 |
|
Azərbaycan silahlarını təslim edən Qarabağdakı erməni döyüşçülərə amnistiya nəzərdə tutur.
Modern.az xəbər verir ki, bunu Azərbaycan Prezidentinin köməkçisi Hikmət Hacıyev "Reuters"ə deyib.
O, hətta keçmiş döyüşçülərə də bunun tətbiq edilməsinin mümkünlüyünü ifadə edib.
“Hazırda biz görürük ki, bəzi ayrı-ayrı ordu qrupları və zabitlər bizimlə razılaşmayacaqlarını və müqaviməti davam etdirəcəklərini açıq şəkildə bəyan ediblər", - Hikmət Hacıyev deyib.
O, Qarabağ ermənilərinin humanitar yardım istədiklərini və bölgəyə çatdırıldığını bildirib. O qeyd edib ki, Azərbaycan Qarabağ ermənilərinin sülh yolu ilə reinteqrasiyasını istəyir.
Xatırladaq ki, bu gün müxtəlif ərzaq məhsulları və gigiyenik vasitələr olan 20 tonluq 2 yük avtomobili və 2 çörək dolu avtomobil Ağdam rayonundan yola salınıb.
Azərbaycan Respublikasının Prezidenti İlham Əliyev sentyabrın 22-də Dünya Bankının Cənubi Qafqaz üzrə regional direktoru xanım Roland Praysı qəbul edib.
Dövlət başçısı Dünya Bankının Azərbaycan iqtisadiyyatının modernləşdirilməsinə və şaxələndirilməsinə verdiyi dəstəyə görə minnətdarlığını bildirib. Ötən illər ərzində əməkdaşlığın yüksək səviyyədə olduğunu deyən Prezident İlham Əliyev gələcək konkret istiqamətlərin və layihələrin müəyyənləşdirilməsinin önəmini vurğulayıb. Dövlət başçısı ölkəmizin uzun illər xarici borcun azaldılması istiqamətində səylər göstərdiyini və artıq bu məqsədə nail olunduğunu qeyd edib.
Azərbaycanla artıq 30 ildir əməkdaşlığın həyata keçirilməsindən məmnunluğunu bildirən Dünya Bankının Cənubi Qafqaz üzrə regional direktoru deyib ki, bu gün Azərbaycan əhəmiyyətli inkişafa nail olub və yüksək nəticələr əldə edib. Qonaq bu inkişaf yolunda ölkəmizlə tərəfdaş olmaqdan məmnunluğunu ifadə edib.
Görüşdə Dünya Bankının Azərbaycanda mövcud fəaliyyət istiqamətləri, ölkəmizin qarşısında duran və “Azərbaycan 2030: sosial-iqtisadi inkişafa dair Milli Prioritetlərə” uyğun olan yeni istiqamətlər və layihələr barədə müzakirələr aparılıb.
Qeyd edildi ki, Azərbaycan ilə Dünya Bankı arasında əsas əməkdaşlıq sahələri bərpaolunan enerji, yaşıl iqtisadiyyat və şəhərlər, nəqliyyat əlaqələndirməsi, kənd təsərrüfatı və irriqasiya sahələrində həyata keçirilən layihələrlə bağlıdır.
“BMT Təhlükəsizlik Şurasının sentyabrın 21-də keçirilmiş iclası Ermənistanın və onun bəzi havadarlarının beynəlxalq hüquqa zidd, ikiüzlü və Azərbaycanofob siyasətlərinin iç üzünü göstərib”.
Bu barədə Qərbi Azərbaycan İcmasının yaydığı açıqlamada bildirilib.
Qeyd olunub ki. Azərbaycanın öz ərazisində apardığı antiterror tədbirləri ilə bağlı Ermənistanın və Fransanın BMT Təhlükəsizlik Şurasının iclasını çağırmaları onların beynəlxalq hüququn norma və prinsiplərinə, ilk növbədə isə dövlətlərin ərazi bütövlüyü, suverenliyi və daxili işlərinə qarışmama prinsiplərinə ziddir:
“Ermənistanın baş nazirinin Azərbaycanın öz ərazisində apardığı tədbirlərə müdaxilə etməyəcəyini bəyan etməsi ilə məsələnin beynəlxalq təhlükəsizlik aspekti və bununla da BMT Təhlükəsizlik Şurasının bu mövzuda iclas keçirməsinin nəzəri əsasları belə aradan qalxmışdı. Ermənistanın baş nazirinin sözügedən antiterror tədbirlərinin Qarabağda yaşayan ermənilərin həyatı üçün təhlükə törətmədiyini və mülki əhali arasında kütləvi tələfat barədə iddiaların əsassız olduğunu bildirməsi fonunda bu ölkənin xarici işlər nazirinin BMT Təhlükəsizlik Şurasında Qarabağda mülkilərə qarşı guya təhdidlərin olmasını iddia etməsi bu dövlətin siyasətində səbatsızlığı və ikiüzlülüyü bir daha nümayiş etdirir. Almaniya, Fransa və Avropa İttifaqının iclasda və ondan əvvəl nümayiş etdirdikləri mövqe bu qüvvələrin bir tərəfdən regionda davamlı sülhün bərqərar olması perspektivinin yaxınlaşmasından narahat olduqlarını, digər tərəfdən isə onların Azərbaycana və azərbaycanlılara qarşı dini və etnik nifrət əsasında ayrı-seçkilik etdiklərini göstərir”.
“Biz Ermənistanın və onun havadarlarının insan hüquqları və beynəlxalq humanitar hüquq məsələsində nümayiş etdirdikləri riyakar və destruktiv yanaşmanı sərt şəkildə qınayırıq. Xatırlatmaq istərdik ki, hazırda Qarabağın erməni sakinlərinin dinc reinteqrasiyasına başlamış Azərbaycanı “etnik təmizləmə” niyyətində ittiham edənlər, Ermənistanın bir milyondan artıq azərbaycanlını öz yurdundan qovmasına, onminlərlə mülki azərbaycanlını qətliama məruz qoymasına, Azərbaycanın minə yaxın şəhər və kəndini dağıtmasına, Azərbaycan ərazilərini minalarla çirkləndirərək məcburi köçkünlərin qayıtmasını əngəlləməsinə rəhmsizcəsinə göz yumurlar. Bu gün Ermənistanda bir nəfər də olsun azərbaycanlı qalmayıb. Tələm-tələsik leksikona “öz vətənində təhlükəsiz şəkildə və ləyaqətlə yaşamaq” ifadəsini gətirən Avropa İttifaqı, Almaniya və Fransa nədənsə Ermənistandan qovulmuş azərbaycanlıların öz vətənlərinə təhlükəsiz şəkildə və ləyaqətlə qayıtmağa dair hüququnu görməzdən gəlirlər. Bu qüvvələr öz ərazisindən qovduğu azərbaycanlıları evlərinə qayıtmasına imkan yaratmaqdan imtina edən və mina xəritələrini verməkdən boyun qaçırmaqla məcburi köçkünlərin işğaldan azad edilmiş Azərbaycan ərazilərinə qayıtmasını əngəlləyən Ermənistanı dəstəkləməklə faktiki olaraq onun bu əməllərinə şərik olublar.
Biz Avropa İttifaqından və bu təşkilatın siyasətinə yön verən əsas dövlətlər olan, tarixləri faşizm, Holokost, soyqırımı, müstəmləkəçilik, o cümlədən, Əlcəzairdə və Namibiyada tayfaların kütləvi şəkildə qırılması kimi utancdoğuran səhifələrlə dolu olan Almaniyandan və Fransadan Azərbaycana qarşı etnik və dini zəmində qərəzi dayandırmağı, Ermənistan və Azərbaycan arasında sülhə və iki xalq arasında barışığa maneə olmamağı tələb edirik. Biz Ermənistan hökumətini Azərbaycanın suverenliyi və ərazi bütövlüyünə təkcə sözdə deyil, əməldə də hörmət etməyə, başqa dairələrin əlində alət olmaq kimi zərərli vərdişindən əl çəkməyə, qovulmuş azərbaycanlıların Ermənistana qayıtmasına şərait yaratmağa və bununla davamlı sülh və rifah yolunu seçməyə çağırırıq”, - açıqlamada vurğulanıb.
"20 ton ərzaq məhsulları və gigiyenik vasitələr, eləcədə çörək məhsulları Qarabağda yaşayan dinc sakinlərə göndərilir".
"Report" xəbər verir ki, bunu Fövqəladə Hallar Nazirliyinin Qarabağ Regional Mərkəzinin rəisi Mirəli Feyziyev bildirib.
M.Feyziyev Qarabağda yaşayan erməni sakinlər üçün bundan sonra da humanitar məqsədli dəstəyin veriləcəyini bildirib: "Bundan sonra da bu kimi humanitar məhsulların göndərilməsi təmin olunacaq".
Xəbər verdiyimiz kimi, BMT Təhlükəsizlik Şurasında Qarabağla bağlı müzakirələr baş tutub.
"Qafqazinfo" xəbər verir ki, müzakirələrdə Azərbaycanın və Ermənistanın xarici işlər nazirləri də iştirak ediblər.
Sözügedən görüntüləri təqdim edirik:
Azərbaycan Respublikasının Fövqəladə Hallar Nazirliyi tərəfindən Azərbaycanın Qarabağ bölgəsində yaşayan erməni sakinlərin ehtiyaclarının təmin olunması üçün humanitar məqsədlə ərzaq yükünün göndərilməsi qərara alınıb.
Sentyabrın 22-də içərisində müxtəlif ərzaq məhsulları və gigiyenik vasitələr olan 20 tonluq 2 yük avtomobili və 2 çörək dolu avtomobil Ağdam rayonundan yola salınıb.
Yüklər artıq fəaliyyətdə olan Ağdam-Xankəndi yolu ilə ünvana çatdırılacaq və əhaliyə paylanılacaq.
Ermənistanın cəzasızlıq sindromu artdıqca nə təxribatları sərhəd tanıyır, nə də həyasızlığı. Amma İrəvanın bu həyasızlığına qarşı çarəni Azərbaycan artı tapıb. 30 ildən çox Azərbaycan ərazilərini işğalda saxlayan, Azərbaycana qarşı legitim ərazimizdə ikinci qondarma "respublika" qurmaq meylindən əl çəkməyən Ermənistanın bu xəyalları da Ordumuzun uğurlu lokal antiterror əməliyyatı nəticəsində tarixin zibilliyinə göndərildi.Üçtərəfli bəyanatın müddəalarının təmin olunması, Qarabağ iqtisadi rayonunda törədilən genişmiqyaslı təxribatların qarşısının alınması, Ermənistan silahlı qüvvələrinin birləşmələrinin tərksilah edilərək ərazilərimizdən çıxarılması, onların hərbi infrastrukturunun zərərsizləşdirilməsi, işğaldan azad edilmiş ərazilərə qayıdan dinc əhali, habelə bərpa-quruculuq işlərinə cəlb olunmuş mülki işçilər və hərbi qulluqçularımızın təhlükəsizliyinin təmin olunması, eləcə də Azərbaycan Respublikasının konstitusiya quruluşunun bərpa edilməsi məqsədilə 19-20 sentyabr tarixlərində bölgədə lokal xarakterli antiterror tədbirləri həyata keçirən Ordumuz bir günün tamamına dəqiqələr qalmış Ermənistan silahlı qüvvələrinin Qarabağdakı qeyri-qanuni hərbi birləşmələrinin ön xətt və dərinlikdə olan mövqeləri və uzunmüddətli atəş nöqtələri, eləcə də, döyüş vasitələri, hərbi təyinatlı obyektləri yüksək dəqiqlikli silahların tətbiqi ilə sıradan çıxarmağı bacardı.
Azərbaycan Silahlı Qüvvələri 44 günlük Vətən müharibəsində olduğu kimi mülki əhali və infrastruktur obyektləri hədəfə almadan, yalnız legitim hərbi hədəflər sıradan çıxarmaqla qondarma rejim qalıqlarını Bakının şərtləri ilə razılaşmağa məcbur qoydu. Separatçılar silahın yerə qoyulduğu və tərksilah olunduğu halda antiterror tədbirləri dayandırılacağını bəyan edən rəsmi Bakıya təslim olduqları barədə Rusiya sülhməramlı kontingentinin rəhbərliyi vasitəsi ilə məlumat veriblər. Bununla da uzun illərdir Qarabağ iqtisadi rayonunda separatçılıq toxumları səpən, onun baş qaldırmasına vasitəçi olan, hər cür yardım edən beynəlxalq təhsisatlar, dövlətlər, başda Ermənistan hakimiyyəti olmaqla, bütün fəaliyyəti cəmi 23 saata dağıdıldı.
Nəticə etiarı ilə Qarabağın erməni sakinlərinin nümayəndələrinin Rusiya sülhməramlı kontingenti vasitəsilə Yevlaxda görüşə hazır olduqları ilə bağlı müraciətini nəzərə alaraq 2023-cü il sentyabrın 20-də saat 13:00-da aşağıdakı şərtlər altında lokal xarakterli antiterror tədbirlərinin dayandırılması barədə razılıq əldə olundu.
Azərbaycan Respublikasının Qarabağ bölgəsində yerləşən Ermənistan silahlı qüvvələrinin birləşmələri, qeyri-qanuni erməni silahlı dəstələri silahı yerə qoyur, döyüş mövqelərindən və hərbi postlardan çıxır və tam şəkildə tərksilah olunurlar. Ermənistan silahlı qüvvələrinin birləşmələri Azərbaycan ərazilərini tərk edir, qeyri-qanuni erməni silahlı dəstələri buraxılır. Bu isə Azərbaycan ərazisində separatizmin dəfn edilməsi deməkdir. Ən əsası is.....
- Separatçılar təslim oldular❗️
- 90-dan artıq döyüş mövqeyini Azərbaycan ordusu nəzarətə götürdü❗️
- Qarabağ iqtisadi rayonunda yaşayan erməni əhalinin Azərbaycanın konstitusion tələbləri çərçivəsində reinteqrasiyasına başlanıldı❗️
- Azərbaycan ərazisindəki qeyri-qanuni silahlı qüvvələrin tərksilah olunması prosesi başlanıldı❗️
Erməni separatçılarının silahlarını təhvil verməsi Qarabağda Azərbaycan qanunlarının işləməsinə sayılı günlərin qaldığı, Qarabağ ermənilərinin Azərbaycana reinteqrasiya prosesinin başlanması anlamına gəlir. Yevlaxa qədər olan qondarma erməni iddiaları məhz Yevlaxda dəfn olunacaq.
Birinci Qarabağ müharibəsində Azərbaycan ərazilərini Yevlaxa qədər işğal etmək, bizi Kür çayının sol sahilinə qədər qovmaq istəyən Ermənistanın planları bu gün elə Yevlaxdaca tarixin zibilliyinə göndəriləcək. 19-20 sentyabr lokal antiterror əməliyyatı bir daha göstərdi ki, 3 ildir Brüssel, Moskva, Vaşinqton, Praqa, Soçidə separatçılara qarşı beynəlxalq vasitəçilərin, təhsisat və siyasətçilərin bacarmadığını yenə də Azərbaycan Ordusu bacardı.
Azərbaycan növbəti dəfə həm diplomatik meydanda, həm də hərb meydanında erməni xülyalarının üstündən xətt çəkən tarixi zəfər qazandı. İstisna edilmir ki, bütün şərtlərimiz və tələblərimiz kiçik detallarına qədər yerinə yetiriləcək. Separatçılığı Azərbaycan ərazilərində bir daha başqa qaldırmaması üçün Azərbaycan dövləti bütün tədbirləri görəcək və bunun üçün qanunvericiliyi çərçivəsində lazımı addımlarını bundan sonra da atacaq. Erməni tərəfi bunu istəməsə də rəsmi Bakı məcburetmə siyasətinə sadiqdir. Bunu ötən gün Prezident İlham Əliyev xalqa müraciətində də aydın şəkildə bəyan etdi.
Dövlətimizin başçısı bizə xor baxanlara da xəbərdarlıq edərək deyib: “Onu da bildirməliyəm, bizə xor baxanlar, torpağımıza göz tikənlər, uğurumuzu həzm edə bilməyənlər heç vaxt unutmasınlar ki, “dəmir yumruq” yerindədir və hər zaman yerində olacaq! Heç kim bizimlə diktat və ultimatum dili ilə danışa bilməz! Bunu heç kim unutmasın! Onu da unutmasın ki, Qarabağ Azərbaycandır!”.
Təhməz Əsədov
Trend
Azərbaycan Ordusunun keçirdiyi uğurlu lokal hərbi əməliyyatlar Ermənistanda baş nazir Paşinyan əleyhinə etiraz dalğasının yenidən alovlanmasına səbəb olub. Sentyabrın 19-da axşam saatlarında Respublika meydanında toplaşan etirazçılar Paşinyanın istefasını tələb ediblər.
Aksiyaya “Hayastan” fraksiyasının keçmiş deputatı, “Ana Ermənistan” blokundan seçkilərə namizəd Andranik Tevonyan rəhbərlik edir. Hökümət binasının qarşısına toplaşan etirazçılar binaya daxil olmağa çalışıblar. Bu zaman polis və aksiyaçılar arasında qarşıdurma yaşanıb. Nəticədə 16-ı polis olmaqla ümumilikdə 34 nəfərin xəsarət alıb. Ermənistan Baş Prokurorluğu sosial şəbəkələrdə dövlət çevrilişinə çağırışlara görə həbslər barədə məlumat yaymağa başlayıb.
Gecə saatlarında etirazçılar hökümət evinin qarşısında çadır qurmağa başlayıblar. Onlar Paşinyan istefa verənə qədər burada qalacaqlarını bildiriblər.
Görünən odur ki, Ermənistan sülh müqaviləsinin imzalanması yolunda əngəllər yaratmaqla vətəndaş müharibəsinə sürüklənir. Daxildəki bir sıra qüvvələr Rusiyanın dolayı dəstəyilə Paşinyanı devirməyə çalışırlar.
Qeyd edək ki, Paşinyanın bir müddət əvvəl İtaliya nəşrinə müsahibəsində bir tək Rusiya dəstəyinə güvənməyin səhv olduğu barədə verdiyi açıqlaması Rusiyada ciddi narazılıqla qarşılanıb. Bu fonda Moskva yaranmış situasiyadan istifadə edərək çalışır ki, Paşinyan hakimiyyətinə son qoyulsun.
Rusiya Paşinyanı devirə biləcəkmi?
Bizim.Media-ya açıqlamasında Milli Məclisin deputatı Hikmət Babaoğlu bildirir ki, Moskva Ermənistanla bağlı hər hansı bir niyyətə düşərsə, onu reallaşdıracaq:
“Azərbaycanın istədiyi odur ki, Ermənistanda sabit və sivil hakimiyyət formalaşsın və Bakı bu hakimiyyətlə sülh müqaviləsi imzalaya bilsin. Ona görə də Ermənistanda hansı hakimiyyətin gedib, hansının gəlməsindən asılı olmayaraq, Azərbaycanın mövqeyi dəyişməyəcək”.
Deputat deyir ki, Paşinyan öz səhvlərinin qurbanına çevrilə bilər:
“Çünki bu hakimiyyət üçtərəfli bəyanatın tələblərini yerinə yetirməmək, sülhdən imtina etmək, Zəngəzur dəhlizini açmamaqla vəziyyəti daha da gərginləşdirdi. Beləliklə də regionda sülh və rifahın əldə olunmasına qarşı çıxdı. Azərbaycan bütün hallarda Ermənistanın üzərinə götürdüyü öhdəliklərinin yerinə yetirməsinə nail olacaq.
Amma hazırkı mərhələdə Ermənistanda hökm sürən xaos Azərbaycanın maraqları çərçivəsində deyil. Bu ölkədə hakimiyyətin dəyişməsilə də erməni vandalizmi düzələn və ölkəmizə münasibətdə azərbaycanfobiya birdən-birə siyasi şüurdan silinən deyil. Ermənistanda Rusiya faktoru güclüdür. Rusiya Ermənistanla bağlı hər hansı bir niyyətə düşərsə, onu reallaşdıra bilər”.
Yevlax şəhərində Azərbaycanın Qarabağ bölgəsinin erməni sakinlərinin nümayəndələri ilə görüş başa çatıb.
Görüş Azərbaycan Respublikası Prezidentinin Administrasiyasının dəvəti ilə keçirilib.
Bu gün Azərbaycan Respublikası Prezidentinin Administrasiyasının dəvəti ilə Yevlax şəhərində Azərbaycanın Qarabağ bölgəsinin erməni sakinlərinin nümayəndələri ilə görüş keçirilir.
APA xəbər verir ki, Azərbaycanın mərkəzi hakimiyyətini görüşdə Azərbaycan Respublikasının Qarabağ bölgəsində yaşayan erməni sakinlər ilə təmaslar üzrə məsul şəxs təyin edilmiş Ramin Məmmədov, Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) Azərbaycan Respublikası Prezidentinin xüsusi nümayəndəsinin müavini Bəşir Hacıyev və xüsusi nümayəndəliyin əməkdaşı İlkin Sultanov təmsil edirlər.
Qarabağın erməni sakinlərini Sergey Martirosyan və David Melkumyan təmsil edirlər.
Rusiya sülhməramlı kontingentinin nümayəndəsi görüşə iştirakçı kimi qatılıb.
Bu gün Azərbaycan Respublikası Prezidentinin Administrasiyasının dəvəti ilə Yevlax şəhərində Azərbaycanın Qarabağ bölgəsinin erməni sakinlərinin nümayəndələri ilə görüş keçirilir.
APA xəbər verir ki, Azərbaycanın mərkəzi hakimiyyətini görüşdə Azərbaycan Respublikasının Qarabağ bölgəsində yaşayan erməni sakinlər ilə təmaslar üzrə məsul şəxs təyin edilmiş Ramin Məmmədov, Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) Azərbaycan Respublikası Prezidentinin xüsusi nümayəndəsinin müavini Bəşir Hacıyev və xüsusi nümayəndəliyin əməkdaşı İlkin Sultanov təmsil edirlər.
Rusiya sülhməramlı kontingentinin nümayəndəsi görüşə iştirakçı kimi qatılıb.