Musavat.com xəbər verir ki, Üzeyir Cəfərov Dağıstanda baş verən silahlı insidentdən danışıb.

Ətraflı videoda:

Twitter

Prezident İlham Əliyev Dövlət qulluqçularının təltif edilməsi haqqında Sərəncam imzalayıb.

Sərəncamla dövlət qulluğunda səmərəli fəaliyyətinə görə aşağıdakı şəxslər təltif edilirlər:

3-cü dərəcəli “Vətənə xidmətə görə” ordeni ilə

Hacıyev Rauf Vahid oğlu

Yusifov Cavanşir Əmiralı oğlu

“Tərəqqi” medalı ilə

Abdullayev Əlimərdan Rəcəb oğlu

Alxasov Vahid Feyruz oğlu

Babayev Elturan Ağasəfər oğlu

Babayev Mürvət Sıracəddin oğlu

Cəlil Xoca Nailə Səyyad qızı

Əhmədov Sabir Əhməd oğlu

Əliyev Etibar İsmayıl oğlu

Əliyev Səlaəddin Balağa oğlu

Əliyeva Yeganə İsrafil qızı

Əmənov İlham Lətif oğlu

Əsədov Novruz Yunis oğlu

Hacıyeva Elmira Qənbər qızı

Həsənov İsmayıl Çoban oğlu

Hüseynov Azad Əlibala oğlu

Xəlilova Rəhilə Baxış qızı

İmanov Mehdi Aydın oğlu

Kərimova Şəhla Baxış qızı

Qasımov Adəm Həsən oğlu

Qasımov Osman Məstəli oğlu

Qurbanov Elçin Hüseyn oğlu

Məmmədov Cəlal Mirzağa oğlu

Mirzəyev Əziz Mirzəağa oğlu

Musayev Səid Əhəd oğlu

Müslümov Fazil Ağaqulu oğlu

Nəcəfov Etibar Əli oğlu

Osmanova Ətayə Kərim qızı

Pənahov Şəmsəddin Səlim oğlu

Rəhimova Gülnarə Yusif qızı

Səfərov Mahir Oruc oğlu

Səmədzadə Əjdər Elman oğlu

Şabanov Abdulkərim Şaban oğlu

Şahbazi Bəhruz Əli oğlu

Vəliməmmədova Arzu Həmzə qızı

Vəliyev Akif Sozalı oğlu

Zeynalov Əlipaşa Eldar oğlu

“Dövlət qulluğunda fərqlənməyə görə” medalı ilə

Abaszadə Səidə Rizvan qızı

Abbasəliyev Hüseynqulu Murtuza oğlu

Abbasov Şahin Nazim oğlu

Abbasova Nuranə Qulam qızı

Abbaszadə Qəzənfər Aydın oğlu

Abdullayev Hikmət Şamil oğlu

Abdullayev İbrahim Fərrux oğlu

Abdullayeva Şölə Tofiq qızı

Ağalarbəyli Nuranə Məhərrəm qızı

Ağamuradova Şamama Kamil qızı

Ağayev Namiq Ataxan oğlu

Ağayev Rüfət Surxay oğlu

Ağazadə Afaq Məzahir qızı

Alıyeva Ayna Xudat qızı

Alqayev İlqar Yusif oğlu

Alşanlı Aytən Suddar qızı

Aşurova Dərya Zakir qızı

Babayev Nazim Məhərrəm oğlu

Babayev Zamiq Nurəli oğlu

Bağırov Tahir Cahangir oğlu

Bağırova Fatma Fərrux qızı

Bayramov Anar Məmməd oğlu

Bayramov Yusif Valeh oğlu

Bədəlov Ataxan Əkbər oğlu

Bədirxanov Zamin Ədalət oğlu

Caniyev Səbuhi Fəxrəddin oğlu

Cəfərov İsmayıl Həmid oğlu

Cəfərov Ziya Mirzəbala oğlu

Cəlilov Mustafa Məcid oğlu

Cəlilov Ramin Ramiz oğlu

Çələbizadə Lalə Vaqif qızı

Dəmirçiyeva Sona Nəsib qızı

Eyvazov Emin Rafail oğlu

Əhmədli Yusif Elçin oğlu

Əhmədov Süleyman Zahid oğlu

Əhmədov Vüqar İlyas oğlu

Ələkbərov Fərhad İslam oğlu

Əlili Amil Ağaismayıl oğlu

Əliyev Azad İbrahim oğlu

Əliyev Babək Əbülfət oğlu

Əliyev Cabir Həsən oğlu

Əliyev Cavanşir Sərdar oğlu

Əliyev Elxan Fərrux oğlu

Əliyev Rauf Nurulla oğlu

Əliyev Şəhriyar Yusif oğlu

Əliyev Tural Rauf oğlu

Əliyev Vəfadar Fariz oğlu

Əliyeva Elnarə Yaşar qızı

Əliyeva Fatimə Əsədulla qızı

Əliyeva Gülnarə Şahvələd qızı

Əlizadə Hüsaməddin Əbülfət oğlu

Əlizadə Tural Azər oğlu

Əmirov Elşən Həsənağa oğlu

Əsgərov Mübariz Səhrab oğlu

Əsgərova Şəkibə Əmirəhməd qızı

Əzimova Kəmalə Mustafa qızı

Əzizli Elçin İmran oğlu

Feyzullayev Sənan Nadir oğlu

Hacıyev Nəsir Fazil oğlu

Hacıyeva Sevinc Məmməd qızı

Hacızadə Anar İlham oğlu

Həmidov Elşad İntiqam oğlu

Həmidov Əhməd Ənvər oğlu

Həmidova Aynur Eldar qızı

Hənifəyev Elşən Oktay oğlu

Həsənova Nəzrin Tərlan qızı

Hüseynəliyev Kazım Yaşar oğlu

Hüseynli Yaşar Şamil oğlu

Hüseynov Arzu Lətif oğlu

Hüseynov Emil Elman oğlu

Hüseynov Hafiz Ədalət oğlu

Hüseynov Hüseyn Əmrah oğlu

Hüseynov Xoca Rafiq oğlu

Hüseynova Ülkər Sahib qızı

Xankişiyeva Emma Məhəmməd Nəbi qızı

Xəlilov Anar Əhməd oğlu

Xudiyev Ceyhun Vaqif oğlu

İbrahimli Pərviz Oqtay oğlu

İbrahimov Şahsoltan Yusif oğlu

İmanov Məhəmməd Məhəbbət oğlu

İsgəndərov Rasim Tofiq oğlu

İsmayılov Asif Əlif oğlu

İsmayılov Elman Ömər oğlu

İsmayılov Tərlan Nazim oğlu

İsmayılov Tural Vaqif oğlu

İsmayılov Vəkil Eldar oğlu

İsmayılova Fəzilə Həsənqulu qızı

İsmayılova Nigar Rabil qızı

İsmayılzadə Fuad Kamal oğlu

Kərimov Əli Fikrət oğlu

Kərimov Füzuli Təvəkgül oğlu

Kərimov Rüfət Sədrəddin oğlu

Kərimov Samir Elmi oğlu

Kərimov Söhrab Məhərrəm oğlu

Qarayev Cəmil Azər oğlu

Qasımov Ceyhun Əli oğlu

Qasımov Mahir Hüseyn oğlu

Qazaxov Əli Bədrəddin oğlu

Qəhrəmanov Elnur Əhliman oğlu

Qəhrəmanov Vasif Vaqif oğlu

Qəhrəmanova Almaz Oruc qızı

Qəmbərova Ceyran Sətdər qızı

Quliyev Emil Soltan oğlu

Quliyev Nurəddin Süleyman oğlu

Quliyev Ramiz Səmərxan oğlu

Quliyeva Cəmilə Sabit qızı

Quliyeva Natiqə Elçin qızı

Quluzadə-Verdiyeva Aytəkin Yusif qızı

Qumuxov Elsevər Əsgər oğlu

Qurbanov Anar Famil oğlu

Qurbanov Cavanşir Məmməd oğlu

Qurbanov Xəqani Sayad oğlu

Qurbanov Şahhüseyn İmamqulu oğlu

Lətifova Esmira Nazim qızı

Mamedov Abid Şaban oğlu

Mansurova Qərənfil İsrayıl qızı

Mehdiyev İlham Məmmədxan oğlu

Mehdiyev Tehran Musa oğlu

Mehraliyev Rövşən Ağabba oğlu

Mehtiyev Babək Rasim oğlu

Məcidova Gülər Tahir qızı

Məmmədov Azad Tahir oğlu

Məmmədov Azər Adil oğlu

Məmmədov Bəxtiyar Elman oğlu

Məmmədov Xəyal Asif oğlu

Məmmədov Mehman Rza oğlu

Məmmədov Orxan Məhəmməd oğlu

Məmmədov Rza Məmməd oğlu

Məmmədova Esmira Vaqif qızı

Məmmədova Şamama Ələmməd qızı

Məmmədova Vəfa İbrahim qızı

Məmmədrəhimov Azər Şahverdi oğlu

Mikayılova Vüsalə Mübariz qızı

Mirzəhmədova İradə Xoca qızı

Muxtarov Anar Ramiz oğlu

Muradov Ceyhun Nizami oğlu

Muradova Gülsabah Heybət qızı

Mustafayev Rasim Yaqub oğlu

Nəbiyev Rəhman Qoca oğlu

Nəcəfova Zülfiyyə Zöhrab qızı

Nəsibov Emin Səfyar oğlu

Nəsirov Elnur Nəsir oğlu

Novruzov Elçin Səfəralı oğlu

Nurəliyeva Mənzərxanım Fikrət qızı

Nuriyev Seymur Malik oğlu

Orucov Elmar Ömər oğlu

Paşayev Elman Faxrəddin oğlu

Pirverdiyev Mübariz Ramiz oğlu

Rəcəbov Elçin Həsən oğlu

Rəhimli Fəxri Kəlbi oğlu

Rəsulov Anar Mənsur oğlu

Rəşidov Mürşüd Fəxrəddin oğlu

Rumzadə Rəşid Faiq oğlu

Rüstəmov Məmməd Vaqif oğlu

Rüstəmov Vitali Baxış oğlu

Rzayev Anar Məmməd oğlu

Rzayev Orxan Vəli oğlu

Rzayev Yaşar Əziz oğlu

Sadıqova Rəna Gündüzovna

Sarıkişiyev Sərvər Vaqif oğlu

Seyfullayev Məhəmmədəli Seyfulla oğlu

Seyidova Günel Miryusif qızı

Səfərova Nuranə Sabir qızı

Szorg-Eminova Sərvinaz Şahin qızı

Tağıyev Anar Əflan oğlu

Tağıyev Əcəmi Sabir oğlu

Tağıyeva Aynurə Natiq qızı

Talıbzadə Təyyar Vasif oğlu

Usubəliyev Asif Adil oğlu

Vahidov Vahid Habil oğlu

Vəliyev Vüqar Yusif oğlu

Yusifov Rəşid İsmayıl oğlu

Yusif-zadə Tamerlan Namiq oğlu

Zamanov Kazım Həsən oğlu

Zamanova Aynurə Fəqani qızı

Zamanova Leyla Zaman qızı

Zülfüqarov Asim Asəf oğlu.

2. Dövlət qulluğunda uzunmüddətli səmərəli fəaliyyətinə görə aşağıdakı şəxslərə “Əməkdar dövlət qulluqçusu” fəxri adı verilsin:

Babayeva Ülkər Əskər qızı

Dadaşov Mehdi Tələt oğlu.

Twitter

Azərbaycanın Qarabağ bölgəsinin və digər suveren ərazilərinin Ermənistanın hərbi təcavüzü nəticəsində işğalından sonra yaradılmış qondarma qurumun separatçı rəhbərlərinin barəsində olan cinayət işləri yaxın vaxtlarda məhkəməyə göndəriləcək.

APA xəbər verir ki, bu barədə Xankəndidə səfərdə olan Baş prokuror Kamran Əliyev deyib.

O bildirib ki, artıq 15 nəfərlə bağlı aparılan ibtidai istintaq başa çatıb:

“Onların bütün hüquqları təmin olunub, ölkə daxili qanunlar və beynəlxalq konvensiyalarının tələblərin uyğun bütün hüquqları təmin olunub, vəkil və tərcüməçi ilə təmin olunublar. Hazırda təqsirləndirilən şəxslər, vəkillər və zərərərçəkmiş şəxslər cinayət işi materialları ilə tanış olurlar. Tanışolma mərhələsi başa çatandan sonra, ittiham aktı məhkəməyə göndəriləcək”.

Twitter

Prezident İlham Əliyev Rusiya Federasiyasının Prezidenti Vladimir Putinə başsağlığı məktubu göndərib.

"Ölkə.az" xəbər verir ki, məktubda deyilir:

"Hörmətli Vladimir Vladimiroviç.

Dağıstanda törədilmiş terror aktları nəticəsində dinc vətəndaşların və hüquq-mühafizə orqanlarının əməkdaşlarının həlak olması xəbəri məni dərindən sarsıtdı.

Bu qanlı cinayətləri qətiyyətlə pisləyir, terrorizmin bütün forma və təzahürləri ilə mübarizəni dəstəkləyirik.

Azərbaycan xalqı adından və şəxsən öz adımdan Sizə, həlak olanların doğmalarına və yaxınlarına dərin hüznlə başsağlığı verir, bütün zərərçəkənlərin tezliklə şəfa tapmasını arzulayıram".

Twitter

Elçin Alıoğlu Trend

Ermənistanı tam və total şəkildə dəstəklədiyini bəyan edən Fransa prezidenti Emmanuel Makron erməniləri idarə etmək üçün yeni yollara əl atır.

Parisin Cənubi Qafqazda yürütdüyü və bundan sonra da daha aktiv şəkildə reallaşdırmağa çalışdığtı siyasət dünyanın digər bölgələrindəki strategiyasından qətiyyən fərqlənmir.

Fransa isteblişmenti Ermənistanı özünün yeni kvazimüstəmləkəsi hesab edərək ermənilər vasitəsilə Cənubi Qafqazdakı proseslərə təsir etməyə çalışır.

Ermənistanın baş naziri Nikol Paşinyanın son bəyanatları, onun rəsmi Bakı ilə danışıqlar prosesində mövqelərinin radikallaşması və erməniləri sürətlə silahlandıran Fransanın hakimiyyət dairələrinə inanması ermənilər üçün çox ciddi problemlər yaradacaq.

E.Makronun hamiliyinə şübhə etməyən, Ermənistanın yeni havadarının və strateji müttəfiqinin Fransa olduğuna əminliyini nümayiş etdirən Nikol Paşinyan hazırda faktiki olaraq Parisin Cənubi Qafqazdakı marionetinə çevrilib.

Paşinyan hələ də dərk edə bilmir ki, o, Fransanı hakimiyyət dairələri üçün sadəcə, vasitədir: istifadəsi lüzumsuz sayılanda, bir kənara atılacaq və fransızların indiyədək əsrlər boyu müxtəlif ölkələrdə tətbiq etdikləri taktikanın növbəti qurbanı olacaq.

Emmanuel Makronun üçün Paşinyan yox, Ermənistan maraqlı və önəmli olduğundan o, İrəvanda alınan təlimatları tam, bütünlüklə, sorğu-sualsız yerinə yetirəcək fiqurun baş nazir postunad olmasında maraqlıdır.

Bu səbəbdən də bəzən "müstəqil"lik fikrinə düşən N.Paşinyanı Parisin idarəetmə çərçivəsindən çıxmasına imkan verməmək üçün E.Makronun göstərişi ilə ona qarşı "kökə və qamçı" siyasəti tətbiq edilir.

"Kökə" qismində Ermənistana siyasi, geosiyasi, maliyyə, hərbi və s. yardımlarla dəstək formalaşdırılırsa, "qamçı" isə Ermənistan daxilindəki radikal müxalifətçilər, daşnaklar, revanşistlər və kilsənin gizli şəkildə dəstəklənməsi, həmçinin Ermənistan xaricində Paşinyanın özünə təhdid hesab etdiyi şəxslər və təşkilatlar vasitəsilə İrəvana təzyiqlərdir.

Bəhs olunan taktikaya dəlalət edən yeni məkan hazırda Bakıda istintaq təcridxanasında olan erməni milyarder və "siyasətçi" Ruben Vardanyanla bağlıdır.

Fransanın xüsusi xidmət strukturları Nikol Paşinyanın komandasına "qayət məxfi kəşfiyyat məlumatları" veriblər. Həmin "məlumat"lara görə, erməni kilsəsi, sabiq prezidentlər Robert Köçəryan və Serj Sarqsyanın başçılıq etdikləri "qarabağlılar klanı", ABŞ-Rusiya-Fransa triosundakı erməni icmasının nüfuzlu diaspor təşkilatları və Ermənistanda kənardan idarə olunan müxalifət qruplaşmalarının koalisiyasının əsas maliyyə mənbələrindən biri də Ruben Vardanyanmış. Paşinyana Parisdən ötürülən məlumatlarda vurğulanır ki, erməni kilsəsinin Tavuş yeparxiyasının arxiyepiskopu Baqratın, yəni Vazgen Qalstyanın "lider" olduğu etiraz aksiyalarına Vardanyanın adamları maliyyə dəstəyi göstərməklə yanaşı, keşiş Baqratın aksiyalarının idarə olunmasında və koordinasiyasında da aktiv iştirak edirlər.

"Məlumat" paradoks təsiri bağışlayır: Bakıda istintaq təcridxanasında olan "Rubik" Vardanyanın Ermənistandakı etiraz aksiyalarını necə koordinasiya etməsi çox ciddi suallar doğurur.

Fransanın xüsusi xidmət orqanlarının Vardanyanla bağlı iddiaları bəsit qərar və ya sadə gediş deyil. Emmanuel Makron indi Nikol Paşinyanı "Rusiyadan idarə olunan və bir sıra mənbələrdən maliyyələşən" aksiyaların sonucunun onun devrilərək hakimiyyətdən kənarlaşdırıla biləcəyi ssenarisi ilə qorxutmaq niyyətindədir. Hadisələrin belə inkişaf məcrasından təlaşa düşən N.Paşinyan - Parisdəki isteblişmentin fikrincə - qorxmalı, dəstək və dayaq qismində ancaq Fransanı görməli, "etiraz aksiyalarının maksimal radikallaşması" ssenarisindən qorunmaq üçün Sena çayının sahillərindən alınan bütün təlimatlara sözsüz, tam əməl etməlidir.

O cümlədən Rusiya ilə əlaqələri minimuma endirməli, Qərbə meylli siyasəti aktivləşdirməli, Fransanı "yegganə hami və havadar" qismində qəbul etməlidir.

Emmanuel Makronun məqsədi aydındır: Ermənistandakı mövcud hakimiyyəti tam nəzarət altına alandan sonra o, baş verənləri xarici siyasətdə yeni qələbə və "Rusiyanın Cənubi Qafqazdan sıxışdırılıb çıxarılmasında çox önəmli addım" kimi təqdim edəcək, seçicilərinə və xüsusilə də Fransadakı erməni icmasına "Ermənistanla bağlı ciddi irəliləyişlər"dən bəhs etdirəcək.

Fransada keçiriləcək parlament seçkiləri ərəfəsində E.Makronun liderlik etdiyi partiyanın reytinqinin çox aşağı olmasını və sağçı-millətçi Mari Le Penin partiyasının çox ciddi üstünlüklə populyarlıq əldə etməsini nəzərə alsaq, Parisin İrəvanla bağlı yürütdüyü siyasət sadəcə, Ermənistanın Fransanın daxili siyasətinə qurban verilməsidir.

Nikol Paşinyan Parisdən ötürülmüş məlumatları ciddi qəbul edib. Onun göstərişi ilə hazırda Ermənistanın təhlükəsizlik qurumları R.Vardanyanla sıx əlaqələri olmuq siyasətçiləri, sabiq məmurları və ictimai xadimləri, xüsusilə də hazırda Vardanyanın Ermənistanda və xaricdəki strukturları və fondları ilə əməkdaşlıq edən qeyri-hökumət təşkilatlarının (QHT) fəaliyyətini araşdırmağa başlayıblar.

Əlahiddə diqqət qarabağlı ermənilərin sabiq separatçı rejiminin mənsublarına yönəldilib.

Göründüyü kimi, Emmanuel Makronla Nikol Paşinyanın münasibətləri artıq tam tragikomediya həddinə çatıb və bu, Fransa-Ermənistan əlaqələrini səciyyələndirən önəmli məqamdır.

Ruben Vardanyana gəldikdə, 2022-ci ilin sentyabrında Rusiya vətəndaşlığından imtina edən, 1 milyard dollarlıq sərvət sahibi olan bu şəxs Xankəndindəki sabiq separatçı rejimin rəhbəri olmaq istəyirdi. O, Azərbaycanı sürəkli olaraq terror aktları, diversiyalarla, yeni hərbi əməliyyatlarla təhdid edirdi.

Xatırladaq ki, Ruben Vardanyan Moskva Dövlət Universitetinin Beynəlxalq Münasibətlər İnstitutunda təhsil alıb və 1990-cı illərdə öz iş fəaliyyətinə başlayıb. O, "Troika Dialog" adlı investisiya bankının qurucusu və rəhbəri kimi tanınır. 2012-ci ildə, "Troika Dialog" "Sberbank" tərəfindən satın alındı.

2019-cu ildə, "Troika Laundromat" adlandırılan böyük miqyaslı maliyyə fırıldaqçılığı qalmaqalı ortaya çıxdı. Fırıldaqlar və çirkli pulların yuyulması R.Vardanyanın rəhbərlik etdiyi "Troika Dialog" bankı vasitəsilə həyata keçirildi. Bank vasitəsilə milyardlarla dollar qeyri-qanuni yollarla Avropaya və digər regionlara köçürülüb. Bu pul yuma əməliyyatları zamanı müxtəlif şirkətlər və şəxslər vasitəsilə kompleks maliyyə sxemləri qurulub.

"Troika Laundromat" vasitəsilə ümumilikdə 4,6 milyard dollar yuyulub. Pul yuma əməliyyatlarında 75-dən çox offşor şirkət iştirak edib.Əsasən Avropa ölkələrinə pul köçürmələri həyata keçirilib. Vardanyanın digər qanunsuz əməli isə vergidən yayınma ilə bağlıdır. O, müxtəlif şirkətlər vasitəsilə gəlirlərini gizlədərək, dövlətə ödəməli olduğu vergiləri azaldıb. Bu əməliyyatlar da əsasən offşor hesablar və gizli maliyyə əməliyyatları vasitəsilə həyata keçirilib.

Vergidən yayınma əməliyyatlarında əsasən Bermud və Britaniya Vircin adalarında yerləşən offşor hesablar istifadə olunub. Vardanyan, müxtəlif vasitəçilər və şirkətlər vasitəsilə gəlirlərini gizlədərək, vergidən yayınma əməliyyatlarını həyata keçirib. Vardanyanın maliyyə fırıldaqları və qanunsuz əməlləri ilə bağlı müxtəlif hüquqi təqiblər həyata keçirilsə də, onun yüksək nüfuzlu hamilərinin “yardım”ları ilə bu işlərin bir çoxu hələ də məhkəmə mərhələsində qalıb və tam həllini tapmayıb.

ABŞ Maliyyə Nazirliyi R.Vardanyanın maliyyə əməliyyatlarını araşdırmaq üçün xüsusi komissiya yaradıb. Avropa İttifaqı da onun maliyyə əməliyyatlarını təqib etmək üçün müxtəlif tədbirlər həyata keçirir.

Ruben Vardanyanın maliyyə fırıldaqlarının bir hissəsi onun gizli əmlak sərvətinə bağlıdır. Onun adı altında qeydiyyatdan keçməyən, lakin faktiki olaraq idarə etdiyi çoxlu sayda daşınmaz əmlak var. Bu əmlaklar, müxtəlif vasitəçilər və fiktiv şirkətlər vasitəsilə əldə edilib və gizlədilib.

Vardanyanın adının çıxmadığı, lakin faktiki olaraq ona məxsus olduğu iddia edilən əmlaklar arasında Londonda, Parisdə və Nyu-Yorkda yerləşən lüks mənzillər və villalar var.

Bu əmlaklar, əsasən Karib dənizi ölkələrində və Avropanın müxtəlif yerlərində qeydiyyatdan keçmiş fiktiv şirkətlər vasitəsilə idarə olunur.

R.Vardanyanın xarici bank hesabları vasitəsilə həyata keçirdiyi maliyyə əməliyyatları da onun maliyyə fırıldaqlarının bir hissəsidir. Bu hesablarda böyük məbləğlərdə pul saxlanılır və müxtəlif ölkələrə pul köçürmələri həyata keçirilir.

Onun İsveçrə banklarında çox sayda gizli hesabları olduğu məlum olub. Bu hesablar vasitəsilə böyük məbləğlərdə pul saxlanılır və idarə olunur.

Karib dənizi ölkələrində və digər offşor zonalarda yerləşən banklarda da Vardanyanın hesabları mövcuddur. Bu hesablar vasitəsilə pul yuma əməliyyatları həyata keçirilir.

Ruben Vardanyanın sosial və “xeyriyyəçilik” fəaliyyəti də onun maliyyə fırıldaqlarını gizlətmək və nüfuzunu qorumaq üçün istifadə etdiyi vasitələrdən biridir. O, müxtəlif xeyriyyə fondu və layihələrə böyük məbləğlərdə pul yatıraraq, öz imicini müsbət istiqamətdə formalaşdırmağa çalışıb.

R.Vardanyanın yaxın iş ortaqları və əməkdaşları, onun maliyyə əməliyyatları ilə bağlı məlumatları sızdıraraq, bu əməliyyatların necə həyata keçirildiyini açıqlayıb.

Bu şəxslər, R.Vardanyanın kompleks maliyyə sxemləri və pul yuma əməliyyatları ilə bağlı detallı məlumatlar təqdim edib.

R.Vardanyanın maliyyə fırıldaqları ilə bağlı ortaya çıxan yeni faktlar, onun beynəlxalq maliyyə təşkilatları ilə də əlaqəli olduğunu göstərir. Bu təşkilatlar vasitəsilə o, müxtəlif ölkələrə pul köçürmələri həyata keçirib və maliyyə əməliyyatlarını gizlədib.

R.Vardanyanın maliyyə əməliyyatlarında istifadə etdiyi beynəlxalq banklar arasında İsveçrə, Lüksemburq və Singapur bankları da yer alır. Bu banklar vasitəsilə böyük məbləğlərdə pul köçürmələri həyata keçirilib və əməliyyatlar gizlədilib. Ruben Vardanyanın maliyyə fırıldaqlarının böyük hissəsi onun siyasi əlaqələri və himayədarları vasitəsilə dəstəklənib. O, müxtəlif siyasi liderlər və dövlət məmurları ilə yaxın əlaqələr saxlayaraq, qanunsuz əməliyyatlarını həyata keçirmək üçün onların dəstəyini əldə edib.

Twitter

“Hər yeni iş qeyri-müəyyənliklərlə dolu olur. Lakin bizim böyük tərəfdaşlarımız var. Artıq qeyd etdim, “Masdar” strateji tərəfdaşdır. Həmçinin “ACWA Power” var. Daha sonra, BP sərmayədarlarımız sırasındadır və bizimlə işləməyi planlaşdıran digər ölkələrin bir çox şirkətləri var. Bir sözlə, biz neft və qaz sahəsində hər şeyi başdan-ayağa bilirik”.

Bunu Prezident İlham Əliyev “Euronews”a müsahibəsində deyib. 

“Burada isə biz təzə başlayırıq. Çətinliklərə gəldikdə, bu, milli enerji şəbəkəsi ilə bağlıdır, çünki biz onu gücləndirməliyik ki, sərmayədarların verdiyi mümkün qədər çox enerjini qəbul edə bilsin. Digər çətinlik ötürülmə xətləri ilə bağlıdır, çünki bu halda biz öz qonşularımızla fəal çalışmalıyıq. Azərbaycanın özünə planlaşdırdığımız qədər bərpaolunan enerji lazım deyil və bu səbəbdən hədəfimiz ixracdır. Bərpaolunan enerjidən istifadəyə olduqca düşünülmüş yanaşma tətbiq edilməlidir ki, elektrik enerjisi maksimum istehsal olunsun və təbii qaza qənaət edilsin ki, o, əsasən indi Avropaya lazım olan qaydada nəql olunsun. Yalnız daxili gündəliyimizdən asılı olan və həll edilməli bir çox məsələlər, şübhə etmirəm ki, tam reallaşacaq. Lakin beynəlxalq tərəfdaşlıq tələb edən məsələləri biz tərəfdaşlarımızla həll etməliyik”, - deyə dövlət başçısı qeyd edib.

Twitter

İyunun 21-də “Euronews” televiziyasında Bakı Ekspo Mərkəzində Bakı Enerji Həftəsi çərçivəsində keçirilən 29-cu Beynəlxalq Xəzər Neft və Qaz - “Caspian Oil&Gas” və 12-ci Xəzər Beynəlxalq Energetika və Yaşıl Enerji - “Caspian Power” sərgilərindən reportaj yayımlanıb.

Həmin reportajda Azərbaycan Prezidenti İlham Əliyevin “Euronews”a müsahibəsi də yer alıb.

Həmin müsahibənin tam variantını təqdim edirik:

Müxbir: Cənab Prezident, hər zaman Sizi burada görmək olduqca xoşdur. Bu gün Siz “Masdar” və Zati-aliləri Sultan Əhməd Əl-Cabir ilə çox mühüm xəbər verdiniz. Xahiş edirik, planlarınız barədə daha çox məlumat verərdiniz.

Prezident İlham Əliyev: Bəli, həqiqətən əla tədbirdir və o, əslində, bizim yaşıl gündəliyimizi nümayiş etdirir və eləcə də göstərir ki, Azərbaycan nəinki ənənəvi enerji mənbələrinə, o cümlədən bərpaolunan enerjiyə sərmayə yatıranlar üçün cəlbedicidir. “Masdar” bizim bərpaolunan enerji sahəsində strateji tərəfdaşımızdır. Ötən ilin oktyabrında biz 230 meqavatlıq ilk Günəş enerjisi stansiyasının açılışını etdik. Bu gün isə ümumi gücü 1 qiqavat olan üç günəş və külək enerjisi stansiyalarının təməlqoyma mərasimini keçirdik. Bu, yalnız başlanğıcdır, çünki biz orta perspektivdə 10 qiqavata və 2030-cu ilədək 5 qiqavata qədər gücü əhatə edən bütün müqavilələri və anlaşma memorandumlarını icra etməyi planlaşdırırıq. Hədəfimiz belədir. Potensial var. Siz Günəşi, istəyimizi və o cümlədən küləyi görə bilərsiniz. Yaxşı sərmayə mühiti var. Bu, həqiqətən göstərir ki, ölkə ənənəvi enerjidən əldə etdiyi gəlirləri hazırda bərpaolunan enerjiyə yönəldir. COP29-a ev sahibliyi edəcək ölkə kimi yaşıl enerjiyə keçid prosesində öndə gedənlərdən olmaq bizim üzərimizə düşən öhdəlikdir.

Müxbir: Ənənəvi enerji sektorunun olması ilə yanaşı, yeni yaşıl bərpaolunan enerjiyə keçidə gəldikdə, çətinliklər hansılardır?

Prezident İlham Əliyev: Bilirsiniz, əslində, hər yeni iş qeyri-müəyyənliklərlə dolu olur. Lakin bizim böyük tərəfdaşlarımız var. Artıq qeyd etdim, “Masdar” strateji tərəfdaşdır. Həmçinin “ACWA Power” var. Daha sonra, BP sərmayədarlarımız sırasındadır və bizimlə işləməyi planlaşdıran digər ölkələrin bir çox şirkətləri var. Bir sözlə, biz neft və qaz sahəsində hər şeyi başdan-ayağa bilirik. Burada isə biz təzə başlayırıq. Çətinliklərə gəldikdə, bu, milli enerji şəbəkəsi ilə bağlıdır, çünki biz onu gücləndirməliyik ki, sərmayədarların verdiyi mümkün qədər çox enerjini qəbul edə bilsin. Digər çətinlik ötürülmə xətləri ilə bağlıdır, çünki bu halda biz öz qonşularımızla fəal çalışmalıyıq. Azərbaycanın özünə planlaşdırdığımız qədər bərpaolunan enerji lazım deyil və bu səbəbdən hədəfimiz ixracdır. Bərpaolunan enerjidən istifadəyə olduqca düşünülmüş yanaşma tətbiq edilməlidir ki, elektrik enerjisi maksimum istehsal olunsun və təbii qaza qənaət edilsin ki, o, əsasən indi Avropaya lazım olan qaydada nəql olunsun. Yalnız daxili gündəliyimizdən asılı olan və həll edilməli bir çox məsələlər, şübhə etmirəm ki, tam reallaşacaq. Lakin beynəlxalq tərəfdaşlıq tələb edən məsələləri biz tərəfdaşlarımızla həll etməliyik.

Müxbir: Bakı Enerji Həftəsində 37-dən artıq ölkədən gəlmiş 300-dən çox iştirakçının olması digər şirkətlərin bu işə sadiqliyini və bu konfransın nəyə görə enerji sektorunda qlobal liderliyi əks etdirdiyini göstərir. Elə deyilmi?

Prezident İlham Əliyev: Mən də belə düşünürəm. Tədbir artıq 30 ildir keçirilir. Birincisi, o, hələ 1994-cü ildə təşkil olunmuşdur. İkincisi, ölkələrin coğrafiyasına və şirkətlərin sayına baxsanız görərsiniz ki, iştirakçıların sayı artır. Heç də hər enerji tədbiri ABŞ Prezidentinin müraciəti şərəfinə nail olmur. Bu tədbirin bütün illəri belə olub və bu, əslində, onun unikal mahiyyətini və gücünü nümayiş etdirir. Düşünürəm ki, bütün bu amillər həmin tədbiri müxtəlif məsələləri həll edən, inkişaf yolunu göstərən, çox inkişaf etmiş və inklüziv platformaya çevirir. Birincisi, Xəzər Neft və Qaz Sərgisi oldu. Sonra biz qaz hasilatına başladıq. Tədbir artıq Xəzər Neft və Qaz Sərgisi və Konfransı adını aldı. Sonra biz bərpaolunan enerji sahəsində işə başladıq və tədbir fərqli sektorları əhatə edən Bakı Enerji Həftəsinə çevrildi. Siz qısa müddət ərzində bir ölkədə hər istiqamətdə - neft, təbii qaz və indi isə yaşıl enerji sahələrində uğurları görə bilərsiniz.

Müxbir: Yeri gəlmişkən, Siz xüsusi Sərəncamla bu ili “Yaşıl dünya naminə həmrəylik ili” elan etdiniz. Elə deyilmi?

Prezident İlham Əliyev: Bəli, ev sahibliyi edən ölkə kimi bizim əsas məqsədlərimizdən biri birliyi və həmrəyliyi yaratmaqdır. Biz COP zamanı və ondan sonra sədrliyimizin davam edəcəyi dövrdə elə müsbət mühit qurmaq istəyirik ki, ölkələr və şirkətlər bir-biri ilə istəklə işləsin və qarşılıqlı iddiaları kənara qoysunlar, planetin qorunması ilə əlaqədar əsas gündəliyə diqqət yetirsinlər.

Müxbir: Cənab Prezident, hər zaman Sizi görməkdən məmnunuq.

Prezident İlham Əliyev: Çox sağ olun.

Twitter

Dünyanın düşmən qütbləri arasında qlobal savaş təhlükəsi artıq tamamilə inandırıcı görüntülər almaqdadır, üstəlik, Rusiya məğlub olma təhlükəsi qarşısında nüvə müharibəsinə keçidi Qərbdən deyil, məhz Şərqdən başlatmaq niyyətindədir... NATO baş katibi Yens Stoltenberqin alyans ölkələrini nüvə başlıqlarını hazır vəziyyətə gətirilməsinin müzakirəsinə çağırması da situasiyanın nəzarətdən çıxmaq üzrə olduğunu göstərir, dünyanın dəhşətli fəlakətdən yayındırılması üçün zaman daralır...

Dünya ciddi narahatlıq içərisindədir. Belə ki, dünya nəhəngləri arasında qlobal qarşıdurma ən yüksək həddə çatıb. Dünya ilk dəfədir ki, dağıdıcı savaş təhlükəsi ilə qarşı-qarşıya qalıb. Üstəlik, bu savaş hər an başlaya bilər. Beynəlxalq siyasi dairələr isə olduqca real görüntülər almış qlobal savaş təhlükəsini bloklamaq üçün demək olar ki, elə bir effektiv addım atmırlar. Və bununla da bəşəriyyətin böyük fəlakətə sürüklənməsi prosesini sadəcə, müşahidə etməklə, kifayətlənmiş olurlar.

Onu da qeyd etmək lazımdır ki, yeni dünya müharibəsi təhlükəsinin planlı şəkildə inkişaf etdirildiyni düşünməyə əsas verən məqamlar da olmamış deyil. Belə ki, bəzi Qərb siyasi dairələri, xüsusilə də, ABŞ və Fransa öz davranışları ilə dünyada hərbi-siyasi qütblər arasında müharibə ehtimalını gücləndirməklə məşğuldur. Bu baxımdan, əgər, dünyada qütblər arasında savaş başlayarsa, bunun məsuliyyəti ilk növbədə ABŞ və Fransa kimi stimullaşdırıcı ölkələrin üzərində olacaq.

Məsələ ondadır ki, ABŞ Ukrayna savaşının sülh masası arxasında nizamlanma imkanlarını bloklamaqda davam edir. Fransa isə NATO-nun Rusiyaya qarşı müharibədə birbaşa iştirakını təmin etməyə cəhd göstərir. Rəsmi Parisin Ukraynaya NATO hərbi kontingentinin göndərilməsində israr etməsi bu hərbi-siyasi alyansın Rusiya ilə savaşa bulaşma ehtimalını gücləndirir. Və Qərbdə artıq bu təhlükəyə kifayət qədər ciddi yanaşmağa başlayıblar.

Maraqlıdır ki, Macarıstan baş naziri Viktor Orban NATO-nun Ukrayna savaşında yeni hərbi missiyasının ola biləcəyini bəyan edib. Ancaq baş nazir Viktor Orban onu da vurğulayıb ki, Macarıstan NATO-nun Ukraynadakı hərbi missiyasında heç bir halda, iştirak etmək niyyətində deyil. Bu baxımdan, məlumatlı Qərb mənbələrinin tədricən qlobal savaş planlarının mövcudluğuna yönəlik dolayısı eyham vurmağa başladıqları müşahidə olunur. Və belə anlaşılır ki, qütblərarası savaşda maraqlı olan Qərb siyasi dairələrinin mövcudluğu artıq inkaredilməz reallıqdır.

Bir neçə gün öncə isə digər Avropa ölkəsi Serbiyanın prezidenti Aleksandar Vuçiç də tezliklə qlobal savaşın başlayacağını vurğulamışdı. O, bildirmişdi, yaxın 3-4 ay ərzində dünya müharibəsi başlayacaq və bunun qarşısını almaq imkanları artıq demək olar, itirilib. Ona görə də, Serbiya hazırda ərzaq ehtiyatı toplamaqla məğşuldur. Və Serbiya prezidenti Qərb ölkələrini əsl reallıqları öz vətəndaşlarına açıq şəkildə anlatmağa da çağırmışdı.

Ancaq Ukrayna savaşı ətrafında yaranmış vəziyyətə daha diqqətlə yanaşdıqda, əslində, əlavə izahata da elə bir ehtiyac qalmamış kimi görünür. Çünki ABŞ və Qərbin son davranışları, Rusiyanın dərinliklərinə hərbi zərbələrin intensivləşdirilməsi demək olar ki, Ukrayna savaşının daha geniş areala yayılaraq, qloballaşmasına yönəlik təhlükəni ən yüksək həddə çatdırıb. Və Rusiya bu prosesə olduqca aqressiv reaksiya verməyə başlayıb.

Məsələ ondadır ki, prezident Vladimir Putin Ukrayna savaşının dərhal dayandırılması üçün Rusiyanın şərtlərini artıq rəsmən bəyan edib. Kreml sahibi bildirib ki, Ukraynanın işğal edilmiş əraziləri Rusiyanın nəzarətində qalmalıdır. Eyni zamanda, Ukrayna NATO-ya üzv olmamalıdır, neytral ölkə statusunda qalmalıdır və bu dövlətin ərazilərində hər hansı xarici hərbi baza yerləşdirilməməlidir. Və əgər, bu şərtlərin qəbul ediləcəyinə təminat verilərsə, Kreml rəsmi Kiyevlə sülh masası arxasında müzakirələrə hazırdır.

Digər tərəfdən, Kremlin Ukrayna savaşının qloballaşma təhlükəsinə qarşı da ehtiyat variantı mövcuddur. Belə ki, Rusiya ərazilərində ABŞ-ın nüvə bazaları olan Avropa ölkələrinə zərbə endirəcəyini bəyan edib. Rusiya israrla tələb edir ki, ABŞ Avropadakı nüvə bazalarını ən qısa zamanda ləğv etməlidir. Kreml bu halda, qütblərarası nüvə savaşının olmayacağına əminliyini də gizlətmir. Və bu, Rusiyanın artıq nüvə savaşına hazırlıq mərhələsinə keçid etdiyini də göstərir.

Onu da qeyd etmək lazımdır ki, Rusiya prezidenti Vladimir Putinin Şərq ölkələrinə - Çin, Şimali Koreya və Vyetnama ardıcıl səfərləri də Kremlin nüvə savaşına hazırlığa artıq başladığını təsdiqləyir. Düzdür, Çin sadəcə, Rusiyanı müdafiə etmək üçün ABŞ və NATO ilə qlobal və ya nüvə savaşına qatılmayacağını qətiyyən gizlətmir. Halbuki, rəsmi Pekin Çinin gələcək taleyinə birbaşa və real təhlükə yaranacağı təqdirdə, bundan çəkinməyəcəyinə də eyham vurur.

Kremlin Vyetnam seçimi isə bu ölkənin ABŞ-la tarixi düşmənliyi ilə əlaqələndirilir. Belə ki, Rusiya ilə strateji tərəfdaşlıqdan çəkinməyən Vyetnam kimi ölkələrlə yaxınlaşma ABŞ və Qərblə problemləri olan digər Şərq ölkələrini də cəsarətləndirə bilər. Nəticədə ABŞ və Qərb əleyhinə daha geniş hərbi-siyasi koalisiyanın reallaşmasının yolu açılar. Və bu baxımdan, Kremlin əvvəlcədən düşünülmüş strategiya ilə hərəkət etdiyi müşahidə olunur.

Xüsusilə də, prezident Vladimir Putinin Şimali Koreyaya səfər etməsi Qərbdə ciddi narahatlıq doğurub. Belə ki, Şimali Koreya beynəlxalq sanksiyalarla dünyadan təcrud edilmiş bir ölkədir. Üstəlik, Şimali Koreya nüvə başlıqların və digər kütləvi qırğın silahlarına sahibdir. Və Şimali Koreya hazırda ABŞ-a qarşı ən ciddi hərbi təhlükə qaynağı hesab olunur.

Bunun əsas səbəbi onunla bağlıdır ki, Şimali Koreya ABŞ-ın ən nəhəng şəhərlərinə dəqiq nüvə zərbəsi endirmək imkanlarına da malikdir. Üstəlik, rəsmi Pxenyan ABŞ-ı açıq şəkildə təhdid etməklə, bunu qətiyyən gizlətmir. Hər imkanda Şimali Koreya ABŞ-a nüvə zərbəsi endirməkdə tərəddüd göstərməyəcəyini açıq şəkildə biruzə verir. Və bu baxımdan, Kreml üçün Rusiya-Şimali Koreya strateji tərəfdaşlığı Qərbə qarşı ortaq müqavimət baxımından, həlledici faktorlardan sayılır.

Məsələ ondadır ki, rəsmi Pxenyan Rusiyanın NATO tərəfindən birbaşa hədəfə alınacağı və məğlub olunacağı təqdirdə, Şimali Koreyanın da mövcudluğunun böyük təhlükə altına düşə biləcəyini anlayır. Ona görə də, rəsmi Pxenyan Rusiyanın məğlub situasiyaya düşəcəyi və Kremlin nüvə silahından istifadə etmək qərarı verəcəyi halda, dərhal hərəkət keçə bilər. Yəni, Şimali Koreyanın ABŞ-a birbaşa nüvə zərbəsi endirməklə, Rusiyanı vəziyyətdən çıxarıb, xilas etməyə çalışacağı qətiyyən istisna deyil.

Bu baxımdan, ehtimal etmək olar ki, əgər, Ukrayna savaşı daha geniş areala yayılarsa, Şimali Koreya kənarda qalmayacaq. Hətta böyük ehtimalla ilk nüvə zərbəsinin də məhz Şərqdən – Şimali Koreyadan endirilə biləcəyi qətiyyən istisna deyil. Belə ki, Şimali Koreyanın nüvə zərbəsinə eyni vaxtda üç ölkə - ABŞ, Yaponiya və Cənubi Koreya məruz qala bilər. Və bu halda, Çinin də nüvə müharibəsinə qatılmaqdan başqa çıxış yolu qalmayacaq.

Belə anlaşılır ki, dünya qütblər arasında qlobal savaş təhlükəsi artıq tamamilə inandırıcı görüntülər almaqdadır. Üstəlik, əgər, qlobal savaş nüvə müharibəsinə çevrilərsə, Rusiya bunu Şərqdən başlatmaq niyyətindədir. NATO baş katibi Yens Stoltenberqin alyans ölkələrini nüvə başlıqlarını döyüşə hazır vəziyyətə gətirilməsini müzakirə etməyə çağırması da situasiyanın nəzarətdən çıxmaq üzrə olduğunu göstərir. Və bu baxımdan, dünyanın dəhşətli fəlakətdən xilas etmək üçün zamanın daraldığı qətiyyən şübhə doğurmur.(Yeni Müsavat)

Twitter