 |
|
“ 12 dekabr böyük dövlət xadimi, müstəqil Azərbaycan dövlətinin memarı və qurucusu, Ümummilli Lider Heydər Əliyevin anım günüdür. Məhz Ulu Öndərin parlaq zəkası və siyasi uzaqgörənliyi ölkəmizi 1991-ci ildən 1993-cü ilə qədər davam edən hökumət və dövlət böhranından xilas etdi.1991-1992-ci illərdə ölkə rəhbərliyinin səriştəsizliyi, prinsipsizliyi və zəifliyi birbaşa xaricdən dəstək alan separatçı qüvvələrin güclənməsinə yol açmış, xüsusilə respublikanın şimal və cənub bölgələrində artıq yeni marionet dövlətlərin yaradılmasına bütün hazırlıqlar görülmüşdü. Ermənistanın silahlı qüvvələri isə, ölkəmizdə hökm sürən hərc-mərclikdən yararlanaraq Qarabağı və qərb rayonlarımızı güclü müqavimətlə rastlaşmadan işğal edirdilər. Artıq 1993-cü ilin yayında Azərbaycan faktiki olaraq vətəndaş müharibəsinin bir addımlığında idi.”Bu sözləri Milli Məclisin deputatı Kamaləddin Qafarov mətbuata verdiyi açıqlamasında deyib.
Deputat həmin mürəkkəb və həlledici dövrdə Yeni Azərbaycan Partiyasının yaradılmasını ölkənin mövcud böhrandan çıxarılması istiqamətində atılmış mühüm addım olduğunu vurğulayıb: “1992-ci il noyabrın 21-də Naxçıvanda keçirilən təsis konfransında Yeni Azərbaycan Partiyası təsis edildi və Ulu Öndər Heydər Əliyev partiyanın Sədri seçildi. Xalqın tələbi ilə Naxçıvandan Bakıya gələn Heydər Əliyev 1993-cü il iyunun 15-də Azərbaycan Ali Sovetinin sədri seçildi və iyunun 24-dən Milli Məclisin qərarı ilə Azərbaycan Respublikası Prezidentinin səlahiyyətlərini həyata keçirməyə başladı. 1993-cü il oktyabrın 3-də ümumxalq səsverməsi nəticəsində Heydər Əliyev Azərbaycan Respublikasının Prezidenti seçildi. Bu, Azərbaycan xalqını qurtuluşa aparan yolun ilk addım oldu. Ulu Öndərin rəhbərliyi altında dövlətçiliyin əsasları qoyuldu və ciddi islahatlara start verildi.”
K.Qafarov 1994-cü ilin sentyabrında imzalanmış “Əsrin müqaviləsi”ni ölkəmizin yeni iqtisadi inkişaf mərhələsinin təcəssümü kimi səciyyələndirib: “1993-2003-cü illərdə Azərbaycanın sürətli inkişafı bugünkü reallıqların bünövrəsini yaratdı. Ölkə daxilində başlanan islahatlar dövlətimiz üçün həlledici rol oynamışdır. 1994-cü ildə Azərbaycanın Dövlət Neft Şirkəti ilə 6 ölkənin 10 şirkəti arasında bağlanmış “Əsrin müqaviləsi” həm karbohidrogen ehtiyatlarının miqdarına, həm də qoyulan sərmayələrin həcminə görə dünyada bağlanan ən iri sazişlər siyahısına daxil edildi. “Əsrin müqaviləsi” Azərbaycanın dünya iqtisadi sistemindəki yerini müəyyənləşdirdi və növbəti mərhələlərdə daha 19 ölkənin 41 neft şirkəti ilə 26 müqavilənin imzalanmasına yol açdı. Bununla müstəqil Azərbaycanın demokratik inkişaf yolunda əmin addımlarla irəliləməsini təmin edən ən mühüm vasitə əldə olundu.”
Deputat “Heydər Əliyev İli”ndə əldə olunmuş ən əhəmiyyətli nailiyyətlərdən bəhs edərək deyib: “Bu gün Azərbaycan Ölkə Prezidenti, Müzəffər Ali Baş Komandan İlham Əliyevin uğurla inkişaf etdirdiyi Heydər Əliyev kursu ilə öz yoluna davam edir. Bu yolda əldə olunan parlaq qələbələr , ilk növbədə, ölkəmizin öz ərazi bütövlüyünü bərpa etməsi bir daha sübut etdi ki, xalqımız Ulu Öndərin misilsiz fədakarlığına, siyasi irsinə və bizlər üçün qoyduğu ən böyük mirası olan müstəqil Azərbaycan dövlətinə layiq xalqdır. Bu ilin sentyabr ayında isə Azərbaycan növbəti dəfə öz gücünü göstərməli oldu. Sentyabrın 19-da keçirilmiş antiterror əməliyyatı cəmi bir gün davam etdi. Azərbaycan Ordusu bu dəfə də peşəkarlıq və fədakarlıq göstərərək qısa müddət ərzində düşməni təslim olmağa məcbur etdi. Separatçıların 30 il bundan əvvəl bizim torpağımızda yaratdıqları qondarma rejim birdəfəlik ləğv edildi. Ölkəmizin suverenliyi tam bərpa olundu. Azərbaycan bundan sonra da möhtərəm Prezidentimizin rəhbərliyi ilə inkişaf edəcək, güclənəcək və heç bir qüvvə ölkəmizin getdikcə daha zəngin və çiçəklənən bir dövlətə çevrilməsi prosesinin qarşısını ala bilməyəcək”.
Yol-xeber.az" xəbər verir ki, 07.12.023-cü il tarixdə İsmayıllı rayon Heydər Əliyev Mərkəzində Azərbaycan Respublikası Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin Qəbələ Regional İdarəsinin və Dağlıq Şirvan Regional Mədəniyyət İdarəsinin təşəbbüsü, İsmayıllı rayon Heydər Əliyev Mərkəzinin, MİQİBDX-nin İsmayıllı nümayəndəliyinin və F.Əzimov adına Uşaq İncəsənət məktəbinin təşkilatçılığı, Mədəniyyət İşçiləri Həmkarlar İttifaqı İsmayıllı rayon Komitəsinin dəstəyi ilə “ Heydər Əliyev İli” çərçivəsində keçirilən silsilə tədbirlərin davamı olaraq "Ümumilli Lider Heydər Əliyev mədəni irsimizin keşiyində” başlığı altında Heydər Əliyev Mərkəzində tədbir keçirilmiş .
Həmin tədbirdə şagirdim Ayxan Əlili də uğurla iştirak etmişdir.
Yol-xeber.az" xəbər verir ki, Azərbaycan Respublikası Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin Qəbələ Regional İdarəsinin və Dağlıq Şirvan Regional Mədəniyyət İdarəsinin təşəbbüsü, Heydər Əliyev Mərkəzinin, Qəbələ Regional İdarəsinin İsmayıllı rayonu üzrə nümayəndəliyinin və F.Əzimov adına Uşaq İncəsənət məktəbinin təşkilatçılığı, Mədəniyyət İşçiləri Həmkarlar İttifaqı İsmayıllı rayon Komitəsinin dəstəyi ilə “2023-cü il Heydər Əliyev İli” çərçivəsində keçirilən silsilə tədbirlərin davamı olaraq "Ümumilli Lider Heydər Əliyev mədəni irsimizin keşiyində” başlığı altında Heydər Əliyev Mərkəzində tədbir keçirilmişdir. Tədbir Ulu Öndərin mədəniyyət və incəsənət xadimlərinin iştirakı ilə keçirilmiş respublika səviyyəli tədbirdə və tarixi abidələrin açılışında çəkilmiş fotolardan ibarət sərgilər, dərnək uşaqları tərəfindən çəkilmiş fotoşəkillər və məktəb şagirdlərinin iştirakı ilə bədii qiraət müsabiqəsi, Uşaq Gənclərin İnkişafı Mərkəzinin dərnək üzvləri tərəfindən hazırlanmış abidələrin maketlərinin nümayişindən və F.Əzimov adına Uşaq İncəsənət məktəbi tərəfindən hazırlanmış rəngarəng musiqi nömrələri ilə davam etdirildi. Bədii qiraət müsabiqəsinin iştirakçıları Mədəniyyət İşçiləri Həmkarlar İttifaqı İsmayıllı rayon Komitəsinin fəxri fərmanları ilə mükafatlandırıldı.
Zəlzələ baş verir və Xəzərin dibi öz quruluşunu dəyişir. Yarğanlar, çuxurlar, dərin çalalar əmələ gəlir ki, bu da, xüsusilə yay aylarında hər birimiz üçün təhlükə deməkdir. Ona görə də dənizə gedərkən diqqətli olmalıyıq.
Bəlkə də elə bunun nəticəsidir ki, son bir neçə il ərzində yay fəslində dənizdə batanların sayı xeyli artıb. Çimdiyi ərazidən 1 metr kənarda batma təhlükəsi ilə üzləşənlər də az olmayıb.
Onu sözlərinə görə, Xəzərin dibində çox sayda müxtəlif tektonik qırılmalar, mikro - meqa bloklar var. Yəni dənizin dibi mürəkkəb bir struktura malikdir.
Qulam Babayev bildirir ki, bloklardakı oyanmalar bu ildən başlayıb və 2024-cü ildə də müşahidə olunacaq.
Daha ətraflı videomaterialı təqdim edirik:
Azərbaycanda hazırda qızılca ilə bağlı vəziyyət stabildir.
APA xəbər verir ki, bunu TƏBİB İdarə Heyətinin sədri Vüqar Qurbanov deyib.
Onun sözlərinə görə, qızılcaya yoluxma halları ilə bağlı tibb müəssisələrinə vətəndaş müraciətləri var:
"Vətəndaşların müraciətlərinə əsasən infeksion və yoluxucu şöbələrimiz tam hazır vəziyyətdədir. Həm ambulator, həm də stasionar müraciətlər edilir. Xəstələrin vəziyyəti dəyərləndirilir və ehtiyac olduğu halda stasionar müalicə üçün yerləşdirilir. Digərləri isə ambulator olaraq evdə həkim nəzarəti altında saxlanılır".
Dənizdə gəmidə baş vermiş qəza barədə müvafiq icra hakimiyyəti orqanının müəyyən etdiyi orqana (quruma) məlumat verilməməsinə görə cərimə müəyyənləşir.
“Bu, Milli Məclisin bu gün keçiriləcək iclasında müzakirəyə çıxarılacaq İnzibati Xətalar Məcəlləsinə təklif edilən dəyişiklikdə əksini tapıb.
Layihəyə əsasən, dənizdə gəmidə baş vermiş qəza barədə müvafiq icra hakimiyyəti orqanının müəyyən etdiyi orqana (quruma) məlumat verilməməsinə görə fiziki şəxslər üç yüz manat məbləğində, vəzifəli şəxslər beş yüz manat məbləğində, hüquqi şəxslər iki min manat məbləğində cərimə ediləcək.
Yol-xeber.az" xəbər verir ki, Bu gün yerli vaxtla saat 08:16-da Xəzər dənizində baş vermiş və maqnitudası 5,6 olan zəlzələdən dərhal sonra Azərbaycan Avtomobil Yolları Dövlət Agentliyinin müvafiq strukturları gücləndirilmiş iş rejiminə keçiblər.
Agentliyin mütəxəssisləri tərəfindən yol infrastrukturuna baxış keçirilib, süni mühəndis qurğularının (körpülər, keçidlər, tunellər və s.) vəziyyəti yoxlanılıb. Yoxlamalar zamanı yol infrastrukturunda heç bir ziyan müşahidə edilməyib.
Yoxlamaların günün sonunadək davam etdirilməsi nəzərdə tutulub.
Qeyd edək ki, zəlzələ ilə əlaqədar agentliyin balansında olan bütün körpü və yolötürücülərinə, yeraltı və yerüstü keçidlərə, tunellərə nəzarət daha da gücləndirilib.
YOLUNUZ AÇIQ OLSUN…
Dövlət Turizm Agentliyi tərəfindən Azərbaycan Şimal - Mərkəz Regionu "Turizm Destinasiya Menecmenti Planı" lahiyəsi çərçivəsində Basqal Resort & SPA Mərkəzində keçirilmiş tədbir baş tutub.
Bir neçə istiqamət üzrə yaşayış binalarında əhalinin təşvişə düşüb tərk etməsi halı nəzərə alınaraq əraziyə xidmət qrupları cəlb edilib.
Bunu Daxili İşlər Nazirliyinin mətbuat xidmətinin rəisi Elşad Hacıyev deyib. O bildirib ki, əhalinin təşviş içərisində evlərini tərk etməsi nəticəsində yanğın təhlükəsizliyi və s. neqativ halların baş verməməsi üçün nəzarət tədbirləri görülüb.
"Oğurluq və xoşagəlməz hallarla bağlı bir dənə də olsa, fakt daxil olmayıb.
Bütün zəruri tədbirlər davam etdirilir"- o deyib.
Seysmik rayonlaşdırılma xəritəsinin hazırlanması üçün FHN-lə birlikdə yapon mütəxəssislərinin iştirakı ilə gələn il işə başlayacaq.
Bu sözləri AMEA nəzdində Respublika Seysmoloji Xidmət Mərkəzinin baş direktoru, professor Qurban Yetirmişli deyib.
"Bundan əlavə, şəhərsalma, yerli icra orqanları , Ekologiya və Təbii Sərvətlər Nazirıiyi ilə razılıq əldə olunub və bu barədə işlər gedir",- deyə o söyləyib.
FHN Tikintidə Təhlükəsizliyə Nəzarət Dövlət Agentliyinin rəis müavini Elxan Əsədov isə əlavə edib ki, seysmik rayonlaşdırma xəritəsi əsasən, Bakı şəhəri Abşeron yarmadasını əhatə edəcək.
FHN rəsmisi bildirib ki, sözügedən xəritədə Bakıda, məsələn, 7-8 bal gücündə zəlzələ baş verdiyi təqdirdə ola biləcək seysmik risklər də əhatə olunacaq.