkləri qarajlar, dikər tikililər tiksinlər – bu onların işidir. Əgər inkişaf etmək istəmirlərsə, qoy istədikləri kimi yaşasınlar”, – politoloq bildirib.
Avqustun 16-da BMT Təhlükəsizlik Şurasının Qarabağda humanitar vəziyyətə həsr olunmuş iclası baş tutub. Amma iclas heç də erməni diasporunun və Ermənistan hakimiyyətinin gözləntilərini doğrultmayıb. Ermənistan BMT TŞ-də Azərbaycana qarşı hansısa qərarın qəbul olunacağına ümid etsə də, Təhlükəsizlik Şurasının daimi və qeyri-daimi üzvləri Ermənistanın fakta söykənməyən hay-küylü iddialarını "yola vermək"lə keçiniblər. Ermənistan hakimiyyəti isə bu iclasın baş tutmasını uğur kimi təqdim edərək "quyruğunu dik tutmağa" çalışır.Qeyd edək ki, Azərbaycanla Ermənistan arasında müşahidə olunan gərginlik təkcə diplomatik müstəvidə davam etmir. Belə ki, avqustun 16-da Ermənistan ordusu Azərbaycana qarşı növbəti təxribat törətməyə cəhd göstərib. Azərbaycan ordusunun bölmələri diversiyanın qarşısını alıb, təxribatçıların biri yaralı halda olaraq ələ keçirilib. Ermənistanın hərbi uğursuzluğu, BMT TŞ-dəki fiasko ilə başa çatıb.
Ermənistanın BMT Təhlükəsizlik Şurasının iclası fonunda hərbi təxribatlarını davam etdirəcəyi isə yüksək ehtimal olaraq qalır. Sputnik Azərbaycan baş verən son proseslərlə bağlı millət vəkili Elman Nəsirovun və politoloq İlyas Hüseynovun fikirlərini öyrənib.
Millət vəkili Elman Nəsirov bildirib ki, Ermənistanın Laçın yolu istiqamətindakı vəziyyətlə bağlı saldıqları hay-küy tamamilə cəfəng və reallıqdan uzaq iddialardır. Onun sözlərinə görə, bu həm də Ermənistanın təxribatçı siyasətinin tərkib hissəsidir:
"BMT Təhlükəsizlik Şurasında da bu məsələyə baxıldı və Azərbaycanın BMT-dəki daimi nümyəndəsi Yaşar Əliyev çox ciddi faktlarla Ermənistanın yalan üzərində qurulmuş iddialarına cavab verdi. Regionda heç bir halda humanitar böhrandan söhbət getmir. Qarabağda yaşayan əhalinin ərzaq təhlükəsizliyi, eyni zamanda onların gündəlik tələbat mallarına olan ehtiyaclarının qarşılanması üçün Azərbaycan Ağdam-Xankəndi, həmçinin Füzuli-Şuşa yolunu təklif edir. Lakin Ermənistana bunlar lazım deyil. Onların niyyəti heç də humanitar böhran məsələləri deyil.
Millət vəkili qeyd edib ki, Ermənistan Azərbaycana qarşı beynəlxalq təzyiqə və sanksiyaların tətbiq edilməsinə nail olmaq istəyir:
"Azərbaycan nümayəndəsi BMT TŞ-nin keçmiş münaqişə bölgəsi ilə bağlı qəbul edilmiş dörd qətnaməsini də xatırladıb. Azərbaycan öz silahlı qüvvələri hesabına bu qətnamələrin yerinə yetirilməsinə nail oldu. Amma hələ də Qarabağda silahlı erməni birləşmələri var. BMT qətnamələrində ərazilərimizdəki Ermənistan silahlı qüvvələrinin tam şəkildə tərk etməsi tələb edilirdi. Hesab edirəm ki, Ermənistanın Azərbaycana qarşı təzyiqlərə nail olmaq niyyəti tamamilə müvəffəqiyyətsizliyə uğrayıb. Bunu Azərbaycanın diplomatik qələbəsi kimi də qiymətləndirmək lazımdır.
"Xüsusilə də, Türkiyə bu məsələdə Azərbaycanın haqq işini müdafiə etdi. Azərbaycan bütün alternativ həll yollarını təqdim edib. Amma beynəlxalq birliyin bəzi üzvləri, xüsusən də Fransa bu alternativlərin adının çəkilməsini belə istəmir. Ermənistan təkcə diplomatik müstəvidə deyil, həmçinin Azərbaycanla şərti sərhəddə hərbi təxribatlarını davam etdirir. Son zamanlar sərhədlərimiz yaxınlarına hərbi texnikanın yığılması, Ermənistan qoşunlarının dislokasiya yerlərini dəyişməsi kimi addımlar atır. Bu addımlar 2022-ci ilin sentyabr təxribatlarından öncəki vəziyyəti xatırladır. İndi də oxşar tendensiya müşahidə edilir", - millət vəkili bildirib.
"Ermənistan unutmamalıdır ki, Azərbaycanla təhdid dilində danışmaq ağılsızlıqdır. Kimlərsə, üçüncü Qarabağ müharibəsini planlaşdırırsa, bu həmin şəxslər üçün siyasi intihar qərarını qəbul etməkdən başqa bir şey deyil. Hərbi təxribatlardan istifadə Paşinyanın icadı deyil, onun sələfləri Koçaryan, Sarkisyan da tənzimləmə prosesi ilə bağlı mühüum addımların atılması öncəsi bu yola əl atırdılar. Görünür, Ermənistanın hərbi siyasi rəhbərliyi ağlını itirib. Azərbaycan ordusu üç il öncəkindən daha güclüdür və Ermənistan odla oynayır. Həmin od Ermənistanı yandıra bilər", - deyə E.Nəsirov fikirlərini yükunlaşdırıb.
Politoloq İlyas Hüseynov isə bildirib ki, TŞ-də keçirilən müzakirələrdən sonrakı uğursuzluq özü ilə hərbi təxribatları da gətirə bilər:
"Hər bir vəchlə çalışacaqlar ki, regionda gərginlik ən yüksək səviyyədə olsun. Düşünürəm ki, hərbi təxribatlara hazır olmaq lazımdır. Xüsusən də işğaldan azad edilmiş ərazilərdə, şərti sərhəddə və Naxçıvan istiqamətində ordumuz hazır vəziyyətə gətirilməlidir. Çünki son dövrlər separatçıların fortifikasiya qurğularını quraşdırma cəhdləri görünür. Onlar mühəndis istehkam işləri görməyə cəhd edirlər. Bunlar hərbi təxribat üçün hazırlıqlardan xəbər verir. Hesab edirəm ki, hərbi təxribatlara hazır olmalıyıq".
Prezident İlham Əliyev Masallı rayonunun Ləngan–Əhmədli–Təklə–Köcəkli, Bala Təklə–Şərəfə və Öncəqala–Hüseynhacılı–Viləş–Xallıcalı–Dəlləkli–Qədirli avtomobil yollarının tikintisi ilə bağlı tədbirlər haqqında Sərəncam imzalayıb.
Yol-xeber.az xəbər verir ki, sərəncama əsasən, əlli bir min nəfər əhalinin yaşadığı 27 yaşayış məntəqəsini birləşdirən Ləngan–Əhmədli–Təklə–Köcəkli, Bala Təklə–Şərəfə və Öncəqala–Hüseynhacılı–Viləş–Xallıcalı–Dəlləkli–Qədirli avtomobil yollarının tikintisi məqsədilə “Azərbaycan Respublikasının 2023-cü il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.31.8-ci yarımbəndinə uyğun olaraq, Azərbaycan Avtomobil Yolları Dövlət Agentliyinə 14,6 milyon (on dörd milyon altı yüz min) manat ayrılıb.
Maliyyə Nazirliyinə Sərəncamın 1-ci hissəsində göstərilən məbləğdə maliyyələşməni təmin etmək, Nazirlər Kabinetinə Sərəncamdan irəli gələn məsələləri həll etmək tapşırılıb.
Avqustun 18-də Azərbaycan Respublikasının Prezidenti İlham Əliyev Kolumbiya Respublikasının ölkəmizdə yeni təyin olunmuş fövqəladə və səlahiyyətli səfiri Luis Fernando Kuartas Ayalanın etimadnaməsini qəbul edib.
Səfir etimadnaməsini Prezident İlham Əliyevə təqdim etdi.
Sonra dövlətimizin başçısı səfirlə söhbət etdi.
Səfir Azərbaycan ilə Kolumbiya arasında siyasi əlaqələrin yaxşı səviyyədə olduğunu qeyd etdi, ölkələrimizin Xarici İşlər nazirlikləri arasında siyasi məsləhətləşmələr mexanizminin uğurla inkişaf etdiyini bildirdi. Minatəmizləmə sahəsində kolumbiyalı mütəxəssislərin Azərbaycanda fəaliyyət göstərdiyi qeyd olundu. Luis Fernando Kuartas Ayala ölkələrimiz arasında turizm sahəsində əlaqələrin daha da genişləndirilməsi üçün böyük potensialın olduğunu vurğuladı.
Səfir ölkəmizdə akkreditə edilmiş diplomatik korpusun nümayəndələrinin Ağdama səfərində iştirak etdiyini, həmin ərazilərdə aparılan bərpa-quruculuq işləri ilə yerində tanış olduğunu bildirdi.
Dövlətimizin başçısı Azərbaycan ilə Kolumbiya arasında siyasi əlaqələrin məmnunluq doğurduğunu vurğuladı, ölkələrimizin BMT, Qoşulmama Hərəkatı çərçivəsində səmərəli əməkdaşlıq etdiyini və daim bir-birini dəstəklədiyini dedi.
Prezident İlham Əliyev iqtisadi-ticari əlaqələrin genişləndirilməsi üçün böyük imkanların olduğunu vurğuladı, mədəniyyət sahəsində əlaqələrin genişləndirilməsinin vacibliyini bildirdi.
***
Avqustun 18-də Azərbaycan Respublikasının Prezidenti İlham Əliyev Kolumbiya Respublikasının ölkəmizdə yeni təyin olunmuş fövqəladə və səlahiyyətli səfiri Luis Fernando Kuartas Ayalanın etimadnaməsini qəbul edib.
Bu barədə Prezidentin Mətbuat Xidməti məlumat yayıb.
Prezident İlham Əliyev “Lisenziyalar və icazələr haqqında” qanunda dəyişiklik edilməsi barədə qanunu təsdiqləyib.
"Report" xəbər verir ki, bununla da qanun “Avtomobil nəqliyyatı haqqında” yeni qanuna uyğunlaşdırılıb.
Yenilənmiş qanunla sərnişin və yük daşımalarında lisenziya tələbi icazə tələbi ilə əvəzlənib.
Belə ki, Azərbaycanda avtomobil nəqliyyatı ilə sərnişin və yük daşımaları xidmətləri göstərənlər icazə almalı olacaqlar. Həmin icazələr aşağıdakılardır;
-Azərbaycan ilə xarici ölkələr arasında avtomobil nəqliyyatı ilə daşımaları yerinə yetirmək üçün operatorlara verilən beynəlxalq yük və qeyri-müntəzəm daşımalarına buraxılış vəsiqəsi;
-Ölkədaxili sifarişli daşımalara buraxılış vəsiqəsi:
-Taksi minik avtomobilləri ilə sərnişin daşımalarına buraxılış vəsiqəsi:
-Taksi sifariş operatoru fəaliyyətinə icazə.
Avqustun 18-də Azərbaycan Respublikasının Prezidenti İlham Əliyev Tacikistan Respublikasının ölkəmizdə yeni təyin olunmuş fövqəladə və səlahiyyətli səfiri İlxom Abduraxmonun etimadnaməsini qəbul edib.
Səfir etimadnaməsini Prezident İlham Əliyevə təqdim etdi.
Sonra səfirlə söhbət edən dövlətimizin başçısı Azərbaycan ilə Tacikistan arasında münasibətlərin qardaşlıq və dostluq xarakteri daşıdığını vurğuladı, hökumət üzvləri, parlamentlər, ictimai təşkilatlar xətti ilə daim təmasların və qarşılıqlı səfərlərin həyata keçirildiyini dedi.
Prezident İlham Əliyev Tacikistana dövlət səfərini məmnunluqla xatırladı, səfər çərçivəsində aparılmış müzakirələr zamanı müəyyənləşdirilmiş hədəflərə nail olunması istiqamətində ardıcıl fəaliyyətin həyata keçirildiyini bildirdi. Dövlətimizin başçısı Tacikistana səfəri zamanı bu ölkənin və Düşənbənin inkişafının şahidi olduğunu vurğuladı.
Azərbaycan Prezidenti iqtisadiyyat, ticarət, nəqliyyat, logistika və digər sahələrdə ikitərəfli əməkdaşlığın daha da genişləndirilməsi üçün bir çox təşəbbüslərin olduğunu diqqətə çatdırdı, ölkələrimiz arasında tərəfdaşlıq əlaqələrinin möhkəmləndiyini qeyd etdi.
Prezident İlham Əliyev Azərbaycanın və Tacikistanın regionları arasında əməkdaşlığın və şəhərlərarası birbaşa əlaqələrin yaradılmasının vacibliyini bildirdi.
Səfir, ilk növbədə, Tacikistan Prezidenti Emoməli Rəhmonun salamlarını dövlətimizin başçısına çatdırdı.
Prezident İlham Əliyev salamlara görə minnətdarlığını bildirdi, onun da salamlarını Tacikistan Prezidentinə çatdırmağı xahiş etdi və Prezident Emoməli Rəhmonu Azərbaycana dövlət səfərinə dəvət etdi.
Səfir İlxom Abduraxmon dövlətimizin başçısının Tacikistana səfəri zamanı ikitərəfli əlaqələrin inkişafı baxımından çox vacib və səmərəli müzakirələrin aparıldığını vurğuladı, müxtəlif səviyyələrdə, o cümlədən parlament sədrlərinin səfərlərinin önəmini qeyd etdi, hökumətlərarası komissiyanın bu yaxınlarda iclasının keçirildiyini xatırladı, ölkələrimizin beynəlxalq təşkilatlar çərçivəsində də uğurla əməkdaşlıq etdiyini vurğuladı.
İlxom Abduraxmon Bakı ilə Düşənbə arasında birbaşa aviareyslərin açılmasının turizm sahəsində əməkdaşlığımızın inkişafına ciddi təkan verəcəyini qeyd etdi. O, Azərbaycanın sürətli inkişafının, Bakının gözəlliyinin və şəhərin memarlıq üslubunun onda dərin təəssürat hissi yaratdığını dedi.
***
Avqustun 18-də Azərbaycan Respublikasının Prezidenti İlham Əliyev Tacikistan Respublikasının ölkəmizdə yeni təyin olunmuş fövqəladə və səlahiyyətli səfiri İlxom Abduraxmonun etimadnaməsini qəbul edib.
Bu barədə Prezidentin Mətbuat Xidməti məlumat yayıb.
“Göyçə Zəngəzur Respublikası” fəaliyyətini dayandırdığını elan edib.
Bu barədə “Göyçə-Zəngəzur Respublikası” və “Qərbi Azərbaycana Qayıdış” İctimai Birliyinin birgə bəyanatında bildirilib.
Rizvan Talıbov və Tünzalə Çələbiyevanın imzaladığı bəyanatda deyilir:
“Tarixən ermənilər və hazırkı Ermənistan Respublikası azərbaycanlıları etnik zəmində soyqırımı və deportasiya cinayətlərinə məruz qoymuşlar. Qərbi Azərbaycandan – indiki Ermənistan ərazisindən 1987-1991-ci illərdə deportasiya edilən azərbaycanlıların böyük əksəriyyəti Azərbaycan Respublikasında qaçqınçılıq həyatı yaşamış, deportasiya qurbanlarının bir qismi də qardaş ölkə Türkiyə Respublikasında və digər ölkələrdə məskunlaşmışlar.
Ətrafımızda olan bəzi deportasiya qurbanları ilə birgə Azərbaycanda məskunlaşmış soydaşlarımız kimi öz adət-ənənələrimizi qoruyub yaşatmaq, bir-birimizə kömək etmək, məhrum edildiyimiz təməl insan haqlarımızı bərpa etmək, erməni cinayətlərinə və Ermənistanın Azərbaycan ərazisində separatçılığı dəstəkləməklə nümayiş etdirdiyi ikiüzlülüyə qarşı mübarizə aparmaq məqsədilə təşkilatlanmaq barədə qərar qəbul etmiş və Qərbi Azərbaycana Qayıdış İctimai Birliyini təsis etmişdik. Müzəffər Ali Baş Komandan, möhtərəm Prezidentimiz İlham Əliyevin sərkərdəliyi ilə 44 günlük Vətən müharibəsində qazanılan böyük Zəfərdən ruhlanaraq Birlik bir təşkilat qismində “Göyçə Zəngəzur Respublikası”nın yaranması təşəbbüsünü elan etmişdir. Biz bu yolla ermənilərin törətdiyi deportasiya cinayəti və soyqırıma məruz qalmış soydaşlarımızın haqq səsinin beynəlxalq aləmdə eşidilməsi üçün əlavə imkanlardan istifadə etməyə çalışmışıq. Ötən müddətdə elan edilmiş “Göyçə Zəngəzur Respublikası” tərəfindən qardaş Türkiyə Respublikası ərazisində də nümayəndəlik və müxtəlif təsisatların formalaşdırılması təşəbbüsü həyata keçirilmişdir.
Eyni zamanda Prezident cənab İlham Əliyevin Qərbi Azərbaycan və bu bölgədən köçürülən yüz minlərlə soydaşımızın taleyi ilə bağlı müdrik düşüncələrə və planlara sahib olduğunu gördük. Prezident İlham Əliyevin hələ 2014-cü ildə hərbçilərimiz qarşısında çıxış edərkən söylədiyi “Bu gün biz yaxşı bilirik ki, Ermənistan dövləti tarixi Azərbaycan torpaqlarında yaranıbdır. İrəvan xanlığı, Zəngəzur, Göyçə mahalı bizim tarixi torpağımızdır. Biz azərbaycanlılar o torpaqlara qayıtmalıyıq və qayıdacağıq” sözlərinin reallığa söykəndiyini hiss etdik.
Prezident cənab İlham Əliyevin 24 dekabr 2022-ci il tarixində Qərbi Azərbaycan ziyalıları ilə görüşündə etdiyi çıxışından sonra Qərbi Azərbaycanlılarla bağlı dövlətimizin siyasi xətti ilə daha yaxından tanış olduq. Prezident İlham Əliyevin bu sahədə həyata keçirdiyi siyasi xəttə uyğun Qərbi Azərbaycan İcmasının qısa müddətdə yenidən təşkilatlandığına və bu gün çox böyük uğurla fəaliyyət göstərdiyinə şahid olduq.
Bu gün bütün Qərbi azərbaycanlılar öz pozulmuş hüquqlarının Azərbaycan Prezidentinin siyasi iradəsi, dövlətimizin gücü ilə bərpa olunacağına əmindirlər. Buna görə də onlar vahid niyyətlə bir olmalı, çaşqınlıq yaradan hər cür bölücü addımlardan kənar durmalı və Qərbi Azərbaycana – öz doğma torpaqlarımıza qayıtmaq üçün birgə mübarizə aparmalıdırlar.
Biz də öz növbəmizdə bu ali məqsədə xidmət etmək niyyəti ilə hazırda bir təşkilat olaraq “Göyçə Zəngəzur Respublikası”nın fəaliyyətini dayandırdığını rəsmən elan edir və bütün soydaşlarımızı Prezidentimizin vahid siyasi xətti ətrafında və bu siyasi xəttə öz töhfəsini vermək üçün qətiyyətlə fəaliyyət göstərən, Ermənistandan qovulmuş azərbaycanlıların maraqlarını legitim və mötəbər şəkildə müdafiə edən, Qərbi azərbaycanlıların hər birini əhatə edərək yeganə ümumi təşkilatı olan Qərbi Azərbaycan İcmasında səylərini bundan sonra da birləşdirməyə çağırırıq.
Yolumuz doğma torpağımız Qərbi Azərbaycanadır. Bu yolda hər birimizə uğurlar arzulayırıq”.
Rəsmi Bakı Azərbaycan diplomatiyasının timsalında Ermənistana qarşı növbəti beynəlxalq zəfərini qazandı... Azərbaycanın xarici dostları, xüsusilə də, Qoşulmama Hərəkatındakı tərəfdaşları Ermənistanı və beynəlxalq ermənipərəst dairələri məğlub etdilər...
Ermənistanın növbəti beynəlxalq propoqanda avantürası iflasa uğradı. Halbuki, rəsmi İrəvan Azərbaycana qarşı başlatdığı beynəlxalq propoqandaya böyük ümidlər bəsləyirdi. Hətta Ermənistanın siyasi dairələri Azərbaycana qarşı total hücumun nəticələrini əvvəlcədən təxmin etməyə də çalışırdılar. Və nəhayət ki, Azərbaycanı çətin vəziyyətə salmaq şansı qazandıqlarını düşünürdülər.
Ancaq Paşinyan hakimiyyətinin rəsmi Bakıya qarşı qurduğu planın əvvəlki mərhələləri kimi, son etapı da uğursuz oldu, hətta Ermənistan üçün biabırçı nəticələr ilə yekunlaşdı. Belə ki, rəsmi İrəvan BMT-nin Təhlükəsizlik Şurasında Azərbaycana sarsıdıcı zərbə vurmaq niyyətində idi. Uzun müddət sülh danışıqlarında məğlub ölkə durumunda olan Ermənistan BMT-nin Təhlükəsizlik Şurasında Laçın postunun ləğvi ilə bağlı məsələnin müzakirəsinə nail olmaqla, bu vəziyyəti dəyişməyə can atırdı.
Rəsmi İrəvanın müraciəti ilə keçirilən BMT Təhlükəsizlik Şurasındakı müzakirələrin nəticələri artıq məlum olduğundan indi ümumi situasiya daha aydın xarakter daşıyır. Paşinyan hakimiyyəti qarşıya qoyduğu hədəflərə demək olar ki, çata bilmədi. Əksinə, Ermənistanın içərisində olduğu əlverişsiz durum daha da ağırlaşdı.
Düzdür, Paşinyan hakimiyyəti nəhayət ki, Qarabağ və Laçın yolu ilə bağlı mövzuları BMT Təhlükəsizlik Şurası kimi nüfuzlu beynəlxalq platformaya çıxartmağa nail oldu. Ancaq rəsmi İrəvanın bundan başqa əldə etdikləri barədə Ermənistanı qane edəcək hansısa məqamı vurğulamaq qətiyyən mümkün deyil. Çünki BMT Təhlükəsizlik Şurasında sadəcə, müzakirələr oldu. Yəni, yığışdılar, danışdılar, sonra isə dağılışdılar.
Ermənistanın gözləntilərinin əksinə olaraq, BMT Təhlükəsizlik Şurasında heç qərar və ya qətnamə qəbul olunmadı. Bu isə o deməkdir ki, Azərbaycana qarşı hər hansı tələb irəli sürülməyib, öhdəlik müəyyən olunmayıb. Halbuki, erməni siyasi dairələri müzakirələr ərəfəsində rəsmi Bakının BMT Təhlükəsizlik Şurasında qəbul ediləcək qərarı icra etmək məcburiyyətində qalacağını iddia edirdilər.
Digər tərəfdən, Ermənistan müzakirələr zamanı ardıcıl olaraq, sarsıdıcı siyasi zərbələrə məruz qalmış oldu. Belə ki, əksər dövlətlərin təmsilçiləri "Dağlıq Qarabağ" deyil, Qarabağ ifadəsindən istifadə etdilər. Bu isə erməni siyasi terminologiyasının ən nüfuzlu beynəlxalq platformada öz əhəmiyyətini itirməsi anlamına gəlir.
Daha bir önəmli məqam Ermənistanın iddialarının əksinə olaraq, Laçın postunun ləğvi ilə bağlı tələbə verilən reaksiyadır. Çünki Laçın yolundan istifadənin vacibliyi vurğulansa da, Laçın postunun ləğvi tələb edilmədi. Üstəlik, Laçın yolu barədə danışılarkən, bir sıra ölkələrin təmsilçiləri açıq şəkildə Ağdam-Xankəndi marşrutuna yönəltməyin önəmli olduğunu da vurğuladılar. Bu isə rəsmi İrəvanın istəməyəcəyi bir məqamdır.
Belə anlaşılır ki, Ağdam-Xankəndi yolu ilə bağlı Azərbaycanın təklifləri beynəlxalq məkanda pozitiv və proqressiv variant kimi qəbul edilir. Yəni, rəsmi Bakı bu variantı beynəlxalq gündəmə çıxartmağa artıq nail olub. Paşinyan hakimiyyətinin bu variantdan imtina etməsi bundan sonra çox çətin olacaq və hətta Ermənistanın əleyhinə çevriləcək faktor rolunu oynayacaq. Və bu, şübhəsiz ki, Azərbaycan diplomatiyasının böyük uğurudur.
Eyni zamanda, BMT Təhlükəsizlik Şurasının bəzi üzvlərinin "Stepanakert" deyil, Xankəndi ifadəsini istifadə etməsi Ermənistanın mövqelərinə sarsıdıcı zərbə xarakteri daşıyır. Çünki bu, o deməkdir ki, beynəlxalq məkanda erməni yalanları artıq yetirmir. Qarabağın Azərbaycan ərazisi, Xankəndinin isə Azərbaycan şəhəri olduğunu açıq şəkildə təsdiqləyirlər. Və bu, Ermənistanın iddialarının tamamilə iflas etməsi anlamına da gəlir.
Bütün bunlar onu göstərir ki, BMT Təhlükəsizlik Şurasında keçirilən müzakirələr Ermənistanın tam məğlubiyyəti ilə nəticələnib. Bu müzakirələri belə izah etmək olar ki, Ermənistan BMT Təhlükəsizlik Şurasından "Qarabağ Azərbaycandır" mesajı aldı. Üstəlik, Ermənistan həm də dolayısı ilə Azərbaycana qarşı ərazi iddiaları irəli sürən ölkə durumuna da düşmüş oldu. Və bundan sonrakı proseslərdə rəsmi İrəvan daha ağır şərtlərlə barışmaq məcburiyyətində qalacaq.
Məsələ ondadır ki, Ermənistan BMT-nin Təhlükəsizlik Şurasındakı müzakirələrdən əliboş ayrıldı. Üstəlik, rəsmi İrəvanın ənənəvi iddiaları bu müzakirələr sayəsində hətta sıfırlanma nöqtəsinə gəlmiş oldu. Deməli, rəsmi İrəvan yaxın vaxtlarda Azərbaycanın diqtə etdiyi bütün şərtləri qəbul etməyə də artıq dərhal hazırlaşmağa başlamalıdır.
Böyük ehtimalla Laçın yolu ilə bağlı mövzu artıq bitdi. Ermənistan həmin yoldan istifadə edə bilməyəcək. Paşinyan hakimiyyəti yaxın günlərdə "humanitar yük" karvanını da İrəvana doğru geri çevirməli olacaq. Çünki bu məsələ ilə bağlı Ermənistanın xeyrinə ola biləcək hər hansı məqam qalmadı. Ağdam-Xankəndi yolundan istifadə isə indi qaçılmaz xarakter daşıyır. Və bu yol erməniləri yalnız Azərbaycan cəmiyyətinə reinteqrasiyası istiqamətinə aparacaq.
Belə anlaşılır ki, Paşinyan hakimiyyəti BMT Təhlükəsizlik Şurasında Azərbaycana qarşı qərarlar, hətta sanksiyalar xəyalı qursa da, əslində, Ermənistanın durumunu daha da ağırlaşdırdı. Yəni, rəsmi İrəvan Azərbaycana hücum hazırlayarkən, demək olar ki, Ermənistana zərbə endirdi. Paşinyan hakimiyyəti son vaxtlara qədər ənənəvi iddialarını BMT Təhlükəsizlik Şurasında əldən verib geri döndü.
Rəsmi Bakı isə Azərbaycan diplomatiyasının timsalında Ermənistana qarşı növbəti zəfərini qazandı. Azərbaycanın beynəlxalq dostları, xüsusilə də, Qoşulmama Hərəkatındakı tərəfdaşları Ermənistanı və beynəlxalq ermənipərəst dairələri məğlub etdilər. İndi rahatlıqla demək olar ki, Xankəndidə hələlik erməni var, ancaq problem yoxdur.(musavat.com)
Avqustun 18-də Azərbaycan Sərhəd Mühafizəsinin yaradılmasının 104 ili tamam olur.
Azərbaycan Xalq Cümhuriyyətinin yaranmasından sonra 1919-cu ildə milli hökumətin qərarı ilə təsis edilən Hərbi Nazirliyin tərkibində ölkənin bir sıra güc strukturları, o cümlədən Sərhəd Qoşunları fəaliyyətə başlayıb. Sovet İttifaqı dövründə Sərhəd Xidməti Dövlət Təhlükəsizlik Komitəsinin bir strukturu kimi fəaliyyət göstərib.
Xalqımızın Ümummilli Lideri Heydər Əliyev 2000-ci il avqustun 18-ni sərhədçilərin peşə bayramı kimi rəsmiləşdirib. Elə bu səbəbdən də üçrəngli bayrağımızın Silahlı Qüvvələrdə ilk dəfə 1992-ci il avqustun 22-də Naxçıvan Sərhəd Dəstəsində qaldırılmasından, sərhədlərimizdə ilkin zəruri infrastrukturların yaradılmasından tutmuş Dövlət Sərhəd Xidmətinin təşkilinə qədər bütün proseslər Ulu Öndərin adı ilə bağlıdır.
2002-ci ildə Dövlət Sərhəd Xidmətinin yaradılması və ona mərkəzi icra hakimiyyəti orqanı statusunun verilməsi ilə Azərbaycan sərhədçilərinin fəaliyyəti keyfiyyətcə yeni mərhələyə qədəm qoyub. Bu, həm də Azərbaycan dövləti üçün sərhədlərin etibarlı mühafizəsinin xüsusi əhəmiyyət kəsb etməsinin göstəricisi idi.
Son illər Prezident, Ali Baş Komandan İlham Əliyevin diqqət və qayğısı nəticəsində Dövlət Sərhəd Xidmətinin maddi-texniki bazası gücləndirilib, yeni sərhəd dəstələri və zastavaları yaradılıb. Azərbaycan sərhədlərinin havada, suda və quruda etibarlı şəkildə qorunması tam təmin olunub.
Prezident İlham Əliyevin bu sahəyə diqqət və qayğısı nəticəsində dövlət sərhədinin mühafizəsində müasir texniki vasitələrin tətbiqi sürətləndirilib, dəniz sərhədlərinin mühafizəsi sisteminin və sərhəd aviasiyasının təşkili başa çatdırılıb, şəxsi heyətin sosial-məişət şəraitinin yaxşılaşdırılması üçün zəruri tədbirlər görülüb. Son illər yeni sərhəd infrastrukturlarının yaradılması, sərhədçilərin xidməti-döyüş şəraitinin yaxşılaşdırılması, peşə bacarığının, səfərbərlik və döyüş qabiliyyətinin artırılması, yeni texnika, avadanlıq və vasitələrlə təminatı sahəsində də mühüm addımlar atılıb.
2007-ci il iyunun 12-də Prezident İlham Əliyevin Dövlət Sərhəd Xidmətinin Akademiyasının yaradılması barədə Sərəncam imzalaması Vətənimizin sərhəd mühafizəsi sisteminin təkmilləşdirilməsində mühüm rol oynayıb. 2008-ci il sentyabrın 14-də Dövlət Sərhəd Xidməti Akademiyasının ilk kursantları Vətənə, dövlətə sədaqət andı içərək təlim və tədrisə başlayıblar.
Heydər Əliyevin Sərhəd Qoşunlarının formalaşdırılması istiqamətində verdiyi qərarlar sübut etdi ki, Azərbaycan öz sərhədlərini müstəqil qorumağa qadirdir. Ulu Öndərin 2002-ci ildə Dövlət Sərhəd Xidmətinin yaradılması barədə Fərmanı Azərbaycan dövləti üçün sərhədlərin etibarlı mühafizəsinin xüsusi əhəmiyyət daşıdığını bir daha nümayiş etdirib.
Bu gün DSX-nin fəaliyyəti keyfiyyətcə yeni mərhələyə qədəm qoyub. Xidmətin maddi-texniki bazasının gücləndirilməsi, yeni sərhəd dəstələri və zastavalarında müasir şəraitin yaradılması, sözsüz ki, Prezident, Ali Baş Komandan İlham Əliyevin diqqət və qayğısının təzahürüdür. Dövlətimizin başçısı ölkədə sərhəd xidmətinin təkmilləşdirilməsinə dair kompleks tədbirlərin həyata keçirilməsini və sərhəd dəstələrinin fəaliyyətinin ən müasir tələblər səviyyəsində qurulmasını daim diqqətdə saxlayır.
Müstəqil Azərbaycan dövlətinin memarı və qurucusu, ulu öndər Heydər Əliyevin müəyyənləşdirdiyi milli sərhəd siyasətinin Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən uğurla həyata keçirilməsi ölkəmizin sərhəd mühafizəsinin müasir tələblər səviyyəsinə qaldırılmasına əlverişli zəmin yaradıb, dövlət sərhədlərinin toxunulmazlığının təminatı istiqamətində davamlı dinamik inkişafa nail olunub. Dövlət sərhədinin mühafizəsi infrastrukturunun təkmilləşdirilməsi, yeni hərbi hissələrin yaradılması, ən müasir texnika və avadanlığın sərhəd xidmətində tətbiqi, şəxsi heyətin döyüş vərdişlərinin və peşəkarlığının daha da yüksəldilməsi istiqamətində ardıcıl tədbirlər uğurla həyata keçirilir.
Müasir tələblərə cavab verən sərhəd zastavalarında, hərbi hissələrdə şəxsi heyət üçün lazımi məişət şəraiti olan yataqxana, yeməkxana, istirahət və xüsusi təyinatlı otaqlar, təlim şəhərciyi, anbarlar, mərkəzləşdirilmiş istilik və işıqlandırma sistemləri, hamam-camaşırxana, idman şəhərciyi, zabit və gizir ailələri üçün tikilən, mebel və avadanlıqla təmin edilmiş mənzillər və digər tikililər sərhədçilərin istifadəsinə verilib.
Azərbaycan Respublikasının dövlət müstəqilliyinin bərpasından sonra milli suverenliyin möhkəmləndirilməsi, dövlətin əsas rəmzlərindən biri olan dövlət sərhədinin etibarlı mühafizəsinin təşkili, qonşu ölkələrlə dövlət sərhədlərinin müəyyənləşdirilməsi dövlət siyasətinin prioritet sahələrindən biri olub. Əsası ulu öndər Heydər Əliyev tərəfindən qoyulmuş, bu gün Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin uğurla davam etdirdiyi milli sərhəd strategiyası sərhəd siyasətinin konseptual əsaslarını təsbit edib, dövlət sərhədinin mühafizəsi üzrə qarşıda duran vəzifələri müəyyənləşdirib.
Buna misal olaraq 2018-ci il fevralın 22-də Qusar rayonunun Zuxul kəndi ərazisində Azərbaycan Respublikasının Rusiya Federasiyası ilə dövlət sərhədində ilk sərhəd nişanının quraşdırılmasını göstərmək olar. Bu, Azərbaycan Sərhəd Mühafizəsi tarixinin əlamətdar hadisələrindən biri kimi tarixə düşüb. Milli dövlətçilik tarixində ilk dəfə olaraq dövlət sərhədinin rəsmən müəyyən edilməsi Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin rəhbərliyi ilə ardıcıl və məqsədyönlü şəkildə həyata keçirilən dövlət siyasətinin real nəticəsi, Rusiya Federasiyası ilə ikitərəfli münasibətlərin dostluq və strateji tərəfdaşlıq səviyyəsinə yüksəlməsinin daha bir göstəricisi, milli diplomatiyamızın növbəti uğuru olub.
Sərhəd mühafizə infrastrukturunun təkmilləşdirilməsi, hərbi texnikanın və xüsusi texniki avadanlığın yeniləşdirilməsi, ardıcıl həyata keçirilən islahatlar sayəsində Azərbaycan Sərhəd Mühafizəsinin son illər ərzində ciddi inkişaf yolu keçərək mükəmməl hərbi qurum səviyyəsinə yüksəlməsinin arxasında dövlət qayğısı, Azərbaycan sərhədçisinə olan inam və etibar dayanır.
Bu gün Dövlət Sərhəd Xidmətinin idarəetmə sistemi xeyli təkmilləşdirilib, müasir radiorabitə və telekommunikasiya sistemlərinin tətbiqi genişləndirilib. Dövlət sərhədindən buraxılış məntəqələrində sərhəd nəzarətinin təşkili beynəlxalq standartlar səviyyəsinə qaldırılıb, sərhəd nəzarəti məntəqələrində sənədlərin yoxlanılması üzrə müasir tipli laboratoriyalar yaradılıb. Şəxsi heyət dövlət sərhədindən keçən şəxslər və nəqliyyat vasitələri üzərində etibarlı sərhəd nəzarətinin həyata keçirilməsi üçün müasir texniki avadanlıq ilə təchiz edilib, bütün sərhəd keçid məntəqələrinin avtomatlaşdırılmış məlumat-axtarış sisteminə qoşulması nəticəsində miqrasiya proseslərinin ciddi nəzarətə götürülməsi təmin olunub.
Məlum olduğu kimi, Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev Dövlət Sərhəd Xidmətinin hərbi potensialını nəzərə alaraq, Ermənistan ilə dövlət sərhədinin Qazax və Ağstafa rayonları ərazisindən keçən hissəsindəki döyüş postlarının və müvafiq hərbi obyektlərin DSX tərəfindən təhvil alınması barədə tapşırıq vermişdi. Sərhədçilərimizə yüksək etimadın ifadəsi olan və Azərbaycan Respublikasının dövlət sərhədlərinin tam mühafizə altına götürülməsinin əsasını qoyan bu tapşırığın Dövlət Sərhəd Xidmətinin hərbi qulluqçuları tərəfindən şərəflə icrası, sərhədçilər üçün bu ərazilərin həm sərhəd, həm də səngər olması və burada xidməti-döyüş fəaliyyətinin DSX-nin Sərhəd Qoşunları tərəfindən təşkil edilməsi, hazırda bu istiqamətdə dövlət sərhədinin mühafizəsi sisteminin yaradılması məqsədilə ardıcıl və dinamik işlər həyata keçirildi. Ermənistan ilə dövlət sərhədinin Qazax və Ağstafa rayonları ərazisindən keçən hissəsinin Dövlət Sərhəd Xidməti tərəfindən mühafizəyə götürülməsi dövlət sərhədlərinin bütövlüyünün təmin edilməsinin başlanğıcı oldu.
Uzaqgörənliklə atılmış bu addım Azərbaycan sərhədçilərini həm də daha böyük amala - ən müqəddəs vəzifə olan bütün sərhədlərimizin mühafizəsi yolunda böyük sınaq idi. Bu sınaqdan üzüağ çıxan Dövlət Sərhəd Xidmətinin şəxsi heyəti 44 günlük Vətən müharibəsində düşmənə sarsıdıcı zərbə vuraraq dövlət sərhədlərimizə tam nəzarətin həyata keçirilməsinə və sərhədlərimizin mühafizəsinə nail olunması yolunda əsl qəhrəmanlıq və şücaət göstərdi.
Vətən müharibəsi zamanı Müzəffər Ali Baş Komandanın Dövlət Sərhəd Xidmətinin qarşısında qoyduğu döyüş tapşırıqlarının uğurlu icrası üçün bütün qüvvə və vasitələr tam səfərbər edildi. Dövlət Sərhəd Xidmətinin hərbi qulluqçuları Azərbaycan-İran dövlət sərhədinin 132 kilometrlik hissəsinin, Füzuli, Cəbrayıl, Zəngilan və Qubadlı rayonlarının, Hadrut qəsəbəsinin və Şuşa şəhərinin azad olunmasında şücaət və qəhrəmanlıq göstərdilər.
Vətən müharibəsinin ilk günündən başlayaraq Azərbaycan sərhədçiləri tərəfindən Füzuli rayonu ərazisindəki təmas xəttindən Ermənistanla dövlət sərhədinədək böyük bir ərazi azad edildi, o cümlədən 24 saat ərzində 105 kilometr məsafədə ildırımsürətli hücumla düşmənə sarsıdıcı zərbələr endirildi. Qədim Xudafərin körpüsündə və dövlət sərhədlərimiz boyu müqəddəs torpaqlarımıza Azərbaycan bayrağı sancıldı, Ermənistanla dövlət sərhədində strateji yüksəkliklər azad olundu.
Dövlət Sərhəd Xidməti tərəfindən “Harop”, “Quzğun” və “Hermes” pilotsuz uçuş aparatlarının peşəkarcasına tətbiqi nəticəsində düşmənin strateji əhəmiyyətli döyüş texnikaları, raket sistemləri, zenit-raket kompleksləri, tankları, zirehli döyüş maşınları və digər texnikası, komanda idarəetmə məntəqələri və çoxsaylı canlı qüvvəsi zərərsizləşdirildi, ümumilikdə 290 düşmən hədəfi məhv edildi.
Azərbaycan Respublikasının ərazi bütövlüyü təmin edildikdən, Ermənistan ilə dövlət sərhədi işğaldan azad olunduqdan sonra bu ərazilərdə zəruri sərhəd müdafiə və mühafizə infrastrukturu yaradılması, hərbi qulluqçuların xidməti şəraitinin və sosial təminatının yaxşılaşdırılması üzrə kompleks tədbirlər görülüb, bu ərazilərdə iyirmiyə yaxın yeni hərbi hissə xidməti-döyüş fəaliyyətinə başlayıb.
Azərbaycan Respublikası Dövlət Sərhəd Xidmətinin əsas təyinatı dövlət sərhədlərinin toxunulmazlığının təmin edilməsidir. Dövlət sərhədlərimizin bütövlükdə mühafizə olunması Azərbaycan sərhədçisinin ən böyük amalı, ən vacib missiyasıdır. Bu gün ölkəmizdə nizami ordu səviyyəsində, çevik, mütəşəkkil, yüksək intizama və döyüş hazırlığına malik, ən müasir texniki vasitələrlə təmin olunmuş Dövlət Sərhəd Xidməti mövcuddur. Heydər Əliyev ideyalarına, dövlətçiliyə, xalqa sədaqətini dəfələrlə nümayiş etdirən hər bir sərhədçi zabit, gizir, çavuş, əsgər və matros müstəqil ölkəmizin dövlət sərhədlərini gecə-gündüz sayıqlıqla qoruyur.
Bu müqəddəs vəzifənin sərhədçilərimiz tərəfindən ən yüksək səviyyədə yerinə yetirilməsi Azərbaycan Respublikasının Prezidenti, Müzəffər Ali Baş Komandan İlham Əliyev tərəfindən daim qiymətləndirilir. Dövlətimizin başçısının ötən gün imzaladığı sərəncamlarla Azərbaycan Respublikası dövlət sərhədinin mühafizəsinin təmin edilməsində, ərazi bütövlüyünün qorunub saxlanılmasında və sərhəd mühafizə orqanları qarşısında qoyulmuş tapşırıqları yerinə yetirərkən fərqləndiklərinə görə Dövlət Sərhəd Xidmətinin 131 əməkdaşının ali rütbə, orden və medallarla təltif edilməsi sərhədçilərimizin xidməti vəzifələrini peşəkarlıqla yerinə yetirmələrinə və vətənpərvərliyinə verilmiş ali diqqət və qayğının növbəti təzahürüdür.
Azərbaycan sərhədçisi Prezident, Silahlı Qüvvələrin Müzəffər Ali Baş Komandanı İlham Əliyevin bu yüksək diqqət və qayğısından bəhrələnərək göstərilən etimadı layiqincə doğrultmaq üçün bundan sonra da Vətən sərhədlərinin keşiyində ayıq-sayıq dayanmağa, xidməti vəzifələrini ən yüksək səviyyədə yerinə yetirməyə daim hazırdır.
Dövlət Sərhəd Xidmətinin hərbi qulluqçuları təltif edilib.
Prezident İlham Əliyev bununla bağlı Sərəncam imzalayıb.
Sərəncamla Azərbaycan Respublikası dövlət sərhədinin mühafizəsinin təmin edilməsində, ölkənin ərazi bütövlüyünün qorunub saxlanılmasında və sərhəd mühafizə orqanları qarşısında qoyulmuş tapşırıqları yerinə yetirərkən fərqləndiklərinə görə Dövlət Sərhəd Xidmətinin aşağıdakı hərbi qulluqçuları təltif ediliblər:
“Azərbaycan Bayrağı” ordeni ilə
Şirinzadə Firuz Böyükağa oğlu – general-leytenant
Mustafayev İlkin Aydın oğlu – polkovnik-leytenant
Səfərov Elvin Sərraf oğlu – polkovnik-leytenant
Quliyev Anar Sədi oğlu – kapitan
2-ci dərəcəli “Rəşadət” ordeni ilə
Yunisli Ziya Rauf oğlu – kapitan
3-cü dərəcəli “Rəşadət” ordeni ilə
Hüseynov Naseh İbrahim oğlu – polkovnik
Nağıyev Murad Tofiq oğlu – polkovnik
2-ci dərəcəli “Vətənə xidmətə görə” ordeni ilə
İbrahimov Elçin Zaur oğlu – general-leytenant
Abuzərli Natiq Zahid oğlu – general-mayor
3-cü dərəcəli “Vətənə xidmətə görə” ordeni ilə
Əliyev Rəsul Rasim oğlu – polkovnik
Nağıyev Məhəmməd Biladon oğlu – polkovnik
Rəhmanov Elşən Sabir oğlu – polkovnik
Abdullayev Anar Arif oğlu – polkovnik-leytenant
Səfiyev Mübariz Məhəmməd oğlu – mayor
“Vətən uğrunda” medalı ilə
Dünyamalıyev Ağamirzə Bəhman oğlu – polkovnik
Həbibov Elnur Arif oğlu – polkovnik
Mirzəyev Mirzə Adil oğlu – polkovnik
Baxşıyev Ravil Sabir oğlu – polkovnik-leytenant
Umudov Xəyyam Ehsan oğlu – 2-ci dərəcəli kapitan
Rzayev Emin Salam oğlu – kapitan
“İgidliyə görə” medalı ilə
Pirimov Ceyhun Ələkbər oğlu – tibb xidməti leytenantı
“Hərbi xidmətlərə görə” medalı ilə
Abbasov Aftandil Qabil oğlu – polkovnik-leytenant
Abdullayev Ruslan Mehman oğlu – polkovnik-leytenant
Əkbərov Yusif Mürsəl oğlu – polkovnik-leytenant
Əzimova Gülnar Bəhram qızı – polkovnik-leytenant
Quliyev Elməddin Çingiz oğlu – polkovnik-leytenant
Məmmədli Rəhman Bayram oğlu – polkovnik-leytenant
Nağıyev Yaşar Tofiq oğlu – polkovnik-leytenant
Sadiqov İsmayıl Rəfael oğlu – polkovnik-leytenant
Əliyev Vəfadar Çingiz oğlu – mayor
Lazımzadə Azər Xudaverdi oğlu – mayor
Mirzəyev Elçin Cavanşir oğlu – mayor
Müslümov Elçin Qəşəm oğlu – mayor
Məmmədov Cavid Yusif oğlu – kapitan
Niftullayev Tural Calal oğlu – kapitan
Salahov Rəşad Maarif oğlu – kapitan
Səmədov Etibar İlqar oğlu – kapitan
Əliyev Əlizadə Eyyub oğlu – baş leytenant
Hüseynov Şamxal Əli oğlu – baş leytenant
Qarayev Toğrul Əhməd oğlu – baş leytenant
Quliyev Rəvan Əyar oğlu – baş leytenant
Nəcəfov Samir Əli oğlu – baş leytenant
Ramazanov Elvin Allahverdi oğlu – baş leytenant
Abdullayev Vüsal Fikrət oğlu – baş gizir
Cəlilova Dilşad Həsən qızı – baş gizir
Xanbutayeva Zabitə Firudin qızı – baş gizir
Mikayılova Şəlalə Elman qızı – baş gizir
İsaqzadə İlkin Yasin oğlu – gizir
Zeynalov Məqsəd Əsəd oğlu – kiçik gizir
Mənafov Emil Nazim oğlu – kiçik çavuş
Hüseynov Elnur Azər oğlu – əsgər
Hüseynov Ruslan Vidadi oğlu – əsgər
Novruzlu Nihad Elburus oğlu – əsgər.