 |
|
Bakının Sabunçu rayonu ərazisində qəzalı vəziyyətdə olan binanın sakinləri acınacaqlı vəziyyətlə üzləşiblər.
Bu barədə sakinlər baku.ws-in "qaynar xətti"nə müraciət ediblər.
Məsələ ilə bağlı aidiyyəti qurumlara müraciət etsələr də, onlara bu istəklərinin nə vaxt reallaşacağı barədə cavab verilməyib.
Bakı şəhəri Sabunçu Rayon İcra Hakimiyyətinin mətbuat xidmətindən bildirilib ki, qəzalı bina barədə məlumatlıdırlar:
"Bakı şəhəri üzrə qəzalı vəziyyətdə olan binaların siyahısı hazırlanaraq adiyyəti qurumlara göndərilib. Hazırda rayon ərazisində qəzalı vəziyyətdə aktı tərtib olunan binaların sayı 19-dur. Bu binalara Fövqəladə Hallar Nazirliyi akt tərtib edib. Digər tərəfdən 17 binanın isə təmir-bərpa işlərinə ehtiyaclı olması müəyyən edilib. Ümumilikdə isə qəza aktı olmayan 177 bina var. Onlar barədə siyahılar tərtib olunaraq adiyyəti qurumlara təqdim edilib və bu barədə qərar veriləcək".
Artıq yeni tədris ilinin başlamasına sayılı günlər qalıb. Buna baxmayaraq əksər valideynlər hələ də övladlarına məktəbli forması ala bilməyiblər.
BAKU.WS xəbər verir ki, bu gün səhər saatlarında Bakı Tikiş Evinin önündə böyük izdiham yaşanıb. Bu barədə görüntülər saytın "Qaynar xətt"inə daxil olub.
Bundan başqa, Bakı Tikiş Evinin rəsmisi bu il yalnız ibtidai sinifləri forma ilə təmin edə bilmək imkanlarının olduğunu bildirmişdi.
“Sertifikatlaşma prosesindən öncə gedən dedi-qodulara baxmayaraq, 98 faiz müəllim sertifikasiya prosesində iştirak etdi”.
Report xəbər verir ki, bunu elm və təhsil naziri Emin Əmrullayev deyib.
Nazir sertifikasiyada iştirak edən müəllimlərə təşəkkür edib:
“Prosesin sonunda yaxşı nəticələrlə qarşılaşdıq. Artıq minlərlə müəllimin sentyabrdan başlayaraq əməkhaqlarında əlavələr olacaq”.
Sentyabrın 9-da gözlənilən hava şəraiti açıqlanıb.
Milli Hidrometeorologiya Xidmətindən verilən məlumata görə, Bakıda və Abşeron yarımadasında dəyişkən buludlu olacağı, arabir tutulacağı gözlənilir.
Səhər və axşam yarımadanın bəzi yerlərində qısamüddətli yağış yağacağı ehtimalı var. Mülayim şimal-qərb küləyi əsəcək.
Havanın temperaturu gecə 18-20° isti, gündüz 24-27° isti olacaq. Bakıda gecə 18-20° isti, gündüz 24-26° isti olacaq. Atmosfer təzyiqi 764 mm civə sütunundan 761 mm civə sütununa enəcək. Nisbi rütubət 60-65 % olacaq.
Azərbaycanın rayonlarında hava əsasən yağmursuz olacaq. Lakin gündüz bəzi şərq rayonlarında şimşək çaxacağı, arabir yağış yağacağı gözlənilir. Mülayim şərq küləyi əsəcək.
Havanın temperaturu gecə 15-19° isti, gündüz 23-28° isti, dağlarda gecə 4-9° isti, gündüz 11-16° isti olacaq.
Bu yaxınlarda sabiq nazirlərimizdən biri demişdi ki, “vəzifə ancaq stressdir, əlavə yükdür”. Bəlkə də elə buna görə vəzifəsini itirən məmurlar bir qayda olaraq dərhal hansısa xəstəliyə düçar olurlar. Halbuki, vəzifədə olarkən onların sağlamlığı haqında ən xırda informasiya belə eşidilmir.
Vəzifə itirildikdən sonra insan niyə xəstələnsin ki?
Tanınmış psixoloq Gülnar Orucova Bizim.Media-ya açıqlamasında bildirib ki, bunun həm psixoloji, həm də fiziloji səbəbləri var.
Çünki, hər zaman diqqət mərkəzində olan, müstəsna səlahiyyətlərə və komforta malik şəxsin birdən-birə hər şeyi itirməsi onda ciddi psixoloji pozuntular yaradır:
“Çox görmüşəm ki, vəzifə adamları daha kobud və qaba olur. Sanki bu adamlar vəzifəyə ancaq başqalarını əzmək və başqalarına hökm etmək üçün gəliblər. Vəzifəsini itirəndə bu hökm, möhür əldən gedir, uzun müddət barışa bilmir vəziyyətlə və xəstələnib yatağa düşür. Vəzifədə gərgin iş rejimi faktorunu mən qəbul etmirəm. Çünki, gərginlikdə işləyən adam vəzifədən çıxanda rahatlanmalıdır, relaks olmalıdır. Amma bizdə vəzifənin həyatda çox şey həll etdiyini bildiklərinə və bu hökmranlığı itirdiklərinə görə xəstə düşürlər. Bu sırf psixoloji problemdir, hansısa xroniki xəstəliklə bağlı deyil”.
Məsələyə tanınmış həkim Aydın Əliyev də rəy bildirib:
“Vəzifə adamı əsasən bütün enerjisini konkret məqsədinə səfərbər edir. Davamlı stres, həyəcan vəzifə adamı üçün adi haldır. Vəzifədə olanda bunu nə iləsə “kompensasiya” edirlər. Amma vəzifəni itirəndə uzun illər orqanizmdə gedən neqativ prosesər özünü biruzə verir. Bildiyiniz kimi, bütün xəstəlikləri immun sistemi idarə edir. Vəzifə adamı bütün gücünü nəyəsə səfərbər edir, amma işdən çıxanda artıq səfərbər olmağa istiqamət qalmır. Ona görə də bu günki, məmurların əksəriyyəti gələcəyin potensial xəstəsidir”.
Vahid Dispetçer Xidmətinin bu gün səhər pik saatlarına olan məlumatına əsasən paytaxtın müxtəlif ərazilərində müşahidə olunan nəqliyyat sıxlıqları səbəbindən 34 müntəzəm marşrut xətti üzrə 83 avtobusun hərəkət intervalında gecikmələr var.
Bu barədə Bakı Nəqliyyat Agentliyi məlumat yayıb.
1. Bakı-Sumqayıt şosesi - Moskva prospekti – Tbilisi prospekti şəhər istiqamətində 2, 7A, 13, 14, 18, 29, 67, 83, 92, 96, 114A, 114B, 119, 135 və 199 nömrəli müntəzəm marşrut xətlərindəki avtobuslararası intervallarda 15-20 dəqiqə gecikmə müşahidə olunur.
2. Zabrat şossesi – şəhər istiqamətində 40, 131, 163, 216, 217 və M8 nömrəli müntəzəm marşrut xətlərindəki avtobuslararası intervallarda 13 -15 dəqiqə gecikmə müşahidə olunur.
3.Ziya Bünyadov prospektinin, Müzəffər Nərimanov küçəsi ilə kəsişməsindən başlayaraq köməkçi yol, eyni zamanda, M.K.Atatürk prospekti ilə kəsişməsindən Azadlıq prospekti ilə kəsişməsinə qədər olan hissə - köməkçi yolda 20 Yanvar dairəsi istiqamətində eyni zamanda əks istiqamətdə 7A, 7B, 11, 24, 67, 71, 85 və 199 nömrəli müntəzəm marşrut xətlərindəki avtobuslararası intervallarda gecikmə 12-17 dəqiqə gecikmə müşahidə olunur
4.Abdulvahab Salamzadə küçəsi - Ziya Bünyadov prospekti istiqamətində 7A, 7B, 61, 67, 83, 199 və 211 nömrəli müntəzəm marşrut xətlərindəki avtobuslararası intervallarda 14 -18 dəqiqə gecikmə müşahidə olunur.
5. Binəqədi şosesi – şəhər istiqamətində sıxlıq. Bu səbəbdən də həmin ərazidən keçən 71, 79, 133, 165, 179, 202 nömrəli müntəzəm marşrut xətlərindəki avtobuslararası intervallarda 9-12 dəqiqə gecikmə müşahidə olunur.
AzTV Azərbaycanın nəzarətinə keçən Laçın şəhərində ermənilərin qəbiristanlıqları yandırdıqları ilə bağlı reportaj hazırlayıb.
"Vandal zehniyyətin daha bir nümunəsi: ermənilər Laçında məzarlıqları yandırdılar" adlı reportajda ermənilərin Laçın şəhərini tərk etməmişdən buradakı evlər, yaşayış binaları, meşələr və hətta qəbiristanlıqlara od vurduğu əks olunur.
Fotojurnalist burada ermənilərin azərbaycanlıların qəbirlərini təhqir etməsini, onların şəhərdə yandırdıqları evləri, meşələri və qəbiristanlıqları lentə alıb.
R.Deqati bildirib ki, Azərbaycan torpaqlarının ermənilər tərəfindən 30 illik işğalı zamanı 1 milyona yaxın azərbaycanlı öz evlərini tərk etmək məcburiyyətində qalıb, həmçinin ermənilər azərbaycanlıların qəbiristanlıqlarını yandırıb, evlərini talan ediblər. Buradakı azərbaycanlıların qəbirləri qazılıb və onların qızıl dişləri çıxarılıb.
Reportajı təqdim edirik:
“Soyuq atmosfer cəbhələrinin ölkə ərzisindən keçməsi havanın temperaturunun xeyli enməsi ilə yanaşı, intensiv leysan yağışlarına səbəb olub. Hətta bəzi bölgələrdə cəmi iki gündə yağıntının aylıq norması təmin edilib”.
Bu barədə Ekologiya və Təbii Sərvətlər Nazirliyinin Milli Hidrometeorologiya Xidmətinin rəisi Umayra Tağıyeva bildirib.
O qeyd edib ki, yağıntının miqdarı Lənkəranda 80 mm (aylıq normanın 136 faizi), Astarada 59 mm (aylıq normanın 117 faizi), Şəkidə 62 mm (aylıq normanın 74 faizi), Zaqatalada 49 mm (aylıq normanın 42 faizi), Qaxda 46 mm (aylıq normanın 55 faizi), Oğuzda 45 mm (aylıq normanın 33 faizi), Balakəndə 42 mm (aylıq normanın 36 faizi), Qəbələdə 33 mm (aylıq normanın 28 faizi), Yardımlıda 29 mm (aylıq normanın 23 faizi) qeydə alınıb:
“Sentyabrın 6-da saat 21:15 radələrində Gədəbəy rayonu ərazisinə diametri 12 mm olan dolu düşüb. Havanın temperaturu iqlim normasından 4,6 dərəcə aşağı olub. Ölkə ərazisində müşahidə olunan qeyri-sabit, fasilələrlə yağıntılı hava şəraiti sentyabrın 8-i gündüzədək davam edəcək”.
Xidmət rəisinin sözlərinə görə, oxşar proses son 10 ildə 2016-cı ilin sentyabrın birinci ongünlüyündə qeydə alınıb.
Ötən (2021-2022-ci) tədris ilində Bakı məktəblərində 11 direktor işdən çıxarılıb, 34-ü intizam məsuliyyətinə cəlb olunub, 33-nə isə xəbərdarlıq edilib. Bu dövrdə 56 direktor müavini işdən çıxarılıb, 10-na xəbərdarlıq edilib.
“Report” xəbər verir ki, bunu Bakı Şəhəri üzrə Təhsil İdarəsinin (BŞTİ) müdiri Mehriban Vəliyeva təhsil işçilərinin sentyabr konfransında çıxışı zamanı deyib.
O qeyd edib ki, ötən tədris ilində Bakıda 39 direktor işə qəbul olunub. Onlardan biri şəhid və ya qazi ailələrinin üzvü olub. 113 direktor müavini və 2550 müəllim işə götürülüb.
Son bir ayda Bakıda 5 122 uşaq elektron sistem vasitəsilə bağçaya qəbul edilib.
“Report” xəbər verir ki, bunu Bakı Şəhəri üzrə Təhsil İdarəsinin (BŞTİ) müdiri Mehriban Vəliyeva təhsil işçilərinin sentyabr konfransında çıxışı zamanı deyib.
O qeyd edib ki, bu il 41 087 uşaq paytaxtda fəaliyyət göstərən bağçalarda təlim-tərbiyəyə cəlb olunub: "Onların tərbiyəsi ilə 4 299 müəllim məşğul olur".
M.Vəliyeva bildirib ki, idarənin tabeliyinə 348 bağça keçib: "Onlardan 8-nin fəaliyyəti dayandırılıb. Ümumi bağçalardan 264-ü körpələr evidir. 4 bağça əsaslı təmir olunub, 18 bağçada cari təmir işləri başa çatdırılıb".